EPN News, Myitkyina (2026)

02/06/2026

နယူးဒေလီမှ မွမ်ဘိုင်းမြို့သို့ အထူးလေယာဥ်ဖြင့် ဆက်လက်ထွက်ခွာခဲ့သည့် နိုင်ငံတော်သမ္မတ ဦးမင်းအောင်လှိုင်

EPN
ရန်ကုန်၊ ဇွန်-၂ (၂၀၂၆)

အိန္ဒိယနိုင်ငံသို့ တရားဝင်ခရီးစဥ်ရောက်ရှိနေသော နိုင်ငံတော်သမ္မတ ဦးမင်းအောင်လှိုင်သည် နယူးဒေလီမြို့၊ Palam လေတပ်စခန်းမှတစ်ဆင့် ဇွန် ၂ ရက်(ယနေ့)နံ နက်ပိုင်းတွင် အထူးလေယာဥ်ဖြင့် မွမ်ဘိုင်းမြို့သို့ ဆက်လက်ထွက်ခွာရာ အိန္ဒိယနိုင်ငံမှ တာဝန်ရှိသူများ၊ အိန္ဒိယနိုင်ငံဆိုင်ရာ မြန်မာသံရုံး၊ စစ်သံရုံးတို့မှတာဝန်ရှိသူများ၊ ဝန်ထမ်းများ၊ မိသားစုဝင်များက ပို့ဆောင်နှုတ်ဆက်ခဲ့ကြသည်။

ရွှေလက်

02/06/2026

ကလေးလုံခြုံရေးအန္တရာယ်များကြောင့် OpenAI ကို ဖလော်ရီဒါပြည်နယ်အစိုးရအဖွဲ့က ပထမဆုံးတရားစွဲ

EPN
နိုင်ငံတကာ၊ ဇွန်-၂ (၂၀၂၆)

အမေရိကန်နိုင်ငံ၊ ဖလော်ရီဒါပြည်နယ်သည် ဉာဏ်ရည်တု (AI) နည်းပညာကုမ္ပဏီ OpenAI နှင့် ၎င်း၏ အမှုဆောင်အရာရှိချုပ် Sam Altman တို့အား ChatGPT ပလက်ဖောင်းက ကလေးများနှင့် လူငယ်များအတွက် အန္တရာယ်ဖြစ်စေနိုင်သည်ဟု စွပ်စွဲကာ တရားစွဲဆိုလိုက်ကြောင်း သိရသည်။

ဖလော်ရီဒါပြည်နယ် ရှေ့နေချုပ် James Uthmeier က ဇွန်လ ၁ ရက်တွင် ပြည်နယ်တရားရုံး၌ အမှုဖွင့်တိုင်ကြားခဲ့ပြီး ယင်းသည် OpenAI ကို အမေရိကန်ပြည်နယ်တစ်ခုက ပထမဆုံးအကြိမ် တရားစွဲဆိုခြင်းဖြစ်ကြောင်း ပြောကြားသည်။

တရားစွဲဆိုချက်အရ ChatGPT သည် ကျောင်းပစ်ခတ်မှုများနှင့် ဆက်စပ်သည့် အချက်အလက်များ ပေးအပ်နိုင်ခြင်း၊ ကိုယ့်ကိုယ်ကို ထိခိုက်အောင်ပြုလုပ်ခြင်း (Self-harm) နှင့်ပတ်သက်သည့် အကြံပြုချက်များ ပေးနိုင်ခြင်းနှင့် လူငယ်အသုံးပြုသူများကို စွဲလမ်းမှု ဖြစ်စေနိုင်ခြင်းတို့ကြောင့် ကလေးများအပေါ် ထိခိုက်နစ်နာမှုများ ဖြစ်ပေါ်စေခဲ့သည်ဟု ဖော်ပြထားသည်။

ထို့ပြင် ၂၀၂၅ ခုနှစ်က ဖလော်ရီဒါပြည်နယ် တက္ကသိုလ် (Florida State University) တွင် ဖြစ်ပွားခဲ့သော ပစ်ခတ်မှုဖြစ်စဉ်အပါအဝင် အခြားသော အကြမ်းဖက်ဖြစ်ရပ်အချို့တွင် ChatGPT က သတင်းအချက်အလက်များ ထောက်ပံ့ပေးခဲ့သည်ဟု စွပ်စွဲထားသည်။

ရှေ့နေချုပ် Uthmeier က OpenAI နှင့် Sam Altman တို့သည် AI နည်းပညာဖွံ့ဖြိုးတိုးတက်ရေးနှင့် စီးပွားရေးအမြတ်အစွန်းကို ဦးစားပေးခဲ့ပြီး ကလေးများ၏ လုံခြုံရေးကို လုံလောက်စွာ ကာကွယ်ပေးနိုင်ခြင်း မရှိခဲ့ကြောင်း ဝေဖန်ပြောဆိုခဲ့သည်။ ထို့ကြောင့် OpenAI အနေဖြင့် ကလေးများနှင့် လူငယ်အသုံးပြုသူများအပေါ် ဆက်ဆံသည့် နည်းလမ်းများကို ပြောင်းလဲစေရန် တရားရုံးအမိန့်ချမှတ်ပေးရန်နှင့် ဒေါ်လာဘီလျံနှင့်ချီသော နစ်နာကြေးများ ပေးဆောင်စေရန် တောင်းဆိုထားကြောင်း သိရသည်။

OpenAI ဘက်ကမူ ၎င်း၏ AI မော်ဒယ်များကို အကြမ်းဖက်မှု သို့မဟုတ် အန္တရာယ်ဖြစ်စေနိုင်သော တောင်းဆိုချက်များအား ငြင်းဆိုနိုင်စေရန် လေ့ကျင့်ထားကြောင်းနှင့် အခြားသူများအား ထိခိုက်နစ်နာစေနိုင်သည့် အရေးပေါ်အန္တရာယ်များ တွေ့ရှိပါက ဥပဒေစိုးမိုးရေးအဖွဲ့များကို အသိပေးဆောင်ရွက်ကြောင်း ယခင်က ထုတ်ဖော်ပြောဆိုထားသည်။

ယခုတရားစွဲဆိုမှုသည် AI ကုမ္ပဏီများ၏ တာဝန်ယူမှုနှင့် လုံခြုံရေးစံနှုန်းများအပေါ် ဆွေးနွေးငြင်းခုံမှုများ ပိုမိုမြင့်တက်လာနေသည့် အချိန်တွင် ဖြစ်ပေါ်လာခြင်းဖြစ်ပြီး ChatGPT နှင့် အခြား AI chatbot များသည် စိတ်ကျန်းမာရေးပြဿနာများ၊ ကိုယ့်ကိုယ်ကို ထိခိုက်အောင်ပြုလုပ်မှုများနှင့် အကြမ်းဖက်လုပ်ရပ်များကို အားပေးကူညီခဲ့သည်ဟု စွပ်စွဲသည့် တရားစွဲဆိုမှုများလည်း အမေရိကန်နှင့် ကနေဒါနိုင်ငံများတွင် ဆက်တိုက်ပေါ်ပေါက်လာလျက်ရှိသည်။

ကိုးကား - Reuters

01/06/2026

နိုင်ငံတော်သမ္မတ ဦးမင်းအောင်လှိုင်နှင့် အိန္ဒိယနိုင်ငံသမ္မတ H.E. Smt. Droupadi Murmu တို့တွေ့ဆုံ

EPN
ရန်ကုန်၊ ဇွန်-၁ (၂၀၂၆)

အိန္ဒိယနိုင်ငံသို့ တရားဝင်ခရီးစဉ်ရောက်ရှိနေသော နိုင်ငံတော်သမ္မတ ဦးမင်းအောင်လှိုင်နှင့် အိန္ဒိယနိုင်ငံသမ္မတ H.E. Smt. Droupadi Murmu တို့သည် ဇွန် ၁ ရက်(ယနေ့)ညနေပိုင်းက အိန္ဒိယနိုင်ငံသမ္မတအိမ်တော်၌ တွေ့ဆုံဆွေးနွေးခဲ့ကြသည်။

အိန္ဒိယနိုင်ငံသမ္မတနှင့်မတွေ့ဆုံမီ နိုင်ငံတော်သမ္မတ ဦးမင်းအောင်လှိုင်သည် အိန္ဒိယနိုင်ငံဝန်ကြီးချုပ် H.E. Shri Narendra Modi နှင့်တွေ့ဆုံဆွေးနွေးမှုများပြုလုပ်ပြီးနောက် အိန္ဒိယနိုင်ငံဝန်ကြီးချုပ်က တည်ခင်းဧည့်ခံသည့် ဂုဏ်ပြုနေ့လည်စာစားပွဲကိုတက်ရောက်ခဲ့သည်။

ဂုဏ်ပြုနေ့လည်စာသုံးဆောင်အပြီး၌ နိုင်ငံတော်သမ္မတ ဦးမင်းအောင်လှိုင်က အိန္ဒိယနိုင်ငံဝန်ကြီးချုပ်ရုံး Hyderabad House ၏ ဧည့်သည်တော်မှတ်တမ်းစာ အုပ်တွင် မှတ်တမ်းတင်လက်မှတ်ရေးထိုးခဲ့သည်။

ရွှေလက်

01/06/2026

နိုင်ငံတော်သမ္မတ ဦးမင်းအောင်လှိုင်နှင့် အိန္ဒိယနိုင်ငံဝန် ကြီးချုပ် H.E. Shri Narendra Modi တို့တွေ့ဆုံ

EPN
ရန်ကုန်၊ ဇွန်-၁ (၂၀၂၆)

အိန္ဒိယနိုင်ငံသို့ တရားဝင်ခရီးစဥ်ရောက်ရှိနေသည့် နိုင် ငံတော်သမ္မတ ဦးမင်းအောင်လှိုင်နှင့် အိန္ဒိယနိုင်ငံဝန် ကြီးချုပ် H.E. Shri Narendra Modi တို့သည် ဇွန် ၁ ရက်(ယနေ့)တွင် အိန္ဒိယနိုင်ငံ၊ နယူးဒေလီမြို့ရှိ Hyderabad House တွင်တွေ့ဆုံကာ နှစ်နိုင်ငံအကျိုးအတွက်ပူးပေါင်းဆောင်ရွက်မှုများနှင့်ပတ်သက်၍ ဆွေးနွေးခဲ့ကြသည်။

ရွှေလက်

01/06/2026

အင်းတော်ကြီးဒေသရှိ ဆရာ၊ ဆရာမများ လုံခြုံရေးအတွက် စိစစ်ဆောင်ရွက်ပေးရန် တင်ပြ

EPN
မြစ်ကြီးနား၊ ဇွန်-၁ (၂၀၂၆)

ကချင်ပြည်နယ်၊ မိုးညှင်းခရိုင်၊ အင်းတော်ကြီး-ချောင်းဝဒေသရှိ စာသင်ကျောင်းများတွင် တာဝန်ထမ်းဆောင်မည့် အစိုးရဝန်ထမ်း ဆရာ၊ ဆရာမများ၏ လုံခြုံရေးကို ထည့်သွင်းစဉ်းစား၍ တာဝန်ချထားမှုများ ဆောင်ရွက်ပေးရန် မြန်မာပြည်မြောက်ပိုင်း သျှမ်းမျိုးနွယ်စုရေးရာအဖွဲ့က သက်ဆိုင်ရာ တာဝန်ရှိသူများထံ ဇွန်လ ၁ ရက်နေ့ရက်စွဲဖြင့် စာပေးပို့တင်ပြထားကြောင်း သိရသည်။

ပေးပို့သည့်စာတွင် အင်းတော်ကြီး-ချောင်းဝဒေသရှိ နယ်မြေအချို့ကို KIA/KIO နှင့် KPDF တပ်ဖွဲ့များက စိုးမိုးထိန်းချုပ်ထားပြီး ဒေသအတွင်း လုံခြုံရေးအခြေအနေများ စိုးရိမ်ဖွယ်ရှိနေကြောင်း ဖော်ပြထားသည်။

ယခင်နှစ်များအတွင်း ဒေသ၌ ဖြစ်ပွားခဲ့သည့် လူသတ်မှုများ၊ ပညာရေးဆိုင်ရာ အဆောက်အအုံများ တိုက်ခိုက်ခံရသည့် ဖြစ်စဉ်များနှင့် စာသင်ကျောင်းများ ဖွင့်လှစ်သင်ကြားရာတွင် အခက်အခဲများ ကြုံတွေ့ခဲ့ရသည့် အခြေအနေများကိုလည်း စာတွင် ထည့်သွင်းတင်ပြထားသည်။

အဆိုပါအဖွဲ့၏ တင်ပြချက်အရ လွန်ခဲ့သည့် စာသင်နှစ်အတွင်း KIO/KIA နှင့် KPDF တို့ ထိန်းချုပ်ထားသည့် အင်းတော်ကြီးအရှေ့ဘက်ကမ်းရှိ ကျေးရွာများတွင် KIO/KIA တို့ ဦးဆောင်မှုဖြင့် CDM ဆရာ၊ ဆရာမများက ဒေသခံ ဆရာ၊ ဆရာမများဖြင့်သာ ကျောင်းများ ဖွင့်လှစ်ခဲ့ကြောင်း သိရသည်။

ယခု ၂၀၂၆-၂၀၂၇ စာသင်နှစ်တွင်လည်း အဆိုပါ နယ်မြေများအတွင်းသို့ လက်ရှိအစိုးရလက်အောက်တွင် တာဝန်ထမ်းဆောင်နေသည့် Non-CDM ဆရာ၊ ဆရာမများအား တာဝန်ချထားစေလွှတ်ပါက လုံခြုံရေးဆိုင်ရာ အန္တရာယ်များ ကြုံတွေ့နိုင်သဖြင့် သက်ဆိုင်ရာ တာဝန်ရှိသူများအနေဖြင့် အခြေအနေများကို ချင့်ချိန်စဉ်းစား ဆောင်ရွက်ပေးစေလိုကြောင်း မြန်မာပြည်မြောက်ပိုင်း သျှမ်းမျိုးနွယ်စုရေးရာအဖွဲ့က တင်ပြထားသည်။

အဆိုပါ စာကို ကချင်ပြည်နယ်ဝန်ကြီးချုပ်နှင့် မြောက်ပိုင်းတိုင်းစစ်ဌာနချုပ် တိုင်းမှူးထံ လိပ်မူပေးပို့ထားပြီး ရှမ်းတိုင်းရင်းသားရေးရာဝန်ကြီး၊ ပြည်နယ်ပညာရေးမှူး၊ ခရိုင်ပညာရေးမှူးနှင့် မြို့နယ်ပညာရေးမှူးတို့ထံသို့လည်း မိတ္တူပေးပို့ထားကြောင်း သိရသည်။

စိုင်းဆေ

01/06/2026

ကွန်ဂိုနှင့် ယူဂန်ဒါနိုင်ငံတို့တွင် အီဗိုလာအတည်ပြုလူနာ ၂၆၃ ဦးနှင့် သေဆုံးသူ ၄၃ ဦးရှိလာ

EPN
နိုင်ငံတကာ၊ ဇွန်-၁ (၂၀၂၆)

ဒီမိုကရက်တစ်သမ္မတနိုင်ငံ ကွန်ဂို (DRC) နှင့် အိမ်နီးချင်း ယူဂန်ဒါနိုင်ငံတို့တွင် လက်ရှိဖြစ်ပွားနေသော အီဗိုလာ (Ebola) ရောဂါပိုး ကူးစက်မှုအတွင်း အတည်ပြုလူနာစုစုပေါင်း ၂၆၃ ဦး ရှိလာပြီး သေဆုံးသူ ၄၃ ဦးအထိ မြင့်တက်လာကြောင်း အာဖရိက ရောဂါထိန်းချုပ်ရေးနှင့် ကာကွယ်ရေးစင်တာ (Africa CDC) က တနင်္ဂနွေနေ့တွင် ထုတ်ပြန်ကြေညာလိုက်သည်။

ကျန်းမာရေးစောင့်ကြည့်စစ်ဆေးမှု အေဂျင်စီ၏ ထုတ်ပြန်ချက်အရ အဆိုပါ ကူးစက်မှုအသစ်များကို လွန်ခဲ့သည့် သီတင်းပတ်အနည်းငယ်က ကွန်ဂိုနိုင်ငံ အရှေ့ပိုင်းဒေသတွင် စတင်သတိပြုမိခဲ့ခြင်းဖြစ်ပြီး၊ ထိုမှတစ်ဆင့် နယ်စပ်ဖြတ်ကျော်ကာ ယူဂန်ဒါနိုင်ငံအတွင်းသို့ ကူးစက်ပျံ့နှံ့သွားခဲ့ခြင်းဖြစ်သည်။

သေဆုံးသူ ၄၃ ဦးအနက် အများစုမှာ ကွန်ဂိုနိုင်ငံမှ ဖြစ်သော်လည်း ယူဂန်ဒါနိုင်ငံဘက်တွင်လည်း ရောဂါကြောင့် သေဆုံးသူ အနည်းဆုံး ၅ ဦးရှိပြီဖြစ်ကြောင်း အတည်ပြုထားသည်။

Africa CDC ညွှန်ကြားရေးမှူးချုပ်က "ကျွန်တော်တို့အနေနဲ့ အခြေအနေကို အနီးကပ် ထိန်းချုပ်နိုင်ဖို့ ကမ္ဘာ့ကျန်းမာရေးအဖွဲ့ (WHO)၊ ဒေသခံ ကျန်းမာရေးဝန်ကြီးဌာနတွေနဲ့ ပူးပေါင်းပြီး ရောဂါပိုးကူးစက်ခံရသူတွေနဲ့ ထိတွေ့ခဲ့သူတွေကို လိုက်လံရှာဖွေခြင်း (Contact Tracing) နဲ့ ကာကွယ်ဆေးထိုးနှံခြင်းလုပ်ငန်းတွေကို အရှိန်အဟုန်မြှင့် ဆောင်ရွက်နေပါတယ်" ဟု ပြောကြားခဲ့သည်။

သို့သော်လည်း ရောဂါကူးစက်မှု အဓိကဖြစ်ပွားရာ ကွန်ဂိုနိုင်ငံအရှေ့ပိုင်းဒေသတွင် လက်နက်ကိုင်ပဋိပက္ခများနှင့် မတည်ငြိမ်မှုများ ရှိနေခြင်းကြောင့် ကျန်းမာရေးဝန်ထမ်းများအနေဖြင့် ရောဂါထိန်းချုပ်ရေးလုပ်ငန်းများ လုပ်ဆောင်ရာတွင် ကြီးမားသော စိန်ခေါ်မှုများနှင့် ရင်ဆိုင်နေရသည်။

ကျန်းမာရေးတာဝန်ရှိသူများ၏ ပြောကြားချက်အရ လက်ရှိတွင် ပစ်မှတ်ထားကာကွယ်ဆေးထိုးနှံခြင်း (Ring Vaccination) စနစ်ကို အသုံးပြု၍ ရောဂါပိုးရှိသူနှင့် ထိတွေ့ခဲ့သူများ၊ ရှေ့တန်းမှ ကျန်းမာရေးဝန်ထမ်းများကို အရေးပေါ် ကာကွယ်ဆေးများ စတင်ထိုးနှံပေးနေပြီ ဖြစ်သည်။ လက်ရှိအသုံးပြုနေသော အီဗိုလာကာကွယ်ဆေးများသည် ယခင်ကူးစက်မှုများတွင် ထိရောက်မှုရှိကြောင်း သက်သေပြထားပြီးဖြစ်သဖြင့် ယခုတစ်ကြိမ်တွင်လည်း ရောဂါပြန့်ပွားမှုကို အမြန်ဆုံး ထိန်းချုပ်နိုင်လိမ့်မည်ဟု မျှော်လင့်ထားကြသည်။

အီဗိုလာဗိုင်းရပ်စ်ရောဂါသည် ကူးစက်ခံရပါက ပြင်းထန်သော သွေးယိုဖျားခြင်းကို ဖြစ်စေပြီး သေဆုံးမှုနှုန်း မြင့်မားသည့် အန္တရာယ်ရှိ ရောဂါဆိုးတစ်ခု ဖြစ်သည်။ Africa CDC နှင့် ကမ္ဘာ့ကျန်းမာရေးအဖွဲ့တို့က ဒေသတွင်းနိုင်ငံများကို နယ်စပ်ဂိတ်များတွင် စစ်ဆေးမှုများ တင်းကျပ်ရန်နှင့် ပြည်သူလူထုအနေဖြင့် သံသယဖြစ်ဖွယ် လက္ခဏာများတွေ့ပါက အမြန်ဆုံး သတင်းပို့ကြရန် သတိပေးနှိုးဆော်ထားသည်။

ကိုးကား - Reuters

31/05/2026

အိန္ဒိယနိုင်ငံရောက် နိုင်ငံတော်သမ္မတ ဦးမင်းအောင်လှိုင်၏ ဒုတိယနေ့ခရီးစဥ်

EPN
ရန်ကုန်၊ မေ-၃၁ (၂၀၂၆)

အိန္ဒိယနိုင်ငံ၊ နယူးဒေလီမြို့သို့ တရားဝင်ခရီးစဥ်အဖြစ်ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်သည် မေ ၃၁ ရက်(ယနေ့)တွင် ဒုတိယနေ့အဖြစ် နယူးဒေလီမြိုရှိ Taj Mahal ဟိုတယ်၌ကျင်းပသည့် မြန်မာ-အိန္ဒိယ နှစ်နိုင်ငံစီးပွားရေးဆွေးနွေးပွဲကိုတက်ရောက်ခဲ့သည်။
‎
‎ဆွေးနွေးပွဲတွင် တက်ရောက်လာသည့် မြန်မာစီးပွား ရေးလုပ်ငန်းရှင်များနှင့် အိန္ဒိယနိုင်ငံ၊ နယူးဒေလီအခြေ စိုက်ကုမ္ပဏီများမှအမှုဆောင်အရာရှိချုပ် အပါအဝင် စီးပွားရေးလုပ်ငန်းရှင်များအား နိုင်ငံတော်သမ္မတက မိန့်ခွန်းပြောကြားပြီးနောက် မေးခွန်းမေးမြန်းမှုများကို ပြန်လည်ဖြေကြားခဲ့သည်။

ထို့ပြင် နိုင်ငံတော်သမ္မတ ဦးမင်းအောင်လှိုင်သည် နယူးဒေလီမြို့ရှိ NETRA (NTPC Energy Technology Research Alliance ၌ လုပ်ငန်းဆောင်ရွက်နေမှုများကိုကြည့်ရှုလေ့လာခဲ့သည်။

ထို့အတူ နံနက်ပိုင်းတွင်လည်း နိုင်ငံတော်သမ္မတ ဦးမင်းအောင်လှိုင်အား အိန္ဒိ ယနိုင်ငံ အမျိုးသားလုံခြုံရေးဆိုင် ရာအကြံပေးပုဂ္ဂိုလ် H.E. Mr. Ajit Doval ကလာရောက်ဂါရဝပြုတွေ့ဆုံပြီး မြန်မာ-အိန္ဒိယနှစ်နိုင်ငံအကျိုးအ တွက် ဆွေးနွေးမှုများပြုလုပ်ခဲ့သည်။

ရွှေလက်

31/05/2026

တပ်မတော်ယာဉ်တန်းဖြင့် ကျောင်းသုံးစာအုပ်နှင့် ဆေးဝါးပစ္စည်းများ မြစ်ကြီးနားသို့ ထပ်မံရောက်ရှိ

EPN
မြစ်ကြီးနား၊ မေ-၃၁ (၂၀၂၆)

ကချင်ပြည်နယ်အတွင်း ပညာရေးနှင့် ကျန်းမာရေးဝန်ဆောင်မှုများ ပိုမိုအဆင်ပြေစွာ လည်ပတ်နိုင်ရေးအတွက် လိုအပ်သည့် ကျောင်းသုံးပြဋ္ဌာန်းစာအုပ်များနှင့် ဆေးဝါးပစ္စည်းများ အပါအဝင် အထောက်အကူပြုကုန်ပစ္စည်းများ တင်ဆောင်လာသော တပ်မတော်ယာဉ်တန်းသည် မေလ ၃၁ ရက်‌နေ့ မွန်းလွဲပိုင်းတွင် မြစ်ကြီးနားမြို့သို့ ဒုတိယအကြိမ် ထပ်မံရောက်ရှိလာကြောင်း သိရသည်။

မန္တလေး-မြစ်ကြီးနား ဆက်သွယ်ရေးလမ်းကြောင်းတစ်လျှောက်ရှိ ဒေသများ၏ ပြန်လည်ထူထောင်ရေးလုပ်ငန်းများကို အထောက်အကူပြုနိုင်ရန် နိုင်ငံတော်အစိုးရနှင့် တပ်မတော်၏ စီစဉ်ဆောင်ရွက်မှုဖြင့် ပို့ဆောင်လာသည့် ယာဉ်တန်းတွင် အခြေခံစားသောက်ကုန်များ၊ လူသုံးကုန်ပစ္စည်းများ၊ ဆောက်လုပ်ရေးလုပ်ငန်းသုံးပစ္စည်းများ၊ ဆေးနှင့် ဆေးဝါးပစ္စည်းများ၊ ကျောင်းသုံးပြဋ္ဌာန်းစာအုပ်များ၊ စက်သုံးဆီများနှင့် ပူတာအိုမြို့အတွက် မီးသတ်ယာဉ် ၂ စီး ပါဝင်လာခဲ့ကြောင်း သိရသည်။

အဆိုပါယာဉ်တန်းသည် မေ ၂၂ ရက်က မန္တလေးမြို့မှ ထွက်ခွာလာခဲ့ခြင်းဖြစ်ပြီး၊ ရောက်ရှိလာသည့် ကျောင်းသုံးပြဋ္ဌာန်းစာအုပ်များကို သက်ဆိုင်ရာ အခြေခံပညာကျောင်းများသို့ ဖြန့်ဝေပေးလျက်ရှိပြီး ဆေးနှင့် ဆေးဝါးပစ္စည်းများကို မြစ်ကြီးနားပြည်သူ့ဆေးရုံကြီးသို့ ပို့ဆောင်ပေးလျက်ရှိကာ မီးသတ်ယာဉ်များကို ကချင်ပြည်နယ် မီးသတ်ဦးစီးဌာနသို့ ပို့ဆောင်ပေးလျက်ရှိကြောင်း သိရသည်။

ယာဉ်တန်းရောက်ရှိလာမှုအား မြောက်ပိုင်းတိုင်းစစ်ဌာနချုပ်မှ တာဝန်ရှိသူများ၊ ဌာနဆိုင်ရာဝန်ထမ်းများနှင့် ဒေသခံပြည်သူများက အိုးစည်ဒိုးပတ်များဖြင့် ဝမ်းမြောက်ဝမ်းသာ ကြိုဆိုခဲ့ကြပြီး ကချင်ပြည်နယ်ဝန်ကြီးချုပ် ဦးခက်ထိန်နန်၊ မြောက်ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ် အောင်ဇော်ထွေးနှင့် တာဝန်ရှိသူများက ပစ္စည်းများ ဖြန့်ဝေဆောင်ရွက်နေမှုကို ကြည့်ရှုစစ်ဆေးကာ လိုအပ်သည်များ ညှိနှိုင်းဆောင်ရွက်ပေးခဲ့ကြောင်း သိရသည်။

အဆိုပါ အထောက်အပံ့များသည် ကျောင်းသား၊ ကျောင်းသူများ၏ ပညာသင်ကြားရေး လိုအပ်ချက်များကို ဖြည့်ဆည်းပေးနိုင်မည့်အပြင် ဒေသခံပြည်သူများ၏ ကျန်းမာရေးစောင့်ရှောက်မှုလုပ်ငန်းများတွင်လည်း အထောက်အကူပြုမည်ဖြစ်ကြောင်း သိရသည်။

မေသွန်း

31/05/2026

မြစ်ကြီးနားတွင် ပေးဆပ်သူ(အခမဲ့)လူမှုကူညီရေးအသင်းမှဦးဆောင်၍ စုပေါင်းသန့်ရှင်းရေးဆောင်ရွက်

EPN
မြစ်ကြီးနား၊ မေ-၃၁ (၂၀၂၆)

ကချင်ပြည်နယ်၊ မြစ်ကြီးနားမြို့တွင် မြို့သန့်ရှင်းသာယာလှပရေးနှင့် ပတ်ဝန်းကျင်ထိန်းသိမ်းရေးအတွက် ပေးဆပ်သူ(အခမဲ့)လူမှုကူညီရေးအသင်းမှဦးဆောင်၍ စုပေါင်းသန့်ရှင်းရေးနှင့် အမှိုက်ကောက်လုပ်ငန်းများကို မေလ ၃၁ ရက် နံနက်ပိုင်းက ဆောင်ရွက်ခဲ့ကြသည်။

အဆိုပါ လုပ်ငန်းကို မြစ်ကြီးနားမြို့ရှိ စည်ပင်သာယာရေးရုံးအနောက်ဘက်၊ သာသနာ့ဗိမာန်အနောက်ဘက်နှင့် စိမ်းမြဧရာပန်းခြံအတွင်းတို့တွင် ဆောင်ရွက်ခဲ့ခြင်းဖြစ်ပြီး လူမှုကူညီရေးအသင်းများနှင့် စည်ပင်သာယာရေးအဖွဲ့မှအဖွဲ့ဝင်များ စုစုပေါင်းအင်အား ၂၀၀ ခန့် ပါဝင်ခဲ့ကြောင်း သိရသည်။

စုပေါင်းသန့်ရှင်းရေးလုပ်ငန်းတွင် ပေးဆပ်သူ(အခမဲ့)လူမှုကူညီရေးအသင်း၊ ရွှေမေတ္တာလူမှုကူညီရေးအသင်း၊ မြတ်စေတနာလူမှုကူညီရေးအသင်း၊ မြို့သစ်ကြီးလူမှုကူညီရေးအသင်း၊ နိဗ္ဗာန်လမ်းလူမှုကူညီရေးအသင်းနှင့် စည်ပင်သာယာရေးအဖွဲ့တို့ ပူးပေါင်းဆောင်ရွက်ခဲ့ကြပြီး လမ်းဘေးအမှိုက်များ၊ ပလတ်စတစ်စွန့်ပစ်ပစ္စည်းများနှင့် မြက်ပင်ချုံနွယ်များကို ရှင်းလင်းဖယ်ရှားခဲ့ကြသည်။

“မြို့သန့်ရှင်းသာယာလှပဖို့ဆိုတာ ဌာနဆိုင်ရာတွေ ဒါမှမဟုတ် လူမှုကူညီရေးအသင်းတွေချည်း လုပ်ဆောင်လို့မရပါဘူး။ ပြည်သူတွေအနေနဲ့လည်း အမှိုက်တွေကို စနစ်တကျစွန့်ပစ်ပြီး ပတ်ဝန်းကျင်ထိန်းသိမ်းရေးလုပ်ငန်းတွေမှာ ပူးပေါင်းပါဝင်ပေးဖို့ လိုပါတယ်” ဟု ပေးဆပ်သူ(အခမဲ့)လူမှုကူညီရေးအသင်းမှ တာဝန်ရှိသူတစ်ဦးက ပြောသည်။

မြစ်ကြီးနားမြို့တွင် လူဦးရေတိုးပွားလာမှုနှင့်အတူ အမှိုက်စွန့်ပစ်မှုများ မြင့်တက်လာသည့်အတွက် မြို့သန့်ရှင်းရေးနှင့် ပတ်ဝန်းကျင်ထိန်းသိမ်းရေးလုပ်ငန်းများကို အစိုးရဌာနများနှင့် လူမှုအဖွဲ့အစည်းများ ပူးပေါင်းဆောင်ရွက်လျက်ရှိကြောင်း သိရသည်။

လူမှုကူညီရေးအသင်းများအနေဖြင့် ယခုကဲ့သို့ စုပေါင်းသန့်ရှင်းရေးလုပ်ငန်းများကို လစဉ် လကုန်ရက်၏ နောက်ဆုံးတနင်္ဂနွေနေ့တိုင်း ဆက်လက်ဆောင်ရွက်သွားရန် စီစဉ်ထားပြီး ပြည်သူများအနေဖြင့်လည်း ပတ်ဝန်းကျင်သန့်ရှင်းရေးလုပ်ငန်းများတွင် ပူးပေါင်းပါဝင်ပေးရန် တိုက်တွန်းထားကြောင်း သိရသည်။

ကသစ်

31/05/2026

ဇလွန်နှင့် ဓနုဖြူကြားလမ်းပိုင်းနေရာများပျက်စီးမှုကြောင့် ဒေသခံများအခက်တွေ့

EPN
ဟင်္သာတ၊ မေ-၃၁ (၂၀၂၆)

ဟင်္သာတ-ရန်ကုန် လမ်းမကြီး၌ ဇလွန်နှင့်ဓနုဖြူကြား လမ်းပိုင်း နေရာများပျက်စီးနေခြင်းကြောင့် ယာဉ်များခက်ခက်ခဲခဲ မောင်းနေရကြောင်း ဒေသခံများထံမှ သိရသည်။

အဆိုပါ လမ်းပိုင်းသည် ရန်ကုန်နှင့်ဧရာဝတီတိုင်းအတွက် ခရီးသွားလာရေးနှင့်ကုန်စည်သယ်ယူရေးအတွက်အဓိကအသုံးပြုနေရသည့်လမ်းမကြီးဖြစ်ကြောင်း သိရသည်။

“ချိုင့်ခွက်တွေဖြစ်ပြီး ပျက်စီးနေတာ။ ယာဉ်မှန်သမျှ ရှောင်မောင်းနေရတယ်။ အခန့်မသင့်ရင် ယာဉ်တိုက်မှုတွေ၊ တိမ်းမှောက်မှုတွေ ဖြစ်လာနိုင်တယ်။ တချို့နေရာတွေဆို ကားဘီး တစ်ဘီးစာလောက်ကို အချိုင့်တွေဖြစ်နေတာ”ဟု ဒေသခံတစ်ဦးကပြောသည်။

အဆိုပါ ဓနုဖြူနှင့်ဇလွန် လမ်းပိုင်းတွင် ယခုကဲ့သို့ပျက်စီးမှုမဖြစ်ခင်အချိန်က မိနစ် ၃၀ အထိသာ မောင်းနှင်သွားလာရသော်လည်း လမ်းပိုင်းပျက်စီးနေခြင်းကြောင့် ၁ နာရီဝန်းကျင်အထိ မောင်းနှင်နေရကြောင်း သိရသည်။

လက်ရှိ ဟင်္သာတ-ရန်ကုန် လမ်းမကြီးအတွင်း ဓနုဖြူ-ဇလွန် လမ်းပိုင်း အရှည်ပေ ၂၀၀ ဝန်းကျင်အထိပျက်စီး မှုဖြစ်ပေါ်နေခြင်းဖြစ်ကြောင်းခရီသည်များထံမှသိရသည်။

ခေတ်ကောင်း
#ဓနုဖြူ #ဇလွန် #လမ်းပိုင်း
#ပျက်စီး

EPN News

02/06/2026

02/06/2026

01/06/2026

01/06/2026

01/06/2026

01/06/2026

31/05/2026

31/05/2026

31/05/2026

31/05/2026

Address

Website

Alerts

Shortcuts

Share

Category