مع بشرى

21/12/2025

كيبكي حيث قطعات ليه شعر واش من حقها تشرط عليه هاد الشرط باش ارجعوا مع بعضياتهم 🤔🤔

21/12/2025

مباراة اليوم بين المغرب و جزر القمر شكون كتوقعوا غيربح

27/11/2025

أنا راجل، عمري ما كنت نتصور أن حياتي غادي تدخل فهاد الطريق.
تعرفت على واحد المرا مطلقة، ومن أول لقاء حسيت بشي حاجة مختلفة.
كانت إنسانة هادئة، متربية، بنت ناس، وكتحمل فوجهها آثار ديال المعاناة ولكن حتى القوة.
مع الوقت، العلاقة بيناتنا كبرت، وولات بحال المزوجين، كنعيشو لحظات ديال الحب والحنان، وكنت كنحس أن هادي هي المرا اللي غادي نكمل معاها حياتي.

هي كتبغيني وأنا كنحبها، ماشي مجرد نزوة ولا علاقة عابرة، ولكن حب حقيقي.
كنت كنقول مع راسي:
"علاش لا؟ نسترها ونستر راسي، ونبني معاها دار وعائلة."

ولكن المشكل بدا ملي قلت لصاحبي:
"بغيت نتزوج بفلانة، راه بنت ناس، وكتستاهل."

جاوبني بكلام صادم، قال ليا:
"إلى تزوجتي بيها راك حميدة ستار، أي مطلقة ما تصلحش للزواج. غير دير معاها داكشي بلا زواج، كون كان فيها الخير كون بقات مع راجلها."

الكلام ديالو جرّحني بزاف، حسيت أنه كيحقرها، وكيحقرني حتى أنا.
أنا كنشوفها إنسانة تستاهل الحب والاحترام، وهو كيشوفها مجرد مطلقة ما تصلحش.

من داك النهار وأنا محاصر بين جوج عوالم:
- عالم ديال الحب اللي عايش مع هاد المرا، اللي كتبغيني وكنبغيها، وكنحلم نبني معاها دار وعائلة.
- وعالم ديال كلام الناس، اللي كيبقاو يحكمو بلا ما يعرفو الظروف، بلا ما يعرفو الحقيقة.

كنسول راسي كل ليلة:
- واش نسمع لصاحبي ونخلي كلام الناس يفرق بيني وبينها؟
- ولا نسمع لقلبي ونكمل معاها، حيث الحب ما كيعرفش مطلقة ولا عازبة؟

هي مطلقة، ولكن هادشي ما كيمنعش أنها تكون مرا صالحة، مرا كتستاهل تعيش حياة جديدة، وتلقى راجل يقدرها.
أنا ما كنشوفش الماضي ديالها، كنشوف الحاضر اللي عايش معايا، والمستقبل اللي بغيت نبنيه معاها.

اليوم أنا كنكتب هنايا باش نسمع آراءكم.
واش بصح المطلقة ما تصلحش للزواج؟
ولا الحب والنية الصافية يقدروا يغلبو على كلام الناس؟

الخوت، ديرو راسكم فبلاصتي، شنو كنتو غادي تديرو؟
أنا محتاج كلمة صادقة، محتاج نصيحة تريحني.

#رسائلكم #طلباتكم
#منقول #قصص #مشكل #مشاكل #المغرب

26/11/2025

انا ماما عندها 45 عام والبارح ولدات ولد وهي عندها 5 بنات وأنا الكبيرة فيهم ومتزوجة. تخيلو جا عندنا عمي بلا حشمة بلا والو وقال ليها نهار كامل وانتي كتجري بحال الكلبة صافي حبسي فين غادة بيهم؟ وعماتي حتى هوما سمعو وجاو بهد..لوها، وماما ما بغاتش تقولها بابا. اليوم داني راجلي لدارنا لقيتها مسكينة مأزمة نفسيا و عاودات ليا اللي وقع، نضت لبست جلابتي ومشيت ليهم واحد بواحد ماخليت فيهم غير لي نسيت وزدت كملت مشيت لعمي ما خليت ما قلتلو، ومن بعد رجعت لدارنا. شحال بقات فيا ماما مسكينة.

#رسائلكــــــــم #قصص

11/11/2025

كل نهار كتلبس و تزوق للخدمة و اللباس ديالها مبقاش كيف الاول ، كتقول ليا خاصني تبان زوينة قدام المدير ، و انا مكنقرش ناقشنا بزاف حيت عندنا كريدي ديال الدار و الطوموبيل و كتخلص معيا و خايف نجبد معها هاد النقاش و لا تخرج من الخدمة و نحصل ، كنحس براسي ضعيف حيت كلشي فالعائلة كيشوفها شنو
كتلبس و الناس كتهدر بزاف خاصني شي حل نصحوني عافاكم الله يجازيكم بيخير

#رسائلكــــــــم #طلباتكم #قصص

02/11/2025

المغربي كيكون 0 درهم
البكا وشكا غير كتجبد ليه كونطرا البرا
يحضرلك 9 المليون فوق الطبلة حلل وناقش نتا 🤦‍♂️

10/10/2025

اللهم اغفر لي ولوالدي ولجميع المسلمين والمسلمات الاحياء منهم والاموات
🤲🏼🥀

10/10/2025

جمعة مباركة تقبل الله منا ومنكم صالح الاعمال ♥️🥀

09/10/2025

19/09/2025

الأشغال مازالت مستمرة في بناء كارفور بمدينة تامسنا

17/09/2025

اللهم اغفر لي ولوالدي ولجميع المسلمين والمسلمات الاحياء منهم والاموات 🤲❤️

12/09/2025

" يوماً ما ستقودك تجاربك الغريبة إلى رؤية النهايات، قبل تورطك في البدايات ."