Kawthoolei Reporter

Kawthoolei Reporter I love my people, I love my country, I love my flag.
ယအဲၣ်ယပှၤကလုၥ်, ယအဲၣ်ယထံယကီၢ်, ယအဲၣ်ယနီၣ်တယၢ်

ဖဲမဟါတနံၤ လါအီးကထိဘၢၣ် ၉ သီအနံၤ ဟါခီ ၈ နၣ်ရံၣ်အဆၢကတီၢ် သုးမီၤစိရိၤအသုး အဘီယူၤ ဟဲခးလီၤတၢ်တၢ် သုးက့ ၁ ထံဖးဒိၣ်ထၣ် သဝီမုၢ်န...
10/10/2025

ဖဲမဟါတနံၤ လါအီးကထိဘၢၣ် ၉ သီအနံၤ ဟါခီ ၈ နၣ်ရံၣ်အဆၢကတီၢ် သုးမီၤစိရိၤအသုး အဘီယူၤ ဟဲခးလီၤတၢ်တၢ် သုးက့ ၁ ထံဖးဒိၣ်ထၣ် သဝီမုၢ်နုၥ်အဃိ ဖိသၣ်သံဝဲ ၅ ဂၤ ဒီး ပှၤဘၣ်ဒိအဂၤ ၁၀

ကီၢ်သူလ့ၤတၢ်ပၢဟီၣ်ကဝီၤ, ကီၢ်ရ့ၣ်ချၢၣ်လွံၢ်ထူၣ်, ကီၢ်ဆၣ်ဆီထံးအပူၤ ဖဲ ၂၀၂၅ နံၣ်, လါအီးကထိဘၢၣ် (၂)သီ အနံၤ မုၢ်ထူၣ် (၁၁း၀၈) ...
07/10/2025

ကီၢ်သူလ့ၤတၢ်ပၢဟီၣ်ကဝီၤ, ကီၢ်ရ့ၣ်ချၢၣ်လွံၢ်ထူၣ်, ကီၢ်ဆၣ်ဆီထံးအပူၤ ဖဲ ၂၀၂၅ နံၣ်, လါအီးကထိဘၢၣ် (၂)သီ အနံၤ မုၢ်ထူၣ် (၁၁း၀၈) ဆၢကတီၢ် သုးမီၤစိရိၤသုး ခလရ-၅၇ အသုးရ့ၣ်လၢ အိၣ်ဖဲ သၣ်စ့မ့ကျဲ(သံဆိပ်မင်းလမ်း) အပူၤ သ့ၣ်တဖၣ် ခးလီၤ ဒြိ အဃိ ပၠ့ၣ်ရ့သဝီအပူၤအဃိ အူကၠီၣ်သူၣ်ရ အဟံၣ်ဟးဂီၤ (၁)ဖျၢၣ် ဒီး ကမျၢၢ်သဝီဖိ (၂)ဂၤ

ဆူ ကၠိသရၣ်/သရၣ်မုၣ်တဖၣ် ဆၢဂ့ၤဆၢဝါဘၣ်သုကိးဂၤ လၢကပှဲၤဒီးဂံၢ်ဘါ, ပူၤဖျဲးဒီး တၢ်တတၢၣ်တနါကိးဂၤဒဲးတက့ၢ်. ခီဖျိသုတူၢ်ခါခ...
05/10/2025

ဆူ ကၠိသရၣ်/သရၣ်မုၣ်တဖၣ်

ဆၢဂ့ၤဆၢဝါဘၣ်သုကိးဂၤ လၢကပှဲၤဒီးဂံၢ်ဘါ, ပူၤဖျဲးဒီး တၢ်တတၢၣ်တနါကိးဂၤဒဲးတက့ၢ်. ခီဖျိသုတူၢ်ခါခီၣ်ဆါသးအဃိ ဖိလံၤတဖၣ် ဒိးန့ၢ်ဘၣ် တၢ်ကူၣ်ဘၣ်ကူၣ်သ့ ဒီး သ့ညါအါထီၣ်တၢ်သ့ၣ်ညါနၢ်ပၢၢ်, တၢ်သ့တၢ်ဘၣ် လၢအတၢ်အိၣ်မူအိၣ်ဂဲၤအဂီၢ်န့ၣ်လီၤ. သုမ့ၢ်ပှၤလၢ အဟ့ၣ်ထီၣ်တၢ်ကပီၤ လၢဖိလံၤတဖၣ်အဂီၢ်အဃိ ပပၥ်လၤပၥ်ကပီၤသု, ပပၥ်လုၢ်ပၥ်ပှ့ၤသု ကိးဂၤဒဲးန့ၣ်လီၤ.

ကညီ ဒီး တလၢၤ ပၥ်ဖှိၣ်ဒီး မၤဝဲ ကမျၢၢ်ရိၣ်ဖှိၣ် ဒီး Political defiance (နိုင်ငံရေးအံတုမှု) ဂံၢ်ခီၣ်ထံး နံၤဖုၣ်တၢ်မၤလိ ဖဲ ...
04/10/2025

ကညီ ဒီး တလၢၤ ပၥ်ဖှိၣ်ဒီး မၤဝဲ ကမျၢၢ်ရိၣ်ဖှိၣ် ဒီး Political defiance (နိုင်ငံရေးအံတုမှု) ဂံၢ်ခီၣ်ထံး နံၤဖုၣ်တၢ်မၤလိ ဖဲ ခ့ၣ်အဲၣ်ယူၣ်- ကီၢ်ရ့ၣ်ဒူပျၥ်ယၥ်ပူၤ

တၢ်မၤလိအံၤအပူၤ ကညီသးစၢ် ဒီး တလၢၤသးစၢ်တဖၣ် ဟဲထီၣ်ဒီးဝဲန့ၣ်လီၤ. ဒီးအဝဲသ့ၣ် တၢၣ်ပီၣ်တဲသကိးလၢ ကထီဒါသကိး သုးမီၤစိရိၤအတၢ်ဃုထၢ အယီၤအဘျၣ်အံၤန့ၣ်လီၤ.

ကလုၥ်ကဒဲကဒဲအပူၤ တၢ်ဃူတၢ်ဖိးမ့ၢ်တၢ်အရ့ဒိၣ်အသိး ကလုၥ်တကလုၥ်ဒီးတကလုၥ်အဘၢၣ်စၢၤ အလီၢ်အိၣ်စ့ၢ်ကီးလၢ ကဘၣ်သူၣ်ထီၣ် တၢ်ဃူတၢ်ဖိးန့ၣ်လီၤ. ကညီ ဒီး တလၢၤ ပၥ်ဖှိၣ်မၤသကိးတၢ်ဒ်အံၤ မ့ၢ်တၢ်ပသူၣ်ထီၣ်တၢ်ဃူတၢ်ဖိးအပနီၣ် ဒီး မ့ၢ်တၢ်ပနီၣ်တခါလၢ အဂ့ၤန့ၣ်လီၤ.

တၢ်မၤလိအံၤ တၢ်မၤအီၤဖဲ ၂၀၂၅ နံၣ် လါစဲးပထ့ဘၢၣ် ၂၉ သီ တုၤ ၃၀ သီအနံၤန့ၣ်လီၤ.

ကီၢ်ရ့ၣ်ဒူသထူၣ် ကညီသးစၢ်ကရၢ တီခိၣ်ရိၣ်မဲဒီး ရဲၣ်ကျဲၤမၤဝဲ သးစၢ်တၢ်ရ့လိၥ်မုၥ်လိၥ်န့ၣ်လီၤ. သးစၢ်သ့ၣ်တဖၣ် မ့ၢ်၀ဲ ခါဆူညါခိၣ်န...
03/10/2025

ကီၢ်ရ့ၣ်ဒူသထူၣ် ကညီသးစၢ်ကရၢ တီခိၣ်ရိၣ်မဲဒီး ရဲၣ်ကျဲၤမၤဝဲ သးစၢ်တၢ်ရ့လိၥ်မုၥ်လိၥ်န့ၣ်လီၤ. သးစၢ်သ့ၣ်တဖၣ် မ့ၢ်၀ဲ ခါဆူညါခိၣ်နၢ်အဃိ အလီၢ်အိၣ်လၢ ကဃုသ့ၣ်ညါမၤနၢ်ပၢၢ်အါထီၣ်သး လၢတၢ်သ့တၢ်ဘၣ်တကပၤမ့ၢ်ဂ့ၤ, လၢ တၢ်သ့ၣ်ညါနၢ်ပၢၢ်တကပၤမ့ၢ်ဂ့ၤန့ၣ်လီၤ. ပပှၤသးစၢ်သ့ၣ်တဖၣ် မ့ၢ်တဂုၥ်ဟံးန့ၢ် တၢ်ခွဲးတၢ်ယၥ် ဖဲအသးစၢ်ဒံးအခါ ဘၣ်ဒီး ကကဲထီၣ်တၢ်ကီတၢ်ခဲလၢ ကတီခိၣ်ရိၣ်မဲက့ၤ ပပှၤကလုၥ်စၢၤသွဲၣ်သီလၢခံတဖၣ်အဂီၢ်န့ၣ်လီၤ.

ပၥ်လုၢ်ပၥ်ပှ့ၤ ဒီး ယူးယီၣ်ဘၣ် ကညီသးစၢ်ကိးဂၤ လၢအဟ့ၣ်လီၤသး လၢထံကီၢ်ဒီးပှၤကလုၥ်ဂီၢ် ဖဲတၢ်သ့အိၣ်ဒီးအီၤအသိးန့ၣ်လီၤ. သးစၢ်တဖၣ်အံၤ မ့ၢ်၀ဲ ပဂံၢ်ပဘါန့ၣ်လီၤ.

သုးမီၤစိရိၤ ခးလီၤကျိဖးဒိၣ်အဃိ ကမျၢၢ်သံ၀ဲ (၁) ဂၤ ဒီး ဘၣ်ဒိဝဲ (၃) ဂၤ, သီခါဖၠၣ် ဟးဂီၤ (၁) ဖျၢၣ်န့ၣ်လီၤ.တၢ်အံၤ ကဲထီၣ်အသးဖဲ ခ...
03/10/2025

သုးမီၤစိရိၤ ခးလီၤကျိဖးဒိၣ်အဃိ ကမျၢၢ်သံ၀ဲ (၁) ဂၤ ဒီး ဘၣ်ဒိဝဲ (၃) ဂၤ, သီခါဖၠၣ် ဟးဂီၤ (၁) ဖျၢၣ်န့ၣ်လီၤ.

တၢ်အံၤ ကဲထီၣ်အသးဖဲ ချၢၣ်လွံၢ်ထူၣ်ကီၢ်ရ့ၣ်, သုးက့ (၃) ဟီၣ်ကဝီၤပူၤ ဖဲ လါစဲးပထ့ဘၢၣ် ၂၇ သီအနံၤန့ၣ်လီၤ.

ဖဲတနံၤအံၤ သုးမီၤစိရိၤအသုး ဒွဲၣ်အူ ကမျၢၢ်ဟံၣ် ၇၃ ဖျၢၣ် ဖဲ ဘျံးဒဝဲၢ်ကီၢ်ရ့ၣ် , လၢၢ်ဒိၣ်စိကီၢ်ဆၣ်ပူၤ. သုးမီၤစိရိၤအသုးတဖၣ်အ...
30/09/2025

ဖဲတနံၤအံၤ သုးမီၤစိရိၤအသုး ဒွဲၣ်အူ ကမျၢၢ်ဟံၣ် ၇၃ ဖျၢၣ် ဖဲ ဘျံးဒဝဲၢ်ကီၢ်ရ့ၣ် , လၢၢ်ဒိၣ်စိကီၢ်ဆၣ်ပူၤ.
သုးမီၤစိရိၤအသုးတဖၣ်အံၤ တပၥ်ကဲကမျၢၢ်တၢ်ဖိတၢ်လံၤဒီး တပၥ်လုၢ်ပၥ်ပှ့ၤဝဲဘၣ်. ဖဲဒၣ်အသးန့ၣ် ဟံးန့ၢ်ဆူၣ်ဝဲ ဒီး ဒွဲၣ်အူမၤဟးဂီၤဝဲန့ၣ်လီၤ. သုးမီၤစိရိၤ အတၢ်မၤအၢမၤသီအံၤ လၢမိၢ်ပၢ်ဖံဖုအစိၤလံၤလံၤ မၤဝဲ ဒီး တုၤလီၤလၢပစိၤဒၣ်လဲၣ် မၤအၢမၤနးပှၤန့ၣ်လီၤ.

အဃိဒ်သိး လၢပဖိစိၤလံၤစိၤ အသုတတုၢ်ဘၣ် တၢ်မၤအၢမၤသီ ဒ်အံၤတဂ့ၤအဂီၢ် အလီၢ်အိၣ်လၢ ပကဘၣ်ဃူဖိးဒီး ဒုးလီၤပှီၢ်ကွံၥ် သုးမီၤစိရိၤအံၤန့ၣ်လီၤ.

တကီၢ်ခါခဲအံၤ ခီဖျိဒဲကဝီၤပူၤ တၢ်ဆီၣ်ထွဲမၤစၢၤပတုၥ်အဃိ တၢ်ဆါဟံၣ်တဖၣ် ကလဲၤတရံးဒံးသးအဂီၢ် ကီၢ်ကၠီၣ်တဲၣ်ဆူၣ်ချ့ ပှၤဘၣ်မူဘၣ်ဒါတ...
29/09/2025

တကီၢ်ခါခဲအံၤ ခီဖျိဒဲကဝီၤပူၤ တၢ်ဆီၣ်ထွဲမၤစၢၤပတုၥ်အဃိ တၢ်ဆါဟံၣ်တဖၣ် ကလဲၤတရံးဒံးသးအဂီၢ် ကီၢ်ကၠီၣ်တဲၣ်ဆူၣ်ချ့ ပှၤဘၣ်မူဘၣ်ဒါတဖၣ် ဘၣ်နုၥ်လီၤ မၤစၢၤက့ၤန့ၣ်လီၤ.

တၢ်ဂီၤတဘ့ၣ်အံၤ ပၥ်ဖျါဝဲဒၣ်လၢ မဲၢ်လးဒဲကဝီၤ တၢ်ဆါဟံၣ်အံၤတၢ်ဆီတလဲကိးက့ၤအမံၤလံန့ၣ်လီၤ. တၢ်အံၤ ပၥ်ဖျါထီၣ်ဝဲလၢ တၢ်အိၣ်ဆူၣ်အိၣ်ချ့လၢဒဲကဝီၤပူၤန့ၣ် ကီၢ်ကၠီၣ်တဲၣ် ကကွၢ်ထွဲဒီး မၤစၢၤက့ၤန့ၣ်လီၤ.

တနံၤအံ နၢ်ဟူဘၣ်ကဒီးလၢ ဒုၣ်ဒါဟဲကွံၥ်လီၤတၢ်ဖဲ မ့လဲၣ်ပး တၢ်မၤလိကၠိန့ၣ်လီၤ. မ့လဲၣ်ပး န့ၣ်အိၣ်ဝဲဒၣ်ဖဲ အဘူးဒီး ရၤမတံ န့ၣ်လီၤ.ဒ...
29/09/2025

တနံၤအံ နၢ်ဟူဘၣ်ကဒီးလၢ ဒုၣ်ဒါဟဲကွံၥ်လီၤတၢ်ဖဲ မ့လဲၣ်ပး တၢ်မၤလိကၠိန့ၣ်လီၤ. မ့လဲၣ်ပး န့ၣ်အိၣ်ဝဲဒၣ်ဖဲ အဘူးဒီး ရၤမတံ န့ၣ်လီၤ.

ဒုၣ်ဒါတဖၣ်အံၤ ထီၣ်ဒုးဟံးန့ၢ်ပတၢ်လီၢ်တၢ်ကျဲ တကးဘၣ် မၤဟးဂီၤပကၠိ ပတၢ်ဆါဟံၣ်တဖၣ်အါမးန့ၣ်လီၤ. တၢ်အံၤလီၤသးဘၣ်ဒိဒိၣ်မး. တကးဘၣ် တၢ်လၢအလီၤသးဘၣ်ဒိဒိၣ်န့ၢ်အံၤန့ၣ် မ့ၢ်ဝဲ ကညီဖီၣ်စုကဝဲၤ ၃ ဖုလၢအမ့ၢ် DKBA, PC, BGF တဖၣ် တနံၤအံၤ ဘိးဘၣ်ရၤလီၤဝဲလၢ ကမၤစၢၤဒုၣ်ဒါအတၢ်မၤန့ၣ်လီၤ.
ကညီဖိတဖၣ် လိၣ်ဘၣ်ဝဲလၢ ကပူၤဖျဲးထီၣ်လၢ တၢ်ဆီၣ်တံၢ်မၤနၢၤ, ကအိၣ်က့ၤဒီးအထံအကီၢ်အတၢ်သဘျ့ ဘၣ်ဆၣ် မ့မ့ၢ်ပှၤ ၃ ဖုအံၤဒု တမုၢ်လၢ်ဝဲဒ်န့ၣ်ဘၣ်.

KNU/KNLA-PC, DKBA ဒီး BGF တဖၣ် အိၣ်ဖှိၣ်ဒီး တဆၢတဲၥ်ဝဲလၢ ကမၤဒုၣ်ဒါအတၢ်မၤလီၤ. အထီဒါ အဒုၣ်အဒါတဘူၣ်ဘၣ်.
29/09/2025

KNU/KNLA-PC, DKBA ဒီး BGF တဖၣ် အိၣ်ဖှိၣ်ဒီး တဆၢတဲၥ်ဝဲလၢ ကမၤဒုၣ်ဒါအတၢ်မၤလီၤ. အထီဒါ အဒုၣ်အဒါတဘူၣ်ဘၣ်.

ဘျံးဒဝဲၢ်ကီၢ်ရ့ၣ် မၤဝဲ ဒူသဝီကရၢ ခိၣ်နၢ်တၢ်မၤလိ, ဒ်သိး ပပၢတၢ်ပြးတၢ် ကအိၣ်ဒီး အကံၢ်အစီအဂီၢ် တၢ်သ့တၢ်ဘၣ်, တၢ်မၤလိမၤဒိးန့ၣ် ...
28/09/2025

ဘျံးဒဝဲၢ်ကီၢ်ရ့ၣ် မၤဝဲ ဒူသဝီကရၢ ခိၣ်နၢ်တၢ်မၤလိ,
ဒ်သိး ပပၢတၢ်ပြးတၢ် ကအိၣ်ဒီး အကံၢ်အစီအဂီၢ် တၢ်သ့တၢ်ဘၣ်, တၢ်မၤလိမၤဒိးန့ၣ် အကါဒိၣ်ဝဲန့ၣ်လီၤ. ဒီး ပကရၢမိၢ်ပှၢ်အံၤ တအိၣ်မံခ့မံသပ့ၤဘၣ်. မ့မ့ၢ်တခီ ဒ်တၢ်ဆၢကတီၢ်ဟ့ၣ်သါအီၤအသိး မၤလိမၤဒိးအါထီၣ်တၢ်, မၤဂ့ၤထီၣ်အကံၢ်အစီကွ့ၢ်ကွ့ၢ်န့ၣ်လီၤ. တၢ်အံၤမ့ၢ်တၢ်ပနီၣ်လၢအဂ့ၤလၢ ပပှၤကလုၥ်အဂီၢ်န့ၣ်လီၤ. လၢဒုးယၤတကပၤ ဂဲၥ်လိၥ်အသိး လၢပၢပြးတပၤစ့ၢ်ကီး ဂဲၥ်လိၥ်ဝဲသပှၢ်ပှၢ်န့ၣ်လီၤ.

တနံၤအံၤ DKBA, PC, BGF ထံၣ်လိၥ်သး မ့ၢ်အတဲသကိးတၢ်မနုၤလဲၣ် တသ့ၣ်ညါဘၣ်. တဲသကိးတၢ်လၢ ကမၤန့ၢ်တၢ်လၢ မ့အီၣ်လဲၣ် ဂီၢ်ဧါ မ့တမ့ၢ် က...
28/09/2025

တနံၤအံၤ DKBA, PC, BGF ထံၣ်လိၥ်သး မ့ၢ်အတဲသကိးတၢ်မနုၤလဲၣ် တသ့ၣ်ညါဘၣ်. တဲသကိးတၢ်လၢ ကမၤန့ၢ်တၢ်လၢ မ့အီၣ်လဲၣ် ဂီၢ်ဧါ မ့တမ့ၢ် ကမၤတၢ်လၢ ကညီဂီၢ်ဧါ တသ့ၣ်ညါဘၣ်. သနၣ်က့ဒု မုၢ်လၢ်အီၤတဘူၣ်ဒိၣ်ဒိၣ်ဘၣ်. ပှၤတဖၣ်အံၤ ညီနုၢ်မၤန့ၢ် မအလ အတၢ်မၤလီၤ.

Address

Mon State

Website

Alerts

Be the first to know and let us send you an email when Kawthoolei Reporter posts news and promotions. Your email address will not be used for any other purpose, and you can unsubscribe at any time.

Shortcuts

Share