22/10/2025
🚨FILAZANA MANOKANA MOMBA NY TOETRY NY ANDRO ETO MADAGASIKARA | 22 Oktobra 2025 tamin’ny 04 ora hariva
📌 Firafitra ankapoben’ny toetry ny andro
🌀 Tamin’ny 03 ora tolak’andro teo dia tany amn’ny 1350 Km atsinanana somary avaratra atsinanan’i Antsiranana no nisy ny foiben’i CHENGE. Nitombo hery izy ka lasa Forte Tempête Tropicale. 90 Km/ora ny rivotra miaraka aminy, arahina tafiotra mahatratra 125 Km/ora. Nikisaka niakandrefana izy tato anatin’ny enina ora farany ka nahafaka 20 Km/ora.
📈 Araka ny singa voaray androany dia antonony hatrany ny tontolo ivoarany ka mampahazo hery ireo rahom-baratra miaraka aminy.
📌 Fironana ato anatin’ny dimy andro manaraka
☑️ Hanohy ny diany hiakandrefana amin’ny ankapobeny ity rivodoza ity ato anatin’ny dimy (5) andro manaraka. Hiharatsy miandalana kosa ny tontolo hivoarany manomboka rahampitso. Na izany aza dia vinavinaina ho voatozona ny tanjaka Tempête Tropicale Moderée mandritra ny telo andro manaraka. Handalo any amin’ny manodidina ny 200 Km avaratr’i Antsiranana i CHENGE ny Sabotsy alina na ny Alahady vao maraina.
☑️ Hatreto dia tsy manambana mivantana an’i Madagasikara i CHENGE raha ny vinavina. Na izany aza dia hitondra rotsak’orana betsaka kokoa amin’ny tapany avaratra atsinanan’ny Nosy ny rahona miaraka aminy manomboka ny Zoma 24 oktobra 2025. Hiharatsy ihany koa ny toetry ny andro any an- dranomasina amin’ny morontsiraka avaratra sy avaratra atsinanana, ka hanonja be na hahery ny ranomasina, ary ho mafy ny fitsokan’ny rivotra. Misy ny fampitandremana manoloana izany.
☑️Tsy mbola misy ny filazana loza mikasika ny rivodoza.
🙏 Entanina ny mpanjono sy mpitatitra an-dranomasina amin’ny morontsiraky ny faritra Diana sy Sava, mba ho tafaverina an-tanety ary tsy hiandriaka intsony manomboka ny Zoma tolak’andro. Araho mandrakariva ireo toro-marika omeny manam-pahefana isan-tokony.🙏
(Météo Madagascar)
JOUR NA ALINA
