What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00 Sunday 09:00 - 17:00

https://www.facebook.com/393647861286074/

Designer’s Journey, Hmawbi (2026)

08/06/2026

"Freelance မှာ ငွေကြေး ဘယ်လို manage လုပ်မလဲ"
-----------------------------------------------
Freelancer ဖြစ်တာနဲ့ တစ်ခု သေချာတယ်။ Income မညီဘူး။
တချို့လ များတယ်။ တချို့လ နည်းတယ်။ ဒါကို လက်ခံပါ။
ဒါ Freelancer ရဲ့ သဘာဝပါ။

ဒါပေမယ့် ငါ နည်းလမ်း ၂ ခု သတ်မှတ်ထားတယ်။

၁။ အနည်းဆုံး ဆိုတာ သတ်မှတ်ပါ ဒီလ အနည်းဆုံး ဘယ်လောက် ရရှိရမယ် ဆိုတာ ကိုယ်တိုင် သတ်မှတ်ပါ။ ရောက်အောင် မဖြစ်ဖြစ် ရှာပါ။ ရမရ မသေချာပေမယ့် target ရှိတာနဲ့ မရှိတာ ကွာတယ်။

၂။ ပိုရတဲ့လ ကို အကုန်မသုံးနဲ့ အလုပ်ကောင်းတဲ့လ ငွေများများ ဝင်လာရင် အကုန်မသုံးပါနဲ့။ နည်းတဲ့လတွေ အတွက် cover ဖြစ်အောင် ထားပါ။ Freelancer အတွက် saving က luxury မဟုတ်ဘူး။ survival ပါ။

သင်ယူနိုင်တာ တစ်ခုပဲ —

Income မညီတာ ထိန်းလို့မရဘူး။ ဒါပေမယ့် ထိန်းလို့ရတာက ကိုယ့် သုံးစွဲပုံပါ။

07/06/2026

"Client ကို ဘယ်လို ကိုင်တွယ်မလဲ"
----------------------------
Freelancer တွေ အများဆုံး ရင်ဆိုင်ရတာ Client ပါ။
ငါ သင်ယူခဲ့တာ ၄ ခုပဲ။

၁။ Brief Form သုံးပါ
Client က ဘာလိုချင်မှန်း မသိဘဲ မစပါနဲ့။ ငါ Brief Form တစ်ခု ဆောက်ထားတယ်။ Client တိုင်း အဲ့ဒါ ဖြည့်မှ စတယ်။ နောက်ပိုင်း "ဒါမဟုတ်ဘူး" ဆိုတာ သိသိသာသာ နည်းသွားတယ်။

၂။ Revision က သဘာဝပါ
Client က Revision တောင်းရင် စိတ်မဆိုးပါနဲ့။ သူတို့ မှန်တာကို ရှာနေတာပါ။ ငါကလည်း တက်နိုင်သလောက် ပေးတယ်။ အဲ့ဒီ သဘောထားကပဲ Client နဲ့ ဆက်ဆံရေး ကောင်းအောင် ဖန်တီးပေးတယ်။

၃။ Deadline ကို buffer ထားပါ
ငါ တကယ် ပြီးနိုင်တဲ့ ရက်ထက် ၁ ရက် ၂ ရက် ပိုယူတယ်။ အကြောင်းအမျိုးမျိုး ဖြစ်နိုင်တာမို့။ Client အတွက် မနောက်ကျ။ ငါ့အတွက်လည်း stress နည်းတယ်။

၄။ ကြိုပြောပါ
ဘာပဲဖြစ်ဖြစ် — နာမကောင်းဖြစ်တာဖြစ်ဖြစ်၊ အလုပ်တွေများနေတာဖြစ်ဖြစ် — Deadline မမီနိုင်တော့ဘူးဆိုရင် ငြိမ်မနေနဲ့။ Client ဆီ ကြိုဆက်ပြောပါ။ "နောက်ကျမယ်" ဆိုပြီး ကြိုပြောတာနဲ့ ကြိုမပြောဘဲ နောက်ကျတာနဲ့ Client မျက်လှည့်မှာ တစ်ကောင်းကောင်း ကွာတယ်။ တစ်ခုက responsible ဖြစ်တယ်။ တစ်ခုက trust ပျက်တယ်။

သင်ယူနိုင်တာ တစ်ခုပဲ —
Client ကို ကိုင်တွယ်တာ talent မဟုတ်ဘူး။ System နဲ့ သဘောထားပါ။

06/06/2026

"Freelancer တစ်ယောက် စျေးဘယ်လို သတ်မှတ်မလဲ"
—————————————————————
Freelance စကတည်းက မေးခွန်းတစ်ခု ရှိတယ်။
စျေး ဘယ်လောက် ယူရမလဲ။

တချို့က မြင့်မြင့်ယူတယ်။ တချို့က နည်းနည်းပဲ ယူတယ်။
ငါကတော့ ဒီလို စဉ်းစားခဲ့တယ်။ ကိုယ်ပေးနိုင်တဲ့ Quality ကို အရင် သိပါ။
ပြီးတော့ စျေးကွက် ပေါက်စျေးကို လေ့လာပါ။
အဲ့ဒီနှစ်ခုကြားမှာ ကိုယ့်နေရာ ရှာပါ။

ငါက Package ၃ မျိုး ခွဲခဲ့တယ်။ Client က သူ့ budget နဲ့
လိုချင်တာပေါ်မူတည်ပြီး ရွေးနိုင်အောင်။

Quality တက်လာတာနဲ့အမျှ စျေးကိုလည်း တဖြည်းဖြည်း တင်ခဲ့တယ်။
ငါသတ်မှတ်တဲ့စျေးနှုန်းကို တစ်ခါမှ နောင်တမရခဲ့ဘူး။

ဘာကြောင့်လဲဆိုတော့ — ငါပေးတဲ့ Quality နဲ့ စျေးနဲ့ဆို Client အတွက်
တန်တယ်လို့ ယုံကြည်တယ်။ အဲ့ဒီ ယုံကြည်မှုကပဲ ငါ့ကို ဆက်ရှေ့ဆက်သွားစေတယ်။

သင်ယူနိုင်တာ တစ်ခုပဲ —

စျေးသတ်မှတ်တာ မှန်းဆပြီး မသတ်မှတ်နဲ့။
ကိုယ့် Quality ကို သိပါ။ ကိုယ့် Quality တန်တဲ့ စျေးယူပါ။

05/06/2026

"Client မရှိဘဲ ဘယ်လို စခဲ့လဲ"
----------------------------
Freelance စချင်တယ်။ ဒါပေမယ့် Portfolio မရှိဘူး။ Client မရှိဘူး။
အများက ဒီနေရာမှာ ရပ်သွားတယ်။ "Experience ရှိမှ လုပ်မယ်" လို့ စောင့်နေတယ်။ ငါကတော့ မစောင့်ခဲ့ဘူး။

Client မရှိရင် ကိုယ်တိုင် ဖန်တီးလိုက်ရုံပဲ ဆိုပြီး စိတ်ကူးထဲက brand တစ်ခု ထုတ်လိုက်တယ်။ နာမည်တပ်တယ်။ Company Limited ထည့်လိုက်တယ်။ တကယ် မရှိတဲ့ brand ကို တကယ်ရှိသလို Logo Design လုပ်တယ်။ Mockup ဆောက်တယ်။ page မှာ တင်လိုက်တယ်။ $5 လောက် boost လုပ်တယ်။

Company တစ်ခုက message ဝင်လာတယ်။ သူတို့ Company အတွက် Logo ဆွဲပေးဖို့ အပ်တယ်။ အဲ့လောက်ပဲ။ ပထမဆုံး Client ရသွားတယ်။

သင်ယူနိုင်တာ တစ်ခု
-------------------------
တကယ် Client ရဖို့ ကျနော်တို့ ထိုင်စောင့်နေလို့မရပါဘူး သူတို့ရှိတဲ့နေရာကို သွားပြီး သူတို့ မြင်ချင်တဲ့ အလုပ်မျိုး တစ်ခုပဲ ပြပါ။
ဒါဆို ကျနော့်တို့ဆီ ရောက်လာပါလိမ့်မယ်...

16/02/2026

ဘဝမှာ ၁၅ နှစ်လောက် အရှိန်ပြင်းပြင်းနဲ့
ပြေးခဲ့ပြီးမှ ကျွန်တော် သိလိုက်ရတဲ့
သင်ခန်းစာတစ်ခု ရှိပါတယ်။

ကျွန်တော်တို့တွေက ရှေ့ကိုရောက်ဖို့၊ တစ်ခုခု ဖြစ်လာဖို့ပဲ အမြဲ အားသွန်ခွန်စိုက် ကြိုးစားနေတတ်ကြတယ်နော်။

ကျွန်တော်ဆိုရင်လည်း ငယ်ငယ်က ဆင်းရဲခဲ့တဲ့ မိသားစု နဲ့ အမေ့ကို ကောင်းကောင်းထားချင်လို့ ၁၅ နှစ်လုံးလုံး အားလပ်ရက်မရှိ အလုပ်တွေပဲ ဖိလုပ်ခဲ့ဖူးတယ်။

အဲ့ဒီတုန်းက 'အောင်မြင်မှု' ဆိုတာ ရလဒ်တစ်ခုခုကို ပိုင်ဆိုင်ရတာ၊ သူများထက် ရှေ့ရောက်နေရတာလို့ပဲ ထင်ခဲ့တာပါ။

ဒါပေမဲ့ အဓိက တွန်းအားဖြစ်ခဲ့တဲ့ အမေ မရှိတော့တဲ့နောက်ပိုင်း ကျွန်တော် ခဏတော့ လမ်းပျောက်သွားတယ်။

အရာရာကို အရင်ကထက် ပိုပြည့်စုံအောင် လုပ်နိုင်ခဲ့ပေမယ့် စိတ်ထဲမှာတော့ လိုအပ်နေတာတွေ အများကြီး ရှိနေသေးတာကို သိလိုက်ရတယ်။
အခု အသက် ၃၆ မှာ ကျွန်တော် တစ်ခု သင်ယူလိုက်ရပါတယ်။

'အောင်မြင်မှု' ဆိုတာ တစ်နေရာကို ရောက်ရှိသွားခြင်းထက်၊ ကိုယ့်ဘဝကို အဓိပ္ပာယ်ရှိရှိ ဖြတ်သန်းနိုင်ခြင်း ဆိုတာပါပဲ။

အခုတော့ ကျွန်တော် အရှိန်ခဏသတ်လိုက်ပါပြီ။ ဒါဟာ အလုပ်တွေကနေ ထွက်ပြေးတာမဟုတ်ဘဲ၊ နောက်ထပ် ဘဝစာမျက်နှာတစ်ခုကို အေးအေးဆေးဆေးနဲ့ အနှစ်သာရရှိရှိ ပြန်စဖို့ ခွန်အားယူနေတာပါ။

ဘဝမှာ အချိန်မီ နားတတ်ဖို့နဲ့ ကိုယ့်ကိုယ်ကိုယ် ပြန်ချစ်တတ်ဖို့ကလည်း အရေးကြီးတဲ့ သင်ခန်းစာတစ်ခုပါပဲ။

ဒီ Page လေးကနေ ကျွန်တော် ဖြတ်သန်းခဲ့တဲ့ ဘဝအတွေ့အကြုံတွေ၊ အမေ့ဆီကရခဲ့တဲ့ သင်ခန်းစာတွေနဲ့ ရိုးရှင်းတဲ့ အေးချမ်းမှုကို ရှာဖွေပုံတွေကို ဝေမျှသွားမှာပါ။

ကျွန်တော်နဲ့အတူ ဘဝကို ပိုလှအောင် ပြန်ပြီး ပုံဖော် ကြည့်ရအောင်။

TheLifeDesigner

15/02/2026

ဟုတ်ပါတယ်. လူတိုင်း စိတ်ညစ်စရာ၊ စိတ်ဓာတ်ကျစရာတွေ
တစ်ခုမဟုတ် တစ်ခု အမြဲကြုံတွေ့နေရပါတယ်. ခင်ဗျာတို့လည်း စိတ်ဓာတ်ကျဖူးမှာ စိတ်ညစ်ကြဖူးကြမှာပါ.. ဒါပေမယ့် အဲ့လိုဖြစ်တဲ့အခါ ဘယ်လိုမျိုးကျော်ဖြတ်ကြလဲ?

ကျနော် စိတ်ညစ်တဲ့အခါ စိတ်ဓာတ်တွေ ကျတဲ့အခါ ကျနော် လုပ်ဖြစ်နေတဲ့ အချက်တွေ ရှိပါတယ်

နံပါတ် ၁- ကျနော် စိတ်ညစ်ရင် စိတ်ဓာတ်ကျတဲ့အခါ အဲ့စိတ်ညစ်တဲ့ အကြောင်းအရာ စိတ်ဓာတ်ကျစေတဲ့အကြောင်းအရာတွေကို ခေါင်းထဲ အချိန်ပြည့်မထည့်ထားဘဲ. ကျနော့်စိတ်ကို တည်ငြိမ်အောင် အရင်လုပ်ပါတယ်.

ဆုံးဖြတ်ချက် ချရမယ်ဆိုရင်လည်း စိတ်ပူနေတဲ့အချိန် စိတ်တွေ ညစ်နေတဲ့အချိန် ဘယ်တော့မှ အလောတကြီး ဆုံးဖြတ်ချက် မချပါဘူး.

နံပါတ် ၂ - စိတ်ကိုအရင်တည်ငြိမ်အောင် ထားဖို့အတွက် ကျနော်ဆို
ဥပမာ- ပါချုပ်ဆရာတော်ကြီးရဲ့ Video အတိုလေးတွေ နားထောင်ပါတယ်. နောက်ပီး.. ခွန်အားဖြစ်စေမယ့် စာအတိုလေးတွေ ရှာဖက်ပါတယ်..
ဒါတွေ နားထောင်ရင်းနဲ့ ကျနော့်ရဲ့ စိတ်ကို ပြင်ဆင်ပါတယ်.

နံပါတ် ၃ - ကျနော့်စိတ်လေး ငြိမ်သွားတဲ့အခါ.. ကျနော်စိတ်ညစ်ရတဲ့အကြောင်းအရင်း စိတ်ဓာတ်ကျနေရတဲ့အကြောင်းအရင်းကို ရှာဖွေဖို့ ဖြေးဖြေးချင်း တဆင့်ချင်းစီ စဉ်းစားပါတယ်..
ဘယ်လိုလုပ်သင့်လဲဆိုတဲ့ အဖြေကို ထုတ်ပါတယ်.
ဒီနေရာမှာ ကျနော်ဘယ်လိုပြေလည်အောင် ဖြေရှင်းရမလဲဆိုတာကို ပဲ ဦးစားပေးတွေးပါတယ်.

ဒီကိစ္စကြောင့်ငါ စိတ်ညစ်ရတာ စိတ်ပူရတာတွေ ငါအစကတည်းက မလုပ်ခဲ့မိရင်ကောင်းသာဆိုတဲ့ နောင်တရစေမယ့် အတွေးတွေ မတွေးပါဘူး.
ဒါကိုတွေးနေရင် ပိုစိတ်ဓာတ်ကျပြီး ဖြေရှင်းရမယ့် အပိုင်းကို မလုပ်ဖြစ်ဘဲ.. ပို စိတ်ညစ် ပိုစိတ်ဓာတ်ကျသွားနိုင်တာမို့ပါ.

နံပါတ် ၄ - ကျနော် လုပ်စရာရှိတာတွေကို အကုန် လျှောက်လုပ်ပါတယ်. ဒါမှ ကျနော် စိတ်ညစ်တဲ့အတွေး တွေကို အတက်နိုင်ဆုံးလျော့နည်းသွားမှာပါ. လူစိတ်ဆိုတာ နည်းနည်း ကြာလာရင် နည်းနည်းလေး စိတ်အေးသွားတက်တာမို့ ကိုယ့်စိတ်ကို စိတ်ညစ်နေရင် တစ်ခုခု လုပ်ကို လုပ်နေပါ..

ကျနော် ကတော့ ကျနော့်ဘ၀ ရဲ့ စိတ်ညစ်မှုတွေကို စိတ်ဓာတ်ကျမှုတွေကို ဘယ်လိုလုပ်လဲဆိုတာ ပြောပြတာပါ.. ခင်ဗျာတို့ရော စိတ်ညစ်တဲ့အခါ စိတ်ပင်ပန်းတဲ့အခါ .. ဘာတွေလုပ်လေ့ရှိလဲ.

လူတစ်ယောက်နဲ့တစ်ယောက်က မတူညီတာမို့ ကွဲပြားနိုင်ပါတယ်. ဒါ့ကြောင့်အပန်းမကြီးဘူးဆို ပြောပြခဲ့ပါအုံးဗျာ..

10/02/2026

Digital Nomad ဖြစ်ဖို့ဆိုရင် မြန်မာငွေနဲ့တင် မလုံလောက်တော့ဘူးဗျ။
နိုင်ငံတကာသုံးငွေနဲ့ ရမယ့် Client တွေ ရှိမှ ခရီးစရိတ်နဲ့ နေထိုင်စရိတ်ကို အေးဆေး ကာမိမှာပါ။

Upwork & Fiverr:
Freelance လောကရဲ့ အကြီးဆုံး ဈေးကွက်တွေပဲ။ Skill ပြည့်ရင် ဈေးကောင်းရတယ်။

LinkedIn:
ကိုယ့်ရဲ့ Professional Network ကို ချဲ့ပါ။ ပရောဂျက်ကြီးတွေက ဒီကနေ လာတတ်တယ်။

Dribbble / Behance:
ကိုယ့်ရဲ့ Portfolio ကို အမြဲ Update လုပ်ထားပါ။ Client တွေက ဒီကနေ လာရှာတတ်ကြတယ်။

Remote Job Boards: We Work Remotely တို့၊ Remote OK တို့လို ဝက်ဘ်ဆိုဒ်တွေမှာ Remote Designer အလုပ်တွေ ရှာလို့ရပါတယ်။

Trick: အလုပ်မအပ်ခင် ကိုယ့်ရဲ့ Time Zone နဲ့ Client ရဲ့ Time Zone ကို အစကတည်းက ညှိထားဖို့ မမေ့ပါနဲ့။

09/02/2026

အိပ်မက်ကနေ လက်တွေ့ဖြစ်လာဖို့ ဒီ (၃) ချက်ကို အရင်စလုပ်ကြည့်ပါ-

Test Run လုပ်ပါ: ရုတ်တရက်ကြီး ခရီးထွက်မသွားပါနဲ့ဦး။
အိမ်ကနေ မဟုတ်ဘဲ အပြင်က ကော်ဖီဆိုင် ဒါမှမဟုတ် တစ်ခြားမြို့မှာ တစ်ပတ်လောက် သွားနေပြီး အလုပ်လုပ်ကြည့်ပါ။ အဆင်ပြေရဲ့လားဆိုတာ အရင်စစ်ပါ။

Emergency Fund စုပါ: အနည်းဆုံး ၃ လစာကနေ ၆ လစာအထိ အရန်ငွေ ရှိပါစေ။ အလုပ်မရှိတဲ့လတွေမှာ စိတ်မပူရအောင်ပါ။

Build Your Portfolio: နိုင်ငံတကာ Client တွေ နားလည်မယ့် အင်္ဂလိပ်စာနဲ့ သေသေချာချာ Portfolio ပြင်ဆင်ပါ။

မင်းရဲ့ Digital Nomad Journey က ဒီနေ့ကစပြီး ဖြစ်နိုင်ပါတယ်။
သတ္တိရှိရှိ ခြေလှမ်းစလိုက်ရအောင်။

08/02/2026

Digital Nomad ဆိုတာ ပျော်စရာကြီးပဲလို့ ထင်နေရင် ဒါလေးကို အရင်ဖတ်ကြည့်ပါဦး။ လွတ်လပ်မှုရဲ့ နောက်ကွယ်မှာ ပေးဆပ်ရတဲ့ တန်ဖိုးတွေ ရှိတယ်ဗျ။

❌ The Wi-Fi Struggle: ကမ်းခြေမှာ အလုပ်လုပ်တာ လှပေမဲ့ လိုင်းမကောင်းလို့ ဖိုင်ပို့မရတဲ့အခါ၊ Meeting ကျသွားတဲ့အခါ Client နဲ့ ယုံကြည်မှု ပျက်ရတတ်ပါတယ်။

❌ Time Zone Hell: ကိုယ်က အပန်းဖြေချင်နေတဲ့ ညဘက်မှာ Client က နေ့လည်ခင်းဖြစ်နေလို့ Revision ပြင်ခိုင်းတာမျိုး၊ Meeting ခေါ်တာမျိုးတွေကို အိပ်ရေးပျက်ခံ ရင်ဆိုင်ရပါတယ်။

❌ The Loneliness: နေရာတွေ ခဏခဏပြောင်းတဲ့အတွက် ရေရှည်ခိုင်မြဲတဲ့ ပတ်ဝန်းကျင်မရှိဘဲ အထီးကျန်တတ်တာဟာ Freelancer တွေအတွက် စိတ်ပိုင်းဆိုင်ရာ စိန်ခေါ်မှုတစ်ခုပဲ။

❌ Burnout: အလုပ်နဲ့ ခရီးသွားတာကို မမျှတအောင် မစီမံနိုင်တဲ့အခါ ခရီးလည်းမပျော်၊ အလုပ်လည်းမပြီးဘဲ ပိုပင်ပန်းလာတတ်ပါတယ်။

Nomad ဖြစ်ရတာ လွတ်လပ်ပေမဲ့ အဲ့ဒီလွတ်လပ်မှုကို ထိန်းကျောင်းနိုင်မယ့် "စိတ်ဓာတ်" မရှိရင်တော့ ဒါဟာ မင်းအတွက် ငရဲတစ်ခု ဖြစ်သွားနိုင်ပါတယ်။

မင်းကော... ဒီလိုအခက်အခဲတွေကို ရင်ဆိုင်ပြီး Nomad ဘဝကို စိန်ခေါ်ချင်သေးရဲ့လား?

Designer’s Journey

08/06/2026

07/06/2026

06/06/2026

05/06/2026

16/02/2026

15/02/2026

10/02/2026

09/02/2026

08/02/2026

Address

Opening Hours

Telephone

Website

Alerts

Contact The Business

Shortcuts

Share

Category

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00
Sunday	09:00 - 17:00