11/06/2026
👺👾 𝗛𝗮𝗰𝗸𝗲𝗿 𝗻𝗶𝗸𝗼𝗵𝗶𝘇𝗮𝗻𝗮. 𝗠𝗮𝗵𝗲𝗿𝘆 𝗻𝘆 200 𝗻𝘆 𝗯𝗮𝗻𝗸𝘆 𝘀𝘆 𝗻𝘆 𝗳𝗶𝗸𝗮𝗺𝗯𝗮𝗻𝗮𝗻𝗮 𝗮𝗿𝗮-𝗯𝗼𝗹𝗮 𝗶𝘇𝗮𝘆 𝗲𝗳𝗮 𝗻𝗼𝗿𝗮𝘃𝗮𝗿𝗮𝘃𝗮𝗻𝘆 (𝗡𝗮𝘁𝗮𝗼𝗻𝘆 𝗣𝗶𝗿𝗮𝘁𝗮𝗴𝗲), 𝗸𝗮 𝗻𝗮𝗵𝗮𝘇𝗮𝗵𝗼𝗮𝗻𝘆 𝘃𝗼𝗹𝗮 𝗯𝗲 𝗻𝗶𝘁𝗲𝗻𝘁𝗶𝗻𝗮 𝗵𝗮𝘁𝗿𝗮𝗺𝗶𝗻'𝗻𝘆 100 𝘁𝗮𝗽𝗶𝘁𝗿𝗶𝘀𝗮 𝗱𝗼𝗹𝗮𝗿𝗮, 𝗮𝗿𝘆 𝗻𝗶𝘁𝗲𝗻𝘁𝗶𝗻𝗮 1 𝗺𝗶𝗹𝗶𝗮𝗿𝗮 𝗱𝗼𝗹𝗮𝗿𝗮 𝗻𝘆 𝘃𝗼𝗹𝗮 𝘃𝗲𝗿𝘆 𝘃𝗼𝗸𝗮𝘁𝗿𝘆 𝗻𝘆 𝗳𝗮𝗻𝗮𝗸𝗼𝗿𝗼𝗻𝘁𝗮𝗻𝗮𝗻𝘆.
Izy no Hamza Bendelladj, izay hacker malaza be maneran-tany, antsoina ihany koa amin'ny solon'anarana hoe "BX1" na "The Smiling Hacker" (Ilay mpijirika na hacker mitsiky), satria dia nitsiky foana ny tavany tamin'ny fotoana nisamborana azy.
Inona moa no nataony?
• Namorona virus izy sy ny namany iray, izay virus nantsoina hoe "SpyEye". Io virus io dia niditra tao amin'ny solosaina maro maherin'ny 50 tapitrisa naneran-tany mba hangalarany ny teny miafina (passwords) sy ny kaontin'ireo banky.
Rehefa tafiditra tany amin'ny kaonty banky ilay virus dia nahavita nandrava sy nanakorontana, ka nahazahoany ireo teny miafina (passwords), ary dia azony ireo vola be tamin'ny banky sy fikambanana ara-bola maherin'ny 200. Vokatr'izany, nahatratra hatrany amin'ny 100 tapitrisa ny vola azony, ary hatramin'ny 1 miliara dolara ny vola very nohon'ny fanakorontanana naterany.
Nokarohin'ny FBI sy ny Interpol fatratra izy nandritra ny 5 taona, ka voasambotra tany Thaïlande tamin'ny taona 2013, teo am-panakalozana fiaramanidina.
Natolotra ny fitsarana tany Etazonia izy, ka voasazy ny higadra 15 taona araky ny didim-pitsarana tamin'ny taona 2016. Na izany, dia nahazo fampihenàna sazy izy noho ny fitondran-tena tsara sy ny efa nampidirana azy am-poja nanomboka ny taona 2013 tany Thaïlande.
Rehefa nahavita ny saziny izy, dia nivoaka ny fonja tamin'ny taona 2024 ary niverina tany Algérie izay toerana niaviany.
Ny lehilahy dia nianatra tao amin'ny Université des sciences et de la technologie Houari-Boumédiène (USTHB), izay any Bab Ezzouar, akaikin'ny renivohitry Algérie (Alger). Ny diplaomany dia Licence (Bacc +3)
𝗦𝘂𝗶𝘃𝗲𝘇-𝗻𝗼𝘂𝘀
