Ndao Isika Handroso

11/02/2023

11/02/2023

Positif

27/08/2020

Ny mason'i Jehovah mitsinjo izay matahotra Azy, dia izay manantena ny famindram-pony. Salamo 33.18

Mihaotra noho ny tsintsina maro ianareo.

Nahoana aho no kivy,
Nahoana ny aloka no hanarona ahy
Nahoana ny foko no hahatsapa ho manirery,
Ary haniry lay trano any an-danitra,
Raha toa ka Jesoa no anjarako？
Izy no sakaizako mahatoky:
Mitsinjo ny tsintsina ny masony,
Ary fantatro fa miahy ahy Izy.

《Aza malahelo ny fonareo》,
Ireo teny mamy avy aminy ireo no reko,
Ka matoky ny hatsaram-pony aho,
Ariako ny fanahiana sy ny tahotra
Na dingana tokana fotsiny aza hitako
Eo amin'ny lalana itondrany ahy:
Mitsinjo ny tsintsina ny masony,
Ary fantatro fa miahy ahy izy.

Raha alaim-panahy aho
Raha mitambatra ny rahona,
Raha misolo sento ny hira,
Raha manjavona ny fanantenana ao anatiko,
Dia manatona Azy bebe kokoa aho,
Manafaka ahy amin'ny fanahiana Izy:
Mitsinjo ny tsintsina ny masony,
Ary fantatro fa miahy ahy Izy.

Mirary soa ho antsika rehetra！