https://www.facebook.com/528492220818400/

X-press, Antananarivo (2025)

31/07/2025

🔴RAHARAHA AMBOHIMALAZA : NAIDITRA AM-PONJA VONJIMAIKA FENOHASINA SY NY RENINY

Samy naiditra am-ponja vonjimaika alina i Fenohasina, ilay tompom-pety, sy ny Reniny, isan'ny voarohirohy tamin'ilay raharaha nahafatesan'olona maro teny Ambohimalaza, mandrapiandry ny fitsarana azy ireo.

Vita alina ny fakana ambavany azy ireo. Mbola mitohy ny fanadihadiana hoy ny toniam-pampanoa lalàna ka aorian'izay no atao ny fitsarana ampahibemaso.

(📸Le jité)

22/07/2025

🔴RAHARAHA AMBOHIMALAZA

Nilaza ny hanome ny tatitra sy fanazavana manoloana ny raharaha mikasika ny fanapoizinana niteraka famoizana ain’olona maro ny Filoha Andry Rajoelina sy ireo Minisitra tompon’andraikitra eny amin'ny Lapam-panjakana Iavoloha.

Handeha mivantana ao amin'ny haino amanjery TVM sy RNM ny Alakamisy 24 jolay ho avy izao, amin'ny 8 ora alina.

21/07/2025

🔴Fanadinam-panjakana Bakalorea: Polisy misoloky manana laza adina tra-tehaka ary atao fanadihadiana.

Laza adina vao nosokafana tamin'ny 7 ora sasany maraina no nalaina polisy iray sary ary naparitany tamin'ny tambazotran-tseratsera. Milaza fa mivarotra ny laza adina amin’ny sarany 60 000 Ariary izy. Fika entiny hisolokina fa manana laza adina manaraka io.

Efa tratra ity mpisoloky ity ary efa atao famotorana amin’izao fotoana izao raha ny vaovao avy amin'ny minisiteran'ny Fampianarana ambony sy Fikarohana ara-tsiansa.

Milaza ny tsy hitsitsy ny tompon'andrakitra fa hampihatra ny sazy avy hatrany amin'izay mandika lalàna.

© Dépêche Informative Taratra

18/07/2025

🔴TAMBABEN'NY MPIASAN' NY JIRAMA : MITAKY NY FAMPIATOANA NY SATA VAOVAO

Tsy afapo tamin'ny dinika nifanaovana tamin'ny filoham-pirenena ireo solontenan'ny mpiasan'ny Jirama.

Tsy manaiky hatramin’ny farany ilay sata vaovao izy ireo ka takiany ny fampiatoana io sata vaovaon'ny Jirama io.

Ireo no nambaran'izy ireo androany raha nitafa tamin'ny mpanao gazety.

©Kolo Tv

18/07/2025

🔴 RAHARAHA AMBOHIMALAZA : TAFIAKATRA 31 IREO NAMOY NY AINY

Nitombo iray indray ny isan'ny olona maty vokatr'ilay fanapoizinana ara-tsakafo teny Ambohimalaza.

Tovolahy iray no nodimandry ny atoandro teo raha nanaraka fitsaboana tao amin'ny hopitaly HJRA.

Tafiakatra 31 araka izany ny isan'ny maty tamin’ity lanonana nampidi-doza ity.

Mankahery ny fianakaviana🥺

15/07/2025

ROLLY MERCIA : HIVOAKA NY FONJA RAHAMPITSO

Hivoaka ny fonja rahampitso Alarobia, ny Minisitry ny serasera sy ny kolontsaina teo aloha Harry Laurent Rahajason na Rolly Mercia, rehefa voatazona am-ponja nandritra ny 6 taona sy 5 volana tao Antanimora.

Anisany vesatra nanenjehana azy ka nanamelohana azy higadra 44 vola an-tranomaizina ny resaka " atteinte à la sûreté de l' Etat". Niampy 30 volana indray io sazy io nohon' ny fijoroana vavolombelona mandainga.

© Midi Madagasikara

08/07/2025

🔴𝗔𝗦𝗔 𝗔𝗡𝗬 𝗖𝗔𝗡𝗔𝗗𝗔 : 𝗠𝗜𝗥𝗢𝗛𝗢𝗧𝗥𝗔 𝗠𝗔𝗡𝗞𝗔𝗡𝗬 𝗡𝗬 𝗧𝗔𝗡𝗢𝗥𝗔

Omena fahafahana ny tanora Malagasy hanatsara ny fahaizany sy hampitomboana ny fahafahany mahita asa Canada. Nanomboka ny taona 2021, manodidina ny 950 ny Malagasy miala an' i Madagasikara hiasa any amin’io firenena io.

Vita sonia omaly 07 Jolay 2025 ny fanaovan-tsonia ny fifanarahana teo amin’ny Ministeran’ny Asa, ny Fampananan’asa ary ny Asam-panjakana sy ny avy eo amin’ny Chambre de Commerce et de Coopération Canada-Madagascar (CANCHAM).

Hiompana amin’ny fametrahana fifindra-monina ara-dalàna, milamina sy mirindra ny fifanarahana nifanaovana tamin’ny CANCHAM. Tafiditra ao anatin' izany ihany koa ny fanamoràna ny fanomezana ny atotan-taratasy ho an’ny mpiasa ho any Canada ary ny fanamafisana ny fahaiza-manaon’ireo tanora ireo manoloana ny filàn’ny firenena kanadianina.

©Le jité

03/07/2025

🔴KOLONELY PATRICK RAKOTOMAMONJY : VOAHELOKA 20 TAONA AN-TRANOMAIZINA SAZY MIHATRA

Voasazy 20 taona an-tranomaizina sazy mihatra ny « Médecin colonel » RakotomamonjyPatrick.

Olona iray hafa mpiray tsikombakomba taminy nahazo 10 taona an-tranomaizina.

Ireo voarohirohy ambiny kosa nahazo fahafahana noho ny fisalasalana.

©️Gazetiko

02/07/2025

🔴 TVA 20% ALAINA AMIN' NY ZANA-BOLA :

Nanamafy ny hampiharana ny haba amin' ny tataom-bidy (TVA) 20% amin' ireo zana-bola alain' ny banky amin' ny findramam-bola omeny ny mpanjifa ny Fanjakana amin' ny alalan' ny Tale Jeneralin'ny hetra (DGI).

Tsy mbola ampiharina avy hatrany anefa io fepetra io araka ny fanambarana nivoaka ny 02 Jolay tamin’ny 01 ora maraina.

Miantso ireo Banky rehetra hiandry ny fivoahan’ny Fanambarana Ofisialy avy amin’ny Goverenemta, hanazava misimisy kokoa ny fampiharana ny TVA 20% amin’ny zanabola amin’ny findramam-bola ny DGI.

01/07/2025

🔴 FAHAPOIZINANA ARA-TSAKAFO TAO AMBOSITRA : TAFIAKATRA 17 IREO NAMOY NY AINY

Tafiakatra 17 ny isan’ireo namoy ny ainy vokatry ny fahapoizinana ara-tsakafo tany Ambositra. Omaly 30 jona, olona efatra, isan’ireo tratry ny fahapoizinana ara-tsakafo, no voalaza fa namoy ny ainy ka ny telo tamin’ireo notsaboina tany Antsirabe ary ny iray kosa teto Antananarivo.

Marary miisa enina hatreto no mbola manaraka fitsaboana ao amin’ny CHRR Volafotsy vokatr’ity tranga ity.

Mitaky ny hampahafantarana ilay sakafo tena nihavian'ny loza sy ny vokatry fitiliana natao ireo mponina any an-toerana izay miaina anaty tebiteby ankehitriny.

01/07/2025

🔴SOLIKA : NIDINA 200 AR ISAKY NY LITATRA NY LASANTSY SY GASOIL

Nahitana fidinany 200 ar isaky ny litatra ny vidin' ny Gasoil sy Essence sans plomb, nanomboka androany 1 jolay 2025.

Midina ho 4 900 Ar/L ny Gasoil raha 5 100 Ar/L teo aloha, 5 320 Ar/L ny lasantsy SP, raha 5 520 Ar/L teo aloha.

Ho an’ny pétrole lampant kosa dia fihenam-bidy 50 Ar no hita, ka lasa 3 380 Ar/L raha 3 430 Ar teo aloha.

©OMH

01/07/2025

🔴 NOSY MALAGASY - ÎLES ÉPARSES

Mitaky ny fanonerana ny fahavoazana sy fahaverezana ara-toekarena nahazo an’i Madagasikara nandritra ny taona maro tsy nisitrahany ny fiandrianana amin’ireo Nosy Malagasy ireo; ny delegasionina malagasy nandritry ny fivoriana faharoan’ny vaomiera itambarana frantsay sy malagasy.

Natao tao Parisy Frantsa androany 30 Jona 2025 ny fivoriana andiany faharoan’ny Vaomiera itambarana frantsay sy malagasy momba ny Nosy Malagasy any amin’ny Ranomasimbe Indiana. Ny Ministry ny raharaha eoropeana sy raharaham-bahiny frantsay, Andriamatoa Jean Noel BARROT, sy ny Ministry ny raharaham-bahiny malagasy Ramatoa Rafaravavitafika RASATA no nitarika ny fivoriana.

Tao anatin’ny lalantsain’ny fitoniana sy ny fifampitokisana eo amin’ny firenena roa tonta ihany dia nitaky ireto teboka ireto ny delegasiona malagasy :

● Fampiantoana ny fandraisana fanapahan-kevitra samirery mikasika ireo Nosy, mandram-piandry ny hisian’ny vahaolana ifanarahana araka ny fanirian’ireo Filohampirenena roa tonta.
● Fanohizana ny fifanakalozan-kevitra
mba hahatongavana amina vahaolana
am-pilaminana, rariny ary maharitra, manaja ny hetahetan’ny vahoaka malagasy.
● Fametrahana lasitra ankapobeny momba ny fiarahamiasa eo amin’ny firenena malagasy sy frantsay izay tsy manohitohina velively ny fotokevitra ijoroan’i Madagasikara dia ny fananany ny fiandrianana amin’ireo Nosy ireo.
● Fametrahana fomba eken’ny roa tonta amin’ny fanarahamaso sy fifampidinihana ary tafiditra ao anatin’izany ny fanohizana ny fikarakarana fivoriana matetika araka ny
tetiandro ifanarahan’ny andaniny sy ny ankilany.
● Famelana malalaka ny mpanjono malagasy hanjono amin’ny fari dranomasin’ireo Nosy
Malagasy ireo, toy ny efa nataon’ireo razambeny tany aloha.
● Fanonerana ny fahavoazana sy fahaverezana ara-toekarena nahazo an’i Madagasikara nandritra ny taona maro tsy nisitrahany ny fiandrianana amin’ireo Nosy Malagasy ireo.
● Fandraisana anjaran’ireo mpikaroka malagasy amin’ny asa fikarohana rehetra atao

X-press

31/07/2025

22/07/2025

21/07/2025

18/07/2025

18/07/2025

15/07/2025

08/07/2025

03/07/2025

02/07/2025

01/07/2025

01/07/2025

01/07/2025

Address

Website

Alerts

Contact The Business

Shortcuts

Share

Category