TharrawaPyay News

TharrawaPyay News သာယာဝတီခရိုင်နှင့် ပြည်ခရိုင်အတွင်းမှ ထူးခြားသတင်းများကို ယခုပေ့မှ ဖော်ပြသွားပါမည်

သာယာဝပြည်သတင်းမီဒီယာမိက်ဆက်
~~~~~~~~~~~~~~~~~~~~~

မြန်မာနိုင်ငံ၌ စစ်တပ်က အာဏာသိမ်းယူခဲ့သည့် ၂၀၂၁ခုနှစ် ဖေဖော်ဝါရီလ ၁ရက်နေ့မှစတင်ကာ ပြည်သူလူထုအား စစ်တပ်မှဖမ်းဆီးရိုက်နှက်သတ်ဖြတ်ခဲ့ပြီး အဆိုပါဖြစ်စဉ်များကို နိုင်ငံအနှံ့မှပြည်သူများနှင့် ကမ္ဘာ့နိုင်ငံများသိရှိဖို့ ရေးသားဖော်ပြနေကြသည့် သတင်းထောက်များအား ဖမ်းဆီးထောင်ချကာ သတင်းအမှောင်ချဖို့ ကြိုးစားခဲ့ကြ၍ ပဲခူးတိုင်းအနောက်ခြမ်းရှိ သာယာဝတီခရိုင်နှင့် ပြ

ည်ခရိုင်အတွင်းမှ ဒေသတွင်းသတင်းများ ဖော်ပြနိုင်ခြင်းမရှိခဲ့ပေ။

ထိုကဲ့သို့ သတင်းအမှောင်ချခံထားရသည့် သာယာ၀တီခရိုင်နှင့် ပြည်ခရိုင်အတွင်းမှ သတင်းများကို လူငယ်(CJ)များပေးပို့ချက်များနှင့် သာယာဝပြည်သတင်းဌာန၏ သတင်းသမားများနှင့် ပူးပေါင်းရေးသားတင်ပြသွားမည်ဖြစ်ပါသည်။

သာယာဝပြည်သတင်းဌာနအနေဖြင့် သတင်းမီဒီယာလုပ်ငန်းစိတ်ပါဝင်စားသူလူငယ်များမှဦးဆောင်တည်ထောင်ထားပြီး သာယာ၀တီခရိုင်အခြေစိုက် Tharyarwaddy 8 Cityနှင့် ပဲခူးတိုင်းအခြေစိုက် Time Han Thar သတင်းဌာနကိုလည်း မိတ်ဖက်မီဒီယာအနေနဲ့ အဆိုပါသတင်းဌာနနှစ်ခုမှ သတင်းများကို ဖော်ပြပေးသွားပါမည်။

နွေဦးတော်လှန်ရေး မအောင်မမြင်သေးသ၍ ကျွန်တော်တို့ သာယာ၀ပြည်မှ ဆက်လက်ရေးသားသွားမည်ဖြစ်ပြီး သာယာဝတီခရိုင်၈မြို့နယ်နှင့် ပြည်ခရိုင်၆မြို့နယ်အတွင်းမှ မြေပြင်သတင်းများကို ပြည်သူများအနေဖြင့် ကျွန်တော်တို့၏ ဖေ့ဘွတ်မက်ဆင်ဂျာမှ ယုံကြည်စိတ်ချစွာပေးပို့နိုင်ပြီး သာယာဝပြည်သတင်းဌာန၏ တည်ထောင်သူအယ်ဒီတာအဖွဲ့မှ စိစစ်တည်းဖြတ်ကာ ပြန်လည်ဖော်ပြပေးသွားမည်ဖြစ်ပါကြောင်း အသိပေးတင်ပြအပ်ပါသည်။

=======================
TharrawaPyay News 8၏ သတင်းများကို အောက်ပါတယ်လီဂရမ်ချန်နယ်တွင်လည်း ၀င်ရောက်ဖက်ရူနိုင်ပါတယ်👇👇👇

https://t.me/tharrawapyaynews


မင်းလှနဲ့ အုတ်ဖိုမှာ ၂မိနစ်ကြာ ငလျင်လှုပ်ခတ် By -Tharyarwaddy 8 City ဒီဇင်ဘာ ၁၉ ၂၀၂၃ပဲခူးတိုင်းအနောက်ခြမ်း၊ သာယာ၀တီခရို...
19/12/2023

မင်းလှနဲ့ အုတ်ဖိုမှာ ၂မိနစ်ကြာ ငလျင်လှုပ်ခတ်

By -Tharyarwaddy 8 City

ဒီဇင်ဘာ ၁၉ ၂၀၂၃

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက အုတ်ဖိုမြို့နယ်နှင့် မင်းလှမြို့နယ်တို့တွင် ယနေ့ညနေပိုင်းမှာ ၂မိနစ်ကြာ ငလျင်လှုပ်ခတ်သွားကြောင်း သိရသည်။

ဒီဇင်ဘာလ ၁၉ရက် ယနေ့ည ၆နာရီ ၄၄မိနစ်ခန့်တွင် အုတ်ဖိုမြို့နယ်နှင့် မင်းလှမြို့နယ်တို့တွင် ၂မိနစ်ကြာ ငလျင်လှုပ်ခတ်ခဲ့ပြီး အဆိုပါ ငလျင်လှုမှာ သစ်ပင်များ လှုပ်ရမ်းကာ ပြည်သူများ သိသိသာသာ ခံစားရ​ပါသည်။

"ခုည ၆နာရီ၄၄မှာ လှုပ်သွားတာ အိမ်နားက ပန်းပင်တွေယမ်းတယ် ရေကန်ထဲရေတွေ ဘောင်ဘင်ခတ်သွားတယ် လှုပ်တာကတော့ ၂မိနစ်လောက်ပဲရှိတယ်" ဟု မင်းလှဒေသခံတဦးမှ Tharyarwaddy 8 City ကိုပြောပါသည်။

=======================
TharrawaPyay News ၏ သတင်းများကို အောက်ပါတယ်လီဂရမ်ချန်နယ်တွင်လည်း ဝင်ရောက်ဖက်ရူနိုင်ပါတယ်👇👇👇

https://t.me/tharrawapyaynews

ပေါင်းတည်အကျဉ်းထောင်မှ နိုင်ကျဉ်း ၅ဦး လွတ်မြောက်လာ၂၀၂၃ သြဂုတ် ၁ TharrawaPyay News ပဲခူးတိုင်းဒေသကြီး အနောက်ခြမ်း ပြည်ခရိ...
01/08/2023

ပေါင်းတည်အကျဉ်းထောင်မှ နိုင်ကျဉ်း ၅ဦး လွတ်မြောက်လာ

၂၀၂၃ သြဂုတ် ၁ TharrawaPyay News

ပဲခူးတိုင်းဒေသကြီး အနောက်ခြမ်း ပြည်ခရိုင် ပေါင်းတည်အကျဉ်းထောင်မှ နိုင်ငံရေးနဲ့ ထောင်ကျနေသူ ၅ဦး သြဂုတ်၁ရက် ယနေ့နံနက်တွင် လွတ်မြောက်လာကြောင်း အကျဉ်းထောင်နှင့် နီးစပ်သူများထံမှ သိရသည်။

လွတ်မြောက်လာသူတွေကတော့ ပေါင်းတည်မြို့နယ် မဲခေါင်းရွာမှ ကိုချစ်မွှေး ၊ ကိုသက်ဇော်ဦး ၊ ကိုဝေယံဦး ၊ ကိုရန်နောင်စိုး နှင့် ကိုချစ်ဦးမောင်တို့ဖြစ်ပြီး ၄င်းတို့မှာ နိုင်ငံရေးအမှုနှင့် ထောင်ကျနေကာ အမူတွဲတူများဟုသိရပြီး လွတ်ရက်စေ့ရန် ၃ လခွဲခန့်သာကျန်ရှိကြောင်း သိရသည်။

=======================
TharrawaPyay News ၏ သတင်းများကို အောက်ပါတယ်လီဂရမ်ချန်နယ်တွင်လည်း ဝင်ရောက်ဖက်ရူနိုင်ပါတယ်👇👇👇

https://t.me/tharrawapyaynews

ပြည်မြို့နယ်က ပြည်သူများ၏ လူထုခေါင်းဆောင် ဒေါ်အောင်ဆန်းစုကြည်ရဲ့ မွေးနေ့အထိမ်းအမှတ် ပန်းသပိတ်၂၀၂၃ ဇွန် ၁၉ TharrawaPyay N...
19/06/2023

ပြည်မြို့နယ်က ပြည်သူများ၏ လူထုခေါင်းဆောင် ဒေါ်အောင်ဆန်းစုကြည်ရဲ့ မွေးနေ့အထိမ်းအမှတ် ပန်းသပိတ်

၂၀၂၃ ဇွန် ၁၉ TharrawaPyay News

ပဲခူးတိုင်းဒေသကြီး အနောက်ခြမ်း ပြည်ခရိုင် ပြည်မြို့နယ်က ပြည်သူများမှ ဇွန် ၁၉ရက် ယနေ့မှာ ကျရောက်သည့် လူထုခေါင်းဆောင် ဒေါ်အောင်ဆန်းစုကြည်ရဲ့ မွေးနေ့အထိမ်းအမှတ် ပန်းသပိတ်ကို ပါဝင်ခဲ့ကြပါသည်။

Photo- Pyay Underground News

=======================
TharrawaPyay News ၏ သတင်းများကို အောက်ပါတယ်လီဂရမ်ချန်နယ်တွင်လည်း ဝင်ရောက်ဖက်ရူနိုင်ပါတယ်👇👇👇

https://t.me/tharrawapyaynews

အုတ်ဖိုမြို့နယ်အပိုင် ရန်ကုန်-ပြည်ကားလမ်းဘေးက နေအိမ်များကို စစ်ကောင်စီမှ ဖျက်ခိုင်း By - Tharyarwaddy 8 City၂၀၂၃ ဇွန် ...
16/06/2023

အုတ်ဖိုမြို့နယ်အပိုင် ရန်ကုန်-ပြည်ကားလမ်းဘေးက နေအိမ်များကို စစ်ကောင်စီမှ ဖျက်ခိုင်း By - Tharyarwaddy 8 City

၂၀၂၃ ဇွန် ၁၆ TharrawaPyay News

ပဲခူးတိုင်းအနောက်ခြမ်း သာယာဝတီခရိုင်ရှစ်မြို့နယ်ထဲက အုတ်ဖိုမြို့နယ်အပိုင် ရန်ကုန်-ပြည်ကားလမ်းဘေးက နေအိမ်နှင့် ဆိုင်ခန်းများကို လမ်းဧရိယာနှင့် မလွတ်၍ဟုဆိုကာ စစ်ကောင်စီမှ ဖျက်ခိုင်းနေကြောင်း သိရသည်။

အုတ်ဖိုမြို့နယ်အပိုင် ရန်ကုန်-ပြည်ကားလမ်းကို ၄လမ်းသွားအဖြစ် စစ်ကောင်စီမှ လမ်းတိုးချဲ့မည်ဖြစ်၍ လမ်းဘေးရှိ လူနေအိမ်များ၊ ဈေးဆိုင်ခန်းများကို လမ်းဧရိယာနှင့် မလွတ်ဟုဆိုကာ ဇွန်လ၁၅ရက် မနေ့မနက်ပိုင်းတွင် လက်နက်ကိုင် ရဲများခြံရံကာ ကျေးရွာအုပ်ချုပ်ရေးမှူးနှင့် စည်ပင်ဝန်ထမ်းများမှ လာရောက်ဖျက်ခိုင်းကြောင်း သိရသည်။

"အုတ်ဖိုအပိုင်က ရန်ကုန်-ပြည်လမ်းကို ၄လမ်းမောင်းလုပ်ဖို့ဆိုပြီး မနေ့က ရဲတွေလုံခြံရေးယူပေးပြီး အုပ်ကြီးတွေနဲ့ စည်ပင်ဝန်ထမ်းတွေ ကားလမ်းဘေးက ခြံတွေနဲ့ အိမ်တွေရယ် ဆိုင်ခန်းတွေကို လမ်းနယ်နမိတ်ကို ကျူးကျော်တယ်ဆိုပြီး လာဖျက်ခိုင်းပါတယ် အရင်တခါကလည်း လာပြောလို့ အိမ်တွေနဲ့ ဆိုင်ခန်းတွေကို ပြည်သူအများစုက ဖျက်ပြီးဆုတ်ပေးထားကြတယ် ခုမဆုတ်ပဲကျန်နေတဲ့သူတွေက စကစထောက်ခံသူတွေနဲ့ သူတို့အမျိုးတွေများတယ်"ဟု ဒေသခံတဦးမှ Tharyarwaddy 8 City ကိုပြောပါတယ်။

ယခုလမ်းနယ်နမိတ်နှင့် မလွတ်၍ နောက်ဆုတ်ခိုင်းသည့် နေအိမ်နှင့် ဆိုင်ခန်းများကို ယခင်ခေတ်အဆက်ဆက်က အုပ်ချုပ်ရေးဝန်ထမ်းများကို ငွေကြေးပေး၍ နားလည်မှုယူကာ လမ်းဧရိယာပေါ်တွင် ကျူးကျော် တည်ဆောက်ခဲ့ခြင်းဖြစ်ပြီး Nldအစိုးရလက်ထက်တွင် မက်(စ်)မြန်မာကုမ္ပဏီနှင့် လမ်းအဆင့်မြင့်တိုးချဲ့ရန် စီစဉ်ခဲ့ခြင်းဟုသိရပြီး ယခုလက်ရှိမှာတော့ လမ်းဧရိယာပေါ်ကျူးကျော်နေသည့် အဆိုပါအဆောက်အဦးများကို ဖျက်သိမ်းခြင်း မရှိသေးကြောင်း သိရသည်။

Tharyarwaddy 8 City သည် မိမိတို့ TharrawaPyay News ၏ မိတ်ဖက်သတင်းဌာန ဖြစ်ပါသည်။

=======================
TharrawaPyay News 8၏ သတင်းများကို အောက်ပါတယ်လီဂရမ်ချန်နယ်တွင်လည်း ၀င်ရောက်ဖက်ရူနိုင်ပါတယ်👇👇👇

https://t.me/tharrawapyaynews

ပြည်မြို့မှာ မီးရူးမီးပန်းဖောက်သည်ကို ဗုံးပေါက်သည်ဟုဆိုကာ ပြည်သူများကြား ဗုံးလန့်မှုဖြစ်ပွား၂၀၂၃ မတ်၃၁ TharrawaPyay News...
31/03/2023

ပြည်မြို့မှာ မီးရူးမီးပန်းဖောက်သည်ကို ဗုံးပေါက်သည်ဟုဆိုကာ ပြည်သူများကြား ဗုံးလန့်မှုဖြစ်ပွား

၂၀၂၃ မတ်၃၁ TharrawaPyay News

ပဲခူးတိုင်းဒေသကြီး အနောက်ခြမ်း ပြည်ခရိုင် ပြည်မြို့တွင် ၂၀၂၃ မတ် ၃၀ရက် ယမန်နေ့ညက မီးရူးမီးပန်းဖောက်သည်ကို ဗုံးပေါက်သည်ဟုဆိုကာ ပြည်သူများကြား၌ ဗုံးလန့်မှုဖြစ်ပွားခဲ့ကြောင်း သိရသည်။

"ညတုန်းက ၁၂နာရီခန့်မှာ နဝင်းကွက်သစ်ဘက်မှာ ဗုံးကွဲတဲ့အသံလို အကျယ်ကြီးကြားရပြီး အိမ်တွေတောင်တုန်သွားလို့ ပြည်သူတွေ ထိပ်လန့်ကုန်ကာ ဗုံးလန့်မှုဖြစ်ပြီး ကြောက်ကုန်တယ်"လို့ ဒေသခံတစ်ဦးက သာယာဝပြည်ကို ပြောပါတယ်။

အဆိုပါ ပြင်းထန်သော ပေါက်ကွဲသံများ ကြားရ၍ ပြည်သူများ အထိပ်တလန့်ဖြစ်ကာ ဗုံးလန့်မှု ဖြစ်ပွားခဲ့ပြီးနောက် စစ်ကောင်စီတပ်ဖွဲ့တွေ ပေါက်ကွဲသံကြားရာသို့ သွားရောက်ကြည့်ရူရာ၌ နဝင်းကွက်သစ် ၁၃လမ်း ရွှေလင်းပင်ဘုန်းကြီးကျောင်း ရေမြောင်းဘေး ခြံစည်းရိုးတွင် တရုတ်လုပ် မီးရှူးမီးပန်းအားတွေ့ရှိရပြီး မီးရူးမီးပန်းဖောက်သည့်သူများကို ဖမ်းဆီးဖို့လည်း စစ်တပ်က လိုက်လံရှာဖွေနေသည်ဟု စုံစမ်းသိရသည်။

ဓာတ်ပုံ - နဝင်းကွက်သစ် ၁၃လမ်း ရွှေလင်းပင်ဘုန်းကြီးကျောင်း ရေမြောင်းဘေး ခြံစည်းရိုးတွင် တွေ့ရသည့် တရုတ်လုပ် မီးရှူးမီးပန်းများ

လက်ပံတန်းမြို့က ပျုခေါင်းဆောင်ကို ရှင်းလင်းခဲ့သည့် ရွှေတန်းမြေပြည်သူ့ကာကွယ်ရေးတပ်မှ အရေးပေါ် ငွေကျပ် သိန်း ၂၀ လိုအပ်နေ ...
14/06/2022

လက်ပံတန်းမြို့က ပျုခေါင်းဆောင်ကို ရှင်းလင်းခဲ့သည့်
ရွှေတန်းမြေပြည်သူ့ကာကွယ်ရေးတပ်မှ အရေးပေါ်
ငွေကျပ် သိန်း ၂၀ လိုအပ်နေ

၂၀၂၂ ။ ဇွန် ။ ၁၄ ။ TharrawaPyay News

ပဲခူးတိုင်းဒေသကြီး အနောက်ခြမ်း သာယာဝတီခရိုင် လက်ပံတန်းမြို့နယ်က ပျုခေါင်းဆောင်ကို ရှင်းလင်းခဲ့သည့် ရွှေတန်းမြေ ပြည်သူ့ကာကွယ်ရေးတပ်မှ အရေးပေါ် ငွေကျပ် သိန်း ၂၀ လိုအပ်နေကြောင်း သိရသည် ။

‟ ရှေ့လုပ်ငန်းစဉ်လေးတွေနဲ့ ပက်သက်ပြီး အလုပ် လုပ်ဖို့အတွက်ဆိုပြီးတော့ လိုအပ်တဲ့ ပစ္စည်း လေးတွေ ဝယ်တာ ကုန်ကျတာက သိန်း ၄၀ လက်ထဲရှိတာက သိန်း ၂၀ ပဲရှိလို့ ရှိတာအရင်ပေးပြီး အကြွေးနဲ့ဝယ်လိုက်တယ်
ကျန်တာကိုသတ်မှတ်ရက်တခုပြည့်ရင် ပေးမယ်လို့အခုသတ်မှတ်ထားတဲ့ရက်ပြည့်သွားတယ် မပေးနိူင်သေးဘူး အကြွေးသမားက ဖုန်းဆက်တောင်းနေလို့ အရေးပေါ် လိုအပ်နေလို့ အကူညီတောင်းခံရတာဖြစ်တယ် ’’ လို့
ရွှေတန်းမြေ ပြည်သူ့ကာကွယ်ရေးတပ်မှ တာဝန်ရှိသူတစ်ဦးက သာယာဝပြည် သတင်းစဉ်သို့ ရင်ဖွင့်ပြောကြားပါတယ်။

ကိုယ်နဲ့ ရင်းနှီးတဲ့သူတွေ လူရင်းတွေ အသိတ်မိတ်ဆွေတွေကို အကူညီတောင်းကြည့်တော့လဲ ပြန်စာတောင် မရတော့ဘူး ကျနော်တို့ရှေ့ဆက်ရမယ့်အလုပ်တွေရှိနေပါသေးတယ် ပြည်သူအားလုံးတတ်နိူင်သရွေ့ ဝိုင်းဝန်းကူညီပေးဖို့ မေတ္တာရပ်ခံ အကူညီတောင်းဆိုကြောင်း
၎င်းမှ ဆက်လက်ပြောကြားပါတယ် ။

ဇွန်လ ၁၁ ရက်နေ့ကလဲ လက်ပံတန်းမြို့၏ စစ်တပ်သတင်းပေး ဒလန် ပျုစောထီးခေါင်းဆောင် တပ်ထွက် မြင့်ရွှေ ဆိုသူကို ရွှေတန်းမြေပြည်သူ့ကာကွယ်ရေးတပ်ဖွဲ့က ရှင်းလင်းခဲ့ပါသေးတယ် ။

ပျုစောထီးခေါင်းဆောင် မြင့်ရွှေ သုတ်သင်ရှင်းလင်းခံရပြီးနောက် မြင့်ရွှေခေါင်းဆောင် ယူထားသည့်နေရာတွင် လစ်လပ်သွားသည့် အတွက် မြတ်မင်းပိုင်မှ ပျုစောထီး
( သွေးသောက် အဖွဲ့ ) ခေါင်းဆောင်အဖြစ် ဆက်လက်တာဝန်ယူထားသည်ဟု သတင်းများ ထွက်ပေါ်နေပါတယ် ။

ရွှေတန်းမြေ၏ အရေးပေါ် လိုအပ်လျှက်ရှိသည့် အလှူငွေအား မိဘပြည်သူများ ကူညီပေးမည်ဆိုက ရွှေတန်းမြေပြည်သူ့ကာကွယ်ရေးတပ် LPN - PDF Page သို့ တိုက်ရိုက် ဆက်သွယ်လှူဒါန်းပေးနိူင်ပါရန် အကူညီတောင်းခံအပ်ပါသည် ။

တိုက်ရ်ိုက် လှုဒါန်းနိူင်ရန် PageLink.

https://www.facebook.com/SDM.INFOR/

PDFတွေလာလာ cartoon_ဘီရုမာ
14/06/2022

PDFတွေလာလာ

cartoon_ဘီရုမာ

သာယာဝတီ အထကကျောင်းရှေ့၌ လူငယ်တစ်ဦးကို စစ်ကောင်စီတပ်သားများမှ ရိုက်နှက်ဖမ်းဆီး၂၀၂၂ ။ ဇွန် ။ ၁၄။ TharrawaPyayNews ပဲခူးတို...
14/06/2022

သာယာဝတီ အထကကျောင်းရှေ့၌ လူငယ်တစ်ဦးကို စစ်ကောင်စီတပ်သားများမှ ရိုက်နှက်ဖမ်းဆီး

၂၀၂၂ ။ ဇွန် ။ ၁၄။ TharrawaPyayNews

ပဲခူးတိုင်းဒေသကြီး အနောက်ခြမ်း သာယာဝတီမြို့နယ် အ. ထ. က ၁ ထိပ် ရန်ကုန်ပြည်ကားလမ်းတွင် ၂၀၂၂ ဇွန် ၁၃ ရက် ယမန်နေ့ညနေက လူငယ်တစ်ဦးကို စစ်ကောင်စီတပ်သားများမှ ရိုက်နှက် ဖမ်းဆီးသွားကြောင်း သိရသည် ။

‛‛ ညနေက ကောင်းလေးတစ်ယောက် ထ - ၁ လမ်းထိပ်မှာ သေနတ်ပါးစပ်ထဲထည့်ပြီး ပါးတွေနားတွေရိုက်နှက်ပြီး တခါထဲဖမ်းခေါ်သွားတယ် ’’ လို့ မျက်မြင်တွေ့ရှိရသူ ဒေသခံတစ်ဦးက သာယာဝပြည် သို့ပြောပါတယ် ။

ဘယ်နေ့ ကိုယ့်အလှည့်ကြမလဲ ဆိုတာ ထိုင်စောင့်နေရသလိုပါပဲ စခွေးတွေ တော်တော်ခွေးပါးဝနေကြပြီ ရှင်းသင့်တာလဲ ရှင်းကြပါ လူထုက တော်တော်လေးကို အထိနာနေပြီ နိူင်ရာက ကူကြမယ် ဆိုလဲ ပြည်သူတွေဘက်က ဝိုင်းဝန်းကူညီပေးကြပါလို့ ၎င်းမှ ဆက်လက်ပြောကြားပါတယ် ။

ယခုဖမ်းဆီးခံရသူ၏အမည်နှင့်ဘာကြောင့် ဖမ်းဆီးသွားသည်ကိုတော့ သာယာဝပြည်အနေနဲ့ အသေးစိတ်မသိရှိရသေးပါ ။

ဇွန် ၁၃ ရက် ည ၁၂ နာရီဝန်းကျင်တွင် သာယာဝတီ သင်တောရိုးအနီးရှိ တိုးဂိတ်တွင် စကစ တပ်များ ကြောက်လန့်တကြား သေနတ်ပစ်ဖောက်နေပြီး မီးနင်းချောင်းတိုးဂိတ်တွင် လဲ စစ်ဆေးမှုများ တင်းကြပ်ထားကြောင်း ဒေသခံများထံက သိရပါတယ် ။

Photo-Crd

လက်ပံတန်းမြို့နယ်အတွင်း စစ်ကောင်စီ လက်အောက်ခံ ရပ်ကျေးအုပ်ချုပ်ရေးမှူးများ မိမိသဘောဆန္ဒဖြင့် အမြန်ဆုံး နှုတ်ထွက်ရန် PDF မ...
12/06/2022

လက်ပံတန်းမြို့နယ်အတွင်း စစ်ကောင်စီ လက်အောက်ခံ ရပ်ကျေးအုပ်ချုပ်ရေးမှူးများ မိမိသဘောဆန္ဒဖြင့် အမြန်ဆုံး နှုတ်ထွက်ရန် PDF မှ နောက်ဆုံးအကြိမ်သတိပေး

၂၀၂၂ ။ ဇွန် ။ ၁၂ ။ TharrawaPyay News

ပဲခူးတိုင်းဒေသကြီး သာယာဝတီခရိုင် လက်ပံတန်းမြို့နယ်အတွင်း စစ်ကောင်စီ လက်အောက်ခံ ရပ်ကျေးအုပ်ချုပ်ရေးမှူးများ မိမိသဘောဆန္ဒဖြင့် အမြန်ဆုံး နှုတ်ထွက်ရန် PDF မှ နောက်ဆုံးအကြိမ်သတိပေးခဲ့သည်ဟု ၂၀၂၂ ဇွန်လ ၁၂ ရက်နေ့ နေ့ ရက်စွဲဖြင့် အသိပေးကြေငြာထားကြောင်း သိရသည် ။

လက်ပံတန်းမြို့နယ် အတွင်းရှိ စကစ လက်အောက်ခံ ရပ်ကျေးအုပ်ချုပ်ရေးမှူးများသည် ပြည်သူလူထုမှ ရွေးချယ်တင်မြှောက်ထားခြင်းမဟုတ်ပဲ စစ်အာဏာရှင်၏ လက်ကိုင်တုတ် အဖြစ်သာ ရှိနေပါသဖြင့် ပြည်သူလူထုမှ လုံးဝ နှစ်မြို့ခြင်းမရှိပါ ၊ ထိုအပြင် စစ်အာဏာရှင် ခိုင်းသမျှ ပြည်သူလူထုအပေါ် ဆက်လက် ဖိနှိပ် ပြုလုပ်နေကြရသည်ကို တွေ့ရှိနေရသည် ။

သို့ဖြစ်ပါ၍ ယနေ့ မှစ၍ တစ်ပတ်အတွင်း မိမိသဘောဆန္ဒဖြင့် အမြန်ဆုံး နှုတ်ထွက်ကြရန် တိုက်တွန်းထားပြီး ဆက်လက်တာဝန်ထမ်းဆောင်ပါက ပြည်သူလူထု၏ အဓိကနှင့် အနီးကပ်ဆုံးရန်သူအဖြစ် သတ်မှတ်ပြီး သုတ်သင်ရှင်းလင်းသွားမည် ဖြစ်ကြောင်း နောက်ဆုံး အကြိမ် သတိပေးကြေငြာချက် ထုတ်ပြန်ထားပါတယ် ။

ယမန့်နေ့က စကစ ခန့်အပ်သည့် လက်ပံတန်းမြို့ ကျွန်းတာလေး တာဆုံ အုပ်ချုပ်ရေးမှူး မြင့်ရွှေ ဖြစ်သူ ပျူစောထီးခေါင်းဆောင် ကို ရွှေတန်းမြေ ပြည်သူ့ကာကွယ်ရေးတပ်ဖွဲ့ LPN - PDF ကသုတ်သင်ရှင်းလင်းထားပါသေးတယ် ။

အကြမ်းဖက် စစ်ကောင်စီမှ PDF များ လက်နက်အပ်ပြီး အလင်းဝင်ရန် ကြေငြာချက်ထုတ်ပြန်ပြီးနောက် PDF များအလင်းဝင်လာသည်ဟု စစ်ကောင်စီ...
12/06/2022

အကြမ်းဖက် စစ်ကောင်စီမှ PDF များ လက်နက်အပ်ပြီး အလင်းဝင်ရန် ကြေငြာချက်ထုတ်ပြန်ပြီးနောက် PDF များအလင်းဝင်လာသည်ဟု စစ်ကောင်စီဘက်မှ ဝါဒဖြန့်

၂၀၂၂ ။ ဇွန် ။ ၁၂ ။ TharrawaPyay News

အကြမ်းဖက် စစ်ကောင်စီမှ PDF များအပ်နက်အပ်ပြီး အဘင်းဝင်ရန် ကြေငြာချက်ထုတ်ပြန်ပြီးနောက် PDF များ အလင်းဝင်လာသည်ဟု စစ်ကောင်စီဘက်မှ ဝါဒဖြန့်ဝေလိုက်ကြောင်း မြန်မာ့အလင်း နှင့် ကြေးမုံသတင်းစာတို့တွင် ၂၀၂၂ ဇွန် ၁၁ ရက် ရက်စွဲဖြင့် သတင်းဖော်ပြလ်ုက်ကြောင်းသိရသည် ။

‟ အကြမ်းဖက် စစ်ကောင်စီဟာ အဖက်ဖက်က ပြိုလဲနေပြီ သူတို့ပဲ ယခင်က အကြမ်းဖက် PDF ဆိုပြီး သုံးနှုန်းနေတယ် အခု PDF များ လက်နက်အပ်ပြီး အလင်းဝင်နိူင်ပြီ ဆိုပြီး ကြေငြာချက်ထုတ်ပြန်ကထဲက ရက်တို သင်တန်းတက်လာတဲ့ PDF လေးတွေကိုတောင် မနိူင်တော့ဘူး ဆိုတာ သိသာနေပါပြီ ’’ လို့ နိူင်ငံရေး လေ့လာသုံးသပ်သူ တစ်ဦးမှ မှတ်ချက်ပြု ပြောဆိုပါတယ်။

ဒီနွေဦးတော်လှန်ရေး အောင်ပွဲဟာ နောက်ဆုံးပွဲဖြစ်တယ် အာဏာရှင်စနစ် အဆုံးသတ်ဖို့ မဝေးတော့ပါဘူး ဒီကောင်တွေ ရဲ့ ရက်စက်ယုတ်မာမှုတွေကြောင့် ပြည်သူတစ်ရပ်လုံးက တွန်းလှန်နေကြတယ် ပြောချင်တာက ဒီအောင်ပွဲ မဝေးတော့ပါဘူးလို့ ဆက်လက်ပြောဆိုပါတယ် ။

အာဏာရှင် စစ်တပ်ဟာ မြန်မာနိူင်ငံတွင် ဆယ်စု နှစ်ပေါင်း များစွာ ကြာအောင် အာဏာယစ်မူးခဲ့ပြီး တပ်မတော်အရာရှိကြီးများ ချမ်းသာပြီးရင်း ချမ်းသာကုန်ကြပြီး နိူင်ငံတကာနှင့် နှိုင်းယှဉ်လျှင် နိူင်ငံဖွံ့ဖြိုးတိုးတက်မှု များ အလုံးစုံ လုံးဝ မရှိခဲ့ပါဘူး ။

အရပ်သား အစိုးရ ( NLD ) ၅ နှစ် လက်ထက်တွင် မြန်မာနိူင်ငံဟာ ပြည်သူအများ မျက်စိပွင့်နားပွင်ဖြစ်ကာ အလုပ်အကိုင်အခွင့်အလမ်းများ ခေတ်မှီနည်းပညာနှင့် ခေတ်မှီဖွံ့ဖြိုးတိုးတက်မှုများစွာ ဖြစ်ထွန်း
ခဲ့ရသည်ကိုတော့ နိူင်ငံတကာ အသိပင်ဖြစ်ပါသည် ။

ဓာတ်ပုံ။ ။စစ်ကောင်စီ ဝါဒဖြန့် မီဒီယာမှ ဖော်ပြချက်အားတွေ့မြင်ရမှတ်တမ်း

‟ တာဝန်အရပါ ဆရာမ ’’ကာတွန်း နာနတ်သီး
12/06/2022

‟ တာဝန်အရပါ ဆရာမ ’’

ကာတွန်း နာနတ်သီး

လက်ပံတန်းမြို့က ပျူစောထီး ခေါင်းဆောင် စစ်တပ်သတင်းပေး ဒလန် သေနတ်နဲ့ ပစ်သတ်ခံရ ၂၀၂၂ ။ ဇွန် ။ ၁၁ ။ TharrawaPyay Newsပဲခူး...
11/06/2022

လက်ပံတန်းမြို့က ပျူစောထီး ခေါင်းဆောင် စစ်တပ်သတင်းပေး ဒလန် သေနတ်နဲ့ ပစ်သတ်ခံရ

၂၀၂၂ ။ ဇွန် ။ ၁၁ ။ TharrawaPyay News

ပဲခူးတိုင်းဒေသကြီး သာယာဝတီခရိုင် လက်ပံတန်းမြို့နယ် ပျူစာထီးခေါင်းဆောင် စစ်တပ် သတင်းပေး ဒလန် သေနတ်နဲ့ ပစ်သတ်ခံရကြောင်းသိရသည် ။

လက်ပံတန်းမြို့ ကျွန်းကလေး တာဆုံ ရပ်ကွက် အုပ်ချုပ်ရေးမှူး မြင်ရွှေ၂၀၂၂ ဇွန် ၁၁ ရက် နေ့လည်က ၁၁ နာရီ အချိန်တွင် ရန်ကုန်ပြည်ကားလမ်း ကညင်တန်းနဲ့ လက်ပံတန်းတာဆုံကြား မှာ ပစ်သတ်ခံလိုက်ရတာ ဟုတ်မှန်ကြောင်း ခိုင်လုံသည့် သတင်းရင်းမြစ် ထံမှ သိရပါတယ် ။

‟ မြင့်ရွှေက စစ်တပ်သတင်းပေး တဲ့အပြင် စကစခန့်အပ်တဲ့ အုပ်ချုပ်ရေးမှူး ၊ မြို့နယ်စစ်မှု့ထမ်းဟောင်းဥက္ကဌ အဖြစ် လက်ရှိ နေရာယူထားသူ ဖြစ်တယ်
အဲ့ထက် ဆိုးတာရှိတယ် ပျူစောထီးခေါင်းဆောင်ပေါ့ လက်ပံတန်းမြို့ ၅၃ အုပ်စု ရှိတယ် သူက ဦးဆောင်တယ် အခုဆို သူတို့သွေးသောက်အဖွဲ့ဖွဲ့ထားတယ် အဲ့ထဲမှာလဲ သူက ခေါင်းဆောင်ပါပဲ ’’ လို့ လက်ပံတန်းမြို့ ဒေသခံတစ်ဦးက သာယာဝပြည် သတင်းစဉ်သို့ပြောပါတယ် ။

‟ နေ့လည်က အသတ်ခံရတယ် ကြားတယ် သေလဲ ဝမ်းမနည်းပါဘူး ဝမ်းသာပါတယ် ဘာလို့ဆို သူက မြို့မှာ ဒလန် အကြီးစားပဲလေ နောက်ထပ် ဒလန်တွေလဲရှိသေးတယ် မြင့်ရွှေ ကြောင့် ဖမ်းဆီးခံရသူ ကျနော်တို့လက်လှမ်းမှီသရွေ့ ပြုစုထားတဲ့ အတည်ပြုချက် ရထားတဲ့ စာရင်း အရဆို အရင်က ၅ ဦး အခု ဇွန်လထဲတင် နောက်ထပ် ၄ ဦး အဖမ်းခံရတယ် မြင့်ရွှေ သတင်းပေးလို့ အဖမ်းခံရသူဟာ ၉ ဦးထက် မနည်း ရှိနေတယ်ဒါကြောင့် သူ သေတာ ကို ဝမ်းမနည်းတဲ့အပြင် တမြို့လုံးကဝမ်းသာပြီ ပျော်နေကြတယ် ’’ လို့ ဆက်လက်ပြောဆိုပါတယ်။

‟ နေ့လည် ၁၁ ခွဲ လောက်ကပေါ့ မြင့်ရွှေက သူ့တပည့်နဲ့ အတူ ဆိုင်ကယ် စီးလာတာ သူကနောက်က ထိုင်လိုက်တယ်ပေါ့ အဲ့ဆိုင်ကယ် နောက်ကနေ လိုက်ပစ်တာ ဆိုင်ကယ် မောင်းတဲ့သူ့ တပည့် လည်ပင်းကို ရှပ်မှန်တယ် အာ့နဲ့ ဆိုင်ကယ်နဲ့ နောက်ကနေ ဝင်ကြုံးလိုက်တယ် ကြုံးပြီးတချက်ပစ်တာ မြင့်ရွှေ ဂျိုင်းအောက်ကို ထိတယ် အဲ့မှာ လက်ကလေး ကာပြီး မလုပ်ပါနဲ့ တောင်းပန်တယ် နောက် တချက်က နထင်ကို ဖောက်ဝင်သွားတယ် ’’ လို့ တာဝန်ရှိသူ တစ်ဦးထံမှ ပြောပါတယ်။

ဆိုင်ကယ်မောင်းနှင်သူမှာ ရရှိဒဏ်ရာဖြင့် လက်ပံတန်းမြို့ ဆေးရုံတွင် ဆေးကုသမှုခံယူနေကြောင်းသိရှိရပြီး အကြမ်းဖက် စစ်တပ် သတင်းပေးဒလန် တပ်ထွက် ပျုစောထီးခေါင်းဆောင် ( သွေးသောက် ခေါင်းဆောင်ဖြစ်သူ ) လက်ပံတန်းမြို့ ကျွန်းကလေးတာဆုံ အုပ်ချုပ်ရေးမှူး ယခုလို သုတ်သင်ရှင်းလင်း ပစ်သတ်ခံရသည်မှာ လက်ပံတန်းမြို့တွင် ပထမဆုံး အကြိမ် ဖြစ်ကြောင်း သိရသည် ။

စစ်တပ်သတင်းပေးဒလန် ပျူစာထီးခေါင်းဆောင် စကစခန့် အုပ်ချုပ်ရေးမှုး မြင့်ရွှေကို ရှင်းလင်းခဲ့သည်မှာ သာယာဝတီခရိုင် ၃၈၀၂ တပ်ရင်း တပ်ခွဲ ၄ ရွှေတန်းမြေ ပြည်သူ့ကာကွယ်ရေးတပ်ဖွဲ့ မှ လုပ်ဆောင်ခဲ့ခြင်းဖြစ်ကြောင်း သိရသည် ။

ပြည်သူများ အနေဖြင့် အကြမ်းဖက်
စကစ နှင့် စကစ ထောက်တိုင်များနှင့် ဝေးဝေးနေဖို့ ရွှေတန်းမြေပြည်သူ့ကာကွယ်ရေးတပ်ဖွဲ့မှ သတိပေးချက် များ ထုတ်ပြန်ထားပါသေးတယ် ။

ဓာတ်ပုံ ။ ။ စစ်တပ်သတင်းပေး ဒလန် ပျုစောထီးခေါင်းဆောင် မြင့်ရွှေ နှင့် အတူ တွေ့မြင်ရသည့် ၎င်း၏ မိတ်ဆွေများဖြစ်သည့် အကျိုးတူ စီးပွားဖက်များ

Address

Pyay

Website

Alerts

Be the first to know and let us send you an email when TharrawaPyay News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to TharrawaPyay News:

Shortcuts

Share

Category