Tavoy Media

Tavoy Media Tavoy Media (Tanintharyi Region) Tavoy Media

ဂျပန်နိုင်ငံမှာ တနင်္သာရီဖလား ဖူဆယ်ဘောလုံးပြိုင်ပွဲ ကျင်းပထားဝယ် ၊ ဇွန်လ - ၉ရက်ဂျပန်နိုင်ငံ၊စိုင်းတမမြို့တွင် တိုကျိုမြိ...
09/06/2025

ဂျပန်နိုင်ငံမှာ တနင်္သာရီဖလား ဖူဆယ်ဘောလုံးပြိုင်ပွဲ ကျင်းပ

ထားဝယ် ၊ ဇွန်လ - ၉ရက်

ဂျပန်နိုင်ငံ၊စိုင်းတမမြို့တွင် တိုကျိုမြို့အခြေစိုက်ဘောလုံးအသင်းများဖြစ်ကြတဲ့ DAWEI FC နှင့် PALAW United'sတို့ ပူးပေါင်းပြီး (08.06.2025)ရက်နေ့က တနင်္သာရီဖလား ရံပုံငွေဖူဆယ်ဘောလုံးပြိုင်ပွဲကျင်းပပြုလုပ်ခဲ့ကြောင်း သိရပါသည်။

တနင်္သာရီဖလားဖူဆယ်ဘောလုံးပြိုင်ပွဲအဓိကပြုလုပ်ရခြင်းရဲ့ ရည်ရွယ်ချက်မှာ တနင်္သာရီတိုင်းသားအချင်းချင်း စည်းလုံးညီညွတ်မှုရရှိရေးနှင့် တော်လှန်ရေးအတွက် တစ်ထောင့်တစ်နေရာကနေ ပါဝင်အားဖြည့်နိုင်ရေးအတွက် ပြုလုပ်ခြင်းဖြစ်တယ်လို့ တနင်္သာရီဖလားဖြစ်မြောက်ရေးဦးဆောင်ကော်မတီမှ တာဝန်ရှိသူတစ်ဦးက ပြောပါတယ်။

တနင်္သာရီဖလားဖူဆယ်ဘောလုံးပြိုင်ပွဲကျင်းပရာတွင် ရံပုံငွေ စုစုပေါင်း ဂျပန်ယန်းငွေ 47သောင်းကျော်လက်ခံရရှိခဲ့ပြီး ထားဝယ်၊ပုလောနှင့်တနင်္သာရီမြို့နယ်ဘက်ရှိ တော်လှန်ရေးလက်နက်ကိုင်တပ်ဖွဲ့များထံသို့ ကူညီထောက်ပံ့ပေးသွားမယ်လို့ သိရပါတယ်။

၎င်းပြိုင်ပွဲတွင် ပြိုင်ပွဲဝင် အသင်း ၁၂သင်း ပါဝင်ယှဉ်ပြိုင်ခဲ့ပြီး ချန်ပီယံဆုကို လောင်းလုံး FC က ဆုခူးရရှိခဲ့ပြီး ဒုတိယဆုကို တနင်္သာရီ FC နှင့် တတိယဆုကို ဘုတ်ပြင်း FC တို့မှ ဆူးခူးရရှိခဲ့တယ်လို့ သိရပါတယ်။

Tavoy Media

ထီးထစခန်းက ဗျူဟာမှူးကို ရုန်းရင်းဆန်ခတ်အခြေအနေမှာ ပစ်ခတ်ရှင်းလင်းခဲ့ရတယ်လို့ KNU ဆို◼ တိုက်ပွဲအတွင်း စစ်‌ကောင်စီတပ်သားအာ...
21/04/2025

ထီးထစခန်းက ဗျူဟာမှူးကို ရုန်းရင်းဆန်ခတ်အခြေအနေမှာ ပစ်ခတ်ရှင်းလင်းခဲ့ရတယ်လို့ KNU ဆို

◼ တိုက်ပွဲအတွင်း စစ်‌ကောင်စီတပ်သားအားလုံးသေဆုံးပြီး လက်နက်ခဲယမ်းရာနဲ့ချီသိမ်းမိ

ထားဝယ် ၊ ဧပြီလ - ၂၁ရက်

ထားဝယ် - ထိုင်း နယ်စပ်အနီးမှာရှိတဲ့ စစ်ကောင်စီ ထီးထဗျူဟာစခန်းကို တော်လှန်ရေးပူးပေါင်းတပ်တွေ တိုက်ခိုက်သိမ်းပိုက်ချိန် ဗျူဟာမှူးနဲ့ စစ်ကောင်စီတပ်သားတွေကို အရှင်ဖမ်းမိပြီးမှ ရုန်းရင်းဆန်ခတ်အခြေအနေမှာ ပစ်ခတ်ရှင်းလင်းခဲ့ရတယ်လို့ KNU တပ်မဟာ ၄ ဘက်က ပြောပါတယ်။

ထိုင်းနိုင်ငံနယ်စပ်နဲ့ ခြောက်မိုင်လောက်သာဝေးနဲ့ ထီးထဗျူဟာစခန်းကို KNLA/KNDO တပ်ဖွဲ့တွေနဲ့ ပြည်သူ့ကာကွယ်ရေးတပ်ဖွဲ့တွေက အခုလ ၁၂ ရက်နေ့မှာစတင်ပိတ်ဆို့တိုက်ခိုက်ခဲ့ပြီး ရှစ်ရက်အကြာ ၁၉ ရက်နေ့ ညနေပိုင်းမှာတော့ စခန်းတစ်ခုလုံးကို သိမ်းပိုက်ခဲ့တာပါ။

စခန်းသိမ်းပြီးနောက်မှာ ဗျူဟာမှူး အပါအဝင် စစ်ကောင်စီတပ်သားတချို့ကို အရှင်ဖမ်းမိခဲ့တယ်လို့ KNU ဘက်က ဆိုပါတယ်။ လူမှုကွန်ယက်မှာပျံ့နှံ့နေတဲ့ ရုပ်သံတစ်ခုမှာလည်း စခန်းသိမ်းပြီးနောက် တော်လှန်ရေးရဲ‌ဘော်တွေအနီးမှာ တန်းစီပြီးထိုင်နေတဲ့ ဗျူဟာမှူးအပါအဝင် စစ်ကောင်စီတပ်သား ၃၀ ဦးခန့်ကိုတွေ့ရပါတယ်။

အဲဒီနောက် ဆက်လက်အရေးယူဖို့ဆောင်ရွက်နေချိန် ဗျူဟာမှူးက မချေမငံဆက်ဆံပြီး ရန်လိုသောအနေအထားနဲ့ မတ်တပ်ရပ်လိုက်တာကြောင့် ရုန်းရင်းဆန်ခတ်အခြေအနေဖြစ်ပြီး အနီးမှာရှိနေတဲ့ တော်လှန်ရေးရဲဘော်တွေက စစ်ဆေးရေးရဲဘော်ကိုအကာအကွယ်ပေးဖို့ လုံခြုံရေးအရလက်ဦးမှုယူပြီး ပစ်ခတ်လိုက်ရတယ်လို့ KNU တပ်မဟာ ၄ မြိတ်-ထားဝယ်ခရိုင်အတွင်းရေးမှူး ပဒိုအယ်နားကဆိုပါတယ်။

တစ်ချိန်တည်းမှာပဲ ဖမ်းမိထားတဲ့ စစ်ကောင်စီတပ်သားတွေထွက်ပြေးချိန် ရဟတ်ယာဥ်ကလည်း ဝေဟင်ကနေ ပစ်ခတ်ခဲ့တယ်လို့ ဆိုပါတယ်။ တော်လှန်ရေးရဲဘော်တွေကပစ်ခတ်တာနဲ့ ရဟတ်ယာဥ်ကပစ်ခတ်တာတွေကြောင့် ထွက်ပြေးသွားတဲ့ စစ်ကောင်စီတပ်သား ၃၀ ဝန်းကျင်စလုံးလည်း သေဆုံးသွားတယ်လို့ KNU ဘက်ကဆိုပါတယ်။

“စစ်ရေးက တအားတင်းမာပြီး လေယာဥ်တွေလည်းများတော့ ပြဿနာတက်တာပေါ့နော်။ လုံခြုံရေးအရ အမြန်ဆုံးရှင်းရတာပေါ့နော်” လို့ KNU တပ်မဟာ ၄ မြိတ်-ထားဝယ်ခရိုင်အတွင်းရေးမှူး ပဒိုအယ်နားကပြောပါတယ်။

ရုန်းရင်းဆန်ခတ်ဖြစ်တဲ့အချိန်မှာ မြေပြင်တိုက်ပွဲအခြေအနေကို ထိန်းချုပ်ဖို့ဆိုတာဟာ လွယ်ကူတဲ့အနေအထားမဟုတ်တဲ့အတွက် ဖမ်းဆီးမိပြီးမှာ သေဆုံးခဲ့တဲ့စစ်ကောင်စီတပ်သားတွေအတွက် ဝမ်းနည်းကြောင်းလည်း KNU ဘက်က ဆိုပါတယ်။

ထီးထစခန်းဟာ စစ်ကောင်စီတပ်သား ရာနဲ့ချီအထိုင်ချထားတဲ့ စခန်းဖြစ်တယ်လို့ ဒေသခံတွေနဲ့ တော်လှန်ရေးရဲဘော်တွေက ဆိုပါတယ်။ စခန်းသိမ်းတိုက်ပွဲအတွင်း စခန်းမှာရှိတဲ့ စစ်ကောင်စီတပ်သားအားလုံးသေဆုံးတယ်လို့ တော်လှန်ရေးရဲဘော်တွေကဆိုပေမဲ့ အရေအတွက် အတိအကျကိုတော့ မသိရပါဘူး။

“တိုက်ပွဲကြီးတစ်ပွဲမှာ လေယာဥ်တွေများတော့ ဘယ်နှယောက်ထွက်‌ပြေးတယ်၊ ဘယ်နှယောက်သေဆုံးတယ်၊ ဘယ်နှယောက်ဖမ်းမိလဲဆိုတာကိုတောင်မှ ကျနော်တို့ အချက်အလက်အတိအကျမသိဘူး။ ဘာဖြစ်လို့လဲဆို‌တော့ တိုက်ပွဲပြီးတဲ့အချိန်မှာလည်း စကစကဆက်ပြီးတော့ဗုံးကြဲနေတယ်” လို့ KNU တပ်မဟာ ၄ မြိတ်-ထားဝယ်ခရိုင်အတွင်းရေးမှူး ပဒိုအယ်နားကပြောပါတယ်။

တိုက်ပွဲပြင်းထန်နေတဲ့ ရှစ်ရက်အတွင်း စစ်ကောင်စီတပ်က K-8W ဂျက်ဖိုက်တာ ၂ စီး ၊ Y-12လေယာဥ် ၂ စီး ၊ M-17 ရဟတ်ယာဉ် ၃ စီးကိုအသုံးပြုပြီး ဗုံးကြဲခဲ့တာပါ။ တော်လှန်ရေးတပ်ဘက်ကတော့ တစ်ဦးကျဆုံးပြီး ထိခိုက်ဒဏ်ရာရသူတချို့ရှိခဲ့ပါတယ်။

စခန်းသိမ်းလုနီးပါးဖြစ်နေတဲ့ အခုလ ၁၉ ရက်နေ့မွန်းလွဲပိုင်းက စစ်ကောင်စီဘက်က Mi-17 ရဟတ်ယာဥ်သုံးစီးနဲ့ စစ်ကူတွေလာရောက်ပို့ဆောင်ဖို့ကြိုးစားခဲ့ပေမဲ့ တော်လှန်ရေးတပ်တွေပြန်လည်ပစ်ခတ်ခဲ့တာကြောင့် အဲဒီရဟတ်ယာဥ်တွေဟာ ထိုင်း-မြန်မာနယ်စပ်က ထီးခီးနယ်စပ်စခန်းကိုသာ စစ်ကောင်စီတပ်သား အင်အား ၆၀ ကျော်ပို့ဆောင်ခဲ့တယ်လို့လည်း တော်လှန်ရေးရဲဘော်တွေဆီက သိရပါတယ်။

စခန်းသိမ်းပြီး တစ်ရက်အကြာ မနေ့ကမနက်ပိုင်းမှာလည်း ထီးထဗျူဟာတစ်ဝိုက်ကို စစ်ကောင်စီတပ်က လေကြောင်းကနေ နှစ်ကြိမ်ဗုံးကြဲခဲ့တယ်လို့လည်း ဒေသခံတွေကဆိုပါတယ်။

စခန်းသိမ်းတိုက်ပွဲအတွင်း စစ်ကောင်စီရဲ့ ၁၂၀ မမ လက်နက်ကြီး နှစ်လက်နဲ့ ၆၀ မမ လက်နက်ကြီးလေးလက်နဲ့ ဗုံးသီးတွေ၊ RPGတွေ၊ MA-1၊ MA-2၊ MA-3၊ G-3 သေနတ်တွေနဲ့ ငါးကြင်းမှီး စက်လက်တွေအပါအဝင် ကျည်ဆံနဲ့ မိုင်းတွေ၊ ဆက်သွယ်ရေးသုံးပစ္စည်းတွေနဲ့ စစ်သုံးပစ္စည်းတွေ ရာနဲ့ချီသိမ်းမိခဲ့တယ်လို့ မြိတ်-ထားဝယ်ခရိုင်အတွင်းရေးမှူး ပဒိုအယ်နားရဲ့ ပြောပြချက်အရ သိရပါတယ်။

KNU မြိတ်-ထားဝယ်ခရိုင်ရုံးကတော့ ထီးထဗျူဟာစခန်းလို့ခေါ်တဲ့ ကမ်းရိုးတန်းတိုင်းစစ်ဗျူဟာ ၁ စခန်းသိမ်းတိုက်ပွဲမှာ စွမ်းစွမ်းတမံတိုက်ပွဲဝင်ခဲ့တဲ့ မဟာမိတ် တော်လှန်ရေးအင်အားစုအားလုံးကို ဂုဏ်ပြုကြောင်း စာထုတ်ပြန်ထားပါတယ်။

အဲဒီတိုက်ပွဲဟာ KNU တပ်မဟာ ၄ KNLA (တပ်ရင်း ၁၀)၊ KNLA (တပ်ရင်း ၁၂)၊ KNLA (တပ်ရင်း ၂၀၃)၊ KNDO (တပ်ရင်း ၇)၊ ပြည်သူ့ကာကွယ်ရေးတပ်မတော် ထားဝယ်ခရိုင် (တပ်ရင်း ၁) နဲ့ (တပ်ရင်း ၂)၊ TPLF တပ်ဖွဲ့၊ KNU နဲ့ ပြည်သူ့ကာကွယ်ရေး ဒရုန်းတပ်ဖွဲ့တွေ၊ တော်လှန်ရေးရဲတပ်ဖွဲ့တွေနဲ့ လူငယ်အဖွဲ့တွေ ပူးပေါင်းလုပ်ဆောင်ခဲ့တဲ့ စစ်ဆင်ရေးဖြစ်တယ်လို့ မြိတ်-ထားဝယ်ခရိုင်က ထုတ်ပြန်ချက်မှာ ဖော်ပြထားပါတယ်။

လက်ရှိမှာလည်း ထီးထဗျူဟာစခန်းမှာ စစ်‌ကောင်စီတပ်သားတွေ ပြန်လည်အခြေချနိုင်တာမရှိသေးဘဲ တော်လှန်ရေးတပ်တွေဘက်ကပဲ စိုးမိုးထားတယ်လို့ ပဒိုအယ်နားကဆိုပါတယ်။

ထီးထဗျူဟာစခန်းဟာ စစ်အာဏာသိမ်းပြီးနောက် တနင်္သာရီတိုင်းမှာ တော်လှန်ရေးတပ်တွေ သိမ်းပိုက်ခဲ့တဲ့စစ်ကောင်စီစခန်းတွေထဲက အခိုင်အမာဆုံးနဲ့ စစ်ကောင်စီတပ်သား အင်အားအတောင့်တင်းဆုံး စခန်းတစ်ခုလည်းဖြစ်ပါတယ်။

ဒါ့အပြင် အဲဒီစခန်းနေရာဟာ ၁၉၇၄ ခုနစ်ဝန်းကျင်လောက်စလို့ KNU တပ်မဟာ ၄ ရဲ့ ခရိုင်ဌာနချုပ်အခြေစိုက်ခဲ့တဲ့နေရာဖြစ်ခဲ့ပြီး ၁၉၉၇ ခုနစ်မှာ‌တော့ စစ်ကောင်စီကတိုက်ခိုက်သိမ်းယူပြီး ဗျူဟာစခန်းအဖြစ် အခိုင်အမာအခြေချထားတဲ့နေရာလည်းဖြစ်ပါတယ်။

ထီးထဗျူဟာစခန်းကို တော်လှန်ရေးတပ်တွေသိမ်းပိုက်နိုင်လိုက်တာကြောင့် ထားဝယ်မြို့အရှေ့ဘက်က ထိုင်း-မြန်မာနယ်စပ်တစ်လျှောက်ကို တော်လှန်ရေးတပ်တွေ နယ်မြေစိုးမိုးနိုင်ဖို့ ပိုမိုနီးစပ်လာပြီလို့လည်း တော်လှန်ရေးဘက်က သုံးသပ်နေကြပါတယ်။

The Tanintharyi Times

ပုံစာ - ထီးထစခန်းဗျူဟာမှူးနဲ့ စခန်းသိမ်းတိုက်ပွဲအတွင်းက တော်လှန်ရေးရဲဘော်တွေနဲ့ သိမ်းမိခဲ့လက်နက်ခဲယမ်းတွေ။

သရက်ချောင်းကို စစ်ကောင်စီတပ်စစ်ကြောင်းထိုးနေ နေအိမ်တွေကို မီးရှို့ပြီး သံဃာနဲ့ အရပ်သားတွေကို ဖမ်းထား ထားဝယ် ၊ အောက်တိုဘာ...
29/10/2024

သရက်ချောင်းကို စစ်ကောင်စီတပ်စစ်ကြောင်းထိုးနေ

နေအိမ်တွေကို မီးရှို့ပြီး သံဃာနဲ့ အရပ်သားတွေကို ဖမ်းထား

ထားဝယ် ၊ အောက်တိုဘာလ -၂၉ရက်

သရက်ချောင်းမြို့နယ်က ဥတ္တူကျေးရွာကို စစ်ကောင်စီတပ်က စစ်ကြောင်းထိုးနေပြီး နေအိမ်နှစ်ဆောင်ထက်မနည်းကို မီးရှို့ခဲ့တဲ့အပြင် သံဃာတစ်ပါးနဲ့ အရပ်သားတွေကို ဖမ်းဆီးထားတယ်လို့ ဒေသခံတွေကဆိုပါတယ်။

အခုလ ၂၅ ရက်နေ့ကတည်းက သရက်ချောင်းမြို့နယ်ထဲကို ရောက်နေတဲ့ စစ်ကောင်စီတပ်သားတွေဟာ မနေ့ကမနက်ပိုင်းမှာ ဥတ္တူရွာထဲကို အင်အား ၇၀ ဝန်းကျင်နဲ့ စစ်ကြောင်းထိုးခဲ့တာပါ။

အဲဒီနောက်မနေ့က တစ်နေကုန်ရွာထဲမှာရှိတဲ့အိမ်တွေကို မွှေနှောက်ခဲ့ပြီး ‌နေအိမ်နှစ်ဆောင်ထက်မနည်းကို မီးရှို့ခဲ့တယ်လို့ ဒေသခံတွေက ဆိုပါတယ်။

"အိမ်ကနှစ်ဆောင်ရှို့ထားတယ်။ ထပ်ရှို့ထားတယ်လို့လည်းကြားတယ်။ အရင်နေ့က ရွာထဲပိုင်းကိုလက်နက်ကြီးတွေ အရင်ကျတယ်။ ပြီးမှစစ်ကြောင်းဝင်တာ" လို့ အနီးအနားရွာမှာနေထိုင်တဲ့ အမျိုးသားတစ်ဦးက ပြောပါတယ်။

စစ်ကောင်စီတပ်သားတွေကြောင့် ဥတ္တူရွာခံအများစု နီးစပ်ရာကို အရေးပေါ်ထွက်ပြေးနေရတယ်လို့ သူကဆက်ပြောပါတယ်။

အဲဒီစစ်ကောင်စီတပ်သားတွေဟာ ရွာခံတချို့နဲ့ ဘုန်းကြီးတစ်ပါးကိုလည်း မနေ့ကမနက်ပိုင်းကတည်းက ဖမ်းဆီးထားတယ်လို့ ဒေသခံတွေက ဆိုပါတယ်။

"ဘုန်းကြီးကို လက်ပြန်ကြိုးပါချည်ထားတယ်တဲ့။ အဆက်သွယ်ပြတ်နေတော့ ဘယ်ဘုန်းကြီးလဲမသိသေးဘူး။ ရွာသားတွေလည်း ဖမ်းထားသေးတယ်" လို့ တိမ်းရှောင်နေတဲ့ ဥတ္တူရွာခံ အမျိုးသမီးတစ်ဦးက ပြောပါတယ်။

ဖမ်းဆီးခံထားရတဲ့ ဒေသခံအရေအတွက်ကိုလည်း တိတိကျကျမသိရသေးပါဘူး။

ရွာထဲက နေအိမ်အများအပြားကိုလည်းမွှေနှောက်ပြီး အိမ်ထဲကပစ္စည်းတွေကို စစ်ကောင်စီတပ်က ကားတွေနဲ့ တင်ဆောင်နေတယ်လို့ ဒေသခံတွေရဲ့ ပြောပြချက်အရ သိရပါတယ်။

"အကုန်ပြေးနေတော့ အဆက်အသွယ်ပြတ်နေတယ်။ တော်တော်စိတ်ပူနေရတယ်။ အိမ်နဲ့လည်းအဆက်အသွယ်မရဘူး" လို့ တခြားနေရာကိုရောက်နေတဲ့ ဥတ္တူရွာခံ တစ်ဦးက ပြောပါတယ်။

အဲဒီစစ်ကောင်စီတပ်သားတွေဟာ သရက်ချောင်းမြို့နယ်ကို ရောက်တဲ့အချိန်ကတည်းက စစ်ကြောင်းနဲ့တွေ့တဲ့ ဒေသခံနဲ့ လမ်းသွားလမ်းလာအားလုံးနီးပါးကို လက်ကိုင်ဖုန်းတွေ အဓိကထားစစ်ဆေးနေတယ်လို့လည်း ဒေသခံတွေက ဆိုပါတယ်။

လက်ရှိအချိန်ထိ တော်လှန်‌ရေးတပ်ဖွဲ့တွေနဲ့ တိုက်ပွဲဖြစ်ပွားတာမျိုးမရှိသေးပေမဲ့ စစ်ကြောင်းရောက်လာကတည်းက စစ်ကောင်စီတပ်သားတွေ တစ်ဖက်တည်း လက်နက်ကြီး၊ လက်နက်ငယ်တွေ ပစ်ခတ်နေတယ်လို့ ဒေသခံတွေရဲ့ပြောပြချက်အရ သိရပါတယ်။

အဲဒီလို စစ်ကောင်စီရဲ့ လက်နက်ကြီးပစ်ခတ်မှုကြောင့် အခုလ ၂၅ ရက်နေ့မှာ သရက်နှစ်ခွရွာလယ်ပိုင်းက ဘုန်းကြီးကျောင်းဆောင်တစ်ခုလည်း ၆၀ မမ ဗုံးသီးကျရောက်ပြီး ထိခိုက်ပျက်စီးခဲ့ပါသေးတယ်။

ဒီနေ့ နေ့လယ်ပိုင်းအထိလည်း စစ်ကောင်စီတပ်သားတွေ ဥတ္တူကျေးရွာနဲ့ သရက်နှစ်ခွကျေးရွာတစ်ဝိုက်မှာ ဆက်ရှိနေတယ်လို့ ဒေသခံတွက ဆိုပါတယ်။

သရက်ချောင်းမြို့နယ်တဆက်တည်းဖြစ်တဲ့ ပုလောမြို့နယ်မှာလည်း အခုလအလယ်ပိုင်းကစလို့ ဒီနေ့အထိ စစ်ကောင်စီတပ်နဲ့ တော်လှန်ရေးတပ်ဖွဲ့တွေ တိုက်ပွဲဆက်တိုက်ဖြစ်ပွားနေပါတယ်။

The Tanintharyi Times

ပုံစာ - ၂၀၂၃ ခုနှစ်က ဥတ္တူရွာမှာ နေအိမ်မီးရှိုခံရတဲ့ ပုံဟောင်း။

သရက်ချောင်းမြို့နယ်က လွှတ်တော်ကိုယ်စားလှယ်ဟောင်း မြို့နယ် ပြည်သူ့အုပ်ချုပ်ရေးအဖွဲ့ တာဝန်ခံ၏သား မူးယစ်ဆေးဝါးများနဲ့ ဖမ်းဆ...
13/08/2024

သရက်ချောင်းမြို့နယ်က လွှတ်တော်ကိုယ်စားလှယ်ဟောင်း မြို့နယ် ပြည်သူ့အုပ်ချုပ်ရေးအဖွဲ့ တာဝန်ခံ၏သား မူးယစ်ဆေးဝါးများနဲ့ ဖမ်းဆီးခံရ

ထားဝယ် ၊ ဩဂုတ်လ - ၁၃ရက်

တနင်္သာရီတိုင်း၊ ထားဝယ်ခရိုင်၊သရက်ချောင်းမြို့နယ် NLD အမျိုးသားလွှတ်တော်ကိုယ်စားလှယ်ဟောင်း ယခုလက်ရှိ တော်လှန်ရေးကာလအတွင်း အမျိုးသားညီညွတ်ရေးအစိုးရမှ ဖွဲ့စည်းထားသော သရက်ချောင်းမြို့နယ်ပြည်သူ့အုပ်ချုပ်ရေးအဖွဲ့ (ပအဖ)တာဝန်ခံ ဦးဌေးလွင်၏ သားကို မူးယစ်ဆေးဝါးများဖြင့် PDF တပ်ဖွဲ့တစ်ခုက ဖမ်းဆီးသွားကြောင်း ဒေသခံများထံမှ သိရပါတယ်။

ဩဂုတ်လ ၁၀ရက်နေ့ ည၉နာရီဝန်းကျင်အချိန်ခန့်တွင် သရက်ချောင်းမြို့နယ်အတွင်းက ကျေးရွာတစ်ရွာရှိ အသုဘအိမ်ဖဲဝိုင်းကို ဒေသခံမဟုတ်တဲ့ လူစိမ်းတစ်ဦးရောက်ရှိလာကြောင်း ဒေသခံများက နယ်မြေအတွင်းရှိ PDFတပ်ဖွဲ့ကို သွားရောက်တိုင်ကြားခဲ့ဖြင့် PDFတပ်ဖွဲ့ဝင်များက လာရောက်၍ စစ်ဆေးမေးမြန်းရန် ဖမ်းဆီးခေါ်ဆောင်သွားခဲ့ကြောင်း သိရပါတယ်။

ဖမ်းဆီးခေါ်ဆောင်ခံရသော အမျိုးသားမှာ အရက်မူးလွန်၍ စကားများကို ဗရမ်းဗဒါပြောဆိုနေသဖြင့် PDF တပ်ဖွဲ့ဝင်များက သူ၏ခန္တာကိုယ်ပေါ်တွင် စစ်ဆေးရာ မူးယစ်ဆေးဝါးများတွေ့ရှိရပြီး အဆိုပါအမျိုးသားမှာ သရက်ချောင်းမြို့နယ် အမျိုးသားလွှတ်တော်ကိုယ်စားလှယ်ဟောင်း ဦးဌေးလွင်၏ သားဖြစ်ကြောင်း သိရပါတယ်။

အဆိုပါ ဖမ်းဆီးခံရသူအမျိုးသားအား ဖမ်းဆီးထားသော PDFတပ်ဖွဲ့မှ သူ၏ ဖခင်နှင့် ပက်သက်သော PDFတပ်ဖွဲ့တစ်ခုဆီသို့ လွဲပြောင်းပေးသွားမည်ဖြစ်ကြောင်း ၎င်းတပ်ဖွဲ့နှင့် ရင်းနှီးသူများထံမှ သိရပါတယ်။

မောင်မယ်ရှောင်ကျေးရွာကို စစ်ကောင်စီတပ်မီးရှို့နေထားဝယ် ၊ သြဂုတ်လ - ၅ရက်ထားဝယ်မြို့နယ်၊ မောင်မယ်ရှောင်ကျေးရွာက နေအိမ်တွေက...
05/08/2024

မောင်မယ်ရှောင်ကျေးရွာကို စစ်ကောင်စီတပ်မီးရှို့နေ

ထားဝယ် ၊ သြဂုတ်လ - ၅ရက်

ထားဝယ်မြို့နယ်၊ မောင်မယ်ရှောင်ကျေးရွာက နေအိမ်တွေကို ဒီကနေ့ မွန်းလွဲပိုင်းမှာ စစ်ကောင်စီတပ်ကမီးရှို့နေတယ်လို့ ဒေသခံတွေကပြောပါတယ်။

ဒီနေ့မနက်ပိုင်းက မောင်မယ်ရှောင်ရွာထဲကို ထပ်မံဝင်ရောက်လာတဲ့ စစ်ကောင်စီတပ်သားတွေဟာ မွန်းလွဲ ၃ နာရီ‌လောက်မှာ ရွာအရှေ့ပိုင်းက နေအိမ်တွေကိုမီးရှို့နေတာပါ။

“အခုထိလောင်လို့ကောင်းနေတုန်းပဲ။ မီးခိုးလုံးကြီးတွေမြင်နေရတယ်။ တစ်နာရီကျော် နှစ်နာရီနီးပါးလောက်ကြာနေပြီဗျာ။ တော်တော်ဒေါသထွက်တယ်” လို့ မျက်မြင်တွေ့နေရတဲ့ ဒေသခံအမျိုးသားတစ်ဦးက ညနေငါးနာရီလောက်မှာပြောပါတယ်။ ပြောပါတယ်။

မီးရှို့ခံနေရတဲ့နေအိမ်ဆယ်ဆောင်ဝန်းကျင်လောက်အထိရှိနိုင်တယ်လို့ မျက်မြင်တွေ့ရှိရတဲ့ ဒေသခံတွေက ခန့်မှန်းပြောဆိုပါတယ်။

အဲဒီစစ်ကောင်စီတပ်သားတွေဟာ ဒီနေ့မနက် ၁၁ နာရီလောက်ကတည်းက မြေတင်ကားလေးစီးစာနဲ့ ခြေလျင်အင်အား ၃၀ စုပေါင်းပြီး မောင်မယ်ရှောင်ရွာထဲကိုဝင်ရောက်လာတာပါ။

လက်ရှိမောင်မယ်ရှောင်ရွာထဲမှာ အင်အားအနည်းဆုံး ၁၀၀ ကျော်လောက်ရှိနိုင်ပြီး ရွာထဲကိုစတင်ဝင်ရောက်လာကတည်းက အိမ်တွေကို မီးရှို့မယ်လို့ကျုံးဝါးပြီးဝင်ရောက်လာတာလို့ ဒေသခံတွေကဆိုပါတယ်။

နောက်ထပ်စစ်ဘေးရှောင်နေတဲ့ဒေသခံတစ်ဦးက “မီးကတော်တော်များတယ်။ ကျမတို့ကတော့ တခြားမှာရှောင်နေတာပေါ့။ မီးလောင်တဲ့နေရာနဲ့တော့လှမ်းတယ်။ မီးပေါက်ထွက်တဲ့သံတွေကိုတော့ သေချာကို ကြားနေရတယ်” လို့ဆိုပါတယ်။

မနေ့ကညနေပိုင်းမှာလည်း မောင်မယ်ရှောင်ရွာထဲကိုရောက်နေတဲ့ စစ်ကာင်စီတပ်သားတွေက ဒေသခံတွေရဲ့ ဆိုင်ကယ်သုံးစီးကို မီးရှို့ဖျက်ဆီးခဲ့တယ်လို့ ဒေသခံတွေက ပြောပြပါတယ်။

မနေ့ကမွန်းလွဲပိုင်းမှာတော့ စစ်ကောင်စီတပ်သားတွေနဲ့ ပြည်သူ့ကာကွယ်ရေးတပ်တွေ မောင်မယ်ရှောင်ရွာထဲမှာ တစ်နာရီဝန်းကျင်လောက် တိုက်ပွဲအပြင်းအထန်ဖြစ်ပွားခဲ့ပါတယ်။

ဘယ်အဖွဲ့တွေနဲ့တိုက်ပွဲဖြစ်ပွားခဲ့တယ်ဆိုတာကို မသိရသေးပေမဲ့ စစ်ကောင်စီတပ်သားတွေဘက်က ထိခိုက်သေဆုံးမှုများပြားခဲ့တယ်လို့ ဒေသခံတွေကဆိုပါတယ်။

ဒီနေ့မှာတော့ မောင်မယ်ရှောင် ရွာထဲမှာ တိုက်ပွဲဖြစ်ပွားတာမျိုးမရှိဘဲ စစ်ကောစီတပ်သားတွေကသာ ရွာထဲမှာနေရာယူပြီး မီးရှို့နေတာလို့ ဒေသခံတွေက ပြောပါတယ်။

စစ်‌ကောင်စီတပ်သားတွေဟာ ပြီးခဲ့တဲ့ဇွတ်လ ၂၆ ရက်နေ့ကလည်း မောင်မယ်ရှောင်ကျေးရွာကနေအိမ် ၄ ဆောင်ကို မီးရှို့ဖျက်ဆီးခဲ့ပါသေးတယ်။

မောင်မယ်ရှောင်ရွာကို မကြာခဏဝင်ရောက်တပ်စွဲနေတဲ့ စစ်ကောင်စီတပ်သားတွေဟာ ဒေသခံတွေကိုဖမ်းဆီးတာ၊ သေနတ်နဲ့ပစ်ခတ်တာတွေအပြင် တစ်ရွာလုံးနီးပါးကနေအိမ်တွေကိုလည်း ပြီးခဲ့တဲ့နှစ်လအတွင်း ဖောက်ထွင်းခိုးယူခဲ့ပါတယ်။ ဖောက်ထွင်းထားတဲ့ပစ္စည်းတွေကို ကားတွေနဲ့အကြိမ်ကြိမ်သယ်ယူတာတွေကိုလည်း အကြိမ်ကြိမ်လုပ်ဆောင်ခဲ့တယ်လို့ ဒေသခံတွကပြောပါတယ်။

မောင်မယ်ရှောင်ရွာက ဒေသခံတွေကတော့ ပြီးခဲ့တဲ့ဇွန်လကစလို့ ရွာလုံးကျွတ် နေအိမ်တွေကိုစွန့်ခွာပြီး နီးစပ်ရာမှာ တိမ်းရှောင်နေထိုင်နေကြပါတယ်။

The Tanintharyi Times

ပုံစာ - ဒီနေ့ညနေပိုင်းက မောင်မယ်ရှောင်ရွာထဲမှာ မီးလောင်နေတဲ့ မြင်ကွင်း။

ဓာတ်ပုံ - CJ

သရက်ချောင်းမြို့နယ်မှ သံဃာတော်များ စစ်ကောင်စီကို ပတ္တနိက္ကုဇ္ဇန ကံဆောင်သပိတ် စတင်လိုက်ပြီး ပြည်သူများနှင့် အတူ ချီတက် ဆန...
04/07/2024

သရက်ချောင်းမြို့နယ်မှ သံဃာတော်များ စစ်ကောင်စီကို ပတ္တနိက္ကုဇ္ဇန ကံဆောင်သပိတ် စတင်လိုက်ပြီး ပြည်သူများနှင့် အတူ ချီတက် ဆန္ဒပြ၊ သပိတ်မှောက်သည့် မြို့နယ် ၂၀ ခုထိ ရှိလာ

ထားဝယ် ၊ ဇူလိုင်လ - ၄ရက်

တနင်္သာရီတိုင်း၊ သရက်ချောင်းမြို့နယ်မှ သံဃာတော်များ အကြမ်းဖက် စစ်ကောင်စီကို ပတ္တနိက္ကုဇ္ဇန ကံဆောင်သပိတ် စတင်လိုက်ပြီး ပြည်သူများနှင့် အတူ ချီတက် ဆန္ဒပြခဲ့ကြောင်း သိရသည်။

ယနေ့ ဇူလိုင်လ ၄ ရက်နေ့ မွန်းလွဲပိုင်းတွင် အကြမ်းဖက် စစ်အာဏာရှင်ကို မလိုလားသော သရက်ချောင်းမြို့နယ်မှ သံဃာတော်များ ဦးဆောင်ပြီး သရက်ချောင်းမြို့နယ်အတွင်းရှိ အမှတ် (၈) ပြည်ထောင်စုလမ်းမကြီးပေါ် ချီတက် ဆန္ဒပြခဲ့ကြောင်း သိရှိရသည်။

သပိတ် ဦးဆောင် သံဃာတော်များနှင့် အတူ ထားဝယ်ခရိုင် ဒီမိုကရေစီအရေး လှုပ်ရှားမှုသပိတ်ကော်မတီ (DDMSC)၊ ကရင်တိုင်းရင်းသားများ အပါအဝင် ဒေသပြည်သူများကလည်း လိုက်ပါ ဝန်းရံ ပူးပေါင်းပေးခဲ့ကြောင်း သိရသည်။

အကြမ်းဖက် စစ်ကောင်စီကို ပတ္တနိက္ကုဇ္ဇနကံဆောင် သပိတ်ဆောင်မှု ပြုလုပ်ကြရာတွင် ဇွန်လ ၂၃ ရက်နေ့တွင် ချောင်းဦးမြို့နယ်မှ သံဃာတော်များ စတင်ပြုလုပ်ခြင်းဖြစ်ပြီး ပခုက္ကူမြို့နယ်၊ ဒီပဲယင်းမြို့နယ်၊ တန့်ဆည်မြို့နယ်၊ ဆားလင်းကြီးမြို့နယ်၊ စစ်ကိုင်းမြို့နယ်၊ မုံရွာမြို့နယ် ၊ မြိုင်မြို့နယ် ၊ ဝက်လက်မြို့နယ်၊ အရာတော်မြို့၊ ဘုတလင်မြို့နယ်၊ မြင်းမူမြို့နယ်၊ ထားဝယ်မြို့နယ်၊ ပေါက်မြို့နယ်၊ မြင်းခြံမြို့နယ်၊ တောင်သာမြို့နယ်၊ နွားထိုးကြီးမြို့နယ်၊ ကနီမြို့နယ် ၊ ရေဦးမြို့နယ် နှင့် သရက်ချောင်းမြို့နယ် အပါအဝင် စုစုပေါင်း မြို့နယ် ၂၀ ခုမှ သံဃာတော်များ ပူးပေါင်း ပါဝင်လာခြင်းဖြစ်ကြောင်း သိရသည်။

အကြမ်းဖက် စစ်ကောင်စီကို ပတ္တနိက္ကုဇ္ဇန ကံဆောင်သပိတ် ပြုလုပ်ရာတွင် စစ်ကောင်စီကို သံဃာထုက အဆက် အဆံ မပြုရန် တစ်ညီတစ်ညွတ်တည်း ဆုံးဖြတ်ချက် ချခြင်းဖြစ်ပြီး ဇွန်လ ၁၉ ရက်နေ့၌ နိုင်ငံတော်သံဃမဟာနာယက အဖွဲ့ဝင် ဝင်းနိမ္မိတာရုံဆရာတော်ကို စစ်ကောင်စီက ပစ်ခတ်သတ်ဖြတ်လိုက်ပြီးနောက် သံဃာတော်များက စစ်ကောင်စီကို ပတ္တနိက္ကုဇ္ဇန ကံဆောင်သပိတ်မှောက်လာကြခြင်းဖြစ်ကြောင်း သိရှိရသည်။

ထားဝယ်ခရိုင် သံဃာတော်များက ထားဝယ်မြို့တစ်နေရာ (၃၀.၆.၂၀၂၄) နေ့လယ် ၂နာရီတွင်"တိုင်းပြည်နှင့်သာသနာကို ဖျက်ဆီးနေသော အကြမ်းဖက...
30/06/2024

ထားဝယ်ခရိုင် သံဃာတော်များက ထားဝယ်မြို့တစ်နေရာ (၃၀.၆.၂၀၂၄) နေ့လယ် ၂နာရီတွင်"တိုင်းပြည်နှင့်သာသနာကို ဖျက်ဆီးနေသော အကြမ်းဖက်စစ်တပ်အလိုမရှိ" ဆိုင်းဘုတ်ကိုင်ကာ"သံဃာကိုသတ် မင်းအောင်လှိုင်တပ် အလိုမရှိ၊ လူမိုက်ကိုကူ သီတဂူ အလိုမရှိ"ကြွေးကြော်သံများဖြင့် ဆန္ဒ ပြခဲ့ကြပါသည်။

ထို့နောက် ညနေ ၃ နာရီတွင် ထားဝယ်မြို့နယ် သိမ်တစ်ခုတွင် မင်းအောင်လှိုင်အား သပိတ်မှောက် ကံဆောင်ကြပါသည်။

ရေဖြူမြို့နယ်က ရွာနှစ်ရွာမှာ နေအိမ် ၂၀ ကျော်ကို စစ်ကောင်စီတပ် မီးရှို့ဖျက်ဆီးခဲ့ထားဝယ် ၊ ဇွန်လ - ၂၇ရက်စစ်ကောင်စီတပ်နှစ်ပ...
27/06/2024

ရေဖြူမြို့နယ်က ရွာနှစ်ရွာမှာ နေအိမ် ၂၀ ကျော်ကို စစ်ကောင်စီတပ် မီးရှို့ဖျက်ဆီးခဲ့

ထားဝယ် ၊ ဇွန်လ - ၂၇ရက်

စစ်ကောင်စီတပ်နှစ်ပတ်ကြာအထိုင်ချတပ်စွဲခဲ့တဲ့ ရေဖြူမြို့နယ်၊ မျောက်ချောရွာနဲ့ နဂါးအိုင်ရွာမှာ အိမ်နဲ့ယာဉ်အများအပြားကို မီးရှို့ဖျက်ဆီးခဲ့တယ်လို့ တော်လှန်ရေးရဲဘော်တွေက ပြောပါတယ်။

အခုလ ၁၁ ရက်က ရာဖူးရွာမှာ တပ်စွဲထားတဲ့ စစ်ကောင်စီတပ်သားတွေကို တော်လှန်ရေးတပ်ဖွဲ့တွေက ဒရုန်းနဲ့တိုက်ခိုက်ခဲ့ပြီးနောက် နှစ်ရက်ကြာမှာ စစ်ကောင်စီတပ်သားတွေ မျောက်ချောရွာကို စစ်ကြောင်းထိုးခဲ့တယ်လို့ သိရပါတယ်။

စစ်ကြောင်းထိုးပြီးနောက်ပိုင်း မျောက်ချောရွာအနီးတစ်ဝိုက်မှာ တပ်စွဲခဲ့ပြီး မျောက်ချောရွာနဲ့ နဂါးအိုင်ရွာက နေအိမ်တွေနဲ့ ယာဥ်တွေကို မီးရှို့ခဲ့တယ်လို့ တော်လှန်ရေးရဲဘော်တွေဆီက သိရပါတယ်။

မျောက်ချောရွာအနီးမှာ တပ်စွဲထားတဲ့စစ်ကောင်စီတပ်သားတွေဟာ အခုလ ၁၉ ရက်နေ့က တော်လှန်ရေးပူးပေါင်းတပ်တွေနဲ့ တိုက်ပွဲဖြစ်ပွားခဲ့ပါတယ်။

အခုလ ၂၅ ရက်နေ့မှာတော့ စစ်ကောင်စီတပ်သားတွေ တပ်ပြန်ဆုတ်သွားတဲ့အတွက် တော်လှန်ရေးပူးပေါင်းတပ်တွေက သွားရောက်နယ်မြေရှင်းလင်းချိန်မှာ မျောက်ချောရွာက အိမ် ၂၅ လုံးနဲ့ ကား ၆ စီး၊ နဂါးအိုင်ရွာက အိမ် ၄ လုံး မီးလောင်ပြာကျနေတာကိုတွေ့ခဲ့ရတာပါ။

“မီးရှို့ခံရတာက အိမ်အကြီးတွေနဲ့ ဆိုင်ရောင်းနေတဲ့အိမ်တွေချည်းပဲ။ အိမ်ကြီးတွေကိုပဲရွေးရှို့သွားတယ်ထင်ရတယ်။ အိမ်တွေကလည်း စာသင်ကျောင်းနားတောက်လျှောက်က အိမ်တွေကို ရှို့သွားတာ။” လို့ တော်လှန်ရေးရဲဘော်တစ်ဦးက ပြောပါတယ်။

မျောက်ချောရွာမှာ လက်နက်ကြီးကျည်ကျရောက်ပေါက်ကွဲလို့ အိမ်အသုံးအဆောင်ပစ္စည်းတွေမီးလောင်နေတဲ့ တိုက်အိမ်တစ်ဆောင်ကိုလည်း တွေ့ခဲ့ရတယ်လို့ ဆိုပါတယ်။

နဂါးအိုင်ရွာက ဘုန်းကြီးကျောင်းနံဘေးကိုလည်း လက်နက်ကြီးကျည်သုံးလုံးကျရောက်ပေါက်ကွဲခဲ့ပြီး ဘုန်းကြီးကျောင်းဓမ္မရုံနံရံနဲ့ ရေစည်မှာ ကျည်စထိမှန်ပျက်စီးခဲ့တယ်လို့ သိရပါတယ်။

စစ်ကောင်စီတပ်သားတွေဟာ အိမ်တွေမှာရှိတဲ့ စားသောက်ကုန်တွေနဲ့ အိမ်အသုံးအဆောင်ပစ္စည်းတွေကိုလည်း စစ်ကောင်စီတပ်တွေ ယူသွားတယ်လို့ နယ်မြေရှင်းလင်းရေးလုပ်ဆောင်ခဲ့တဲ့တော်လှန်ရေးရဲဘော်တွေနဲ့ စစ်ရှောင်ကူညီနေသူတွေက ပြောပါတယ်။

“ရွာမှာဘာမှမကျန်ခဲ့ဘူး။ ရွာသားတွေအိမ်ပြန်ရင် စားဖို့ဆန်ကိုမကျန်တော့ဘူး။ မျှပြီးစားနေရတယ်။ ဆိုင်တွေမှာလည်း ဘာမှမရှိတော့ဘူး။ ဘာမှမကျန်ခဲ့ဘူး။” လို့ စစ်ဘေးရှောင်ကူညီနေသူအမျိုးသားတစ်ဦးက ပြောပါတယ်။

မျောက်ချောနဲ့ နဂါးအိုင်ရွာတွေမှာရှိတဲ့ အိမ်အားလုံးနီးပါးကို စစ်ကောင်စီတပ်က မွှေနှောက်သွားခဲ့တယ်လို့ သူက ဆိုပါတယ်။

စစ်ကောင်စီတပ်တွေပြန်ဆုတ်သွားပြီဖြစ်ပေမယ့် ဒေသခံတချို့လောက်ပဲ အိမ်ပြန်ကြပြီး အများစုကတော့ နေအိမ်မပြန်ရဲကြသေးဘူးလို့ စစ်ရှောင်ကူညီနေသူတွေက ဆိုပါတယ်။

ပြီးခဲ့တဲ့မေလကလည်း စစ်ကောင်စီတပ်က ပစ်တဲ့ လက်နက်ကြီးထိမှန်လို့ ရေဖြူမြို့နယ်၊​ကျေးရွာလေးရွာက နေအိမ် ၆ ဆောင်၊ သုံးဘီးဆိုင်ကယ်နဲ့ ဥယျာဥ်ခြံတွေ မီးလောင်ပျက်စီးခဲ့ပါတယ်။

The Tanintharyi Times

ဓာတ်ပုံ - CJ

တနင်္သာရီတိုင်းမှာ သုံးနှစ်အတွင်း NUG ကွပ်ကဲမှုအောက်က ပြည်သူ့ကာကွယ်ရေး ရဲဘော် ၁၂၀ နီးပါးကျဆုံးထားဝယ် ၊ မေလ - ၂၈ရက်တနင်္သ...
29/05/2024

တနင်္သာရီတိုင်းမှာ သုံးနှစ်အတွင်း NUG ကွပ်ကဲမှုအောက်က ပြည်သူ့ကာကွယ်ရေး ရဲဘော် ၁၂၀ နီးပါးကျဆုံး

ထားဝယ် ၊ မေလ - ၂၈ရက်

တနင်္သာရီတိုင်းထဲမှာ သုံးနှစ်အတွင်းအမျိုးသားညီညွတ်ရေးအစိုးရ NUG၊ ကာကွယ်ရေးဝန်ကြီးဌာနကွပ်ကဲမှုအောက်မှာရှိတဲ့ တပ်ရင်းတွေနဲ့ ပကဖအဖွဲ့တွေက ‌ရဲဘော် စုစုပေါင်း ၁၁၈ ဦးကျဆုံးခဲ့တယ်လို့ တနင်္သာရီတိုင်း စစ်ဌာနနဲ့ တနင်္သာရီတိုင်း ပြည်သူ့ကာကွယ်‌ရေးအဖွဲ့တို့က ထုတ်ပြန်ပါတယ်။

တိုင်းထဲက NUG ရဲ့ ကာကွယ်ရေးဝန်ကြီးဌာနလက်အောက်ခံ ပြည်သူ့ကာကွယ်ရေးတပ်မတော် PDF ရဲ့ တပ်ရင်း ၅ ရင်းမှာတော့ သုံးနှစ်အတွင်း ပြည်သူ့ကာကွယ်ရေးရဲဘော် ၅၅ ဦးကျဆုံးခဲ့တယ်လို့ တနင်္သာရီ တိုင်းစစ်ဌာန ကဆိုပါတယ်။

အဲဒီအရေအတွက်ဟာ NUG ရဲ့တပ်ရင်းတွေစတင်ဖွဲ့စည်းတဲ့ ၂၀၂၁ မေလ ၅ ရက်နေ့ကနေ အခု ၂၀၂၄ မေလ ၅ ရက်နေ့အထိ ကျဆုံးမှုအရေအတွက် ဖြစ်ပါတယ်။

တနင်္သာရီတိုင်းထဲက ခရိုင်သုံးခုမှာ ဇုန်အလိုက် ထားဝယ်ခရိုင်တပ်ရင်း ၁၊ ထားဝယ်ခရိုင်တပ်ရင်း ၂၊ မြိတ်ခရိုင်တပ်ရင်း ၁၊ မြိတ်ခရိုင်တပ်ရင်း ၂ နဲ့ ကော့သောင်းခရိုင် တပ်ရင်း ၁ တို့ရှိပါတယ်။

ပြီးခဲ့တဲ့သုံးနှစ်အတွင်း ကျဆုံးမှုအများဆုံးကတော့ မြိတ်ခရိုင် တပ်ရင်း ၁ နဲ့ မြိတ်ခရိုင် တပ်ရင်း ၂ မှာဖြစ်ပြီး ကျဆုံးရဲဘော် ၃၅ ဦးအထိရှိခဲ့တယ်လို့ ထုတ်ပြန်ချက်မှာဖော်ပြထားပါတယ်။

မြိတ်ခရိုင်တပ်ရင်း ၁ ရဲ့ပြန်ကြားရေးတာဝန်ခံ ရဲဘော်အာနိုးကတော့ ၂၀၂၃ ခုနစ်ထဲမှာလုပ်ဆောင်ခဲ့တဲ့ ပြည်သူ့ကာကွယ်ရေးတပ်တွေရဲ့ထိုးစစ်ဆင်တဲ့ ကာလအတွင်းမှာ အဓိကရဲဘော်တွေထိခိုက်ကျဆုံးမှုများခဲ့တာလို့ ဆိုပါတယ်။

“အရင်ကလို ပြောက်ကျားတိုက်ခိုက်တာမဟုတ်ဘဲ ထိုးစစ်ကာလရန်သူနဲ့ထိပ်တိုက်စတွေ့တဲ့အချိန်တွေမှာ ကျည်ဆံနဲ့ လက်နက်ခဲယမ်းမလုံလောက်တာ‌တွေကြောင့်ပါ။ အဲဒီလို ရဲ‌ဘော်တွေပေးဆပ်ခဲ့တာကြောင့်ပဲ လက်ရှိ ပုလောမြို့နယ်နဲ့ဆက်စပ်တဲ့ ပြည်ထောင်စုလမ်းပိုင်းကို ကျနော်တို့စိုးမိုးထားနိုင်တာပါ” လို့ ပြန်ကြားရေးတာဝန်ခံ ရဲဘော်အာနိုးက ပြောပါတယ်။

အဲဒီစာရင်းထုတ်ပြန်ပြီးနောက် အခုလ ၂၀ ရက်နေ့မှာလည်း ထားဝယ်ခရိုင်တပ်ရင်း ၂ က ပြည်သူ့ကာကွယ်ရေးတပ်ဖွဲ့ဝင် ရဲ‌ဘော်ဟိန်းထက်၊ ရဲဘော်ရဲရင့်နဲ့ ရဲဘော် ‌ရောင်နီတို့ကျည်ထိမှန်ပြီး ကျဆုံးခဲ့ပါတယ်။

NUG လက်အောက်ခံ တပ်ရင်းတွေအပြင် တိုင်းတွင်းမှာ မြို့နယ်အလိုက်ဖွဲ့စည်းထားတဲ့ ပြည်သူ့ကာကွယ်ရေးအဖွဲ့ ပကဖ ရဲဘော် ၆၀ ဦးလည်း သုံးနှစ်နီးပါးကာလအတွင်းကျဆုံးခဲ့တယ်လို့ တနင်္သာရီတိုင်း ပကဖက ထုတ်ပြန်ထားပါတယ်။

အဲဒီအရေအတွက်ဟာ ၂၀၂၁ ဇွန်လ ၂၅ ရက်နေ့ ပကဖအဖွဲ့တွေ စတင်တည်ထောင်ခဲ့ချိန်ကစလို့ လက်ရှိအချိန်ထိ ကျဆုံးမှုအရေအတွက်ဖြစ်တယ်လို့ တိုင်းပကဖရဲ့ထုတ်ပြန်ချက်မှာဖော်ပြထားပါတယ်။

တနင်္သာရီတိုင်းအတွင်း ပကဖရဲ‌ဘော်တွေကျဆုံးမှုဟာ ကျွန်စုမြို့နယ်ကလွဲလို့ ကျန်တဲ့မြို့နယ်ကိုးခုဖြစ်တဲ့ ထားဝယ်၊ သရက်ချောင်း၊ လောင်းလုံး၊ ရေဖြူ၊ ပုလော၊ မြိတ်၊ တနင်္သာရီ၊ ကော့သောင်း၊ ဘုတ်ပြင်းမြို့နယ်တွေမှာ ရှိခဲ့တာဖြစ်ပါတယ်။

ရဲဘော်ကျဆုံးမှုအများဆုံးကတော့ သရက်ချောင်းမြို့နယ်ဖြစ်ပြီး သုံးနှစ်အတွင်း ၂၀ ဦးကျဆုံးခဲ့ပါတယ်။ ဒုတိယအများဆုံးကတော့ လောင်းလုံးမြို့နယ်မှာတော့ ရဲဘော် ၁၄ ဦးအထိကျဆုံးခဲ့တယ်လို့ တိုင်းပြည်သူ့ကာကွယ်ရေးအဖွဲ့ရဲ့ ထုတ်ပြန်ချက်အရ သိရပါတယ်။

အခုဖော်ပြထားတဲ့ ကျဆုံးရဲဘော် ၁၁၈ ဦးဟာ NUG ရဲ့ ကာကွယ်ရေးဝန်ကြီးဌာနလက်အောက်မှာရှိတဲ့ တိုင်းတွင်းက တပ်ရင်းတွေနဲ့ ပကဖအဖွဲ့တွေရဲ့ ရဲဘော်ကျဆုံးမှု အရေအတွက်သာဖြစ်ပြီး Local PDF အဖွဲ့တွေနဲ့ တခြားတိုင်းရင်းသားလက်နက်ကိုင်အဖွဲ့တွေရဲ့ ရဲဘော်ကျဆုံးမှုအရေအတွက် မပါဝင်သေးပါဘူး။

ဒါ့အပြင် PDFနဲ့ ပကဖ မတည်ထောင်ခင် ကျဆုံးခဲ့တဲ့ ရဲဘော်စာရင်းလည်း မပါဝင်သေးဘူးလို့ တနင်္သာရီတိုင်း စစ်ဌာနနဲ့ တိုင်းပကဖရဲ့ထုတ်ပြန်ချက်တွေအရသိရပါတယ်။

တနင်္သာရီတိုင်းမ်က စုစည်းထားတဲ့အချက်အလက်တွေအရ ပြီးခဲ့တဲ့ ၂၀၂၂ ခုနစ်နဲ့ ၂၀၂၃ ခုနစ် နှစ်နှစ်အတွင်း နှစ်ဖက်တိုက်ပွဲတွေ၊ လက်နက်ကြီးနဲ့မိုင်းမတော်တဆဖြစ်တာတွေနဲ့ အချင်းချင်းဖြစ်တဲ့ ပစ်ခတ်မှုတွေကြောင့် တော်လှန်ရေးရဲဘော် ၁၃၀ ဝန်းကျင်ကျဆုံးခဲ့ပါတယ်။

အခုနှစ်မှာလည်း တနင်္သာရီတိုင်းမှာ စခန်းသိမ်းတိုက်ပွဲတွေနဲ့ စစ်ကောင်စီတပ်ဘက်က ထိခိုက်ကျဆုံးမှုများပြားနေသလို တော်လှန်ရေးတပ်တွေဘက်ကလည်း ထိခိုက်ကျဆုံးတာတွေရှိနေပါတယ်။

စစ်ကောင်စီတပ်ကတော့ အခုနှစ်အတွင်း ကြည်း၊ ရေ၊ လေ တပ်‌တွေ အသုံးပြု တိုက်ခိုက်တာတွေကို ဆက်တိုက်လုပ်ဆောင်နေပါတယ်။

တော်လှန်ရေးတပ်တွေကလည်း တိုင်းတွင်းက တော်လှန်ရေးတပ်ဖွဲ့ပေါင်း ၈၀ ကျော်စစ်ရေးအရပူးပေါင်းသွားမှာဖြစ်ပြီး စစ်ဆင်ရေးတွေကိုလည်း အရှိန်မလျှော့ဘဲလုပ်‌ဆောင်သွားမယ်လို့ ပူးပေါင်းစစ်ဆင်ရေးတွေကို ဦးဆောင်‌ကွပ်ကဲနေသူ KNLA ပူးတွဲတပ်ရင်းမှူး စောမှူးဂေက တနင်္သာရီတိုင်းမ်ကို ပြောဆိုထားပါတယ်။

The Tanintharyi Times

ပုံစာ - တနင်္သာရီတိုင်းအတွင်းက ကျဆုံးရဲ‌ဘော်တချို့ရဲ့ စျာပန။

စစ်ကောင်စီအတွက် ဗျူဟာအရ အရေးပါတဲ့ ၁၀၂၀ တောင်စခန်းကို တော်လှန်ရေးတပ်တွေသိမ်းပိုက်ထားဝယ် ၊ မေလ - ၁၁ရက်တနင်္သာရီနဲ့ ဘုတ်ပြင...
11/05/2024

စစ်ကောင်စီအတွက် ဗျူဟာအရ အရေးပါတဲ့ ၁၀၂၀ တောင်စခန်းကို တော်လှန်ရေးတပ်တွေသိမ်းပိုက်

ထားဝယ် ၊ မေလ - ၁၁ရက်

တနင်္သာရီနဲ့ ဘုတ်ပြင်းမြို့နယ်အစပ်နေရာဖြစ်တဲ့ ၁၀၂၀ တောင်ကုန်းက စစ်ကောင်စီအစခန်းကို တော်လှန်ရေးတပ်တွေဘက်က ဒီနေ့မနက်မှာ အပြီးသတ်သိမ်းနိုင်ပြီဖြစ်တယ်လို့ KNU တပ်မဟာ ၄ ရဲ့ အတွင်းရေးမှူး ပဒိုအယ်နားကပြောပါတယ်။

၁၀၂၀ တောင်ကုန်း စစ်ကောင်စီအခြေစိုက်စခန်းကို ပြီးခဲ့တဲ့ဧပြီ ၃၀ ရက်ကစလို့ Black Cobra စစ်ကြောင်းက တိုက်ခိုက်နေတာဖြစ်ပြီး ၁၂ ရက်အကြာ ဒီနေ့မှာတော့ အပြီးသတ်သိမ်းပိုက်နိုင်ခဲ့တာ ဖြစ်ပါတယ်။

“ဒီနေ့မနက်ပဲ သိမ်းလိုက်တယ်။ စခန်းမှာ ရန်သူကတစ်ယောက်မှမရှိတော့ဘူး။ တိုက်ပွဲပြီးဝိုင်းထားတဲ့ကြားကပဲ အကုန်စခန်းစွန့်ပြီးထွက်ပြေးသွားတာ” လို့ KNU တပ်မဟာ ၄ မြိတ်-ထားဝယ်ခရိုင်အတွင်းရေးမှူး ပဒိုစောအယ်နားက ပြောပါတယ်။

လောလောဆယ်ကတော့ တော်လှန်ရေးတပ်တွေက ၁၀၂၀ စခန်းကုန်းကိုထိန်းချုပ်ထားပြီး နယ်မြေရှင်းလင်းတာတွေလုပ်ဆောင်နေတယ်လို့လည်း သူကဆက်ပြောပါတယ်။

၁၀၂၀ စခန်းဟာ မြိတ်-ဘုတ်ပြင်း-ကော့သောင်း ကားလမ်းပိုင်းကိုထိန်းချုပ်ဖို့အတွက် စစ်ကောင်စီရဲ့ဗျူဟာကျတဲ့စခန်းဖြစ်ပြီး စစ်အာဏာမသိမ်းခင်ကတည်းက တပ်စွဲပြီးနေထိုင်နေတဲ့နေရာဖြစ်တယ်လို့ ပဒိုအယ်နားကဆိုပါတယ်။

စခန်းသိမ်းတိုက်ပွဲဖြစ်ပွားနေချိန်အတွင်း လာရောက်ပူးပေါင်းတဲ့ စစ်ကောင်စီနဲ့ ပျူစောထီး စစ်ကူတပ်တွေကိုလည်း ကြားဖြတ်တိုက်ခိုက်ခဲ့တဲ့အတွက် စစ်ကောင်စီဘက်က ထိခိုက်သေဆုံးမှုများပြီး ကစဉ့်ကလျားဆုတ်ခွာမှုတွေရှိခဲ့တယ်လို့ Black Cobra စစ်ကြောင်းရုံးက မေလ ၈ ရက်နေ့ ထုတ်ပြန်ထားပါတယ်။

Black Cobra စစ်ကြောင်းဟာ KNU တပ်မဟာ ၄၊ တပ်ရင်း ၁၁ နဲ့ တော်လှန်ရေးတပ်ဖွဲ့တွေ ပူးပေါင်းဖွဲ့စည်းထားတဲ့ စစ်ကြောင်းတစ်ခုဖြစ်ပါတယ်။

"ရန်သူတွေဘက်က အလောင်းတွေကို အကုန်မကောက်နိုင်ဘဲ ပြန့်ကျဲနေတဲ့အနေအထားဖြစ်တယ်။ အပုတ်နံ့တွေတော်တော်ဆိုးနေတယ်" လို့ မြေပြင်မှာရှိနေတဲ့ တော်လှန်ရေးရဲဘော်တစ်ဦးက အခုလ ၈ ရက်နေ့မှာ ပြောပါတယ်။

စစ်ကောင်စီတပ်သားတွေရဲ့ အလောင်းတွေပြန့်ကြဲနေတဲ့နေရာတွေကတော့ ၁၀၂၀ တောင်နားက တိုက်ပွဲဖြစ်ပွားခဲ့ရာနေရာတွေဖြစ်တဲ့ တောင်ငယ်ရွာ၊ ခဲချောင်းရွာနဲ့ လမ်းဖိုကမ်းရွာတွေရဲ့ အနီးတဝိုက်မှာ ဖြစ်တယ်လို့ ရှေ့တန်းရောက်ရဲဘော်တချို့က ဆိုပါတယ်။

Black Cobra ရဲ့ မေလ ၈ ရက်နေ့ ထုတ်ပြန်ချက်ထဲမှာ စစ်ကြောင်းအနေနဲ့ လက်နက်ခဲယမ်းနဲ့ စစ်အသုံးအဆောင်ပစ္စည်းတွေသိမ်းဆည်းရမိထားတယ်လို့ ဖော်ပြထားပါတယ်။

လက်ရှိ ၁၀၂၀ စခန်းသိမ်းပိုက်ပြီးနောက် သိမ်းမိတဲ့လက်နက်ခဲယမ်းနဲ့ စစ်ကောင်စီဘက်က ထိခိုက်ကျဆုံးမှုအခြေအနေသေးစိတ်ကိုတော့ မသိရသေးပါဘူး။

စခန်သိမ်းတိုက်ပွဲဆင်နွှဲနေချိန်တောက်လျှောက်မှာ စစ်ကောင်စီဘက်ကနေ ၁၀၂၀ တောင် အနီးတဝိုက်ကရွာတွေကို လေကြောင်းတိုက်ခိုက်မှုတွေလည်း ဆက်တိုက်လုပ်ဆောင်ခဲ့တယ်လို့ မြေပြင်သတင်းအချက်အလက်တွေအရ သိရပါတယ်။

ဒီကနေ့မနက် ၉ နာရီခွဲဝန်းကျင်မှာ စစ်ကောင်စီဘက်ကနေ ၁၀၂၀ တောင်တဝိုက်ကို K8W ဂျက်လေယာဥ်နဲ့ ဗုံးသီး ၇ လုံးကြဲချတိုက်ခဲ့သလို ပြီးခဲ့တဲ့ မေလ ၈ ရက်၊ ၄ ရက်၊ ၂ ရက်နေ့တွေမှာလည်း အေးသာယာ၊ ရွာသာယာနဲ့ မနိုးရုံးရွာတွေကို လေကြောင်းတိုက်ခိုက်မှုတွေ လုပ်ဆောင်ခဲ့ပါတယ်။

အဲ့ဒီလေကြောင်းတိုက်ခိုက်မှုတွေကြောင့် တော်လှန်ရေးရဲဘော်တွေနဲ့ အရပ်သားပြည်သူတွေ ထိခိုက်ဒဏ်ရာရရှိတာမျိုး မရှိပေမဲ့ နေအိမ်တွေပျက်စီးခဲ့ပြီး ဒေသခံတွေလည်း ထွက်ပြေးတိမ်းရှောင်နေကြရတယ်လို့ မြေပြင်ရဲဘော်တွေဆီက သိရပါတယ်။

တနင်္သာရီတိုင်းမှာ ပြီးခဲ့တဲ့ ဧပြီလ တတိယပတ်ကစလို့ စခန်းသိမ်းတိုက်ပွဲတွေ ဆက်တိုက်ပြင်းထန်နေပြီး သရက်ချောင်းမြို့နယ်၊ ပဲဒက်ရွာ စစ်ကောင်စီတပ်စခန်းကိုလည်း အခုလ ၈ ရက်နေ့မှာ တော်လှန်ရေးတပ်တွေဘက်က သိမ်းယူနိုင်ခဲ့ပါတယ်။

The Tanintharyi Times

ဓာတ်ပုံ - Kwe Ka Lu News၊ Black Cobra Column

ကနက်သီရိကျေးရွာကို စစ်ကောင်စီတပ်က လေကြောင်း ရေကြောင်းအသုံးပြု၍ ထပ်မံတိုက်ခိုက်၊ အပြစ်မဲ့ပြည်သူ (၃)ဦး သေဆုံးထားဝယ် ၊ မေလ...
10/05/2024

ကနက်သီရိကျေးရွာကို စစ်ကောင်စီတပ်က လေကြောင်း ရေကြောင်းအသုံးပြု၍ ထပ်မံတိုက်ခိုက်၊ အပြစ်မဲ့ပြည်သူ (၃)ဦး သေဆုံး

ထားဝယ် ၊ မေလ - ၁၀ရက်

တနင်္သာရီတိုင်း၊ထားဝယ်ခရိုင်၊သရက်ချောင်းမြို့နယ်၊ကနက်သီရိကျေးရွာ(နတ်ဆိရွာ)ကို ယနေ့ (၁၀.၅.၂၀၂၄) နေလည် ၁၂နာရီ ၁၅မီနစ်အချိန်ခန့်တွင် စစ်ကောင်စီတပ်က လေကြောင်း၊ ရေကြောင်းအသုံးပြု၍ ဗုံးသီး အလုံး(၂၀)ခန့် ကြဲချတိုက်ခိုက်ခဲ့ကြောင်း ဒေသခံများထံမှသိရပါတယ်။

ကနက်သီရိကျေးရွာတွင် နှစ်ဖက်တိုက်ပွဲဖြစ်ပွားနေခြင်းမရှိပဲ စစ်ကောင်စီလေကြောင်းမှ ဟိုက်စကီး(၂)စီးနှင့် ဂျက်ဖိုက်တာ(၁)စီးတို့ သက်သက်မဲ့ လာရောက်ဗုံးကြဲတိုက်ခိုက်ခဲ့ပြီး ရေကြောင်းမှ စစ်သင်္ဘောများမှလည်း လက်နက်ကြီးများဖြင့် အဆက်မပြတ်ပစ်ခတ်တိုက်ခိုက်ခဲ့ကြောင်း ကနက်သီရိကျေးရွာက အမျိုးသားတစ်ဦးက Tavoy Media ကိုပြောပါတယ်။

စစ်ကောင်စီတပ်၏ လေကြောင်း၊ရေကြောင်းတိုက်ခိုက်မှုကြောင့် အသက်(၄၀)ကျော်အရွယ် ကိုနောင်ဂေါ၊ အသက်(၄၀)အရွယ် ကိုနိုင်ကြီးနှင့် အသက် (၄၅)နှစ်ဝန်းကျင်အရွယ် ကိုညီဦးတို့ ထပ်မံအသက်ဆုံးရှုံးခဲ့တယ်ဟု ၎င်းအမျိုးသားက ရှင်းပြပါတယ်။

"သေဆုံးသူ(၃)ယောက်စလုံးကို သေဆုံးပြီးပြီးခြင်းမှာပဲ မီးသင်္ဂြိုလ်လိုက်တယ်"လို့ ၎င်းကပြောပါတယ်။

ကနက်သီရိကျေးရွာတွင် ယခုလ ၈ရက်နေ့ကလည်း စစ်ကောင်စီတပ်၏ လေကြောင်းတိုက်ခိုက်မှုကြောင့် အသက်(၁၆)နှစ်ရွယ် ကလေးငယ် မောင်ပိုင်စိုးသူနှင့်မောင်ဟိန်းပြည့်ဖြိုးတို့ နှစ်ဦး အသက်ဆုံးရှုံးခဲ့ရပြီး ယနေ့ ၁၀ရက်နေ့တွင်လည်း နောက်ထပ် (၃)ဦး ထပ်မံအသက်ဆုံးရှုံးခဲ့ရလို့ စုစုပေါင်းသေဆုံးသူ (၅)ဦးအထိရှိလာပြီဖြစ်ပါတယ်။

Tavoy Media

စစ်ကောင်စီက လေယာဉ်ဖြင့် ဗုံးကြဲတိုက်ခိုက်မှုကြောင့် ကနက်သီရိကျေးရွာမှ ကလေးငယ်(၂)ဦးသေဆုံးပြီး အများပြားဒဏ်ရာရရငဲကျေးရွာတိ...
08/05/2024

စစ်ကောင်စီက လေယာဉ်ဖြင့် ဗုံးကြဲတိုက်ခိုက်မှုကြောင့် ကနက်သီရိကျေးရွာမှ ကလေးငယ်(၂)ဦးသေဆုံးပြီး အများပြားဒဏ်ရာရ

ရငဲကျေးရွာတိုက်နယ်ဆေးရုံလည်း ပျက်စီးသွား

ထားဝယ်၊ မေလ - ၈ရက်

ထားဝယ်ခရိုင်၊သရက်ချောင်းမြို့နယ်၊ကနက်သီရိရွာ(နတ်ဆိရွာ)ကို စစ်ကောင်စီလေကြောင်းမှ ယနေ့(၈.၅.၂၀၂၄) ညနေ ၅နာရီအချိန်ခန့်တွင် လေကြောင်းဖြင့် ဗုံးကြဲတိုက်ခိုက်မှုပြုလုပ်ခဲ့ကြောင်း သိရပါသည်။

စစ်ကောင်စီတိုက်လေယာဉ်များသည် ကနက်သီရီကျေးရွာလယ်ကွင်းစပ်ကနေ စက်သေနတ်များဖြင့် ပစ်ခတ်လာခဲ့ပြီး ကျေးရွာစာသင်ကျောင်းအနီးရောက်တွင် ဗုံးသီးများကြဲချခဲ့ကြောင်း ဒေသခံများက ပြောသည်။

အဆိုပါ စစ်ကောင်စီတပ်​၏ လေကြောင်းတိုက်ခိုက်မှုအကြောင့် စာသင်ကျောင်းနဘေး ဘော်လုံးကွင်းတွင် ဘောလုံးကစားနေသော ကနက်သီရိကျေးရွာမှ အသက်(၁၆)နှစ်ရွယ် မောင်ပိုင်စိုးသူ နှင့် အသက်(၁၆)နှစ်အရွယ် မောင်ဟိန်းပြည့်ဖြိုးတို့ အသက်ဆုံးရှုံးခဲ့ပြီး အပြစ်မဲ့ရွာသားပေါင်းများစွာ ထိခိုက်ဒဏ်ရာရရှိခဲ့တယ်လို့ သိရပါတယ်။

၎င်းအပြင် စစ်ကောင်စီတပ်က ကနက်သီရိကျေးရွာနှင် ရွာအနီးနားခြင်းဖြစ်သော ရငဲကျေးရွာရှိ ရငဲကျေးရွာတိုက်နယ်ဆေးရုံးကိုလည်း လေကြောင်းတိုက်ခိုက်မှုများပြုလုပ်ခဲ့လို့ ဆေးရုံတစ်ခုလုံး ပျက်စီးဆုံးရှုံးခဲ့ပါသည်။

Tavoy Media

ဓာတ်ပုံ - CJ

Address

Dawei

Telephone

+959967625975

Website

Alerts

Be the first to know and let us send you an email when Tavoy Media posts news and promotions. Your email address will not be used for any other purpose, and you can unsubscribe at any time.

Shortcuts

Share

Category