18/04/2025
رساله خاصه #الوسام
فات بزاف على آخر مرة كتبت لك شي رساله خاصه ما بقيتش كتبت حيت وصلت لمرحلة ما بقيتش باغي نكتب باغي نهضر معاك ف إتصال ونشوفك و نعرف اخبارك منك مباشره
أنا خديت نمره ديال الوالده ديالك من عند خالك باش نعمل الخطوه الشرعية و نحسموا الامر و ينتهي اللغط فالموضوع بصفة نهائية ما تواصلتش معاها لسبب بسيط بغيت حتى نعمل صدقه جاريه تقرب من الله باش يوفقنا للخير و يسر لنا فالحلال عاد نتاصل بها
كنت غادي نعملها فرمضان ولكن كنت مشغول بزاف مع الخدمة
باغي نعمل مجموعة مصاحف بالمسجد ولكن ماشي فتطوان أو شي مدينة باغي يكون فقرية و كدلك توزيع مصاحف فقرية جبلية على الأقل نضمن شي جوج مصاحف يتقراو مره مره الله يسمحلنا هاد الزمان الناس هجرت القران و اليقين بالله قلال و قليل لي كيقرا القران في المسجد نادراً ما يوم الجمعة أو قبل صلاة العشاء
لا حول ولا قوة الا بالله الله يلطف بنا
نتينا عارفه مزيان أنني ما باغي حتى لحظة أو جملة أو حتى فكرة تكون حرام ما باغيش نشبرلك فيدك و نحس أنني كنسرق أو نتخبع باش نخرج معاك أو تكون بيني و بينك نوايا حرمها الله من أجل طهارة الرابط النفسي و الروحي و الجسدي و البركه و التوفيق من عند الله
كيفما ديما كنقولك أنا عندي بنت الناس خط احمر لي كيتخبع و يتصاحب معاها كيقلل من قدرها و ناقص رجولة اصلا تقدر تحسبوا مبدأ
بنت الناس مجرد تسمية كتوصف العفيفة المحصنة فقط و فين هي الرجولة ديال الواحد ملي يطلب منها تنازل على التحصن و العفه ديالها
ما علينا نهار لي غادي نوزع المصاحف غادي نبارطاجي و غادي نتواصل مع الوالده ديالك و لي كاتبوا ربي هو لي غادي يكون ان شاء الله
نتمنى انك تكون مزيانه و بألف خير ❤️🌹🌹
حالياً كين شي لغط و تشاش خاوي من هدوك الناس ما يهمكش نخليو المكتاب يقول كلمتوا لي يعرف يعرف الله و سلام عليكم ورحمه الله وبركاته.
#الوسام
