13/10/2025
منقول
هاد الشاب قصتو كتقطع القلب .. تخيل من رجل لباس عليه حتى ولا كيعيش التشـ..ـرد في زنقة بسبب مراتو، هاد السيد سميتو بدر تزاد وسط عائلة ميسورة تربا في عز واليديه مكان خاصو حتى خير قرا مزيان وخدم على راسو وقدر يولي مفتش في شركة لارام كان كيشد ف صالير ديالو 22 ألف درهم في الشهر كان مرتاح فحياتو و الوضعية المادية مريحة وملي توفـ..ـاو واليديه خلاو ليه ورث كبير لي منهم ديور في مدن مختلفة و جوج فيرمات وأملاك وحسابات بنكية يعني الحياة كانت مفتوحة قدامو من اوسع البيبان كان عايش بيخير وعلى خير مستقر ماديا ونفسيا ولكن الحياة تقلبات عليه رأس على عقب، من نهار تزوج بدر وكان كيضن انه لقا شريكة حياتو تكمل معاه الطريق ولكن للأسف الأمور مشات فطريق مكانش كيتوقعها، مراتو بطريقة خبيـ..ـثة ومدروسة كيفما كيقول هو خدات منو ما يقارب 900 مليون من بعد مشات طلقاتو وخلاتو معلق لا مال ولا زواج ولا استقرار، الشاب بدر فقد كولشي الفلوس وأملاك وحتى الخدمة ضاعت عليه مع كثر عليه الضغط والمشاكل النفسية لي تلحقات عليه حيت هادشي أثر عليه بزاف، تخيل من رجل ناجع وعندو سمعة وكولشي كيحتارمو ولا كيدوز ليالي ديالو في الشوارع فراشو هو الأرض وغطاه هو السماء أصبح بلا سكن ولا أمل ولا سند، قصة بدر كتألم بزاف ولكن وراتنا أن التيقة الزايدة كيفاش كدمـ..ـر الإنسان وخا يكون فقمة النجاح، بدر عطنا درس كبير في الحياة الفلوس كتمشي وكتجي ولكن راحت البال والصحة والناس لي فعلا كيبغيوك هما الرأس المال الحقيقي وخصنا ديما نبقاو رادين البال حيت حتى اقرب الناس ليك ممكن يغـ..ـدرو بيك، النجاح ماشي غير في المناصب والفلوس ولكن حتى في إختيارتنا في الصداقة او شريك الحياة دائما فكر بعقلك ماشي بقلبك حيت هاد الدنيا ماشي كولشي مضمون وغدا ممكن يكون مختلف بزاف على اليوم الله يدير ليك شي تأويل الخير أخويا بدر 💔🙏
