What are the opening hours?

Monday 09:00 - 06:00 Tuesday 09:00 - 06:00 Wednesday 09:00 - 06:00 Thursday 09:00 - 06:00 Friday 09:00 - 06:00

https://www.facebook.com/561324790390126/

Le quotidien de Mada

Home
Madagascar
Antananarivo
Le quotidien de Mada

Contact information, map and directions, contact form, opening hours, services, ratings, photos, videos and announcements from Le quotidien de Mada, Media/News Company, Faravohitra, Antananarivo.

Le quotidien de Mada est un média en ligne de référence, animé par des journalistes spécialisés, qui vous propose chaque semaine les dernières actualités essentielles à Madagascar.

08/09/2026

🇲🇬 𝙁𝘼𝙈𝙄𝙉𝘿𝙍𝘼𝙉𝘼 𝙉𝙔 𝘼𝙉𝘿𝙄𝘼𝙉𝙔 𝙑𝙊𝘼𝙇𝙊𝙃𝘼𝙉𝙔 𝙏𝘼𝙈𝙄𝙉’𝙄𝙍𝙀𝙊 𝙏𝙀𝙍𝘼𝙏𝘼𝙉𝙔 𝙎𝙄𝙉𝙊𝘼 𝙑𝙊𝘼𝙃𝙀𝙇𝙊𝙆𝘼 𝙉𝙊𝙃𝙊 𝙉𝙔 𝙁𝙄𝙎𝙊𝙇𝙊𝙆𝙄𝘼𝙉𝘼 𝘼𝙉-𝙏𝙎𝙀𝙍𝘼𝙎𝙀𝙍𝘼 (𝙎𝘾𝘼𝙈𝙈𝙄𝙉𝙂)

📍Tontosa androany 07 Septambra 2026 ny famindrana ny andiany voalohany tamin’ireo teratany Sinoa miisa 50 voaheloka teto Madagasikara noho ny heloka mifandray amin’ny fisolokiana an-tserasera (scamming). Izany no tanteraka dia noho ny fiaraha-miasa akaiky tamin’ny "INTERPOL" sy ny Masoivohon’i Sina eto Madagasikara, ka niainga tao amin’ny Fonjaben’Avaradrano izy ireo ho any Sina.

🌐 Tafiditra ao anatin’ny fanamafisana ny fiaraha-miasa eo amin’i Madagasikara sy ny Fanjakana Entim-bahoaka an'i Sina amin’ny ady amin’ny heloka bevava miampita sisintany izao hetsika izao. Ny Minisiteran’ny Fitsarana no niandraikitra ny fizotry ny famindrana, araka ny lalàna sy ny fombafomba ara-pitsarana manan-kery, miaraka amin’ny fandraisan’anjaran’ny Minisiteran’ny Filaminam-bahoaka amin’ny fiarovana ny hetsika.

Dingana lehibe amin’ny ady amin’ny heloka bevava miampita sisintany izao hetsika izao, ary manamafy ny fiaraha-miasa ara-pitsarana sy ara-piarovana eo amin’i Madagasikara sy i Sina. Manamafy ny Fanjakana Malagasy fa tsy misy olona ambonin’ny lalàna ary tanterahina amim-panajana tanteraka ny didim-pitsarana.

29/08/2026

🚨 Raharaha Stéphanie sy Haingotiana : voasambotra ireo efa-dahy tomponantoka ary maty voatifitra rehefa nikasa ny handositra

Fantatra ireo efa-dahy voarohirohy tamin’ny fanolanana sy famonoana tamin’ny fomba feno habibiana an’i Stéphanie sy i Haingotiana, izay hita faty ny alahady lasa teo tao Ambohimanga. Voasambotra tsikelikely izy ireo nanomboka ny talata raha ny fanazavana noetin'ny mpiandraikitra ny fanadihadiana.

I Sitraka, izay voalaza fa nitondra ilay fiara nampiasain’izy ireo, no tratra voalohany. Nitohy ny fanadihadiana, ka voasambotra ihany koa i Aldo, i Larry fantatra amin’ny anarana hoe Kevs, ary i Ntsoa.

Araka ny fanazavana azo, samy niaiky ny fandraisany anjara tamin’ny raharaha izy efa-dahy. Nampiasa antsy sy « coup-de-poing américain » izy ireo nampijaliana sy namaranana ny ain'i Stephanie sy i Haingotiana.

Porofo maro no voaangona nandritra ny fanadihadiana. Anisan’izany ny horonantsary voalaza fa nalain'ny iray amin'izy ireo nandritra ny nitrangan’ny fihetsika feno habibiana. Hita tao anatin’ilay fiara ihany koa ireo fitafiana, kiraro ary satroka nampiasain’ireo voarohirohy tamin’ny fotoana nanaovana ny fanafihana.

Nandritra ny « reconstitution » teny Ambohimanga Rova izay fanao amina tranga tahak'itony androany maraina, niezaka naka ny basy teny amin’ny mpitandro filaminana ny iray tamin’ireo voarohirohy. Nanararaotra izany ireo telo hafa ka nikasa ny handositra.

Nampiasa ny fitaovam-piadiana teny aminy avy hatrany ny mpitandro filaminana hifehezana azy ireo. Tsy tana ny ain’izy efa-dahy.

23/08/2026

𝗡𝗮𝗼𝗹𝗮𝗻𝗮 𝗮𝘃𝘆 𝗲𝗼 𝗻𝗼𝗱𝗶𝗱𝗶𝗮𝗻𝗮 𝗻𝘆 𝘁𝗲𝗻𝗱𝗮𝗻'𝗻𝘆 𝗶𝗿𝗮𝘆 𝘁𝗮𝗺𝗶𝗻'𝗶𝘇𝘆 𝟮 𝘃𝗮𝘃𝘆

Araka ny voalaza dia niala tao an-tranony ny zoma maraina tao Manjakaray, hoe hijery cinema eny Ambodivona i Nohasoavina Mikaella Israele Stéphanie 21 taona, sy Samison Vololoniaina Haingotiana 17 taona.🕊

Taorian'ny tsy nahazoana antso azy ireo dia narahina ny findainy izay nanondro eny Ambohimanga.

Indrisy anefa, hita ihany izy roa vavy fa saingy efa tsy misy aina intsony.

Nambaran'ny mpitsabo fa naolana ny iray avy eo nodidiana ny tendany, misy diana zava-maranitra ihany koa ny lohan'izy ireo. Tombanana tany amin'ny toeran-kafa koa no namonoana azy izay vao navarina tao Andranomatsatso.

Misokatra ny fanadihadiana lalina amin'ity raharaha ity ary omena anao eto ny tohiny.

🙏 Mirary fihononana feno ho an'ny fianakaviana

19/08/2026

🔴 Tovolahy iray 20 taona avy any Mandrosonoro no nikasa hiditra hangalatra tao amina tokantrano iray teny Ampitatafika androany vao maraina tokony ho tamin'ny 3 ora saingy voatifitry ny tompon-trano.

🔴 Tsy vao izao no nisy nikasa hamaky ity trano ity fa efa fandroany izao; ny voalohany niantso vonjy ny tompon-trano ka niporitsaka ny jiolahy; tamin'ity kosa dia tsy niantso vonjy intsony izy ireo fa avy hatrany dia nitifitra. Ny tompon-trano rahateo izay mpitandro ny filaminana.

🔴 Voa ranamana ka izy indray no niantso vonjy ka noraisim-potsiny ary nentina notsaboina ary efa eny am-pelatanan'ny manam-pahefana.

18/08/2026

📌 Tsy neken'ny Fitsarana maorisiana ny
fangatahana fahafahana vonjimaika arahana anto-bola napetrak'ireo mpisolovava ny mpandraharaha Mamy RAVATOMANGA.

« Manohintohina ny fanohizana ny fanadihadiana ny fanomezana izany sady ahiana hitsoaka ihany koa izy, hoy ny valiny avy amin'ny fitsarana androany.

Mijanona any am-ponja ihany araka izany ny voampanga.

Sary fanehoana

12/08/2026

💥 Fanambarana avy amin'ny GPM.

🔹Samy nigadona tao Toamasina androany Alarobia faha-12 aogositra 2026 ny sambo mpitondra solika nafaran'ny GPM na ny Vondron'ireo mpanafatra solika eto Madagasikara, sy ny an'ny Fitondrana Malagasy, izay hamatsiana solika ny orinasa JIRAMA, araka ny efa nambaran'ny Minisitry ny Angovo sy ny Akoran'afo tamin'ny herinandro lasa teo.

🔹Nanao fanambarana omaly faha-11 aogositra 2026 ny GPM nilaza fa nofehezin'ny Fitondrana Malagasy ny fahafahana mampidina solika ao amin'ny "Terminal Pétrolier", ao Toamasina, ka mahatonga ny tsy fahafahana mampidina ny solika entin'ny sambo izay mitondra ny solika nafaran'ny GPM.

➡️ Izany araka ny fanambarana dia mety hiteraka olana eo amin'ny famatsiana sy hampihena ny tahirin-tsolika eto amintsika, izay efa nisy fandaminana matotra napetraka nandritra ny 20 taona mahery.

🔹Noho izany, nilaza ny GPM fa tsy ho tompon'andraikitra amin'izay mety ho olana ateraky ny tsy fahampian'ny solika sy izay mety ho fikorontanan'ny famatsiana izy ireo, raha toa ka misy izany vokatr'io fanapahan-kevitra noraisin'ny Fitondrana Malagasy tsy niaraha-nidika io.

➡️ Dika-teny malalaka.

28/07/2026

𝟐𝟕 𝐣𝐨𝐥𝐚𝐲 𝟐𝟎𝟐𝟔 | 𝐋𝐚𝐩𝐚𝐦-𝐩𝐚𝐧𝐣𝐚𝐤𝐚𝐧𝐚 𝐈𝐚𝐯𝐨𝐥𝐨𝐡𝐚

𝐅𝐢𝐡𝐚𝐨𝐧𝐚𝐧𝐚 𝐭𝐞𝐨 𝐚𝐦𝐢𝐧’𝐧𝐲 𝐅𝐢𝐥𝐨𝐡𝐚𝐧'𝐧𝐲 𝐅𝐚𝐧𝐚𝐯𝐚𝐨𝐳𝐚𝐧𝐚 𝐬𝐲 𝐢𝐫𝐞𝐨 𝐅𝐢𝐥𝐨𝐡𝐚𝐦-𝐩𝐢𝐫𝐞𝐧𝐞𝐧𝐚 𝐦𝐢𝐫𝐚𝐡𝐚𝐥𝐚𝐡𝐲 𝐭𝐞𝐨 𝐚𝐥𝐨𝐡𝐚.

✅️ 𝐀𝐦𝐢𝐧’𝐢𝐳𝐚𝐨 𝐤𝐢𝐡𝐨𝐧-𝐝𝐚𝐥𝐚𝐧𝐚 𝐚𝐧𝐤𝐚𝐭𝐨𝐤𝐲 𝐧𝐲 𝐟𝐚𝐧𝐨𝐦𝐛𝐨𝐡𝐚𝐧𝐚 𝐧𝐲 𝐅𝐢𝐤𝐚𝐨𝐧𝐚𝐧𝐝𝐨𝐡𝐚𝐦-𝐩𝐢𝐫𝐞𝐧𝐞𝐧𝐚 𝐬𝐲 𝐧𝐲 𝐟𝐢𝐟𝐚𝐦𝐩𝐢𝐫𝐞𝐬𝐚𝐡𝐚𝐧𝐚 𝐚𝐫𝐚-𝐩𝐨̂𝐥𝐢𝐭𝐢𝐤𝐚 𝐢𝐳𝐚𝐨 𝐝𝐢𝐚 𝐧𝐨𝐫𝐚𝐢𝐬𝐢𝐧’𝐧𝐲 𝐅𝐢𝐥𝐨𝐡𝐚𝐧'𝐧𝐲 𝐅𝐚𝐧𝐚𝐯𝐚𝐨𝐳𝐚𝐧𝐚, 𝐧𝐲 𝐊𝐨̂𝐥𝐨̂𝐧𝐞𝐥𝐲 𝐑𝐀𝐍𝐃𝐑𝐈𝐀𝐍𝐈𝐑𝐈𝐍𝐀 𝐌𝐢𝐜𝐡𝐚𝐞̈𝐥, 𝐭𝐞𝐧𝐲 𝐚𝐦𝐢𝐧’𝐧𝐲 𝐋𝐚𝐩𝐚𝐦-𝐩𝐚𝐧𝐣𝐚𝐤𝐚𝐧𝐚 𝐈𝐚𝐯𝐨𝐥𝐨𝐡𝐚 𝐚𝐧𝐝𝐫𝐨𝐚𝐧𝐲 𝐢𝐫𝐞𝐨 𝐅𝐢𝐥𝐨𝐡𝐚𝐦-𝐩𝐢𝐫𝐞𝐧𝐞𝐧𝐚 𝐭𝐞𝐨 𝐚𝐥𝐨𝐡𝐚, 𝐢𝐳𝐚𝐲 𝐯𝐨𝐚𝐟𝐢𝐝𝐢𝐦-𝐛𝐚𝐡𝐨𝐚𝐤𝐚 : 𝐀𝐧𝐝𝐫𝐢𝐚𝐦𝐚𝐭𝐨𝐚 𝐢𝐬𝐚𝐧𝐲 𝐑𝐀𝐕𝐀𝐋𝐎𝐌𝐀𝐍𝐀𝐍𝐀 𝐌𝐚𝐫𝐜 𝐬𝐲 𝐑𝐀𝐉𝐀𝐎𝐍𝐀𝐑𝐈𝐌𝐀𝐌𝐏𝐈𝐀𝐍𝐈𝐍𝐀 𝐇𝐞𝐫𝐲.

🚨 𝐓𝐨𝐲 𝐧𝐲 𝐟𝐚𝐧𝐚𝐨 𝐚𝐧𝐲 𝐚𝐦𝐢𝐧’𝐢𝐫𝐞𝐨 𝐅𝐢𝐫𝐞𝐧𝐞𝐧-𝐤𝐚𝐟𝐚, 𝐢𝐳𝐚𝐲 𝐦𝐚𝐧𝐚𝐧𝐚 « 𝘾𝙤𝙣𝙨𝙚𝙞𝙡 𝙘𝙤𝙣𝙨𝙩𝙞𝙩𝙪𝙩𝙞𝙤𝙣𝙣𝙚𝙡 », 𝐝𝐢𝐚 𝐢𝐭𝐲 𝐟𝐢𝐡𝐚𝐨𝐧𝐚𝐧𝐚 𝐭𝐚𝐦𝐢𝐧’𝐢𝐫𝐞𝐨 𝐅𝐢𝐥𝐨𝐡𝐚𝐦-𝐩𝐢𝐫𝐞𝐧𝐞𝐧𝐚 𝐯𝐨𝐚𝐟𝐢𝐝𝐢𝐦-𝐛𝐚𝐡𝐨𝐚𝐤𝐚 𝐭𝐞𝐨 𝐚𝐥𝐨𝐡𝐚 𝐢𝐭𝐲 𝐧𝐨 𝐧𝐨𝐟𝐢𝐝𝐢𝐧’𝐧𝐲 𝐅𝐢𝐥𝐨𝐡𝐚 𝐑𝐀𝐍𝐃𝐑𝐈𝐀𝐍𝐈𝐑𝐈𝐍𝐀 𝐌𝐢𝐜𝐡𝐚𝐞̈𝐥 𝐡𝐢𝐟𝐚𝐦𝐩𝐢𝐫𝐞𝐬𝐚𝐡𝐚𝐧𝐚 𝐬𝐲 𝐡𝐢𝐟𝐚𝐧𝐚𝐤𝐚𝐥𝐨𝐳𝐚𝐧𝐚 𝐡𝐞𝐯𝐢𝐭𝐫𝐚 𝐦𝐨𝐦𝐛𝐚 𝐧𝐲 𝐟𝐢𝐳𝐨𝐭𝐫𝐲 𝐧𝐲 𝐫𝐚𝐡𝐚𝐫𝐚𝐡𝐚𝐦-𝐩𝐢𝐫𝐞𝐧𝐞𝐧𝐚, 𝐧𝐨𝐡𝐨 𝐧𝐲 𝐭𝐬𝐲 𝐟𝐢𝐬𝐢𝐚𝐧’𝐢𝐳𝐚𝐧𝐲 𝐫𝐚𝐟𝐢𝐭𝐫𝐚 « 𝘾𝙤𝙣𝙨𝙚𝙞𝙡 𝙘𝙤𝙣𝙨𝙩𝙞𝙩𝙪𝙩𝙞𝙤𝙣𝙣𝙚𝙡 » 𝐢𝐳𝐚𝐧𝐲 𝐞𝐭𝐨 𝐚𝐦𝐢𝐧’𝐧𝐲 𝐅𝐢𝐫𝐞𝐧𝐞𝐧𝐚.

💥 𝐋𝐚𝐟𝐢𝐧-𝐣𝐚𝐯𝐚𝐭𝐫𝐚 𝐬𝐲 𝐫𝐚𝐡𝐚𝐫𝐚𝐡𝐚 𝐦𝐚𝐫𝐨 𝐧𝐨 𝐧𝐢𝐟𝐚𝐧𝐭𝐨𝐡𝐚𝐧’𝐧𝐲 𝐚𝐝𝐢𝐡𝐞𝐯𝐢𝐭𝐫𝐚 𝐭𝐞𝐨 𝐚𝐦𝐢𝐧’𝐧𝐲 𝐭𝐞𝐥𝐨 𝐭𝐨𝐧𝐭𝐚, 𝐢𝐳𝐚𝐲 𝐧𝐚𝐦𝐩𝐢𝐟𝐚𝐧𝐝𝐫𝐢𝐧𝐝𝐫𝐚𝐧𝐚 𝐭𝐚𝐦𝐢𝐧’𝐢𝐫𝐞𝐨 𝐯𝐚𝐡𝐚𝐨𝐥𝐚𝐧𝐚 𝐦𝐢𝐟𝐚𝐧𝐝𝐫𝐚𝐢𝐤𝐚 𝐚𝐦𝐢𝐧’𝐢𝐳𝐚𝐧𝐲 𝐦𝐛𝐚 𝐡𝐨 𝐭𝐨𝐦𝐛𝐨𝐧𝐭𝐬𝐨𝐚𝐧’𝐧𝐲 𝐅𝐢𝐫𝐞𝐧𝐞𝐧𝐚 𝐬𝐲 𝐧𝐲 𝐕𝐚𝐡𝐨𝐚𝐤𝐚 𝐌𝐚𝐥𝐚𝐠𝐚𝐬𝐲.

26/07/2026

🔵Hafatra avy amin'ny Andriamatoa Andry Rajoelina 🔵

Ny SALAMO 59 : 2–4
« Afaho amin’ny fahavaloko aho, Andriamanitra ô; arovy tsy ho azon’ireo mpanohitra ahy aho.
Afaho amin-dry zareo mpanao ratsy aho, ary vonjeo tsy ho azon’ny olona mpandatsa-dra.
Fa indro izy manotrika hanala ny aiko; olona mpanao an-keriny no miray tetika hamely ahy, na dia tsy meloka aza aho, na dia tsy nanota aza aho,
ry Iaveh. »

Amin’ny alalan’ity tenin’ny Soratra Masina ity no itodihako amin’ireo fianakaviana miatrika fahoriana sy misedra fijaliana.
Ary mangataka ny fiarovan’Andriamanitra manoloana ny fakàna an-keriny,
ny tsy rariny ary ireo karazana herisetra maro samihafa.

Manohina ny foko manontolo ny mahita ny zava-mitranga eto amin’ny firenentsika.
Tsy afaka ny hangina aho manoloana ny zava-misy.
Maro loatra ny ankizy namoy ny ainy, ary maro ireo fianakaviana miaina ao anatin’ny fitaintainana sy ny tebiteby.

Amin’izao fotoana izao, rehefa mivoaka ny trano ny zanaka, dia tsy milamin-tsaina intsony ireo ray aman-dreny raha tsy tafody izy ireo.
Ary tsy ny ankizy ihany, fa na ny tanora na ny olon-dehibe aza dia samy miaina ao anatin’ny tahotra sy ny ahiahy avokoa.
Andriamanitra anie hiaro ny ankizy, ny vehivavy, ny lehilahy tsirairay avy ary ny firenena iray manontolo.

Aoka ny tsy fampisaraham-bazana no hanjaka, fa ny feon’ny fieritreretana sy ny maha-olona antsika.

Mahatoky isika fa indray andro dia hiverina ny fitoniana, ka tsy hisy intsony ny tahotra, fa hanjaka ny fandriampahalemana ary hiaina ao anatin’ny filaminana ny Malagasy.

Miray fo sy miombom-pahoriana aminareo fianakaviana namoy ny olon-tianareo aho: ireo ray aman-dreny, ireo zanaka, ireo mpiray tampo ary ireo havana rehetra namoy olon-tiana.
Mirary fiononana sy fitoniana ho an’ireo fianakaviana rehetra tra-pahoriana aho.
……………………………………………………………………………………………………………………

23/07/2026

Rehefa nohamarinina dia I Larissa ny zaza hita faty tao anaty lavapiringa iray tao Fasimena, distrikan’Ambositra, io hariva io, araka ny nambaran’ny Lehiben’ny Fampanoavana ao Ambositra.

Raha ny fanazavana dia ny 30 Aprily lasa teo no nanjavonan’ilay zaza. Nitaky vola mitentina 30 tapitrisa Ariary ireo mpaka an-keriny mba hamotsorana azy. Nanome ampaham-bola ny fianakaviana saingy tsy naverin’ireo olon-dratsy i Larissa.

Nandritra ny fanadihadiana nataon’ny Polisim-pirenena, olona efatra no voasambotra sy natolotra ny Fampanoavana ny 8 Mey lasa teo. Voarohirohy tamin’ny raharaha fakàna an-keriny zaza izy ireo, saingy mbola nitohy ny famotorana satria tsy hita hatramin’izay i Larissa.

Noraisin’ny Zandarimariam-pirenena ny raharaha. Nandritra ny fihainoana indray ireo voampanga no nivoaka ny fihaiken-keloka, ka notondroin’izy ireo ny toerana nanafenana ny razan’ilay zaza androany.

17/07/2026

🚨Larissa, zaza vavy kely 10 taona, nisy naka an-keriny. Nitakiana 30 tapitrisa ariary ny fianakaviana, nandoa ampaham-bola saingy tsy naverina ilay zaza.

Ny 30 Aprily 2026 no nanomboka tsy hita popoka i Larissa, zaza vavy kely 10 taona, tokony hanala CEPE ny volana lasa teo tao Ambositra. Niantso ny fianakaviana ireo olon-dratsy taorian’ny nahavery an’i Larissa ary nitaky 30 tapitrisa ariary ho takalon’ny ain-janany.

Nifampiraharaha tamin’ireo mpaka an-keriny ny fianakaviana ary nandoa ampaham-bola 4 tapitrisa ariary, saingy tsy re tsaika intsony izy ireo ary tsy naveriny ilay zaza ka mbola karohina hatramin’izao.

Efa nampandre ny mpitandro filaminana hatry ny ela ny fianakaviana, ary efa nisokatra ny fanadihadiana. Izany indrindra no antony nisafidianan’izy ireo ny tsy haneho ampahibemaso ny raharaha nandritra ny fotoana ela, mba tsy hanakorontanana ny fikarohana sy ny ezaka famonjena ilay zaza.

👉Ankehitriny, manao antso izy ireo amin’izay rehetra mitazona na mahita an’i Larissa mba hifanatona amin’ny fianakaviana na amin’ireo mpitandro filaminana. Hisy valisoa ary tsy hisy ny arakaraka, araka ny fanazavana.

📸Sary : Iarimanantsoa Voahariniaina - Mpanao gazety ao Ambositra

Address

Faravohitra
Antananarivo
101

Opening Hours

Monday	09:00 - 06:00
Tuesday	09:00 - 06:00
Wednesday	09:00 - 06:00
Thursday	09:00 - 06:00
Friday	09:00 - 06:00

Website

facebook.com

Alerts

Be the first to know and let us send you an email when Le quotidien de Mada posts news and promotions. Your email address will not be used for any other purpose, and you can unsubscribe at any time.