https://www.facebook.com/484589684741849/

MJA Bago Region မြန်မာနိုင်ငံသတင်းစာဆရာများအသင်း၊ ပဲခူးတိုင်းဒေသကြီး, Bago (2025)

25/08/2025

တောင်ငူမြို့၌ အဋ္ဌမအကြိမ်မြောက်သက်ကြီးသတင်းစာဆရာပူဇော်ပွဲနှင့် မြန်မာနိုင်ငံသတင်းစာဆရာအသင်း(MJA) နှင့် အဋ္ဌမအကြိမ်မြောက်သက်ကြီးသတင်းစာဆရာပူဇော်ပွဲသို့ အလှူငွေပေးအပ်ပွဲကျင်းပ
==================================

တောင်ငူ သြဂုတ် ၂၄

မြန်မာနိုင်ငံသတင်းစာဆရာအသင်း(MJA)၊ ပဲခူးတိုင်းဒေသကြီးနှင့် မြန်မာ့အလင်းသတင်းစာတိုက်၊ မြို့နယ်သတင်းထောက်များလူမူကူညီရေးအဖွဲ့၏ အဋ္ဌမအကြိမ်မြောက် သက်ကြီးသတင်းစာဆရာပူဇော်ပွဲသို့ အလှူငွေပေးအပ်ပွဲကို သြဂုတ်လ ၂၄ရက်နေ့လည် ၂နာရီအချိန်က ပဲခူးတိုင်းဒေသကြီး၊ တောင်ငူမြို့၊ ကန်တော်ကြီး၊ ဓာတုကလျှာလမ်း၊ သမာဓိဂေဟာ၌ ကျင်းပပြုလုပ်ခဲ့သည်။

ရှေးဦးစွာ အလှူရှင်ဖြစ်သော မြန်မာနိုင်ငံသတင်းစာဆရာအသင်း(MJA) ပဲခူးတိုင်းဒေသကြီး၏ နာယကကြီး၊ ဝါရင့် သက်ကြီး သတင်းထောက်ဦးကျော်လှ(သမာဓိ)က လှူဒါန်းရခြင်း၏ ရည်ရွယ်ချက်များကို ရှင်းလင်းပြောကြားခဲ့ပြီး အဋ္ဌမအကြိမ်မြောက် သက်ကြီးသတင်းစာဆရာပူဇော်ပွဲအတွက် အလှူငွေကျပ်နှစ်သိန်းကျပ်အား ပေးအပ်လှူဒါန်းခဲ့ရာ မြန်မာ့အလင်းသတင်းစာ၊ မြို့နယ်သတင်းထောက်များ လူမူကူညီရေးအဖွဲ့ဝင် သတင်းထောက်ဦးနေလင်း(ညောင်လေးပင်)က လက်ခံရယူပြီး ကျေးဇူးတင်စကားပြောကြားပါသည်။

ဆက်လက်၍ အလှူရှင်ဦးကျော်လှ(သမာဓိ)က မြန်မာနိုင်ငံသတင်းစာဆရာအသင်း ပဲခူးတိုင်းဒေသကြီးအတွက် အလှူငွေကျပ်နှစ်သိန်းကျပ်အား ပေးအပ်လှူဒါန်းရာ တိုင်းဥက္ကဌဦးဖြိုးကိုလင်းမှ လက်ခံရယူပြီးကျေးဇူးတင် ဆုတောင်းမေတ္တာပို့သကာ ဝမ်းမြှောက် ပီတီစကားပြောကြားကာ အလှူရှင်ထံ အသင်းမှအမှတ်တရ ဂုဏ်ပြုမှတ်တမ်းလွှာအား ပြန်လည်ပေးအပ်ချီးမြင့်ခဲ့သည်။ ယင်းနောက် အလှူရှင်နာယကကြီး ဦးကျော်လှ(သမာဓိ)က အမှတ်တရလက်ဆောင်အဖြစ် သုတစုံလင်တောင်ငူခရီးစဥ်စာအုပ်ကို မြန်မာနိင်ငံစာရေးဆရာအသင်း(ဗဟို)အလုပ်အမူဆောင်ဒေါက်တာမြင့်သန်း(ညောင်လေးပင်)အပါအဝင်တက်ရောက်လာကြသော သတင်းစာဆရာအသင်း တိုင်းအလုပ်အမူဆောင်များအား ပေးအပ်သည်။

အလှူငွေပေးအပ်ပွဲသို့ အလှူရှင်ဦးကျော်လှ(သမာဓိ) တောင်ငူ မိသားစုများ၊ မြန်မာနိုင်ငံသတင်းစာဆရာအသင်း(MJA)၊ ပဲခူးတိုင်းဒေသကြီး ဥက္ကဌဦးဖြိုးကိုလင်းနှင့် အလုပ်အမူဆောင်အဖွဲ့ဝင်များ တက်ရောက်ခဲ့ကြကြောင်းသိရသည်။

#မြန်မာနိုင်ငံသတင်းစာဆရာအသင်း #ပဲခူးတိုင်းဒေသကြီး

24/08/2025

မွန်ပြည်နယ်ဝန်ကြီးချုပ်ဦးဆောင်သော အစိုးရအဖွဲ့ဝင်ဝန်ကြီးများနှင့် မြန်မာနိုင်ငံသတင်းစာဆရာအသင်း(MJA) မွန်ပြည်နယ်အဖွဲ့ တွေ့ဆုံ

ရန်ကုန်၊ ဩဂုတ် ၂၃

မွန်ပြည်နယ် ဝန်ကြီးချုပ်ဦးဆောင်သော အစိုးရအဖွဲ့ဝင်ဝန်ကြီးများအား မြန်မာနိုင်ငံသတင်းစာဆရာအသင်း(MJA) မွန်ပြည်နယ်မှ ပြည်နယ်အသင်းဥက္ကဋ္ဌ ဦးဆောင်သော အလုပ်အမှုဆောင်များ အဖွဲ့သည်။ သြဂုတ်လ ၁ရက်နေ့ မွန်းလွဲပိုင်းက မွန်ပြည်နယ်ဝန်ကြီးချုပ်ရုံး အောင်ဆန်းခန်းမ၌ တွေ့ဆုံ မိတ်ဆက် ဂါဝရပြုခဲ့ကြသည်၊၊

တွေ့ဆုံပွဲသို့ မွန်ပြည်နယ်ဝန်ကြီးချုပ်ဦးအောင်ကြည်သိန်းနှင့် အစိုးရအဖွဲ့ဝင်ဝန်ကြီးများ၊ မြန်မာနိုင်ငံသတင်းစာဆရာအသင်း(ဗဟို) အလုပ်အမှုဆောင်ဦးသိန်းလှိုင် (မွန်ပြည်နယ်တာဝန်ခံ)၊ ပြည်နယ်အသင်း၏ ဥက္ကဌဦးတင်ထွဋ်နှင့် ပြည်နယ်အလုပ်အမှုဆောင်များက တွေ့ဆုံ၍ မိတ်ဆက် ဂါဝရပြုခဲ့ကြသည်။

တွေ့ဆုံခဲ့ရာတွင် ပြည်နယ်ဝန်ကြီးချုပ်မှ သတင်းစာဆရာများအနေဖြင့် မွန်ပြည်နယ်အစိုးရ၏ ပြည်သူများ အတွက်လုပ်ဆောင်နေသောသတင်းများအား ပြည်သူများတွင်ကျယ်စွာသိရှိနိင်ရေးအတွက် ဖော်ပြပေးစေလိုကြောင်း၊ ပြည်နယ်အစိုးရအဖွဲ့မှလည်း မကြာမီကျင်းပပြုလုပ်မည့် ပါတီစုံဒီမိုကရေစီ အထွေထွေရွေးကောက်ပွဲကြီး၌ သတင်းမှန်များရယူရာတွင် အခက်အခဲမရှိစေရေးအတွက် ကူညီဆောင်ရွက်သွားမည်ဖြစ်ကြောင်း တို့အား
ရှင်းလင်း ပြောကြားခဲ့သည်။ ထပ်မံ၍ မြန်မာနိုင်ငံသတင်းစာဆရာအသင်း(ဗဟို) အလုပ်အမှုဆောင်ဦးသိန်းလှိုင်မှ မွန်ပြည်နယ် ဝန်ကြီးချုပ်နှင့် အစိုးရအဖွဲ့ဝန်ကြီးများမှမြန်မာနိုင်ငံသတင်းစာဆရာအသင်း(MJA) အား ယခုကဲ့သို့ ကြိုဆိုအသိအမှတ်ပြုသည့် အတွက် အထူးပင် ကျေးဇူးတင်ရှိပါကြောင်း၊
တက်ရောက်လာကြသူများနှင့် တစ်ဦးချင်း ထမ်းဆောင်နေသော တာဝန်များနှင့် အမည်နာမများအား မိတ်ဆက်ပေးခဲ့သည်။ ပြည်နယ်အစိုးရအဖွဲ့၏ ဆောင်ရွက်နေသော ပြည်သူအကျိုးပြု လုပ်ဆောင်ချက်များနှင့် ရွေးကောက်ပွဲသတင်းများနှင့်ပက်သက်၍ ပြည်သူအများ တွင်ကျယ်စွာ သတင်းအမှန် သိရှိနိုင်ရေး သတင်းရယူ ရေးသား ဖော်ပြခြင်းတို့အား သတင်းမီဒီယာ ကျင့်ဝတ် စည်းကမ်းများအတိုင်း ကြိုးပမ်းဆောင်ရွက်သွားမည် ဖြစ်ပါကြောင်းတို့အား ပြန်လည် ရှင်းလင်း ပြောကြားခဲ့သည်။ အစီစဥ်အရ တက်ရောက်လာကြသော မြန်မာနိုင်ငံသတင်းစာဆရာအသင်း(MJA) မွန်ပြည်နယ်အဖွဲ့မှ သိလိုသည်များအား မေးမြန်း ဆွေးနွေးခဲ့ရာ ပြည်နယ်အစိုးရအဖွဲ့၏ တာဝန်ရှိသူများမှ
ပြန်လည် ရှင်းလင်းခဲ့ကြပြီး ပြည်နယ်ဝန်ကြီးချုပ်မှ နိဂုံးချုပ် အမှာစကားပြောကြားခဲ့ကာ တွေ့ဆုံ ဆွေးနွေးပွဲကို ရုပ်သိမ်းခဲ့သည်။

09/08/2025

🥇အထူးဂုဏ်ယူဝမ်းမြောက်ခြင်း🥇

ဆော်ဒီအာရေဗျနိုင်ငံတွင် ကျင်းပပြုလုပ်ခဲ့သော Esports World Cup 2025 PUBG Mobileပြိုင်ပွဲတွင် မြန်မာနိုင်ငံကိုယ်စားပြု ဝင်ရောက်ယှဉ်ပြိုင်ခဲ့သည့် Yangon Galacticosအသင်းက အမြင့်ဆုံး ကမ္ဘာ့ချန်ပီယံ(World Champion) ဆုကို ထိုက်ထိုက်တန်တန် ဆွတ်ခူး၍ နိုင်ငံ့ဂုဏ်ဆောင်နိုင်ခဲ့ကြောင်း သိရှိရပါသည်။
Esports ကမ္ဘာ့ဖလား ပွဲစဉ်တလျောက် မြန်မာလူငယ်များသည် ဇွဲ၊ စိတ်အား ထက်သန်မှု၊ ကြံ့နိုင်မှု၊ ကျွမ်းကျင် ထက်မြက်မှု၊ စည်းစနစ်ကျမှု၊ ယုံကြည်မှုအပြည့် ဖြင့် ဝင်ရောက်ယှဉ်ပြိုင်ခဲ့ပြီး ကမ္ဘာ့အဆင့်မီ ချန်ပီယံအဖြစ် နိုင်ငံဂုဏ်ဆောင်နိုင်ခဲ့သည့် Yangon Galacticosအဖွဲ့ဝင် ကစားသမားများ၊ အသင်းနည်းပြ၊ အသင်းမန်နေဂျာနှင့် အုပ်ချုပ်သူများ မြန်မာနိုင်ငံသတင်းစာဆရာအသင်းအား စဉ်ဆက်မပြတ် ကူညီထောက်ပံ့ပေးခဲ့သော မြန်မာနိုင်ငံသတင်းစာဆရာအသင်း၏ ဂုဏ်ထူးဆောင်ပုဂ္ဂိုလ်၊ ကမ္ဘောဇဘဏ်နှင့် ကမ္ဘောဇအုပ်စုတည်ထောင်သူ နာယကကြီးဦးအောင်ကိုဝင်းနှင့် ဇနီးဒေါ်နန်းသန်းထွေး KBZPayတည်ထောင်သူ MESF၏ ဂုဏ်ထူးဆောင် နာယကများဖြစ်သော ဒေါ်နန်းလိုင်းခမ်းနှင့် ဒေါ်နန်းခမ်းနောင့်၊ မြန်မာနိုင်ငံအီလက်ထရောနစ်အားကစားအဖွဲ့ချုပ် နာယကများနှင့် အလုပ်အမှုဆောင်များ၊ အားကစားလူငယ်များအားလုံးတို့အား မြန်မာနိုင်ငံသတင်းစာဆရာအသင်းမှ အထူးဂုဏ်ယူဝမ်းမြောက်ပါကြောင်း မှတ်တမ်းတင် ဂုဏ်ပြုအပ်ပါသည်။

ဥက္ကဋ္ဌနှင့်ဗဟိုအလုပ်အမှုဆောင်အဖွဲ့
မြန်မာနိုင်ငံသတင်းစာဆရာအသင်း(MJA)
သတင်းထုတ်ပြန်ရေးကော်မတီ

07/08/2025

ဝမ်းနည်းကြေကွဲခြင်း

ပြည်ထောင်စုသမ္မတမြန်မာနိုင်ငံတော် ယာယီသမ္မတ ဦးမြင့်ဆွေသည် ဩဂုတ်လ ၇ ရက်နေ့ နံနက် ၈ နာရီ ၂၈ မိနစ်တွင် အမှတ် (၂) တပ်မတော်ဆေးရုံကြီး ခုတင် (၁၀၀၀) ၌ ကွယ်လွန်သွားပြီဖြစ်ကြောင်း ကြားသိရပါသဖြင့် မိသားစုနှင့်ထပ်တူ ဝမ်းနည်းကြေကွဲရပါသည်။

ယာယီသမ္မတ ဦးမြင့်ဆွေသည် စစ်တက္ကသိုလ် ဗိုလ်လောင်းသင်တန်း အပတ်စဉ် (၁၅) ဆင်းဖြစ်ပြီး တပ်မတော်တွင် အမှတ် (၁၁)ခြေမြန်တပ်မမှူး၊ တောင်ပိုင်းတိုင်းစစ်ဌာနချုပ် တိုင်းမှူး၊ ရန်ကုန်တိုင်း စစ်ဌာနချုပ် တိုင်းမှူး၊ တပ်မတော် စစ်ဘက်ရေးရာ လုံခြုံရေးအရာရှိချုပ်၊ စစ်ထောက်ချုပ် အဖြစ် တာဝန်ထမ်းဆောင်ခဲ့ကာ ၂၀၁၀ ပြည့်နှစ်တွင် ဒုတိယဗိုလ်ချုပ်ကြီး အဆင့်ဖြင့် အနားယူခဲ့သည်။

တပ်မတော်မှ အနားယူပြီးနောက် ဦးမြင့်ဆွေသည် ရန်ကုန်တိုင်းဒေသကြီးဝန်ကြီးချုပ်၊ ဒုတိယသမ္မတ(၁)တာဝန်နှင့် ယာယီသမ္မတ တာဝန်များကိုလည်း ထမ်းဆောင်ခဲ့သည်။

သတင်းထုတ်ပြန်ရေးကော်မတီ
မြန်မာနိုင်ငံသတင်းစာဆရာအသင်း
ပဲခူးတိုင်းဒေသကြီး

04/08/2025

မြန်မာနိုင်ငံသတင်းစာဆရာအသင်း ပဲခူးတိုင်းဒေသကြီး လစဥ်အစည်းအဝေးနှင့် ထပ်ဆင့်ဂုဏ်ပြုချီးမြှင့်ပွဲကျင်းပ
==================================

ပဲခူး သြဂုတ် ၄

မြန်မာနိုင်ငံသတင်းစာဆရာအသင်း(MJA) ၊ ပဲခူးတိုင်းဒေသကြီး၏လစဥ် တိုင်းအလုပ်အမှုဆောင်များ၏ စုံညီအစည်းအဝေးနှင့် မြန်မာနိုင်ငံသတင်းစာဆရာအသင်း(ဗဟို)မှ သင်ကြားဖွင့်လှစ်သော "သတင်းစာပညာသိမှတ်ဖွယ်ရာ မီဒီယာသင်တန်း ၁/၂ဝ၂၅ "တွင် ထူးချွန်စွာ တတိယဆု ရရှိအောင် ကြိုးစားဆောင်ရွက်ခဲ့သော ပဲခူးတိုင်းဒေသကြီးအသင်း၏ ဒုတိယဥက္ကဋ္ဌ ဖြစ်သူ ဦးနေလင်း (ညောင်လေးပင်)ကို ဂုဏ်ပြုလက်မှတ်နှင့် ဆုငွေများအား ထပ်ဆင့်ချီးမြှင့်ဂုဏ်ပြုခြင်း အခမ်းအခမ်းအနားကို သြဂုတ်လ ၄ရက်နေ့ နံနက်ပိုင်းက ရန်ကုန်-မန္တလေးကားလမ်းဟောင်း ပဲခူးမြို့ မဇင်း ၁လမ်းထိပ်ရှိ တိုင်းဒေသကြီးအသင်းရုံး အစည်းအဝေးခန်းမတွင်ကျင်းပပြုလုပ်ခဲ့သည်။

အခမ်းအနားတွင် ရှေးဦးစွာ တိုင်းဒေသကြီးအသင်း ဥက္ကဋ္ဌဖြစ်သူဦးဖြိုးကိုလင်းမှ အသင်း၏လုပ်ငန်းစဥ်များ ၊ အသင်းဝင်လျှောက်လွှာများလျှောက်ထားလာမှုအခြေအနေ ၊ မြို့နယ်ရုံးခွဲများဖွင့်လှစ်နေမှုများနှင့် ထပ်မံဖွင့်လှစ်နိုင်ရေး ၊အသင်း၏စည်းကမ်းသတ်မှတ်ချက်များနှင့်အညီ လှုပ်ရှား ရပ်တည်နိုင်ရေး ၊ တိုင်းအနေဖြင့် စည်းကမ်းထိန်းသိမ်းရေးကော်မတီဖွဲ့စည်းနိုင်ရေး ၊ ရှေ့ဆက်လုပ်ဆောင်မည့်ကိစ္စရပ်များအား ချပြရှင်းလင်းခဲ့သည်။ ထပ်မံ၍ အသင်း၏နာယကနှင့် ဒုတိယဥက္ကဋ္ဌ တိုင်းအလုပ်အမှုဆောင်အဖွဲ့များမှ အပြန်အလှန်ဆွေးနွေးခဲ့ကြပြီး အကြံပြု ဆွေးနွေးချက်များအား အစည်းအဝေးဆုံးဖြတ်ချမှတ်ခဲ့ပြီး မြန်မာနိုင်ငံသတင်းစာဆရာအသင်း(ဗဟို)မှ သင်ကြားဖွင့်လှစ်သော "သတင်းစာပညာသိမှတ်ဖွယ်ရာ မီဒီယာသင်တန်း၁/၂ဝ၂၅"တွင် ထူးချွန်စွာ တတိယဆု ရရှိအောင် ကြိုးစားဆောင်ရွက်ခဲ့သော ပဲခူးတိုင်းဒေသကြီးအသင်း၏ ဒုတိယဥက္ကဋ္ဌဖြစ်သူ ဦးနေလင်း (ညောင်လေးပင်)အား တိုင်းဒေသကြီး အသင်း၏တာဝန်ရှိသူများမှ ဂုဏ်ပြုလက်မှတ်နှင့် ဆုငွေများအား ထပ်ဆင့်ချီးမြှင့်ဂုဏ်ပြုခြင်းအား ဆောင်ရွက်ခဲ့သည်။

#မြန်မာနိုင်ငံသတင်းစာဆရာအသင်း #ပဲခူးတိုင်းဒေသကြီး

30/07/2025

မြန်မာနိုင်ငံသတင်းစာဆရာအသင်း

မြန်မာနိုင်ငံသတင်းစာဆရာအသင်းဆိုတာ အခုမှ ပေါ်လာတဲ့ သတင်းစာအဖွဲ့အစည်း မဟုတ်ပါဘူး။ သတင်းစာဆရာတွေဟာ နိုင်ငံရေးအလှည့်အပြောင်း လှိုင်းတံပိုးတွေရဲ့ ရိုက်ခတ်မှုကို အနည်းနှင့်အများ ခံခဲ့ကြရတာပါ။ ဖဆပလခေတ်မှာလည်း သတင်းစာတိုက်တွေ ဝင်အစီးခံရ၊ ခဲစာလုံးစာစီခုံတွေ ဖျက်ဆီးခံရ၊ ပုံနှိပ်စက်တွေ ဖျက်ဆီးခံရတာတွေ ရှိခဲ့တာပါပဲ။ ဂျာနယ်ကျော်ဦးချစ်မောင်ကတော့ ပြောခဲ့ဖူးပါတယ်။ တိုင်းပြည်ကောင်းချင်ရင် အယ်ဒီတာကောင်းတွေလည်း လိုပါတယ်တဲ့။
ဆရာဝန်တွေမှားရင် လူနာတစ်ယောက်သာ သေဆုံးနိုင်ပြီး သတင်းစာဆရာတွေ အယ်ဒီတာတွေမှားရင်တော့ တစ်တိုင်းပြည်လုံးမှောက်နိုင်ပါတယ်တဲ့။ ဒီကနေ့ခေတ်မှာ သတင်းလောကထဲမှာ မီဒီယာအတုအယောင်တွေများလှသမို့ Social media လား, တာဝန်ယူမှု တာဝန်ခံမှုရှိတဲ့ Main stream media လား ဆိုတာတောင် ခွဲဖို့ခက်လာပါပြီ။ သတင်းမီဒီယာတို့ စောင့်ထိန်းလိုက်နာရမယ့် ကျင့်ဝတ်ထဲမှာ အမှန်ကို မတင်ပြနိုင်သေးရင်တောင် သတင်းသိလိုတဲ့ ပရိသတ်များကို
အမှားတွေ မပေးမိဖို့ အရေးကြီးလှပါကြောင်းဗျာ။

UTheinAye

30/07/2025

သင်တန်းအမှတ်တရ

ပြန်ကြားရေးဝန်ကြီးဌာန၏ ခွင့်ပြုချက်ဖြင့် မြန်မာနိုင်ငံ သတင်းစာဆရာအသင်းမှ ကြီးမှူး၍ သတင်းစာပညာ သိမှတ်ဖွယ်ရာများသင်တန်း (၁/၂၀၂၅) သင်တန်းဆင်းပွဲအခမ်းအနားကျင်းပခဲ့.....

MRTV

#မြန်မာနိုင်ငံသတင်းစာဆရာအသင်း

30/07/2025

မြန်မာနိုင်ငံသတင်းစာဆရာအသင်း နတ်တလင်းမြို့နယ်အား ဖွဲ့စည်းပြီး
--------------------------------------------------------------

နတ်တလင်း၊ ဇူလိုင် ၂၇

မြန်မာနိုင်ငံသတင်းစာဆရာအသင်း ပဲခူးတိုင်းဒေသကြီး ၊ နတ်တလင်းမြို့နယ်ဖွဲ့စည်းခြင်းအား ပဲခူးတိုင်းဒေသကြီးအသင်းဥက္ကဋ္ဌ ဦးဖြိုးကိုလင်း၏ လုပ်ငန်း လမ်းညွန်မှုအရ ဇူလိုင်လ (၂၇)ရက်နေ့ နံနက်(၁၀)နာရီအချိန်က နတ်တလင်းမြို့နယ် မီးသတ်ဦးစီးဋ္ဌာန အစည်းအဝေးခန်းမတွင် ကျင်းပပြုလုပ်ခဲ့သည်။

အဆိုပါအခမ်းအနားသို့ တိုင်းဒေသကြီးအသင်းဥက္ကဋ္ဌ၏ကိုယ်စား တိုင်းအသင်း၏ နာယကဦးအောင်မြင့်မှ တက်ရောက်၍ ဖွဲ့စည်းတာဝန်ပေးအပ်ခဲ့ပြီး အသင်းဝင်များမှ ကတိသစ္စာပြုခဲ့ကြပြီး အဆိုပြုလွှာများအား အသင်း၏မြို့နယ် ဥက္ကဋ္ဌ သတင်းစာဆရာ ဦးတင်မြင့် (တင်မြင့်-နတ်တလင်း)မှ ပေးအပ်ခဲ့ရာ အသင်း၏ နာယကမှ လက်ခံခဲ့ပါသည်။ အခမ်းအနားသို့ မြို့နယ်စီမံအုပ်ချုပ်ရေးအဖွဲ့တာဝန်ရှိသူများ၊ မြို့နယ်ရဲတပ်ဖွဲ့မှူးရုံးမှတာဝန်ရှိသူများ ၊ မြို့နယ်ပြန်ကြားရေးနှင့်ပြည်သူ့ ဆက်ဆံရေးဦးစီးဌာန၊ မြန်မာနိုင်ငံစာရေးဆရာအသင်း မြို့နယ်တာဝန်ရှိသူများ၊ မြို့နယ်အဆင့်ဌာနဆိုင်ရာများ၊ ရပ်ကွက်အုပ်ချုပ်ရေးမှူးများနှင့် လူမှုအဖွဲ့စည်းများ တက်ရောက်ခဲ့ကြပြီး သက်ဆိုင်ရာ တာဝန်ရှိသူများမှ ဝမ်းမြောက်ဂုဏ်ပြု အမှာစကားများ အသီးသီးပြောကြားခဲ့ပါသည်။ မြန်မာနိုင်ငံသတင်းစာဆရာအသင်း နတ်တလင်းမြို့နယ်အား နာယကများအပါအဝင် မြို့နယ်အလုပ်အမှုဆောင် (၁၈)ဦးဖြင့် တရားဝင် ဖွဲ့စည်းထားရှိပြီး မြန်မာနိုင်ငံသတင်းစာဆရာအသင်း ပဲခူးတိုင်းဒေသကြီး အနေဖြင့် ပန်းတောင်းမြို့နယ် ၊ နတ်တလင်းမြို့နယ်တို့တွင် မြို့နယ်အဆင့်ဖွဲ့စည်း နိုင်ခဲ့ပြီး ကျန်ရှိနေသော မြို့နယ်များတွင်လဲ ဖွဲ့စည်းနိုင်ရန် ဆောင်ရွက်လျှက်ရှိသည်။

#မြန်မာနိုင်ငံသတင်းစာဆရာအသင်း #ပဲခူးတိုင်းဒေသကြီး

23/07/2025

အများပြည်သူသို့ အသိပေးကြေညာချက်။

#မြန်မာနိုင်ငံသတင်းစာဆရာအသင်း #ဗဟုသုတ

23/07/2025

၂၀၂၅ ခုနှစ် တက္ကသိုလ်ဝင်စာမေးပွဲ အောင်စာရင်း ဇူလိုင် ၂၇ ရက်တွင် ထုတ်ပြန်မည်

၂၀၂၅ ခုနှစ် တက္ကသိုလ်ဝင်စာမေးပွဲ အောင်စာရင်းကို ဇူလိုင် ၂၇ ရက်(တနင်္ဂနွေနေ့)မှာ ထုတ်ပြန်ပေးမယ်လို့ ပညာရေးဝန်ကြီးဌာနက ထုတ်ပြန်ထားပါတယ်။

#မြန်မာနိုင်ငံသတင်းစာဆရာအသင်း #ဗဟုသုတ

21/07/2025

စာဖတ်ရှိန်မြှင့်တင်ရေးပွဲတော် စာစီစာကုံး ပြိုင်ပွဲ ဆုရကျောင်းသားအား ပဲခူးတိုင်းဒေသကြီး သတင်းစာဆရာအသင်းက ဆုချီးမြှင့်
----------------------------------------------------------

ပဲခူး ဇူလိုင် ၂၁

ပဲခူးတိုင်းဒေသကြီး စာကြည့်တိုက်များဖွံ့တိုးတက်ရေးနှင့် စာဖတ်ရှိန်မြှင့်တင်ရေးပွဲတော်တွင် ကဏ္ဍအသီးသီးမှ ပါဝင်ယှဉ်ပြိုင်ခဲ့ကြသော ဆုရကျောင်းသား /ကျောင်းသူများအား ပဲခူးတိုင်းဒေသကြီးအစိုးရအဖွဲ့ က ယနေ့(ဇူလိုင် ၂၁)ရက်နေ့တွင် ပဲခူးမြို့ အ.ထ.က (၃)၌ ဂုဏ်ပြုမှတ်တမ်းနှင့် ဆုတော်ငွေများ ပေးအပ်ချီးမြှင့်ခဲ့သည်။

ရှေးဦးစွာ အခမ်းအနားတွင် ဒေါက်တာမြင့်သန်း(ညောင်လေးပင်)က စာအုပ်စာပေ လူ့မိတ်ဆွေခေါင်းစဉ်ဖြင့်လည်းကောင်း ၊ စာရေးဆရာမဒေါ်ဝတ်ရည်ခင်က စာဖတ်ခြင်းဖြင့် မိမိဘဝကိုမြှင့်တင့်ပါ ခေါင်းစဉ်ဖြင့်လည်းကောင်း စာပေ ဗဟုသုတများအားဟောပြောဆွေးနွေးခဲ့သည်။

စာကြည့်တိုက်များဖွံ့တိုးတတ်ရေးနှင့် စာဖတ်ရှိန်မြှင့်တင်ရေးပွဲတော် စာစီစာကုံးပြိုင်ပွဲ၌ "ယဉ်ကျေးလိမ္မာတိုးတတ်ဖို့ အားလုံးစာဖတ်ကြစို့" ခေါင်းစဉ်ဖြင့် ဝင်ရောက်ယှဉ်ပြိုင်ပြီး ပထမဆု ရရှိခဲ့သော အလက (မုန်တိုင်း) ကျောင်းမှ မောင်မင်းဟိန်းသူ အား ပဲခူးတိုင်းဒေသကြီး မြန်မာနိုင်ငံသတင်းစာဆရာအသင်း ပဲခူးတိုင်းဒေသကြီးဥက္ကဌ ဦးဖြိုးကိုလင်း မှလည်း ဂုဏ်ပြုဆုတော်ငွေများ ပေးအပ်ချီးမြှင့်ခဲ့ပါသည်။

"တိုးတတ်လာတဲ့ ခေတ်အခြေအနေအရ လူငယ်အများစုက စာအုပ်တွေကနေ အသိပညာ ဗဟုသုတတွေ ရှာဖွေဖတ်ရှုတာ နည်းလာပါတယ်။ပြန်ကြားရေးနဲ့ ပညာရေးဌာန ပူပေါင်းပြီးတော့ပဲခူးတိုင်းဒေသကြီး စာကြည့်တိုက်များဖွံ့တိုးတတ်ရေးနဲ့ စာဖတ်ရှိန်မြှင့်တင်ရေးပွဲတော်ကျင်းပရခြင်းကလည်း စာအုပ်ဖတ်ရှုနှုန်းများလာဖို့ ရည်ရွယ်မယ်ထင်ပါတယ်။ပဲခူးတိုင်းဒေသကြီးအစိုးရအဖွဲ့ က ဆုချီးမြှင့်ပေးတဲ့ အနာ၊အကြား၊အဖတ်အရွတ်၊အရေး ကဏ္ဍတွေထဲကမှ အရေးကဏ္ဍ (စာစီစာကုံး)၊ လယ်ဆင့် ပြိုင်ပွဲမှာ ကျေးလက်ဒေသကနေလာရောက်ယှဉ်ပြိုင်ပြီး ပထမဆု ရရှိသွားတဲ့ ကျောင်းသားကို ကျနော်တို့အသင်းကနေဖိတ်ခေါ်ပြီး ထပ်ဆောင်း ဆုချီးမြှင့်ပေးတာ ဖြစ်ပါတယ် "ဟု ပဲခူးတိုင်းဒေသကြီး သတင်းစာဆရာအသင်းဥက္ကဌ ဦးဖြိုးကိုလင်း ကပြောကြားခဲ့သည်။

ပြန်ကြားရေး

#မြန်မာနိုင်ငံသတင်းစာဆရာအသင်း

21/07/2025

လယ်ယာမြေ ပုံစံ (၇) ရရှိထားရင်
ဒီအခွင့်အရေးတွေ ရပါတယ်။

#မြန်မာနိုင်ငံသတင်းစာဆရာအသင်း #ဗဟုသုတ

MJA Bago Region မြန်မာနိုင်ငံသတင်းစာဆရာများအသင်း၊ ပဲခူးတိုင်းဒေသကြီး

25/08/2025

24/08/2025

09/08/2025

07/08/2025

04/08/2025

30/07/2025

30/07/2025

30/07/2025

23/07/2025

23/07/2025

21/07/2025

21/07/2025

Address

Website

Alerts

Shortcuts

Share

Category