28/10/2025
Ditë e zezë në Shqipëri!
Katër lajme, katër jetë të humbura. Një vend që po mpaket nga dhuna, dita-ditës.
Në Vlorë, një 17-vjeçar humbi jetën nën rrotat e një makine.
Në Berat, një burrë 42-vjeç u vra me thikë në Kalanë e qytetit.
Në Tiranë, një picamen vrau kuzhinierin e lokalit ku punonte.
Në Durrës, një djalë i mori jetën të atit me thikë.
Këto nuk janë thjesht lajme të zeza. Janë pasqyra të një shoqërie që po çahet nga brenda, ku zemërimi, mungesa e durimit dhe dëshpërimi po zëvendësojnë arsyen dhe ndjeshmërinë.
Jeta nuk po vlen më. Njerëzit po reagojnë me dhunë ndaj çdo fjalë, çdo fyerjeje, çdo padrejtësie të vogël. Dhe çdo ditë, një tjetër tragjedi shtohet në listë.
Nuk mjafton më të themi “mos dëgjojmë më lajme të tilla”.
Duhet të pyesim veten me ndershmëri:
Çfarë po ndodh me ne? Ku humbi arsyeja, njerëzillëku, frika nga Zoti, respekti për ligjin?
Sepse nëse vazhdojmë kështu, nesër titulli mund të jetë për dikë që njohim.
Dhe atëherë, nuk do të ketë më kuptim të pyesim pse.
