Ny Finoako

17/08/2024

17/08/2024

Sabotsy 18 Aogostra 2024
Herinandro tsotra fahasivy ambinifolo.
Ankalazan'ny Eglizy ny Masimbavy Jeanne Delanoue

ALELOIA, ALELOIA.
«Misaotra anao Aho, Raiko, Tompon'ny lanitra sy ny tany, fa nambaranao tamin'ny madinika ny Misterin'ny Fanjakanao.»
ALELOIA.

Kristy Vaovao Mahafaly, nosoratan'i Masindahy MATIO 19,13-15

Voninahitra† anie ho Anao† ry Tompo†... Efeta.

Indray andro, nisy zazakely maromaro nentina teo aminy, mba hametrahany tànana sy hivavahany ho azy; fa noraran'ny mpianany mafy ireo. Ka hoy Jesoa taminy: «Avelao ny zaza, ary aza rarana tsy hanatona ahy; fa an'ny tahaka azy ny fanjakan'ny lanitra». Ary rahefa nametra-tànana tamin'izy ireo IZY, dia nizo-dàlana indray.

(Ny Teny voalazan'ny Vaovao Mahafaly teo anie hanafaka ny fahotako. Amen.)

Izany àry ka ankalazako ny Tenin'ny Tompo... Dera anie ho Anao ry Kristy.'

15/08/2024

◾ ALAKAMISY 15 AOGOSITRA 2024

💒🟩 an’i

⚜️🌟🌹MASINA MARIA VIRJINY NAMPIAKARINA ANY AN-DANITRA🌹🌟⚜️

🎼🎶Tononkira fidirana

📖Apôk. (12, 1)

✨Nisy famantarana lehibe niseho teny an-danitra : dia vehivavy nitafy masoandro ; ka ny volana no teo antongony, ary kintana roa ambin’ny folo no satro-boninahitra teny an-dohany.✨

✴️Asiana VONINAHITRA ANIE...

🙏Fangatahana :
Ry Andriamanitra mahefa ny zavatra rehetra sy mandrakizay ô, nampiakarinao vatana sy fanahy ary nomenao voninahitra any an-danitra i Maria Virjiny tsy azon-keloka, Renin’ny Zanakao ; koa mihanta aminao izahay : atodiho mandrakariva amin’ny haren’ny lanitra ny sainay dia ho mendrika hiombom-boninahitra aminy izahay.
Amin’ny alalan’i Jesoa Kristy Zanakao Tomponay, Izay Andriamanitra velona sy manjaka miaraka Aminao ao amin'ny Fanahy Masina amin'ny taona rehetra mandrakizay. Amen.

🟢💥📖

📗

📖Boky Fanambaràna nosoratan’i Md. Joany Apôstôly
(Apôk. 11, 19a; 12, 1-6ab. 10ab)

❣️Nisy vehivavy nitafy masoandro ary ny volana no teo an-tongony.❣️

✨Novohaina ny Tempolin’Andriamanitra any an-danitra ka niseho teo anatin’ny Tempoliny ny fiaran’ny fanekena. Nony inona, nisy famantarana lehibe niseho teny an-danitra, dia Vehivavy anankiray nitafy masoandro, ny volana no teo an-ton-gony, kintana roa ambin’ny folo no satro-boninahitra teny an-dohany. Bevohòka izy sady nihetsi-jaza, ka nitaraina noho ny fanaintainam-piterahana. Ary nisy famantarana hafa koa niseho teny an-danitra, dia Dràgona mena lehibe anankiray nitranga tampoka, fito ny lohany, folo ny tandrony, ary satro-boninahitra fito no teny an-dohany. Nofinaokany tamin’ny rambony ny ampahatelon’ny kintan’ny lanitra ka nazerany tamin’ny tany. Dia nijoro teo anoloan-dravehivavy hiteraka izy, mba handrapaka ny Zanany, raha vao teraka. Tera-dahy Ravehivavy, ary io Zanany io no hifehy ny firenena rehetra amin’ny tsora-by, ka nakarina ho any amin’Andriamanitra eo anilan’ny

15/08/2024

❤️🧡💛🤍Ry Jesoa Andriamanitra ô, nandalo tety an-tany i 🌹Maria Reninao, nahalala ny mihatra aminay, na hafaliana na fahoriana, na tebiteby na ahiahy, na fanantenana na hakiviana ; koa ampio izahay hanahaka azy ary hiara-tsambatra aminy any an-danitra.
Fa Ianao velona sy manjaka mandrakizay mandrakizay. Amen.🙏📿🌹

15/08/2024

🙏Sambatra ianareo raha tevatevaina noho ny Anaran'i Kristy, fa mitoetra ao aminareo ny Fanahin'ny Voninahitra sy ny Fahefana, dia ny Fanahin'Andriamanitra.📖 1P 4, 14 🙏

🙏Ary Sambatra ilay Nino fa ho tanteraka izay nampilazain'ny Tompo taminy !"📖 Lk 1: 45🙏

🙏"Fa indro, hatramin'izao dia hataon'ny taranaka rehetra hoe Sambatra aho."📖 Lk 1, 48b🙏

💝🌹💓🙏Arahaba, Ry Maria Feno Hasoavana: Ny Tompo ao Aminao. Nosoavina noho ny vehivavy rehetra ianao ary Nosoavina i Jesoa nateraky ny kibonao.
Masina Maria, Renin'Andriamanitra mivavaha ho anay mpanota, ankehitriny ary amin'ny andro hahafatesanay. Amen.😇💗🌹💖💒

12/08/2024

🌹💙Arahaba, ry Maria feno hasoavana : ny Tompo ao aminao. Nosoavina noho ny vehivavy rehetra ianao, ary nosoavina i Jesoa nateraky ny kibonao. Masina Maria, Renin'Andriamanitra, mivavaha ho anay mpanota, ankehitriny ary amin'ny andro hahafatesanay.
Amen.🙏🤍🌹

11/08/2024

ALAHADY FAHA 11 AOGOSITRA

Evanjely Masina anio nosoratan’i Md. Joany.

(Jo. 6, 41-52)


Tamin’izany andro izany, nimonomonona tamin’i Jesoa ny Jody satria Izy nanao hoe: “Izaho no m**o velona izay nidina avy any an-danitra”. Hoy izy ireo: “Moa tsy i Jesoa zanak’i Jôsefa va ity, izay fantatsika ny rainy aman-dreniny? Ka ahoana àry no anaovany hoe: “Nidina avy any an-danitra Aho?” Fa namaly i Jesoa ka nanao taminy hoe: “Aza mimonomonona ianareo. Tsy misy olona mahay manatona Ahy akory raha tsy taomin’ny Ray izay naniraka Ahy, ary Izaho hanangana azy amin’ny farandro. Voasoratra ao amin’ny Mpaminany hoe: ‘Hampianarin’Andriamanitra izy rehetra’. Koa izay rehetra nahare tamin’ny Ray ka nianatra taminy no manatona Ahy. Tsy dia hoe nisy nahita ny Ray akory: fa Ilay avy amin’Andriamanitra no hany nahita ny Ray. Lazaiko marina dia marina aminareo: Izay mino Ahy no manana ny fiainana mandrakizay. Izaho no M**on’aina. Ny razanareo nihinana ny mana tany an’efitra, nefa maty ihany; tsy toy izany ny M**o nidina avy any an-danitra, fa tsy ho faty izay mihinana azy. Izaho no M**o velona izay nidina avy any an-danitra: raha misy mihinana ity M**o ity dia ho velona mandrakizay izy, ary ny M**o izay homeko dia ny Nofoko ho fiainan’izao tontolo izao”.

— Izany àry ny tenin’ny Tompo.

— Dera anie ho Anao, ry Kristy!

11/08/2024

Ry Reny masin’Andriamanitra, arovy izahay miankina aminao; ianareo Anjely mpiambina anay sy ianareo Olomasina rehetra any an-danitra: manampia anay ary mangataha amin’Andriamanitra ho anay, mba hampiadaniny ety ambonin’ny tany izahay sy harovany tsy ho latsaka amin’ny fahotana, ary dia ho tonga any an-danitra. Amen.

11/08/2024

Vavaky ny mpianakavy isan'andro.

Ry Jesoa be fitiavana indrindra, izay nanamasina ny fianakaviana voafidinao tety an-tany, tamin'ny hatsaram-panahinao tsy hay lazaina sy ny oha-pitondrantena nomenao tao an-trano, mba topazo fijery antra ity fianakaviana miankohoka eto an-tongotrao, mihanta mba hosoavinao. Ka tsarovy fa Anao ity fianakaviana ity,
noho izy namehy sy nahafoitena ho Anao. Koa aoka mba harovan'ny hatsaram-ponao izy, hohafahanao amin'ny loza, hovonjenao amin'ny mahory, ary mba homenao ny herim-po ilainy haharetana hatramin'ny farany amin'ny fanarahana ny fianakavianao masina; ka rehefa nifikitra tamn'ny fanompoana sy ny fitiavana Anao izy nandritra ny andro niainany, dia hahazo hankalaza Anao mandrakizay any an-danitra.

Ry Maria Masina, Reny tsara fo indrindra, mihanta ny fiarovanao izahay, sady mahatoky fa tsy ho hain'ny Zanakao lavina ny fangatahanao.

Ary ianao koa, ry Jôsefa masina, Patriarka be voninahitra, mba tahio amin'ny fiarovanao mahery izahay, ary mba hatero eo am-pelatanan'i Maria ny vavakay, hatolony an'i Jesoa Kristy.

Amen.

10/08/2024

Sabotsy 10 Aogostra 2024
Herinandro tsotra fahavalo ambinifolo.
Ankalazan'ny Eglizy ny Masindahy Laurent.

ALELOIA, ALELOIA.
«Izay manaraka Ahy, hoy ny Tompo dia tsy handeha amin’ny maizina,
fa izy fa hanana ny fahazavan'ny fiainana.»
ALELOIA.

Kristy Vaovao Mahafaly, nosoratan'i Masindahy JOANY 12,24-26

Voninahitra† anie ho Anao† ry Tompo†... Efeta.

Indray andro, Jesoa niteny hoe: «Lazaiko marina dia marina aminareo fa raha tsy maty ny voam-bary nafafy tamin'ny tany, dia mitoetra foana izy: fa raha maty kosa izy, dia mahavokatra be. Izay tia ny ainy no hahavery azy; fa izay mankahala ny ainy amin'izao fiainana izao no hitahiry azy ho amin'ny fiainana mandrakizay. Raha misy manompo Ahy, dia aoka izy hanaraka Ahy, ary izay itoerako no hitoeran'ny mpanompoko koa. Raha misy manompo Ahy, dia homen'ny Raiko voninahitra izy.»

(Ny Teny voalazan'ny Vaovao Mahafaly teo anie hanafaka ny fahotako. Amen.)

Izany àry ka ankalazako ny Tenin'ny Tompo... Dera anie ho Anao ry Kristy.'

09/08/2024

VAOVAO MAHAFALY ANIO ZOMA FAHA-09 AOGOSITRA 2024.

Aleloia. Aleloia.
Ny ondriko mihaino ny feoko, hoy ny Tompo; Izaho mahalala azy, ary izy mahalala Ahy.
Aleloia.

†Evanjely Masina nosoratan’i Md. Matio. Mt. 16, 24-28

«Inona no homen’ny olona ho takalon’ny fanahiny?»

Tamin’izany andro izany, i Jesoa nilaza tamin’ny mpianany nanao hoe: “Raha misy ta-hanaraka Ahy, aoka izy handà ny tenany, sy hitondra ny hazofijaliany, ka hanaraka Ahy. Fa izay ta-hamonjy ny ainy no hahavery azy, ary izay hahafoy azy noho ny amiko no hahazo azy. Inona no soa azon’ny olona raha mahazo izao tontolo izao izy, nefa very ny fanahiny? Ary inona no homen’ny olona ho takalon’ny fanahiny? Fa ny Zanak’Olona dia ho avy amin’ny voninahitry ny Rainy miaraka amin’ny anjeliny, ka amin’izay dia hamaly ny olona araka ny nataony Izy. Lazaiko aminareo marina tokoa, fa ny sasany eto, dia tsy hanandrana fahafatesana, raha tsy efa mahita ny Zanak’Olona avy amin’ny fanjakany.”
— Izany àry ny tenin’ny Tompo.
— Dera anie ho Anao, ry Kristy!

09/08/2024

Andriamanitra, omeo ny fahasoavanao ny havako, ny mpanao soa ahy, ny sakaizako sy ny fahavaloko. Vonjeo ny mahantra, ny marary sy ny miala aina; tariho ho ao amin’ny Eglizinao ny olona mivavaka Aminao amin’ny fo mahitsy; ampivalozy ny mpanota ary tsilovy ny tsy mino. Andriamanitra, afaho ny fanahin’ny olo-marina izay mbola ao amin’ny afo fandiovana, ka omeo fiadanana mandrakizay izy.