TELEX

29/08/2026

29/08/2026

𝗥𝗲𝗵𝗲𝗳𝗮 𝘃𝗶𝘁𝗮 𝗕𝗔𝗖, 𝘁𝘀𝘆 𝗻𝘆 𝘃𝗮𝗹𝗶𝗺-𝗽𝗮𝗻𝗮𝗱𝗶𝗻𝗮𝗻𝗮 𝗶𝗻𝘁𝘀𝗼𝗻𝘆 𝗻𝗼 𝗳𝗮𝗻𝗼𝗻𝘁𝗮𝗻𝗶𝗮𝗻𝗮 𝗹𝗲𝗵𝗶𝗯𝗲 𝗶𝗻𝗱𝗿𝗶𝗻𝗱𝗿𝗮… 𝗳𝗮 𝗻𝘆 𝗹𝗮𝗹𝗮𝗻𝗮 𝗵𝗼𝗳𝗶𝗱𝗶𝗮𝗻𝗮 𝗮𝗼𝗿𝗶𝗮𝗻’𝗶𝘇𝗮𝘆.

Université sa asa avy hatrany? Diplôme sa compétence? Mijanona eto Madagasikara sa mandeha any ivelany? Passion sa vola? Salarié sa entrepreneur?

Tanora roa no mizara ny fomba fijeriny momba ireo safidy sy fanontaniana lehibe sedrain’ny tanora Malagasy rehefa manomboka mieritreritra ny hoaviny.

Resahina ao ihany koa ny anjara toeran’ny ray aman-dreny, ny formation en ligne sy AI, ny carrière sy ny fianakaviana, ary indrindra ny hoe: inona marina no atao hoe réussite ho an’ny tanora Malagasy?

Ary ianao, raha eo amin’io sampanan-dalana io, 𝗶𝗻𝗼𝗻𝗮 𝗻𝗼 𝘀𝗮𝗳𝗶𝗱𝘆 𝗵𝗮𝘁𝗮𝗼𝗻𝗮𝗼?

29/08/2026

🇲🇬 𝐌𝐀𝐃𝐀𝐆𝐀𝐒𝐈𝐊𝐀𝐑𝐀 𝐓𝐎𝐌𝐏𝐎𝐀𝐍𝐃𝐀𝐊𝐀𝐍’𝐈 𝐀𝐅𝐑𝐈𝐊𝐀

🖤💛 FEROX TOMPOANDAKAN’I AFRIKA !

AHOANA NY MANAO AMINAYYYYY ?

JZ Rayan sy Roberto SK no nandrombaka ny FIFAe Continental Championships amin’ny eFootball Console 2v2, ka nametraka an’i Madagasikara ho eo an-tampon’i Afrika.

Ao ambadik’ity fandresena lehibe ity, ny ekipan’ny FEROX iray manontolo dia niaraka tamin’izy ireo, nanohana ary nanosika azy ireo hatrany. Nino azy ireo ihany koa ireo Sponsors ary nanome ny fanampiana sy ny fitaovana nilaina mba hahatratrarana ity tanjona ity.

Saingy ity anaram-boninahitra ity dia an’i JZ Rayan sy Roberto SK voalohany indrindra : vokatry ny talentany, ny asa mafy nataony, ny fahavononany ary ny fifehezany ny taranja ataony. 🎮🔥

Vokatra manan-tantara sy rehareha lehibe ho an’ny firenena iray manontolo izao !

MODY AN-TANINDRAZANA NY AMBOARA ! 🇲🇬🔥

ALEFA MADAGASIKARA ! LET’S GO FEROX !

28/08/2026

𝗥𝗲𝗵𝗲𝗳𝗮 𝘃𝗶𝘁𝗮 𝗕𝗔𝗖, 𝗺𝗮𝗻𝗼𝗺𝗯𝗼𝗸𝗮 𝗲𝗼 𝗻𝘆 𝘁𝗲𝗻𝗮 𝘀𝗮𝗳𝗶𝗱𝘆 𝘀𝗮𝗿𝗼𝘁𝗿𝗮.

Université sa asa? Diplôme sa compétence? Madagascar sa any ivelany? Passion sa vola? Tanora roa no mizara ny fomba fijeriny momba ireo safidy lehibe miandry ny tanora aorian’ny BAC.

Santionany amin’ny resaka ho hitanareo amin’ny vidéo feno ity.

𝗛𝗶𝘃𝗼𝗮𝗸𝗮 𝗿𝗮𝗵𝗮𝗺𝗽𝗶𝘁𝘀𝗼 𝟮𝟵/𝟬𝟴/𝟮𝟬𝟮𝟲 𝗮𝗺𝗶𝗻’𝗻𝘆 𝟭𝟴𝗵 𝗻𝘆 𝘃𝗶𝗱𝗲́𝗼 𝗳𝗲𝗻𝗼.

28/08/2026

𝗛𝗘𝗥𝗜𝗡𝗔𝗥𝗔𝗧𝗥𝗔 : 𝗛𝗢 𝗔𝗩𝗬 𝗔𝗠𝗜𝗡’𝗡𝗬 𝗩𝗢𝗟𝗔𝗡𝗔 𝗡𝗢𝗩𝗔𝗠𝗕𝗥𝗔 𝗡𝗬 𝗧𝗥𝗔𝗡𝗦𝗙𝗢𝗥𝗠𝗔𝗧𝗘𝗨𝗥 𝗩𝗔𝗢𝗩𝗔𝗢 𝗛𝗢 𝗔𝗡’𝗜 𝗔𝗡𝗗𝗘𝗞𝗔𝗟𝗘𝗞𝗔

Hahazo fitaovana vaovao ny foibe mpamokatra herinaratra avy amin’ny rano ao Andekaleka. Transformateur manana tanjaka 41 MVA no efa voabaiko ary vinavinaina ho tonga eto Madagasikara amin’ny volana Novambra izao.

Araka ny nambaran’ny Minisitry ny Angovo sy ny Akoran’afo, Radonirina Lucas Rabearimanga, natao hanamafisana sy hiarovana kokoa ny famokarana herinaratra ao amin’ity foibe ity io fitaovana vaovao io.

Anisan’ny antony nanosika ny fividianana azy ny fahanteran’ilay transformateur mbola ampiasaina amin’izao fotoana izao, izay mety hampitombo ny mety hisian’ny fahasimbana sy fahatapahan’ny famokarana. Tokony hampihena izany loza izany ary hanatsara ny fahatokisana ny fotodrafitrasa ao Andekaleka ny fitaovana vaovao.

Zava-dehibe ho an’ny famatsiana herinaratra eto amin’ny firenena ny fahombiazan’ny foibe Andekaleka. Noho izany, antenaina fa hanampy amin’ny fitoniana sy ny fitohizan’ny famokarana herinaratra ny fanoloana sy fanavaozana ireo fitaovana fototra ao aminy.

28/08/2026

𝗙𝗔𝗠𝗕𝗢𝗟𝗘𝗡𝗔 : 𝗠𝗔𝗠𝗣𝗜𝗧𝗢𝗠𝗕𝗢 𝗡𝗬 𝗧𝗦𝗬 𝗙𝗔𝗡𝗝𝗔𝗥𝗜𝗔𝗡-𝗧𝗦𝗔𝗞𝗔𝗙𝗢 𝗡𝗬 𝗙𝗜𝗢𝗩𝗔𝗢𝗩𝗔𝗡’𝗡𝗬 𝗧𝗢𝗘𝗧𝗥’𝗔𝗡𝗗𝗥𝗢

Miha-marefo manoloana ny fiovaovan’ny toetr’andro ny sehatry ny fambolena eto Madagasikara. Mbola miankina betsaka amin’ny rotsak’orana ny tantsaha maro, ka rehefa tsy ara-potoana ny orana na maharitra ny haintany dia mety hihena ny vokatra. Misy fiantraikany mivantana amin’ny fidiram-bolan’ny tokantrano sy ny fahafahany mahazo sakafo ampy izany.

Araka ny angon-drakitra avy amin’ny Programme Alimentaire Mondial (PAM), olona manodidina ny 1,7 tapitrisa no miatrika tsy fanjarian-tsakafo lehibe amin’izao fotoana izao. Anisan’ny mampitombo izany olana izany ny fahavitsian’ny vola miditra, ny fiakaran’ny vidin-tsakafo ary ny fiantraikan’ny fiovaovan’ny toetr’andro.

Mbola marefo ihany koa ny vinavina momba ny famokarana fambolena amin’ny taona 2026. Araka ny FAO, mety hisy fiantraikany amin’ny famokarana vary, katsaka ary voamaina hafa ny fiovaovan’ny rotsak’orana, ny rivodoza mifanesisesy ary ny haintany mianjady amin’ny faritra atsimon’ny Nosy.

Tsy ny habetsahan’ny orana ihany anefa no olana. Lasa fanamby lehibe ihany koa ny fahasimban’ny tany sy ny fitantanana ny rano. Anisan’ny vahaolana heverina fa ilaina noho izany ny famerenana amin’ny laoniny ny tany simba, ny fanatsarana ny fitantanana ny rano ary ny fanamafisana ny fahafahan’ny tantsaha miatrika ny fiovaovan’ny toetr’andro.

Anisan’ny resaka lehibe voaresaka ao anatin’ny COP17 an’ny UNCCD, izay tanterahina ny 17 ka hatramin’ny 28 Aogositra 2026 any Oulan-Bator, Mongolia, ireo olana ireo. Mifantoka amin’ny famerenana amin’ny laoniny ny tany, ny fiatrehana ny haintany, ny fahazoana rano ary ny fanamafisana ny faharetan’ny rafitra ara-tsakafo manoloana ny fiovaovan’ny toetr’andro ny dinika.

28/08/2026

𝗙𝗜𝗔𝗥𝗔𝗛𝗔-𝗠𝗜𝗔𝗦𝗔 𝗔𝗥𝗔-𝗧𝗔𝗙𝗜𝗞𝗔 : 𝗠𝗜𝗔𝗥𝗔𝗠𝗜𝗟𝗔 𝗠𝗔𝗟𝗔𝗚𝗔𝗦𝗬 𝗡𝗔𝗠𝗣𝗜𝗢𝗙𝗔𝗡𝗜𝗡’𝗡𝗬 𝟱𝗘 𝗥𝗘́𝗚𝗜𝗠𝗘𝗡𝗧 𝗘́𝗧𝗥𝗔𝗡𝗚𝗘𝗥

Mitohy ny fiaraha-miasa ara-tafika eo amin’i Madagasikara sy i Frantsa. Nanomboka ny 27 Jolay ka hatramin’ny 14 Aogositra, dia nanatanteraka fiofanana ho an’ny miaramila malagasy tany Antsirabe sy Manjakandriana ny vondrona roa misahana ny fampiofanana ara-tafika (DIO) avy amin’ny 5e Régiment étranger.

Tany Antsirabe, nifantoka tamin’ny fampiasana drôna, ny ady an-tanàn-dehibe sy eny amin’ny toerana malalaka, ary ny fifandraisana ara-tafika, ny topografia ary ny vonjy aina eny an-kianjan’ady ny fiofanana.

Tany Manjakandriana kosa, nifantoka tamin’ny teknika ampiasain’ny sampana génie militaire. Anisan’izany ny fanokafana lalana, ny fampiasana explosifs, ny fametrahana tariby fefy ary ny fomba fiatrehana ireo fitaovana mipoaka namboarina na IED.

Tsy ny lafiny teknika ihany no nisongadina nandritra ireo fiofanana. Nampiroborobo ihany koa ny fifanakalozana traikefa sy fahaiza-manao teo amin’ny miaramila malagasy sy frantsay izany, ka heverina fa manampy amin’ny fanamafisana ny fahaiza-miasa eny an-kianja sy ny fiaraha-miasa ara-tafika eo amin’ny firenena roa tonta.

28/08/2026

𝗙𝗔𝗡𝗗𝗢𝗦𝗜𝗥𝗔𝗡𝗔 𝗧𝗔𝗢 𝗜𝗠𝗘𝗥𝗜𝗡𝗧𝗦𝗜𝗔𝗧𝗢𝗦𝗜𝗞𝗔 : 𝗠𝗣𝗜𝗔𝗡𝗗𝗥𝗔𝗜𝗞𝗜𝗧𝗥𝗔 𝗡𝗬 𝗙𝗢𝗡𝗝𝗔 𝟭𝟱 𝗡𝗔𝗔𝗧𝗢

𝗙𝗮𝗻𝗱𝗼𝘀𝗶𝗿𝗮𝗻𝗮 𝘃𝗼𝗮𝗳𝗼𝗻𝗷𝗮 𝗶𝗿𝗮𝘆, 𝗻𝗶𝗮𝗳𝗮𝗿𝗮 𝘁𝗮𝗺𝗶𝗻’𝗻𝘆 𝗳𝗮𝗺𝗽𝗶𝗮𝘁𝗼𝗮𝗻𝗮 𝗺𝗽𝗶𝗮𝘀𝗮𝗻’𝗻𝘆 𝗳𝗼𝗻𝗷𝗮 𝟭𝟱. Naato tsy ho eo am-panatanterahana ny asany ireo mpiasan’ny fonja miisa 15 ao amin’ny Maison de Force Imerintsiatosika, taorian’ny fandosiran’ny voafonja iray ny 7 Aogositra lasa teo.

Araka ny loharanom-baovao avy amin’ny Ministeran’ny Fitsarana, voalaza fa nisy voafonja iray nampanaovina asa tany ivelan’ny toerana fitazonana azy, ka anisan’izany ny fanasana fiaran’ireo mpiasan’ny fonja. Nandritra izany no voalaza fa nanararaotra ny fotoana ilay voafonja ka nandositra.

Vantany vao fantatra ny zava-nitranga, dia voalaza fa nanome toromarika hentitra ny minisitry ny Fitsarana mba hanamafisana ny fikarohana. Hita sy tratra ny harivan’io andro io ihany ilay voafonja.

Tsy nifarana teo anefa ny raharaha. Taorian’ny fanadihadiana nataon’ny Direction de l’Inspection pénitentiaire (DIP), dia nandray fepetra ara-pifehezana tamin’ireo mpiasan’ny fonja 15 voakasika ny Ministeran’ny Fitsarana.

Araka ny fanazavan’ny ministera, noho ny « 𝘁𝘀𝘆 𝗳𝗮𝗵𝗮𝘁𝗼𝗺𝗼𝗺𝗯𝗮𝗻𝗮𝗻𝗮 𝗵𝗶𝘁𝗮 𝘁𝗲𝗼 𝗮𝗺𝗶𝗻’𝗻𝘆 𝗳𝗮𝗻𝗮𝘁𝗮𝗻𝘁𝗲𝗿𝗮𝗵𝗮𝗻𝗮 𝗻𝘆 𝗮𝗻𝗱𝗿𝗮𝗶𝗸𝗶𝘁𝗿𝗮 𝗻𝗮𝗻𝗸𝗶𝗻𝗶𝗻𝗮 𝘁𝗮𝗺𝗶𝗻’𝗶𝘇𝘆 𝗶𝗿𝗲𝗼 » no anton’ny fampiatoana.

Nohamafisin’ny Ministeran’ny Fitsarana fa tafiditra ao anatin’ny ezaka hanamafisana ny fitsipi-pifehezana sy ny fandraisana andraikitra eo anivon’ny fonja izao fepetra izao. Tanjona ihany koa ny hiantohana ny fahamendrehana, ny fahitsiana ary ny fampandehanana araka ny tokony ho izy ny asam-panjakana misahana ny Fitsarana.

28/08/2026

𝗠𝗔𝗗𝗔𝗚𝗔𝗦𝗖𝗔𝗥 𝗔𝗜𝗥𝗟𝗜𝗡𝗘𝗦 : 𝗠𝗜𝗛𝗘𝗡𝗔 𝗩𝗢𝗡𝗝𝗜𝗠𝗔𝗜𝗞𝗔 𝗡𝗬 𝗙𝗔𝗛𝗔𝗙𝗔𝗛𝗔𝗡’𝗡𝗬 𝗙𝗜𝗔𝗥𝗔𝗠𝗔𝗡𝗜𝗗𝗜𝗡𝗔 𝗠𝗜𝗔𝗦𝗔

Miatrika fihenan’ny fahafahan’ny andian-tafika an’habakabaka ampiasainy i Madagascar Airlines amin’izao fotoana izao. Mety hiteraka fanitsiana vonjimaika ny fandaharam-potoanan’ny sidina izany, ka hisy fiantraikany amin’ny mpandeha sasany.

Anisan’ny antony lehibe mahatonga izao toe-javatra izao ny fampijanonana vonjimaika ny fiaramanidina iray, izay anaovana fanaraha-maso sy fanavaozana ara-teknika tsy maintsy tanterahina amin’ny moterany. Fepetra mifanaraka amin’ny fenitra sy ny fepetra takiana amin’ny fiarovana ny sidina izany.

Mety hisy ihany koa ny olana ara-teknika na ara-pitantanana tsy ampoizina, ka mitaky fanovana na fandaminana indray ny sidina sasany. Mety hisy fiovana amin’ny ora fiaingana na ny fandaharam-pitaterana, arakaraka ny toe-draharaha.

Manambara kosa ny Madagascar Airlines fa mbola manao izay tratra ny ekipany mba hitohizan’ny sidina sy hampihenana ny fiantraikan’izany amin’ny mpandeha. Miala tsiny amin’ireo mpanjifa voakasik’izany ihany koa ny orinasa.

Nohamafisin’ny kaompania fa ny fiarovana ny mpandeha sy ny fahafahan’ny fiaramanidina miasa ara-dalàna hatrany no laharam-pahamehana, na dia mitaky fanitsiana vonjimaika ny fandaharam-potoana aza izany.

28/08/2026

🦟 MOKAKAMO PIQUE L’ACTU

🚨 18 SUSPENDUS : MÊME LA JUSTICE A SORTI LE BALAI

Trois magistrats du PAC suspendus pour des manquements dans l’exercice de leurs fonctions.

Quinze agents pénitentiaires suspendus après l’évasion du 7 août à Imerintsiatosika.

Le détenu, lui, a été retrouvé.

🦟 MOKAKAMO :
« 18 suspendus…
À ce rythme-là, il va falloir vérifier qui tient encore le plafond. »

Mokakamo, moustique paresseux. Il vole peu, mais il pique juste. (Le seul journaliste Moustique au monde)

Le Média Citoyen