http://www.Randriamanantsoa.com/, https://www.facebook.com/profile.php?id=61565328174347

Pejy Randriamanantsoa, Mandroseza, Antananarivo (2026)

15/09/2026

✨MISOKATRA NY VARAVARAM-PAHASOAVANA HO ANAO✨
✝️ ANTSO HO AMIN’NY FAMONJENA✝️

Angamba efa ela ianao no nitady fiadanana, fahafenoana, na fiandohana vaovao teo amin’ny fiainanao.

Nitady valiny tany amin’ny zavatra maro ianao.
Nitady fahasambarana tamin’ny fomba samihafa ianao.
Fa mety mbola misy fahabangana tsy voavaha ao am-ponao.

👉Mety tsy olona na zavatra no tena tadiavinao, fa Andriamanitra.

Ary anio, mbola miantso anao amim-pitiavana Izy miteny aminao hoe “Manatòna Ahy.”**

🌿Koa aza maika hamaky fotsiny. Avelao hiresaka amin’ny fonao ity hafatra ity.

👉Mety efa naheno ny anaran’i Jesoa imbetsaka ianao.
👉Mety efa nisy olona niresaka taminao momba Azy.
👉Mety efa nandeha tany am-piangonana ianao.
👉Mety efa mahay mivavaka aza ianao.

🟢Fa ny fanontaniana lehibe dia izao: efa tena an’i Jesoa ve ny fiainanao?

🔻Satria tsy ampy ny mahalala momba an’i Jesoa.
🔻Tsy ampy ny hoe Kristianina no iantsoana ny tena.
🔻Tsy ampy ny mandeha any am-piangonana.
🔻Tsy ampy ny manana Baiboly.
🔻Tsy ampy akory ny mahay andinin-tSoratra Masina.

♥️Mila manatona an’i Jesoa isika. Mila mibebaka. Mila mino Azy. Mila manaiky Azy ho Tompo sy Mpamonjy.
🌻Dia izy no mampahafantatra antsika ny lalana rehetra tokony alehantsika.

📖Hoy ny Baiboly:
>“Koa mibebaha ianareo ka miverena, mba hamonoana ny fahotanareo.”
> (Asan’ny Apostoly 3:19)

👉Ny fahotana no mampisaraka antsika amin’Andriamanitra.
👉Ary tsy afaka mamonjy ny tenantsika amin’ny herintsika isika.

🔻Tsy ny fahatsarantsika no mahavonjy antsika.
🔻Tsy ny asa soa ataontsika no mahavonjy antsika.
🔻Tsy ny fombafomba ara-pivavahana no mahavonjy antsika.

Fa i Jesoa Kristy irery ihany no Mpamonjy. ✝️

📖Hoy Izy:
>“Izaho no lalana sy fahamarinana ary fiainana; tsy misy olona mankany amin’ny Ray afa-tsy amin’ny alalako.”
- (Jaona 14:6)

🔻Koa raha mbola lavitra Azy ianao, Aza miandry fotoana lavorary vao manatona.
🔻Raha mbola manana fahotana afenina ianao, aza mandositra Azy; manatòna Azy dia lazao Azy ny olana.

🔻Raha mbola mitondra vesatry ny lasa ianao, Apetraho eo Aminy izany.

Raha efa ela ianao no nilaza hoe “indray andro any aho hiverina amin’Andriamanitra”, dia aza ahemotra mandrakariva ilay andro.
👉Fa ataovy anio

🔹Tsy fantatsika izay hitranga rahampitso.
🔻Fa fantatsika kosa fa *misokatra anio ny varavaran’ny fahasoavana.*

♥️Jesoa tsy miantso anao ho tonga lavorary vao manatona Azy.

♥️Miantso anao Izy mba hanatona Azy, ary Izy no hanova anao.

Raha tsapanao ao am-ponao fa mila miverina Aminy ianao, dia aza avela handalo fotsiny izany antso izany.

🔹Mijanòna.
🔹Mibebaha.
🔹Minoa.
🔹Manatòna an’i Jesoa.

Ary atolory Aminy ny fiainanao.

📖“Fa raha manaiky an’i Jesosy ho Tompo amin’ny vavanao ianao, ary mino ao am-ponao fa Andriamanitra efa nanangana Azy tamin’ny maty, dia hovonjena ianao.”
> (Romana 10:9)

🙏 VAVAKA FANOLORAN-TENA 🙏

“Tompo Jesoa ô, fantatro fa mpanota aho ary tsy afaka mamonjy ny tenako.
Mibebaka amin’ny fahotako aho.
Mino Anao aho ary mino fa Ianao no Tompo sy Mpamonjy ahy. Mamindrà fo amiko, mamelà ny fahotako, ary raiso ny fiainako.
Ampianaro aho hanaraka Anao sy hiaina araka ny sitraponao. Manomboka androany, atolotro Anao ny fiainako. Amena.”🙏

Raha nivavaka izany tamin’ny fo sy tamin’ny finoana ianao, aza heverina ho teny nolazaina fotsiny izany.

👉Atombohy ny fiainam-baovao miaraka amin’i Kristy.
👉Mitadiava fiombonana amin’ny mpino.
👉Vakio ny Tenin’Andriamanitra.
👉Mivavaha.
👉Mibebaha rehefa lavo.

🌻Ary aza miverina amin’ny fiainana taloha intsony ka hanao tsinontsinona ny fahasoavana nomena anao.

🔻Fa ny tena fahasoavana lehibe indrindra dia tsy hoe *mahalala ny anarany*fotsiny.

Fa hoe:
VOAVONJY AO AMINY.❤️✝️

🙏 Ho an’Andriamanitra irery ihany anie ny voninahitra.*

✍️Pejy Randriamanantsoa
☝️Abonné ny page☝️

13/09/2026

✨ANDRIAMANITRA DIA MANAJA NY SAFIDINTSIKA✨

📖Hoy ny soratra masina
"Indro efa nataoko teo anoloanao androany ny fiainana sy ny soa ary ny fahafatesana sy ny loza" — Deoteronomia 30 : 15

Nomen’Andriamanitra fahafahana hisafidy ny olombelona. Tsy nataony ho toy ny milina izay tsy maintsy manao izay rehetra baikoiny isika, fa nomeny saina, fahendrena ary sitrapo hahafahantsika mandray fanapahan-kevitra.

•Hitantsika izany hatramin’i *Adama*. Nomen’Andriamanitra izay rehetra nilainy tao Edena izy, ary nomena toromarika mazava koa ny amin’ilay hazo tsy tokony hihinanany.
Tsy nosakanan’Andriamanitra tsy hisafidy i Adama; nomeny safidy izy, saingy nampitandrina azy momba ny vokatry ny safidiny. Ary rehefa nifidy ny tsy hankatò izy, dia nisy vokany izany.

👉 Manaja ny safidintsika Andriamanitra, saingy tsy midika izany fa mankasitraka izay rehetra fidintsika Izy.

Rehefa misafidy ny lalana tsy sitrak’Andriamanitra isika, dia mety hamela antsika handeha amin’izany lalana izany Izy. Tsy voatery hanery antsika hiverina Izy, satria hajainy ny fahafahana nomeny antsika.

• Fa zavatra iray tsy tokony hohadinointsika:
👉Miaraka amin’ny safidy rehetra dia misy vokany.

Afaka misafidy ny lalana halehantsika isika, saingy tsy afaka manery ny vokatr’ilay lalana hifanaraka amin’izay tiantsika.

📖Hoy ny Galatiana 6:7:
“Fa izay afafin’ny olona no hojinjany.”

🌱 Raha mamafy fankatoavana isika, dia misy vokatra tsara aterak’izany.

🌱 Raha misafidy ny fahotana sy ny tsy fankatoavana kosa isika, dia tsy maintsy vonona hiatrika ny vokatr’izany.

☝️Noho izany, tsy tokony hiteny fotsiny isika hoe: “Safidiko io, ka anjarako.”

✅Fa tsara kokoa ny manontany tena hoe:
“Mifanaraka amin’ny sitrapon’Andriamanitra ve ity safidy ataoko ity?”

Satria mety hisy safidy toa mahafinaritra amin’izao fotoana izao, nefa hitondra fahavoazana any aoriana.
Ary mety hisy safidy sarotra raisina anio, nefa hitondra fitahiana any aoriana.

◽Tsy manery antsika Andriamanitra, fa mitarika antsika. Tsy manafina ny lalana Izy, fa mampiseho izay tokony hofidintsika.

Koa raha mbola manana fahafahana misafidy ianao anio, aza misafidy araka izay mahafinaritra ny masonao fotsiny; fa misafidiana araka izay fantatrao fa sitrak’Andriamanitra.

👉 Manaja ny safidinao Andriamanitra, fa ny fahendrena dia ny misafidy izay tsy hampanalavitra anao Aminy.

Tsy ny hoe afaka misafidy no zava-dehibe indrindra, fa ny hoe: inona no fidinao rehefa eo anatrehan’Andriamanitra ianao?

🌿 Safidio ny fiainana. ✓
Safidio ny fahamarinana. ✓
Safidio Andriamanitra. ✓

✍️Pejy Randriamanantsoa
🤍ABONNÉ NY PAGE🤍

12/09/2026

🔐 TAZOMY NY TSIAMBARATELON'NY TOKANTRANONAO

❤️ Rehefa manokatra ny fony aminao ny vadinao, dia tsy tantara nomeny anao izany fa fitokisana napetrany taminao.
Koa rehefa fantatrao ny fahalemeny sy ny tsiambaratelony, dia anjaranao ny miaro izany fa tsy mampiely azy.

🏠 Ny tokantrano dia toerana iombonan'ny mpivady amin'ny zavatra maro: fifaliana, ranomaso, fahombiazana, fahasahiranana ary olana.

☝️Noho izany, tsy ny zava-mitranga rehetra ao an-tokantrano no tokony ho fantatry ny olona ivelany.

🗣️ Rehefa misy olana eo aminareo, aza maika hitantara ny fahadisoan'ny vadinao amin'ny namana, havana, na amin'ny tambajotra sosialy.

Satria rehefa tezitra ianao dia mety hiteny zavatra tsy noeritreretinao. Ary rehefa tony ianao ka mifamela, mety ho efa namboly hevitra ratsy momba ny vadinao tao am-pon'ny olona maro ianao.

💔 Mora ny mitantara ny fahadisoan'ny vadinao; fa sarotra kokoa ny manarina ny haja very noho izany tantara izany.

📖 Hoy ny Soratra Masina:

“Izay mahatoky dia manafina zava-miafina.”
— Ohabolana 11:13

⚠️ Kanefa, ny fitazonana tsiambaratelo dia tsy midika hoe manafina zava-dratsy.

Raha misy herisetra, fandrahonana, na olana lehibe tsy hainareo vahana, dia aza mangina noho ny filazana hoe: “Tsiambaratelon'ny tokantrano izany.” Mitadiava olona hendry, matotra ary azo itokisana mba hanampy.

🌿 Ny fahendrena dia tsy ny mangina amin'ny zavatra rehetra, fa ny mahafantatra hoe: inona no tokony holazaina, amin'iza no tokony holazaina, ary inona no tokony hotazonina.

❤️ Arovy ny vadinao rehefa tsy eo izy.
Arovy ny fahalemeny rehefa fantatrao.
Arovy ny fitokisana nomeny anao.

Satria ny tokantrano arovana dia tsy ny rindrina ihany no arovana, fa ny tsiambaratelo, ny haja ary ny fitokisana ao anatiny koa.

Fiadanana anie ho an'ny tokantranonao 🙏❤️
✍️Pejy Randriamanantsoa
✓Abonné ny page✓

11/09/2026

🔥PLANIN’ANDRIAMANITRA SY TETIK'I SATANA🔥

Tiko ianao mba hamaky ity hafatra ity hatramin'ny farany.

Ry havana❤️
☝️Indraindray isika mahita zavatra mitranga eo amin’ny fiainana ka manontany hoe:
❓“Iza no miasa ao ambadik’izao? Planin’Andriamanitra sa tetik’i Satana?”

Zava-dehibe ny mahafantatra fa 🔻Andriamanitra no Tompon’ny drafitra sy ny tantara, fa Satana kosa dia fahavalo manohitra, mamitaka ary mitady handrava.

🟢NY PLANIN’ANDRIAMANITRA

Ny planin’Andriamanitra dia mifototra amin’ny 🌸Fitiavana, famonjena, fahamarinana ary fiainana.

📖“Fa Izaho mahalala ny hevitra iheverako anareo, hoy Jehovah, dia hevitra hahatonga fiadanana, fa tsy loza, mba hanome anareo fanantenana ny amin'ny farany.
•(Jeremia 29:11)

Mety tsy ho takatsika foana ny làlana itondrany antsika ary mety hisy aza ny ranomaso sy fitsapana.

Fa na dia tsy takatry ny saintsika aza ny zavatra ataony, dia tsy midika izany fa tsy misy tanjona ny zavatra mitranga.

Ny tanjony dia ny hitondra antsika ho amin’ny fahamarinana, hanakaiky antsika Aminy, ary indrindra indrindra, hanome antsika famonjena ao amin’i Kristy🤍🙏.

🔴NY TETIK’I SATANA

Ny tanjon’i Satana kosa dia ny *hamitaka, handrava, hamono ary handringana.

📖Hoy Jesoa
“Ny mpangalatra tsy avy raha tsy hangalatra sy hamono ary handringana...”*
— Jaona 10:10

🔰Ao amin’ny Genesisy 3 dia hitantsika ny fomba fiasany: Mampiditra fisalasalana aloha, Mamadika ny marina, avy eo mitarika amin’ny tsy fankatoavana.

☝️Tsy voatery ho zavatra mampatahotra foana no ampiasainy. Indraindray dia zavatra toa tsara sy mahafinaritra, 😓saingy mitarika tsikelikely lavitra an’Andriamanitra.

💌HAFATRA LEHIBE?

🤍Andriamanitra = manangana.
🖤Satana = mandrava.

🤍Andriamanitra mitondra amin’ny fahamarinana.
🖤Satana mitondra amin’ny lainga.**

🤍Andriamanitra manome fiainana.
🖤Satana mitady hitondra amin’ny fahafatesana.**

Kanefa ity no tokony hampahery antsika:
⚜️TSY MITOVY HERY IZY IREO.

Satana afaka manohitra ny Planin’Andriamanitra, afaka maka fanahy ary afaka manandrana manimba.
☝️Fa tsy izy no manana ny teny farany.

✝️Ny hazo fijalian’i Jesosy no porofo lehibe indrindra.

Ny toa *fandresen’ny maizina* tamin’izany fotoana izany, dia nivadika ho *fandresena lehibe indrindra ho an’ny famonjena✝️.*

👉 Mety hanana tetika i Satana, fa Andriamanitra no manana ny teny farany.🙏

🤍Koa aza mifantoka amin’ny fahavalo ka hanadino ny herin’Andriamanitra.

🙏Raiso ny tenin’Andriamanitra, mijoroa amin’ny finoana, ary avelao Izy hitarika ny fiainanao.

> “Fa Izaho mahalala ny hevitra izay iheverako anareo...”
— Jeremia 29:11

Ho an'Andriamanitra irery ihany anie ny voninahitra. Amen 🙏

✍️Pejy Randriamanantsoa

10/09/2026

❓NAHOANA ISIKA TOA MISALASALA HANATONA AN’ANDRIAMANITRA?

📖 “Koa aoka isika hanatona ny seza fiandrianan'ny fahasoavana amin'ny fahasahiana, mba hahazoantsika famindram-po sy hahitantsika fahasoavana ho famonjena amin'izay andro mahory".
(Hebreo 4:16)

Indraindray, rehefa lavo isika, rehefa nanota, na rehefa mahatsapa fa tsy mendrika intsony, dia ny zavatra ataontsika voalohany dia ny *mihataka amin’Andriamanitra.*

🔻Misy aza mieritreritra hoe:

• Be loatra ny fahotako.”
• Efa imbetsaka aho no nanao izao fahadisoana izao.”
• Angamba tsy handray ahy intsony Andriamanitra.”

😔 Fa tena izany ve no tokony hataontsika?

Rehefa nanota i Adama sy Eva, dia niafina tamin’Andriamanitra. Kanefa jereo fa *Andriamanitra no nitady azy ireo.*

Izany no mampianatra antsika fa rehefa lavo isika, tsy ny fandosirana an’Andriamanitra no vahaolana, fa ny *fiverenana Aminy.*

🙏 Aza miandry ho lavorary vao manatona an’Andriamanitra.

Tsy manatona Azy isika satria efa tsara sy mendrika, fa manatona Azy satria *mila ny fahasoavany sy ny famindram-pony.*

📖 Hoy Jesosy :
“Avia aty amiko ianareo rehetra izay miasa fatratra sy mavesatra entana, fa Izaho no hanome anareo fitsaharana.”
— Matio 11:28

☝️Ary eto no misy hafatra tena tokony hosaintsainintsika:

Isika indraindray misalasala manatona an’Andriamanitra noho ny fahotantsika, nefa i Jesosy Kristy aza tsy nisalasala nanatona antsika mpanota.

◽Fantany ny fahalementsika.
◽Fantany ny fahotantsika.
◽Fantany izay tsy sahintsika lazaina amin’olona.
Kanefa mbola nanolotra ny ainy hamonjy antsika Izy.🙏

📖 “Fa fony mbola mpanota isika, dia maty hamonjy antsika Kristy.”
— Romana 5:8

Koa raha lavo ianao, 👉aza miafina.
Raha diso ianao, 👉mibebaha.
Raha reraka ianao, 👉manatòna Azy.
Raha mahatsiaro tsy mendrika ianao, tsarovy fa ny fahasoavany no iantsoany anao.

✴️Aza miteny hoe “Rehefa tsara ny fiainako vao hiverina amin’Andriamanitra aho.”

🤍Fa lazao hoe:
“Hiverina amin’Andriamanitra aho, dia Izy no hanarina ny fiainako.”

Tsy ny fahamendrehanao no mahatonga anao hahazo manatona Azy, fa ny fahasoavany.

‼️Koa aza misalasala intsony.
◽Manatòna an’Andriamanitra.
◽Aza miafina.
◽Aza mandositra.
◽Miverena Aminy. ✝️❤️

Ho an’Andriamanitra irery ihany anie ny voninahitra. Amena.

✍️Pejy Randriamanantsoa
👉Zarao ny hafatra ary abonné ny page ✓

09/09/2026

❤️ TSY FAHAVALON-TSIKA MPINO NY MPANOTA, FA OLONA MILA VONJY.

💭Ry Mpino,
Mila mitandrina isika amin’ny fomba fijerintsika ny olona mbola ao anatin’ny fahotana.
👉Mety tsy hitovy amintsika ny fiainany.
👉Mety hanao zavatra halantsika izy.
👉Mety hanana fitondran-tena izay tsy eken’ny Tenin’Andriamanitra izy.

Fa rehefa mahita izany isika, tsy midika izany fa lasa fahavalontsika ilay olona.

✝️ Ny fahotana no fahavalo, fa ilay olona kosa dia fanahy mila hovonjena.

Izany indrindra no hitantsika tamin’i Jesosy.

Rehefa nanatona ireo mpamory hetra sy mpanota Izy, dia tsy nilaza hoe:
❌“Aza manatona Ahy ianareo fa mpanota.”

Fa nanatona azy ireo Izy, ary nilaza hoe:
📖 “Tsy ny finaritra no mila mpanao fanafody, fa ny marary.”
— Lioka 5:31

🔥Eto no tokony hanitsiana ny fomba fisainantsika Mpino.

👉Raha dokotera ianao, tsy halavirinao ny marary satria marary izy.

☝️Vao mainka aza manatona azy ianao satria mila fitsaboana izy.

Toy izany koa ny iraka nomen’i Kristy antsika.
Tsy hoe hiara-hanota amin’ny mpanota isika.
Tsy hoe hanaiky ny fahotany.
Tsy hoe hangina rehefa tokony hilaza ny marina.

❤️Fa hanatona azy amin’ny fitiavana, hilaza aminy ny fahamarinana, ary hitondra azy ho eo amin’i Kristy.✝️

⚠️ Ry Mpino, aza avela ny fahamarinana anananao hahatonga anao hanambany ilay mbola tsy mahalala ny fahamarinana.

Satria tadidio:
🔻Tsy noho ny fahamendrehantsika no namonjen’i Kristy antsika.

❤️ Fahasoavana no noraisintsika.

Koa raha misy olona lavo, aza ny fanamelohana no zavatra voalohany atolotra azy.

Aoka izy hahita ao amintsika:
🤝 Fitiavana,
🕊️ Fahalemem-panahy,
📖 Fahamarinana,

Hoy Paoly:
📖 “Fa ny mpanompon’ny Tompo tsy tokony hiady, fa ho malemy fanahy amin’ny olona rehetra...”
—II Timoty 2:24

🌿Ny Mpino tsy nantsoina hanilika ny mpanota, fa ho vavolombelon’i Kristy eo anivon’izy ireo.
◽Koa rehefa misy mpanota eo akaikinao, aza manontany fotsiny hoe:
❓“Inona no fahotany?”

Fa anontanio koa hoe:
❤️ “Inona no azoko atao mba hahitany an’i Kristy?”

🔥Aza ny mpanota no iadianao.

*Iadio ny fahotana.
*Tiavo ilay olona.
*Lazao aminy ny marina.
*Ary tariho ho eo amin’i Jesosy izy.

Satria mety ho olona heverinao fa tsy misy ilana azy anio, kanefa ao anatin’ny drafitr’Andriamanitra dia mety mbola ho ✨olona lehibe hampiasainy rahatrizay.

✝️ Tsy fahavalon-tsika Mpino ny mpanota, fa olona mila vonjy.

📖 Lioka 5:31–32 | II Timoty 2:24–25 | Efesiana 6:12

🙏 Aoka isika tsy ho olona mampandositra ny mpanota, fa olona mampahita azy an’i Kristy.**

✍️Pejy Randriamanantsoa
🔰Abonné ny page❤️

08/09/2026

🔥 TADIDIO FA MISY VALINY AVOKOA NY ZAVATRA REHETRA ATAONAO*
🔻Na ny tsara na ny ratsy🔻

☝️Tsy misy zavatra ataonao eto amin’ity fiainana ity izay tsy misy vokany.

*Ny teny lazainao, ny fomba itondranao olona, ny soa ataonao, ary na dia ny ratsy ataonao miafina aza — misy valiny avokoa.

🔰 Mety tsy ho tonga avy hatrany ny valiny.

🔰Mety tsy ho hitanao akory hoe oviana no hiverina aminao.

👉Fa izay afafinao no hojinjainao.

💌Raha mamafy fahatsarana ianao, tohizo.
💌Raha mamafy fahamarinana ianao, aza mihemotra.

♦️Fa raha manao ratsy ianao satria mieritreritra hoe “tsy misy mahita”,
☝️Tadidio fa :Tsy ny olona no mpitsara farany ny fiainanao.

📖 Hoy ny soratra Masina :
“Izay afafin’ny olona dia izay no hojinjany.”
— Galatiana 6:7

🌱 Koa tandremo ny zavatra afafinao anio.

Satria mety ho lasa valin’ny safidinao androany ny zavatra hiainanao rahampitso.

✍️ Pejy Randriamanantsoa.

07/09/2026

❗MATETIKA MANDALO OLANA IANAO SATRIA…?
Fa nahoana ..?

Mandalo olana ianao satria tsy ny olana rehetra tonga eo amin’ny fiainanao dia natao handrava anao. Tadidio izay☝️

Misy olana tonga hampianatra anao,
Misy mampahery anao,
Misy manitsy ny lalanao, ary misy mampiseho aminao hoe iza marina no tokony hianteheranao🙏.

Indraindray isika miteny hoe: “Nahoana no izaho foana?”
Kanefa mety ho izao no fanontaniana tokony hapetratsika:
🙏“Inona no tian’Andriamanitra hampianarina ahy amin’izao zavatra lalovako izao?”

Tsy midika akory izany fa Andriamanitra no mandefa ny olana rehetra.
Misy olana vokatry ny safidintsika,
Misy vokatry ny safidin’ny hafa, ary misy noho ny zava-misy iainantsika.
Saingy na inona na inona niandohany, 👉afaka mampiasa izany Andriamanitra hanabeazana sy hampitomboana antsika.

📖Hoy ny Soratra Masina:
“Ary fantatsika fa ny zavatra rehetra dia miara-miasa hahasoa izay tia an’Andriamanitra.” -(Romana 8:28)

☝️Noho izany, aza mijery ny olana amin’ny hoe: “Nahoana no mitranga amiko izao?” ihany, fa mianara manontany koa hoe: “Inona no tokony hianarako amin’izao?”

Satria indraindray, ny olana izay tianao hialana no lasa lesona tena ilainao mba hahatongavanao amin’izay toerana nokasain’Andriamanitra ho anao.**

Tsy ny olana no mamaritra ny fiafaranao, fa ny fomba iatrehanao azy sy izay ianaranao ao anatiny.

✍️ Pejy Randriamanantsoa
•Zarao amin'ny hafa ny hafatra
❤️ Abonné ny page❤️

06/09/2026

🔴MIADY IRERY VE IANAO IZAO?
☝️TADIDIO ARY ITY.

Mety misy fotoana eo amin’ny fiainana izay hahatsapanao fa ianao irery no miady.

Ianao irery no mitondra ny vesatra.
Ianao irery no miatrika ny olana.
Ianao irery no mahalala ny ranomaso afeninao rehefa mitsiky eo anatrehan’ny olona ianao.

Ary indraindray aza ianao manontany tena hoe:

“Fa nahoana no toa izaho irery no miatrika izao rehetra izao?”

Fa tadidio ity...

⚡Misy ady tsy nesorin’Andriamanitra taminao avy hatrany, satria ao anatin’izany ady izany no hamoahana ny tena herinao.

👉Rehefa tsy misy olona iankinanao intsony, dia mianatra mijoro ianao.

👉Rehefa tsy misy olona hamaha ny olanao, dia mitombo ny fahendrenao.

👉Rehefa tsy misy olona mampahery anao, dia mianatra mampahery ny tenanao ianao.

👉Ary rehefa toa tsy misy lalana intsony, dia eo indrindra no ianaranao matoky an’Andriamanitra fa tsy ny zavatra hitanao.

Tadidio anefa:
Tsy midika hoe irery ianao satria tsy misy olona eo anilanao.

⭐Mety tsy hitanao ny olona hanampy anao, fa Andriamanitra mbola eo.

📖Hoy Izy:

“Aza matahotra ianao, fa momba anao Aho; Ary aza miherikerika foana, fa Izaho no Andriamanitrao; Mampahery anao Aho sady mamonjy anao; Eny, mitantana anao amin'ny tanana ankavanan'ny fahamarinako Aho.
(Isaia 41 : 10)

Koa raha miady irery ianao izao, aza mieritreritra fa ady very izany.

Mety ho ao anatin’io ady io mihitsy no hananganan’Andriamanitra anao ho olona matanjaka kokoa.

Ilay andro nieritreretanao hoe “tsy ho vitako intsony” no mety hahitanao indray andro any hoe:
“Hay, nahery lavitra noho izay noheveriko aho.”

Ary rehefa tafavoaka ianao, dia tsy ilay olona niditra tao anatin’ilay ady intsony no hivoaka...
✊Fa olona matanjaka kokoa, matotra kokoa, ary akaiky kokoa an’Andriamanitra.

Aza kivy. Mbola tsy tapitra ny tantaranao. ❤️🙏

✍️Pejy Randriamanantsoa
✓Abonné ny page de zarao @ hafa ny hafatra🙏

05/09/2026

☝️Tadidio tsara ary ity ry havana

AO ANATIN’NY ADINAO NO TENA AHATSAPANAO IZAY OLONA TENA TIA ANAO

☝️Rehefa milamina ny fiainanao, maro no afaka miara-mihomehy aminao.

☝️Rehefa manana ianao, maro no afaka manatona anao.

Fa rehefa tonga ny adinanao, rehefa tsy manana hery intsony ianao, rehefa tsy misy zavatra azony antenaina aminao…

👉 eo no ahitanao izay tena tia anao.

Ny olona tena tia anao dia tsy voatery hanana vahaolana amin’ny olanao rehetra, fa tsy handao anao irery ao anatin’izany olana izany.

Mety tsy hahavita hanala ny ranomasonao izy, fa hipetraka eo akaikinao.
Mety tsy hahavita hamaha ny olanao izy, fa hivavaka miaraka aminao.
Mety tsy hanana izay ilainao izy, fa hizara aminao izay kely ananany.

Ny fitiavana marina dia tsy hita indrindra rehefa tsara ny andro, fa rehefa tonga ny tafio-drivotra.

📖Hoy ny soratra Masina :
"Izay tena sakaiza tokoa dia tia amin'ny andro rehetra, Sady miseho* ho rahalahy hamonjy amin'ny fahoriana. (Ohabolana 17 : 17)

Koa aza adino ireo olona tsy nandao anao tamin’ny fotoana naha-ratsy anao indrindra.
Mety ho vitsy izy ireo, fa matetika dia ireo no tena sarobidy.

Fa zao :
🔥Ny fahoriana indraindray tsy natao handrava anao, fa natao hampiseho aminao hoe iza no tena eo anilanao.
♨️Ny fotoan-tsarotra no manala ny saron-tava.

✍️ Pejy Randriamanantsoa
🔔Zarao @ hafa ny hafatra.
Abonné ny page🙏

Pejy Randriamanantsoa

15/09/2026

13/09/2026

12/09/2026

11/09/2026

10/09/2026

09/09/2026

08/09/2026

07/09/2026

06/09/2026

05/09/2026

Address

Website

Alerts

Shortcuts

Share

Category

Listing takedown request