Dépêche Informative Taratra

Dépêche Informative Taratra Agence de presse nationale

🔺 𝐅𝐚𝐧𝐚𝐦𝐚𝐟𝐢𝐬𝐚𝐦-𝐩𝐢𝐚𝐫𝐚𝐡𝐚-𝐦𝐢𝐚𝐬𝐚 𝐞𝐨 𝐌𝐚𝐝𝐚𝐠𝐚𝐬𝐢𝐤𝐚𝐫𝐚 𝐬𝐲 𝐈𝐧𝐝𝐨𝐧𝐞𝐬𝐢𝐚✅ Manatanteraka fitsidihana ofisialy any Indonésie ao Jakarta ny...
04/06/2026

🔺 𝐅𝐚𝐧𝐚𝐦𝐚𝐟𝐢𝐬𝐚𝐦-𝐩𝐢𝐚𝐫𝐚𝐡𝐚-𝐦𝐢𝐚𝐬𝐚 𝐞𝐨 𝐌𝐚𝐝𝐚𝐠𝐚𝐬𝐢𝐤𝐚𝐫𝐚 𝐬𝐲 𝐈𝐧𝐝𝐨𝐧𝐞𝐬𝐢𝐚

✅ Manatanteraka fitsidihana ofisialy any Indonésie ao Jakarta ny delegasiona malagasy tarihan'ny Minisitry ny Raharaham-bahiny N'Diaye Alice.

Andrasana amin'izao fitsidihana mandritra ny roa andro izao ny fanaovan-tsonia fifanaraham-piaraha-miasa maromaro mandritra ity fitsidihana ofisialy ity izay efa voadinika hatry ny ela ho fanamafisana o***a ny fiaraha-miasan'ny firenena roa tonta.

✅ Tafiditra ao anatin'ny fanamafisana ny fiaraha-miasan'ny firenena roa tonta ihany koa ny fankalazana ny faha-50 taonan'ny fifandraisana ara-diplomatika ihany koa.

🔺 𝐓𝐚𝐤𝐚𝐥𝐨 𝐚𝐦-𝐩𝐚𝐦𝐨𝐥𝐨𝐚𝐧𝐚 : 𝐎𝐦𝐞𝐧𝐚 𝐥𝐚𝐧𝐣𝐚 𝐧𝐲 𝐭𝐞𝐧𝐲 𝐌𝐚𝐥𝐚𝐠𝐚𝐬𝐲 𝐚𝐦𝐢𝐧'𝐢𝐳𝐚𝐨 𝐯𝐨𝐥𝐚𝐧𝐚 𝐉𝐨𝐧𝐚 𝐢𝐳𝐚𝐨✅ "Voambolana Malagasy mahasadaikatra : f...
03/06/2026

🔺 𝐓𝐚𝐤𝐚𝐥𝐨 𝐚𝐦-𝐩𝐚𝐦𝐨𝐥𝐨𝐚𝐧𝐚 : 𝐎𝐦𝐞𝐧𝐚 𝐥𝐚𝐧𝐣𝐚 𝐧𝐲 𝐭𝐞𝐧𝐲 𝐌𝐚𝐥𝐚𝐠𝐚𝐬𝐲 𝐚𝐦𝐢𝐧'𝐢𝐳𝐚𝐨 𝐯𝐨𝐥𝐚𝐧𝐚 𝐉𝐨𝐧𝐚 𝐢𝐳𝐚𝐨

✅ "Voambolana Malagasy mahasadaikatra : fady sa azo tenenina" sy "Teny Malagasy disoina fanoratra anaty tambajotra : loza mitatao sa fandrosoana tsy azo ihodivirana", ireo no lohahevitra novelabelarina nandritra ny takalo am-pamoloana, androany. Notanterahina tao amin'ny efitrano Dox, tao amin'ny tranom-bokim-pirenena eto Madagasikara (BNM), ao Anosy izany. Namelavebatra ny lohahevitra Ny Mpanabe Tsara, mpampianatra mpanabe sy i Ariela Fanoitra, poeta.

✅ Natao hanandratana sy hanomezan-danja ny tenin-drazantsika izany, indrindra amin'izao iray volan'ny teny Malagasy izao, ity hetsika ity, raha ny nambaran-dRavoniarisoa Noël Liva, tale jeneralin'ny BNM. Ny tantara sy ny tany ary ny teny no singa iray lehibe maha firenena ny firenena, izany hoe eo ambonin'ny tany no anoratana ny tantara amin'ny tenin-drazana. Miafotra ao anatin'io teny io mantsy ny kolontsaintsika, hoy hatrany ny tenany. Entanina, noho izany, ny rehetra mba ho tia ny teny Malagasy sy hanandratra azy hatrany.

✅ Marihina fa hetsika karakarain'ny Minisiteran'ny Serasera sy ny Kolontsaina (MSK) sy ny BNM ary ny Famoloana Telozoro izy ity. Ny takalo am-pamoloana dia tsy inona fa famoronana sehatra hahafahana mifanakalo hevitra izay mifototra indrindra amin'ny maha malagasy nefa misokatra amin'ny kolontsaina maro loko. Ny mpanoratra, ny mpanao lahabolana sy ny mpandala ny fomba ary izay rehetra mikirakira ny teny sy ny soratra no voakasik'izany. Atao isaky ny alarobia voalohan'ny volana izy ity, iresahana lohahevitra isan-karazany.

✅ Raha ny fanazavan'i Andrianimerina Hobiana, mpano***a ny Famoloana Telozoro, tanjona ny hahafahana manitatra sy mampivelatra ny fahalalan'ny mpiantsehatra amin'ny maha malagasy, indrindra ny mpanoratra satria izy ireo no sinibe afaka anovozana.

🔺 𝐍𝐚𝐦𝐩𝐢𝐚𝐭𝐨𝐚𝐧𝐚 𝐨𝐫𝐢𝐧𝐚𝐬𝐚 𝐢𝐫𝐚𝐲 𝐧𝐨𝐡𝐨 𝐧𝐲 𝐟𝐚𝐧𝐝𝐨𝐭𝐨𝐚𝐧𝐚 𝐥𝐚𝐤𝐚𝐧-𝐝𝐫𝐚𝐧𝐨 𝐭𝐚𝐨 𝐚𝐦𝐢𝐧’𝐧𝐲 𝐟𝐨𝐤𝐨𝐧𝐭𝐚𝐧𝐲 𝐀𝐦𝐛𝐨𝐡𝐢𝐦𝐞𝐧𝐚✅ Naharay fitarainana avy amin...
03/06/2026

🔺 𝐍𝐚𝐦𝐩𝐢𝐚𝐭𝐨𝐚𝐧𝐚 𝐨𝐫𝐢𝐧𝐚𝐬𝐚 𝐢𝐫𝐚𝐲 𝐧𝐨𝐡𝐨 𝐧𝐲 𝐟𝐚𝐧𝐝𝐨𝐭𝐨𝐚𝐧𝐚 𝐥𝐚𝐤𝐚𝐧-𝐝𝐫𝐚𝐧𝐨 𝐭𝐚𝐨 𝐚𝐦𝐢𝐧’𝐧𝐲 𝐟𝐨𝐤𝐨𝐧𝐭𝐚𝐧𝐲 𝐀𝐦𝐛𝐨𝐡𝐢𝐦𝐞𝐧𝐚

✅ Naharay fitarainana avy amin’ireo mponina ao amin’ny fokontany Ambohimena, distrikan’Antsirabe I, ny Fitaleavam-paritry ny Tontolo Iainana sy ny Fandrosoana Lovainjafy (DREDD) Vakinankaratra ny 1 Jona lasa teo, taorian’ny fahitana tranga fandotoana tao amin’ny tatatra fivarinan-drano ao an-toerana. Taorian’izay dia nidina avy hatrany nijery ifotony ny zava-misy ny ekipan’ny DREDD omaly. Nandritra ny fitsirihana natao teny an-toerana no nahitana fa niova ho mena ny lokon’ny rano tao amin’ilay lakandrano, ka niteraka ahiahy teo amin’ny mponina.

✅ Vokatry ny fanadihadiana nataon’ny tompon’andraikitra no nahafantarana fa avy amin’ny o***asa mpanamboatra lamba iray ao an-toerana no niavian’ilay rano miloko mena niditra tao amin’ny tatatra. Raha ny fanazavana voaray, dia nisy tsy fahatomombanana teo amin’ny rafitra fanadiovana rano maloto an’ilay o***asa, ka nahatonga ny rano nampiasaina tamin’ny fandokoana lamba hivoaka nefa mbola tsy voadio tanteraka.

✅ Manoloana izany dia nandray fepetra avy hatrany ny DREDD Vakinankaratra ka nampiato ny famarinana rano ataon’ilay o***asa ao amin’ity tatatra ity mandra-pahavitan’ny fanarenana ny fitaovana fanadiovana rano. Nomena baiko ihany koa ilay o***asa mba hanadio ny tatatra voaloto, hiara-hiasa amin’ireo fokontany voakasika ary hanao fialan-tsiny amin’ireo mponina tratran’ny voka-dratsin’ity tranga ity.

✅ Fantatra fa fokontany roa no voakasik’ity fandotoana ity, dia ny Ambohimena sy Antanety. Na dia teo aza izany, dia voalaza fa manana fahazoan-dalana ara-tontolo iainana ilay o***asa ary efa tao amin’io tatatra fivarinan-drano maloto io hatramin’izay no namoahany ny rano efa voadio.

✅ Manoloana ny tranga tahaka izao, dia manentana hatrany ny olom-pirenena ny Minisiteran’ny Tontolo Iainana sy ny Fandrosoana Lovainjafy (MEDD) mba hampandre avy hatrany ny Fitaleavam-paritry ny MEDD raha mahita tranga fandotoana, mba hahafahana mandray fepetra ara-potoana sy miaro ny tontolo iainana ary ny fahasalaman’ny mponina.

🔺 𝐅𝐚𝐧𝐨𝐦𝐚𝐧𝐚𝐧𝐚 𝐧𝐲 𝐅𝐢𝐤𝐚𝐨𝐧𝐝𝐨𝐡𝐚𝐦-𝐏𝐢𝐫𝐞𝐧𝐞𝐧𝐚 : 𝐦𝐚𝐧𝐨𝐡𝐚𝐧𝐚 𝐧𝐲 𝐟𝐢𝐭𝐚𝐫𝐢𝐡𝐚𝐧’𝐧𝐲 𝐅𝐅𝐊𝐌 𝐧𝐲 𝐚𝐧𝐭𝐨𝐤𝐨 𝐔𝐍𝐃𝐃✅ Nanambara ny Antoko UNDD (Union Nat...
03/06/2026

🔺 𝐅𝐚𝐧𝐨𝐦𝐚𝐧𝐚𝐧𝐚 𝐧𝐲 𝐅𝐢𝐤𝐚𝐨𝐧𝐝𝐨𝐡𝐚𝐦-𝐏𝐢𝐫𝐞𝐧𝐞𝐧𝐚 : 𝐦𝐚𝐧𝐨𝐡𝐚𝐧𝐚 𝐧𝐲 𝐟𝐢𝐭𝐚𝐫𝐢𝐡𝐚𝐧’𝐧𝐲 𝐅𝐅𝐊𝐌 𝐧𝐲 𝐚𝐧𝐭𝐨𝐤𝐨 𝐔𝐍𝐃𝐃

✅ Nanambara ny Antoko UNDD (Union Nationale pour le Développement et la Démocratie) fa dingana lehibe sy saro-pady ho an’i Madagasikara izany, satria heveriny ho fototry ny fanavaozana ny rafitra fitantanana, ny fampihavanam-pirenena, ny fanamafisana ny demokrasia, ny fananana Lalàmpanorenana sy lalàm-pifidianana eken’ny rehetra, ary ny fisian’ny fifidianana mangarahara ary filaminana maharitra. ‎Naneho ny fitokisany sy ny fanohanany tanteraka ny FFKM ny UNDD amin’ny fitarihana sy fitantanana ny Fikaondoham-Pirenena ho amin’ny fananganana ny Repoblika faha-5.

✅ Mampirisika sy manohana ny fitarihan’ny FFKM ny antoko UNDD noho ny traikefa ananan’ny FFKM amin’ny fitarihana dinika sy fampihavanana nasionaly, ny fiaraha-miasa efa nisy teo amin’ny roa tonta, ary ny fahitana azy ho rafitra tsy mitanila sy eken’ny ankamaroan’ny Malagasy, antony anolorana azy hitantana izany dingana izany.

✅ Nambaran’ny UNDD fa afaka mitondra ny firenena mankany amin’ny marimaritra iraisana sy ny fitoniana maharitra ny FFKM amin’ity raharaha lehibe ity. Marihina fa ny UNDD no antoko politika voalohany naneho ampahibemaso ny fanohanany ny fandraisan’ny FFKM ny fitarihana ny Fikaondoham-Pirenena.

🔺 𝐇𝐚𝐝𝐢𝐦𝐢𝐚𝐧𝐚 𝐒𝐚𝐧𝐝𝐫𝐚𝐭𝐫𝐚 : 𝐝𝐢𝐦𝐲 𝐚𝐧𝐝𝐫𝐨 𝐡𝐢𝐚𝐢𝐧𝐚𝐧𝐚 𝐧𝐲 𝐥𝐢𝐭𝐞𝐫𝐚𝐭𝐢𝐨𝐫𝐚 𝐬𝐲 𝐧𝐲 𝐤𝐨𝐥𝐨𝐧𝐭𝐬𝐚𝐢𝐧𝐚 𝐦𝐚𝐥𝐚𝐠𝐚𝐬𝐲‎✅ Ao anatin’ny fankalazana ny Vola...
03/06/2026

🔺 𝐇𝐚𝐝𝐢𝐦𝐢𝐚𝐧𝐚 𝐒𝐚𝐧𝐝𝐫𝐚𝐭𝐫𝐚 : 𝐝𝐢𝐦𝐲 𝐚𝐧𝐝𝐫𝐨 𝐡𝐢𝐚𝐢𝐧𝐚𝐧𝐚 𝐧𝐲 𝐥𝐢𝐭𝐞𝐫𝐚𝐭𝐢𝐨𝐫𝐚 𝐬𝐲 𝐧𝐲 𝐤𝐨𝐥𝐨𝐧𝐭𝐬𝐚𝐢𝐧𝐚 𝐦𝐚𝐥𝐚𝐠𝐚𝐬𝐲

‎✅ Ao anatin’ny fankalazana ny Volan’ny Teny Malagasy no hanatanterahan’ny Faribolana Sandratra ny “Hadimiana Sandratra”, hetsika haharitra dimy andro, manomboka ny 8 ka hatramin’ny 12 Jona, eo ambany fiahian’ny Minisiteran’ny Serasera sy ny Kolontsaina.
Hosokafana amin’ny fomba ofisialy ny alatsinainy 8 Jona ny hetsika, miaraka amin’ny fanolorana ny boky iraisana “Sandra-kanto”. Boky misy pejy 148 izy io ary mampivondrona ny sanganasan’ireo mpanoratra miisa 77 avy amin’ny lafivalon’i Madagasikara, maneho ny haren’ny famoronana literera malagasy amin’izao fotoana izao.

‎✅ Mandritra ny herinandro dia hisy fampirantiana misokatra ho an’ny rehetra ao amin’ny Tranombokim-pirenena, manomboka amin’ny 9 ora maraina ka hatramin’ny 4 ora hariva. Hisy ihany koa ny fivarotana boky sy gazety Ambioka, ahafahan’ny mpitsidika mifandray mivantana amin’ny tontolon’ny haisoratra sy ny famoaham-boky.

‎✅ Hanankarena velakevitra sy fifanakalozan-kevitra ny fandaharam-potoana, iarahana amin’ireo mpandray anjara isan-karazany, anisan’izany i Pasitera Irako Ammi Andriamahazosoa, Jeneraly Désiré Ramakavelo, Tsiloko Mahadigny, Kelly Randria, R Coft ary Ngaly. Hatao mandritra ireo dimy andro ihany koa ny atrikasa samihafa ho an’ireo liana amin’ny fanoratana sy ny zavakanto an-tsoratra.

‎✅ Nisokatra handray fikambanana sy vondrona hafa ny Faribolana Sandratra, ka anisan’ny handray anjara ny LMA amin’ny alalan’ny antsa tononkalo ary ny Havatsa-UPEM, ho fanamafisana ny fiaraha-mientan’ny mpisehatra eo amin’ny tontolon’ny literatiora malagasy.

‎✅ Ny seho an-kira hataon’i Ralanto no hamarana ny fandaharana ao amin’ny Tranombokim-pirenena. Hifarana amin’ny “Lasin’Ainga” any Mandraka kosa ny Hadimiana Sandratra ny alin’ny zoma hifoha sabotsy, ho fotoana hamintinana sy hankalazana ny fiarahana nandritra ny dimy andro natokana ho an’ny teny, ny haisoratra ary ny kolontsaina malagasy.

🔺 𝐍𝐢𝐟𝐚𝐦𝐩𝐢𝐝𝐢𝐧𝐢𝐤𝐚 𝐧𝐲 𝐚𝐦𝐢𝐧'𝐧𝐲 𝐡𝐢𝐭𝐨𝐧𝐝𝐫𝐚𝐧𝐚 𝐧𝐲 𝐅𝐢𝐤𝐚𝐨𝐧𝐚𝐧-𝐝𝐨𝐡𝐚𝐦-𝐩𝐢𝐫𝐞𝐧𝐞𝐧𝐚 𝐧𝐲 𝐅𝐚𝐧𝐣𝐚𝐧𝐤𝐚𝐧𝐚 𝐬𝐲 𝐧𝐲 𝐅𝐅𝐊𝐌‎✅ Tonga nanatrika ny fihaonana...
03/06/2026

🔺 𝐍𝐢𝐟𝐚𝐦𝐩𝐢𝐝𝐢𝐧𝐢𝐤𝐚 𝐧𝐲 𝐚𝐦𝐢𝐧'𝐧𝐲 𝐡𝐢𝐭𝐨𝐧𝐝𝐫𝐚𝐧𝐚 𝐧𝐲 𝐅𝐢𝐤𝐚𝐨𝐧𝐚𝐧-𝐝𝐨𝐡𝐚𝐦-𝐩𝐢𝐫𝐞𝐧𝐞𝐧𝐚 𝐧𝐲 𝐅𝐚𝐧𝐣𝐚𝐧𝐤𝐚𝐧𝐚 𝐬𝐲 𝐧𝐲 𝐅𝐅𝐊𝐌

‎✅ Tonga nanatrika ny fihaonana niaraka tamin’ny Filohan’ny Fanavaozana, ny Kolonely Randrianirina Michaël, ny Praiminisitra Rajaonarison Mamitiana, ary ny Minisitry ny Fanavaozana, Maître Razafimanantsoa Hanitra, ireo solontenan’ny Fiombonan’ny Fiangonana Kristiana eto Madagasikara (FFKM).

‎✅ Anisan’ireo nandray anjara tamin’izany ny Mgr Samoela Jaona Ranarivelo, Filohan’ny EEM sady Filohan’ny FFKM amin’ity taona ity, ny Pasteur Zaka Hary Masina Andriamampianina, Filohan’ny FJKM, ary ny Mgr Jean de Dieu Raoelison, Filohan’ny Ekar. Nandefa solontena kosa ny FLM dia i Andry Fiankinana.

‎✅ Tanjona tamin’ny fihaonana ny fandaminana ny tokony ho fizotran’ny Fikaonan-doham-pirenena. .

Nisongadina nandritra ny fivoriana ny maha-zava-dehibe ny fametrahana ny tombontsoa ambonin’ny Firenena ho laharam-pahamehana manoloana ireo fanamby ara-pampandrosoana.

‎✅ Niantso ireo tompon’andraikitra rehetra ny Filohan’ny Fanavaozana mba handresy ny tombontsoa manokana sy ny kajikajy samihafa, mba hiarovana ny firaisam-pirenena sy hampandrosoana an’i Madagasikara. « Aoka ny tombontsoa ambonin’ny Firenena no ho laharam-pahamehana ho antsika rehetra. Tsy tokony hisy tombontsoa manokana na kajikajy samihafa hanakana ny fandrosoana sy ny firaisan’ny tanindrazantsika », hoy izy.

🔺 𝐀𝐆𝐎𝐀 : 𝐡𝐢𝐚𝐫𝐨 𝐧𝐲 𝐭𝐨𝐦𝐛𝐨𝐭𝐬𝐨𝐚𝐧'𝐧𝐲 𝐦𝐩𝐢𝐚𝐬𝐚 𝐬𝐲 𝐨𝐫𝐢𝐧𝐚𝐬𝐚 𝐦𝐩𝐚𝐧𝐨𝐧𝐝𝐫𝐚𝐧𝐚 𝐧𝐲 𝐅𝐚𝐧𝐣𝐚𝐤𝐚𝐧𝐚‎✅ Mikendry ny hiaro ny tombontsoan’ny mpiasa ...
03/06/2026

🔺 𝐀𝐆𝐎𝐀 : 𝐡𝐢𝐚𝐫𝐨 𝐧𝐲 𝐭𝐨𝐦𝐛𝐨𝐭𝐬𝐨𝐚𝐧'𝐧𝐲 𝐦𝐩𝐢𝐚𝐬𝐚 𝐬𝐲 𝐨𝐫𝐢𝐧𝐚𝐬𝐚 𝐦𝐩𝐚𝐧𝐨𝐧𝐝𝐫𝐚𝐧𝐚 𝐧𝐲 𝐅𝐚𝐧𝐣𝐚𝐤𝐚𝐧𝐚

‎✅ Mikendry ny hiaro ny tombontsoan’ny mpiasa sy ny o***asa mpanondrana entana ny Governemanta manoloana ny fanamby mahakasika ny ho avin’ny AGOA (African Growth and Opportunity Act). Nankatoavina nandritra ny Filan-kevitry ny minisitra ny 2 Jona ny toeran’i Madagasikara momba izany ary ny fandefasana izany any amin’ny United States Trade Representative (USTR).

‎✅ Tanjona amin’ity dingana ity ny hitazonana ny fahafahan’ireo vokatra malagasy miditra amin’ny tsena amerikana amin’ny fepetra manokana.

‎✅ Tsena iray tena manan-danja ho an’ny sehatry ny lamba sy ny fanjairana izany, satria o***asa maro eto Madagasikara no manondrana ny vokatra vokariny any Etazonia.
Asa an’arivony no voaforona mivantana ao amin’ireo o***asa mpamokatra sy mpanondrana vokatry ny AGOA. Ankoatra izany, maro koa ireo mahazo tombontsoa ankolaka amin’ny fisian’ireo o***asa ireo, toy ny mpitatitra, ny mpamatsy kojakoja ary ireo mpivarotra sakafo manodidina ny faritra iasan’ny o***asa.

‎✅ Zava-dehibe eo amin’ny lafiny toekarena sy sosialy ny fitazonana ireo tombontsoa omen’ny AGOA ho an'ny Fanjakana. Kendrena amin’izany ny hanohizana ny famokarana sy ny fanondranana, hanamafisana ny fifaninanana ara-toekaren’ny o***asa malagasy ary hiarovana ny fidiram-bolan’ny fianakaviana maro.

🔺 𝐀𝐧𝐨𝐬𝐲-𝐀𝐧𝐨𝐬𝐢𝐳𝐚𝐭𝐨 : 𝐧𝐚𝐦𝐞𝐭𝐫𝐚𝐤𝐚 𝐥𝐚𝐦𝐢𝐧𝐚 𝐟𝐚𝐧𝐚𝐝𝐢𝐨𝐯𝐚𝐧𝐚 𝐬𝐲 𝐟𝐚𝐧𝐝𝐚𝐦𝐢𝐧𝐚𝐧𝐚 𝐧𝐲 𝐏𝐨𝐥𝐢𝐬𝐢𝐦𝐩𝐢𝐫𝐞𝐧𝐞𝐧𝐚✅ Manoloana ireo fitohanana lavareny m...
03/06/2026

🔺 𝐀𝐧𝐨𝐬𝐲-𝐀𝐧𝐨𝐬𝐢𝐳𝐚𝐭𝐨 : 𝐧𝐚𝐦𝐞𝐭𝐫𝐚𝐤𝐚 𝐥𝐚𝐦𝐢𝐧𝐚 𝐟𝐚𝐧𝐚𝐝𝐢𝐨𝐯𝐚𝐧𝐚 𝐬𝐲 𝐟𝐚𝐧𝐝𝐚𝐦𝐢𝐧𝐚𝐧𝐚 𝐧𝐲 𝐏𝐨𝐥𝐢𝐬𝐢𝐦𝐩𝐢𝐫𝐞𝐧𝐞𝐧𝐚

✅ Manoloana ireo fitohanana lavareny mampitaraina ny vahoaka eny amin'ny lalana Anosy, Anosy be, Anosizato dia nametraka lamina ny Polisimpirenena amin’ny fanadiovana ary fandaminana ny fifamoivoizana amin’ny lalana manodidina ny Anosy sy Anosizato Atsinanana ny Polisy avy ao amin’ny Kaomisaria Mahamasina (CSP5)

‎✅ Tanjona ny handaminana ny lalana, hametrahana sy hampianarana ny mpivarotra tsy hiditra anatin’ny lalan’ny fiara mifamezivezy mba tsy hihazo ny sisin-dalana roa ny sarety sy ny bisikileta ka hampisosa tsara ny lalana afovoany, mba tsy hijanona ela loatra amin’ny fiantsonana ireo taxi be ary mba hanajan'ny mpandeha an-tongotra ny sisin-dalana

✅ Izany no natao dia ho fiarovana ny mpampiasa lalana sy hanalefahana ny fitohanana izay hita fa miteraka fandaniam-potoana be loatra ho an’ny be sy ny maro.

🔺 𝐑𝐨𝐲𝐚𝐥 𝐒𝐮𝐦𝐦𝐢𝐭 𝐀𝐟𝐫𝐢𝐤𝐚 𝐀𝐭𝐬𝐢𝐦𝐨 : 𝐒𝐞𝐡𝐚𝐭𝐫𝐚 𝐢𝐫𝐚𝐲 𝐡𝐚𝐧𝐚𝐦𝐚𝐟𝐢𝐬𝐚𝐧𝐚 𝐧𝐲 𝐟𝐢𝐫𝐚𝐢𝐬𝐚𝐧𝐤𝐢𝐧𝐚 𝐬𝐲 𝐧𝐲 𝐟𝐢𝐚𝐫𝐚𝐡𝐚-𝐦𝐢𝐚𝐬𝐚 𝐚𝐟𝐫𝐢𝐤𝐚𝐧𝐢𝐧𝐚.✅ Tanterahina an...
03/06/2026

🔺 𝐑𝐨𝐲𝐚𝐥 𝐒𝐮𝐦𝐦𝐢𝐭 𝐀𝐟𝐫𝐢𝐤𝐚 𝐀𝐭𝐬𝐢𝐦𝐨 : 𝐒𝐞𝐡𝐚𝐭𝐫𝐚 𝐢𝐫𝐚𝐲 𝐡𝐚𝐧𝐚𝐦𝐚𝐟𝐢𝐬𝐚𝐧𝐚 𝐧𝐲 𝐟𝐢𝐫𝐚𝐢𝐬𝐚𝐧𝐤𝐢𝐧𝐚 𝐬𝐲 𝐧𝐲 𝐟𝐢𝐚𝐫𝐚𝐡𝐚-𝐦𝐢𝐚𝐬𝐚 𝐚𝐟𝐫𝐢𝐤𝐚𝐧𝐢𝐧𝐚.

✅ Tanterahina any Johannesburg, Afrika Atsimo, ny fihaonambe Royal Summit, izay mampivondrona ireo Mpanjaka, Mpanjakavavy Reny ary mpitarika nentin-drazana avy amin’ireo firenena maro manerana an’i Afrika. Mandray anjara amin’izany ihany koa i Madagascar amin’ny alalan’ny Fédération des Communautés Royales Traditionnelles Coutumières Culturelles de Madagascar (FCRTM).

✅ Mifantoka amin’ny lohahevitra maro mifandraika amin’ny fiarovana sy fampiroboroboana ny kolontsaina ary ny fomban-drazana afrikanina ny fihaonambe. Anisan’izany ny anjara toeran’ireo mpitarika nentin-drazana amin’ny fampandrosoana ny fiarahamonina, ny fanamafisana ny fandriampahalemana sy ny firaisankina eo amin’ireo vahoaka afrikanina, ary ny fiarovana ny lova ara-kolontsaina ho an’ny taranaka ankehitriny sy ny ho avy.

✅ Tanjona lehibe amin’ity fihaonana ity ny fanamafisana ny fiaraha-miasa eo amin’ireo fanjakana sy fitondrana nentin-drazana manerana an’i Afrika, ny fifampizarana traikefa sy fomba fanao mahomby amin’ny fitantanana ny fiarahamonina, ary ny fikarohana vahaolana iraisana hiatrehana ireo fanamby ara-tsosialy sy ara-kolontsaina atrehan’ny kaontinanta.

✅ Nandritra ny fifanakalozan-kevitra dia nasongadina ihany koa ny maha-zava-dehibe ny fandraisan’anjaran’ny tanora sy ny vehivavy amin’ny fitandroana sy fampitana ireo soatoavina afrikanina, indrindra ao anatin’ny tontolo iray voamariky ny fiovan’ny vanim-potoana sy ny fanatontoloana.

✅ Talohan’ny nanombohan’ny fivoriana ofisialy dia nisy fotoana fahanginana iray minitra natokana hanomezam-boninahitra ireo mpitarika nentin-drazana efa nodimandry, ka isan’izany i Ngwenyama Mpezeni IV sy Nana Ama Amissah.

🔺 𝐀𝐧𝐤𝐢𝐳𝐲 𝐦𝐚𝐡𝐞𝐫𝐢𝐧’𝐧𝐲 𝟒 𝟎𝟎𝟎 𝐧𝐨 𝐞𝐟𝐚 𝐧𝐢𝐬𝐢𝐭𝐫𝐚𝐤𝐚 𝐟𝐢𝐭𝐬𝐚𝐛𝐨𝐚𝐧𝐚 𝐦𝐢𝐯𝐚𝐝𝐢-𝐭𝐨𝐧𝐠𝐨𝐭𝐫𝐚 𝐞𝐭𝐨 𝐌𝐚𝐝𝐚𝐠𝐚𝐬𝐢𝐤𝐚𝐫𝐚✅ Ankalazaina isan-taona ny Andro ...
03/06/2026

🔺 𝐀𝐧𝐤𝐢𝐳𝐲 𝐦𝐚𝐡𝐞𝐫𝐢𝐧’𝐧𝐲 𝟒 𝟎𝟎𝟎 𝐧𝐨 𝐞𝐟𝐚 𝐧𝐢𝐬𝐢𝐭𝐫𝐚𝐤𝐚 𝐟𝐢𝐭𝐬𝐚𝐛𝐨𝐚𝐧𝐚 𝐦𝐢𝐯𝐚𝐝𝐢-𝐭𝐨𝐧𝐠𝐨𝐭𝐫𝐚 𝐞𝐭𝐨 𝐌𝐚𝐝𝐚𝐠𝐚𝐬𝐢𝐤𝐚𝐫𝐚

✅ Ankalazaina isan-taona ny Andro Maneran-tany ho an’ny ady amin’ny Mivadi-tongotra (Pied bot), aretina fahasembanana miseho eo amin’ny tongotry ny zaza hatrany am-bohoka. Ho an’ity taona ity, ny lohahevitra entina manamarika izany dia ny hoe : “Hetsika mialoha ho an’ny ankizy tsirairay : fitiliana, fitsaboana ary fanaraha-maso ny Mivadi-tongotra eto Madagasikara.”

✅ Araka ny antontanisa, zaza iray ka hatramin’ny roa amin’ny teraka velona 1 000 no voan’ity fahasembanana ity. Raha tsy voamarika sy tsaboina ara-potoana anefa izy io dia mety hiteraka fahasembanana maharitra, ka hanasarotra ny fivezivezen’ny zaza sy ny fandraisany anjara feno eo amin’ny fiarahamonina.

✅ Ankehitriny dia efa misy fomba fitsaboana mahomby sy azo antoka ahafahana manitsy tanteraka ny tongotry ny zaza voan’ity fahasembanana ity. Efa misy ny vahaolana mahomby amin’ny alalan’ny fomba fitsaboana antsoina hoe "Ponseti", izay ahafahana manitsy tsikelikely ny fivilian’ny tongotra. Mety ampiana fitsaboana ara-pandidiana ihany koa izany. Zava-dehibe ny fanombohana haingana ny fitsaboana, na dia vao andro vitsy monja aza aorian’ny fahaterahana dia efa azo raisina an-tanana ny fitsaboana.

✅ Eto Madagasikara, efa maherin’ny 4 000 ireo ankizy nisitraka fitsaboana sy fanarenana noho ny fivadian-tongotra, vokatry ny fiaraha-miasan’ny Ministeran’ny Fahasalamam-bahoaka sy ireo mpiara-miombon’antoka aminy.

✅ Ho fanamarihana ity andro maneran-tany ity, dia hisy hetsika fanentanana sy fitiliana hatao manerana ireo Faritra 24 eto Madagasikara. Tanjona amin’izany ny hahafahana mamantatra haingana ireo tranga vaovao sy manamora ny fandraisana an-tanana ireo ankizy voakasika.

✅ Manentana ny ray aman-dreny sy ny mpiahy ny Minisiteran’ny Fahasalamam-bahoaka mba hitondra avy hatrany eny amin’ny tobim-pahasalamana ny zaza ahiahiana ho manana mivadi-tongotra. Araka ny fanazavana, azo sitranina tsara ity fahasembanana ity raha voamarika sy tsaboina dieny mbola kely.

Address

Antananarivo

Telephone

+261321291293

Website

Alerts

Be the first to know and let us send you an email when Dépêche Informative Taratra posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dépêche Informative Taratra:

Shortcuts

Share

Category