07/11/2024
بزافت المقاولات الناشئة تتحتاج للتسويق والترويج كفما تتعرفوا حنا دبا في عصر السوشيال ميديا , هدشي خلا كبريات الشركات تتعتامد على ما يسمى بالتسويق الرقمي لأصبح بديل لتسويق التقليدي ليكيعتمد على طرق كالإعلان على الراديو او تلفزيون و الجرائد والإعلان في الشوارع والمنشورات هدشي مبقاش تيعطي نتيجة , هادشي علاش غنهدروا على التسويق الرقمي لاصبح الحل الأفضل للوصول للعملاء وزبناء في وقت وجيز , التسويق الرقمي تايعتامد على الويب والأنترنيت هدشي خلاه يكون في مواقع الأنترنيت في مواقع التواصل الإجتماعي وغيرها, التسويق الرقمي تيعتامد على الإشهارات في مواقع الإلكترونية عبر خدمة Google Ads لي كانت في سابق سميتها Google Adwords هاد الخدمة تتعطيك نتيجة كبيرة لأن الإشهارات ديالك تيبانو في المواقع لي فيها الإشهارات ديال google زيد عليها في الموقع الكبير Youtube هدشي تيخليك توصل عملاء وزبناء كفما نتا حددتيهم في الخدمة, كاين عوتاني Facebook Ads لي ولا تينافس Google Ads لما يتميز به من خدمات تتخليك توصل نتيجة زوينة ومزيانة تتوصل للعملاء والزبناء للتتقلب عليهم بحالها بحال Instagram Ads , كاين تا Linkedin Ads لي تتكون بروفسيونال وتا تسيبلي ناس مثقفين ماشي بحال فيسبوك ادس , وكين TikTok Ads لي تتخليك توصل لشباب الا كان منتوج ولا خدمة ديالك تتستهدف هاد الفئة, وكين Email Marketing لي هو من بين أهم طرق التسويقية الرقمية لأنو تيوصل عند العميل او الزبون في البريد الإلكتروني ديالوا وتيستهدفوا, كاين SEO وهاد الخدمة تتكون مرتابطة بالمواقع الإلكترونية تتخليك من خلال كلمات مفتاحية في البحث توصل لعملاء جداد هم تيبحتوا عليك , كين التسويق بالمحتوى لتيلعب دور مهم لجلب العملاء وزبناء من خلال فيديوهات او مقالات عبر مواقع التواصل وغيرها , هادو من بين طرق التسويق الرقمي لي تقدر تخدم المشروع ديالك وتخليك توصل زبناء وعملاء نتمنا منكونش طولت عليكم ولي عندو شي سؤال يخليه في التعليق👇👇
