Infinit.mk

14/11/2025

Sot u mbajt mbledhja konstituive e parë e Këshillit Komunal të Sarajit, ku Iljas Veseli u zgjodh kryetar i Këshillit me 11 vota pro. Ajo që bie në sy është fakti se një prej këshilltarëve të koalicionit VLEN votoi kundër qëndrimit të grupit të vet, duke hapur hapësirë për dilema nëse brenda këtij koalicioni po shfaqen përçarje.

Duhet rikujtuar se AKI ka gjithsej 10 këshilltarë, ndërsa VLEN ka 9. Megjithatë, sot një këshilltar i VLEN, konkretisht nga radhët e BESËS, votoi pro zgjedhjes së Iljas Veselit. Ky zhvillim po ngre pyetje të reja nëse brenda koalicionit VLEN ka nisur të krijohet tension ose çarje.

13/11/2025

Lajm i fundit, Afrim Tanallari propozohet për ZVKM dhe ministër i Ekologjisë!

Afrim Tanallari përflitet si ministër i ardhshëm i Ekologjisë nga radhët e VLEN-it

10/09/2025

Lajm i fundit (ende i pakonfirmuar nga )

Burime jozyrtare më thonë se Adnan Azizi i ka kërkuar falje kryeministrit Hristijan Mickoski për provokimin me simbolin e Shqiponjës gjatë tubimit në Tetovë.

Sipas këtyre burimeve, kryeministri ia ka falur gjestin, por i ka kërkuar që të mos e përsërisë më në tubimet e ardhshme. Adnan Azizi thuhet se ka pranuar të mos e bëjë më.

Ndërkohë, sot bëhen 6 ditë nga “goditja” e Mickoskit ndaj Adnan Azizit, i cili ende nuk ka reaguar publikisht.

Pritet konfirmimi ose mohimi i këtij informacioni për të sqaruar nëse Adnan Azizi vërtet është tërhequr apo do të vazhdojë të bëjë simbolin e Shqiponjës edhe në Manastir?

31/08/2025

Blerant Ramadani: “Bojana, aty ku historia dhe e ardhmja bashkohen”

Kandidati për kryetar komune nga Aleanca Kombëtare për Integrim, Blerant Ramadani, së bashku me kryetarin Iljas Veseli dhe shefin e shtabit komunal Senehat Murtezani, vizituan sot fshatin Bojanë.

Në këtë takim, Ramadani theksoi vlerat historike të fshatit, duke përmendur figurat e shquara si Selim Imeri dhe Selim Bojana, të cilët lanë gjurmë me punën dhe sakrificat e tyre.

Banorët e Bojanës paraqitën kërkesa konkrete për zhvillimin e vendit, mes të cilave:
• rregullimi i rrugëve lokale,
• përmirësimi i ujësjellësit,
• rikthimi i bashkësisë lokale për t’i dhënë zë çdo banori,
• ndërtimi i një shkolle të re,
• ngritja e një salle moderne për aktivitete.

“Bojana gjithmonë ka dëshmuar se çfarë arrihet me vizion dhe guxim. Tani është koha që ëndrra e saj për zhvillim, punësim dhe kushte moderne për çdo familje të bëhet realitet,” u shpreh Ramadani.

Ai premtoi se Aleanca Kombëtare për Integrim do të punojë me përkushtim dhe projekte konkrete për të sjellë ndryshime të prekshme në jetën e banorëve të Bojanës.

24/08/2025

Nëndega e Sarajit e BDI-së më e madhe se i gjithe Aktivi politik i VLEN-it në komplet Sarajn❗️

Foto 1 - Takimi i Nëndegës së BDI-së në Saraj
Foto 2 - Takimi i Aktivit politik të Vlen - Dega Saraj

20/08/2025

“Më afër qytetarëve”, Ramadani hap faqen personale për të dëgjuar kërkesat e banorëve të Sarajit

Kandidati i Aleancës Kombëtare për Integrim (AKI), Blerant Ramadani, ka prezantuar faqen e tij personale blerantramadani.com, përmes së cilës banorët e Sarajit do të kenë mundësi të shprehin drejtpërdrejt ankesat, sugjerimet dhe kërkesat e tyre.

Ramadani tha se kjo platformë është një hap i rëndësishëm drejt transparencës dhe komunikimit të hapur me qytetarët. Ai theksoi se zëri i secilit banor është i domosdoshëm për të ndërtuar politika lokale që reflektojnë nevojat reale të komunitetit.

Faqja është menduar si një kanal i hapur komunikimi, ku çdo banor do të ketë mundësi të j*p mendimet, sugjerimet por edhe të j*pë ide për zhvillimin e Sarajit.

16/08/2025

Kandidati për kryetar të Komunës së Sarajit nga Aleanca Kombëtare për Integrim, z. Blerant Ramadani, së bashku me kryetarin aktual të komunës, z. Iljas Veseli, zhvilluan një vizitë në fshatin Svillare ku u pritën ngrohtësisht nga banorët.

Në postimin e tij në rrjetet sociale, Ramadani theksoi rëndësinë e këtij takimi, duke vlerësuar lart mikpritjen dhe dashurinë e komunitetit. “Çdo buzëqeshje, çdo fjalë mirëpritëse më rikujtoi se forca e një komuniteti qëndron te njerëzit e tij, tek bujaria, solidariteti dhe dëshira për të ecur përpara”, shkroi ai.

Ai u shpreh se vizitat e tilla shërbejnë për të dëgjuar nga afër nevojat e qytetarëve dhe për të ndërtuar plane konkrete për të ardhmen. “Unë jam këtu për të dëgjuar, për të mësuar dhe për të punuar së bashku me ju, për të sjellë projekte konkrete që do ta bëjnë jetën më të lehtë dhe më të bukur për çdo familje në Svillare dhe në gjithë komunën e Sarajit”, theksoi Ramadani.

Vizita e kandidatit dhe kryetarit aktual u prit me interes nga banorët e zonës, të cilët ndanë shqetësimet dhe pritshmëritë e tyre për të ardhmen e komunës.