https://www.facebook.com/101331751561595/

Pobbathiri Directory

Home
Myanmar
Naypyidaw
Pobbathiri Directory

ပုဗ္ဗသီရိ သို့မဟုတ် အရှေ့ကျက်သရေ?
(1)

06/11/2021

ပြည်သူ့ကာကွယ်ရေးတပ်မတော် စစ်ဘက်ဆိုင်ရာကျင့်ဝတ်များ

02/11/2021

အားပေးလိုက်ကြပါဦးခင်ဗျာ

ပညာဖြင့်တော်လှန် နွေဦးရဲ့အောင်လံ ပညာရေးရန်ပုံငွေ အနုပညာဖျော်ဖြေတင်ဆက်ပွဲအတွက် လက်မှတ်တွေ စတင်ရောင်းချနေပြီဖြစ်ပြီး လက်မှတ်တွေကို unitedxyz.com မှာ သွားရောက်ဝယ်ယူရမှာဖြစ်ပါတယ်။

နွေဦးတော်လှန်ရေးရဲ့အောင်လံကို မနှေးအမြန်လွှင့်ထူနိုင်ဖို့ လှူဒါန်းပါဝင်ရင်း စိတ်ဓါတ်ခွန်အားရရှိဖို့နဲ့ ခဏတာ စိတ်အပန်းပြေနိုင်ဖို့ ပညာဖြင့်တော်လှန် နွေဦးရဲ့အောင်လံ အနုပညာဖျော်ဖြေပွဲလက်မှတ်တွေ အခုပဲ ဝယ်ယူလိုက်ကြရအောင်ပါ။
အရေးတော်ပုံ အောင်တော့မည်။

31/10/2021

ထန်တလန်ကိစ္စ လက်တုံ့ပြန်သည့်အနေဖြင့် စစ်အာဏာရှင် နေဝင်းမြေး လုပ်ကိုင်နေသော Omni Focus YBS 20 ယာဉ်ကို ခရီးသွားပြည်သူများကို ဆင်းခိုင်းပြီးမှ မီးပုလင်းပစ်မီးရှို့ဟုဆို

ရန်ကုန်၊ အောက်တိုဘာ ၃၁

ချင်းပြည်နယ်၊ ထန်တလန်တွင် စစ်ကောင်စီက ပြည်သူအိမ်များကို မီးရှို့ ဖျက်ဆီးသည့်အတွက် လက်တုံ့ပြန်သည့်အနေဖြင့် စစ်အာဏာရှင် နေဝင်းမြေး လုပ်ကိုင်နေသော Omni Focus YBS 20 ယာဉ်ကို ခရီးသွားပြည်သူများကို ဆင်းခိုင်းပြီးမှ မီးပုလင်းပစ်မီးရှို့လိုက်ကြောင်း ဒေသပျောက်ကြားကာကွယ်ရေးတပ်၏ ပြောဆိုချက်ကိုးကား၍ ဒေသသတင်းရင်းမြစ် Kamaryut Information က သတင်းဖော်ပြသည်။

YBS 20 ကားကို မီးရှို့မှုကို နေရောင်ခြည်မြို့ပြ‌ပျောက်ကြားအဖွဲ့က လုပ် ဆောင်ခြင်းဖြစ်ကြောင်း၊ ပြည်သူများထိခိုက်မှုမရှိ‌စေရန် ခရီးသည်များကိုအရင်ဆင်းခိုင်းပြီး ဗုံးခွဲခြင်းမဟုတ်ဘဲ မီးပုလင်းပစ်ဆောင်ရွက်ခဲ့ခြင်းဖြစ်ကြောင်း၊ ထန်တလန်မြို့အတွက် စစ်အုပ်စု၏ပိုင်ဆိုင်မှုထဲမှ တစ်ခုကို ဖျက်ဆီးခဲ့ခြင်းဖြစ်ကြောင်း ဒေသသတင်းရင်းမြစ် Kamaryut Information က ပြောသည်။

စစ်အာဏာရှင်၊ ဗိုလ်ချုပ်ကြီးဟောင်း နေဝင်းမြေး လုပ်ကိုင်နေသော Omni Focus ကုမ္ပဏီ၏ YBS 20 ယာဉ်သည် ရန်ကုန်ဆင်မလိုက်တွင် ယနေ့နံနက်ပိုင်း မီးလောင် ပျက်စီးသွားကြောင်း သိရှိရသည်။

ဆင်မလိုက်မှတ်တိုင်တွင် ယနေ့ ၁၀ နာရီ ၁၆ မိနစ်အချိန် YBS 20 ကားမီး လောင်ပြီး ၁၀ နာရီ၂၀ မိနစ် တွင် မီးငြိမ်းသွားကြောင်း ၊ လူနာတင်ကားတစ်စီးလာရောက်သည်ကိုတွေ့ရကြောင်း ဒေသခံတစ်ဦးကဆိုသည်။

Omni Focus General Services Public Co., ltd သည် ၎င်းပိုင် ယာဉ်အစီးရေ ၅၀၀ ခန့်ဖြင့် YBS (Yangon Bus Service) ယာဉ်လိုင်း ၉ လိုင်း ရန်ကုန်မြို့တွင်း ပြေးဆွဲလျက်ရှိပြီး ယင်းကုမ္ပဏီသည် စစ်တပ်ထောက်ခံသူ ၊ ဗိုလ်ချုပ်ကြီးဟောင်းနေဝင်း၏မြေးကျော်နေဝင်း(အေးနေဝင်း၏ အကိုဖြစ်သူ) က ဦး
ဆောင်လုပ်ကိုင်နေခြင်းဖြစ်သည်။

31/10/2021

စစ်ကောင်စီတပ်များ ဖျက်ဆီးမီးရှို့ခဲ့သော ပြာပုံမြို့ ထန်တလန်

ရန်ကုန်၊ အောက်တိုဘာ ၃၁

ချင်းပြည်နယ်၊ ထန်တလန်မြို့ကို အောက်တိုဘာလ ၂၉ ရက်နေ့တွင် အကြမ်း ဖက် စစ်ကောင်စီတပ်များက မီးတင်ရှို့ခဲ့ရာ နေအိမ် ၁၆၄ လုံး၊ ဘုရားရှိခိုးကျောင်း ၂ ခု မီးလောင်ကျွမ်းပြာကျခဲ့သည်။

အောက်တိုဘာလ ၃၁ ရက်နေ့တွင် မီးလောင်ပြာကျခဲ့သည့် ထန်တလန်မြို့ မြင်ကွင်းတချို့ကို ဒေသသတင်းရင်းမြစ်က ဖော်ပြလာသည်ကို ရန်ကုန်ခေတ်သစ်က ပြန်လည် ဖော်ပြပေးလိုက်ပါသည်။

Photo Credit - The Chin Journal

30/10/2021

သင်းတို့တတွေ အတွက် ကျိန်စာ
_____________________________

ဟေ့ … မင်းတို့
မီးလို လောင် ၊ ပြာလို လွင့်
ရေလို မျောကြပါစေသားဟေ့ … ။

ဟေ့ … မင်းတို့
မသေနဲ့ဦး ၊ မကြေနဲ့ဦး ၊ မကြွေနဲ့ဦး
အဆိုး လောကဓံများကို
အတိအကျ တရစ်ပြီး တရစ်
ခံစားရအုံးမယ် …
နောက်ဆုံးထွက်သက်အထိ
မီး ( ၁၁ ) မီး (ပူစေ ၊ ပြင်းစေ ၊ လောင်စေ) ဟေ့ … ။

ဟေ့ … မင်းတို့
ရုပ်တရား နာမ်တရား
မကွဲပြားပါစေနဲ့ …
(မ ဂ် တ ရား ၊ ဖို လ် တ ရား )
လားလားမှ မဆိုင်တဲ့သူ
ရွှံ့ညွန်တောမှာ ထိုးခဲ့တဲ့ နှင်းဆီပွင့်တွေလို
ညှိုးရော်နွမ်းခြောက်
သံသရာ အထွက်လမ်းမှာ
ခရီးမှောက်ပါစေ ၊ လမ်းပျောက်ပါစေသား ဟေ့ … ။

တို့ပြည်သူတယောက် ကျပျောက်ရင်
မင်းတို့လူ တစ်ကျိတ် ကျပါစေ
…………
အမှောင်နယ် တောင်စွယ်ကမ်းပါးမှာ
လမ်းသလားတဲ့ သူတွေဖြစ်ပါစေ
ဟေ့ !
ဧရာဝတီမြစ်ကြီးမခမ်းသရွေ့
မကျွတ်စေ မလွတ်စေ
ဓမ္မဆိုတဲ့ အမြိုက်တရားနဲ့ ဝေးစေ ဟေ့ … ။

ငါတို့ မြေကိုပုတ်မယ်
ငါတို့ ကြမ်းကိုပုတ်မယ်
ငါတို့ တိုင်ကိုလှုပ်မယ်

ဟေး ဟေး ဟေး ဟေး .... မင်းတို့ !
အသင်္ချေ အနန္တ
အသိုက်အမြုံ မဲ့ပါစေ
အသိုက်အဝန်း ကင်းပါစေ
တဒင်္ဂ တဆံချည်မျှ
ငြိမ်းချမ်းသော တရားနဲ့ ဝေးပါစေသား ဟေ့… ။
__________________________________________________

ကိုညိုမောင်
Credit

18/10/2021

မိတ္ထီလာတွင် ထောင်မှလွတ်လာသူ (၁၁)ဦးကို အကြမ်းဖက် ပုဒ်မတပ်ကာ ထောင်ပေါက်ဝတွင် ချက်ချင်း ပြန်ဖမ်း
==========
MFP ၊ အောက်တိုဘာ -၁၈

မန္တလေးတိုင်း မိတ္ထီလာမြို့ အကျဉ်းထောင်မှ ယနေ့ ညနေပိုင်းအချိန် ပြန်လည်လွှတ်မြောက်လာသူ (၁၁) ဦးကို အကြမ်းဖက်မှု တိုက်ဖျက်ရေး ဥပဒေ ပုဒ်မတပ်ကာ စစ်ကောင်စီရဲများက ထောင်ပေါက်ဝတွင် ပြန်လည် ဖမ်းဆီးသွားကြောင်း ဖမ်းဆီးခံရသူများ၏ မိသားစုဝင်များက ပြောသည်။

NLD မိတ္တီလာမြို့နယ် တိုင်းလွှတ်တော်အမတ် ဦးလွင်မောင်မောင်၊ ပါတီဝင်များဖြစ်သည့် မိတ္ထီလာမြို့မှ ဦးသက်မောင်မောင်၊ ဒေါ်သင်းကြူအောင်၊ သာစည်မြို့နယ်မှ ဦးမြင့်သိန်းနှင့် ဦးသော်ကြီး၊ သာစည်မြို့မှ သပိတ်ခေါင်းဆောင် ဒေါ်လေးလေးနိုင် စသူတို့ ပါဝင်ကြောင်း နီးစပ်သူများက ပြောသည်။

“လွတ်မယ်ဆိုလို့ ထောင်ပေါက်ဝမှာ စောင့်နေတာ။ အပြင်ကနေတော့ တွေ့လိုက်တယ် ။ ခဏနေတော့ ရဲကားတွေ အချုပ်ကားတွေ ဝင်လာပြီး သူတို့ကို ပြန်ခေါ်သွားတယ် ။ ကျွန်မတို့ကို အကြမ်းဖက်စစ်တပ်က စိတ်ဒဏ်ရာပေးတာ ကျွန်မတို့ လုံးဝ ကမ္ဘာမကြေဘူး ။ ပြန်ဖမ်းဆီးခံလိုက်ရတာသိလို့ မိသားစုဝင်တစ်ဦးလည်း အသက်အန္တာရယ် စိုးရိမ်နေရတယ် “ ဟု မိသားစုဝင်တစ်ဦးက ပြောပြသည် ။

အဆိုပါ ပြန်လွတ်သူ (၄၃)ဦးအနက် (၁၁)ဦးကို ချက်ချင်းပြန်ဖမ်းသွားသည်ဟု မိသားစုဝင်များက ဆိုသည်။ လက်ရှိတွင် မိတ္ထီလာရဲစခန်းတွင် ချုပ်နှောင်ထားပြီး မိသားစုနှင့် တွေ့ခွင့်မရဟု ဆိုသည်။

“နားလှည့်ပြီး ပါးရိုက်တာပါ။ ၅၀၅-က ၊ကို လွှတ်ပြီး အခု ၁၀ လပိုင်း ၇ ရက်နေ့မှ ထပ်စွဲတဲ့ အကြမ်းဖက်မှု ပူဒ်မ ၅၀-က၊ ၅၂-ည နဲ့ အချုပ်ထဲ ထားခဲ့ရပါတယ်။ လူချင်းတွေ့ခွင့် မပေးပါဘူး။ ငါတို့ စိတ်ကို ဒဏ်ရာတွေ ထပ်ပေးတာပါ။ အနာကို ဓားနဲ့ထပ်မွှန်းတာပါ “ ဟု ပြန်လည်ဖမ်းဆီးခံရသူ၏ မိသားစုဝင်တစ်ဦးက ပြောသည်။

Crd
PD

17/10/2021

မြန်မာနိုင်ငံကျော် အဆိုတော် ကိုဟန်ထူးလွင်(ခ) ကိုကျားပေါက်ရဲ့လက်ရာ ဂစ်တာ လေလံဈေး ချိတ်ပိတ်
ကမ္ဘာ့အမြင့်ဆုံးဈေး
$ 27,500 ဖြင့် ပိတ်သိမ်း

၁၇အောက်တိုဘာ၂၀၂၁

17/10/2021

17/10/2021 at 8:10am
နောက် ၂၄နာရီအတွင်း ရန်ကုန်တိုင်း ဧရာဝတီတိုင်းပဲခူးတိုင်းအနောက်ပိုင်း မကွေးတိုင်းအနောက်ပိုင်း မိုးကြီးနိုင်ပါတယ်🌧🌧🌧🌧🌧🌧
Su Su San
𝐒𝐞𝐧𝐢𝐨𝐫 𝐌𝐞𝐭𝐞𝐨𝐫𝐨𝐠𝐢𝐬𝐭
𝐀𝐝𝐯𝐚𝐧𝐜𝐞𝐝 𝐖𝐞𝐚𝐭𝐡𝐞𝐫 𝐟𝐨𝐫𝐞𝐜𝐚𝐬𝐭𝐞𝐫
&
𝐌𝐞𝐭𝐞𝐨𝐫𝐨𝐥𝐨𝐠𝐢𝐜𝐚𝐥 𝐈𝐧𝐭𝐞𝐥𝐥𝐢𝐠𝐞𝐧𝐜𝐞 𝐎𝐟𝐟𝐢𝐜𝐞𝐫

sususan

16/10/2021

မန္တလေး ကံတက်ကုန်းမစိုးရိမ်ဘုန်းကြီးကျောင်းရှိ နိုင်ငံတော်၏ အတိုင်ပင်ပုဂ္ဂိုလ် ဒေါ်အောင်ဆန်းစုကြည် ရုပ်တု ဖျက်ဆီးခံရ

MFP ၊ အောက်တိုဘာ - ၁၅

မန္တလေးမြို့ မဟာအောင်မြေမြို့နယ်ရှိ ကံတက်ကုန်းမစိုးရိမ်ကျောင်းတိုက်တွင် စိုက်ထူထားသည့် ဒေါ်အောင်ဆန်းစုကြည်ရုပ်တုကို အောက်တိုဘာလ (၁၄)ရက် မနက် လေးနာရီကျော်အချိန်က ဖျက်စီးခံခဲ့ရကြောင်း သတင်းရရှိသည်။

မဟာအောင်မြေမြို့နယ် ၅၅ လမ်း၊ ၄၀ × ၄၁ လမ်းကြားရှိ ကျောင်းအရှေ့သို့ ကားများရောက်လာပြီး ကျောင်းဝင်းတံခါးကို ဖျက်ဆီးဝင်ရောက်ကာ လူ (၃၀)ဦးခန့်က ဖျက်ဆီးခဲ့ခြင်းဖြစ်ကြောင်း အဆိုပါကျောင်းတိုက်နှင့် နီးစပ်သူအချို့ထံမှ သိရသည်။

" စုစုပေါင်း တစ်မိနစ်လောက်ပဲ ကြာသွားတယ်၊ သူတို့က တုတ်တွေ ဓားတွေနဲ့ ဝင်လာပြီး လုပ်သွားကြတာ၊ အပေါ်ပိုင်း အင်္ကျီဗလာတွေနဲ့လို့ သိရတယ်၊ ကြိုတင်ကြံစည်ထားတဲ့သဘောပဲ၊ လုပ်ပြီး ပြေးသွားကြတယ် အပြင်မှာက ကားတွေက အသင့်စောင့်နေတာ " ဟု နီးစပ်သူတစ်ဦးက ပြောဆိုသည်။

လမ်းဘေးတွင်ထားသည့်ရုပ်တုမဟုတ်ဘဲ သံဃာ၊ လူ အယောက် (၂၀၀)ဝန်းကျင်ခန့်ရှိသည့် ဘုန်းကြီးကျောင်းတိုက်တစ်ခုအတွင်း ဝင်ရောက်ကာ ဖျက်ဆီးသွားခြင်းမှ မိုက်ရိုင်းယုတ်ညံ့သည့် လုပ်ရပ်တစ်ခုသာဖြစ်ကြောင်း ၎င်းက ဆက်လက်ပြောဆိုသည်။

‌လူမှုကွန်ရက်ပေါ် ပျံ့နှံ့နေသည့် ရုပ်သံဖိုင်တစ်ခုတွင် မည်သူမည်ဝါ မသဲကွဲသည့် လူတစ်စုက ဒေါ်အောင်ဆန်းစုကြည်ရုပ်တုကို တုတ်ဖြင့် ရိုက်နှက်ဖျက်ဆီးနေသည်ကို တွေ့ရပြီး အနောက်ဘက်ရှိ ဗိုလ်ချုပ်အောင်ဆန်းရုပ်တု မပါကြောင်း၊ ဒေါ်အောင်ဆန်းစုကြည်ရုပ်တု၏ ခေါင်းကို ဖြုတ်ရန် ဗီဒီယိုရိုက်ကူးနေသူက ညွှန်ကြားနေသည်ကို တွေ့ရသည်။

အချိန် (၂၉)စက္ကန့် ကြာမြင့်သည့် ယင်းရုပ်သံဖိုင်အရ " ခေါင်းကိုထု၊ အောက်ပိုင်းထု " စသဖြင့် ညွှန်ကြားနေသည့်အသံကို ကြားရပြီးနောက် " ရပြီ သွား သွား " ဟုဆိုကာ ထွက်ပြေးသွားကြသည်ကို တွေ့မြင်ရသည်။

ဒေါ်အောင်ဆန်းစုကြည်၏ (၇၃)နှစ်မြောက် မွေးနေ့အမှတ်တရအဖြစ် ၅ ပေ ၄ လက်မ အမြင့်ရှိ ပုံတူအင်္ဂတေရုပ်တုကို ၂၀၁၈ ခုနှစ် ဇွန်လအတွင်းက စိုက်ထူခဲ့ခြင်းဖြစ်ကြောင်း ကျောင်းတိုက်နှင့် နီးစပ်သူအချို့ထံမှ သိရသည်။

ဓာတ်ပုံ၊ ပေးပို့

#မန္တလေး #ဒေါ်အောင်ဆန်းစုကြည်ရုပ်တု #ကံတက်ကုန်းမစိုးရိမ်

15/10/2021

အိမ်နီးချင်းနိုင်ငံများနှင့်ဆက်ဆံရေးနှင့် နယ်စပ်ဒေသလုံခြုံရေးဆိုင်ရာ ကြေညာချက် ထုတ်ပြန်

အောက်တိုဘာ၊ ၁၅ ရက်

ပြည်ထောင်စုသမ္မတမြန်မာနိုင်ငံတော်၊အမျိုးသားညီညွတ်ရေးအစိုးရ၊
နိုင်ငံခြားရေးဝန်ကြီးဌာနသည် အောက်တိုဘာ ၁၄ ရက်က အိမ်နီးချင်းနိုင်ငံများနှင့်ဆက်ဆံရေးနှင့် နယ်စပ်ဒေသလုံခြုံရေးဆိုင်ရာ ကြေညာချက် တစ်ရပ်ထုတ်ပြန်ကြေညာခဲ့သည်။

အဆိုပါ ကြေညာချက်တွင် ပြည်ထောင်စု မြန်မာနိုင်ငံတော် ၊ အမျိုးသားညီညွတ်ရေးအစိုးရသည် ပြည်သူဗဟိုပြု ၍ ဖယ်ဒရယ်ဒီမိုကရေစီပြည်ထောင်စု စံတန်ဖိုးများကို အခြေခံသည့် “လွတ်လပ် တက်ကြွသော နိုင်ငံခြားရေးမူဝါဒ “ ကို လက်ကိုင်ကျင့်သုံးပါကြောင်း၊ အထူးသဖြင့် အိမ်နီးချင်း နိုင်ငံများနှင့် အစဥ်အလာ ချစ်ကြည်ရင်းနှီးမှု ကို ဆက်လက်ထိမ်းသိမ်းရေး ၊ နှစ်နိုင်ငံအကျိုးစီးပွား ရှိရေး ရှေးရှုကာ ပူးပေါင်းဆောင်ရွက်မှုများ မြှင့်တင်ရေးကို အခိုင်အမာရည်သန်ပါကြောင်း၊
ယခုအခါ အိမ်နီးချင်း နိုင်ငံအား ဆန့်ကျင်ပုန်ကန်လျက်ရှိသော လက်နက်ကိုင်အဖွဲ့အချို့ သည် အာဏာသိမ်း စစ်ကောင်စီ ၏ အကာအကွယ်ဖြင့် မြန်မာနိုင်ငံတွင်းအခြေချလျက် ရှိသည်ကို လည်းကောင်း ၊ စစ်ကောင်စီ တပ်များနှင့် ပူးပေါင်းလျက် ပြည်သူ့ကာကွယ်ရေး တပ်မတော်အား တိုက်ခိုက်ရာတွင် ပူးပေါင်းဆောင်ရွက် လျက်ရှိသည်ကို လည်းကောင်း တွေ့ရှိရပါကြောင်း၊ တာဝန်သိ ဒေသတွင်းနိုင်ငံအစိုးရ တစ်ရပ်အနေဖြင့် နယ်စပ်ဒေသ အခြေခံအဆောက်အုံဆိုင်ရာ လုပ်ထုံးလုပ်နည်းများ ၊ မူဝါဒများ ပြင်ဆင်ဆောင်ရွက်ရာတွင် နယ်စပ်ဒေသတည်ငြိမ် ရေးနှင့်လုံခြုံရေးကို ထိမ်းသိမ်းနိုင်ရေးကို အလေးထားကြောင်းထပ်လောင်းအတည်ပြုလိုပါကြောင်း၊ သို့ဖြစ်ပါ၍အမျိုးသားညီညွတ်ရေး အစိုးရသည် အိမ်နီးချင်းနိုင်ငံများအား ဆန့်ကျင် ပုန်ကန်ရန် ရည်ရွယ်ချက်ဖြင့် ဖွဲ့စည်းထားသော လက်နက်ကိုင် အဖွဲ့အစည်းများအား မြန်မာနိုင်ငံအတွင်း အမှီပြု အခြေချခြင်းကို လက်ခံခွင့်ပြုမည်မဟုတ်ကြောင်း ထုတ်ပြန်ကြေညာခဲ့သည်။

13/10/2021

ဒေါက်တာဇော်ဝေစိုးနှင့် ဦးရည်မွန်တို့ နှစ်ဦးအား ထိုင်းရဲတပ်ဖွဲ့မှ ဖမ်းဝရမ်းထုတ်သည်ဆိုခြင်းမှာ သတင်းအမှားသာဖြစ်
----------------------------

အမျိုးသားညီညွတ်ရေးအစိုးရအဖွဲ့ဝင်ဝန်ကြီးများဖြစ်ကြသော ဒေါက်တာဇော်ဝေစိုးနှင့် ဦးရည်မွန်တို့နှစ်ဦးကို ထိုင်းအစိုးရက ဖမ်းဝရမ်းထုတ်ထား၍ ချင်းမိုင်သို့ထွက်ပြေးသွားပြီဆိုသော သတင်းမှားတစ်ခု ဖြန့်ချိမှုများရှိနေသည်။

" ထိုင်းနိုင်ငံ မဲဆောက်မြို့မှာ ရှောင်ပြေးနေတဲ့ မြန်မာနိုင်ငံမှ ဝရမ်းပြေး ဒေါက်တာဇော်ဝေစိုးနှင့် ဦးရည်မွန်တို့နှစ်ဦးအား အောက်တိုဘာ ၂ ရက်နေ့က မြန်မာသံရုံး၏သတိပေးစာပေးပို့မှုကို လက်ခံရရှိပြီးသည့်နောက် မဲဆောက် ရဲစခန်းမှူး Pol Col Manas Somprapan က ယနေ့မှာ ဝရမ်းထုတ်ပြီး ၎င်းတို့ ပုန်းအောင်းရာနေရာ မဲဆောက်မြို့ Asian Highway လမ်းမပေါ်က Hop Inn Mae Sot တွင် ဖမ်းဆီးရန် ရှာဖွေရာ ချင်းမိုင်မြို့သို့ မီးရထားဖြင့် ထွက်ပြေးတိမ်းရှောင်သွားပြီဖြစ်ကြောင်း" နှင့် မဲဆောက်ပို့စ် သတင်းစာမှသိရှိရလေဟန် သတင်းအရင်းအမြစ်အဖြစ်ပြထားသည်။

အဆိုပါ သတင်းစာဖြတ်ပိုင်းပုံစံတစ်ခုကို အာဏာသိမ်းတပ်၏ထုတ်ပြန်ချက်များ အဓိကထား ဖြန့်ဝေလေ့ရှိသည့် တပ်မတော် ချစ်မြတ်နိုးသူများ ဆုံဆည်းရာဆိုသည့် ဖေ့ဘုတ်စ်ဂရုတစ်ခု၊ လူပေါင်း ၁၂၀၅၃ဦး မှ subscribe လုပ်ထားသည့် Thazin Oo ဆိုသည့် Telegram channel က ဖြန့်ဝေခဲ့ခြင်းဖြစ်သည်။

မဇ္ဈိမ သတင်းမှား စီစစ်ရေး အဖွဲ့ Misinformation Buster Program က အချက်အလက်များတိုက်ဆိုင်စစ်ဆေးမှုပြုလုပ်ရာ မဲဆောက်ရဲစခန်းမှူး Pol Col Manas Somprapan သည် ၂၀၁၈ ခုနှစ် အောက်တိုဘာလကတည်းက ဘန်ကောက်သို့ ရွှေ့ပြောင်းတာဝန်ချခံထားရသည်ကို မှတ်တမ်းများတွင်တွေ့ရသည်။

မဲဆောက်နှင့်ချင်းမိုင်ရထားပြေးဆွဲရန်အတွက် ရထားလမ်းလည်းမရှိပြန်ရာ NUG ၏ ကျန်းမာရေးဝန်ကြီး ဒေါက်တာဇော်ဝေစိုးနှင့် ကာကွယ်ရေးဝန်ကြီးတို့ ဦးရည်မွန်တို့ မည်သည့်နည်းနှင့်မျှ ရထားဖြင့်ခရီးသွား၍ရမည်မဟုတ်ပါ။

ထို့အပြင် မဲဆောက်ပို့စ်သတင်းဌာနဆိုသည်လည်း မရှိကြောင်းတွေ့ရသည်။

ထို့ကြောင့် မဲဆောက်မှ ချင်းမိုင်သို့ တိမ်းရှောင်နေသည့် ဒေါက်တာ ဇော်ဝေစိုးနှင့် ဦးရည်မွန်တို့နှစ်ဦးအား ထိုင်းရဲတပ်ဖွဲ့မှ အကြမ်းဖက်မှုဖြင့် ဖမ်းဝရမ်းထုတ်သည်ဆိုခြင်းမှာ လုပ်ကြံဖန်တီးထားသည့် သတင်းမှားသာဖြစ်ကြောင်း ထုတ်ပြန်လိုက်ရပါသည်။

MZ

11/10/2021

NUG က ကာကွယ်ရေးဝန်ကြီးရဲ့ တောတွင်းနေထိုင်မှု အနုပညာ...
..

09/10/2021

နေပြည်တော်ခရိုင် NLD တွဲ အတွင်းရေးမှူး ဦးထွန်းဝင်း
ယမန့်နေ့ညက ဖမ်းဆီးခံရ

၉အောက်တိုဘာ၂၀၂၁

နေပြည်တော်ခရိုင်NLD တွဲဖက် အတွင်းရေးမှူး ဦးထွန်းဝင်း သည် ၈.၁၀.၂၀၂၁ရက်နေ့ ည ၁၁နာရီ ဝန်းကျင်က ကျေးရွာရှိ နေအိမ်တွင် ဖမ်းဆီးခံရသည် ။

ဖမ်းဆီးခံရမှု ဖြစ်စဥ်မှာ
ကျေးရွာခံ ဖွတ်ဒလံများ၏ တိကျစွာ သတင်းပေး လိုက်လံ ပြသမှုကြောင့် အကြမ်းဖက် စစ်၊ ရဲ အင်အားအများအပြားဖြင့် ပိတ်ဆို့ ဖမ်းဆီးသွားကြောင်း သိရသည် ။

ကျောက်စရစ်ကုန်းကျေးရွာသည် NLD အားကောင်းသော ကျေးရွာဖြစ်သော်လည်း အာဏာသိမ်းပြီးနောက် ဖွတ်ဒလံများ အာဏာပါဝါ ပြလျက်ရှိပြီး ဧည့်စာရင်းအကြောင်းပြခြင်းသည်လည်း ပထမဆုံးဖြစ်သည် ။

08/10/2021

ပုဗ္ဗသီရိ ကျောက်စရစ်ကုန်းကျေးရွာကို ယနေ့ ည ၁၁နာရီ ဝန်းကျင် အကြမ်းဖက်စစ်တပ်က စစ်ကား ၂စီးဖြင့် ဧည့်စာရင်း အကြောင်းပြကာ ဝင်ရောက်စစ်ဆေးမှု ပြုလုပ်ခဲ့ဟု သိရှိရသည် ။

ထို့အတူ လယ်သာ ၊ ဂုံမင်းကွင်းကျေးရွာများသို့ ဧည့်စာရင်းအကြောင်းပြကာ ဝင်ရောက်ရှာဖွေ ဖမ်းဆီးသွားကြောင်းလည်း သတင်းရရှိသည် ။
သို့သော် ဖမ်းဆီးခံရသူ အရေအတွက်ကိုမူ အတိကျမသိရသေးပေ ။

၁၀အောက်တိုဘာ၂၀၂၁

#ထူးခြားသတင်းဆက်လက်တင်ပြပါမည်

08/10/2021

ဒေါ်အောင်ဆန်းစုကြည်ရဲ့ ရှေ့နေတွေ သတင်းထုတ်ပြန်မှု မရှိတော့

RFA - 8 October 2021

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ အမှုနဲ့ပတ်သက်ပြီး ပုံမှန်ထုတ်ပြန်ဖြေကြားပေးနေတဲ့ ရှေ့နေ့တွေဟာ အောက်တိုဘာလ ၇ ရက် မနေ့ကစပြီး သတင်းမထုတ်ပြန်တော့သလို ဖုန်းနဲ့ ဆက်သွယ်ပေမယ့်လည်း ဖြေဆိုတာ မရှိတော့ပါဘူး။

အရင်က ဒေါ်အောင်ဆန်းစုကြည်ရဲ့ ကျန်းမာရေးအခြေအနေ၊ အမှုအခြေအနေနဲ့ ပတ်သက်ပြီး အပတ်စဉ်၊ နေ့စဉ် တရားရုံးချိန်းပြီးတိုင်း ပြည်တွင်း၊ ပြည်ပသတင်းမီဒီယာတွေကို ရှေ့နေအဖွဲ့ဝင်တွေက သတင်းထုတ်ပြန် ဖြေဆိုပေးခဲ့တာပါ။

အောက်တိုဘာ ၈ ရက် ဒီနေ့မှာ ဒေါ်အောင်ဆန်းစုကြည်အပေါ် စွဲဆိုထားတဲ့ အဂတိအမှုအတွက် ရန်ကုန်တိုင်းဝန်ကြီးချုပ် ဦးဖြိုးမင်းသိန်းကို ပြန်လှန်စစ်မေးဖို့ရှိကြောင်း ရှေ့နေတွေက ပြောထားပါတယ်။ ဒါပေမဲ့ ဒီနေ့တရားခွင် အခြေအနေ ဘယ်လိုရှိသလဲဆိုတာကိုသိရဖို့ ဒေါ်အောင်ဆန်းစုကြည်ရဲ့ ရှေ့နေအဖွဲ့ဝင်တွေကို RFA က ဆက်သွယ်တဲ့အခါမှာတော့ ဖုန်းလက်ခံဖြေကြားတာ မရှိတော့ပါဘူး။

ရှေ့နေအဖွဲ့ဝင်တွေထဲက တစ်ဦးဖြစ်တဲ့ ဒေါ်မင်းမင်းစိုးဟာ အခုပတ် တနင်္လာနေ့ကတည်းက မီဒီယာတွေကို မဖြေတော့သလို ဦးခင်မောင်ဇော် ကလည်း အင်္ဂါနေ့ ရုံးချိန်းအတွက် သတင်းထုတ်ပြန်ခဲ့ပြီးနောက်ပိုင်း ဖြေကြားတာတွေ မလုပ်တော့ပါဘူး။ဒေါ်အောင်ဆန်းစုကြည်ရဲ့ ရှေ့နေအဖွဲ့ထဲမှာ နေပြည်တော်က ဦးခင်မောင်ဇော်၊ ဒေါ်မင်းမင်းစိုး၊ ဦးသဲမောင်မောင်နဲ့ ရန်ကုန်ဘက်က ဦးကြည်ဝင်းနဲ့ ဒေါ်စန်းမာလာညွန့် စုစုပေါင်း ငါးဦး ပါဝင်ပါတယ်။

ဒေါ်စန်းမာလာညွန့် ကိုတော့ ဩဂုတ်လကတည်းက သူနေထိုင်ရာ မြို့နယ်အုပ်ချုပ်ရေးမှူးရုံးကိုခေါ်ပြီး ပြည်တွင်း၊ ပြည်ပမီဒီယာတွေနဲ့ ပြည်ပအဖွဲ့အစည်းတွေကို အင်တာဗျူးမဖြေဖို့နဲ့ မဆက်သွယ်ဖို့ ဝန်ခံကတိ လက်မှတ်ရေးထိုးခိုင်းတာခံခဲ့ရပါတယ်။

အရင်က ရုံးချိန်းပြီးတိုင်း နေပြည်တော်က ရှေ့နေ ဦးခင်မောင်ဇော်ရဲ့နေအိမ်မှာ ပြည်တွင်း၊ ပြည်ပမီဒီယာတွေကို အင်တာဗျူးခွင့် ပုံမှန်ပြုလုပ်ပေးခဲ့ပေမယ့် ဇမ္ဗူသီရိမြို့နယ်နဲ့ ပျဉ်းမနားမြို့နယ်ကို နေအိမ်မှာနေထိုင်ရေး (Stay at Home) အဖြစ် ထုတ်ပြန်လိုက်ပြီး အသွားအလာကန်သတ်ခဲ့တာကြောင့် တယ်လီဖုန်းနဲ့ပဲ ဖြေကြားပေးခဲ့ကြတာပါ။

သတင်းသွားယူတဲ့ သတင်းသမားတွေကိုလည်း စစ်ဘက်ရေးရာလုံခြုံရေးတပ်ဖွဲ့ (စရဖ) က ရပ်ကွက်ထဲအထိ လာရောက်စောင့်ကြည့်တာတွေ ပြုလုပ်ခဲ့တယ်လို့ နေပြည်တော်အခြေစိုက် သတင်းသမားတချို့က ပြောပါတယ်။

ရှေ့နေအဖွဲ့ဝင်တွေ လက်ရှိ တယ်လီဖုန်းနဲ့တောင် လက်ခံဖြေကြားခြင်းမရှိတော့တာ ဘာကြောင့်လဲဆိုတာ မသိရပါဘူး။ အခုလို ဆက်သွယ်လို့မရတော့တာကြောင့် ဒေါ်အောင်ဆန်းစုကြည်၊ သမ္မတ ဦးဝင်းမြင့်နဲ့ တခြားNLD ခေါင်းဆောင်တွေရဲ့ ကျန်းမာရေးနဲ့ အမှုအခြေအနေတွေကို မသိနိုင်တော့ပါဘူး။

ဒေါ်အောင်ဆန်းစုကြည်ဟာ အာဏာသိမ်းတဲ့နေ့ စတင်အဖမ်းခံရပြီးကတည်းက ပြင်ပနဲ့အဆက်သွယ်မရဘဲ နှစ်ပတ်အကြာမှ အွန်လိုင်းဗွီဒီယိုစနစ်နဲ့ စရုံးထုတ်ခဲ့သလို မေလ ၂၄ ရက်နေ့မှာ လူကိုယ်တိုင်ရုံးထုတ်ခဲ့ရပြီး ရှေ့နေတွေတွေ့ခွင့်ရမှပဲ ဒေါ်အောင်ဆန်းစုကြည်ရဲ့ ကျန်းမာရေးအခြေအနေနဲ့ အမှုအခြေအနေတွေကို ပြည်သူတွေ သိရှိခဲ့ရတာပါ။

ဒေါ်အောင်ဆန်းစုကြည်ကို နှစ်ရှည်ထောင်ဒဏ်ချမှတ်နိုင်တဲ့ ပုဒ်မတွေဖြစ်တဲ့ မြန်မာနိုင်ငံ လျှို့ဝှက်အက်ဥပဒေ ပုဒ်မ ၃-၁ (ဂ) နဲ့ အဂတိလိုက်စားမှုတိုက်ဖျက်ရေး ဥပဒေပုဒ်မ (၅၅) အပါအဝင် စုစုပေါင်းအမှု ၁၁ ခုနဲ့ စစ်ကောင်စီက ဖမ်းဆီးအရေးယူထားတာ ဒီနေ့ဆိုရင် ရက်ပေါင်း ၂၅၀ ရှိပါပြီ။

08/10/2021

မန္တလေးမှာ ပေါက်ကွဲမှု ဖြစ်သလို ၊ အကြမ်းဖက် စစ်တပ်နဲ့ ပြည်သူ့ကာကွယ်ရေးတပ်ဖွဲ့ကြား အပြန်အလှန် ပစ်ခတ်မှုဖြစ်ပွါး

စကစဘက် ရဲတယောက်သေဆုံးကြောင်း လတ်တလောသိရ

၈အောက်တိုဘာ၂၀၂၁

08/10/2021

မင်းအောင်လှိုင်အား
သဘာ၀တရားကပင် လက်မခံပဲ
တွန်းလှန်နေ

photoCrd

ပြည်ထောင်စုသမ္မတမြန်မာနိုင်ငံတော်အမျိုးသားညီညွတ်ရေးအစိုးရကာကွယ်ရေးဝန်ကြီးဌာန_______________________________mod@nugmyanma...

08/10/2021

ပြည်ထောင်စုသမ္မတမြန်မာနိုင်ငံတော်
အမျိုးသားညီညွတ်ရေးအစိုးရ
ကာကွယ်ရေးဝန်ကြီးဌာန
_______________________________
[email protected]

ရက်စွဲ ၊ ၂၀၂၁ ခုနှစ် ၊ အောက်တိုဘာလ ၄ရက်

စစ်ကောင်စီ၏ နိုင်ငံရေးလှည့်ကွက်များအပေါ် ရှုံ့ချကြောင်း ကြေညာချက်

ကြေညာချက် အမှတ်( ၄/၂၀၂၁)

၁။အကြမ်းဖက်စစ်ကောင်စီသည် ၂၀၂၁ ခုနှစ် စက်တင်ဘာ ၂၇ ရက်စွဲဖြင့် အချိန် ငါးလ ကြာမြင့်မည့် အပစ်အခတ်ရပ်စဲကြောင်း ကြေညာချက်တစ်စောင် ထုတ်ပြန်ခဲ့သည်ကို လည်းကောင်း၊ စက်တင်ဘာလ ၃၀ ရက် သတင်းစာရှင်းလင်းပွဲတွင် ငြိမ်းချမ်းရေးလုပ်ငန်းစဉ်များကို တိုးမြှင့်ဆောင်ရွက်မည်ဟု ထုတ်ဖော်ပြောဆိုခဲ့သည်ကိုလည်းကောင်း တွေ့ရသည်။

၂။စစ်အုပ်စုအနေဖြင့် ၂၀၁၈ ခုနှစ် ဒီဇင်ဘာလ ၂၁ ရက်တွင် ပထမဆုံးအကြိမ် အပစ်အခတ် ရပ်စဲကြောင်း ကြေညာချက် ထုတ်ပြန်ခဲ့ပြီး ယခုအကြိမ် ထုတ်ပြန်ချက်မှာ အကြိမ် ( ၂၀ ) မြောက်ဖြစ်ပေသည်။

၃။စစ်အုပ်စု၏ အပစ်အခတ်ရပ်စဲကြောင်း အကြိမ်ကြိမ်ကြေညာခဲ့သမျှသည် တစ်နိုင်ငံလုံး သဘောမဆောင်ရုံသာမက အမှန်တကယ် ငြိမ်းချမ်းရေး ရယူလိုခြင်းမရှိဘဲ နိုင်ငံရေးလှည့်ကွက်အဖြစ် ဟန်ပြ လုပ်ဆောင်ခြင်းသာဖြစ်ပြီး အပစ်အခတ်ရပ်စဲကြောင်းကြေညာပြီးချိန်တိုင်း တိုင်းရင်းသားနယ်မြေများတွင် စစ်အင်အားတိုးချဲ့ချထားခြင်း၊ အဆက်မပြတ်ကျူးကျော်တိုက်ခိုက်ခြင်းအားဖြင့် ပြည်တွင်းစစ်ဘောင်ချဲ့ထွင်ခဲ့သည်ကိုသာ တွေ့ရမည်ဖြစ်သည်။စစ်အုပ်စု ကိုင်စွဲထားသော နိုင်ငံရေးတွင် စစ်တပ်က အစဥ် ဗိုလ်ကျလွှမ်းမိုးရေး သဘောထားဖြင့် ဘယ်သောအခါမှ စစ်မှန်သော ငြိမ်းချမ်းရေးကို ရယူနိုင်မည် မဟုတ်ပေ။

၄။ဖေဖော်ဝါရီ ၁ ရက် လက်နက်အားကိုးဖြင့် တရားမဝင် အဓမ္မအာဏာသိမ်းပြီးနောက် ပြည်သူ ( ၁၁၀၀)ကျော်ကို ညှဉ်းပန်းနှိပ်စက်သတ်ဖြတ်ပြီး ဖြစ်ရုံသာမက အကြမ်းဖက်မှု၊ စစ်ရာဇဝတ်မှုများကို ဆက်တိုက် ကျူးလွန်နေခြင်းကြောင့် မြန်မာပြည်သူများက တစ်နိုင်ငံလုံးအတိုင်းအတာဖြင့် တရားမျှတသော ခုခံတွန်းလှန်စစ်ကို ဆင်နွှဲနေချိန်တွင် ထုတ်ပြန်သောကြေညာချက်များဖြစ်သည့် အတွက် နိုင်ငံရေးလှည့်စားမှု သက်သက် ဖြစ်သည်မှာ ပို၍ ထင်ရှားသည်။

၅။ဤထုတ်ဖော်ကြေညာချက်များ၏ အတွင်းသဘောမှာ -
( က )အမျိုးသားညီညွတ်ရေးအစိုးရနှင့် တိုင်းရင်းသားလက်နက်ကိုင်တော်လှန်ရေးအဖွဲ့များအကြား
သွေးခွဲသပ်လျှိုရန်
( ခ )တိုင်းရင်းသားလက်နက်ကိုင်တော်လှန်ရေးအဖွဲ့ အချင်းချင်းအကြား သွေးခွဲသပ်လျှိုရန်
( ဂ )တိုင်းရင်းသားလူမျိုး တစ်ခုအတွင်းမှာပင် အမြင်သဘောထားများ အကွဲကွဲအပြားပြားဖြစ်အောင်
သွေးခွဲသပ်လျှိုရန်
( ဃ )၎င်းတို့၏ အကြမ်းဖက်မှု သရုပ်မှန်ကို ဖုံးကွယ်ရန်နှင့် ငြိမ်းချမ်းရေး မျက်နှာဖုံးတပ်လျက် နိုင်ငံတကာသို့ လိမ်လည် လှည့်ဖျားရန် ရည်ရွယ်ခြင်းသာဖြစ်သည်ဟု မှတ်ယူနိုင်သည်။

၆။ပကတိအခြေအနေတွင် နိုင်ငံရေး၊ စီးပွားရေး၊ လူမှုရေး၊ စစ်ရေး၊ သံတမန်ရေး စစ်မျက်နှာအစုံတွင် အရေးနိမ့်လျက်ရှိသော စစ်ကောင်စီအနေဖြင့် အသက်ဆက်ခွင့်ရလိုရငြား နိုင်ငံရေးထွက်ပေါက်ရှာခြင်းသာ ဖြစ်သည့်အတွက် အမျိုးသားညီညွတ်ရေးအစိုးရအနေဖြင့် စစ်ကောင်စီ၏ နိုင်ငံရေးလှည့်ကွက်များ အပေါ် ကန့်ကွက်ရှုံ့ချကြောင်း ဖော်ပြအပ်သည်။

၇။စစ်အာဏာရှင်ဆန့်ကျင်ဖယ်ရှားရေး နှင့် ဖက်ဒရယ်ဒီမိုကရေစီစနစ် တည်ဆောက်ရေး ဘုံရည်မှန်းချက်ထားရှိသော တော်လှန်ရေးအင်အားစုအားလုံးသည် တော်လှန်ရေးသတိ၊ တော်လှန်ရေး သတ္တိဖြင့် ဘုံရန်သူစစ်ကောင်စီ ကျဆုံးသည်အထိ ခုခံတွန်းလှန်စစ်ကို ဆက်လက်ဆင်နွှဲသွားမည် ဖြစ်ကြောင်း သဘောထားထုတ်ပြန်အပ်သည်။

ပုံ
(ရည်မွန်)
ပြည်ထောင်စုဝန်ကြီး
ကာကွယ်ရေးဝန်ကြီးဌာန
အမျိုးသားညီညွတ်ရေးအစိုးရ။

08/10/2021

သားကြီး
မင်း ဘဲကျောင်းနေတာလား
ငယ်ငယ်က အကြောင်းလေးတွေ တွေးမိမှာပေါ့
ဘဲတွေမောင်းရင်း မင်းဖင်မှာ မျှော့တွယ်တာလေးကော သတိရလား သားကြီး
မင်းငယ်ငယ်က ဘဲ အငှါးကျောင်းရင်း
ရောင်းရောင်းစားပစ်တာ
အခုကော သူများပစ္စည်း ငှါးပြီး ရောင်းစားနေသေးလား
ငယ်ငယ်က အကျင့် ဖျောက်တော့ဟ

သားကြီး
မင်း ငှက်ပျောသီးပါ ရောင်းနေတာလား
မင်းငယ်ငယ်က သူများခြံထဲ
ငှက်ပျောသီး ဝင်ခိုးလို့
မိသွားတာ မှတ်မိလား
မိကြူတို့ အဖေက အာမခံနဲ့ လာထုတ်လို့ မိကြူကို ကျေးဇူးဆပ်တဲ့အနေနဲ့ မင်းယူခဲ့တာလေ
အခုကော မင်းရောင်းနေတာ
သူများခြံထဲက ငှက်ပျောသီး မဟုတ်ပါဘူးနော်
မင်းက ယုံရတာမဟုတ်ဘူး
မင်းရောင်းတဲ့ ကြက် ဝက် ဘဲ ငှက်ပျောသီး တွေ မဝယ်ရဲဘူးဟ
မင်းက ယုံရတာ မဟုတ်ဘူး
မင်းက
#မလုပ်ရဲတာဘာမှမရှိဘူး
ပြောထားတာကိုး

သားကြီး
မင်းကို တခုတော့ ချီးကျူးတယ်ကွာ
ရာထူးကြီးပေမယ့်
ဘဲကျောင်းရဲ တာ စျေးရောင်းရဲတာ
နောက်ပြီး မင်း ဘဝ မမေ့တာကို လေးစားတယ်

လုပ်ကွာ ငါအားပေးတယ် သားကြီး

#မအလ Os

07/10/2021

ကျည်တောင်ကန်မှ
စကစ ဒလံရဲ့ ဓာတ်ပုံနှင်တကွ သတင်းပေးမှုကြောင့် ၆.၉.၂၀၂၁ ည ၁၁နာရီဝန်းကျင်က
ကျည်တောင်ကန် သား ၂၆ ယောက်ကို အကြမ်းဖက် စစ်ကောင်စီက ဖမ်းဆီသွားကြောင်း သိရ

၇.အောက်တိုဘာ.၂၀၂၁

06/10/2021

ပုဗ္ဗသီရိမြို့နယ် အောင်သုခကျေးရွာသို့ အကြမ်းဖက်စကစမှ ဝင်ရောက် ရှာဖွေတာ ဖမ်းဆီးတာတွေ ပြုလုပ်

၆အောက်တိုဘာ၂၀၂၁

ပုဗ္ဗသီရိမြို့နယ် အောင်သုခ(ဆိတ်နံတုန်း) ကျေးရွာသို့ ယနေ့ည ၉ နာရီကျော်က စစ်ကား၁စီး၊ ရဲကား၁စီးဖြင့် ဝင်ရောက်လာခဲ့ပြီး စကစဒလံ ၏ သတင်းပေးသောအိမ်ကို ဝင်ရောက် ရှာဖွေမေးမြန်ခဲ့သည် ။

ဝင်ရောက်ရှာဖွေ မေးမြန်းစဥ် အိမ်ရှင် အိမ်ရှင်အမျိုးသားတစ်ဦး(၃၅)နှစ် နှင့် ၄င်းနှင့် ဦးလေးတော်စပ်သူ(၆၅)နှစ် တို့အား အကြမ်းဖက် စစ်ကောင်စီက ဖမ်းဆီးသွားခဲ့ကြောင်း သတင်းရရှိသည်။

06/10/2021

ပုဗ္ဗသီရိမြို့နယ် အောင်သုခကျေးရွာသို့ ယခု ၆.၉.၂၀၂၁ ည၁၁နာရီအချိန်တွင် အကြမ်းဖက်စကစမှ ဝင်ရောက် ရှာဖွေတာတွေ ပြုလုပ်နေတယ် လို့ ကနဦးသတင်းရရှိ ---

#သတင်းအသေးစိတ်ထပ်မံတင်ပြပါမည်

05/10/2021

အကြမ်းဖက်စစ်ကောင်စီက Non-CDM ကျောင်းဆရာ/ဆရာ မများအား

ထောက်ပံ့ကြေး ၃ သောင်းကျပ် ပေးပြီးစည်းရုံး‼

05/10/2021

All Absurd

04/10/2021

ယမန်နေ့ ည ၁၁ နာရီဝန်းကျင်က ကျည်တောင်ကန်မှ လူငယ်၃ဦး အကြမ်းဖက်စစ်ကောင်စီ၏ သတင်းပေး ဒလံများကြောင့် ဖမ်းဆီးခံလိုက်ရသည်ဟု သိရ

၄အောက်တိုဘာ၂၀၂၁
ပုဗ္ဗသီရိ

02/10/2021

ဆိုးရွားလာနေသော မြန်မာ အရေး
ကုလ ဌာနေ ကိုယ်စားလှယ်မှ ကမ္ဘာကို အသိပေးပြီ
*****************************

(၁)

ယခင် ငြိမ်ပိ စစ်အစိုးရ သည် ဗိုလ်နေဝင်း၏ မဆလ ခေတ် အမွေဆိုး များကို ဆက်ခံခဲ့ရပြီးနောက် မကြာခင်မှာပင် တံခါးဖွင့် စီးပွားရေး မူဝါဒကို ကျင့်သုံးပြီး ပြည်ပနှင့် ကူးလူးဆက်ဆံလာခဲ့၍ တိုင်းပြည်စီးပွားရေး အနည်းငယ် အသက်ရှု ချောင်လာခဲ့သည်။

မင်းအောင်လှိုင် တို့ အဖွဲ့၏ လားရာက ပြောင်းပြန် ဖြစ်လာနေသည်၊ ခေတ်ကောင်း မှ ခေတ်ဆိုးကြီးဆီသို့ နောက်ပြန် ခုတ်မောင်းနေရသော မီးရထား ခေါင်းတွဲ၏ ဂတ်ဗိုလ်ကြီး ဖြစ်လာနေသည်၊ ဂျောက်ထဲသို့ ကျလုနီးနီး တွင် ခုန်ဆင်းကြမည်လော၊ သို့တည်း မဟုတ် ရှက်ရှက်နှင့်ပင် အဆုံးထိ ဆက်လိုက် သွားကြမည်လော ဟု တိုင်ပင် ဆုံးဖြတ်ကြဖို့သာ ရှိပေတော့သည်။

အာဏာသိမ်းပြီး ရှစ်လကြာ ပြီးနောက် အခြေအနေများကို ရန်ကုန် တွင် နေထိုင်လျက် ရှိသော ကုလ လူသားချင်း စာနာမှု အကူအညီပေးရေး ဆိုင်ရာ ယာယီ တာဝန်ခံ အင်ဒရူး ကပ်ဝုဒ် မှ
သန်း နှစ်ဆယ်ကျော်သော မြန်မာ နိုင်ငံသားများသည် ဆင်းရဲတွင်းထဲ သက်ဆင်းနေပြီဟု အွန်လိုင်း သတင်းစာ ရှင်းလင်းပွဲမှ တဆင့် ကမ္ဘာသို့ ထုတ်ပြန် အသိပေးလိုက်ပြီ ဖြစ်သည်။

ထိုအထဲတွင် သုံးသန်း ခန့်သည် အငတ်ဘေး ကြုံနေကြရပြီး ထိုသို့သော အခြေအနေမျိုးကို
နှစ်ပေါင်း နှစ်ဆယ်အတွင်း တွေ့မြင်ခဲ့ရခြင်း မရှိသဖြင့် မြန်မာသည် "ပြင်းထန်ဆိုးရွားလှသော အကျပ်အတည်းကြီး" နှင့် ရင်ဆိုင်နေရပြီ ဖြစ်သည်ဟု ဆိုသည်။

ယခင်က ငြိမ်းချမ်းခဲ့သော ချင်း၊ မကွေး၊ စစ်ကိုင်း နှင့် မန္တလေး ဒေသများတွင် လက်နက်ကိုင် တိုက်ပွဲများ ဖြစ်ပွားလာပြီး တစထက်တစ ကျယ်ပြန့်လာနေပြီ ဖြစ်သည်ဟု ဆိုသည်။

ကမ္ဘာနိုင်ငံများက မြန်မာပြည်သူများအား ပါးစပ်နှင့်သာ ထောက်ခံနေကြပြီး မြန်မာလူထု အတွက် လိုအပ်သော ဆေးဝါး၊ စားနပ်ရိက္ခာများ ထောက်ပံ့နိုင်ရန် ‌ယခုထိ ဒေါ်လာ သန်း ၂၅၀ ခန့် လိုအပ်နေဆဲ ဖြစ်သည်ဟု ငြည်းညူသွားခဲ့သည်။

မည်သည့်ဖက်ကမှ နိုင်ငံရေး အရ အဖြေရှာရန် လိုလိုလားလား မရှိ၍ ကုလ နှင့် အခြား အကူအညီပေးရေး အေဂျင်စီ များ ကြားဝင်ရန် အရေးတကြီး လိုအပ်နေပြီ ဖြစ်သည်ဟု ပြောသွားခဲ့သည်။

(၂)

ကုလသမဂ္ဂ ပဋိညာဉ် စာတမ်းသည် နိုင်ငံတခု၏ နယ်မြေ တည်တံ့ ပိုင်ခွင့်ကို မည်သို့မည်ပုံ ကာကွယ် ပေးရမည်ကို သာ အဓိကထား ရေးဆွဲခဲ့ပြီး ထို နိုင်ငံများ အတွင်း အစုလိုက် အပြုံလိုက် အသတ်ခံနေရခြင်းများ အတွက် ထိရောက်စွာ ကာကွယ်ရေး ဖက်တွင် အားပျော့လျက် ရှိနေသည်။

မြန်မာအကျပ်အတည်းကို ဖြေရှင်းရေးသည် အဆိုပါ ပဋိညာဉ် စာတမ်းကို လက်ကိုင်ပြုကာ မျက်ကွယ်ပြုနေ၍ မရတော့ပဲ မည်သို့ ‌ဖြေရှင်းရမည်ကို အခြားနည်းလမ်းများ တီထွင်ကြံဆလုပ်မှသာ ဖြစ်တော့မည်ဟု မက်ဆာချူးဆက် တက္ကသိုလ်၏ နိုင်ငံရေးသိပ္ပံ နှင့် ဥပဒေရေးရာ ဌာနမှ ပါမောက္ခ ချာလီ ကာပင်တာက World Politics Review စာစောင်တွင် ရေးသားလာသည်။

ယခုအခါ အခြားနိုင်ငံများသို့ ဒုက္ခသည်များ ဖြတ်ကျော် စိမ့်ဝင်လာနေမှု အား နိုင်ငံတကာ ငြိမ်းချမ်းရေး နှင့် လုံခြုံရေး အား ခြိမ်းခြောက်နေမှု အဖြစ် ကုလ လုံခြုံရေး ကောင်စီ မှ တရားဝင် လက်ခံခဲ့ပြီး ဖြစ်သည်။

ကုလ ပဋိညာဉ် စာတမ်း အပိုဒ် ၅၁ အရ ထိခိုက်လာသော နိူင်ငံများ အဖို့ မိမိနိုင်ငံကို မိမိ ခုခံကာကွယ်ပိုင်ခွင့် ရှိနေသည်ဟု ပြဌာန်းထားပြီး ဖြစ်သည်၊ ထိုသိုသော လုပ်ရပ်ကို လုံခြုံရေး ကောင်စီ မှ တားမြစ်ချက် မထုတ်ပြန်မချင်း အကြုံးဝင်နေသည်။

လက်ရှိ စစ်အာဏာရှင်များသည် တိုင်းပြည်အား ဒီမိုကရေစီ စနစ် ပြန်လည်ထွန်းကားရန် တိုက်ပွဲဝင်နေသော မြန်မာ တို့၏ ခုခံတွန်းလှန်စစ်အား အပြင်းအထန် ချေမှုန်းနိူင်ရန် ပြင်ဆင်လျက် ရှိနေသဖြင့် တဖြေးဖြေး နှင့် ဂျီနိုဆိုက် အဆင့် ရောက်လာတော့မည်ဟု ဆိုသည်။ ထို့အတွက် နိုင်ငံတကာ နှင့် အိမ်နီးချင်း နိုင်ငံများက မည်သို့သော နည်းလမ်းဖြင့် ဟန့်တား နိုင်မည်ကို စုပေါင်းစဉ်းစား အဖြေရှာရန် အချိန်ကျနေပြီ ဖြစ်သည်ဟု ဆိုသည်။

ထိုအရေး အတွက် ကုလ အတွင်းရေးမှုးချုပ် မှ ဦး ဆောင်ဦးရွက်ပြုကာ High-Level Panel တရပ်ဖွဲ့စည်းပြီး ကြိုတင်သတိပေးခြင်း၊ လက်ဦးမှု ယူကာ ဟန့်တားနိုင်ရေး နည်းလမ်းများ ရှာကြံ၍ ဆောင်ရွက်သင့်သည်ဟု အကြံပြုထားသည်။

စစ်အာဏာသိမ်း အဖွဲသည် နဂိုကတည်းက နာမည်ပျက် ရှိထားပြီး ဖြစ်သည့် အကြမ်းဖက် အဖွဲ့အစည်းသာသာ အဆင့်ရှိနေသဖြင့် ၎င်းတို့၏ အလွန်အကျွံ လုပ်ရပ်များ အဆုံးစွန်ထိ ကျုးလွန်လာမည်ကို လက်ပိုက်ကြည့်မနေကြရန် ဖိအားပေးမှုများ တနေ့တခြားများသည်ထက် များလာနေပြီ ဖြစ်သည်။

(၃)

ယနေ့ ရရှိသော သတင်းများအရ နေပြည်တော် ပုဗ္ပသီရိ ရှိ စစ်ကောင်စီ တပ်များ၏ ပစ္စည်းဝယ် ယူရေး ညွှန်မှုး ရုံးအား နေပြည်တော် PDF က အောင်မြင်စွာ ထိုးဖေါက်ပြီး ဗုံးခွဲတိုက်ခိုက်နိူင်ခဲ့ပြီဖြစ်သည်၊ အထိအခိုက်မရှိသော်လည်း ဘဂ္ဂဒက်ရှိ ဂရင်းဇုံးအလား လုံခြုံလှပါသည်ဟု သတ်မှတ်ထားသော အတွင်းစည်းဝိုင်းသည် ပထမဆုံးအကြိမ် ကျိုးပေါက်သွားခဲ့ပြီ ဖြစ်သည်။

ဇော်မင်းထွန်း မှ သတင်းစာရှင်းလင်းပွဲတွင် NUG ဝန်ကြီးများ အား အပြင်ထွက်ခဲ့ရန် စိန်ခေါ်ပြီး နာရီပိုင်း အကြာတွင် ဖေါက်ခွဲခံလိုက်ရခြင်း ဖြစ်သည်ဟု သိရသည်။

အလားတူ ဗိုလ်ချုပ် စောကျောသက် ဦးစီးသော
DKBA ခွဲထက် အဖွဲ့မှ စစ်ကောင်စီ ၏ အရှေ့တောင်တိုင်း စစ်ဌာနချုပ် တိုင်းမှုး ဗိုလ်မှူးချုပ် ကိုကိုမောင် လိုက်ပါလာသော ယာဉ်တန်းကို ကောကရိတ်-မြဝတီ အဝေးပြေး လမ်းမပေါ်ရှိ ကျိုက်ဒုံး လမ်းဆုံတွင် ခြုံခိုတိုက်ခိုက် နိုင်ခဲ့ရာ စစ်ကောင်စီ တပ်ဖွဲ့ဝင် လေးဦး သေဆုံးပြီး ဗိုလ်မှုး တဦးအပါအဝင် သုံးဦး ဒဏ်ရာရရှိသွားသည်ဟု BGF တာဝန်ရှိသူ တဦးက ဧရာဝတီသို့ ထုတ်ဖေါ်ပြောဆိုခဲ့သည်။

ဗျုဟာမှုး ဆိုသူ လွတ်မြောက်သွားသော်လည်း
စစ်ကောင်စီ တပ်များက ၎င်းတို့ လုပ်နေကျ နည်းလမ်း အတိုင်း အနီးအနားရှိ ရွာများကို လက်နက်ကြီးများဖြင့် ပစ်ခတ်ဖျက်ဆီးခဲ့ကြသည်ဟု သိရသည်။

ရိုက်တာ သတင်းအရ ဖေ့စ်ဘုတ်တွင် ဒေါ်လာနှင့် ကျပ်ငွေ အလဲအလှယ် လုပ်သည့် ပိတ်ခ်ျ များ ထွက်ပေါ်လာနေသည်ဟု သိရသည်။

နိုင်ငံတော် အတိုင်ပင်ခံအား ထောင်ဒဏ် ၁၅ နှစ်ထိ အပြစ်ဒဏ် ချမှတ်နိုင်သော အကျင့်ပျက် လာဒ်စားမှူ ပုဒ်မဖြင့် စွဲဆိုထားသည့် အမှုအား မန္တလေး တိုင်း ဗဟို တရားရုံး တရားသူကြီး မြင့်ဆန်းက ယမန်နေ့က စတင် စစ်ဆေးရာ တရားလိုပြ သက်သေ အဖြစ် ဦးဖြိုးမင်းသိန်းက ထွက်ဆိုသွားခဲ့သည်၊ သူသည် စိတ်ဓါတ်ကျဆင်းနေပုံ ပေါ်ပြီး ဒေါ်အောင်ဆန်းစုကြည် ရှေ့မှ ဖြတ်လျှောက်သွားသော်လည်း စောင်းငဲ့ကြည့်သွားခြင်းပင် မရှိဟု ရှေ့နေ ဦးခင်မောင်ဇော်မှ
ပြောပြကြောင်း အင်္ဂလန်ရှိ ဂါဒီယန်း သတင်းစာတွင် ဖေါ်ပြထားသည်။

သတင်းစာက ဆက်လက်ရေးသားရာတွင် ဒေါ်အောင်ဆန်းစုကြည် အပေါ် နိုင်ငံရေး အရ လက်စားချေရန် စွဲဆိုထားခြင်း ဖြစ်၍ အမြန်ဆုံး ပြန်လွှတ်ပေးရန် ကုလ သမဂ္ဂ နှင့် နိုင်ငံတကာ မှ တောင်းဆိုနေကြသည်ဟုလည်း ရေးသားထားသည်။

ဤသည်ကို ကြည့်က အာဏာသိမ်း အဖွဲ့သည် နိုင်ငံတော် အတိုင်ပင်ခံအား ယုံကြည်မှု ကင်းမဲ့စေရန် ယုတ်မာပက်စက်စွာ ကြံစည်နေကြသည်မှာ
ထင်ရှားပေါ်လွင်လာနေပြီ ဖြစ်သည်။ ဦးဖြိုးမင်းသိန်း မိသားစု ၏ အသက်အန္တရာယ် ကို မည်မျှ အထိ ခြိမ်းခြောက် ခံနေရပြီ ဆိုသည်မှာ သိသာနေပြီ ဖြစ်သည်။

အာဆီယံ ၏ အထူး သံတမန်အား ဒေါ်အောင်ဆန်းစုကြည် နှင့် ‌တွေ့ခွင့် ပေးရေး မဖြစ်နိူင်ဟု စစ်ကောင်စီ ပြောခွင့်ရ ဇော်မင်းထွန်းမှ AFP သတင်းဌာနသို့ ပြောခဲ့ပြီ ဖြစ်၍ အာဆီယံ၏ ဟန်ပြ ဝင်ရောက်ဖြန်ဖြေရန် ကြိုးပမ်းလာမှုသည်ပင် မရေမရာ ဖြစ်သွားခဲ့ရပေပြီ။

တော်လှန်ရေး မုချ အောင်ရမည်!!!

ဓါတ်ပုံ - မြန်မာနောင်း

01/10/2021

ပြည်သူကြည်ညိုတဲ့ ပြည်သူ့ခေါင်းဆောင်တွေကို ဒုက္ခပေးခဲ့မိလို့ ဘဝနိဂုံးမလှဖြစ်ခဲ့ရသူ (သို့မဟုတ်)
ဂဠုန်ဦးစော
~~~~~~~~~~~~~~~~~~

၁၉၄၈ခုနှစ် မေလ၈ရက်က ဂဠုန်ဦးစောကို ကြိုးပေးရန်ပြင်ဆင်နေစဉ်
ဗိုလ်ချုပ်အောင်ဆန်းနှင့် အာဇာနည်ခေါင်း ဆောင်များကို လုပ် ကြံမှုဖြင့် သေဒဏ်ပေးခံရသော ဂဠုန်ဦးစောကို တစ်တိုင်းတစ်ပြည် လုံးက မုန်းတီးခဲ့ကြသော်လည်း ၎င်းကို ကယ်တင်လိုကြသူများ လည်း ထိုခေတ်ကရှိခဲ့ကြသည်။ အဆိုပါကိစ္စနှင့် ပတ်သက်၍ မြန် မာပြည်ဘုရင်ခံဟောင်း ဆာဒေါ် မန်စမစ်က မြန်မာနိုင်ငံတော် သမ္မတကြီးထံ ဦးစောကို သေဒဏ်ပေး ထားသည့်ကိစ္စနှင့် ပတ်သက်၍ သက်ညှာနိုင်သမျှ သက်ညှာစွာ စဉ်းစား၍ ပယ်ဖျက်ပါရန် သံကြိုး စာတစ်စောင်ပေးပို့ခဲ့သည်။

ထို့ပြင် ဦးစောအသက်ချမ်း သာရာရရေးအတွက် ဘိလပ် (ဗြိတိန်)ရှိ ဗုဒ္ဓဘာသာအသင်းကြီး နှစ်သင်းကလည်း ၀န်ကြီးချုပ် ဦးနုထံ အကြောင်းပြချက်သုံးချက်ဖြင့် မေတ္တာရပ်ခံသည့် ကြေးနန်းနှစ် စောင်ပို့ခဲ့ကြသည်။ အကြောင်းပြ ချက် သုံးချက်ကို ဖော်ပြရလျှင် ဦးစောကဲ့သို့ မြန်မာ့လွတ်လပ်ရေး ကြိုးပမ်းခဲ့သော ခေါင်းဆောင်တစ် ဦးကို အသက်ချမ်းသာပေးခဲ့လျှင် ၀န်ကြီးချုပ် သခင်နု၏ မြင့်မြတ် သောစေတနာမှာ ရာဇ၀င်တွင် ရစ်လိမ့်မည်ဟု နံပါတ် (၁) အကြောင်းပြခဲ့ကြသည်။ နံပါတ် (၂) အ ကြောင်းပြချက်မှာ အင်္ဂလန်တွင် သေဒဏ်စီရင်ခြင်းကို ပယ်ဖျက် ရန်ရှိနေရာ ဦးစောကို သေဒဏ်မှ လွတ်ငြိမ်းခွင့်ပြုပါက အင်္ဂလိပ် မြန်မာချစ်ကြည်ရေးဖြောင့်ဖြူး ဖွယ်ရှိကြောင်း ထိုသို့မဟုတ်ပါက အင်္ဂလိပ်မြန်မာချစ်ကြည်ရေး ပျက်ပြားဖွယ်ရှိကြောင်း ခြိမ်းခြောက်ဟန်ပါခဲ့သည်။ နောက်ဆုံးအကြောင်းပြချက်မှာ သေဒဏ် ပေးသည့်ကိစ္စမှာ ဗုဒ္ဓဘာသာ တရားတော်နှင့် ဆန့်ကျင်သည်ဟူ ၍ ဖြစ်သည်။

ဦးစောကို မသတ်ရန် မေတ္တာရပ်ခံသည့်အထဲတွင် ယိုးဒယား (ထိုင်း)ပါလီမန်လည်း ပါ၀င်ခဲ့ သည်။ ယိုးဒယားပါလီမန်လူကြီး ခုနစ်ဦး၏ မေတ္တာရပ်ခံစာတွင် နိုင်ငံရေးသမားများကို ပိုမိုဂုဏ်ရှိ သည့် ထွက်ပေါက်ဖွင့်ပေးထား သင့်သည်ဟု ပါရှိသည်။

ဆရာတော်ကြီးများကလည်း ဂဠုန်ဦးစော၏ အသက်ကို အလှူ ခံခဲ့သေးသည်။ ၁၉၄၈ ဧပြီ ၅ ရက်တွင် ဦးစော၏ ဇနီး ဒေါ်သန်းခင် နှင့် ဆွေမျိုးတစ်စုက ရွှေတိဂုံစေတီတော်တွင် ဦးစောအတွက်ရည်စူး ကာ သံဃာတော်အပါး ၅၀ ကို ဆွမ်းကပ်ခဲ့ကြသည်။ ဦးစော၏ တူတော်စပ်သူ ဦးခင်မောင်လတ် က ဦးစောနန်းရင်း၀န်ဖြစ်စဉ်က စာမျက်နှာ ၂၀ ကျော်ရှိ အလှူစာရင်းကို ဖတ်ကြားကာ ရေစက် သွန်းချအမျှဝေခဲ့ကြသည်။ ထို့ နောက် ဆရာတော်များက အစည်းအဝေးတစ်ရပ်ပြုလုပ်ကာ သမ္မတ ထံအဆိုတင်သွင်းခဲ့ကြသည်။

အဆိုတွင် ရှေးဗမာမင်းများ လက်ထက်က ရာဇ၀တ်သားများ အား သံဃာတော်များ၊ ဆရာတော်ကြီးများက အသက်ချမ်းသာ ခွင့်ရရန် အလှူခံသည့်အခါ ခွင့်ပြု ခဲ့ကြဖူးကြောင်း၊ ဗြိတိသျှအစိုးရ လက်ထက်ကလည်း အလယ် တောရဆရာတော်ကြီး ကြီးမှူး ကာ ရာဇ၀တ်ကောင်များ၏ သေဒဏ်ကို အလှူခံရာ ရရှိခဲ့ဖူး ကြောင်း၊ သို့အတွက် ဦးစောအ တွက်လည်း အလှူခံရရန် အဆို တင်သွင်းကြောင်းပါရှိသည်။

၁၉၄၇ ဇူလိုင် ၁၉ ရက် လုပ် ကြံမှုကြီးကို အောက်တိုဘာ ၈ ရက်တွင် အင်းစိန်ထောင်အတွင်းရှိ အထူးခုံရုံး၌ စတင်စစ်ဆေးပြီး ၁၉၄၈ မေလ ၈ ရက်တွင် တရားခံ များကို ကြိုးပေးခဲ့သည်။ အမှုရင် ဆိုင်စဉ်ကာလအတွင်း ဦးစော ဘက်မှ ရှေ့နေလိုက်ကာ ဦးစော အသက်ကို ကယ်တင်ရန် ကြိုးစား ခဲ့ကြသည့်ရှေ့နေများမှာ (၁) မစ္စတာကားတစ်ဘင်နက် (ဘိလပ်မှ တော်၀င် ၀တ်လုံတော်ကြီး)၊ (၂) မစ္စတာ မာတားနစ် (ဘိလပ်၀တ် လုံ)၊ (၃) ဦးစံ၀င်း (သာယာ၀တီ) နှင့် (၄) ဦးသိန်းကျော် (ကြို့ပင် ကောက်)တို့ ဖြစ်ကြသည်။

သို့သော် အာဇာနည်များကို လုပ်ကြံသည့် မိုက်လုံးကြီးလှသူ များ၏ မိုက်ဇာတ်သိမ်းကို မည်သူမျှ မတားဆီးနိုင်ခဲ့ပါချေ။ ဦးစော သည် သူမလွတ်မြောက်နိုင်တော့ သည်ကို သိလိုက်ကြောင်းကို သူ၏ဇနီးထံပေးပို့သော ထောင်တွင်းမှ ပေးစာတစ်စောင်၌ တွေ့ရသည်။

မာမီခင်

ကျွန်တော့်အလောင်းကို အိမ်သို့ မယူပါနှင့်။ ဘယ်သို့မှ လည်းမယူပါနှင့်။ သေပြီးသော အ ပုပ်ကောင်ကြီးဟူ၍ တရားနှင့် ဖြေပါ။ သတိသံဝေဂဖြစ်ပါ။ အနိစ္စတရားနှင့် အနတ္တတရားများကို ပွားများပါ။ သေပြီးဖြစ်၍ မထူးပါ။ ထို့ကြောင့် မာမီတို့ ဒုက္ခမရှာပါနှင့် တော့။ သေသူကို ရည်ရွယ်၍ ပဉ္စင်းခံခြင်း၊ ရှင်ပြုခြင်း၊ ဆွမ်း ကျွေးခြင်းစသော ကုသိုလ်ကောင်း မှုများကို ပြုလုပ်ပါက မာမီတို့မှာ ကုသိုလ်ရနိုင်ပါသည်။ အမျှအ တန်းဝေပါက ကုသိုလ်ရနိုင်ပါ သည်။ ဤသို့သော ကုသိုလ်ရေး များကိုသာ ဂရုစိုက်ပါ။

(ပုံ) မောင်စော

ဇနီးသည်ထံပို့သော အခြား စာတစ်စောင်၌မူ ၎င်းပိုင်ဆိုင် သည့် အ၀တ်အထည်နှင့် ပုဆိုး တောင်ရှည်၊ ပိုးအင်္ကျီ၊ သက္ကလတ် အင်္ကျီများကို ဖုံနှင့် မှီအုံးများပြု လုပ်ပြီး ဆရာတော်ဘုရားကြီးများ အား လှူဒါန်းအမျှပေးဝေရန် မှာ ကြားသည်။ ၎င်းပိုင်ဆိုင်သော အနောက်တိုင်း၀တ်စုံများနှင့် ရှူးဖိနပ်များကို ဗြိတိန်ရှိ ညီဖြစ်သူ မောင်ဂျိုး၊ ဦးမြရင်၊ မောင်လှမြတ် စိုးတို့ကို ဝေငှလှူဒါန်းရန် ဇနီး ဒေါ် သန်းခင်နှင့် သမီး ဘေဘီစောတို့ ပိုင်ဆိုင်ထိုက်သော အိမ်၊ ရွှေ၊ ငွေ၊ စိန်များကို ထုခွဲသင့်သလောက်ထု ခွဲ၍ လှူဒါန်းရန် မှာကြားထား သည်။ ဦးစောက စာကို မိတ်ဆွေ သင်္ဂဟများအား နှုတ်ဆက်ခြင်း ဖြင့် အဆုံးသတ်ထားသည်။

နန်းရင်း၀န်ဟောင်း ဦးစော သည် အောင်ဆန်း-အက်တလီစာချုပ်ကို ကန့်ကွက်သူများထဲတွင် ပါ၀င်သည်။ မြေနီကုန်း စိန်ဖလော်ခီနာကျောင်းအနီးတွင် ဘုရင်ခံ အိမ်မှပြန်လာသော ဦးစောကို ဂျစ် ကားနှင့် လူအချို့က သေနတ်ဖြင့် ပစ်ခတ်ရာ ဦးစောမျက်စိဒဏ်ရာ ရခဲ့သည်။ ဦးစောက ဗိုလ်ချုပ် အောင်ဆန်းကို အထင်လွဲသည်။ သို့သော် ဗိုလ်ချုပ်အောင်ဆန်း သည် ဦးနုနှင့်အတူ ဦးစောကို သွားရောက်မေးမြန်းအားပေးခဲ့ သည်။ သို့သော် ဦးစောသည် မိုက် တွင်းနက်ခဲ့သည်။ ဦးစောမိုက် တွင်းနက်မှုသည် မြန်မာ့သမိုင်းကို အကျည်းတန်စေခဲ့သည်။ ဗိုလ်ချုပ်တို့ကျဆုံးမှု၏ အကျိုးဆက်သည် ယခုတိုင်သက်ရောက်နေဆဲပင်။

ဦးစောသည် နှောင်းနောင် တရခဲ့သော်လည်း သူ့အတွက် ရော မြန်မာပြည်အတွက်ပါ အ ချည်းအနှီးပင်။ ‘‘သမီးတစ်သက် လုံးတွင် သူတစ်ပါးအသက်သတ် ခြင်းရှောင်ကြဉ်ပါ’’ဟု သမီးဖြစ်သူဘေဘီစောထံ ထောင်တွင်းမှပေး ပို့သော စာတွင် ဆုံးမထားသည်။ ထို့ပြင် ဦးစောသည် အမွေဆိုး ဆက်ခံခဲ့ရပုံကိုလည်း ဘေဘီစော ထံပေးစာတွင် ဖွင့်ဟထားသည်။

‘‘ဒယ်ဒီတို့ အမျိုးတွင် အဖေ ဘက်က အမျိုး၊ အမေဘက်က အမျိုးဟူ၍ နှစ်ဖက်ရှိကြသည်။ ထိုအမျိုးများသည် အလွန်စိတ် ဆတ်ကြသည်။ စိတ်ကောင်းရှိကြ သည်။ စော်ကားလျှင် မခံချင်သောစိတ်ဓာတ်အလွန်အားကြီးသည်။ စိတ်ပြင်းလွန်းကြသဖြင့် သူများ က တစ်ချက်ရိုက်လျှင် ကိုယ်က အချက် ၂၀ ပြန်ရိုက်ချင်သည်။ သူ တစ်ပါးတစ်ချက်ထုလျှင် ကိုယ်က အချက် ၅၀ လောက်ပြန်ထုရမှ ကျေနပ်ကြသည်။ လက်စားပြန် မချေရလျှင် တစ်သက်လုံးမမေ့ နိုင်ဟု ဆိုသလိုရှိခဲ့ကြသည်။ သူ များကို သွားမစော်ကားနှင့်၊ စော် ကားလာလျှင် တစ်ဆင့် တစ်ဆင့် ပြန်ချရမည်ဟု အစဉ်တစိုက် ဒယ်ဒီတို့တစ်မျိုးလုံးက အမွေပေး ခဲ့ကြသည်။ ဒါကြောင့် ဒီလိုစော် ကားလိမ့်မယ်ထင်တဲ့သူကို အ ပေါင်းအဖော်မလုပ်ပါနဲ့။ ရန်မူ လာလျှင်သည်းခံပါ။ သမီးလှူဒါန်းနိုင်သမျှ သံဃာတော်အရှင်မြတ် များအတွက် လှူဒါန်းပါ။ ဤကား ငါ၏ ချစ်သမီးကိုပေးနိုင်သော အမွေများဖြစ်သတည်း’’ဟု သမီး ထံသို့ ပေးစာတွင်ပါရှိသည်။ သို့ သော် အားလုံးသည်နောက်ကျခဲ့ လေပြီ။

၁၉၄၈ မေလ ၈ ရက်တွင် အင်းစိန်ထောင်ဗူး၀၌ လက်နက်ကိုင်စစ်တပ်နှစ်တပ်ချထားသည်။ ဗိုလ်ချုပ်အောင်ဆန်းနှင့် အာဇာနည်ခေါင်းဆောင်များကို လုပ်ကြံသူများ ၎င်းတို့အလှည့်ပြန်ရောက်လာပြီဖြစ်သည်။ ဦးစောသည် ရှမ်းပိုးဘောင်းဘီအပြာ၊ စပို့ရှပ်အပြာကွက်ကို ၀တ်ဆင်၍ မော်လမြိုင်ရွှေထီးဖိနပ်ကိုစီးကာ ကြိုးစင်ရှိရာသို့ လှမ်းလာသည်။ ကြိုးစင်တွင် နှစ်ယောက်တစ်ပြိုင် တည်းသတ်ရန် စီစဉ်ထားသော် လည်း ဦးစော၏ တောင်းပန်ချက် ကြောင့် ဦးစောတစ်ယောက်တည်းပထမစတင်ကြိုးပေးရန် စီစဉ်ကြ ရသည်။ ကြိုးစင်အထက်လှေကား အနီးရှိ ဘုရားစင်ရှေ့သို့ရောက် သောအခါ ထောင်ပိုင်ကြီး၏ သတိပေးမှုကြောင့် ဦးစောက ဘုရား ၀တ်ပြုကာ ဆုတောင်းသေး၏။

နံနက် ၅ နာရီခွဲသည့်အခါ ဦးစောသည် ထောင်ပိုင်ကြီး အချက်ပေး လိုက်သည်နှင့် ထောင်ပိုင်ကြီး ဦးစံတင်တို့နှင့်တကွ မိမိအား သေ ဒဏ်ချမှတ်သော အထူးခုံရုံးတရား ၀န်ကြီးများအား ၎င်းအငြိုးအာဃာတမထားပါကြောင်း၊ အားလုံး အား ဂွတ်ဘိုင်ဟု နှုတ်ဆက်ပြီး လေးလံသောခြေလှမ်းဖြင့် ကြိုး စင်သို့ တက်သွားတော့သည်။ ကြိုးစင်ပေါ်ခြေစုံရပ်မိသည်နှင့် ထောင် မှူးကြီး ဦးစံတင်သည် လက်ပြန် ကြိုးနှစ်ဆင့်တုပ်ပြီး ဦးစော၏ လည်ပင်းကို ကြိုးကွင်းစွပ်လိုက် သည်။ သေချာစွာ စွပ်၊ မစွပ် ထောင်မှူးကြီး ဦးစံတင်က စစ် ဆေးပြီးသည်နှင့် တစ်ပြိုင်နက် ၅ နာရီ၊ ၃၂ မိနစ်အချိန်တွင် ‘ဒေါင်’ဟု မြည်ဟည်းကာ ဒေါက်ပြုတ် သွားတော့သည်။

ဦးစောသည် ကြိုးစင်ပေါ်၌ မရှိတော့ပေ။ ကြိုးစင်အောက်တွဲ လောင်းဖြစ်နေတော့သည်။ ကြိုး သည် လှုပ်ခြင်းမရှိ။ စက္ကန့်အ နည်းငယ်အတွင်း သေဆုံးသွား တော့၏။ အနီးတွင် အသင့်ရှိသောထောင်ဆရာ၀န်သည် ဦးစောအား စစ်ဆေးခြင်းမရှိသေးပေ။ နာရီ ၀က်မျှ တွဲလောင်းထားတော့ သည်။ အချိန်စေ့၍ ဦးစောအား ကြိုးမှဖြုတ်ယူလိုက်သောအခါ တစ်ကိုယ်လုံး မည်းနေတော့ သည်။ လျှာကား အနည်းငယ် ထွက်လျက်ရှိသည်။ မည်သူမျှ မကယ်နိုင်တော့သည့် ဦးစော၏ ဇာတ်သိမ်းပင်ဖြစ်တော့သည်။

ဦးစောသေဆုံးသွားသော် လည်း သူ၏ မျိုးဆက်မိသားစု၀င် များသည် သူထားရစ်ခဲ့သော အရိပ်ဆိုး၏ ခြောက်လှန့်မှုကို နှစ် ပေါင်းများစွာခံခဲ့ရသည်။

ဦးစောကို ကယ်တင်ကြသူ များသည် မအောင်မမြင်ဖြစ်ခဲ့ကြ သော်လည်း ဦးစောမိသားစု၀င် များကို အရိပ်ဆိုးမှ သက်သာရာ ရအောင် ကယ်တင်ခဲ့သူများရှိခဲ့ပါ သည်။ အာဇာနည်ခေါင်းဆောင် ကြီး ဗိုလ်ချုပ်အောင်ဆန်း၏ မိသားစု၀င်များ ဖြစ်သည်။

‘‘လူထုကို ကျွန်မပြောလိုတာ ကတော့ မိမိတို့အားကိုးယုံကြည် လေးစားသော ခေါင်းဆောင်ကြီး ကို ရက်ရက်စက်စက်လုပ်ကြံ လိုက်ကြတဲ့အတွက်ကြောင့် ဒေါ သထွက်ပြီး စိတ်လိုက်မာန်ပါမ လုပ်ကြဖို့ ပြောလိုပါတယ်’’ဟု ဗိုလ်ချုပ်၏ ဇနီး ဒေါ်ခင်ကြည်က ဗိုလ်ချုပ်ကျဆုံးပြီးနောက် ပြောခဲ့သည်။ ဗိုလ်ချုပ်၏ သမီး ဒေါ်အောင်ဆန်းစုကြည်က အပြစ်မရှိသူမိသားစု၀င်များ အပြစ်ရှိသလို ခံစားနေရခြင်းကို စိတ်မကောင်းဖြစ်မိကြောင်း ကရုဏာစကားဆိုခဲ့သည်။

‘‘ကိုယ်မလုပ်ခဲ့တဲ့ကိစ္စအ တွက် ဒီလိုခံစားရတာကို စိတ်မ ကောင်းဘူး။ ကလေးတွေက ဘာ မှလုပ်ခဲ့တာမှ မဟုတ်တာ။ သူတို့ အဘိုးကလည်း သူ့အပြစ်အ တွက် ဥပဒေအရခံသွားပြီပဲ။ ကျန် တဲ့လူမှာ ဘာအပြစ်မှမရှိဘူး။ ဒီ ကလေးတွေကို အေးအေးချမ်း ချမ်းနဲ့ နေစေချင်တယ်။ သူတို့ ကိုယ်သူတို့လည်း အပြစ်ရှိတဲ့လူ တွေရယ်လို့ မသတ်မှတ်သင့်ဘူး’’ ဟု ဒေါ်အောင်ဆန်းစုကြည်က ၂၀၁၄ တွင် 7Day ဂျာနယ်နှင့် သီးသန့်တွေ့ဆုံမေးမြန်းခန်း၌ ပြောခဲ့သည်။

မိသားစု၀င်များနှင့်သာမ ဟုတ် ဦးစောအပေါ်ကိုပင် မည် သို့မျှ သဘောမထားကြောင်းကို ဒေါ်အောင်ဆန်းစုကြည်က ‘‘ဖေ ဖေနဲ့ ပတ်သက်ပြီးတွေးရင် ဦးစောကြောင့် ဖေဖေဆုံးသွားတယ်လို့ ဘယ်တုန်းကမှ မမြင်ဘူး။ ပြီးတော့လည်း နိုင်ငံရေးမှာ ဒီလိုပဲဖြစ်တတ်ပါတယ်’’ဟု ဆိုခဲ့သည်။

ကိုးကား - သတင်းစာများက ပြောသော နိုင်ငံတော်လုပ်ကြံမှု။

#ဦးမောင်မောင်ဦး (ပန်တော်ဆက်အနုပညာမှတ်တမ်းစုံ)

7Day

via ဆရာကျား

Address

Padauk Street, Kyidaunggan
Naypyidaw

Telephone

+959791109117

Website

facebook.com

Alerts

Be the first to know and let us send you an email when Pobbathiri Directory posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Pobbathiri Directory:

Videos

ဗိုလ်ချုပ်အောင်ဆန်း

ဗိုလ်ချုပ်အောင်ဆန်း ၏ လွတ်လပ်ရေး ကြိုးပန်းမှု #PobbathiriDirectory

သမီးတို့ရွာမှ မဟုတ်ဘူး အကုန်းလုံးစည်းကမ်းရှိစေချင်တယ်

တို့ သတိရနေမှာပါ

တို့သတိရနေမှာပါ

``တို့ သတိရနေမှာပါ´´ သီချင်းလေးရဲ့ နောက်ကွယ် အညတရ ကြေကွဲစရာဇာတ်လမ်း #credit

ပြည်သူ့လွှတ်တော်ကိုယ်စားလှယ်လောင်း ဦးရည်မွန် (ခ) ကဗျာဆရာ စာရေးဆရာ မောင်တင်သစ် ရဲ့ ရန်အောင်

ပြည်သူ့လွှတ်တော်ကိုယ်စားလှယ်လောင်း ဦးရည်မွန် (ခ) ကဗျာဆရာ စာရေးဆရာ မောင်တင်သစ် ရဲ့ ရန်အောင်ကျေးရွာ ဟောပြောစည်းရုံးရေး သတင်းရိုက်ကူး PobbathiriDiretory

သပြေတန်းကျေးရွာ လူငယ်လေးများ ရဲ့ #ဒို့တရွာလုံးNLD ဖျော်ဖြေမှု

သပြေတန်းကျေးရွာ လူငယ်လေးများ ရဲ့ #ဒို့တရွာလုံးNLD ဖျော်ဖြေမှု #PD

“ဆန္ဒမဲပေးကြမည်” တေဆို- လေဖြူ Written by Phyae Phyo Aung, Myo Swe Than and Lay Phyu Performed by Lay Phyu Music Produced by Chit San Maung (PTL Studio) Starred by Daung (ကိုယ့်အခွအး

“ဆန္ဒမဲပေးကြမည်” တေဆို- လေဖြူ Written by Phyae Phyo Aung, Myo Swe Than and Lay Phyu Performed by Lay Phyu Music Produced by Chit San Maung (PTL Studio) Starred by Daung (ကိုယ့်အခွင့်အရေးတစ်ခုထက်ကို ပိုမိုလို့မကပြီ နိုင်ငံသားတစ်ယောက်ချင်းရဲ့တာဝန်ကိုယ်စီ အသိစိတ်နဲ့ လာအတူတူသွားရင်း/စို့ ဆန္ဒမဲပေး ပေးကြမည် တို့အနာဂတ် တို့အတွက်ဆို ကိုယ်တိုင်ပဲရွေးမည် ညီညာဝိုင်းဝန်းကြစို့အချိန်မီ အို အိုး အို အိုး အိုး / အို အိုး အား အား အား ဆန္ဒမဲပေး ပေးရမည် မင်း နေခဲ့မှာလား နင် နေခဲ့ဦးမလား တို့တိုင်းရင်းသားညီနောင် မောင်နှမများတို့ တွဲ တွဲလက်ညီ အေးချမ်းတဲ့နိုင်ငံတော် ငြိမ်းချမ်းတဲ့ပြည်ထောင်စု အမြဲတမ်း မျှော်ရည်မှန်းဦးတည် တို့အနာဂတ်နိုင်ငံတော်သစ် ဖို့ /အတွက် ဆန္ဒမဲပေး ပေးကြမည်။) ၂