Yesagyo Township Info Committee

26/06/2025

26/06/2025

"စစ်ကောင်စီရဲ့ ငြိမ်းချမ်းရေး"
နိရဉ္စရာကာတွန်း၊ ဇွန် ၂၆/ ၂၀၂၅

26/06/2025

24/06/2025

“အရာရှိတွေက ဆေးကြောင်ပြီး လက်အောက်ငယ်သားတွေအပေါ် ရိုင်းစိုင်းမောက်မာစွာ ဆက်ဆံတယ်။ မှန်တာ လုပ်လဲ ဆဲဆိုပြီ.....

24/06/2025

ကျားသေကို အသက်သွင်းနေသည့် တရုတ်အစိုးရ (ရုပ်/သံ)

ဧရာဝတီ၊ ဇွန် ၂၄၊ ၂၀၂၅

တရုတ်၏စွက်ဖက်မှုနှင့် စစ်အာဏာရှင်များ သက်ဆိုးရှည်ရန် ကူညီအားပေးမှုသည် ပြည်တွင်းစစ် အတန်ငယ်ပိုကြာမြင့်ပြီး လူအသေပျောက် ပိုများသည်သာ ဖြစ်ပေလိမ့်မည်။

စစ်တပ်သည် တိုင်းပြည်ကို တည်ငြိမ်အောင် ထိန်းနိုင်မည် မဟုတ်သည့် အပြင် စစ်အာဏာရှင်များ ကျဆုံးမှုကို တားဆီး၍ ရနိုင်လိမ့်မည်မဟုတ်ပေ။

မြန်မာပြည်သူများကို အထင်အမြင်သေး မျက်ကွယ်ပြုပြီး သူ၏ စူပါ ပါဝါအင်အားဖြင့် ဘာလုပ်လုပ်ဖြစ်မည်ဟု တရုတ်တို့က ထင်မြင်ယူဆနေခြင်းကြောင့် စစ်အာဏာရှင်များကို အသက်ဆက်ပေးခြင်းဖြစ်သည်။

တကယ်တမ်းတွင် တရုတ်တို့သည် "ကျားသေကို အသက်သွင်းရန်" ကြိုးစားနေခြင်းသာဖြစ်၏။ ရလဒ်သည် မျှော်လင့်သည်နှင့် ပြောင်းပြန်ပင်ဖြစ်မည်ကို တရုတ်တို့ တွေ့ရပေလိမ့်မည်။

https://youtu.be/9e-BxqEVHNs
#မြန်မာ #ဧရာဝတီ #တရုတ် #မင်းအောင်လှိုင်

တရုတ်၏စွက်ဖက်မှုနှင့် စစ်အာဏာရှင်များ သက်ဆိုးရှည်ရန် ကူညီအားပေးမှုသည် ပြည်တွင်းစစ် အတန်ငယ်ပိုကြာမြင့်ပြ....

20/06/2025

၁၉၈၈ ခုနှစ်မှစ၍ သူမ၏ ဒီမိုကရေစီရေး အားထုတ်မှုများသည် မြန်မာပြည် ကျေးလက်အနှံ့အပြားအထိ ပျံ့နှံရောက်ရှိပြီး နှစ် ၆၀ ကျော်ကြာမြင့်ခဲ့သည့် စစ်အာဏာရှင်စနစ်အား ကိုင်လှုပ်ခဲ့သည်။ နိုင်ငံရေးသမားအဖြစ် သူရွေးချယ်လျှောက်ခဲ့သော လမ်းတွင် အမှားအယွင်းများလည်း ရှိခဲ့သည်။ လက်ရှိ ဒေါ်အောင်ဆန်းစုကြည်သည် အသက် ၈၀ အရွယ် အမေအိုတယောက်အနေဖြင့် ကျန်းမာရေးအရ ကျဆင်းနေနိုင်ပြီဖြစ်သော်လည်း အကျဉ်းထောင်ထဲတွင် ဒူးမထောက် လက်မမြှောက်ဘဲ ကြံ့ကြံ့ခံ ရပ်တည်နေခြင်းသည်ပင်လျှင် စစ်အာဏာရှင်စနစ် ဆန့်ကျင်ရေးတိုက်ပွဲအတွက် ခွန်အားဖြစ်နေသည်။

Website တွင် ဖတ်ရန် https://bit.ly/3HLCAwW

--------------------
The Irrawaddy - Burmese Edition

ဒေါ်အောင်ဆန်းစုကြည်အား ဖမ်းဆီး အာဏာသိမ်းခဲ့သည့်အတွက် စစ်ကောင်စီလည်း ပေးဆပ်ရသည်မှာ လွန်စွာများပြားခဲ့၏။

20/06/2025

ပုလဲမြို့နယ် ကန်ဒေါင့် ရဲစခန်းသိမ်း တိုက်ပွဲတွင် စစ်တပ်ဘက်မှ ၄၀ ကျော်ခန့် သေဆုံးပြီး လက်နက်ခဲယမ်းတချို့ သိမ်းဆည်းရရှိ

ဇွန် ၂၀၊ ၂၀၂၅

စစ်ကိုင်းတိုင်း၊ ပုလဲမြို့နယ် ကန်ဒေါင့် ရဲစခန်းသိမ်း တိုက်ပွဲတွင် အကြမ်းဖက် စစ်တပ်ဘက်မှ ၄၀ ကျော်ခန့် သေဆုံးကြောင်း ပြည်သူ့လွတ်မြောက်ရေးတပ်မတော် - People's Liberation Army - PLA မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဇွန်လ ၁၉ ရက်နေ့ နံနက် ၆ နာရီ ၄၀ မိနစ်အချိန် စစ်ကိုင်းတိုင်း၊ ပုလဲမြို့နယ်ရှိ ကန့်ဒေါင့်ရဲစခန်းကို ပြည်သူ့လွတ်မြောက်ရေးတပ်မတော် - PLA ၏ ဦးဆောင်မှုဖြင့် တော်လှန်ရေးမဟာမိတ်တပ်ပေါင်းစုက သိမ်းပိုက်နိုင်ခဲ့ကြောင်း၊ ကန့်ဒေါင့်ရဲစခန်းကို ပြည်သူ့လွတ်မြောက်ရေးတပ်မတော်က ဇွန်လ ၂ ရက်နေ့တွင် စတင်ထိုးစစ်ဆင်ခဲ့ပြီး ရက်သတ္တပတ် နှစ်ပတ်ကျော်အကြာ ဇွန်လ ၁၉ ရက်နေ့တွင် အောင်မြင်စွာ သိမ်းပိုက်နိုင်ခဲ့ခြင်းဖြစ်ကြောင်း သိရှိရသည်။

"ရန်သူ့ဘက်က သေဆုံးမှုစာရင်းတွေတော့ အတိအကျ မသိရသေးဘူး။ အနည်း ဆုံး ရန်သူ့ဘက်က ၄၀ ကျော်သေမယ်လို့ မှန်းထားတာပေါ့။ စာရင်း အတိအကျတော့ အတည်မပြုနိုင်သေးဘူး" ဟု ပြည်သူ့လွတ်မြောက်ရေးတပ်မတော် - People's Liberation Army - PLA မှ တာဝန်ရှိသူက ပြောဆိုသည်။

ကန်ဒေါင့်ရဲစခန်းသိမ်းတိုက်ပွဲတွင် စစ်ကောင်စီက လေကြောင်းပစ်ကူ တရစပ်ပေးခဲ့ပြီး အပြင်းအထန်ခုခံခဲ့ကြောင်း၊ ဇွန်လ ၂ ရက်နေ့မှ စခန်းသိမ်းနိုင်သည့် ဇွန်လ ၁၉ ရက်နေ့အထိ လေကြောင်းတိုက်ခိုက်မှု အကြိမ် ၂၀၀ ကျော် ပြုလုပ်ခဲ့ပြီး ဗုံးသီးအလုံးရေ ၅၀၀ ကျော် ကျဲချခဲ့ကြောင်း၊ ဂျက်ဖိုက်တာများ၊ Y12 ဗုံးကြဲလေယာဉ်များအပါအဝင် Mi35 တိုက်ခိုက်ရေးရဟတ်ယာဉ်နှင့် စက်တပ်လေထီးများဖြင့်လည်း လာရောက်တိုက်ခိုက်ခဲ့ကြောင်း သိရှိရသည်။

ကန်ဒေါင့်ရဲစခန်းသိမ်းတိုက်ပွဲအတွင်း ဇွန်လ ၁၀ ရက်နေ့ နေ့လယ် ၁၂ နာရီ ၁၅ မိနစ်အချိန် တိုက်ပွဲသို့ လေ ကြောင်းပစ်ကူ လာပေးသော စစ်ကောင်စီ၏ F7 (Chengdu J-7) အမျိုးအစား တိုက်လေယာဉ်တစီးကို ပြည်သူ့လွတ်မြောက်ရေးတပ်မတော် - PLA က ပစ်ချနိုင်ခဲ့ပြီး လေယာဉ်ပျက်ကျသွားကာ လေယာဉ်မှူးလည်း ‌ေ-သဆုံးသွားခဲ့ကြောင်း သိရှိရသည်။

စစ်ကောင်စီက ကန်ဒေါင့် ရဲစခန်းမကျရေးအတွက် လေကြောင်းပစ်ကူ အမြောက်အမြားအပြင် မြေပြင်စစ်ကူစစ်ကြောင်းများ၊ လက်နက်ခဲယမ်းများ၊ ရိက္ခာများလည်း ပေးပို့ခဲ့ကြောင်း၊ အဓိကအားဖြင့် ကန့်ဒေါင့်ကျေးရွာနှင့် ၃ မိုင်ခွဲခန့်ကွာဝေးသော စစ်ကောင်စီပြည်သူ့စစ် (ပျူစောထီး) များ အခြေစိုက်ရာ အင်မထီးရွာသို့ Mi17 ရဟတ်ယာဉ်ဖြင့် အကြိမ်ကြိမ် စစ်ကူပို့ခဲ့ကြောင်း၊ အင်မထီးရွာမှ ထွက်လာသော ပျူစောထီးနှင့် စစ်ကောင်စီပူးပေါင်း စစ်ကူစစ်ကြောင်းများကို ပြည်သူ့လွတ်မြောက်ရေးတပ်မတော် - PLA နှင့် မဟာမိတ်တပ်ပေါင်းစုများက စစ်ကြောင်းပျက်သည်အထိ အောင်မြင်စွာ တိုက်-ခိုက်ဖြတ်တောက်ထားနိုင်သဖြင့် ကန့်ဒေါင့်သို့ စစ်ကူများမရောက်နိုင်ဘဲ ရှိနေခဲ့ကြောင်း သိရှိရသည်။

ကန့်ဒေါင့်ရဲစခန်းရှိ ကူရာကယ်ရာမဲ့ စစ်ကောင်စီစစ်သားများမှာလည်း စစ်ကူလာသည့်အချိန်တိုင်း တပ်လန်ကျခဲ့ကြောင်း၊ စစ်ကောင်စီက လေကြောင်းမှ Y12 လေယာဉ် ဖြင့် ကန့်ဒေါင့်ရဲစခန်းသို့ ရိက္ခာထုတ်များ၊ ခဲယမ်းများ ချပေးခဲ့သော်လည်း စစ်ကောင်စီစစ်သားများက လာရောက်ယူဆောင်ချိန် ပြည်သူ့လွတ်မြောက်ရေးတပ်မတော်ရဲဘော်များက ပစ်ခတ်ဟန့်တားသဖြင့် ရိက္ခာထုပ်များ၊ ခဲယမ်းထုပ်များ စခန်းထဲသို့ မရောက်နိုင်ခဲ့ပေ။

ယခု သိမ်းပိုက်ရရှိသော ကန့်ဒေါင့်ရဲစခန်းသည် အချက်အချာကျသော အာဆီယံလမ်းမကြီး (ပုလဲ -ဂန့်ဂေါ) လမ်းပိုင်းပေါ်တွင် တည်ရှိပြီး ယင်းလမ်းသည် အိန္ဒိယနိုင်ငံအထိ သွားလာနိုင်သဖြင့် မဟာဗျူဟာအရ အလွန်အရေးပါသောနေရာ ဖြစ်ကြောင်း၊ ထို့အပြင် ကန့်ဒေါင့်မှ အနောက်မြောက်ဖက် မိုင် ၃၀ ကျော်အကွာတွင် စစ်ကောင်စီ၏ ကာကွယ်ရေးပစ္စည်းစက်ရုံ (ကပစ ၂၃) တည်ရှိပြီး အနောက်တောင်ဖက် ၃၅ မိုင်ခန့်တွင် (ကပစ ၂၄) တည်ရှိကြောင်း သိရှိရသည်။

ကန့်ဒေါင့်ရဲစခန်းသည် ပုလဲမြို့မရဲစခန်းပြီးလျှင် ဒုတိယအကြီးဆုံး ရဲစခန်းဖြစ်ပြီး ဘန်ကာများ၊ မိုင်းကွင်းများ၊ ကတုပ်ကျင်းများဖြင့် ခံစစ်အထပ်ထပ်ပြင်ထားသော တပ်စခန်းတခု ဖြစ်ကြောင်း၊ကန်ဒေါင့်စခန်းသိမ်းတိုက်ပွဲတွင် ပြည်သူ့လွတ်မြောက်ရေးတပ်မတော်မှ အမျိုးသမီးရဲဘော်များလည်း ရွပ်ရွပ်ချွံချွံ ပါဝင်ကာ တိုက်ပွဲဝင်ခဲ့ကြောင်း သိရှိရသည်။

ကန့်ဒေါင့်ရဲစခန်းကို ပြည်သူ့လွတ်မြောက်ရေးတပ်မတော် (PLA) မှ သိမ်းပိုက်ရာတွင် မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (ABSDF)၊ ယင်းမာပင်ခရိုင် အမှတ် ၁၁ တပ်ရင်း (ကျားသစ်နက်တပ်မ တော်)၊ ဗမာလွတ်မြောက်ရေးဒီမိုကရက်တစ်တပ်ဦး (BLDF)၊ ဒေါင်းနက် နယ်စည်းမခြား ပြောက် ကျားတပ်ဖွဲ့နှင့် အညာမြေတပ်ပေါင်းစုတို့ကလည်း ပူးပေါင်းပါဝင်တိုက်ခိုက်ခဲ့ကြကြောင်း သိရှိရသည်။

Khit Thit Media

20/06/2025

စစ်အာဏာရှင်ပြုတ်ကျမှ ဒေါ်အောင်ဆန်းစုကြည်လွတ်မြောက်နိုင်မယ်
—————————
လူထုခေါင်းဆောင် ဒေါ်အောင်ဆန်းစုကြည်ရဲ့မွေးနေ့မှာ သူမကိုချစ်ခင်ကြတဲ့ မြန်မာနဲ့ကမ္ဘာတလွှားက ပြည်သူတွေဟာ မွေးနေ့ပွဲနဲ့ ဒီမိုကရေစီရေးလှုပ်ရှားမှုတွေကို ပုံစံမျိုးစုံနဲ့ ကျင်းပခဲ့ကြပါတယ်။

ဇွန်လ ၁၉ရက်နေ့ဟာ ဒေါ်အောင်ဆန်းစုကြည်ရဲ့ အသက် ၈၀ပြည့် မွေးနေ့ဖြစ်ပြီး အကျဉ်းချခံထားရတဲ့နေရာမှာ တစ်ယောက်ထဲ ဖြတ်သန်းရတဲ့ ငါးနှစ်မြောက်မွေးနေ့လည်း ဖြစ်ပါတယ်။

၂၀၂၁ခုနှစ်၊ ဖေဖော်ဝါရီ ၁ရက်နေ့ စစ်တပ်အာဏာသိမ်းကတည်းက ဒေါ်အောင်ဆန်းစုကြည်ဟာ နေပြည်တော်မှာ ဖမ်းဆီးခံရပြီး၊ စစ်တပ်က ဒါဇင်နဲ့ချီတဲ့ပုဒ်မတွေတပ်ပြီး ထောင်နှစ်ရှည်ချထားတာပါ။

ပြင်ပကမ္ဘာနဲ့ လေးနှစ်ကျော် အဆက်သွယ်ဖြတ်ခံထားရတဲ့ အသက် ၈၀ပြည့် မွေးနေ့ရှင် သက်ရှည်ကျန်းမာဖို့၊ အချုပ်အနှောင်ကနေ အမြန်ဆုံးလွတ်မြောက်ဖို့ ဆုတောင်းပေးကြသူတွေထဲမှာ တိုင်းရင်းသားလက်နက်ကိုင်တော်လှန်ရေးခေါင်းဆောင်တွေနဲ့ တော်လှန်ရေးအင်အားစုတွေလည်း ပါဝင်ပါတယ်။

ဒီကနေ့ကျရောက်တဲ့ ဒေါ်အောင်ဆန်းစုကြည်မွေးနေ့အတွက် မွေးနေ့ဆုတောင်းပေးတဲ့ တိုင်းရင်းသားလက်နက်ကိုင်ခေါင်းဆောင်တွေထဲက တအာင်းအမျိုးသားလွတ်မြောက်ရေးတပ်မတော် TNLA ရဲ့ အထွေထွေအတွင်းရေးမှူး ဗိုလ်ချုပ်တားဘုန်းကျော်ကတော့ ဒေါ်အောင်ဆန်းစုကြည် လွတ်မြောက်ဖို့နဲ့ စစ်အာဏာရှင်စနစ်ကို ပြောင်းလဲပစ်ဖို့ဟာ လက်ရှိ တော်လှန်ရေးမျိုးဆက်အားလုံးမှာ တာဝန်ရှိတာကြောင့် စုစုစည်းစည်းနဲ့ အားလုံးပါဝင်ကြဖို့ တိုက်တွန်းပါတယ်။

“ဒေါ်အောင်ဆန်းစုကြည်လွတ်မြောက်ဖို့နဲ့ ဗမာပြည် အပြောင်းအလဲက အခု တော်လှန်ရေး မျိုးဆက်အားလုံးရဲ့ ပခုံးပေါ်မှာ တာဝန်ရှိတယ်။ အားလုံး စုစုစည်းစည်း၊ တက်ညီလက်ညီနဲ့ အကုန်ဝိုင်းလုပ်ကြမှ ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားတွေ၊ ဒုက္ခရောက်နေတဲ့ ဗမာပြည်သူအားလုံး လွတ်မြောက်နိုင်မှာ ဖြစ်တယ်။ ဒါကြောင့်မလို့ ဒီထက်ပိုပြီးတော့ စုစည်းမှုတွေ၊ အားတွေပြပြီး အလုပ်လုပ်ဖို့လိုတယ်လို့ ကျွန်တော်တိုက်တွန်းချင်ပါတယ်” လို့ ဗိုလ်ချုပ်တားဘုန်းကျော်က Myanmar Now ကို ပြောပါတယ်။

ဒေါ်အောင်ဆန်းစုကြည်ရဲ့ မွေးနေ့လှုပ်ရှားမှုတွေမှာပါဝင်ရင် ဖမ်းဆီးမယ်ဆိုပြီး စစ်ကောင်စီထောက်ခံသူတွေက မွေးနေ့မတိုင်ခင်ကတည်းက ကြိုတင်လှုံ့ဆော်ထားပါတယ်။ ဇွန်လ ၁၉ရက်နေ့မှာ ပန်းပန်သူတွေ၊ အင်္ကျီအပြာဝတ်သူတွေ ထောင်ထမင်းစားရမယ်ဆိုပြီး စစ်ကောင်စီအတွက် ဝါဒဖြန့်ပေးနေသူတွေက ခြိမ်းခြောက်ထားတာပါ။

ရန်ကုန်မြို့မှာဆိုရင်လည်း ဒီကနေ့မှာ စစ်တပ်က လုံခြုံရေးတင်းကျပ်ထားပြီး ကင်းလှည့်နေတယ်လို့ မြို့ခံတွေဆီကနေ သိရပါတယ်။ ဒီလို ခြိမ်းခြောက်မှုတွေကြားကနေ ရန်ကုန်၊ မန္တလေး၊ ပြင်ဦးလွင်လို စစ်တပ်ထိန်းချုပ်ထားတဲ့ မြို့ကြီးတွေကအစ ဒေါ်အောင်ဆန်းစုကြည်မွေးနေ့အတွက် ပုံစံမျိုးစုံနဲ့ လှုပ်ရှားမှုတွေ ပြုလုပ်ပေးကြတာကိုလည်း တွေ့ရပါတယ်။

ဒီမိုကရေစီရေးအတွက် နှစ်ပေါင်းများစွာ အနစ်နာခံခဲ့တဲ့ လူထုခေါင်းဆောင် ဒေါ်အောင်ဆန်းစုကြည် အချုပ်အနှောင်ကနေ အမြန်ဆုံးလွတ်မြောက်ပြီး ပျော်ရွှင်တဲ့ဘဝတစ်ခုကို အမြန်ဆုံးဖြတ်သန်းနိုင်ပါစေလို့ ကရင်နီအမျိုးသားတိုးတက်ရေးပါတီ KNPP ရဲ့ အတွင်းရေးမှူး ဦးအောင်ဆန်းမြင့်က မွေးနေ့ဆုတောင်းစကား ပြောပါတယ်။

စစ်အာဏာရှင်ပြုတ်ကျမှသာ လူထုခေါင်းဆောင်ဒေါ်အောင်ဆန်းစုကြည် လွတ်မြောက်နိုင်မှာ ဖြစ်တာကြောင့် အာဏာသိမ်းစစ်ကောင်စီပြုတ်ကျရေးနဲ့ ဒေါ်အောင်ဆန်းစုကြည်လွတ်မြောက်ရေးဟာ ဆက်နွယ်နေတယ်လို့ ဦးအောင်ဆန်းမြင့်က ဆိုပါတယ်။

“ဒေါ်အောင်ဆန်းစုကြည်ကတော့ ဘယ်တုန်းကမှ လက်နက်ကိုင်တော်လှန်ရေးကို အားမပေးခဲ့ဘူး။ နိုင်ငံရေးပြဿနာကို နိုင်ငံရေးနည်းနဲ့ပဲဖြေရှင်းမယ်ဆိုတဲ့ သူ့ရဲ့ယုံကြည်ချက်ရှိတယ်။ သို့ပေမယ့်လည်း နှစ်ပေါင်း ၇၀ကျော်ပေါ့၊ ဒေါ်အောင်ဆန်းစုကြည် တစ်သက်မှာပေါ့ ကျွန်တော်တို့ တိုင်းရင်းသားခေါင်းဆောင်တွေအနေနဲ့ နိုင်ငံရေးပြဿနာကို နိုင်ငံရေးနည်းနဲ့ စားပွဲပေါ်မှာတင်ပြီးတော့ ဖြေရှင်းခဲ့တာ အများကြီးရှိပါတယ်။ ကျွန်တော်မီသလောက်ဆိုရင် ၁၉၆၃၊ နောက်ပိုင်း ၁၉၉၄၊ ၉၅၊ နောက်ပြီးတော့ ၂၀၀၇၊ ၂၀၀၈၊ ၂၀၁၀၊ နောက်ပြီးတော့ ၂၀၁၂ကနေ ၂၀၂၀လောက်အထိကို ကြိုးပမ်းခဲ့ပါတယ်။ ဒါပေမယ့် တစ်ကယ့်နိုင်ငံရေးပြဿနာရဲ့ အရင်းအမြစ်ကို အဖြေမရှာဘဲနဲ့ စစ်တပ်ရဲ့အာဏာတည်မြဲရေးကိုသာ တွန်းလုပ်ခဲ့တဲ့ နိုင်ငံရေးအခင်းအကျင်းတွေကို တွေ့ရတယ်။
အဲ့အတွက်ကြောင့် ဒေါ်အောင်ဆန်းစုကြည်လွတ်မြောက်ရေးကတော့ ကျွန်တော်တို့ ရှင်းရှင်းပြောရရင်တော့ မြန်မာ့နိုင်ငံရေး အပြောင်းအလဲတင်မကဘူး။ စစ်အာဏာရှင်ပြုတ်ကျရေးအတွက်ကို ကျွန်တော်တို့ လုပ်နိုင်မှပဲ လူထုခေါင်းဆောင်က ပြန်လည်လွတ်မြောက်နိုင်မယ်လို့ ထင်တယ်။ အခုလောလောဆယ်ကတော့ သူတို့အနေနဲ့ကတော့ ဘယ်လိုပဲဖြစ်ဖြစ် ဒေါ်အောင်ဆန်းစုကြည်က ဒီနေ့နိုင်ငံရေးအခင်းအကျင်းနဲ့ လိုက်မီသည်ဖြစ်စေ၊ မလိုက်မီသည်ဖြစ်စေ လူထုရဲ့ယုံကြည်မှုက သူ့ဆီမှာ အများကြီးရှိတဲ့အတွက် ဒါကို စစ်ကောင်စီက ကြောက်နေတာ ဖြစ်တယ်လေ။ အဲ့အတွက်ကြောင့် ကျွန်တော်တို့က စစ်ကောင်စီပြုတ်ကျရေးက အဓိကပဲ။ ဒေါ်အောင်ဆန်းစုကြည်လွတ်မြောက်ရေးကလည်း ဒါနဲ့ဆက်နွယ်နေတယ်။ ကျွန်တော်ကတော့ အဲ့လိုပဲ သုံးသပ်ပါတယ်”

စစ်ကောင်စီကို လက်နက်ကိုင်တော်လှန်နေတဲ့ တပ်ဖွဲ့တွေထဲ ဗမာပြည်ကွန်မြူနစ်ပါတီရဲ့ တပ်တစ်ခုဖြစ်တဲ့ ပြည်သူ့လွတ်မြောက်ရေးတပ်မတော် PLA ကတော့ ဒီကနေ့ ကျရောက်တဲ့ ဒေါ်အောင်ဆန်းစုကြည်အတွက် မွေးနေ့လက်ဆောင်အနေနဲ့ စစ်ကိုင်းတိုင်း၊ ပုလဲမြို့နယ်ထဲက ကန့်ဒေါင့်ရွာရဲစခန်းကို အပြီးသတ်သိမ်းပိုက်ခဲ့တယ်လို့ PLA တပ် ပြောခွင့်ရသူက Myanmar Now ကို ခုလိုပြောပါတယ်။

“ဗိုလ်ချုပ်အောင်ဆန်းရဲ့ အတွေးအခေါ်နဲ့ ကွန်မြူနစ်တွေနဲ့ စုစည်းထားတဲ့တပ်ကလည်း ကျွန်မတို့ PLA ကလည်း ဒီနေ့ သူ့(ဒေါ်အောင်ဆန်းစုကြည်) ရဲ့ ၈၀နှစ်မြောက်မွေးနေ့မှာ ကန့်ဒေါင့်ရဲစခန်းကို အောင်မြင်အောင်သိမ်းပိုက်နိုင်ခဲ့တဲ့တိုက်ပွဲနဲ့ သူ့ရဲ့မွေးနေ့ကို လက်ဆောင်ပေးလိုက်ပါတယ်လို့။
သူ့ဖေဖေရဲ့တပ်ပေါ့နော်။ PLA ဆိုတာလည်း ဗိုလ်ချုပ်အောင်ဆန်းရဲ့ သားသမီးမြေးမြစ်တွေနဲ့ တည်ဆောက်ထားတဲ့တပ်ပါပဲ။ တိုက်တိုက်ဆိုင်ဆိုင်ပဲ ဒီနေ့ကျွန်မတို့ ပုလဲမြို့နယ်၊ ကန့်ဒေါင့်ရဲစခန်းကို အောင်မြင်အောင် သိမ်းပိုက်နိုင်ခဲ့တယ်”

ကချင်လွတ်လပ်ရေးတပ်မတော် KIA ရဲ့ ပြောခွင့်ရ ဗိုလ်မှူးကြီးနော်ဘူကလည်း “ဒေါ်အောင်ဆန်းစုကြည်လည်း အခုအချိန်မှာ အကျဉ်းထောင်ထဲမှာ နေရတဲ့ဘဝဆိုတော့ ကျွန်တော်တို့ ပြည်သူလူထုအားလုံးအနေနဲ့လည်း သူ့ရဲ့ကျန်းမာရေးအတွက်တော့ ကျွန်တော်တို့ ဆုတောင်းနေပါတယ်။ ကျန်းကျန်းမာမာ သက်ဆိုင်ရာ သူနဲ့ဆိုင်တဲ့ လုပ်ငန်းတွေကိုလည်း လုပ်ကိုင်နိုင်ပါစေလို့ ကျန်းမာပါစေလို့ ဆုတောင်းပါတယ်” လို့ ပြောပါတယ်။

ဒေါ်အောင်ဆန်းစုကြည် အပါအဝင် မတရားဖမ်းဆီးခံထားရသူတွေကို ချက်ချင်းလွှတ်ပေးဖို့ အမေရိကန်၊ ဗြိတိန်နဲ့ အီးယူအပါအဝင် နိုင်ငံတကာသံရုံးတချို့ကလည်း ဒီကနေ့မှာ ကြေငြာချက်တွေ အသီးသီးထုတ်ပြန်ထားကြပါတယ်။

ဒေါ်အောင်ဆန်းစုကြည်ရဲ့ အချုပ်အနှောင်ကနေ အမြန်ဆုံးလွတ်မြောက်ပြီး တိုင်းပြည်တာဝန်တွေကို ဆက်လက်ထမ်းရွက်နိုင်ပါစေလို့ ကရင်အမျိုးသားအစည်းအရုံး KNU ပြောခွင့်ရ ပဒိုစောတောနီးကလည်း အခုလို ဆုတောင်းပေးပါတယ်။

“ဒေါ်အောင်ဆန်းစုကြည်ရဲ့ အသက် ၈၀ပြည့်မွေးနေ့မှာ ကျန်းကျန်းမာမာနဲ့ အမြန်ဆုံးပြန်လည်လွတ်မြောက်နိုင်ပါစေလို့ ဆုတောင်းပါတယ်။ အဲ့ဒါအပြင် တိုင်းပြည်ရဲ့ တာဝန်ကိုလည်း ဒီထက်ပိုပြီးတော့ ထမ်းရွက်နိုင်ပါစေလို့ ဆုမွန်ကောင်းတောင်းပါတယ်”

မတ်လ ၂၈ရက်နေ့က လှုပ်ခတ်ခဲ့တဲ့ ပြင်းထန်တဲ့ စစ်ကိုင်းငလျင်ကြောင့် ဒေါ်အောင်ဆန်းစုကြည်ရဲ့ ဘယ်ဘက်လက်မောင်း ဒဏ်ရာရခဲ့တယ်လို့ စုဖောင်ဒေးရှင်းက ထုတ်ပြန်ထားပါတယ်။ စစ်ကောင်စီကတော့ ဒေါ်အောင်ဆန်းစုကြည်နဲ့ပတ်သက်လို့ တစ်စုံတစ်ရာထုတ်ပြန်တာမျိုးမရှိဘဲ သတင်းအမှောင်ချထားပါတယ်။

မြန်မာပြည်သူအများစုက ‘အမေစု’ လို့ခေါ်ကြတဲ့ ဒေါ်အောင်ဆန်းစုကြည်ကတော့ အသက် ၈၀အရွယ်တိုင်အောင် စစ်အာဏာရှင်စနစ်ဆန့်ကျင်ရေးကို ပြည်သူတွေနဲ့အတူ ဆက်လက်တိုက်ပွဲဝင်နေပါတယ်။

ကျော်ဇင်ဝင်း၊ စထွန်းအောင်/ Myanmar Now

https://m.youtube.com/watch?v=t1fiXe6xYDs

19/06/2025

19/06/2025

ပုလဲနယ် ကန့်ဒေါင့်ရဲစခန်းကို တော်လှန်ရေးတပ်များ သိမ်းပိုက်

ဧရာဝတီ၊ ဇွန် ၁၉၊ ၂၀၂၅

စစ်ကိုင်းတိုင်း၊ ယင်းမာပင်ခရိုင်၊ ပုလဲမြို့နယ်၊ ကန့်ဒေါင့်ကျေးရွာရှိ နယ်မြေရဲစခန်းကို တော်လှန်ရေးပူးပေါင်းတပ်ဖွဲ့များက ယနေ့ နံနက် ၆ နာရီ ၄၀ မိနစ်တွင် အပြီးသတ် တိုက်ခိုက်သိမ်းပိုက်နိုင်ပြီဖြစ်ကြောင်း ပြည်သူ့လွတ်မြောက်ရေးတပ်မတော် (People's Liberation Army-PLA)က ထုတ်ပြန်သည်။

မြေပြင်စစ်ရေးသတင်းရင်းမြစ်တဦးကလည်း “ကန့်ဒေါင့်ရဲစခန်း အပြီးသတ်သိမ်းနိုင်ခဲ့တာမှန်ပါတယ်။ ၁၀ ဧကကျော် ကျယ်ပြီး ဘန်ကာတွေ၊ ကတုတ်တွေ၊ မိုင်းကွင်းတွေ အထပ်ထပ်ကြား လေယာဉ်ပစ်ကူ လက်နက်ကြီး ပစ်ကူတွေကြားကနေ ခက်ခက်ခဲခဲ သိမ်းပိုက်နိုင်ခဲ့တာမျိုးပါ”ဟု ပြောသည်။

အနောက်မြောက်တိုင်းစစ်ဌာနချုပ် (နမခ) အခြေစိုက်ရာ မုံရွာမြို့နှင့် မိုင် ၃၀ ကျော်သာ ကွာဝေးသည့် ပုလဲမြို့နယ်အတွင်းရှိ ကန့်ဒေါင့်ကျေးရွာ နယ်မြေရဲစခန်းကို ဇွန် ၂ ရက် နံနက် ၄ နာရီခန့်မှ စတင်တိုက်ခိုက်ခဲ့ပြီး ၁၇ ရက်အကြာ၌ အပြီးသတ် သိမ်းပိုက်နိုင်ခဲ့ခြင်း ဖြစ်သည်။

ကန့်ဒေါင့်ကျေးရွာ နယ်မြေရဲစခန်းတွင် ရဲတပ်ဖွဲ့၊ စစ်တပ်၊ ပျူစောထီးပူးပေါင်းအင်အား ၁၀၀ ခန့်ရှိပြီး အခိုင်အမာ တည်ဆောက်ထားသည့် ဘန်ကာများဖြင့် အထိုင်ချတပ်စွဲထားခြင်းဖြစ်ကာ ပုလဲမြို့အနောက်ဘက် ၁၄ မိုင်ခန့်အကွာ ပုလဲ-ဂန့်ဂေါလမ်းပေါ် တည်ရှိ၍ ပုလဲမြို့မှတဆင့် မကွေးတိုင်း မြိုင်မြို့နယ်၊ ဂန့်ဂေါမြို့နယ်များသို့ ဝင်ရောက်နိုင်သဖြင့် လမ်းပန်းဆက်သွယ်ရေးအရ အရေးပါသောနေရာဖြစ်ကြောင်း သိရသည်။

19/06/2025

အမျိုးသားဒီမိုကရေစီအဖွဲ့ချုပ်
ဗဟိုအလုပ်ကော်မတီ
အမှတ်(၉၇/ခ)၊ အနောက်ရွှေဂုံတိုင်လမ်း
ဗဟန်းမြို့နယ်၊ ရန်ကုန်မြို့
[email protected]

ရက်စွဲ - ၂၀၂၅ ခုနှစ်၊ ဇွန်လ (၁၉) ရက်

သတင်းထုတ်ပြန်ချက်အမှတ် (၆/၂၀၂၅)

၁။ ယနေ့ကျရောက်သော အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်၏ နှစ် ၈၀ ပြည့်မွေးနေ့အခမ်းအနားသို့ ဂုဏ်ပြုတက်ရောက်ကြသည့်သံတမန်များ၊ မွေးနေ့ဆုတောင်းစကားများ ဟောပြောချီးမြှင့်ကြသည့် ဘာသာရေးခေါင်းဆောင်များ၊ လူပုဂ္ဂိုလ်များ၊ သဝဏ်လွှာပေးပို့ကြသည့် အဖွဲ့အစည်းများ၊ ဒေါ်အောင်ဆန်းစုကြည်အား လေးစားချစ်ခင်ကြသူများက ကမ္ဘာတစ်လွှားတွင် မွေးနေ့ပွဲများကျင်းပပြီး လွတ်မြောက်ရေးအတွက် ၈ မိနစ်ကြာ အဓိဌာန်ပြု ဆုတောင်းမေတ္တာပေးပို့ ခြင်းနှင့် ဂင်းနစ်စံချိန်တင်နိုင်ရေး ကြိုးပမ်းကြရာတွင် ပူးပေါင်းပါဝင်ကူညီကြသည့် လူပုဂ္ဂိုလ်များ၊ အဖွဲ့အစည်းများနှင့် ပြည်တွင်း၊ ပြည်ပဒေသအနှံ့တွင် မွေးနေ့အမှတ်တရ ကျင်းပကြသူများနှင့် နိုင်ငံရေးအကျဥ်းသားများအတွက် ကူညီထောက်ပံ့ပေးပါသော အလှူရှင်များအားလုံးကို အမျိုးသား ဒီမိုကရေစီအဖွဲ့ချုပ်မှ ကျေးဇူးအထူးတင်ရှိပါကြောင်း မှတ်တမ်းတင်အပ်ပါသည်။

၂။ ဒေါ်အောင်ဆန်းစုကြည်သည် ၁၉၈၈ ခုနှစ် မြန်မာ့ဒီမိုကရေစီရေး၊ အခြေခံလူ့အခွင့်အရေး တို့အတွက် ကြိုးပမ်းစဥ်ကာလတလျှောက်တွင် စစ်အာဏာရှင်တို့၏ ၁၅ နှစ်ကျော်ကာလ အကျဥ်းချ ခံနေခဲ့ရသော်လည်း “နိုင်ငံရေးပြဿနာများကို နိုင်ငံရေးနည်းလမ်းများဖြင့်” သာ ဖြေရှင်းဆောင်ရွက် ခဲ့သူတစ်ဦးဖြစ်ပြီး အမျိုးသားဒီမိုကရေစီအဖွဲ့ချုပ်အနေဖြင့် ထိုနည်းလမ်းအတိုင်း တစိုက်မတ်မတ် ရပ်တည်လျက်ရှိပါသည်။

၃။ စစ်အာဏာရှင်စနစ်ကို ထူထောင်လိုသော အကြမ်းဖက်သမား စစ်ခေါင်းဆောင်များသည် လွတ်လပ်ပြီး သန့်ရှင်းမျှတသော ၂၀၂၀ ရွေးကောက်ပွဲရလဒ်ကို ဖျက်ဆီးပြီး အနိုင်ရပါတီဖြစ်သော အမျိုးသားဒီမိုကရေစီအဖွဲ့ချုပ်ဥက္ကဋ္ဌ၊ လူထုခေါင်းဆောင်ဒေါ်အောင်ဆန်းစုကြည်ကို မတရားဖမ်းဆီး ချုပ်နှောင်ထားသည်မှာ ယနေ့ဆိုလျှင် ၁၅၉၉ ရက်ပြည့်ပြီဖြစ်ပါသည်။

၄။ ဖမ်းဆီးထားစဥ်ကာလအတွင်း မိသားစုနှင့် ထောင်ဝင်စာတွေ့ဆုံခွင့် မရသည်သာမက မည်သည့်နေရာတွင် ချုပ်နှောင်ထားသည်ကို အာဏာသိမ်းစစ်ကောင်စီက ယနေ့တိုင်အသိပေး ထုတ်ပြန်ကြေညာခြင်း မရှိပါသဖြင့် ဒေါ်အောင်ဆန်းစုကြည်၏ ကျန်းမာရေးနှင့်အသက်အန္တရာယ်ကို များစွာစိုးရိမ်ရသည့်အခြေအနေ ဖြစ်နေပါသည်။ ထိုလုပ်ရပ်သည် ‌နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား စစ်ခေါင်းဆောင်မင်းအောင်လှိုင်မှ သူရဲဘောကြောင်စွာ နိုင်ငံရေးဓားစာခံ အဖြစ် ဖမ်းဆီးချုပ်နှောင်ထားသည့်လုပ်ရပ်အဖြစ် ကျွန်ုပ်တို့က ရှုမြင်၊ ရှုတ်ချ သတ်မှတ်ပါသည်။

၅။ စစ်တပ်အာဏာသိမ်းမှုကြောင့် ပေါ်ပေါက်လာသော မြန်မာနိုင်ငံရေးပြဿနာအရပ်ရပ်ကို ပြေလည်စေရေးအတွက် အာဆီယံအပါအဝင် အိမ်နီးချင်းနိုင်ငံများနှင့် မိတ်ဖက်နိုင်ငံများ၏ ကြိုးပမ်း အားထုတ်မှုများကို အသိအမှတ်ပြု ကျေးဇူးတင်ပါသည်။ သို့ရာတွင် ပြဿနာကို လတ်တလော ပြေလည်စေရေးအတွက် မဟုတ်ဘဲ အရင်းအမြစ်ကို သေချာသိရှိရန်လိုပြီး အတုအယောင်ရွေးကောက်ပွဲ အပါအဝင် စစ်အာဏာရှင်စနစ် သက်ဆိုးရှည်ရေးကို အထောက်အကူဖြစ်စေမည့်ကိစ္စရပ်များအား ရှောင်ဖယ်၍ ပြည်သူလူထု၏ဆန္ဒအပေါ် အခြေခံပြီး စဥ်းစားဆောင်ရွက်ကြမှသာ ရေရှည်ခိုင်မာသော တည်ငြိမ်အေးချမ်းမှုကို ရရှိမည် ဖြစ်ပါသည်။

၆။ ယနေ့ထက်တိုင် ပြည်သူလူထုတစ်ရပ်လုံး၏ ချစ်ခင်လေးစားမှု၊ ယုံကြည်အားကိုးမှုတို့ဖြင့် လူထုခေါင်းဆောင်အဖြစ် သတ်မှတ်ခံထားရသူဖြစ်သကဲ့သို့ ၂၀၂၀ ရွေးကောက်ပွဲ အနိုင်ရပါတီ ခေါင်းဆောင်လည်းဖြစ်သော နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် မြန်မာ့ အရေးပြဿနာများ ပြေလည်ရန် ဖြေရှင်းရာတွင် ချန်လှပ်ထားမရသော အရေးပါဆုံးပုဂ္ဂိုလ်ဖြစ်သည်ဟု မိမိတို့ အမျိုးသားဒီမိုကရေစီအဖွဲ့ချုပ်မှ အခိုင်အမာယုံကြည်ပါသည်။

၇။ သို့ဖြစ်ပါ၍ ထိုအချိန်က တည်ဆဲဥပဒေများကို ချိုးဖောက်ပြီး စစ်တပ်၏ မတရားအာဏာ သိမ်းမှုကြောင့် ပေါ်ပေါက်လာသောမြန်မာ့နိုင်ငံရေးပြဿနာများကို ဖြေရှင်းရာတွင် ဒေါ်အောင်ဆန်း စုကြည်နှင့် တွေ့ဆုံဆွေးနွေးမှုမပါဘဲ ပြေလည်ရေးလမ်းစ မရရှိနိုင်ဟု ယုံကြည်ပါသဖြင့် ဒေါ်အောင်ဆန်းစုကြည်နှင့် နိုင်ငံရေးအကျဥ်းသားများအားလုံး ခြွင်းချက်မရှိ အမြန်ဆုံးလွတ်မြောက် နိုင်ရေးအတွက် မိတ်ဆွေနိုင်ငံများ၊ ပြည်တွင်း၊ ပြည်ပမိတ်ဖက်အင်အားစုများက ဆက်လက် ကြိုးပမ်းအားထုတ်ပေးပါရန်နှင့် မိမိတို့ အမျိုးသားဒီမိုကရေစီအဖွဲ့ချုပ်သည်လည်း အားလုံးနှင့်အတူ ထိရောက်သွေးစည်းစွာ ပူးပေါင်းဆောင်ရွက်သွားမည်ဖြစ်ကြောင်း ထုတ်ပြန်ကြေညာအပ်ပါသည်။


ဗဟိုအလုပ်ကော်မတီ
အမျိုးသားဒီမိုကရေစီအဖွဲ့ချုပ်