10/03/2025
دابا واش كاين كثر من هاد الرسائل الربانية اللي كتوصلنا هاد الأيام؟ واش كاين كثر من هاد البشائر وهاد الخيرات اللي عاطينا الله سبحانه وتعالى المطر بالليل والشمس فالنهار، النهار كامل الشمس وبالليل المطر! وهادي كاينة فحديث نبوي، قال فيه الرسول ﷺ: "لو اتقيتم الله حق تقاته، لأنزل عليكم المطر بالليل، ولأطلع عليكم الشمس بالنهار، وما سمعتم صوت الرعد". يعني غادي تنعس مرتاح، لا رعد لا برق، وتصبح تشوف الخيرات تبارك الله، كيف ما كنشوفو دابا.
وزيدكم كثر! هاد الصباح خرجت ولقيت واحد المجموعة ديال النمل الطيّار قدام الدار. وكيقولوا، إلا شفتو هاد النمل لي كيطير عرف باللي العام الفلاحي غادي يكون مزيان، وبداية عام زوين إن شاء الله.
صافيو القلوب، تصالحو مع راسكم، ربي سبحانه وتعالى كيعطينا الخيرات، وعاطينا خير كبير. شوفو الغلاء بدى كينقص، والرخا غادي يرجع بإذن الله. كلشي غادي يتبدل للأحسن إن شاء الله، والله ييسر!
