Radio Mangarahara

29/05/2026

ANTSOHIHY : mirehitra ampitan’ny Lapam-paritra !
________

Nitrangana hain-trano amin’izao hariva izao eo ampitan’ny Lapam-paritra eto Antsohihy. Pavillon sasantsasany no nirehitra.

Mbola eo am-panarahamaso ny zava-misy ireo tompon’andraikitra sy ny

Tsy misy mpamonjy voina eto an-toerana. Tsy mbola fantatra mazava hatreto ny tena anton’ny firehetana .

Andrasana ny fanazavana sy ny tohin’ny vaovao momba ity tranga ity.

29/05/2026

💢 𝗙𝗘𝗧𝗜𝗠-𝗣𝗜𝗥𝗘𝗡𝗘𝗡𝗔 𝟮𝟲 𝗝𝗢𝗡𝗔 : Mety hanatrika ny lanonana ve i Andry Rajoelina ?
__________

🔴 Mety ho isan’ireo olo-manan-kaja hanatrika ny fetim-pirenena Malagasy amin’ny 26 Jona ho avy izao ny filoham-pirenena teo aloha, Andry Rajoelina.

🔴 Araka ny fanazavan’ny filohan’ny Komity mpikarakara, ny Jeneraly Dodo Andrianilaina Tiana, dia hahazo fanasana avokoa ireo filoham-pirenena rehetra nifandimby nitondra an’i Madagasikara.

🔴 Nambarany ihany koa fa voarara tanteraka, toy ny isan-taona, ny fanapoahana tsipoapoaka sy ny fampiasana “laser” mandritra ny fankalazana, ho fiarovana ny filaminam-bahoaka sy ny fiarovana ankapobeny.

🔴 Hisy hatrany anefa ireo podium sy hetsika fanentanana isan-karazany hanamarihana ny fetim-pirenena manerana ny Nosy.
_________

Luciannah, Radio Mangarahara

29/05/2026

29/05/2026

💢 ANTENIMIERAMPIRENENA : Maka toerana tsimoramora ny TGV IRMAR !
_________

🔴 Mihamafy tsikelikely ny fisian’ny TGV IRMAR eny anivon’ny Antenimierampirenena, amin’ny alalan’ny fahazoana toerana ao anatin’ireo vaomiera samihafa.

👉 Filohan’ny Vaomieran’ny Lalàna : MAHARANTE Jean de Dieu, Solombavambahoaka voafidy tao Toliara I (IRMAR). Efa nitana andraikitra maha minisitra azy teo anivon’ny Asam-panjakana, Asa ary Lalàna sosialy izy teo anelanelan’ny 2014 sy 2018. Nitantana ny Paositra, Fifandraisan-davitra ary ny Haitao ara-kajy mirindra ihany koa tamin’ny taona 2018.

👉 Filohan’ny Vaomieran’ny Atitany : RAZAFIMAHEFA Tianarivelo, Solombavambahoaka voafidy tao Ambatolampy (IRMAR). Efa Minisitry ny Atitany sy ny Fitsinjaram-pahefana teo anelanelan’ny 2019 sy 2021. Fantatry ny maro tamin’ny solon’anarana hoe : “Minisitra Écran Plat”.
__________

Luciannah, Radio Mangarahara

29/05/2026

MITADY BOULANGER-PÂTISSIER !

Salama ô 👋

Mitady Boulanger-Pâtissier izahay, olona efa mahafehy tsara ny asa ary manana traikefa.

✅ Olona matotra sy vonona hiasa no ilaina
✅ Efa zatra miasa amin’ny boulangerie/pâtisserie

✅ Hiasa aty amin’ny faritra (Bealanana)

📩 Raha liana na mahalala olona mety dia afaka mandefa hafatra mivantana.

Misaotra tompoko 🙏

29/05/2026

💢 Mondial 2026 : Baolina “intelligent” hanara-maso ny hetsika rehetra eny an-kianja !
__________

🔴 Mandritra ny Coupe du Monde 2026 dia tsy ho baolina tsotra intsony no hampiasaina fa baolina “connecté” misy teknolojia avo lenta ao anatiny.

🔴 Misy capteur kely milanja 14 grama napetraka ao anatin’ilay baolina, izay afaka mandefa sy mandinika vaovao hatramin’ny in-500 isa-tsegondra. Na passe, na tir, na touche kely indrindra aza dia voarakitra avokoa.

🔴 Hifandray mivantana amin’ny VAR ity rafitra ity mba hanampy amin’ny fanapahan-kevitra toy ny hors-jeu sy ireo hetsika mampiady hevitra eny an-kianja. Ary toy ny téléphone ihany koa, dia mila charger-na alohan’ny match tsirairay ilay baolina.

🔴 Miditra amin’ny vanim-potoanan’ny teknolojia tanteraka ny baolina kitra maneran-tany.
_________

Luciannah, Radio Mangarahara

29/05/2026

Raha ny hevitrao.....

28/05/2026

💢 Bealanana : Mety hametra-pialana ny filohan’ny Dina Malainkalatra ....
_________

🔴 Nanambara i Miadana Fidèle, filohan’ny Dina Malainkalatra (Besaboha) ao amin’ny Distrikan’i Bealanana ( au niveau district) , fa mety hametra-pialana amin’ny toerany noho ny tsy fanarahana ny aro-fenitra ataon’ny mpitarika Dina eo anivon’ny Faritra Sofia.

🔴 Araka ny nambarany dia tsy nampahafantarina azy ny iraka na solotenan’ny mpitarika Dina eo anivon’ny Faritra nandritra ny fandalovan’izy ireo teto Bealanana tamin’ny herinandro lasa teo. Ny tena nahasorena dia niteraka fandratrana olona tao amin’ny Kaominina Ambovonomby izany fidinana izany.

🔴 Notsindriany fa tokony hampandre ny filohan’ny Dina ato amin’ny distrika hatrany ireo avy any amin’ny Faritra rehefa misy iraka tanterahina, saingy tsy voahaja izany.

🔴 Ny Dina dia natao hiaro ny fandriampahalemana fa tsy misy vola raisina,” hoy i Miadana Fidèle, izay efa fanintelony mitana andraikitra maha filohan’ny Dina Malainkalatra azy ato Bealanana.
__________

Le Jat, Radio Mangarahara

28/05/2026

💢 Bealanana : Voafonja tsy ara-drariny ilay ramatoa , Tsy nisy porofo hita taminy......
_______

🔴 Misy vehivavy iray antsoina hoe Vololonirina Angelina naneho ny alahelony sy nilaza fa tsy ara-drariny ny nampidirana am-ponja ilay ramatoa avy ao Ambodiampana, distrikan’i Bealanana, izay voarohirohy amin’ny raharaha halatra gasoil.


🔴 Araka ny fanazavany dia “tena halako bika tsy tiako tarehy” no nahazo ilay ramatoa, satria raha ny fisavana natao dia tsy nisy porofo mazava nahafahana nilaza fa nitahiry na nivarotra gasoil halatra izy.
Fa tena marina dia mpivarotra amoron-dalana ilay vehivavy voafonja, mivarotra épicerie, sakafo masaka, solika latsatsy, gasoil ary menaka motera. Nisy mpiara-monina anefa nitory azy ho mivarotra gasoil halatra ka nitarika fisavana.

🔴 Raha ny fanazavana hatrany dia tsy nahitana afa-tsy bidon misy latsatsy sy toaka gasy tao an-tranony, fa tsy nisy litatra gasoil halatra na zavatra nafenina tao ambany fandriana araka ny tsaho niezahina naparitaka.

🔴 Nentina nanatona ireo mpamily fiaran’ny sinoa mpanamboatra lalana ihany koa ilay ramatoa, saingy tsy nisy porofo nahafahana nanamarina ny fiampangana azy. Noho izany dia fanendrikendrehana sy filazana tsy misy fotony no mahazo azy .

🔴 Miantso ny fitondram-panjakana mahefa izy mba hijery akaiky ity raharaha ity fa mampalahelo ny olona fonjaina tsy ara-drariny.
_________

Luciannah, Radio Mangarahara

28/05/2026

💢 Vavatenina : Trano 66 kila forehitra, olona 146 traboina tao Ambalabe !
________

🔴 Nitrangana hain-trano mahatsiravina tao Ambalabe, parcelle Ladoany, ao amin’ny Fokontany Ambalabe, kaominina Ambatoharanana I, Distrikan’i Vavatenina, androany Alakamisy 28 Mey tokony tamin’ny 11 ora antoandro.

🔴 Raha ny vaovao voaray dia afo niainga avy tao amin’ny lakozin’ny tokantrano iray no nahatonga ny loza, ka nirehitra haingana ireo trano manodidina.

🔴 Trano miisa 66 no may kila forehitra, ahitana tokantrano 34, ary olona 146 no traboina sy tsy manan-kialofana amin’izao fotoana izao.

🔴 Miantso fanampiana sy tolo-tanana ho an’ireo fianakaviana niharam-boina ny mponina sy tompon’andraikitra eny an-toerana noho ny fahavoazana lehibe nateraky ny hain-trano.
________

Luciannah, Radio Mangarahara
Sary indrana

28/05/2026

💢 Bealanana : Vehivavy iray naiditra am-ponja vonjimaika noho ny raharaha halatra gasoil !
________

🔴 Vehivavy iray avy ao Ambodiampana, distrikan’i Bealanana, no voarohirohy ho nandray sy nitahiry gasoil voalaza fa very tamin’ireo mpanamboatra ny lalana RNT-31 Ankazobetsihay–Bealanana.

🔴 Araka ny vaovao, nahatsikaritra fahaverezan-tsolika matetika ireo orinasa mpanamboatra lalana ka nitarika fanadihadiana. Nandritra ny fisavana natao tao an-tranon’ilay vehivavy ny 22 mey lasa teo dia voalaza fa nahitana bidon jaune miisa 30 feno gasoil.

🔴 Nanao fidinana fanindroany tao Ambodiampana ny Zandarimaria ny 26 mey, ka tsy hita intsony ireo solika, saingy mbola nahitana bidon jaune miisa 7 tao ambanin’ny fandriana, misy sisa pitika gasoil.

🔴 Natolotra ny Fitsarana Ambaratonga Voalohany eto Antsohihy ilay raharaha androany alakamisy 28 mey 2026, ary nidoboka am-ponja vonjimaika ilay vehivavy taorian’ny fanadihadiana.
________

Le Jat, Radio Mangarahara