21/09/2024
تتقراي شي مشاكيل تتصدمي مكتبقاي تعرفي بنادم تركيبتو ودماغو كيفاش داير زعما لاااا حول ولا قوة إلا بالله العلي العظيم
#مشكلة
سلام لبنات ليوم وقع لي واحد لبلان معمري ننساه ومعمرني توقعت شي نهار غيوقع لية هكا كلي كنترعد وشبعت بكا أنا ومرات لوسي ساكنين فمدينة وحدة وكل وحدة بدارها وحنا مفاهمين بزااف هيا بنت ناس الله إعمر ليها دار وحتى أنا ممقصراش بنت دارنا فيما تحتاجني كتلقاني هيا كبيرة علية وعندها لولاد أنا مزال يلاه عام ديال زواج مرة مرة كتعرض علينا أنا وراجلي وكنمشيو ناكلو نضحكو عادي فحال الخوت كنا عايشين بخير وديما راجلها تيكون حاضر واليوم جمعة صونات علية كالت لية دوزي لغدا راني كيف العادة غاندير كسكسو كلت ليها وخا نقضي شي غراض ونجي فعلا كملت شغلي ومشيت بوحدي حيت هاد نهار راجلي مكاينش مشى لخدمتو دخلت عندها عونتها فداكشي لي بقا ضحكت معا دراري كيف العادة حتى وصل لغدا حطينا جا لوسي وهو غير معصب تعجبت شوية حيت ماشي من عاتو ولكن مكلت والو كلت لا ربما الخدمة أو كاين شي موشكيل بناتهوم ماشي من حقي ندخل هو دغيا كلا وناض وحنا كلينا بشوية علينا وحنا مجمعين شوية وهو يجي كلينا واش مناوينش تفرقو هاد جقلا ضريتوني فراصي وهو يزدح لباب اوخرج وحنا بقينا كنتعجبو جمعنا طبلا وغسلت لمواعن كيف العادة ومشيت لداري وهو إتبعني بطموبيل ديالو حبس علية طريق وشدني من كتافي سيد ولا وجهو حمر وبغا يشنق علية كالي أنا راني كنبغيك واش مكتفهميش راني كنتعدب وكل مرة كتجي فيها قلبي كتشعل فيه العافية أنا تصدمت كلت ليه واش نتا مريض أنا راني مرات خوكك الحمار بدا كيغوت كالية أنا غنوريك حمار علاش قاد ومشيت خليتو جريت لدار وكولي كنترعد ومعى العلم أنا كنلبس طويل لباس محتارم ييه أنا زينة وعندي فورمة ولكن عارفة بني وبين الله كنعتابرو خويا معمرني هزيت فيه العين أشنو ندير واش نصارح راجلي خفت إوقع شي موشكيل نسكت وندير فحال إلى موقع والو نخاف إدير لية شي حاجة نصحوني فعمري 22
