23/10/2025
π₯βοΈNy Vondrona parlementera IRMAR, no mbola manana ny maro an'isa ao amin'ny Antenimierampirenena amin'izao fotoana izao ary tsy rava hoy ny IRMAR βοΈπ₯
FAMPAHAFANTARANA AVY AMIN'NY VONDRONA PARLAMENTERA IRMAR
β¦οΈ Antananarivo, 21 Oktobra 2025 - Fanazavana momba ny fanendrena ny Praiminisitra, ny tsy fanarahana ny Andininy faha-54 ao amin'ny LalΓ m-panorenana, ary ny finiavana hiroso hatrany amin'ny fifampidinihana sy ny fifampihavanana.
β¦οΈ Ny Vondrona parlementera IRMAR, izay mbola manana ny maro an'isa ao amin'ny Antenimierampirenena amin'izao fotoana izao, dia maniry hampahafantatra amin'ny vahoaka malagasy sy amin'ny fianakaviam-be iraisam-pirenena ny fanazavana manodidina ny fanendrena Praiminisitra vaovao.
βοΈ Ny Andininy faha-54 ao amin'ny Lalam-panorenan'ny Repoblikani Madagasikara dia milaza
mazava fa:
"Ny Filohan'ny Repoblika no manendry ny Praiminisitra atolotry ny antoko na vondron'antoko manana ny maro anisa ao amin'ny Antenimierampirenena."
Noho izany, ny vondrona manana ny maro an'isa ihany no manan-jo ara-dalana hanolotra ny anaran'ny Praiminisitra.
1. Momba ny filazana fa tsy ny vondrona IRMAR intsony no maro an'isa ao amin'ny Antenimierampirenena
π₯βοΈNiely ny filazana fa misy depiote sasantsasany avy amin'ny vondrona IRMAR no nametraka taratasy fialana, ka niteraka fiovana eo amin'ny fifandanjan-kery ao amin'ny Antenimierampirenena.
β¦οΈ Kanefa, hatramin'izao, dia tsy mbola naharay taratasy fialana ofisialy, na dia iray aza, avy amin'ny depiote, ny Filohan'ny vondrona Parlemantera IRMAR.
β¦οΈ Toy izany koa, ny Sekreteram-jeneralin'ny Antenimierampirenena dia tsy mbola naharay fampahafantarana ofisialy momba ny fialana depiote, tsy maha-mpikambana ao amin'ny vondrona IRMAR azy, eny fa na dia iray aza.
π΄ Noho izany, tsy mbola nisy fanovΓ’na ara-dalana na ofisialy nankatoavin'ny rafitra ara- parlementa, raha ny momba ny firafitry ny vondrona na ny toeran'ny maha-maro an'isa ny vondrona IRMAR.
π΄ Araka izany, ny vondrona IRMAR dia mbola manana ny toerany, ho vondrona manana ny maro an'isa, ahitana depiote 106, raha miisa 21 monja ireo depiote ao amin'ny vondrona FIRAISAKINA.
β¦οΈ Ka raha ny kajy dia taratasy fialana ofisialy sy ara-dalana, ary tsy maintsy manaraka ny fitsipika, mihoatra ny 85 no tokony voarain'ny Filohan'ny vondrona IRMAR vao azo lazaina fa tsy maro an'isa intsony ny vondrona. Kanefa tsy mbola nisy izany hatramin'izao.
2. Momba ny tsy fanarahana ny lalΓ₯m-panorenana (Andininy faha-54)
β¦οΈ Tsy nisy fifampidinihana na tolo-kevitra avy amin'ny vondrona IRMAR velively, izay vondrona maro an'isa ny fanendrena Praiminisitra izay natao roa andro lasa izay. Niniana tsy najaina ny fepetra takian'ny Andininy faha-54 ao amin'ny LalΓ’m-panorenana.
βοΈ Izany dia fanitsakitsahana mazava ny Lalam-panorenana ka tsy maha-ara-dalana ilay fanendrena.
Tamin'ny fotoana nanolorana ny anaran'ny Praiminisitra, dia ny IRMAR no mbola manana, ary mbola manana hatramin'izao, ny maro anisa araka ny antontan-taratasy ofisialy ao amin'ny Antenimierampirenerna.
Noho izany, tsy misy vondrona hafa afaka milaza ho manana ny fahefana hanolotra ny anaran'ny Praiminisitra araka ny Andininy faha-54 ao amin'ny Lalam-panorenana izay mifehy ny lalana fototra iorenan'ny Fanjakana, sy ny fomba fiasan'ny rafim-panjakana.
3. Mikasika ny rafim-panjakana sy ny fitoniana eto amin'ny firenena
Ny vondrona IRMAR dia manamafy ny fitandrovany sy ny fanajΔna ny LalΓ’m-panorenana ary ny fitoniana eto amin'ny firenena, satria tombontsoan'ny vahoaka manontolo izany.
Ny fanajana ny Andininy faha-54 dia tena fototra ara-demokratika, miantoka ny fitovian-kery eo amin'ny fahefana sy ny fahamarinan-toeran'ny Governemanta.
Ny fanendrena tsy manaraka ny Andininy faha-54 dia manimba ny fahamendrehan'ny Fanjakana ary manohintohina ny fahatokisan'ny Fianakaviam-be iraisam-pirenena amin'i Madagasikara.
Ary satria fiovana ara-politika tsy avy amin'ny fifidianana no misy amin'izao fotoana izao eto amin'ny firenentsika, izay rafitra mivoaka amin'ny LalΓ’m-panorenana dia, tsy azo hialana ny fifampiresahana sy fifanarahana politika eo amin'ny samy Malagasy, mba hihazonana ny fankatoavana iraisam-pirenena. Tsy afaka hiroso amin'ny fanarenana sy ny fampandrosoana i Madagasikara raha tsy misy ireo fanohanana sy fanampiana avy any ivelany.
4. Famaranana
Noho ireo fanazavana ireo ary, sy ho fitandrovana ny Fandriampahalemana sy ny Fitoniana ara- politika, izay fototra voalohany amin'ny fampandrosoana ara-toekarena sy ara-tsosialy an'i Madagasikara:
Ny Vondrona parlementera IRMAR dia:
manamafy, fa izy irery ihany no mbola manana ny maro an'isa ara-dalΓ na ao amin'ny Antenimierampirenena amin'izao fotoana izao
manameloka ny tsy fanajana an-kitsirano ny Andininy faha-54 tamin'ny fanendrena ny Praiminisitra farany teo, ka mitaky ny famerenana izany amin'ny fomba izay araka ny lalana
miantso ny antoko sy vondrona politika rehetra tsy hampiasa ny lalana ho fandrahonana sy fampitahorana ara-politika, satria ny fanaovana izany dia mamotika ny rafim-pitondra ankehitriny sy ny fifampitokisana eto amin'ny firenena
mankahery sy manohana feno an'ireo depiote rahalahy sy anabavy IRMAR rehetra amin'izao fotoan-tsarotra izao, ary manentana azy ireo hiaro ny safidiny sy ny fahalalahany feno ho an'ny tombotsoan'ny tanindrazana
ary manentana indray ny mpanao politika, ireo rafitra ara-panjakana, ireo fikambanana ary ireo hery velona sy sivily rehetra hanome lanja ny fifampidinihana sy fifampihavanana mirindra sy feno fanajana ary hanome toerana ho an'ny Tanora izay mangetaheta fandrosoana, ao anatin'ny fanajana ny "Sotoavina Malagasy", sy ho famerenana ny Fanjakana tan-dalana manaja ny lalΓ m- panorenana, araka ny sitrapon'ny vahoaka malagasy.
Ny Vondrona parlementera IRMAR
