Nuk ndalet ezani

Nuk ndalet ezani ju qe ju pengon ezani allahu ju shkatroft

22/08/2024

LUMTURIA...

Të jesh i lumtur, nuk do të thotë që nuk do të jemi ndonjëherë të mërzitur ose që nuk do të na shtrëngohet gjoksi.

Lumturi është të jemi të kënaqur me caktimin e Zotit për ngjarjet që na ndodhin dhe t'i kalojmë ato me durim dhe falenderim ndaj Zotit.
Bëj durim ndaj sprovave dhe shpreso se ditë më të mira do të kesh në këtë dhe botën tjetër!

"Është e çuditshme puna e besimtarit. Gjithë jeta e tij është hajr, dhe kjo gjë ndodh vetëm me besimtarin.
Nëse atij i vjen një e mirë, ai falenderon Zotin dhe e ka mirë.
E nëse atij i bie një fatkeqësi, ai duron për hir të Zotit dhe përsëri e ka mirë.”
Muslimi

Hoxhe Irfan Salihu

21/08/2024



SUKSESI YT VARET NGA AMBICIET E TUA

Milingona, nëse ti ia vendos gishtin përpara, e ajo është duke ecur, nuk ndalet, por ajo përpiqet ta ndryshojë anën dhe të vazhdojë në rrugën e saj.

Atëherë parashtrohet pyetja se si është gjendja jonë?!

Kur neve na del përpara një pengesë fillojmë të ankohemi dhe të dëshpërohemi, e me të të largohemi edhe nga synimi ynë.

Shpesh ndodh që të mos mendojmë për ndryshimin e rrugës dhe jetës sonë.

Përderisa ekziston mundësia dhe synimi është i drejtë, pse në jetë të mos luftojmë që ta arrijmë atë që e synojmë?!

E jona mbetet që ta shfrytëzojmë çdo mjet që është i drejtë, me qëllim që të arrijmë deri tek ajo që e synojmë, dhe për këtë normalisht se kemi nevojë për aspirata të larta dhe ambicie madhështore.

Sa më të larta që janë ambiciet, aq i lartë do të jetë edhe suksesi ynë në realizimin e asaj që e synojmë.

Nga arabishtja: Irfan JAHIU

21/08/2024

MËSIME NË AKIDE

Si mund ta di që unë ndjek akiden - besimin e saktë që e trasoi Pejgamberi alejhis selam, dhe u pasua nga shokët e tij?
Si ta di që jam në grupin e shpëtuar e jo në një prej 72 sekteve të devijuara?!

Imam Abdullah ibn El-Mubarek, Allahu e mëshiroftë, ka thënë:

"Origjina e shtatëdhjetë e dy sekteve është se:
Katër burojnë nga pasimi i epsh*t, e nga këto katër u degëzuan shtatëdhjetë e dy sekte.
- Kaderitë,
- Murxhiet,
- Shiitët, dhe
- Havarixhët.

“Kush i ka dhënë përparësi Ebu Bekrit, Omerit, Othmanit dhe Aliut ndaj sahabëve tjerë të Pejgamberit alejhis selam, por, nuk ka folur veçse të mira për pjesën tjetër të sahabëve dhe është lutur për ta, është distancuar nga Shiizmi përfundimisht.”

“Kush thotë:
- Besimi është fjalë dhe vepër, shtohet e pakësohet, është distancuar nga Murxhiet përfundimisht.”

"Kushdo që thotë:
- Falim namaz pas çdo njeriu të prishtë dhe të pamoralshëm, Xhihadi është pas çdo Kalifi, dhe nuk e sheh (të lejuar) rebelimin me shpatë kundër Sulltanit, lutet që ata të jenë të drejtë, atëherë ai është distancuar nga Havarixhët përfundimisht.”

"Kushdo që thotë:
- Të gjitha caktimet janë nga Zoti i Lartësuar, e mira dhe e keqja është nga Ai, e devijon kë të dojë dhe e udhëzon kë të dojë, atëherë ai është distancuar nga Kaderit përfundimisht.”
(Ai është pasues i Sunnetit).

"Sherhus-Sunneh", Imam El-Barbahari, Allahu e mëshiroftë.

Hoxhe Irfan Salihu

22/07/2024

HIJA E TIJ

Pejgamberi alejhis selam, ka thënë:

"Janë shtatë grupe njerëzish që do të jenë nën Hijen e Allahut, ditën që nuk ka hije veç hijes së Tij:

1- Prijësi i drejtë.

2 - I riu që rritet me adhurimin e Allahut.

3 - Personi që zemrën e tij e ka të lidhur me xhamitë.

4 - Dy persona që u deshën për Hirë të Allahut, i bashkoi dhe i ndau dashuria për Hirë të Tij.

5 - Një person i cili ftohet nga një grua me pozitë dhe e bukur (për të bërë zina, imoralitet), e ky (refuzon) i thotë:
“Unë i frikësohem Allahut!”

6 - Një person që jep Sadaka-lëmoshë dhe e fsheh atë, derisa dora e tij e majtë nuk e di se çfarë dha dora e djathtë.

7 - Një person që përkujton Allahun kur është vetëm dhe sytë i lotojnë!”
Buhariu dhe Muslimi.

Allahu na bëftë prej tyre!

Hoxhe Irfan Salihu

15/07/2024

ME BUZËQESHJE I PËRFITON ZEMRAT

Kur e takon atë që e do, buzëqesh, që ta ndiejë ai në vete dashurinë tënde ndaj tij.

Kur e takon armikun, buzëqesh, që ta ndiejë armiku fuqinë tënde.

Kur e takon atë që të braktisi, buzëqesh, që të ndiejë ai në vete keqardhje.

Kur e takon atë që të dëmtoi, buzëqesh, që të ndiejë ai në vete se ti nuk do që t’i hakmerresh dhe se çështjen ia ke lënë Allahut.

Kur e takon atë që nuk e njeh, buzëqesh, që ta marrësh shpërblimin dhe sevapin.

Buzëqesh në çdo kohë dhe në çdo vend, sepse me buzëqeshje i përfiton zemrat.

Nga arabishtja: Irfan JAHIU

05/07/2024

ATA JANË TË RRALLË DHE TË MREKULLUESHËM

Në jetë do të kuptosh se çdo individ që e takon e ka rolin e vet:

Disa do të të vënë në sprovë, disa do të të shfrytëzojnë.

Disa do të të paraqiten sa për sy e faqe, disa do të të duan.

Disa do të të dashurojnë, disa do të të mësojnë.

Mirëpo, më i rëndësishmi është ai që e nxjerr më të mirën prej teje.

Ata janë të rrallë dhe janë individë të mrekullueshëm.

Nga arabishtja: Irfan JAHIU

27/06/2024

INTERESANTE

E lexova një Imam nga Nigjeria të thoshte:

“Që një muslimani në Nigjeri ti falët namazi i xhenazes, imami i cili ja falë namazin e xhenazes, duhet të dëshmojë se ai ka qenë pjesëtar i xhematit të tij, dhe se ai i ka falur 5 kohët e namazit. Nëse nuk ka qenë pjesëtar i xhematit tij, atëherë, nuk i falet namazi i xhenazes!”

Subhanallah, imagjinoni vëllezër, sikur të vepronim ne si imamët në Nigjeri, sa namaze të xhenazes do ti falnim dhe për sa njerëz do të dëshmonim se ata falnin 5 kohë të namazit apo se ata ishin xhemat i xhamisë tonë?!

Allahu na e përmirësoftë gjendjen tonë dhe na bëftë prej namazlive të rregulltë.

Hoxhe Irfan Salihu

24/06/2024

RREGULLAT E LUMTURISË

Jeto me njerëzit, mesatar, mes vetmimit dhe përzierjes me ta.

Jeto me vëllezërit e tu, mesatar, mes seriozitetit dhe talljes.

Jeto me nxënësit e tu, mesatar, mes të qenët serioz dhe thjeshtësisë.

Jeto me fëmijët e tu, mesatar, mes ashpërsisë dhe mëshirës.

Jeto me barkun tënd, mesatar, mes të ngopurit dhe urisë.

Jeto me trupin tënd, mesatar, mes lodhjes dhe pushimit.

Jeto me veten tënde, mesatar, mes dhënies dhe shtrëngimit.

Jeto me Zotin tënd, mesatar, mes shpresës dhe frikës, dhe do të jesh nga të lumturit.

Nga arabishtja: Irfan JAHIU

22/06/2024

PSE TË ZEMËROHESH?!

Mos u zemëro e të thuash se unë jam i pikëlluar, ka të tjerë që janë në pikëllim më të rëndë se ti.

Mos u zemëro e të thuash se unë jam i sëmurë, ka të tjerë që janë shumë më të sëmurë se ti.

Mos u zemëro e të thuash se nuk kam të holla, ka të tjerë që nuk kanë as vendstrehim.

Mos u zemëro e të thuash se unë jam i vetëm, ka të tjerë që janë jetimë dhe pa familje.

Mos u zemëro e të thuash se pse o Zot! Zoti yt është Bujar, i Urtë, Fuqiplotë, Ai e di se pse!

E jotja mbetet të thuash se unë jam robi Yt, që i nënshtrohet urdhrave të Tua dhe jam i kënaqur me caktimin Tënd.

Nga arabishtja: Irfan JAHIU

18/06/2024

MBROJE VETEN MË KËTO FJALË

- Nëse do që shejtani mos të të afrohet, thuaj kur të dalësh nga shtëpia, makina apo puna: Bismilah tevekultu ala Allahi, ve la havle ve la kuvete il-la bil-lah (Me emrin e Allahut, në Allahun u mbështeta nuk ka ndryshim e as forcë pa ndihmën e Allahut).

- Nëse do që Allahu të të mjaftojë gjatë çdo brenge e vështirësie, thuaj shtatë herë: Hasbij Allahu la ilahe il-la huve Alejhi tevekeltu ve Huve Rabul arshil adhim (Më mjafton mua Allahu, nuk i takon adhurimi askujt tjetër përveç Allahut, Atij i mbështetem dhe ai është Zoti i Arsh*t të Madh).

- Fjala, la il-lahe il-lAllah, është e dashur për zemrat dhe është drita e atyre zemrave dhe përmendja e saj i fshin gjynahet.

- Kur ndien ngushtim dhe zbrazëtirë në gjoks përsërite: La ilahe il-la Ente Subhaneke in-ni kuntu minedh-dhalimin (Nuk i takon adhurimi askujt me të drejtë përveç Teje që je i Madhëruar. Vërtetë, unë jam prej mëkatarëve).

- Kur e hulumton dritën në kohën e errësirës, lexoje suren Kehf në ditën e xhuma.

- Kush do të jetë në zemrën e tij, le të kapet për fjalën: Ja Hajju ja Kajjumu bi rahmetike estegithu aslih li she’ni kul-lehu ve la tekilni ila nefsi tarfete ajnin (O i Gjallë përgjithmonë, O Mbikëqyrës i çdo gjëje, me mëshirën Tënde kërkoj ndihmë, ma përmirëso tërë gjendjen time dhe mos më lër të mbështetem në veten time as sa një përpëlitje e syrit).

- Nëse do që Allahu të jetë i kënaqur me ty Ditën e Kiametit, thuaj nga tri herë, në mëngjes dhe në mbrëmje: Redijtu bil-lahi Rabben ve bil islami dinen, ve bi Muhamedin nebijjen (Jam i kënaqur që Zoti im është Allahu, feja ime është Islami dhe Pejgamberi im është Muhamedi, lavdërimi dhe paqja e Allahut qofshin për të).

- Shejtani thotë: “E shkatërrova të birin e Ademit me gjynahe dhe ai më shkatërroi me istigfar dhe me fjalën la ilahe il-lAllah.”

Nga arabishtja: Irfan JAHIU

03/06/2024

KOHË TË ÇUDITSHME

Kohë të çuditshme!

Prindërit dhe nënat kujdesen për veshjen dhe ushqimin e fëmijëve dhe e harrojnë mbjelljen e vlerave dhe të moralit.

Kohë të çuditshme!

Punëtorët nuk janë të sinqertë në punët e tyre, me pretekst se pagat i kanë të ulëta dhe harruan se Allahu i bekon në furnizim hallall dhe e shkatërron haramin.

Kohë të çuditshme!

Të rinjtë dhe të rejat kalojnë orë të tëra në ecje nëpër tregje e dëfrim dhe lodhen në rekatin e parë në namaz.

Kohë të çuditshme!

Të rinjtë dhe të rejat dëgjojnë muzikë me gjoks të zgjeruar, kurse, kur e dëgjojnë Kuranin u shtrëngohen gjokset dhe nuk e kuptojnë se hallalli nuk përzihet me haram.

Kohë të çuditshme!

E blejmë atë që e duam dhe e do epshi me qindra, kurse kur e shohim kutinë e lëmoshës, hulumtojmë mos po gjejmë ndonjë para të hekurit, e ta hedhim në kuti dhe krenohemi me atë që e kemi bërë.

Kohë të çuditshme!

E kurdisim alarmin që të mos vonohemi për në punë dhe e harrojmë takimin me Allahun në namazin e sabahut dhe të gjithë e dimë se ka mundësi ta programojmë alarmin edhe për namaz, po edhe për punë.

Kohë të çuditshme!

E shajmë njëri-tjetrin, flasim për nderin e krijesave të Allahut dhe harrojmë se i kemi melaqet me vete që i shënojnë veprat.

Kohë të çuditshme!

Burrat i shohin gratë dhe vajzat e tyre se si vishen dhe i shfaqin bukuritë e tyre, nuk xhelozojnë dhe nuk mërziten fare, me pretekst se ata janë të kuptueshëm dhe të civilizuar.

Nga arabishtja: Irfan JAHIU

01/06/2024

A KE DIKË TJETËR POS ALLAHUT?!

Kur të të ngushtohet jeta, a ke dikë tjetër pos Allahut?!

Kur të të mbyllet çdo rrugë dhe të të ngushtohen punët, a ke dikë tjetër pos Allahut?!

Kur të të dobësohet fuqia e nuk të mbajnë këmbët, a ke dikë tjetër pos Allahut?!

Kur të të thahet loti dhe të të ngurtësohet zemra dhe memoria të të dobësohet, a ke dikë tjetër pos Allahut?!

Kur të të largohet dashuria dhe të të braktisin të afërmit dhe shokët, a ke dikë tjetër pos Allahut?!

Pasha Allahun nuk e ke askënd pos Allahut.

Përmende Atë që edhe Ai të të përmendë.

Allahu thotë: Prandaj, më kujtoni Mua (me namaz e lutje) që Unë t’ju kujtoj (me shpërblime)...” ( El-Bekare: 152)

Nga arabishtja: Irfan JAHIU

Address

Skopje
123456

Telephone

+38971513399

Website

Alerts

Be the first to know and let us send you an email when Nuk ndalet ezani posts news and promotions. Your email address will not be used for any other purpose, and you can unsubscribe at any time.

Shortcuts

Share

Category