Portali i islamistikës dhe traditës shqiptare

09/09/2025

😍

Të jetojmë me Emrat e bukur të All-llahut!

08/09/2025

Eh NËNA! ♥️

DASHURIA PA KUSHTE E NJË NËNE

Sot dua të ndaj me ju një ngjarje të shkurtër, por shumë të fuqishme…
Një histori që na mëson për dashurinë më të pastër në këtë botë: dashurinë e nënës.
Një dashuri që nuk matet me para, nuk kufizohet nga varfëria dhe nuk kërkon shpërblim.
Është dashuria që jep gjithçka, edhe kur nuk ka asgjë.

Një ditë, një grua e varfër trokiti në derën e Hz. Aishes, bashkëshortes së Muhammedit alejhisselam.
Me vete kishte dy vajzat e saja të vogla. Ishin të uritura, të lodhura… dhe sytë e tyre kërkonin pak dhembshuri.
Hz. Aishja, megjithëse nuk kishte pothuajse asgjë, u ofroi të vetmen gjë që kishte në atë moment: një hurmë.
Vetëm një.
Gruaja e mori hurmën... dhe pa nguruar, e ndau përgjysmë.
Njërën gjysmë ia dha njërës vajzë dhe gjysmën tjetër - vajzës tjetër. Ajo vetë nuk e mbajti asnjë copë.
Kur Pejgamberit tonë iu tregua kjo ngjarje, ai nuk e la pa e komentuar.
Ai e përmendi këtë gjest të thjeshtë, por të madh në peshë, dhe tha: “Të duash fëmijët siç duhet dhe t’i mbrosh ata është një mjet shpëtimi nga zjarri i Xhehennemit.”

Shikoni sa e madhe është mëshira e një nëne!
Edhe në varfëri të thellë, ajo nuk e mendon veten e saj, por fëmijët e saj.

Dhe shikoni sa e madhe është mëshira e Zotit, që një gjest kaq i vogël, si ndarja e një hurme, bëhet shkak shpëtimi në jetën tjetër.
Sot, në një botë ku ndonjëherë dashuria matet me dhurata të mëdha apo fjalë të mëdha, kjo histori na kthen te thelbësorja: Te dashuria që jep pa kushte. Te sakrifica e heshtur. Te zemra që nuk kërkon lavdi.

Le ta nderojmë nënën.
Le ta vlerësojmë atë dashuri që shpesh e marrim të mirëqenë.
Dhe nëse je nënë… dije se çdo dhembshuri që jep, çdo lodhje që duron, çdo sakrificë që bën - nuk humbet.
Zoti e sheh dhe Ai e shpërblen me mëshirën e Tij të pafundme.

08.09.2025, e hënë

07/09/2025

“Është pyetur Pejgamberi a.s., se cila vepër është me e vlefshmja? Ka thënë “Namazi në kohën e parë të tij.”

(Ebu Davudi)

02/09/2025

📌 Korrigjimi i disa termave islame që shpesh gabohen në shqip

Shpesh, nga zakoni ose padija, disa fjalë islame i përdorim gabimisht. Është e rëndësishme t’i shqiptojmë dhe shkruajmë drejt, ashtu siç janë në origjinal, sepse kanë kuptim të veçantë.

✅ Saktë: Mashallah (ما شاء الله)
❌ Gabim: Marshallah

Ky është vetëm një shembull. Me pak kujdes, mund të mësojmë dhe përhapim përdorimin e drejtë të termave tona islamo-shqiptare.

28/08/2025

“Ne e kemi urdhëruar njeriun që t’u bëjë mirë prindërve të tij. Nëna e tij e ka bartur me mundim dhe e ka lindur me mundim. Bartja e tij dhe ndarja nga gjiri zgjat tridhjetë muaj.” (Lukman: 14).

Në çdo dhimbje të lindjes ka një dritë mëshire. Allahu i shpërbleftë nënat tona për sakrificën e tyre dhe i mëshiroftë në këtë botë dhe në botën tjetër. Amin! 🤲

28/08/2025

Amerikani që e përqafoi Islamin për shkak të buzëqeshjes

Gjatë një tribune shkencore në Amerikë, njëri prej të pranishmëve e në mes të ligjëratës e ndërpret ligjëruesin për ta informuar : “Njeriu që është ulur pranë meje i përket nacionalitetit amerikan dhe e deklaroi shehadetin!”

Ligjëruesi madhëron emrin e Allahut dhe kërkon që të del në skenë. U ngritë një njeri i moshës së mesme dhe u afrua te ligjëruesi. Në pyetjen si e dashuroi këtë fe dhe përse e pranoi Islamin, njeriu mori frymë thellë dhe tha: “Shikoni zotëri, në fakt unë jam njeri shumë i pasur, posedojë fabrika, posedojë kapital aksionar… por asnjëherë nuk kam ndjerë kënaqësi në shpirt, asnjëherë nuk dija të buzëqeshi, gjithë kohën isha në mendime dhe në depresion. Mirëpo, tek unë punonte një shërbëtor i cili me prejardhje ishte nga India, ai ishte gjithë kohën i buzëqeshur dhe i lumtur, sa herë që e takoja, ai gjithmonë më buzëqeshte. E shikoja me vëmendje dhe mendoja, si mund ky njeri me të ardhura të pakta të jetë kaq i lumtur dhe gjithmonë me buzën në gaz, ndërsa unë jam milioner dhe nuk ndjehem ashtu!

Nuk munda të duroj më e të mos e pyes për ‘recetën’ e tij të lumturisë. E thirra në zyrën time që të bisedojmë. E pyeta në mënyrë të drejtpërdrejtë: “Të lutem më thuaj, përse ti je gjithmonë i buzëqeshur?” Njeriu përsëri buzëqeshi dhe iu përgjigj: “Për shkak se unë jam musliman.” E kam dëgjuar këtë, por a domethënë kjo që ju muslimanët jeni gjithmonë të lumtur dhe të buzëqeshur?” Shërbëtori iu përgjigj: “Po, dhe për çdo ditë të jetës sonë ne jemi të tillë, sepse e kemi parasysh thënien e Dërguarit të Allahut, salAllahu alejhi ue sel-lem, i cili ka thënë: I çuditshëm është shembulli i besimtarit, çfarëdo ta godasë, ai është i kënaqur. Nëse e godet ndonjë gjë e bukur, e falënderon Allahun dhe përfiton nga ky falënderim. Nëse e godet ndonjë e pakëndshme, bën durim dhe sërish përfiton për shkak durimit. Domethënë, jeta e jonë është ndërmjet dy gjërave, sprovës dhe kënaqësisë, sprovat janë përplot durim dhe kjo na forcon zemrën dhe shpirtin dhe na bën të lumtur, ndërsa kënaqësitë janë dhuratë i Allahut dhe kjo na plotëson shpirtin. Domethënë, nga ta shikosh jetët tona janë të mbushur me fat.

Njeriu i mallëngjyer, thjeshtë dëshiroi ta pranojë Islamin. Për detajet e pranimit të fesë më njoftoi shërbëtori im.

Mandej ligjëruesi kërkoi që para këtyre njerëzve ta deklarojë edhe njëherë fjalën e Vërtetë. Amerikani çohet në këmbë dhe me emocione të shumta e shqiptoi shehadetin dhe filloi të qajë si fëmijë i vogël. Pasi u qetësua, ligjëruesi e pyeti përse qanë, dhe merre përgjigjen se lotët ishte rezultat i lumturisë, kënaqësisë që e mbushin shpirtin e tij, lumturia të cilën aq kohë e kërkonte…”

Pastaj ligjëruesi shtonë se njerëzit assesi nuk do ta arrijnë kënaqësinë duke shikuar filma dhe seriale, por vetëm se me iman të sinqertë dhe me ibadet, siç janë namazi, leximi i Kur’anit, agjërimi…

Përshtati: Lutfi Muaremi

26/08/2025

💢 Porosia e gazetares së vrarë dje, Merjem Ebu Daka, për të birin e saj:

🔺Gajs, ti je zemra dhe shpirti i nënës.

🔺Të lutem, bir, vetëm bëj dua për mua, mos qaj pas meje, kështu do të më bësh mua të lumtur.

🔺Dua të jesh krenar, të bëhesh i mençur dhe i suksesshëm në jetë e në punë, ti je dashuria ime.

🔺Mos më harro, të lutet mamaja jote.

🔺Gjithçka që kam bërë ka qenë që ti të qeshësh, të jesh i lumtur dhe i qetë.

🔺Kur të rritesh, të martohesh dhe të kesh një vajzë, vërja emrin Merjem, në kujtim të nënës tënde.

🔺Ti je dashuria ime, zemra ime, mbështetja ime, shpirti im dhe biri për të cilin jam krenare. Gjithmonë ji krenar për veten tënde dhe për nënën tënde!

🔺Gajs, namazi është amanet për ty. Së pari namazi, pastaj namazi, e sërish namazi, biri im.

Nëna jote, Merjem!

23/08/2025

Shejh Muhamed el-Gazali

Arabët dhe dobësia që ushqen okupatorin cionist Nga Redaksia - 22.08.2025 51 Shejh Muhamed el-Gazali Çështja e Palestinës është një çështje unike dhe është e pamundur t’i hiqet karakteri i saj fetar. Agresioni cionist dhe okupimi i Palestinës, i mbështetur nga fuqitë botërore kryq...

17/08/2025

13/08/2025

Ata që ishin para jush ndërtuan objekte të forta, grumbulluan shumë pasuri dhe patën shpresa të gjata, por shtëpitë e tyre u bënë varre, shpresat e tyre u dëshmuan se ishin mashtrime, kurse pasuritë e tyre ishin fatkeqësi!

SHPRESA E GJATË ËSHTË SHKAK PËR HARRESËN E AHIRETIT Nga Redaksia - 13.08.2025 4 Shpresa e gjatë e bën njeriun ta harrojë ahiretin, ndërsa ndjekja e pasioneve e largon nga e vërteta. Pejgamberi (savs) ka thënë: “Më së shumti për çka unë frikësohem për ju janë shpresa e gjatë dh...