Mogok Media

04/07/2025

🚨🚨🚨 Attention 🚨🚨🚨
ကလေးပျောက်နေလို့ပါရှင့်
နာမည်က သုတအောင်ပါ
အသက်က 12နှစ်ပါရှင့်
မနေ့က
နေ့လည်2:30ဝန်းကျင်လောက်ထဲကနေ
ပျောက်သွားတာရှင့်
ယနေ့မနက်ထိပြန်မရောက်သေးပါဘူးရှင့်
တွေ့ရင်ခေါ်ထားပေးကျပါရှင့်
မိသားစုအားလုံးစိတ်ပူနေပါတယ်ရှင့်
နေရပ်ကစစ်တန်းပါရှင့်
(ပုံကဒါပဲရှိပါရှင့် အပြင်မှာအရက်ရှည်ပါတယ်ရှင့် လူလဲထွားပါတယ်ရှင့်)

Edit - ကလေးပြန်တွေ့ပါပြီနော်

25/06/2025

အရှေ့ပိုင်းဘယ်နားလဲ💣
သိတဲ့သူများဖြေပေးကြပါ

13/06/2025

မင်းကုန်းလေးရွာမှာ
ကားအစီးရေ ၃၀၀ကျော်
လမ်းပိတ်

07/06/2025

မြစ်ရေတိုးလို့
ဇက်တွေက ကမ်းကပ်မရတဲ့အတွက်
မန်းလေး-မိုးကုတ်
သွားမရသေးပါ
7.6.25

05/06/2025

မန်းလေးမှာ စစ်ရှောင်ရင်း
အလုပ်လုပ်‌နေတာပါ
ကလေးလည်းရှိပါတယ်
ခု ခြေထောက်ကျိုးသွားလို့
အလုပ်မဆင်းနိုင် သေးပါဘူး
မိုးကုတ်ပြန်လာဖို့ လမ်းစရိတ်နဲ့
ကလေးကျောင်းစရိတ်
စုထားတာတွလည်း
ကုန်သွားလို့
Mogok Media ကို
အကူညီတာင်းပြီး post တင်ခိုင်းထားပါတယ်
တတ်နိုင်သလောက်လး ကူညီပေးကြပါ
မန်းလေးမှာလည်း အဆင်မပြေပါဘူး
အဓိကက
မိုးကုတ်ကိုပြန်လာချင်တာပါ
ခြေထောက်ကျိုးသွားတော့
ဘာမှအဆင်မပြေတော့လို့ပါ
ထမင်းက အဆောင်ပိုင်ရှင်ကကူညီပြီး
ကျွေးပေးထားပါတယ်
တကယ်အဆင်မပြေတော့လို့
အကူညီတောင်းရတာပါ

MOGOK MEDIA က
သေချာစစ်ဆေးပြီးမှ Post တင်ပေးတာဖြစ်ပါတယ်
အလိမ်မဟုတ်လို့
တတ်နိုက်သလောက် လေး
ကူညီပေးလိုက်ကြပါ
တို့ မြို့သူတွေစည်းလုံးပါတယ်

ကာယကံရှင် Kpay တိုက်ရိုက်ကို
လှူချင်တဲ့အလှူရှင်များ
Page messenger မှာ လာယူပေးပါ
တတ်နိုင်သလောက်လေးနဲ့
စုပေါင်း ကူညီပေးလိုက်ကြပါ

31/05/2025

လကုန်ပြီဆိုတော့

လစာမျှော်နေသူ၃ယောက်အကြည့်ဆုံ🥲

27/05/2025

မိုးကုတ်တွင် ကိုဗစ်ကူးစက်ခံရသူ တွေ့
မေ ၂၇

TNLA ထိန်းချုပ်ထားသည့် မန္တလေးတိုင်း၊ မိုးကုတ်မြို့တွင် တကျော့ပြန်ဖြစ်ပွားနေသည့် ကိုဗစ်ရောဂါပိုးကူးစက်ခံရသူတစ်ဦး မေလ ၂၇ ရက်တွင် တွေ့ရှိကြောင်း သိရသည်။

ကိုဗစ်ကူးစက်ခံရသည့် ရောဂါလက္ခဏာများ ရှိနေသည့်အတွက် ကိုဗစ်ရောဂါစစ်ဆေးသည့်ကိရိယာ - Covid Testkit ဖြင့် အရပ်ဘက်ဆေးခန်းတွင် စစ်ဆေးရာ ၂ ဦးအနက် တစ်ဦးတွင် ကူးစက်ခံထားရသည်ဟု အဖြေထွက်ကြောင်း၊ မေလ ၂၆ ရက်၊ ညပိုင်းမှ Covid Testkit ရရှိသည့်အတွက် ယနေ့ မေလ ၂၇ ရက်နေ့တွင် စစ်ဆေးခဲ့ခြင်းဖြစ်ကြောင်း ကိုယ်တိုင်စစ်ဆေးခဲ့သည့် ဆရာဝန် ဦးမောင်မောင်အေးကပြောသည်။

"နှာမွှန်၊ ချောင်းဆိုး၊ လည်ချောင်းနာ။ ၃ မျိုးထဲကတစ်ခုခု ရှိတယ်၊ ဖျားတယ်ဆို စစ်ဖို့တိုက်တွန်းတယ်။ ခွင့်ပြုမှစစ်တယ်” ဟု ၎င်းကဆိုသည်။

ရောဂါပိုးတွေ့ရှိသူမှာ အသက် ၃၇ နှစ် အရွယ်အမျိုးသမီးဖြစ်ပြီး မန္တလေးမြို့မှ ရောက်ရှိလာခြင်းဖြစ်သည့်အတွက် မန္တလေးမြို့တွင် ကူးစက်ခဲ့သည်ဟု ယူဆရကြောင်း ဒေါက်တာဦးမောင်မောင်အေးက ရှင်းပြသည်။

ကိုဗစ်ရောဂါပိုးစစ်ဆေးပေးခြင်းကို ဒေါက်တာဦးမောင်မောင်အေး၏ ကိုယ်ထူကိုယ်ထ ဆေးခန်းဝန်ဆောင်မှု(GP) အစီအစဥ်ဖြင့် ဆောင်ရွက်နေခြင်းဖြစ်ကြောင်း သိရသည်။

လက်ရှိတွင် မိုးကုတ်မြို့၌ TNLA ၏ ကျန်းမာရေးဌာနမှာ ကျန်းမာရေး​စောင့်ရှောက်မှု ဆောင်ရွက်နေပြီး ကိုဗစ်ရောဂါစစ်ဆေးပေးခြင်း ရှိ၊ မရှိ သိရရန် ပြန်ကြားရေးတာဝန်ရှိသူကို မဲခေါင်က ဆက်သွယ်နေမေးမြန်းထားသော်လည်း အကြောင်းပြန်ခြင်း မရှိသေးပေ။

စစ်ကောင်စီထိန်းချုပ်ရာနေရာများတွင် ပြီးခဲ့သည့် ဧပြီလ ၂၇ ရက်နေ့မှ မေလ ၄ ရက်နေ့အထိ လူပေါင်း ၂၆၂၄ ဦးကို စစ်ဆေးရာတွင် မေလ ၅ ရက် စာရင်းအရ တစ်ဦး၊ မေလ ၁၁ ရက်နေ့မှ မေလ ၁၈ ရက်နေ့အထိ လူပေါင်း ၂၆၄၁ ဦးကို စစ်ဆေးရာတွင် မေလ ၁၉ ရက်နေ့ စာရင်းအရတစ်ဦး၊ စုစုပေါင်း ၂ ဦး ပိုးတွေ့ကြောင်း COVID-19 ရောဂါ စောင့်ကြပ်ကြည့်ရှုမှုနှင့် ပတ်သက်ပြီး စစ်ကောင်စီ ဗဟိုကူးစက်ရောဂါ တိုက်ဖျက်ရေးဌာနက သတင်းထုတ်ပြန်ထားသည်။

အာဆီယံနှင့် အာရှနိုင်ငံများတွင် ကိုဗစ်ကူးစက်မှုပြန်လည် မြင့်တက်နေပြီး ယခုနှစ် ဇန်နဝါရီလ ၁ ရက်နေ့မှ မေလ ၂၆ ရက်နေ့အထိ ထိုင်းနိုင်ငံတွင်းကိုဗစ်ရောဂါကူးစက်ခံရသူ ၁၈၆,၉၉၅ ဦးရှိကာ သေဆုံးသူ ၄၆ ဦးအထိရှိလာကြောင်း ထိုင်းနိုင်ငံအခြေစိုက်သတင်းဌာနများက ဖော်ပြနေကြသည်။

ဂနိုက်
#မိုးကုတ်
#ကိုဗစ်၁၉

20/05/2025

မိုင်းလုံမြို့ထဲရှိ တရုတ်ကုမ္ပဏီပိုင် သတ္တုတွင်းကို စစ်ကောင်စီဗုံးကြဲတိုက်ခိုက်ခဲ့မှုမှာ ယွမ်ငွေ ၁၇ သိန်းနီးပါး ဆုံးရှုံး
မေလ ၂၀ ရက်

ရှမ်းမြောက် ကျောက်မဲမြို့နယ် မိုင်းလုံမြို့ ပန်ဝိုးကျေးရွာအုပ်စုထဲမှာရှိတဲ့ တရုတ်ကုမ္ပဏီပိုင် သတ္တုတွင်းကို စစ်ကောင်စီဗုံးကြဲတိုက်ခိုက်ခဲ့ရာ ယွမ်ငွေ ၁၇ သိန်းနီးပါး ဆုံးရှုံးခဲ့တယ်လို့ စုံစမ်းသိရှိရပါတယ်။

ပြီးခဲ့တဲ့ မေလ ၁၁ ရက် ည ၁၂ နာရီခွဲမှာ ပန်ဝိုးကျေးရွာအုပ်စုထဲမှာရှိတဲ့ တရုတ်နိုင်ငံပိုင် သတ္တုတွင်းကို စစ်ကောင်စီက ဂျက်လေယာဥ်နဲ့ ပေါင် ၅၀၀ ဗုံး ၂ လုံး ကြဲချတိုက်ခိုက်ခဲ့တာ ဖြစ်ပါတယ်။

စစ်ကောင်စီရဲ့ ဗုံးကြဲတိုက်ခိုက်မှုကြောင့် စက်ရုံထဲမှာရှိတဲ့ ဘိုဒိုဇာအပါအဝင် ကုမ္ပဏီအတွင်းရှိ ပစ္စည်းတွေ မီးလောင်ပျက်စီးခဲ့ပြီး ခန့်မှန်းတန်ဖိုး တရုတ်ငွေယွမ် ၁၇ သိန်းနီးပါး (သိန်း ၁ သောင်းဝန်းကျင်) ဆုံးရှုံးခဲ့တယ်လို့ ဒီဖြစ်ကို သိရှိထားတဲ့ သတင်းအရင်းအမြစ်တစ်ဦးက ပြောပါတယ်။

"တရုတ်တွေ လာလုပ်တာပေါ့။ သတ္တုက စထုတ်နေတုန်းပဲ ရှိသေးတာ။ ပို့တော့ မပို့ရသေးဘူး။ စစ်ကောင်စီက ပေါင် ၅၀၀ ဗုံး ၂ လုံးနဲ့ လာကြဲသွားတာ" လို့ သတင်းအရင်းအမြစ်တစ်ဦးက ရွှေဖီမြေကို ပြောပါတယ်။

စက်ရုံထဲ နေထိုင်သူတွေက တိမ်းရှောင်နိုင်တာကြောင့် စစ်ကောင်စီရဲ့ ဗုံးကြဲတိုက်ခိုက်မှုအတွင်းမှာတော့ လူထိခိုက်သေဆုံးတာ မရှိဘူးလို့ သိရပါတယ်။

မိုင်းလုံမြို့ဟာ တအာင်းတပ်မတော် PSLF/TNLA ထိန်းချုပ်ထားတဲ့ နေရာဖြစ်ပြီး အခု တရုတ်ကုမ္ပဏီ ဗုံးကြဲတိုက်ခိုက်ခံရတာနဲ့ ပတ်သက်ပြီး တအာင်းတပ်ဘက်က သတင်းထုတ်ပြန်ထားတာ မရှိသေးပါဘူး။

ဧပြီလကုန်မှာ ပြုလုပ်တဲ့ တရုတ်နိုင်ငံ ကူမင်းဆွေးနွေးပွဲ ပျက်ပြီးနောက် စစ်ကောင်စီတပ်ဟာ TNLA ထိန်းချုပ်ထားတဲ့ ကျောက်မဲ၊ မန်တုံ၊ မိုးကုတ်နဲ့ မိုင်းငေါ့ စတဲ့နေရာတွေကို လေကြောင်းနဲ့ ဗုံးကြဲတိုက်ခိုက်တာတွေ ပြုလုပ်နေပြီး အရပ်သားသေဆုံးမှုတွေလည်း ဆက်ရှိနေပါတယ်။

မေလ ၁၈ ရက်မှာလည်း ရှမ်းမြောက် နောင်ချိုမြို့နယ် အုမ္မတီးကျေးရွာမှာ စစ်ကောင်စီတပ်က စနိုက်ဘာနဲ့ ပစ်ခတ်တာကြောင့် စစ်ရှောင်အမျိုးသားတစ်ဦး သေဆုံးသွားခဲ့ပါတယ်။

စစ်ကောင်စီတပ်ဟာ မေလကုန်အထိ အပစ်ရပ်ကြောင်း ထုတ်ပြန်ထားပေမဲ့ TNLA ထိန်းချုပ်ဒေသကို လေကြောင်း၊ လက်နက်ကြီးနဲ့ ဒရုန်းအသုံးပြုပြီး ပစ်ခတ်တိုက်ခိုက်တာတွေ ပြုလုပ်နေတာကြောင့် လူထုတွေအနေနဲ့ စစ်ရေးသတိရှိကြဖို့ကို TNLA က တိုက်တွန်းထားပါတယ်။

ဓာတ်ပုံ - CJ

18/05/2025

🟢 တအာင်းတပ် ထိန်းချုပ်ထားတဲ့ မြို့နယ်တွေမှာ လူဝင်မှုကြီးကြပ်ရေးလုပ်ငန်း ဆောင်ရွက်မယ်၊ ဒေသခံတွေအတွက် မှတ်ပုံတင် ထုတ်ပေးနိုင်ဖို့ ဆောင်ရွက်နေ
မိုင်းအရှိုင်း၊ မေလ ၁၇ ရက်

တအာင်းတပ်မတော် ထိန်းချုပ်ထားတဲ့ မြို့နယ်တွေမှာ လူဝင်မှုကြီးကြပ်ရေးလုပ်ငန်း ဆောင်ရွက်မှာဖြစ်ပြီး ဒေသခံတွေအတွက် နေထိုင်ခွင့်ကတ်ပြား သို့မဟုတ် ပြည်နယ်သား မှတ်ပုံတင် ထုတ်ပေးနိုင်ဖို့ တအာင်းပြည် လူဝင်မှုကြီးကြပ်ရေးဌာန- IDTL က ဆောင်ရွက်သွားမှာ ဖြစ်ပါတယ်။

ဒေသတွင်း နေထိုင်ကြသူတွေအတွက် ပြည်နယ်သား မှတ်ပုံတင်ကတ်ပြား ထုတ်ပေးတာ၊ အိမ်ထောင်စုစာရင်း ထုတ်ပေးတာတွေနဲ့ ဒေသတွင်းလူဦးရေ စိစစ်တာတွေ လုပ်ဆောင်သွားမယ်လို့ တအာင်းပြည် လူဝင်မှုကြီးကြပ်ရေးဌာနရဲ့ တာဝန်ရှိသူတစ်ဦးက ပြောပါတယ်။

“လုပ်ငန်းစဉ်ကတော့ ပြည်နယ်သားတွေကို ခွဲခြမ်းစိတ်ဖြာပြီးတော့ ကြီးကြပ်မယ်ပေါ့။ နယ်စပ်ဒေသတွေမှာရှိတဲ့ ဒေသခြားသား သွားလာမှုတွေ၊ တရားမဝင် ဝင်ရောက်နေထိုင်မှုတွေကို ကြီးကြပ်မယ်။ နောက်တစ်ခုက မှတ်ပုံတင်ကတ်ပြားပေါ့။ ဒီပြည်နယ်ရဲ့ သက်သေခံ မှတ်ပုံတင်ကတ်ပြားလို့ ပြောရမှာပေါ့”

ဒေသတွင်း တရားဥပဒေ စိုးမိုးရေး၊ စီးပွားရေး အခွင့်အလမ်း၊ ပညာရေး ကျန်းမာရေးဆိုင်ရာ ဖွံ့ဖြိုးတိုးတက်ရေး၊ စားနပ်ရိက္ခာ‌ ထောက်ပံ့ရေးအတွက် လူဝင်မှုကြီးကြပ်ရေးက အလွန်အရေးပါတဲ့ အခန်းကဏ္ဍ ဖြစ်တာကြောင့် လုပ်ငန်းစဉ်တွေကို မကြာခင် ဆောင်ရွက်သွားမယ်လို့ ၎င်းက ဆက်ပြောပါတယ်။

တအာင်းပြည် လူဝင်မှုကြီးကြပ်ရေးဌာနအနေနဲ့ ဧပြီလက ဝန်ထမ်းသစ် ခေါ်ယူကာ လဝကရဲ့ လုပ်ငန်းစဉ်သင်တန်း ပို့ချခဲ့ပြီး မနေ့ မေလ ၁၆ ရက်မှာ သင်တန်းဆင်းပွဲ ပြုလုပ်ရာ ဝန်ထမ်းသစ် ၅၁ ယောက်ကို သင်တန်း ပို့ချပေးနိုင်ခဲ့သလို ဝန်ထမ်းသစ် ထပ်မံ ခေါ်ယူဖို့ ဆောင်ရွက်နေတယ်လို့ ဆိုပါတယ်။

17/05/2025

#လူပျောက်ကြော်ငြာ

15ရက်နေ့မနက်6နာရီခွဲဝန်းကျင်အိမ်ကနေထွက်သွားပြီးပျောက်နေလို့ပါ စကားမပြောတက်ပါဘူး ဦးစတားလုံးရဲ့ညီပါ ရှမ်းလွယ်အိတ်လွယ်ထားပြီးအကျီလက်ပြတ်အနီနဲ့ပါတစ်နေရာရာမှာတွေ့ခဲ့ရင်မိုးကုတ်အနောက်ပိုင်းအောင်သစ်လွင်ရပ်ကွက်ဦးစတားလုံးအိမ်/ဆိုင်ကို ဆက်သွယ်အကြောင်းကြားပေးကြပါ မြို့အနှံ့ရှာနေတာသုံးရက်ရှိပါပြီ အခုထိမတွေ့လို့ပါ ကူညီကြပါအုံးဗျာ🙏🙏🙏
Crd U Ai Kyaw

15/05/2025

မိုးကုတ်မှာ လုံခြုံရေး ကင်းလှည့်နေတဲ့
တအာင်းရဲတပ်ဖွဲ့ ပစ်ခတ်တိုက်ခိုက်ခံရ၊ ၁ဦးကို ဖမ်းမိ

မေလ ၁၅ ရက်၊ မိုးကုတ်

တအာင်းတပ်မတော် TNLA ထိန်းချုပ်ထားတဲ့ မန္တလေးတိုင်း မိုးကုတ်မြို့ အရှေ့ပိုင်းဘက်မှာ လုံခြုံရေး ကင်းလှည့်နေတဲ့ တအာင်းရဲ ပစ်ခတ်ခံရခဲ့တယ်လို့ ဒေသခံတွေက ပြောပါတယ်။

ဖြစ်စဉ်ဟာ ပြီးခဲ့တဲ့ မေလ ၁၂ ရက်က မိုးကုတ်မြို့မှာ လက်ပစ်ဗုံးပေါက်ကွဲတဲ့ကိစ္စနဲ့ ပတ်သက်ပြီး ရဲတပ်ဖွဲ့တွေက ရှောင်တခင်စစ်ဆေးတဲ့အချိန်မှာ အမည်မသိလူတစ်စုက ဆိုင်ကယ်နှစ်စီး စီးလာပြီး ၎င်းတို့ရဲ့ လွယ်အိတ်ထဲကနေ လက်ပစ်ဗုံးစနက်တံဆွဲပြီး ပစ်ခတ်ခဲ့တယ်လို့ ဖြစ်စဉ်သိရှိသူ အမျိုးသားတစ်ဦးက ပြောပါတယ်။

"မိုးကုတ်မြို့ လယ်ဦးဘက်မှာ ဖြစ်တာ။ သူတို့ပစ်လိုက်တဲ့အချိန်မှာ ဗုံးကမပေါက်ခင်ကပဲ ရဲတွေက ဝပ်ပြီး ရှောင်လိုက်တယ်။ သူတို့က ပြေးသွားတယ်။ အဲတစ်လုံးပေါက်ပြီး ရဲက သူတို့ကို သေနတ်နဲ့ လှမ်းပစ်တယ်။ သူတို့လည်း ဗုံးနဲ့ပြန်ပစ်ပြီးတော့ ပြေးသွားကြတယ်"

ပစ်ခတ်တဲ့ အဖွဲ့‌တွေထဲက တစ်ယောက်ကိုတော့ TNLAရဲ့ ရဲတပ်ဖွဲ့က ဖမ်းမိထားတာဖြစ်ပြီး ကျန်တဲ့သူတွေကိုတော့ ထပ်မံဖမ်းဆီးနိုင်ဖို့ စုံစမ်းနေဆဲဖြစ်တယ်လို့ အထက်ပါအမျိုးသားက ဆိုပါတယ်။

ပြီးခဲ့တဲ့ မေလ ၁၁ ရက် ည ၇နာရီခွဲအကျော်မှာ မိုးကုတ်မြို့ အရှေ့ပိုင်း ဘီးတောင်ရပ်ကွက်မှာရှိတဲ့ Music Zoneဘား ရှေ့မှာ အမည်မသိတဲ့အမျိုးသား ၂ ဦးက လက်ပစ်ဗုံး ၂လုံးကို လာရောက်ပစ်သွားခဲ့တဲ့ ဖြစ်စဉ် ဖြစ်ခဲ့ဖူးပါတယ်။

15/05/2025

ဘာမှမပြောတဲ့ မြို့လေး

ဒီတစ်ခေါက် ရောက်ဖြစ်တော့
မြို့လေးက တိတ်တိတ်ဆိတ်ဆိတ်နဲ့
ကြိုနေသလို ခံစားရတယ်

မြို့လေးရဲ့ တီးတိုးဆိုသံကို
ကျွန်တော် ကြားနေရသလိုပဲ

သူ့ဆီနေရင်
မလုံခြုံတော့ဘူးဆိုပြီး
ထွက်သွားကြတုန်းကလည်း
သူ ဘာမှ မပြောခဲ့ဘူး
ငြိမ်သက်တိတ်ဆိတ်ပြီး
ဝမ်းနည်းမှုတွေနဲ့ သူကြည့်နေခဲ့ရတယ်

သူ့ဆီကို
ပြန်လာကြတော့လည်း
လူ့သဘာဝ ပုံမှန်ပြကွက်တစ်ခုအနေနဲ့
သဘောပေါက်ရင်း
သူ လက်ခံခဲ့တယ်

ပစ်သွားတုန်းကတော့
သူ့ကို ဘယ်လို လွမ်းကြောင်း
စာတွေ၊ ကဗျာတွေ ရေးကြဖွဲ့ကြနဲ့ပေါ့

သူ့ကို ခြေမွပြီး
သူ့ဆီက တန်ဖိုးရှိတဲ့အရာတွေ
သူ့ရဲ့ ဖြစ်တည်မှုတွေကို
ယူပြီး ထွက်သွားကြလည်း ဒါမှမဟုတ်
ယူဖို့ ဝင်လာကြလည်း
သူ မငြိုငြင်ခဲ့ပါဘူး

မြို့လေးရေ
ဒီတစ်ခေါက်
မင်းရဲ့ ရင်ခွင်ထဲ ဝင်ဝင်ချင်းမှာပဲ
မင်းရဲ့ တိတ်ဆိတ်မှုနဲ့
မင်းရဲ့ ငြိမ်သက်မှုကို
ငါ ခံစားမိတယ်...

15/05/25

Nyi Nyi Aung