Governoran'ny Faritra Anôsy, Bazary Be Fort Dauphin, Fort-Dauphin (2025)

05/11/2025

𝐅𝐀𝐌𝐏𝐀𝐇𝐀𝐅𝐀𝐍𝐓𝐀𝐑𝐀𝐍𝐀 𝐍𝐘 𝐓𝐄𝐓𝐈𝐊'𝐀𝐒𝐀 𝐓𝐀𝐋𝐀𝐊𝐘 𝐁𝐄 𝐋𝐨𝐭 𝐈
➡️𝐓𝐎𝐋𝐀𝐆𝐍𝐀𝐑𝐎 04 0𝐊𝐓𝐎𝐁𝐑𝐀 2025

🌿 Nampahafantarina sy novelabelarina tamin'ireo tompon'andraikitra: Faritra Anôsy, ireo solombavam-bahoaka sy ny Ben'ny Tanana ary ireo mpiara-miobon'antoka ny momba ny Tetik'asa TALAKY BE Lot 1 famatsiambolan'ny vondrona Eropeanina amin'ny alalan'ny AFD.

⏰ 6 taona ny faharetan'ny tetikasa izay miompana amin'ny fampifandraisana ny fambolena sy ny tontolo iainana ka Kominina 25 amin'ny Distrika 2: Amboasary Atsimo sy Tôlagnaro no hisitraka izany.

➡️ Ny Solombavam-bahoaka Atoa Nourdine CHABANI no nanokatra tamin'ny fomba ofisialy izany izay notronin'ny Solombavam-bahoaka voafidy tao amin'ny Distrikan'i Amboasary Atsimo.

🤝 Nanome voninahitra ity fotoana ity:
- Ny Sekretera jeneraly eo anivon'ny Ministeran'ny Fambolena sy Fiompiana Atoa RAMINDO Gaëtan, Ny Sekretera jeneralin'ny Faritra Anôsy Atoa RABENANDRIAMANITRA Louis Sabbatin, ny lefitra voalohan'ny Ben'ny Tanana Kominina Ambonivohitry Tôlagnaro atoa FITAHIANTSOA Arvilson.
-----

30/10/2025

*FANKASITRAHANA FIARAHA-MIASA TAMIN-DRAMATOA VOAHARY RAKOTOVELOMANANTSOA: 08 SEPTAMBRA 2023- 29 OKTOBRA 2025*

📍 Ny mpiara-miasa rehetra eto anivon'ny Faritra Anôsy dia maneho etoana ny fisaorana sy fankasitrahana an-dRamatoa Voahary RAKOTOVELOMANANTSOA "Gouverneur sortant" ny Faritra Anôsy nandritra ny fiaraha-miasa tao anatin'ny 2 taona sy 21 andro ( 08 Septambra 2023- 29 Oktobra 2025).

💟 Tsapanay ary voaporofo ireo dian-tanana tsy azo kosehina nandritra ny fiaraha-miasa taminao tao anatin'ny fahavononana sy fahaiza-mitarika ary fandresen-dahatra ireo mpiara-miobon'antoka ho Fampandrosoana ity Faritra Anôsy ity.

💯 40 mahery ireo mpiara-miobon'antoka no manatanteraka ireo asa fampandrosoana eto amin'ny Faritra Anôsy ary ho fampivelarana izany dia fiara tsy mataho-dalana 4×4 roa no natolotra hampiasain'ny Faritra Anôsy nandritra ny fotoana nitantananao, ankoatr'ireo foto-drafitr'asa maro notanterahina tato amin'ny Faritra Anôsy ( Distrika Tolagnaro, Distrika Betroka, Distrika Amboasary Atsimo).

🍁 Eto ampamaranana dia hamafisina ny fahafoizan-tena nanananao ary ny fisaorana ireo vady aman-janakao tamin'ny fanohanana ary ny hafatra sy teny mamy avy aminao amin'ny fanompoana hatrany ity Faritra Anôsy ity, na aiza ny toerana misy anao na inona ny andraikitra ho sahaninao.

*_" Mirary soa ho anao sy ny ankohonanao Tompoko!"._*🙏

29/10/2025

*VOIN-KAVA MAHATRATRA - HAINTRANO FOKONTANY MITRIAKY- KAOMININA ANALAPATSY- DISTRIKA TOLAGNARO- 29 Oktobra 2025*

💥 Raha vao naharay tatitra tamin'ny Ben'ny Tananan'ny Kaominina Analapatsy momba ny voina haintrano tao amin'ny Fokontany Mitriaky (97 Trano may, 57 Tokantrano, 206 Traboina) dia nandray ny andraikiny avy hatrany ireo tompon'andraikitra eto an-toerana:

✅ Ny Solombavam-bahoakan'ny Madagasikara voafidy teto amin'ny Distrikan'i Tôlagnaro Atoa Nourdine CHABANI,
✅ Ny Governoran'ny Faritra Anôsy Ramatoa Voahary RAKOTOVELOMANANTSOA,
✅ Ny talen'ny serasera, ny eo anivon'ny BNGRC, ny UPC sy ny Croix Rouge; ka nitondra fampaherezana sy fanampiana ho fanarenana ny fiainan'ireo niharam-boina: Vary, Voamaina, kojakojan-dakozia fampiasa amin'ny andavan'andro ary jiro mandeha amin'ny herin'ny masoandro.

🎯 Izao dia mariky ny fandraisana andraikitra sy firaisan-kina eo amin'ny olom-boatendry sy ny olom-boafidy eto anivon'ny Faritra Anôsy mba ho famonjena ireo vahoaka niharam-boina sy
ho fanatanterahana ny sosialim-bahoaka.

28/10/2025

FIARAHABANA IREO MAMBRAN'NY GOVERNEMANTA VAOVAO HO AN'NY FANAVAOZANA NY REPOBLIKAN'I MADAGASIKARA - 28 Oktobra 2025

🤝 Ny Faritra Anôsy dia miarahaba sy mirarisoa ny mambran'ny Governemanta vaovao tarihin'ny Praiminisitra Herintsalama Andriamasy RAJAONARIVELO ao anatin'izao Fanavaozana ny Repoblikan'i Madagasikara izay tarihin'Andriamatoa Filoha Kolonely RANDRIANIRINA Michaël izao.
https://www.facebook.com/share/p/1CcisJPurS/

18/10/2025

DINIK'ASA FAMATSIANA HERINARATRA NY TONTOLO AMBANIVOHITRA- TETIKASA ADER- FARITRA ANÔSY-15 Oktobra 2025

👉 19 ireo tanàna eny amin'ny tontolo ambanivohitra (Distrika Amboasary: Tsaramandroso Ebelo, Maromby, Tranomaro I sy Tranomaro II, Tsivory. Distrika Betroka: Andriandampy, Mananovy, Ianabida, Isoanala Sud, Isoanala Nord, Ivahona, Jangany, Mahabo, Distrika Tolagnaro : Ranopiso, Ranomafana Sud, Fenoevo Efita, Ankilivalo, Analapatsy I, Analapatsy II, Sainte Luce , Ifarantsa) no hisitraka famatsiana herin'aratra amin'ny alalan'ny tetik'asa ANGOVO amin'ny alalan'ny ADER (Agence de développement de l'Electrification Rurale) famatsiambolan'ny AFD sy Vondrona Eropeana.

💡 Tao anatin'ny dinik'asa no namaritana ireo tanàna laharam-pahamehana manerana ny Distrika 3 Tolagnaro, Amboasary Atsimo, Betroka hisitraka izany, izay nandraisan'ny Faritra Anôsy tamin'ny alalan-dRamatoa Governora Voahary RAKOTOVELOMANANTSOA anjara miaraka amin'ireo delegasionina teo ambany fitarihan'ny Sekretera mpanatanteraka mpisolo toerana avy amin'ny ADER Atoa Joelinet VANOMARO.

🌀 Izany dia tafiditra ao anatin'ny fanatanterahana ny fiaraha-miombon'antoka eo amin'ny fanjakana, ny sehatra tsy miankina ary ny fokonolona any ifotony.

💡Efa mijery ireo tanana hafa koa ny faritra Anôsy

18/10/2025

Amin’izao andraikitra ho an’ny tanindrazana izao, ny Faritra Anosy amin'ny alalan'ny Governoram-paritra dia miarahaba sy mirary soa ho anao, Kolonely Michaël RANDRIANIRINA, Filoham-panjakana sy Filohan’ny Fanavaozana ny Repoblikan’i Madagasikara. Mahaleova mahalasana.

Niantso ny rehetra hifanome tanana ny tenany sy hifanohana ihany koa mba hanatratrarana miaraka ny tanjona mba ho entina hampandroso an’i Madagasikara.

‎Ny Faritra Anosy dia vonona hatrany ho amin'ny Fampandrosoana miaraka ho an'ny faritra atsimo.

14/10/2025

*VOIN-KAVA MAHATRATRA- HAITRANO KAOMININA AMBONIVOHITRY BETROKA - FARITRA ANÔSY*

⛺ Manoloana ny tranga haitrano tao amin'ny Fokontany Morahariva Kaominina Ambonivohitry Betroka ny alin'ny Alakamisy 09 Oktobra 2025 lasa teo dia mitondra fanampiana ( savony, koveta, vilany, fitaovam-pianarana) mba hanarenana vonjimaika ny fiainan'izireo ny Faritra Anôsy.

🔥 Isan'ny trano may 08
Tra-boina 50 ka 36 amin'nizany dia zaza .

🎯 Ny lehiben'ny Distrikan'i Betroka sy ny solotenan'ny Faritra Anôsy any an-toerana no iraka nanatitra ireto fanampiana ireto.

06/10/2025

𝗭𝗼𝗻𝗲 𝗱'𝗲𝗺𝗲𝗿𝗴𝗲𝗻𝗰𝗲 𝗽𝗶𝘀𝗰𝗶𝗰𝗼𝗹𝗲: 𝗳𝗮𝗺𝗽𝗶𝗿𝗼𝗯𝗼𝗿𝗼𝗯𝗼𝗮𝗻𝗮 𝗻𝘆 𝘁𝗼𝗲𝗸𝗮𝗿𝗲𝗻𝗮 𝘀𝘆 𝗻𝘆 𝗮𝗱𝘆 𝗮𝗺𝗶𝗻'𝗻𝘆 𝘁𝘀𝘆 𝗳𝗮𝗻𝗷𝗮𝗿𝗶𝗮𝗻- 𝘁𝘀𝗮𝗸𝗮𝗳𝗼 𝗮𝘁𝗼 𝗮𝗺𝗶𝗻'𝗻𝘆 𝗙𝗮𝗿𝗶𝘁𝗿𝗮 𝗔𝗻𝗼̂𝘀𝘆

✅ Vita tanteraka ankehitriny ny fotodrafitrasa “ZEP Manatantely”, izay nanorenana vato fototra niaraka tamin’Andriamatoa Minisitra MAHATANTE Paubert ny 10 martsa 2024, ezaky ny fitondram- panjakana amin'ny alalan'ny Ministeran'ny jono sy ny toekarena manga iarahana amin'ny Faritra Anôsy tarihin-dRamatoa Governora Voahary RAKOTOVELOMANANTSOA sy ny Fiangonana Loterana Malagasy (FLM) izay tohanan’ny Programme AFAFI-Sud (famatsiambola avy amin’ny Vondrona Eropeanina).

🐟 Vinavinaina hahatratra 5 tapitrisa isan-taona ny zana-trondro ho vokarina aorian’ny fampandehanana tanteraka ny ZEP, ka hiteraka asa sy fidiram-bola vaovao ho an’ny mponina, indrindra ho an’ny tanora eny ifotony.

🌱 Marihina fa iray amin’ireo ZEP roa naorina ato amin’ny Faritra Anôsy ity ZEP Manatantely ity, raha ao Ivahona, Distrikan’i Betroka kosa ny iray hafa.

03/10/2025

* ADY AMIN'NY TSYFANJARIANTSAKAFO- FIARAHA-MIOMBON'ANTOKA CIP SY FARITRA ANÔSY - DISTRIKA TOLAGNARO- 03 Octobra 2025.*

⏺️ Ho fanohanana ireo tantsaha aty amin'ny tapany Atsimo hanatratrarana ny programan'asan'ny Fitondram-panjakana momba ny ady atao amin'ny tsyfanjariantsakafo.

🫘 Misy ny fiarahamiombon'antoka amin'ny CIP (International Potato Center) amin'ny alalan'ny fanapariahana fambolena bageda "patate douce à chair orange", izay tanterahina ao anatin'ny tetik'asa MIONJO.

🤝 Nihaona tamin-dRamatoa Governoran'ny Faritra Anôsy Voahary RAKOTOVELOMANANTSOA ireo delegasionina avy amin'ny CIP izay notarihin'ny Representant Pays et Scientifique Senior pour Madagascar Atoa Pieter Wauters, izay nanamafy fa nahomby ny paik'ady nampiharina iadiana amin'ny tsy fanjarian-tsakafo sy iatrehana ny fiovaovan'ny toetr'andro aty amin'ny tapany Atsimo.

Orinasa madinika miisa 15 no efa mandray sy manodina ny vokatra avy any amin'ny Tantsaha.
Izao dia harahana fidinana ifotony.

30/09/2025

FANAMBARANA AMIN'NY FOMBA OFISIALY NY FITANTANANA IREO VALANJAVABOAHARY- FARITRA ANÔSY- DISTRIKA TOLAGNARO- 26 SEPTAMBRA 2025

🌵 Valanjavaboahary 2 amin'ireo faritra arovana ato anatin'ny Faritra Anôsy no nahazo fankantoavana avy amin'ny Fitondram-panjakana amin'ny alalan'ny Ministeran'ny Tontolo Iainana sy ny Fampandrosoana Lovainjafy ho eo ambany fitantanana sy fanaraha-maso iarahan'ny Faritra Anôsy amin'ireo mpiara-miobon'antoka:

🔹 MNP (Madagascar National Parcs): Behara Tranomaro
🔹 TBSE (Tropical Biodiversity Social Enterprise): Ambatotsirongorongo.

🎯 Ny Governoran'ny Faritra Anôsy Ramatoa Voahary RAKOTOVELOMANANTSOA no solotenam-panjakana nandritra ny fanolorana izany tamin'ny fomba ofisialy izay natrehin'ireo Ben'ny Tanana avy amin'ny Kaominina manodidina ny faritra arovana, ireo Talem-paritra ary ireo mpiara-miobon'antoka misehatra amin'ny Tontolo Iainana.

27/09/2025

📌 𝗙𝗶𝗵𝗮𝗼𝗻𝗮𝗻𝗮 𝘁𝗲𝗼 𝗮𝗺𝗶𝗻'𝗻𝘆 𝗨𝗡𝗙𝗣𝗔 𝘀𝘆 𝗻𝘆 𝗙𝗮𝗿𝗶𝘁𝗿𝗮 𝗔𝗻𝗼̂𝘀𝘆

💯 Ramatoa Voahary RAKOTOVELOMANANTSOA, Governoran’ny Faritra Anôsy dia nandray an-dRamatoa Josiane YAGUIBOU Solontenam-pirenena maharitry ny UNFPA aty amin'ny Oseanina Indianina, nanazava momba ny andraikitry ny fikambanana, sy fanaraha-maso ny asa ataon’ny UNFPA any amin’ireo toeram-piasana ato amin’ny Faritra Anôsy, toy ny CSB Ankaramena, CSB Urbain sy Maison des Jeunes any Fort-Dauphin, ary koa ny CHRR Fort-Dauphin sy ny CHRD1 Amboasary.

📌 Anisany dinika nifanaovana ihany koa ny mba hanamorana ny fampiharana ireo asa miaraka amin’ireo sampan- draharaham- panjakana mpiara-miombon’antoka.

🤝 Ity fandraisana ity dia manamarika ny finiavan’ny Faritra Anôsy sy ny UNFPA hanamafy ny fiaraha-miasa, ho tombontsoan’ny fahasalamana, fiarovana ary fampandrosoana ny vahoaka sy mba hahafantarana akaiky ny zava-misy eny ifotony sy ny fanamby misy.
UNFPA Madagascar

27/09/2025

FANKALAZANA TAONJOBILY FAHA 70 TAONA- DIOSEZIN'I TOLAGNARO -26 SEPTAMBRA 2025.

"Mpivahinin'ny fanantenana ho an'ny asa fanirahana sy fandraisana andraikitra".

📖 Lamesa lehibe notanterahina teto amin'ny Katedraly paroasy Md Vincent de Paul,no nanamarihana ny fankalazana izay teo ambany fiahian'ny Nonce Apostolique Mgr THOMASZ Grysa sy ny Lehiben'ny fivondronam-ben'ny Eveka Mgr Fabien RAHARILAMBONIAINA ary ny Evekan'i Tolagnaro Mgr Olivier RAZAFITSIMIALONA kosa no nitarika ny lamesa.

🙏 Nanome vonihahitra an'Andriamanitra niara-niomom-bavaka tamin'ireto mpino Kristianina Katolika ireto, ireo solotenam-panjakana eto an-toerana notarihin'ny: Governoran'ny Faritra Anôsy Ramatoa Voahary RAKOTOVELOMANANTSOA notronin'ny Lefitry ny Fileovan'i Tolagnaro ary ny Ben'ny tanàna Kominina ambonivohitry Tolagnaro, miaraka amin'ireo olomanan-kaja sivily sy miaramila.

💢 Ny Mgr Olivier RAZAFITSIMIALONA no namaky ny evanjelin'i Md Lioka 9,18-22, ary ny Nonce Apostolique Mgr THOMASZ Grysa kosa no nitondra ny toriteny.

Governoran'ny Faritra Anôsy

05/11/2025

30/10/2025

29/10/2025

28/10/2025

18/10/2025

18/10/2025

14/10/2025

06/10/2025

03/10/2025

30/09/2025

27/09/2025

27/09/2025

Address

Telephone

Website

Alerts

Contact The Business

Shortcuts

Share

Category