26/08/2025
انا دبا عام باش تزوجت راجلي لاقاتنا الخدمة ولكن عمر تلاقينا ولا هدرنا تا صيفطلي واحد النهار مني تفاهمنا ف شهرين درنا تعارف و خطبة و زواج فالاول كان كلشي مزيان حتى واحد نهار كتاشفت انه كيشرب دوزتها من موراها مني وليت كنخاصم على هادشي مبقاش كيگولي و فين غيولي المشكل هو فاش غنولد انا طرالي مشكل مع مو و ختو و هو سيد مبقاش كيبات فالدار على اساس الصداع و هو خدام خدا الكونجي و داني لدارنا و سافر هو مع صحابو و انا مكنگول والو تال واحد النهار كنقلب فيسبوك ديالو و انا لقاه كيدوي مع البنات و هو لي كيسيفط ليهوم وكيدير معاهوم باش يتلاقاو سكت و مگلت والو موراها غلقى ف تيليفونو واحد الفيديو هو لي مصورو واحد البنت لبسة كلشي معري فطوموبيل د صاحبو فواحد الخلا فاش دويت گالي نتفارقو و انت لي كتقلبي على المشاكيل و متقلبيش تيليفون انا فاش شفت راسي مقدرتش نخلعو بردت و سكت صافي دازت دبا مؤخرا فاش مشيت لدارنا ولا كيكدب عليا عرفت بلي كيمشي يشرب هو واحد خونا و كانو معاهوم البنات وكانو كاريين دار و انا داك نهار فاش صونيت عليه گالي انا فالقهوة مهم من هادشي كولو انا عارفاه كيخوني دبا بغيت غي نعرف شي طريقة لي نقدر نرجعو للطريق
بس الناس لي غيگولو ليا طلقي و تفارقي معاه انا عندي توأم فعمرهوم شهرين و كيبقاو فيا و صعيب بزاف نطلق و دار الوليدين تا هوما على قد الحال يلاه مكافيين مع الوقت انا كنطلب الله يهديه و يبعد على هاد الطريق حيت واحد النهار غيتقادا صبر
#زفاف #علاقات #رسائلكــــــــم
#رسائلكــــــــم #قصصواقعية
