23/05/2025
စစ်ကောင်စီက ကလေး ၅ ယောက်နဲ့ အမျိုးသမီး ၁၇ ယောက်ကို ဖမ်းဆီးပြီး သတ်ဖြတ်
--------------------
မေ၊၂၃
စစ်ကောင်စီက အသက် ၁၈ နှစ်အောက် ကလေး ၅ ယောက်ကို ဖမ်းဆီးပြီးတဲ့နောက် သတ်ဖြတ်လိုက်တယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP) ရဲ့ စာရင်းတွေအရ သိရပါတယ်။
AAPP ရဲ့ ၂၀၂၅ ခုနှစ်၊ ဇန်နဝါရီလ ၁ ရက်ကနေ မေလ ၂၂ ရက်နေ့အထိစာရင်းတွေအရ စစ်ကောင်စီဟာ ပြည်သူစုစုပေါင်း ၈၉ ယောက်ကို ဖမ်းဆီးပြီးမှ သတ်ဖြတ်လိုက်တာလို့ သိရပါတယ်။
သေဆုံးသူတွေဟာ အမျိုးသမီး ၁၇ ယောက်နဲ့ အမျိုးသား ၇၂ ယောက်ဖြစ်ပြီး အဲဒီစာရင်းထဲမှာ အသက် ၁၈ နှစ်အောက် ကလေး ၅ ယောက် ပါဝင်နေတာလို့ AAPP က ဆိုပါတယ်။
အဲဒီလို ဖမ်းဆီးပြီးမှ သတ်ဖြတ်ခံရမှုတွေကတော့ မကွေးတိုင်းမှာ ၄၂ ယောက်နဲ့ အများဆုံးဖြစ်ပြီး စစ်ကိုင်းတိုင်းကတော့ ၁၈ ယောက်နဲ့ ဒုတိယအများဆုံးဖြစ်တယ်လို့ သိရပါတယ်။
အာဏာသိမ်းပြီး ၄ နှစ်ကျော် ကာလအတွင်းမှာတော့ စစ်ကောင်စီသတ်ဖြတ်မှုကြောင့် အမျိုးသမီး ၁,၆၁၉ ယောက်နဲ့ ကလေး ၈၀၉ ယောက် သေဆုံးခဲ့ပြီလို့ AAPP ရဲ့ စာရင်းတွေမှာ ဖော်ပြထားပါတယ်။
သေဆုံး ပြည်သူ စုစုပေါင်းအနေနဲ့တော့ ဒီ ၄ နှစ်ကျော်အတွင်း ပြည်သူ ၆,၇၁၉ ယောက်သေဆုံးတာကို နာမည်နဲ့တကွအတည်ပြုနိုင်ခဲ့ပြီး အတည်မပြုနိုင်သေးတဲ့ သေဆုံးသူ ၃,၄၅၀ နီးပါး ရှိနေတယ်လို့လည်း AAPP ရဲ့ စာရင်းတွေအရ သိရပါတယ်။
မြစ်ကြီးနားသတင်းဂျာနယ်မှ တင်ဆက်သည့် သတင်းများကို Facebook စာမျက်နှာအပြင် အောက်ပါလင့်ခ်များတွင်လည်း ဝင်ရောက်ဖတ်ရှုလေ့လာနိုင်ပါသည်။
Telegram- https://t.me/myitkyinanewsjournal
Website - https://www.myitkyinanewsjournal.com
You Tube- https://www.youtube.com/
Instagram- https://www.instagram.com/mytjn.mnj
