Radio Mangarahara

22/07/2026

🇺🇸 VISA USA : Hafindra any Afrika Atsimo ny fikarakarana visa ho an'ny Malagasy !
________

🔴 Manomboka ny 1 Aogositra 2026, dia any Johannesburg, Afrika Atsimo, no hikarakarana ny fangatahana visa ho any Etazonia ho an'ireo olom-pirenena malagasy, fa tsy hatao eto Antananarivo intsony.

🔴 Araka ny fanazavana, dia tafiditra ao anatin'ny fandaminana vaovaon'i Etazonia izany, izay mikendry ny hanangona sy hikarakara ny fangatahana visa avy amin'ny firenena afrikanina maro ao amin'ny foibe iray.

🔴 Etsy ankilany, Melanie Harris Higgins no misahana vonjimaika ny fitantanana ny Masoivoho Amerikana eto Madagasikara, ary mbola tsy voatendry hatramin'izao ny masoivoho vaovao.
________

Luciannah, Radio Mangarahara

22/07/2026

💢 Haverina hiasa ny "caméra de surveillance" eny an'arabe hiadiana amin'ny tsy fandriampahalemana !
________

🔴 Tapaka nandritra ny Filankevitry ny Minisitra omaly talata 21 Jolay ny famerenana ny OTME (Office des Transmissions Militaires de l'État) hitantana sy hampandeha indray ireo caméra de surveillance eny an'arabe.

🔴 Tanjona amin'izany ny hanamafisana ny ady amin'ny tsy fandriampahalemana, ny halatra ary ny fakàna an-keriny. Hisahana ny fikirakirana ireo caméra efa misy sy ireo mbola hapetraka manerana ny tanàna ny OTME.

🔴 Ankoatra izany dia hatsangana ihany koa ny Task Force manokana hiady amin'ny tranga fakàna olona an-keriny, ho fanamafisana ny fiarovana sy ny filaminam-bahoaka.
________

Luciannah, Radio Mangarahara

21/07/2026

💢 MISAONA NY TONTOLON’NY FANAOVAN-GAZETY : NODIMANDRY I ALPHE LÉON !
__________

🔴 Nodimandry i Alphe Léon, mpanao gazety efa nanompo tanindrazana nandritra ny taona maro tao amin’ny Record TV/FM, sady mpanolotra vaovao fantatry ny maro.

🔴 Nandritra ny fotoana niasany dia isan’ireo nandray anjara tamin’ny fampitam-baovao sy ny sehatry ny fanaovan-gazety teto Madagasikara izy, ka namela fahatsiarovana ho an’ireo mpiara-miasa sy mpanaraka azy.

🔴 Amin’izao fotoan-tsarotra izao, ny fianakaviamben’ny Radio Mangarahara dia maneho fiaraha-miory lalina ary mirary fiononana feno ho an’ny fianakaviany sy ireo rehetra akaiky azy.

🔴 Mandria am-piadanana, Alphe Léon.

_________

Radio Mangarahara

21/07/2026

💢 ENELEC: Olana ara-teknika goavana no anton’ny fahatapahan-jiro !
________

🔴 Namaly ny fanambaran’ny Filohan’ny Fanavaozana, Kolonely Randrianirina Michaël, ny orinasa tsy miankina ENELEC momba ny fahatapahan-jiro mitranga ao Toamasina, Mahajanga ary Antsiranana.

🔴 Araka ny fanazavan’ny ENELEC, dia nisy olana ara-teknika goavana tsy azo anoharana nahazo tobim-pamokarana herinaratra sasany tantanin’izy ireo, ka izany no niteraka fahatapahan-jiro tany amin’ireo tanàna voakasika.

🔴 Nambaran’ny orinasa ihany koa fa raisiny am-panajana ny ahiahy sy ny fanehoan-kevitry ny Filohan’ny Fanavaozana, ary nanamafy izy ireo fa tsy azo nosorohina ireo fahatapahana vokatry ny olana ara-teknika niseho tamin’ireo tobim-pamokarana herinaratra.
_________

Luciannah, Radio Mangarahara

21/07/2026

💢 ANKARABATO : DAHALO "JANOT" nahatratrarana BENGY 23 saingy efa maty !
_________

🔴 Dahalo iray fantatra amin’ny anarana hoe Janot no tratra tao Ankarabato, Kaominina Anjiamangirina, Distrikan’Antsohihy, taorian’ny halatra bengy miisa 23.

🔴 Ny alina alahady nifoha ny Alatsinainy 20 Jolay 2026 no nisehoan’ity tranga tsy fandriam-pahalemana ity. Raha vao nahazo vaovao ny fokonolona dia niroso avy hatrany tamin’ny fanarahan-dia ka nahatratra ilay dahalo.

🔴 Vokatry ny ezaka nataon’ny fokonolona dia tafaverina avokoa ireo bengy 23 lasan’ny jiolahy saingy efa novonoiny izy rehetra.
_________

Luciannah, Radio Mangarahara

20/07/2026

💢 Miss Doña Be 2026 : Tohano i Angela Anaïs, Candidate N°09 !
_______

🔴 Angela Anaïs no Candidate N°09 hiatrika ny famaranana (Finale) Miss Doña Be, izay hotanterahina ao amin'ny Hôtel Phare Soa. Anisan'ny tanora vehivavy misolo tena ny hatsarana, ny fahendrena ary ny fahasahiana izy amin'ity fifaninanana lehibe ity.

🔴 Koa andao isika rehetra hanohana sy hampahery azy amin'izao dingana lehibe izao. Ny fanohanantsika no hery entiny hiatrika ny famaranana.

💙 Mirary fahombiazana ho an'i Angela Anaïs, Candidate N°09. Tohano izy, satria ny firaisankina no mampandresy! 🤝
________

Radio Mangarahara

20/07/2026

💢 ANTSOHIHY : RAHASY Mariot no hitarika ny Association !
_________

🔴 Tafatsangana tamin'ny fomba ofisialy ny 18 Jolay tao amin'ny Maison des Élus eto Antsohihy ny biraon'ny Association ho an'ny Distrikan'Antsohihy. Nandritra izany no nifidianana an'Atoa RAHASY Mariot ho Mpandrindra (Coordonnateur) hitantana ny fikambanana eto an-toerana.

🔴 Naneho ny fahavononany izy hitarika sy hanatanteraka ireo vina sy tanjon'ny fikambanana, izay mikendry ny hitondra fanavaozana ho an'ny firenena.

🔴 Araka ny nambaran'ny Mpandrindra Rezionaly Sofia, Dr FIAREMA Adolphe, izay nanatrika sy nitarika ny fananganana niaraka tamin'ny solontenan'ny birao nasionaly, dia misokatra ho an'ny olom-pirenena rehetra ny Association , ary tsy manavaka firehana na loko politika.

🔴 Nambarany ihany koa fa efa tafatsangana avokoa ny biraon'ny fikambanana manerana ireo distrika fito ao amin'ny Faritra Sofia.
_________

Luciannah, Radio Mangarahara

20/07/2026

👉 TONTOSAINA ANY KOREA ATSIMO NY FIRST CLOBAL 2026
TSY MISY MPIAHY, RATSY TOHANA NY SOLOTENA MALAGASY !
____________

🔴 Mampalahelo fa tsy ampy tohana ny tanora Malagasy hiatrika ny fifaninana Robotika, teknolojia, siansa iraisam-pirenena avo lenta. Ekipa nasionaly, mpianatra Lisea avy amin'ny Firenena maherin'ny 190 no hifaninana amin'ny resaka Robotika, teknolojia avo lenta manerantany. Ny FIRST Global, fikambanana tsy miankina, miompana amin'ny fampivelarana ny sehatry ny fanabeazana momba ny siansa, ny teknolojia, ny injeniera ary ny matematika no mandrindra ity fifaninanana robotika iraisam-pirenena ity.

👉 https://www.facebook.com/photo/?fbid=122227029710378490&set=a.122097797960378490

👉 TONTOSAINA ANY KOREA ATSIMO NY FIRST CLOBAL 2026
TSY MISY MPIAHY, RATSY TOHANA NY SOLOTENA MALAGASY !
____________

🔴 Mampalahelo fa tsy ampy tohana ny tanora Malagasy hiatrika ny fifaninana Robotika, teknolojia, siansa iraisam-pirenena avo lenta. Ekipa nasionaly, mpianatra Lisea avy amin'ny Firenena maherin'ny 190 no hifaninana amin'ny resaka Robotika, teknolojia avo lenta manerantany. Ny FIRST Global, fikambanana tsy miankina, miompana amin'ny fampivelarana ny sehatry ny fanabeazana momba ny siansa, ny teknolojia, ny injeniera ary ny matematika no mandrindra ity fifaninanana robotika iraisam-pirenena ity.

🔴 Ho tontosaina any Korea Atsimo, manomboka ny Alarobia 07 ary mifarana ny Sabotsy 10 Oktobra 2026, ity hetsika Robotika Olaimpika ity, izay nampitondraina lohahevitra hoe "Fostering Innovation" (Ny Fanamby eo amin'ny famoronana sy fampiroboroboana ny Robotika).

🔴 Anisany mandray anjara amin'ity fifaninana ity ny tanora Malagasy. Raha tsara fikarakarana sy tsara antoka ny tanora avy amin'ny Firenena sasany, tsizarizary kosa ny fikarakarana ny ekipa Malagasy. Mbola goragora ny enti-manana tsy hita tokotany ny fitaovana ilaina, koa miantso ny tompon'andraikitra sy malala-tanana hanampy azy ireo ny tanora hiaro ny voninahitry ny Firenena Madagasikara.
___________

Adelyne, Radio Mangarahara

20/07/2026

🔴 𝐁𝐄𝐀𝐋𝐀𝐍𝐀𝐍𝐀 : 𝐅𝐀𝐍𝐄𝐍𝐆𝐀𝐍𝐀 𝐒𝐀𝐅𝐈𝐃𝐘 𝐒𝐀 𝐅𝐀𝐌𝐏𝐈𝐇𝐀𝐑𝐀𝐍𝐀 𝐏𝐎𝐋𝐈𝐓𝐈𝐊𝐀 MALOTO ?
___________

🔴 Lazaina fa noho izy lasa Assistant parlementaire no nangalagna azy tsy ho Filohan’ny Dina . Nefa na "Adjoint au Maire" na "Assistant parlementaire" dia samy place politika . Ny mahagaga aza, efa voatendry "Adjoint au Maire " i Miadana Fidèle, nefa mbola lany ho Filohan’ny Dina Malainkalatra ao anatin’ny Distrikan’i Bealanana ihany. Koa nahoana no izao indray no lazaina fa ny naha Assistant parlementaire azy no antony nangalagna azy?

🔴 Midika ve izany fa ny fikambanana Samby Vognogno no mibaiko ny lehiben’ny Faritra noho ny lonilony politika taorian’ny tsy nahalany depiote ny filoha mpitarika azy ?

🔴 Raha izany no zava-misy, dia tokony ho mailo ny Solombavambahoakan’i Bealanana. Satria toa miatsara velatsihy aminy ny lehiben’ny Faritra , nefa olona noraisiny tamim-panajana nandritra ireo fitsidiham-paritra nataony tany Bealanana.

🔴 Misy paikady ve mipetraka eo amin’ny Lehiben’ny Faritra sy ilay depiote teo aloha? Raha izany mantsy, dia izay mpitarika Dina Malainkalatra any amin’ny distrika tsy mitovy firehana politika dia soloagna, na dia voafidy aza.

🔴 Mampahatsiahy ny slogan an’ny fikambanana Samby Vognogno ity fanesorana Filohan’ny Dina Malainkalatra ity izany milaza hoe: "Izay mivadika aminay dia ataonay malatany."

🔴 Ny fanontaniana mipetraka dia hoe : Ho sahy hanala i Miadana Fidèle amin’ny maha " Adjoint au Maire " ve ny Ben’ny Tanàna voafidy ao Bealanana ? Sa hiverin-dalana ilay Assistant parlementaire vao notendrena ?
__________

Delis, Radio Mangarahara

19/07/2026

💢 Bealanana: Nesorin'ny lehiben'ny Faritra Sofia eo amin'ny toerany filohan'ny Dina Malainkalatra ato amin'ny Disitrika, Miadana Fidèle
__________

🔴 Nandritra famoriana ireo mpikambana amin'ny Dina Malainkalatra (Besaboha) ato amin'ny Faritra Sofia, tamin'ny 5 jolay 2026 tao Antsohihy izay nifidianana ny filohan'ny Dina Malainkalatra ato amin'ny Faritra Sofia.

🔴 Nantsoina manokana nandritra izany ny filohan'ny Dina ato amin'ny Disitrikan'i Bealanana, Miadana Fidèle. Akory hagagana fa nomena taratasy fampitsaharana azy amin'ny maha-filohany Dina Malainkalatra ato amin'ny Disitrikan'i Bealanana.

🔴 Marihina fa, Miadana Fidèle dia efa in-3 voafidy ho Filohan'ny Dina Malainkalatra ato amin'ny Disitrikan'i Bealanana ary isan'ny mpitarika Dina nahavita ny asany. Etsy ankilany raha ny feo heno dia noho izy voatendry "Assistant Parlementaire Député Jaozandry René" ato amin'ny Disitrikan'i Bealanana no mety antony nanesorana azy izao.

🔴 Ho arahintsika eo tohiny vaovao ity, satria tadiavina ho esorina amin'ny andraikitra hafa ihany koa Miadana Fidèle amin'izao.
__________

Le Jat, Radio Mangarahara