Direction Régionale des Transports et de la Météorologie Alaotra Mangoro

13/11/2024

𝗩𝗜𝗡𝗔𝗩𝗜𝗡𝗔𝗡'𝗡𝗬 𝗧𝗔𝗛𝗔𝗡'𝗡𝗬 𝗥𝗢𝗧𝗦𝗔𝗞𝗢𝗥𝗔𝗡𝗔 𝗠𝗔𝗡𝗗𝗥𝗜𝗧𝗥𝗔 𝗡𝗬 𝗧𝗘𝗟𝗢 (𝟯)𝗛𝗘𝗥𝗜𝗡𝗔𝗡𝗗𝗥𝗢, ny 11 Novambra hatramin'ny 01 Desambra 2024.
--------------------------
⚠️Ho kely ny tahan'ny rotsakorana na ho maina amin'ny ankapobeny hatramin'ny faha-24 Novambra 2024 na anatin'ny 2 herinandro ho avy saika manerana ny faritra rehetra.

⚠️ Tombanana fa mety ahazo rotsakorana manodidina ny tokony ho izy na mihoatra kely ny ankabezan'ny toerana ato anatin'ny Faritra Alaotra Mangoro mandritra ny herinandro farany ny volana Novambra 2024.

✅Tandremo!
Havaozina isa-kerinandro ity vaovao ity. Araho hatrany ny fivoarany mba tsy hilaozan'ny toetrandro.
----------------

13/11/2024

25/10/2024

ATRIKASA HO FILAZANA OFISIALY NY METY HO FIZOTRY NY TAOM-PAHAVARATRA SY NY VANIM-POTOANAN'NY RIVODOZA 2024/2025 ATO ANATIN'NY FARITRA ALAOTRA MANGORO, DISTRIKA AMPARAFARAVOLA.
---------------------
✅ Taorian'ny Distrika Ambatondrazaka ny Alarobia 23 Okotobra 2024 teo, dia notohizana tao Tanambe, Distrika Amparafaravola ny Alakamisy 24 Oktobra teo indray ny atrikasa ho filazana ny mety ho taom-pahavaratra ato anatin'ny Faritra Alaotra Mangoro.

✅ Izany dia notanterahina tao amin'ny ESPACE VAN TANAMBE izay nanasana ireo vahoaka tsy an-kanavaka sy ireo tangalamena ato anatin'ny Distrika Amparafaravola. Tonga nanotrona sy nanome voninahitra izany ireo manam-pahefana maro tany an-toerana izay notarihin-dRatoa Solombavam-bahoaka voafidy tao amin'ny Distrika Amparafaravola VOLOLOMBOHANGY Tsiriniaina Narindra. Tonga nitarika ireo ekipa avy ato amin'ny Fitaleavam-paritry ny Fitaterana sy ny Famantarana ny Toetrandro kosa Atoa Landry RAKOTOMANGA izay Talem-paritra eto anivon'ny Fitalevana Alaotra Mangoro.

✅ Ny tanjon'izao atrikasa izao moa dia ny mba ahafahana mihomana mialoha amin'ny fandrafetana ny paikady hanalefahana ny fihatraikan'ny fiovaovan'ny toetrandro amin'ireo seha-pihariam-pampandrosoana aty amin'ny Faritra, indrindra ny sehatry ny Fambolena amin'ny maha sompitry Madagasikara ny Faritra Alaotra Mangoro.
-----------

02/10/2024

𝙉𝙔 𝙈𝙀𝙏𝙔 𝙃𝙊 𝙁𝙄𝙍𝙊𝙉𝘼𝙉'𝙉𝙔 𝙏𝙊𝙀𝙏𝙍𝙔 𝙉𝙔 𝘼𝙉𝘿𝙍𝙊 𝙈𝘼𝙉𝘿𝙍𝙄𝙏𝙍𝘼 𝙉𝙔 𝙃𝙀𝙍𝙄𝙉𝘼𝙉𝘿𝙍𝙊-𝗇𝗒 𝟢𝟣 𝗁𝖺𝗍𝗋𝖺𝗆𝗂𝗇'𝗇𝗒 𝟢𝟨 𝖮𝗄𝗍𝗈𝖻𝗋𝖺 𝟤𝟢𝟤𝟦
----------------------------
✅Tsiokan'ny Alizay malefaka no handrafitra ny toetry ny andro hatramin'ny Alakamisy izao. Hihamahazo vahana kosa izany mandritra ny faran'ny herinandro ka hisy fidinany misongadina ny maripàna manomboka ny Zoma izao.

✅ Ho maina ny andro amin'ny ankapobeny saika manerana ny Faritra Alaotra Mangoro. Hifandimby hatrany ny rahona sy ny masoandro hatramin'ny Alakamisy izao saingy hiverina handrahona ny tontolo andro ny Zoma sy ny faran'ny herinandro ary mety ho arahina erika manify izany ho an'ny distrika Moramanga.

✅ Hisy fidinany misongadina ny maripàna, indrindra ny maripàna ambony manomboka ny Zoma sy ny faran'ny herinandro any ho any. Tombanana hanodidina ny 12°C-27°C ny maripàna ao Mangoro raha hanodidina ny 13°C-29°C kosa izany ato Alaotra. Mety ho tafidina 17°C-20°C eoeo ny maripàna ambony ny Zoma sy ny faran'ny herinandro.
-----------------------
𝙈𝙀𝙏𝙀𝙊 𝘼𝙇𝘼𝙊𝙏𝙍𝘼 𝙈𝘼𝙉𝙂𝙊𝙍𝙊
𝙎𝙍𝙈/𝘿𝙍𝙏𝙈 𝘼𝙇𝙈𝘼𝙉

25/09/2024

𝙉𝙔 𝙈𝙀𝙏𝙔 𝙃𝙊 𝙁𝙄𝙍𝙊𝙉𝘼𝙉'𝙉𝙔 𝙏𝙊𝙀𝙏𝙍𝙔 𝙉𝙔 𝘼𝙉𝘿𝙍𝙊 𝙈𝘼𝙉𝘿𝙍𝙄𝙏𝙍𝘼 𝙉𝙔 𝙃𝙀𝙍𝙄𝙉𝘼𝙉𝘿𝙍𝙊 - 𝗇𝗒 𝟤𝟦 - 𝟤𝟫 𝖲𝖾𝗉𝗍𝖺𝗆𝖻𝗋𝖺 𝟤𝟢𝟤𝟦

𝖧𝗂𝗌𝗒 𝖿𝗂𝖽𝗂𝗇𝖺𝗇𝗒 𝗇𝗒 𝗆𝖺𝗋𝗂𝗉𝖺̀𝗇𝖺 𝖺𝗆𝖻𝗈𝗇𝗒 𝖺𝗍𝗈 𝖺𝗇𝖺𝗍𝗂𝗇'𝗇𝗒 𝟤 𝖺𝗇𝖽𝗋𝗈 𝗂𝗇𝖽𝗋𝗂𝗇𝖽𝗋𝖺 𝗇𝗒 rah𝖺𝗆𝗉𝗂𝗍𝗌𝗈 𝖳𝖺𝗅𝖺𝗍𝖺. 𝖧𝗂𝗌𝗒 𝖿𝗂𝖺𝗄𝖺𝗋𝖺𝗇𝗒 𝗆𝗂𝗌𝗈𝗇𝗀𝖺𝗇𝖽𝗂𝗇𝖺 𝗄𝗈𝗌𝖺 𝗂𝗓𝖺𝗇𝗒 𝗆𝖺𝗇𝖽𝗋𝗂𝗍𝗋𝖺 𝗇𝗒 𝖿𝖺𝗋𝖺𝗇'𝗇𝗒 𝗁𝖾𝗋𝗂𝗇𝖺𝗇𝖽𝗋𝗈
-------------------------------
✅ Fandalovana rindrin-drahona ao atsimo atsinanan'ny nosy no handrafitra ny toetry ny andro ato anatin'ny 2 andro ho avy. Tsiokan'ny Alizay malefaka kosa no hibahan-toerana aorian'izay.

✅ Handrahona ny andro ato anatin'ny 2 andro ho avy, indrindra ny rahampitso Talata. Mety hisy herijikan'ny erika malefaka mitsitokotoko izany ho an'ny Faritry Mangoro sy ny tapany atsimon'Alaotra mandritra ny tapany maraina.

✅ Hiverina ahazo vahana kosa Ingahibe masoandro manomboka ny Alarobia tolakandro na ny Alakamisy mitohy mandritra ny faran'ny herinandro ato Alaotra. Mbola somary handrahona kosa ny tapany maraina ao Mangoro fa hibaliaka kosa ny masoandro ny tolakandro.

✅Hisy fidinany ny maripàna ambony ato anatin'ny 2 andro ho avy indrindra ny rahampitso Talata. Hisy fiakarany misongadina kosa izany mandritra ny faran'ny herinandro. Tombanana hanodidina ny 11°C - 28°C ny maripàna mandritra ity herinandro ity ato anatin'ny Faritra Alaotra Mangoro.
-----------------
𝙈𝙀𝙏𝙀𝙊 𝘼𝙇𝘼𝙊𝙏𝙍𝘼 𝙈𝘼𝙉𝙂𝙊𝙍𝙊
𝙎𝙍𝙈/𝘿𝙍𝙏𝙈 𝘼𝙇𝙈𝘼𝙉

12/09/2024

09/09/2024

𝙉𝙔 𝙈𝙀𝙏𝙔 𝙃𝙊 𝙁𝙄𝙍𝙊𝙉𝘼𝙉'𝙉𝙔 𝙏𝙊𝙀𝙏𝙍𝙔 𝙉𝙔 𝘼𝙉𝘿𝙍𝙊 𝙈𝘼𝙉𝘿𝙍𝙄𝙏𝙍𝘼 𝙉𝙔 𝙃𝙀𝙍𝙄𝙉𝘼𝙉𝘿𝙍𝙊 - 𝟣𝟢 𝗁𝖺𝗍𝗋𝖺𝗆𝗂𝗇'𝗇𝗒 𝟣𝟧 𝖲𝖾𝗉𝗍𝖺𝗆𝖻𝗋𝖺 𝟤𝟢𝟤𝟦

⚠𝘏𝘪𝘴𝘺 𝘧𝘪𝘢𝘬𝘢𝘳𝘢𝘯𝘺 𝘮𝘪𝘴𝘰𝘯𝘨𝘢𝘥𝘪𝘯𝘢 𝘯𝘺 𝘮𝘢𝘳𝘪𝘱𝘢̀𝘯𝘢 𝘢𝘮𝘣𝘰𝘯𝘺 𝘩𝘢𝘵𝘳𝘢𝘮𝘪𝘯'𝘯𝘺 𝘈𝘭𝘢𝘬𝘢𝘮𝘪𝘴𝘺 𝘪𝘻𝘢𝘰. 𝘏𝘪𝘴𝘺 𝘧𝘪𝘥𝘪𝘯𝘢𝘯𝘺 𝘮𝘪𝘴𝘰𝘯𝘨𝘢𝘥𝘪𝘯𝘢 𝗄𝗈𝗌𝖺 𝘪𝘻𝘢𝘯𝘺 𝘮𝘢𝘯𝘥𝘳𝘪𝘵𝘳𝘢 𝘯𝘺 𝘧𝘢𝘳𝘢𝘯'𝘯𝘺 𝘩𝘦𝘳𝘪𝘯𝘢𝘯𝘥𝘳𝘰, 𝘪𝘯𝘥𝘳𝘪𝘯𝘥𝘳𝘢 𝘯𝘺 𝘢𝘰 𝘔𝘢𝘯𝘨𝘰𝘳𝘰.
--------------------------
✅ Hiverina ahazo vahana ny tsiokan'ny Alizay ny faran'ny herinandro izao. Fifandimbiasana fandalovana rindrin-drahona ao atsimon'ny Nosy sy Alizay malefaka kosa no handrafitra ny toetry ny andro hatramin'ny Alakamisy izao. Tsy ahiana ny tranga ara-toetrandro mahery vaika.

✅Amin'ny ankapobeny dia ahazo vahana kokoa ny masoandro hatramin'ny Alakamisy izao saika manerana ny Faritra rehetra. Ho maina ny andro araka izany mandritra ity herinandro ity.

✅Hisy fiakarany misongadina ny maripàna hatramin'ny Alakamisy izao raha hiverina hidina kosa indray izany mandritra ny faran'ny herinandro ka hisongadina kokoa izany ho an'ny distrika Moramanga sy Anosibe an'ala. Tombanana hanodidina 14°C-29°C ny maripàna ato Alaotra raha mety hanodidina ny 15°C-27°C kosa ny ao Mangoro.
---------------
𝙈𝙀𝙏𝙀𝙊 𝘼𝙇𝘼𝙊𝙏𝙍𝘼 𝙈𝘼𝙉𝙂𝙊𝙍𝙊
𝙎𝙍𝙈/𝘿𝙍𝙏𝙈

03/09/2024

03/09/2024

22/08/2024

22/08/2024