09/10/2025
Well Done! CR7
Our Billionaire
👏👏👏
ဘောလုံးလောကရဲ့ ပထမဆုံး ဘီလီယံနာတစ်ဦးဖြစ်လာခဲ့တဲ့ CRISTIANO RONALDO!!!
Cristiano Ronaldo ရဲ့ ဘောလုံးကစားသမားဘဝ အောင်မြင်မှုလမ်းစတွေဟာ မန်ချက်စတာယူနိုက်တက်အသင်းနဲ့အတူစတင်ခဲ့ပြီး အင်္ဂလန်မြေကနေတစ်ဆင့် စံချိန်တင်ပြောင်းရွှေ့ကြေးအတူ စပိန်ကလပ် ရီးရဲမက်ထရစ်အသင်းဆီပြောင်းရွှေ့သွားခဲ့ပြီး သူ့ရဲ့ ဘောလုံးသမိုင်းကြောင်းကို ရေးထိုးနိုင်မယ့် သွင်းဂိုးများစွာကို သွင်းယူနိုင်ခဲ့သည်။
ဆယ်စုနှစ် ၂ ခုစာလောက်ကြာအောင် ဥရောပရဲ့ ထိပ်တန်းအသင်းတွေမှာ ကစားခဲ့တဲ့ အသက် ၄၀ အရွယ် ပေါ်တူဂီသားကြီးဟာ နာမည်ကြီးအမှတ်တံဆိပ်တွေဖြစ်သည့် NIKE, ARMANI တို့ကဲ့သို့သော ကုပဏ္ဏီတွေဆီကနေလည်း ဝင်ငွေများစွာလည်းရရှိခဲ့သည်။
ပြီးခဲ့တဲ့ ဇွန်လအတွင်းက လက်ရှိကစားနေတဲ့ Al-Nassar အသင်းနဲ့အတူ ဒေါ်လာသန်း ၄၀၀ ကျော်တန်ကြေးရှိသည့် စာချုပ်သက်တမ်းတိုးချုပ်ဆိုခဲ့ပြီးနောက် အားကစားလောကအတွင်း အချမ်းသာဆုံးသူ အဖြစ်မှတ်တမ်းဝင်ဖို့ဖြစ်လာခဲ့သည်။
Bloomberg Billionaires Index ရဲ့ ထုတ်ပြန်ချက်အရ Cristiano Ronaldo ရဲ့ ယခုလက်ရှိအသားတင်ကြွယ်ဝမှု Net Worth သည် အမေရိကန်ဒေါ်လာ ၁.၄ ဘီလီယံအထိရှိလာခဲ့ပြီဖြစ်သည်။ ယခုကဲ့သို့ ဘီလီယံနာဖြစ်လာဖို့ အစပြုမှုသည် ၂၀၂၃ ခုနှစ်က မန်ချက်စတာယူနိုက်တက်အသင်းကနေ ဆော်ဒီကလပ် အယ်လ်နာဆာအသင်းထံပြောင်းရွှေ့မှုဖြစ်ခဲ့သည်။
ဥရောပတစ်ခွင်မှာ အရာအားလုံးကို အနိုင်ယူနိုင်ခဲ့သည့် Cristiano Ronaldo တစ်ယောက် အရှေ့အလယ်ပိုင်း ဆော်လ်ဒီကို ပြောင်းရွှေ့သွားခဲ့ပြီးနောက် များစွာသော လုပ်ခလစာနဲ့အတူ အကျိုးခံစားခွင့်တွေပါဝင်သည့် စာချုပ်တွေကို ချုပ်ဆိုနိုင်ခဲ့သည်။
ယခုလက်ရှိ Cristiano Ronaldo ရဲ့ငွေကြေးပိုင်ဆိုင်ရာကို စီမံခန့်ခွဲပေးနေသူမှာ Lisbon အခြေစိုက် LMcapital Wealth Management မှ Miguel Marques ဖြစ်သည်။ သို့ပေမယ့် ၎င်းစီမံခန့်ခွဲနေရသော Cristiano Ronaldo ရဲ့ပိုင်ဆိုင်မှု ကန်ဒေါ်လာ ၁.၄ ဘီလီယံနဲ့ပက်သက်ပြီး မှတ်ချက်ပေးဖို့ ငြင်းဆိုခဲ့သည်။
Madeira ဆိုတဲ့ ပေါ်တူဂီနိုင်ငံရဲ့ ကျွန်းငယ်ကလေးမှာ ဆင်းဆင်းရဲရဲနဲ့ ကြီးပြင်းလာခဲ့တဲ့ Cristiano Ronaldo ဟာ အသက် ၁၄ နှစ်အရွယ်မှာပဲ ကျောင်းပညာရေးကနေထွက်ပြီး ဘောလုံးလောကထဲကို ဝင်ရောက်နိုင်ဖို့ Lisbon ဆိုတဲ့မြို့ကို ပြောင်းရွှေ့သွားခဲ့ပြီးနောက် Sporting CP အသင်းမှာ ဘောလုံးသမားဘဝကို စတင်ကာ သိပ်မကြာခင်မှာခင် နှစ်အပိုင်းခြားတစ်ခုဖြစ်တဲ့ ၂၀၀၃ ခုနှစ်မှာ Sir Alex Ferguson ရဲ့ ခေါ်ယူမှုကြောင့် အင်္ဂလန်နိုင်ငံရဲ့ အကြီးကျယ်ဆုံးအသင်းဖြစ်တဲ့ မန်ချက်စတာယူနိုက်တက်အသင်းဆီပြောင်းရွှေ့ခွင့်ရခဲ့ပါတယ်။ ယင်းအချိန်မှာ Cristiano Ronaldo ရဲ့အသက်ဟာ ၁၇ နှစ်သာရှိသေးသည်။ ယခုအချိန်မှာ Cristiano Ronaldo ဟာ ၎င်းရဲ့ မွေးရပ်မြေ Madeira မှာ the Cristiano Ronaldo International Airport , Museum CR7 , Hotel Pestana CR7 တို့ကို ဖွင့်လှစ်ထားနိုင်ခဲ့ပြီဖြစ်သည်။
Cristiano Ronaldo သည် Professional ဘောလုံးသမားဘဝစတင်ခဲ့တဲ့ ၂၀၀၃ ခုနှစ်ကနေ ဥရောပမှာ နောက်ဆုံးကစားခဲ့တဲ့ ၂၀၂၃ ခုနှစ်အတွင်း ဘောလုံးလစာငွေ အမေရိကန်ဒေါ်လာ သန်း ၅၅၀ ကျော်ကို ရှာဖွေထားနိုင်ခဲ့သည်။ ဒါ့အပြင် ဆယ်စုနှစ်တစ်ခုစာအတွင်း NIKE နဲ့စာချုပ်မှ နှစ်စဉ် ဒေါ်လာ ၁၈ သန်းကိုရရှိခဲ့ပြီး နာမည်ကြီး Brand ဖြစ်တဲ့ Armani, Castrol တို့ဆီမှလည်း ဒေါ်လာ ၁၇၅ သန်းကိုရရှိခဲ့သည်။ ယင်းဝင်ငွေအားလုံးကို ၎င်းရဲ့ အသားတင်ပိုင်ဆိုင်မှုထဲသို့ပေါင်းထည့်နိုင်ခဲ့သည်။ နောက်ထပ်အကြီးမားဆုံးဝင်ငွေကတော့ ၂၀၂၃ ခုနှစ်မှာ မန်ချက်စတာယူနိုက်တက်အသင်းကနေ အလွတ်ပြောင်းရွှေ့ကြေးဖြင့် ဆော်လ်ဒီကလပ် Al-Nassr အသင်းဆီပြောင်းရွှေ့သွားခဲ့ပြီး လက်မှတ်ထိုးကြေး ဒေါ်လာ သန်း ၃၀ အပါဝင် အခြားအကျိုးခံစားခွင့်များနဲ့ အတူ ဝင်ငွေခွန်အလွတ် လုပ်ခလစာ တစ်နှစ် ဒေါ်လာ သန်း ၂၀၀ ဖြင့်စာချုပ်ချုပ်ဆိုနိုင်ခဲ့သည်။
Cristiano Ronaldo ဟာ ယနေ့ခေတ်ရဲ့ တစ်ကမ္ဘာလုံးအတိုင်းအတာအားဖြင့် Social Media မှာလည်း ရေပန်းအစားဆုံးသူတစ်ယောက်ဖြစ်ပြီး Instagram မှာ Follower သန်း ၆၆၀ ကျော်ဖြင့် ကမ္ဘာပေါ်မှာ Follower အများဆုံးသူအဖြစ်ရပ်တည်နေသည်။ ဒါ့အပြင် ကမ္ဘာပေါ်ရှိ ဇိမ်ခံပစ္စည်းများဖြစ်သည့် ကိုယ်ပိုင်ဂျက်လေယာဉ်၊ ရွက်လှေ၊ ပြိုင်ကား၊ နာရီ အစရှိသည့် Limitted Edittion ဖြင့်သာ ထုတ်လုပ်သည့် Luxury Branded အားလုံးကိုတစ်ဦးတည်းပိုင်ဆိုင်ထားသည်။ အရာအားလုံးရဲ့နောက်ဆုံးမှာတော့ Cristiano Ronaldo တစ်ယောက် ဘောလုံးလောကရဲ့ ဘီလီယံနာတစ်ဦးအဖြစ် မှတ်တမ်းရေးထိုးနိုင်ခဲ့ပါပြီ။
WELL DONE ! CR7 👏👏👏
(Bloomberg မှဖော်ပြချက်များကိုကောက်နုတ်ရေးသားထားခြင်းဖြစ်သည်)
