M24 News

06/09/2025

❗Camion semi-remorque kila forehitra tanteraka izao maraina izao, 5 KM tsy hiditra an'i ANKOTROFOTSY (AMBATOLAHY), any amin'ny RN34

Tsy fantatra aloha izay tena antony loza, fa tena tsisy azo raisina ilay camion😢 tao amin'ny mpamily kosa no niantombohan'ny afo.

Efa omaly izy io no nivadika teo ary feno entana raha ny loharanom-baovao voaray. Tonga teo ihany ny zandary vao nanomboka ny afo saingy tsy voasakana intsony.

📷Lj adoré

06/09/2025

🎯🚫 OLONA ROA KA VEHIVAVY NY IRAY VOASAMBOTRY NY POLISIMPIRENENA MISAHANA NY ADY AMIN'NY ZAVA-MAHADOMELINA NAHATRARANA HEROINE 852 GRAMA.

👮 Ny 01 Septambra 2025 hariva tetsy Ampefiloha, nahatsikaritra fihetsika hafahafa tamin'izy roa ny Polisimpirenena tomponandraikitra amin'ity sehatra ity.

🕵️ Niroso tamin'ny fisavana ny zavatra noentin'ilay vehivavy ireo Polisy ka nandritra izany no nahatrarana héroïne milanja 852 grama. Nosamborina avy hatrany, natao fanadihadiana ka nandritra izany no nahafahana nisambotra ny teratany Nigerianina tompon'ireo zava-mahadomelina mahery vaika ireo. Ny 02 Septambra 2025 izy no voasambotra tetsy Antohomadinika. Mbola tratra tao aminy ireo plastika famonosana zava-mahadomelina fampiasany.

⚖️ Natolotra ny Fampanoavana ny 5 Septambra 2025 ary naiditra am-ponja vonjy maika eny Tsiafahy ilay teratany vahiny raha eny amin'ny fonjan'Antanimora Ilay vehivavy.

©️Polisim-pirenena Malagasy

06/09/2025

Tena TSIRARINY mihintsy hoy MARC TATANDRAZA raha miangaitra ianareo vahoaka MALAGASY. Raha samy nitaraina sy hangataka fanampiana ihany izahay dia maninona i RAKOOL no nahazo VOLA BE midangana 22, 740, 946 ariary na 113, 704, 730 Fmg tsotr'izao tao anatin'ny 48
Ora fontsiny. Fa maninon raha
izaho no mangataka dia tsy mahazo nadia 50ariary mondra aza anatin'ny taona maro.

06/09/2025

🚨 LOZAM-PIFAMOIVOIZANA NAHARATRANA MPANDEHA 🚨




05 Septembre 2025 - 04 ora sy fahefany hariva
RN 4 PK 112 + 820
Tamponketsa Fkt Androvatsimo CU Ankazobe.

🛑 Ivelan'ny tanàna.

⛔ Fiara kamiao lehibe iray, misy fahasimbana. Mijanona eo amin'ny sisin'arabe.
📌 Fiara kamiao kely iray HYUNDAI hisongona an'ity kamiao mijanona ity avy any aorianany.
📌 Fiara fitateram-bahoaka SPRINTER iray mifanohitra lalana amin'izy roa.

❌ VOKATRY NY TSY FAMETRAHAN'ILAY KAMIAO LEHIBE NY TAKELAKA NA MARI-PAMANTARANA FAMANTARANA FISIAN'NY FIARA MIJANONA

🛑 Vokatry ny fandehanan'ilay Kamiao kely mafy anaty fiolahana ka tsy tafajanona ara-potoana raha tojo tsy ampoizina

🚨 Niala an'ilay kamiao lehibe haingana ilay kamiao kely ka nizotra ny ilan'ny lalana ankaviany mba tsy hidona amin'ilay kamiao lehibe.


📌 Fiara fitateram-bahoaka mizotra ny havanany soamantsara tsy amin'ahiahy no nifanao don-doha tamin'ilay fiarakely.
🛑 Mafy dia mafy ny fifandonana ka niara nijadona anterisetra ireo fiara roa tonta. Simba tanteraka ny endrika amam-bikan'ireo fiara.

⚠️ Mandeha miisa kosa no naratra ka ny roa tamin'izy ireo dia tena tsy maintsy nentina namonjy hopitaly Antananarivo.

🚨 Nampidirina ambalan-tsazy ireo kamiao roa niteradoza.
⚖️ Notanana atao famotorana avokoa ireo mpamily azy ireo sy ny mpamily mpanampy.

©️CIRGN ANTANANARIVO

05/09/2025

⚫️Olona 17 no namoy ny ainy, 21 naratra mafy vokatry ny fahatapahana câble nitarika ny "funiculaire" tao Lisbonne - Portugal omaly hariva.
👉Najanona daholo tsy handeha ny "funiculaire" rehetra ao Portugal ary misy fisaonam-pirenena.

Vaovao Malaza Eran-tany

05/09/2025

05/09/2025

Nirehitra dépôt iray tao Anjavidy Tamatave tokony ho tamin'ny 2 sasany maraina tany oany , sarotsarotra ny famonoana ny afo .

Niavo Nomentsoa

05/09/2025

🚨 HALATRA TAO AMIN'NY MPAMPIASA AZY - NAMONO TENA REHEFA FANTANY FA HO TRATRA 🚨




02 Septambra 2025 - 01 ora atoandro
📌 Fonenana Imeritsiatosika

🛑 Mpiasa iray natokisana hiasa ao amin'ny toerana fitehirizam-bokatra iray no nanitak-kevitra hamoaka antsokosoko ny vary akotry amin'ny gony iray fiara fourgon.

📱 Niantso namana saofera iray izy saingy tsy nety hiray tsikombakomba aminy amin'ny asa ratsy ilay mpamily satria matahotra an'Andriamanitra sy ny fonja ka nampandre ny tompon'ny entana ny fikasan-dratsin'ity mpiasa tranainy ity.

🚱 Rehefa fantar'ity mpiambina fa ho tratra izy dia namono tena tamin'ny fihinanana .

⚰️ Tamin'ny fotoana nahatongavan'ny zandary teny an-toerana dia hita fa efa narary mafy izy ka nentina haingana namonjy toeram-pitsaboana saingy tsy tana ny ainy.

📌 Tovolahy vao 23 taona ity namoy ny ainy ity ary mpiasa tena itokisan'ny mpampiasa azy. Tsara karama. Iantohana sakafo, trano fatoriana, hatramin'ny fahana finday. Saingy tsy naharitra ny mena miraviravy nitsiriritra reto vary amin'ny taonina maro nambenany.

🙏 Mankahery ny fianakavian'ny namoy ny ainy.

©️CIRGN Antananarivo

05/09/2025

Anisan'ireo nivoaka hopitaly nefa mbola tsy salama koa izy 2 vavy ireo ary mangataka EVASAN.
Taorian'ny nahenony fa maty koa i Déborah dia matahotra mafy i Mbolatiana sy i Mampionona, tovovavy samy 21 taona. Isan’ireo efa sitrana saingy miverina sempotra sy reraka koa mantsy i Mampionona, raha toa ka nisy lalandra tsentsina ny an’i Mbolatiana ka tsy maintsy nidirany hopitaly indray iray volana lasa izay. Miantso ny handefasana azy ireo hanaraka fitsaboana any ivelany na atao « EVASAN » arak’izany izy 2 vavy ireto. Nambaran’izy ireo moa fa 7 sisa izy ireo no mbola velona, taorian’ny nahafatesan’i Deborah iny.
Source: RealNews

05/09/2025

BAREA - NANDRESY 2 NOHO 1 TEO AN-JARIDAINANY.

Tsy afa-bela tamin'ny Barea an'i Madagasikara ny ekipan'i Les Fauves du Bas-Oubangui centreafrique. I Madagasikara no nampihatrano ny lalao tao amin'ny kianjan'i Larbi Zaouli Stadium Maroc.

04/09/2025

📍 Nalefa atao fanadihadiana eny amin'ny Brigade des Accidents de la Circulation (BAC) Tsaralalàna ireo mpamily sy mpamily mpanampin'ny zotra 015 nanao fandikan-dalana teny Maroroho Tsimbazaza ny 2 Septambra 2025 teo.

⭕ Nampidirina ambalam-pamonjana ilay fiara ary nafindra bus hafa ireo mpandeha tao anatiny nandritran'ny fisamborana.

Vaovao Farany Fil d’infos ofisialy

04/09/2025

📍 Na dia mbola tsy misy aza ny orana dia efa miakatra sahady ny rano etsy Behoririka 😨

(Sary nindramina)
Vaovao farany fil d’infos ofisialy