Portali i islamistikës dhe traditës shqiptare

07/23/2025

"Nuk jam ndalur së raportuari asnjë çast për 21 muaj me radhë.
Dhe sot, e them hapur… me një dhimbje që nuk përshkruhet.
Jam duke u lëkundur nga uria, duke u dridhur nga lodhja, dhe po luftoj kundër të fikëtit që më ndjek në çdo moment.
Qëndrojmë përpara kamerës duke u përpjekur të dukemi të qëndrueshëm, por e vërteta është se po shembemi nga brenda.
Gaza po vdes, dhe ne po vdesim bashkë me të.
Nëse bota nuk vepron sot,
atëherë nesër mund të mos ketë më askënd që pret të shpëtohet.
Kjo vdekje duhet të ndalet.
Ky rrethim duhet të thyhet.
Dhe kjo luftë duhet të përfundojë".

Enes Al Sherif, raportues i Al Jazeera-s nga Gaza.

Evzal Sinani

07/20/2025

SI T‘UA MBJELLIM DASHURINË PËR KUR’ANIN FËMIJËVE TANË?

Për çdo prind që dëshiron që zemra e fëmijës së tij të rritet me dashurinë për Librin e Allahut, këto 13 këshilla praktike janë një udhërrëfyes i mrekullueshëm. Ato kërkojnë vetëm 10–15 minuta kohë në ditë, por ndikimi i tyre është afatgjatë dhe shpirtërisht i thellë. Në këtë rrugëtim, roli i nënës është veçanërisht i rëndësishëm, sepse lidhja e saj me fëmijën nga periudha e shtatzënisë e deri në fëmijërinë e hershme është më e fuqishme dhe më ndikuese.

🟢 1) Dëgjo Kur’an gjatë shtatëzanisë – Qetësia dhe rahatia që nëna përjeton gjatë dëgjimit të Kur’anit, kalon tek fëmija në bark. Një zakon i bekuar për një fillim të mbarë.

🟢 2) Dëgjo Kur’an gjatë gjidhënies – Fëmija zhvillon ndjesinë e dëgjimit. Le të jetë zëri i Kur’anit ajo që e rrethon që në muajt e parë të jetës.

🟢 3) Le të të shohë fëmija duke lexuar Kur’an me zë – Trego emocione gjatë leximit, le të ndiejë dashurinë që ke për Kur’anin.

🟢 4) Dhuroja Kur’anin si dhuratë personale – Mësoje ta respektojë, ta vendosë në vend të lartë e të pastër, dhe ta ruajë si pasuri të shenjtë.

🟢 5) Premtoji shpërblim pas çdo pjese të lexuar – Një festë e vogël pas çdo xhuzi dhe një festë e madhe kur ta përfundojë tërë Kur’anin.

🟢 6) Tregoji para gjumit histori nga Kur’ani – Si tregimi i Jusufit (a.s.), Musait (a.s.) dhe profetëve të tjerë. Shkurt, por me mesazh.

🟢 7) Organizoni gara mes vëllezërve e motrave në mësimin përmendësh të sures – Jepni shpërblime dhe nxisni përpjekjen.

🟢 Siguroji incizime me zëra të bukur të lexuesve të Kur’anit – Le të shijojë bukurinë melodike të fjalës së Zotit.

🟢 9) Pajise me MP3 me Kur’an – Le ta dëgjojë në rrugë për në shkollë dhe gjatë kohës së lirë.

🟢 10) Incizoje zërin e tij kur lexon Kur’an dhe lavdëroje – Kjo do t’i japë vetëbesim dhe do ta nxisë të përmirësohet.

🟢 11) Regjistroje në halka të Kur’anit në xhami
🟢 12) Nxite të marrë pjesë në gara të Kur’anit
🟢 13) Nxite të udhëheqë namazin në shtëpi – Sepse ai di më shumë pjesë nga Kur’ani përmendësh.

Pejgamberi a.s. ka thënë:
“Prindërve të atij që lexon Kur’anin dhe vepron sipas tij, në Ditën e Gjykimit do t’u vendoset një kurorë më ndriçuese se dielli dhe do të vishen me petka që nuk gjenden në këtë botë.”
Ata do të pyesin: “Për çfarë jemi nderuar kështu?” Do t’u thuhet: “Për shkak të fëmijës tuaj që mësoi Kur’anin.” (Ebu Davud)

O Allah, bëji fëmijët tanë hafizë të Kur’anit dhe prej atyre që jetojnë me Kur’anin! Amin!

✍️ Autor: Saudin Cokoja
📌 Burimi: Akos.ba
📝 Përktheu: Hfz. Mehas Alija

07/20/2025

Lutje për një raport të mirë me Allahun. 🤲

07/20/2025

Pse Palestina është e rëndësishme për muslimanët? 🇵🇸

Pyetje:

Esselamu alejkum! Pse Palestina ka një rëndësi të veçantë për myslimanët në mbarë botën? A ka ndonjë lidhje fetare pas kësaj ndjenje?

Përgjigje:

Palestina është një vend me rëndësi të madhe fetare dhe historike për muslimanët, dhe kjo lidhje nuk është as sentimentale, as e rastësishme, por thellësisht e rrënjosur në historinë dhe besimin tonë.

Xhamia Al-Aksa, e vendosur në Jerusalem (Quds), është xhamia e tretë më e shenjtë për muslimanët pas Qabes në Mekë dhe Xhamisë së Pejgamberit a.s. në Medinë.
Aty ndodhi Israja dhe Miraxhi – udhëtimi i mrekullueshëm i Muhammedit a.s. prej Mekës në Al-Aksa, e prej aty në qiejt, ku u urdhërua falja e pesë kohëve të namazit.

Al-Aksa ishte edhe kibleja e parë e muslimanëve – drejtimi kah i cili janë falur për një periudhë para se të zbritet urdhri për t’u kthyer kah Qabeja e bekuar.

Palestina është tokë pejgamberësh: aty kanë lindur, jetuar apo vdekur pejgamberë si:
• Ibrahimi a.s.
• Luti a.s.
• Musai a.s.
• Isai a.s.
• Davudi a.s.
• Sulejmani a.s. – Allahu qoftë i kënaqur me të gjithë këta.

Sot, fatkeqësisht, kjo tokë e bekuar është nën okupimin më të ashpër dhe më të gjatë të kohës moderne.

Populli palestinez, i cili ka jetuar për shekuj të tërë në paqe, krahas komuniteteve të tjera (përfshirë hebrenjtë), është në mënyrë të dhunshme i përzënë nga shtëpitë e tij që nga themelimi i shtetit të Izraelit.

Sot, mbi 80% e tokës së Palestinës është e okupuar, ndërsa 20% që mbetet është nën rrethim të hekurt. Ajo pak tokë që u ka mbetur palestinezëve, i thuhet shtet, por realisht ajo është si një kafaz i mbyllur me tela e kontroll.

Siç thotë dijetari i njohur Ahmed Kutty nga Instituti Islam në Toronto:

“Palestinezët kanë të drejtën për dinjitet, liri dhe të drejta njerëzore, si çdo popull tjetër në botë. Bota duhet ta pranojë këtë realitet dhe të kërkojë një zgjidhje të drejtë dhe të ndershme. Vetëm kështu mund të arrihet paqja. Lufta nuk e sjell kurrë drejtësinë. Është koha të përballemi me realitetin.”

Prandaj, qëndrimi dhe lidhja jonë me Palestinën nuk është vetëm për shkak të gjakut që derdhet, por sepse aty është plagosur edhe një pjesë e shpirtit tonë fetar.

Allahu i ndihmoftë vëllezërit e motrat tona në Palestinë dhe ua ktheftë paqen dhe lirinë, amin!

Allahu e di më së miri.

Burim: onislam.net

Përktheu: Islampress.ch

07/17/2025

07/16/2025

📌 A është e lejuar muzika në Islam?
Një temë shumë e diskutuar sot, veçanërisht në kohën kur muzika është kudo. Ja çfarë duhet të dimë sipas parimeve islame:

🚫 Kur është e ndaluar dëgjimi i muzikës?
Muzika është e ndaluar (haram) në këto raste:
1. 🎶 Kur nxit epshet dhe pasionin e shfrenuar.
2. 😈 Kur shtyn drejt mëkatit dhe imoralitetit.
3. 👂 Kur dëmton dëgjimin.
4. 😠 Kur shqetëson të tjerët.
5. 🕌 Kur e dobëson ndjeshmërinë për namaz.
6. ⏳ Kur bëhet shkak për humbje të madhe kohe.
7. 🙅‍♂️ Kur këndohet nga persona të zhytur në mëkate dhe imoralitet.
8. 📜 Kur tekstet e këngës bien ndesh me mësimet e Sheriatit.

⚠️ Kur është e papëlqyeshme (mekruh)?
Kur muzika nuk përmban gjërat e mësipërme, por tërheq vëmendjen dhe shpërdoron kohën në mënyrë të panevojshme.

✅ Kur lejohet muzika?
Muzika që përdoret në dasma apo gëzime të tjera mund të jetë e lejuar, nëse nuk përmban asnjë nga ndalesat e përmendura më lart.

🧠 Kujdesi dhe vetëdija janë çelësi!
Nuk është çdo melodi haram, por duhet të jemi të vetëdijshëm për përmbajtjen, ndikimin dhe burimin e saj.

07/15/2025

Prifti i njohur australian, Gold David, e ka pranuar islamin pasi kishte shërbyer në kishën ortodokse për 45 vite dhe e ka ndërruar emrin e tij në Abdurrahman. Ai ka thënë: “Jam lutur te Zoti që të ma tregojë të vërtetën.”

Në paraqitjen e tij të parë pas pranimit të islamit, ish-prifti australian, Gold David, thotë
këto fjalë:

“Shkova si prift ortodoks në oborrin e një xhamie. U ula aty, takova imamin dhe ai më dha një kopje të Kuranit. U ktheva në shtëpi dhe rashë në sexhde, duke iu lutur Allahut që të ma tregojë të vërtetën absolute.
I thashë: ‘Tregomë, a është islami i vërtetë apo jo? A është krishterimi i vërtetë apo jo?’
Rashë në sexhde dhe u luta…

Pastaj u ula dhe fillova të lexoj Kuranin, dhe e kuptova intelektualisht, emocionalisht dhe shpirtërisht se ato janë vërtet fjalët e Allahut.
E lexova Kuranin me sy krejtësisht ndryshe, dhe menjëherë kuptova se ajo është e vërteta absolute, dhe se nuk mund ta injoroja më.
Kur u ktheva, nuk munda të vazhdoj të jetoj si më parë, si para se të lutesha dhe të lexoja Kuranin.

I shkrova një letër peshkopit tim.
Në atë letër i shkrova shehadetin:

‘Dëshmoj se nuk ka zot tjetër përveç Allahut, dhe se Muhamedi është i Dërguari i Allahut dhe pejgamberi i fundit i Tij.’

Kjo është shpallja e fundit dhe nuk kisha tjetër rrugë përveçse t’i bindem asaj. Nuk munda ta injoroja Kuranin. Nuk munda ta injoroja të vërtetën se Allahu nuk është trini dhe se Ai nuk ka bir…

Ndjej një lehtësim të madh.
Ndjej kënaqësi për shkak të fesë më të madhe në botë – islamit, fesë që Allahu e shpalli Musait, Davudit, Isait – alejhimus-selam – dhe të gjithë pejgamberëve.

Pra, këtu është përputhja që ne si të krishterë e kemi humbur.
Tani e njoh Isain (Jezusin) në raportin e vërtetë me Allahun, të Lartësuarin.

Në Kuran ka një sure madhështore që e madhëron hazreti Merjemen (Marinë), dhe muslimanët e duan Isain (Jezusin).
Kalimi në islam nuk do të thotë se heq dorë nga Isai apo Merjemja, por se i vendos në raportin e saktë ndaj Allahut – dhe kjo është ajo që bën ndryshimin.

Kur themi shehadetin, mëkatet dhe gabimet tona fshihen, dhe na jepet mundësia që të fillojmë një marrëdhënie të re me Allahun.”

Lusim Allahun ta forcojë në fe vëllain tonë Abdurahmanin! 🤲

07/01/2025

06/30/2025

06/27/2025