29/01/2026
❝ၼႂ်းၵႄႈဢယု 17-23 ပီ ❜
ၼႂ်းၵႄႈၵၢင်ဢႃႇယု 17ထိုင် 23 ၼႆႉပဵၼ်ၶၢဝ်းယၢမ်းဢၼ်လၢႆလၢႆၵေႃႉလၢတ်ႈတေႇၸယၢင်ႈၶဝ်ႈၼႂ်းတူင်ႇဝူင်းၸၢတ်ႈပၢၼ်ၼႆဝႃႇ
ၵူၺ်းတီႈမၼ်းယဝ်ႉ ပဵၼ်ၶၢဝ်းယၢမ်ႈပွတ်းတွၼ်ႈဢၼ်လွင်ႈႁုၵ်ႉႁူမႆႈၸႂ်ၼမ်လွင်ႈႁိပ်ႇငႅၼ်းၼမ်တေႉတေႉ
ႁိပ်ႇငႅၼ်းႁႂ်ႈႁဝ်းလိူၵ်ႈသဵၼ်ႈတၢင်းၸၢတ်ႈပၢၼ် ႁိပ်ႇငႅၼ်းႁႂ်ႈပဵၼ်ၵူၼ်းၵတ်ႉၶႅၼ်ႉပေႉတူဝ် ႁိပ်ႇငႅၼ်းႁႂ်ႈႁူႉၸၵ်းဝႃႈသဵၼ်ႈတၢင်းဢၼႃႇၵၢတ်ႈၵႂႃႇတင်းလႂ်ၼႂ်းၽွင်ႈမိူဝ်ႈႁဝ်းတိုၵ်ႉၸူမ်ၵႂင်ယူႇ ဢမ်ႇပႆႇမၼ်း လႄႈ တင်းပႆႇႁူႉၸၵ်းတူဝ်ၵဝ်ႇလီလူးၵွၼ်ႇ
ၵမ်ႈၽွင်ႈမီးလွင်ႈႁိပ်ႇငႅၼ်းၸွမ်းလူၺ်ႈၸၼ်ႉထၢၼ်ႈ ၸွမ်းလူၺ်ႈၵၢၼ်ငၢၼ်ႈ ၸွမ်းလူၺ်ႈၵူဝ်ဢမ်ႇထိုင်ယိူင်းမၢႆ ၸွမ်းလူၺ်ႈ ၵူဝ်ပေႃႈမႄႈလႆႈၽိတ်းပိူင်ႈ ၼႂ်းတူဝ်ႁဝ်း
ၵမ်ႈၽွင်ႈသမ်ႉ ယွၼ်ႉဢဝ်တူဝ်ၵဝ်ႇတႅၵ်ႇၼိူင်းၸွမ်းပိူၼ်ႈ ႁၼ်တႆးၵေႃႉၶႅၼ်ႇလိူဝ်သေႁဝ်း ၵႂႃႇၵႆလႆႈသေႁဝ်း မီးလွင်ႈမၼ်ႈၸႂ်သေႁဝ်း ယဝ်ႇဝၢႆႇတူၺ်းၶိုၼ်းတူဝ်ၵဝ်ႇသေမီးၵႂၢမ်းထၢမ်ဝႃႈ ၵဝ်လူးၸုၵ်းယူႇပွတ်းတွၼ်ႈလႂ်ၶွင်ၸၢတ်ႈပၢၼ်လႃ ၼႆ
တီႈတေႉယဝ်ႉၽႂ်ၵေႃႈမႃႇလၢတ်ႈလႆႈသႄႈဝႃႈ ၼႂ်းၵႄႈ 17ထိုင် 23 ၼႆႉတူဝ်ၸဝ်ႈၵဝ်ၽွမ်ႉယဝ်ႉဢၼ်ဝႃႈၼၼ်ႉ
ၵူႈၵေႃႉတိုၵ်ႉဢွၼ်ၵၼ်ၸၢမ်းယၢင်ႈၸၢမ်းႁဵတ်း တိုၵ်ႉဢွၼ်ႁဵတ်းၽိတ်းပိူင်ႈ လႄႈႁဵၼ်းႁူႉဢဝ်ၸွမ်းၵူၺ်း
သင်မိူဝ်ႈၼႆႉႁဝ်းၶုၺ်ႉႁၼ်ဝႃႈ
ႁဝ်းႁိူဝ်ႉ ႁဝ်းမီးလွင်ႈႁိပ်ႇငႅၼ်း မီးလွင်ႈၵူဝ် ၼၼ်ႉဢမ်ႇလႆႈပွင်ႇဝႃႈႁဝ်းဢူၼ်ႈဢွၼ်ႇသႄႈ ၵူၺ်းပွင်ႇဝႃႈႁဝ်းတိုၵ်ႉယူႇၼႂ်းပွတ်းတွၼ်ႈၼိုင်ႈ ဢၼ်လႅၵ်ႈလၢႆႈယၢင်ႈပူၼ်ႉ ၶွပ်ႇတူင်ႇၶွင်ၸၢတ်ႈပၢၼ်ၵူၺ်း
ဢမ်ႇပဵၼ်သင်ၼႃႈ ပေႃးပႆႇၶႅၼ်ႇ ပေႃးပႆႇတူၵ်းလိုၼ်း ပေႃးႁႃတၢင်းပႆႇထူပ်း
ၸၢတ်ပၢၼ်ႁဝ်းဢမ်ႇလႆႈၶဵင်ႇတင်းၽႂ် လႄႈၼႂ်းဝူင်ႈၵၢင်ဢယုၵႃႈၼႆၢႉ မၼ်းပႆႇမီးၶေႃႈတွပ်ႇဢၼ်ၸႅင်ႈလႅင်းလေႃႇ
ယွၼ်းႁႂ်ႈယႃႇပွႆႇပႅတ်ႈတူဝ်ၵဝ်ႇယႃႇၵိုတ်းလွင်ႈၶတ်းၸႂ်ယႃႇထၢင်ႇလဵၵ်ႉလွင်ႈၶုၺ်ႉႁၼ်တူဝ်ၵဝ်ႇၵူၺ်းလႃႈ
ပေႃးဝၼ်းၼိုင်ႈႁဝ်းယၵ်ႉတူၺ်းၶိုၼ်းတင်းလင်ၼႆ ႁဝ်းတေပွင်ႇၸႂ်ၵူၺ်းဝႃႈလွင်ႈႁိပ်ႇငႅၼ်းၸိူဝ်းၼႆႉဢမ်ႇလႆႈယလုၸၢတ်ႈပၢၼ်ႁဝ်း
ၶဝ်ၵူၺ်းတိုၵ်ႉပၼ်ႈသၢင်ႈပၼ်ႁႂ်ႈၸၢတ်ႈပၢၼ်ႁဝ်းႁၢင်ႈလီယူႇ
သိုပ်ႇၽိုတ်ႉထႅင်ႈတႆးၵေႃႉ🫂
29/1/2026
P Lao Buen Fha
