06/10/2025
မြန်မာသက္ကရာဇ် ၁၃၈၇ ခုနှစ်၊
သီတင်းကျွတ်လပြည့်နေ့
(အဘိဓမ္မာ အခါတော်နေ့)တွင် မင်္ဂလာအပေါင်းနဲ့ ခညောင်းကြပါစေလို့ ရွှေမြန်မာဗုဒ္ဓရဲ့ ဆွေမျိုးမိတ်ဆွေများကို ဆုတောင်းမေတ္တာပို့သရင်း...
"အဘိဓမ္မာအခါတော်နေ့အကြောင်း သိကောင်းဖွယ်ရာများ"အားမျှဝေလိုက်ပါတယ်။
💥 အဘိဓမ္မာအခါတော်နေ့ ဖြစ်ပေါ်လာပုံ
ဤကမ္ဘာမှာ အဘိဓမ္မာဟောခဲ့တာ ဘယ်နှစ်ကြိမ်လဲ?
ဤဘဒ္ဒကမ္ဘာ၌ပင် ပွင့်တော်မူသောဘုရားတို့တွင်
၁၊ ကကုသန်မြတ်စွာဘုရား အဘိဓမ္မာတရားကို
ဟောသောအခါ နတ်ဗြဟ္မာ ကုဋေသုံးသောင်း၊
၂၊ ကောဏာဂမနဗုဒ္ဓ အဘိဓမ္မာဟောကြားတဲ့ခါ
နတ်ဗြဟ္မာအားလုံးပေါင်း ကုဋေတစ်သောင်း၊
၃။ ကဿပဗုဒ္ဓ အဘိဓမ္မာတရားဟောသောအခါ
နတ်ဗြဟ္မာပေါင်း ….ကုဋေသုံးထောင်တို့သည်
အသီးသီးကျွတ်တမ်းဝင်ခဲ့ကြောင်းတွေ့ရပါသည်။
ဒီတော့ အဘိဓမ္မာသည် ရှေးဘုရားရှင်တို့၏အစဉ်
အလာ သန္နိပါတဖြစ်တာကြောင့် အဘိဓမ္မာသည်
ဗုဒ္ဓဘာသိတ-အဖြစ်၌ ခိုင်မာနေတာကို မှတ်သားရပါတယ်။
ယခု ဗုဒ္ဓဘုရားရှင်လက်ထက် ကျွတ်တမ်းဝင်သူ
မြတ်ဗုဒ္ဓသည် “ ခုနှစ်ဝါမြောက် ဝါကပ်မှုအဖြစ်
နတ်ဘုံမှာ ဝါဆိုတော်မူပြီး သတ္တပကရဏ မည်
သော ၁ အဘိဓမ္မာဒေသနာကို ဟောကြားပြီး
အဆုံး၌ နတ်ဗြဟ္မာပေါင်း- ကုဋေရှစ်သောင်း
သန်း( ၈၀၀၀) ၈-ဘီလျံတို့ ကျွတ်တမ်းဝင်ခဲ့ပါ
တယ်၊ နတ်သားတဖြစ်လည်း မယ်တော်မာယာ
က -သောတာပန်အရိယာ ဖြစ်သွားခဲ့ပါတယ်။
ဘုရားရှင်၏ လက်ဝဲရံအရှင်မောဂ္ဂလာန်ထေရ်
ကလည်းသာသနာအတွက် တာဝန်ကျေခဲ့တယ်၊
ဘုရားရှင်ထံ-သွား၍ လူပြည် ပြန်ဆင်းလာမည့်
နေ့ရက်နှင့်ဆင်းသက်မည့်နေရာဒေသတို့ကို မေး
မြန်းလျှောက်ထားတော့ သီတင်းကျွတ်လပြည့်
နေ့မှာ အိန္ဒိယနိုင်ငံ(U .P)ပြည်နယ်၊ဖာတက်ဂတ်
မြို့ရဲ့အနီး သင်္ကဿနဂိုရ်မြို့၌ ဆင်းသက်မည်
ဟု မိန့်ကြားတာကို လူထုအား ပြန်ပြောပြတယ်။
ဒီတော့ အိန္ဒိယနိုင်ငံအနှံ့အပြားရှိလူများစွာတို့
သည် ဒီသတင်းကြားပြီးနောက် သင်္ကဿနဂိုရ်
မြို့မှာစုဝေးကာ ဘုရားရှင် လူပြည် ဆင်းသက်
အလာကို မျှော်လင့်စောင့်စားနေခဲ့ကြပါတယ်၊
ယခုလို သီတင်းကျွတ်လပြည့် ညဦးယာမ်အချိန်
ကောင်းကင်ယံကို …မော်အကြည့် နတ်လှေကား
စောင်းတန်းသုံးစင်းက အမြင်အာရုံမှာဘွားကနဲ
ပေါ်လာတယ်။ပတ္ထမြားစောင်းတန်း.ရွှေ စောင်း
တန်း,ငွေစောင်းတန်း လှေကားစောင်းတန်း-သုံး
သွယ်က တင့်တယ်နေပါတယ်။
အဲဒါထက် ပို၍ထူးခြားဆန်းကျယ်တာကတော့
ခမ်းနားစွာ နတ်ဗြဟ္မာအပေါင်း ခြံရံ ဆင်းသက်
လာသော ဘုရားရှင်၏ အသရေတော်ကို ဖူးမြင်
ခွင့် ရရှိလိုက်ကြတာပါ။ တချို့ အားကျလွန်း၍
ဗောဓိသတ္တဆုကို*ပင် ပန်ဆင်ခဲ့ကြပါသတက်။
📆ဗုဒ္ဓဘာသာဝင်တို့၏သမိုင်းဝင်နေ့စွဲတစ်နေ့
မြတ်ဗုဒ္ဓ၏ တာဝတိံသာနတ်ဘုံကနေ လူပြည်ရှိ
သင်္ကဿမြို့တော်သို့ ပြန်လည်ဆင်းသက်ခဲ့တဲ့
သမိုင်းဝင်-ဖြစ်ရပ်ကို အရှင်သာရိပုတြာမထေရ်
နိဒ္ဒေသပါဠိတော်၌ ဤသို့မှတ်တမ်းတင်ခဲ့တယ်။
“န မေ ဒိဋ္ဌော ဣတော ပုဗ္ဗေ၊ န သုတော ဥဒကဿစိ၊
ဧဝံ ဝဂ္ဂုဝဒေါ သတ္ထာ၊ တုသိတာ ဂဏိမာဂတော” ။
မဟာနိဒ္ဒေသ၊ သာရိပုတ္တနိဒ္ဒေသ၊ပါဠိ။
၎င်းဂါထာ၏ ဆိုလိုရင်းအဓိပ္ပါယ်ရှင်းလင်းချက်
န မေ ဒိဋ္ဌော ဣတော ပုဗ္ဗေတိ- ဆိုတာ သင်္ကဿ
မြို့သို့ ဆင်းသက်သည်မှ ရှေး၌ မြတ်စွာဗုဒ္ဓသည်
ဆင်းသက်ခဲ့သည်ဆိုတဲ့အကြောင်းကို ဤပသာဒ
စက္ခုနဲ့လည်းကောင်းဤအတ္တဘောနဲ့လည်းကောင်း
ငါ သည် မြင်ဖူးသည် မရှိခဲ့ပါ။
အကြင်အခါ၌ မြတ်ဗုဒ္ဓသည် တာဝတိံသာနတ်ဘုံ
ဝယ် ပင်လယ်ကသစ်ပင်၏အနီး၌ ပဏ္ဍုကမ္ဗလာ
ကျောက်ဖြာ၌နေ၍ ဝါမှထလတ်သော် နတ်ဗြဟ္မာ
အပေါင်းခြံရံလျက် …..လှေကားသုံးဆင်းတို့တွင်
ပတ္ထမြားစီခြယ်အလယ်စောင်းတန်းလှေကားဖြင့်
သင်္ကဿမြို့သို့ သက်ဆင်းတော်မူလာခဲ့သည်ကို
မြင်တွေ့ခဲ့ရတယ်၊ ဤမှရှေး၌ ဒီလို မြင်ကွင်းမျိုး
ကို ငါသည် မြင်ခဲ့ဖူးသည်မရှိ" ဟု မိန့်ခဲ့ပါတယ်။
တဖန် “ ယထာဒိဿတိ စက္ခုမာ “ဟူသည်ကား
တာတတိံသာနတ်ပြည်၊ ပင်လယ်ကသစ်ပင်၏
အောက် ပဏ္ဍုကမ္ဗလာကျောက်ဖြာ၌ နေလျက်
အဘိဓမ္မာတရားဟောတော်မူသော မြတ်ဗုဒ္ဓကို
နတ်တို့သည် မြင်ကုန်သကဲ့သို့ လူတို့သည် မြင်
ကုန်၏၊ လူတို့သည် မြင်ကုန်သကဲ့သို့ နတ်တို့
သည်လည်း မြင်ကုန်၏” ဟု မိန့်ကြားထား၏။
“ဗုဒ္ဓသည် ကောင်းသောစကားကိုဆိုတော်မူ၏၊
နှစ်သက်ဖွယ်သော နတ်ပြည်မှဂိုဏ်းဆရာ ဖြစ်
လျက်လာတော်မူ၏၊ ဤသင်္ကဿမြို့သို့ ဆင်း
သက်သည်မှ ရှေး၌ ငါသည် မြင်ဖူးသည် မရှိ၊
ကြားဖူးသည်မရှိသကဲ့သို့၊ အခြားတစ်စုံတစ်
ယောက်သောသူတွေသည်လည်းမြင်ဖူး,ကြား
ဖူးသည်ဟူ၍လည်း မရှိ”….ဤသို့ စသည်ဖြင့်
နိဒ္ဒေသပါဠိတော်၌ အရှင်သာရိပုတြာမထေရ်
မြတ်ဗုဒ္ဓအား (၈) ဂါထာဖြင့် ပူဇော်ခဲ့ပါတယ်။
ဒီလို အံဩဘနန်းတွေပြည့်နှက်နေတဲ့မြင်ကွင်း
က နှစ်ပေါင်း၂၆၀၀ကျော်သွားခဲ့ပြီ-ဖြစ်သော်
လည်း ထေရဝါဒဗုဒ္ဓဘာသာဝင်သန်းပေါင်းများ
စွာတို့ကို လွှမ်းမိုးနေဆဲပင်ဖြစ်တယ်၊ သို့ဖြစ်၍
အဘိဓမ္မာအခါတော်နေ့ရောက်လေတိုင်း ဆီးမီး
များဖြင့် ပူဇော်ကြသလို မီးပုံးပျံတွေလွှတ်တင်
ကာ ..မြတ်ဗုဒ္ဓကို ပူဇော်နေဆဲပင် ဖြစ်ပါတယ်။
(ပညာစက်ဝန်း) ၈:၁၀
မှီငြမ်း။ နိဒ္ဒေသပါဠိ၊ ဓမ္မပဒ၊ဋ္ဌ၊အပါဒါန်-ပါဠိ။
မူရင်းရေးသားသူအား လေးစားလျှက် 🙏🙏🙏
