Chin Media Network

27/09/2025

"အမုန်းစကားကြောင့် စည်းလုံးမှုအတားအဆီးများ"
ဆွေးနွေးမည့်သူများ -
(1) Sayama Ghung Yaung - Politician
(2) Salai Mang Hre Lian - Program Manager ( Chin Human Right Organization)
(3) Saya Toe Zaw Lat

13/09/2025

"အမုန်းစကားကြောင့် စည်းလုံးညီညွတ်မှု အတားအဆီးများ"
Guest Speakers:
(1) Tin Zar Aung (Founder of Myanmar Women in Media (MWiM)
(2) Salai Mang Om (Member of Leading Committee, Chinland Council)

12/08/2025

ငြိမ်းချမ်းရေး ကာတွန်း/ပိုစတာဒီဇိုင်း/ပန်းချီပြိုင်ပွဲ
•••••••••••••••••••••••••••••••••••••••
ပြိုင်ပွဲခေါင်းစဉ် - ချင်းငြိမ်းချမ်းရေး
ပြိုင်ပွဲအခြေခံစည်းကမ်းများ
••••••••••••••••••••••••••
၁။ အသက်၊ နယ်ပယ် ၊ ကျား/မ ကန့်သတ်
ချက်မရှိပါ။
၂။ တစ်ဦးချင်း (သို့မဟုတ်) အဖွဲ့လိုက် ဝင်ရောက်
ယှဉ်ပြိုင် နိုင်ပါသည်။
ပြိုင်ပွဲအချိန်ဇယား နှင့် ပေးပို့ရန်လိပ်စာ
•••••••••••••••••••••••••••••••••••
၁။ နောက်ဆုံးထားလက်ခံမည့် ရက်စွဲ
September 12 2025(Dead line date)
ပြိုင်ပွဲ ရလဒ်ကြေညာချိန် October 12 2025
၂။ အွန်လိုင်း မက်ဆင်ဂျာ Voices in peace page messenger Voices In Peace (သို့) [email protected] သို့ပေးပို့ရန်
၃။ မည်သည့် Artworks အမျိုးစားမဆို Online
Platform ဖြင့်ကိုက်ညီမည့် File အမျိုးအစား Resolution ကောင်းရန်လိုအပ်ပါသည်။
၄။ ပါဝင်သူ ကလောင်အမည်နှင့် အနုပညာလက်ရာ
ပုံ၏ (ခေါင်းစဉ်)Title ပါဝင်ရမည်။
ဆုကြေးနှင့် ဆုရရှိမှုသတ်မှတ်ချက်
••••••••••••••••••••••••••••••••
ဆုအမျိုးအစား (၆) ခု ……
၁။ ပထမဆု - ၄၀၀၀၀၀ ကျပ်
ဒုတိယဆု - ၃၀၀၀၀၀ ကျပ်
တတိယဆု - ၂၀၀၀၀၀ ကျပ်
မူရင်း page (Voices in Peace) တွင် (Share + Reaction) အများဆုံး (၃) ဆု
၁၀၀၀၀၀ ကျပ်စီ နှင့် ဂုဏ်ပြုအသိအမှတ်လက်မှတ်
၂။ ကလောင်ရှင်တစ်ဦးသည် မိမိလက်ရာ တစ်ခုမကပြိုင်ပွဲဝင်နိုင်သော်လဲ ဆုရရှိပါကလက်ရာတစ်ခုသာ
ဆုအဖြစ်သတ်မှတ်ပေးသွားပါမည်။
အနုပညာ ဖန်တီးမှု စည်းကမ်းချက်များ
••••••••••••••••••••••••••••••••••••
၁။ ငြိမ်းချမ်းရေး၊ လူမှုစည်းလုံးညီညွတ်မှု၊ ပဋိပက္ခတားဆီးရေး စသည့် ပင်မအကြောင်းအရာအား
ဦးတည်၍ ထိမိသော ဖန်တီးပုံဖော်မှုဖြစ်ရမည်။
၂။ ငြိမ်းချမ်းရေးနှင့် သွေဖယ်လမ်းလွဲသော မတော်တဆန်၊ မုန်းတီးမှုဖြစ်စေသောအကြောင်းအရာများ ပယ်ဖျက်ခံရမည်။
၃။ ဆုရ လက်ရာအနုပညာအား ပြိုင်ပွဲကျင်းပသူများ
က ပြည်သူ့အကျိုးအတွက် အသုံးပြုခွင့်ရှိသည်။
၄။ ပါဝင်သူများသည် မိမိတို့၏ မူရင်းလက်ရာများကိုသာ တင်သွင်းရမည်။ Copy rights ဆိုင်ရာ တစ်စုံတ
ရာကိစ္စရပ်များဖြစ်ပေါ်လာပါက ကာယကံရှင်နှင့်သာ
သက်ဆိုင်ပါမည်။
၅။ ဆုရွှေးချယ်ရေးဆိုင်ရာ တစ်စုံတစ်ရာအကြောင်း
အရာကိစ္စရပ်များ ဖြစ်ပေါ်လာပါက ပြိုင်ပွဲကြီးမှုးကျင်ပရေး ကော်ပမတီ၏ ဆုံးဖြတ်ချက်သာဖြစ်မည်။
ပြိုင်ပွဲကျင်းရခြင်း၏ ရည်ရွယ်ချက်များ
+++++++++++++++++++++
၁။ ချင်းငြိမ်းချမ်းရေးအား စကားလုံးများဖြင့် မပြောပြတတ်သူများ/ အခွင့်မရကြသူများအတွက် ပုံများအရုပ်များဖြင့် ဖော်ပြနိုင်ကြစေရန်။
၂။ ပြည်သူများ၏ ငြိမ်းချမ်းရေးလိုလားမှုအား အနုပညာ လက်ရာများမှ တဆင့် သက်ဆိုင်ရာ ပုဂ္ဂိုလ်များထံ ကြားသိစေရန်။
၃။ ပိုုထိရောက်သော သတင်းစကား
Massage ပြန့်ပွါး စေရန်
VIP (Voices in peace)
အနုပညာပြိုင်ပွဲကျင်းပရေး
ကော်မတီ (၂၀၂၅)
>> မကြာမီ ငြိမ်းချမ်းရေးကဗျာဖိတ်ခေါ် ပြိုင်ပွဲအတွက်လည်း ထပ်မံ ကြော်ငြာ သွားမည်ဖြစ်သည်

05/08/2025

ဟားခါးမြို့မှာ လူငယ် ၄၀ ၀န်းကျင် ဖမ်းဆီးခံရပြီးနောက် ပြန်မလွတ်လာသေးတဲ့အတွက် မိသားစုဝင်များ စိုးရိမ်

ဟားခါးမြို့မှာ လူငယ် ၄၀ ၀န်းကျင် ဖမ်းဆီးခံရပြီးနောက် ပြန်မလွတ်လာသေးတဲ့အတွက် မိသားစုဝင်များ စိုးရိမ်

ဩဂုတ်လ ၅ ရက်။

ဟားခါးမြို့ပေါ်က လူငယ် ၄၀ ၀န်းကျင် ဩဂုတ်လ (၃) ရက်နေ့ တနင်္ဂနွေနေ့၊ နေ့လည်ပိုင်းက စစ်ကောင်စီတပ်များရဲ့ အဖမ်းခံရပြီးနောက် ညပိုင်းမှာ မြို့တွင်း‌ ပစ်ခတ်မှု၊ လက်နက်ကြီးပေါက်ကွဲမှုများဖြစ်ပွားမှုကြောင့် ဖမ်းဆီးခံလူငယ်များ လက်ရှိအချိန်အထိ ပြန်လည်မလွတ်မြောက်သေးတာကို ဒေသခံမိဘပြည်သူများအနေနဲ့ စိုးရိမ်လျက်ရှိတယ်လို့ ‌ဟားခါးဒေသခံများကပြောပါတယ်။

ဟားခါးဒေသခံတစ်ဦးက “ တနင်္ဂနွေနေ့မနက်ပိုင်းမှာ လက်နက်ကိုင်အဖွဲ့တစ်ဖွဲ့က ဆောက်လုပ်ရေးဌာနရဲ့ပြည်နယ်မှုးကိုဖမ်းတယ်လို့သိရတယ်။ မနက်ပိုင်း ဘုန်းကြီးကျောင်းအသွားမှာ အဖမ်းခံရတယ်လို့သိရတယ်။ အဲဒါနဲ့ နေ့လည်ပိုင်းမှာ လူငယ်တွေကို ဟားခါး-ဂန့်‌ဂေါလမ်းမှာ စစ်တပ်တွေက ဆိုင်ကယ်နဲ့ ဖြတ်သွားသူတွေကို ဖမ်းတယ်။ အဲဒီလမ်းမပေါ်မှာရှိတဲ့ လဖက်ရည်ဆိုင်မှာ ထိုင်တဲ့လူငယ်တွေကိုလည်းဖမ်းတာပေါ့။ အစကတော့ ဌာနဆိုင်ရာလူကြီးအဖမ်းခံရတော့ ပြန်လွှတ်ပေးဖို့အတွက်နဲ့ လူငယ်တွေကို စစ်ဆေးဖို့ဖမ်းတာလို့ယူဆရတာပေါ့။ ဒါပေမယ့် ညပိုင်းမှာ တာ၀န်ကျကင်းလှည့်စစ်သားတွေကို မြို့တွင်းမှာ ပစ်ခတ်မှုဖြစ်ပြီး လက်နက်ကြီးပစ်ခတ်မှုအထိ ဖြစ်လာတော့ ဖမ်းထားတဲ့လူငယ်တွေအားလုံးကို ပြန်လွှတ်ပေးဖို့ကပိုပြီးအခက် တွေ့တာမျိုးဖြစ်မလားဆိုတာ စဥ်းစားစရာဖြစ်လာတယ်” လို့ပြောပါတယ်။

လူငယ်တွေအဖမ်းခံရချိန်ဟာ တနင်္ဂနွေနေ့ဖြစ်ပြီး ဘုရားကျောင်းဆင်းချိန်ဖြစ်တာကြောင့် ဆိုင်ကယ်နဲ့သွားလာတာ၊ နေ့လည်လဖက်ရည်ဆိုင်ထိုင်တာတွေနဲ့မြို့တွင်းမှာ လူစည်ကားချိန်ဖြစ်ပါတယ်။

ဟားခါး‌ဒေသခံလူငယ်တစ်ဦးက “အဓိကတော့ အရင်က ဟားခါး - ဂန့်‌ဂေါလမ်းမှာ မော်တော်ပီကေ တွေ Surprise Check လုပ်လေ့ရှိတဲ့နေရာမှာစောင့်ပြီးဖမ်းတာပေါ့။ အဲဒီနေရာရဲ့အထက်မှာ ဘုန်းကြီးကျောင်းရှိတယ်။ လမ်းဘေးမှာတင် လဖက်ရည်ဆိုင်လည်းရှိတယ်။ ဆိုင်ကယ်နဲ့ ဂန့်ဂေါလမ်းရပ်ကွက်ဖက်သွားတာ၊ ဟားခါးရှုခင်းသာဖက်နဲ့မြို့ပြင် ဖက်ကိုသွားတာမျိုး သွားချင်ရင်အဲဒီလမ်းမကြီးတစ်ခုပဲရှိတယ်။ လူငယ်တွေဆိုရင် တနင်္ဂနွေနေ့ဘုရားကျောင်းဆင်းပြီဆိုရင် အဲဖက်သွားပြီးလည်ပတ်တာလည်းများတာပေါ့။ အဲဒီကနေ စောင့်ဖမ်းရင် နာရီတစ်ချက်နှစ်ချက်အတွင်း လူဆယ်ကဏန်းကတော့ ခဏပဲ” လို့ပြောပါတယ်။


ချင်းလူ့အခွင့်အရေးအဖွဲ့ (CHRO) က “ဖမ်းဆီးမှုများဟာ စစ်တပ်က ဒေသတွင်းစားသောက်ဆိုင်တစ်ခုကို ဝင်ရောက်စီးနင်းပြီးနောက် ဖြစ်ပွားခဲ့တာပါ။ အဲဒီတုန်းက ဆိုင်ဝန်ထမ်းတွေနဲ့ ဖောက်သည်တွေကိုပါ ကနဦး ဖမ်းဆီးခဲ့ပါတယ်။ ဒီစစ်ဆင်ရေးဟာ လူအများစုဝေးရာနေရာတွေနဲ့ ဘာသာရေးဆိုင်ရာလှုပ်ရှားမှုတွေကို ပစ်မှတ်ထားပုံရပြီး ဘာသာရေးလွတ်လပ်ခွင့်ကို ဆက်လက်ချိုးဖောက်နေသလို အရပ်သားတွေကို ပိုမိုပစ်မှတ်ထားလာတာနဲ့ပတ်သက်ပြီး စိုးရိမ်စရာတွေကို မြင့်တက်စေခဲ့ပါတယ်” လို့မနေ့ဩဂုတ်လ ၄ ရက်က သတင်းထုတ်ပြန်ထားပါတယ်။

လူငယ်များအဖမ်းခံရပြီးနောက် အဆိုပါညမှာပင် မြို့တွင်း ပစ်ခတ်မှုအချို့ဖြစ်ပွားခဲ့တဲ့အပြင် လက်နက်ကြီးပစ်ခတ်မှုပါဖြစ်ပွားတာကြောင့် အသင်းတော် ပါစတာတစ်ဦး၊ ကလေးအပါအ၀င် အရပ်သားလေးဦး ထိခိုက်မှုရှိခဲ့တယ်လို့သိရပါတယ်။

Website Link

https://chinworld.org/2025/08/%e1%80%9f%e1%80%ac%e1%80%b8%e1%80%81%e1%80%ab%e1%80%b8%e1%80%99%e1%80%bc%e1%80%ad%e1%80%af%e1%80%b7%e1%80%99%e1%80%be%e1%80%ac-%e1%80%9c%e1%80%b0%e1%80%84%e1%80%9a%e1%80%ba-%e1%81%84%e1%81%80/

Telegram Link

https://t.me/realchinworldmedia/7827

04/08/2025

ကလေးမြို့နဲ့ အနီးဝန်းကျင်တွေမှာ စစ်တပ်က လူငယ်တွေကို စစ်မှုထမ်းဖို့ အိမ်စီးကားတွေနဲ့ပတ်ပြီး ဆက်ဖမ်းဆီးနေတယ်လို့ ဒေသခံတွေပြော

ကလေးမြို့နဲ့ အနီးဝန်းကျင်တွေမှာ စစ်တပ်က လူငယ်တွေကို စစ်မှုထမ်းဖို့ အိမ်စီးကားတွေနဲ့ပတ်ပြီး ဆက်ဖမ်းဆီးနေတယ်လို့ ဒေသခံတွေပြော

ဩဂုတ်လ ၄ ရက်။

ယခုရက်ပိုင်းအတွင်းမှာ စစ်ကိုင်းတိုင်း၊ ကလေးမြို့တွင်းနဲ့ အနီးအနားဝန်းကျင်တွေမှာ အာဏာသိမ်းစစ်ကောင်စီတပ်က အိမ်စီးကားတွေနဲ့ ပတ်ပြီး လူငယ်တွေကို စစ်မှုထမ်းဖို့ ဆက်ဖမ်းဆီးနေတယ်လို့ ကလေးမြို့ဒေသခံတွေဆီကနေ သိရပါတယ်။

ကလေးမြို့ဒေသခံတစ်ဦးက “မြို့ထဲအခါတိုင်းက 4 # 4 ကားနဲ့ အမြဲတမ်းဖမ်းဖမ်းသွားတာတွေ့တယ် အခုနောက်ပိုင်း သိပ်မတွေ့ရဘူး သူတို့လူသိပ်မရဘူးနဲ့တူတယ် သူတို့က အမြဲလိုလိုလိုက်ဖမ်းတယ် ဟိုတနေ့ကလည်း အာင်သစ္စာနဲ့ အောင်ဇေယျကြားထဲမှာဖမ်းတယ် ညမှာ နောက်ပြီး ချမ်းမြေ့အောင်စည်ထဲက ၂ ယောက် ဆိုရင် ဖမ်းသွားတာ လိုက်ရွေးတာ ရွေးလို့ရခဲ့တယ် ၁ ယောက်က သိန်း ၆၀ ၊ နောက်တစ်ယောက်က ၆၅ သိန်း အဲလိုတွေ ပေးပြီး ရွေးကြတယ်ပြောတယ် ဖမ်းတာက အမြဲလိုလိုဖမ်းနေတာပဲ ကိုယ်သိတာလည်းရှိတယ် မသိတာလည်းရှိတယ် အရင်လောက်ကြီး ကားပေါ်မှာ လေး၊ငါးယောက် တင်သွားတာတွေ မတွေ့ရတာရှိပေမယ့် အမြဲတမ်းက ဖမ်းနေတာ သူတို့က” လို့ပြောပါတယ်။

ဒီကနေ့ဩဂုတ်လ ၄ ရက် မှာလည်း ကလေးမြို့တွင်း ၊တာဟန်း၊ မြို့အနောက်ပိုင်း ၊ မြို့လှ၊ တောင်သာ၊ တွေကို အိမ်စီးကားဖြူ ၁ စီး၊ စစ်တပ်ကား ၁ စီး ပတ်ပြီး လူဆွဲတာတွေ လုပ်နေကြတယ်လို့လည်း ဒေသခံတွေ ထံကနေ သိရပါတယ်။

လက်ရှိ အာဏာသိမ်းစစ်ကောင်စီတပ်ဟာ လာမယ့် ပြည်သူ့စစ်မှုထမ်း အပတ်စဉ် ၁၆ အတွက် သူတို့ထိန်းချုပ်ထားတဲ့ ဒေသတွေမှာ စစ်မှုထမ်းသင်တန်းအတွက် လူငယ်တွေကို လိုက်လံဖမ်းဆီးနေတာတွေကို နိုင်ငံအနှံ့ လုပ်ဆောင်နေတယ်လို့လည်း သိရပါတယ်။

Website Link

https://chinworld.org/2025/08/%e1%80%80%e1%80%9c%e1%80%b1%e1%80%b8%e1%80%99%e1%80%bc%e1%80%ad%e1%80%af%e1%80%b7%e1%80%94%e1%80%b2%e1%80%b7-%e1%80%a1%e1%80%94%e1%80%ae%e1%80%b8%e1%80%9d%e1%80%94%e1%80%ba%e1%80%b8%e1%80%80%e1%80%bb/

Telegram Link

https://t.me/realchinworldmedia/7806

04/08/2025

မင်းတပ်မြို့ကို စစ်ကောင်စီတပ်က ဗုံးကြဲတိုက်ခိုက်လို့ အဆောက်အဦး ၁၀ လုံးခန့်ထိခိုက်ပျက်စီး
သြဂုတ်လ ၄ ရက်။

04/08/2025

အရေးပေါ်အခြေအနေကြေညာခံရတဲ့အထဲ ပါဝင်တာကြောင့် ကန်ပက်လက်မြို့နယ်ကလမ်းတချို့ယာယီပိတ်မယ်လို့ထုတ်ပြန်
ဩဂုတ်လ ၂ ရက်။

04/08/2025

ချင်းလူငယ်ဖိုက်တာတစ်ဦး GMA MMA မှာချန်ပီယံခါးပတ်ရရှိ

02/08/2025

စစ်ကောင်စီအသစ်ဖွဲ့လိုက်တဲ့ ပြည်နယ်အစိုးရ အဖွဲ့မှာ ပလက်ဝမှ ဝန်ကြီးတစ်ဦး ဆက်လက်ပါဝင်ပြီး တစ်ဦး ပါဝင်လာခြင်းမရှိ

စစ်ကောင်စီအသစ်ဖွဲ့လိုက်တဲ့ ပြည်နယ်အစိုးရ အဖွဲ့မှာ ပလက်ဝမှ ဝန်ကြီးတစ်ဦး ဆက်လက်ပါဝင်ပြီး တစ်ဦး ပါဝင်လာခြင်းမရှိ
=========

သြဂုတ် ၁ ရက်၊ ၂၀၂၅။

Zalen

စစ်ကောင်စီရဲ့ အသစ်ပြန်လည်ဖွဲ့စည်းလိုက်တဲ့ ချင်းပြည်နယ် အစိုးရအဖွဲ့ထဲမှာ ပလက်ဝမြို့ နယ်က ဝန်ကြီးတစ်ဦး ဆက်လက်ပါဝင်ခွင့်ရပြီး တစ်ဦးဟာ ပါဝင်လာတာ မတွေ့ရပါဘူး။

စစ်ကောင်စီက မနေ့ ဇူလိုင်လ ၃၁ ရက်က အ ရေးပေါ်ကာလကို ဖျက်သိမ်းလိုက်ပြီး နိုင်ငံ တော်လုံခြုံရေးနှင့် အေးချမ်းသာယာရေးကော် မရှင် အဖွဲ့သစ်ကို ဖွဲ့စည်းခဲ့ပါတယ်။

နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ရဲ့ အသစ်ပြန်လည် ဖွဲ့စည်းလိုက်တဲ့ ချင်းပြည်နယ် အစိုးရအဖွဲ့ထဲမှာ ဝန်ကြီးတချို့ ပြောင်းလဲမှုတွေ ပြုလုပ်ခဲ့ပါတယ်။

စစ်တပ်အာဏာသိမ်းပြီး စစ်ကောင်စီရဲ့ ချင်း ပြည်နယ်အစိုးရဖွဲ့မှာ ပါဝင်တဲ့ ဦးစိန်ထွန်းလှဟာ တိုင်းရင်းသားရေးရာဝန်ကြီးအဖြစ် ထပ်မံ ပါ ဝင်ခွင့်လာတာတွေ့ရပါတယ်။

၂၀၂၁ ခုနှစ် စစ်အာဏာမသိမ်းမီက ချင်းပြည် နယ်မှာ ချင်းတိုင်းရင်းသားအများစုနေထိုင်တဲ့ပြည်နယ်ဖြစ်တဲ့အတွက် တိုင်းရင်းသားရေးရာဝန်ကြီးဟူ၍ သီးသန့်ထားရှိရန် မလိုအပ်ခဲ့ပါ။

သို့သော် စစ်တပ်က အာဏာသိမ်းပြီး ဖွဲ့စည်းလိုက်တဲ့ ပြည်နယ်အစိုးရအဖွဲ့မှာ တိုင်းရင်းသားရေးရာဝန်ကြီးဆိုတာကို စတင်ထည့်သွင်းလာတာ ဖြစ်ပါတယ်။

ဦးစိန်ထွန်းလှဟာ ရခိုင်ပြည်နယ် ပညာရေး ဒုညွန်ကြားရေးမှူး အငြိမ်းစားဖြစ်သလို သူဟာ ချင်းပြည်နယ်၊ ပလက်ဝမြို့နယ်၊ ရွာမရပ်ကွက်ဇာတိဖြစ်ပြီး ရခိုင်လူမျိုးဖြစ်ပါတယ်။

စစ်ကောင်စီရဲ့ အရင်က ချင်းပြည်နယ် သယံဇာ တဝန်ကြီးဖြစ်တဲ့ ဦးကျော်ငြိမ်းဟာ လက်ရှိ အ သစ်ဖွဲ့စည်းလိုက်တဲ့ ပြည်နယ်အစိုးရအဖွဲ့မှာ ပါဝင်လာတာမတွေ့ရပါဘူး။

၂၀၂၁ ခုနှစ် စစ်တပ်အာဏာသိမ်းပြီး ချင်းပြည် နယ်အစိုးရအဖွဲ့မှာ ပလက်ဝမြို့နယ်က ဦးကျော်ငြိမ်းနဲ့ ဦးစိန်ထွန်းလှတို့ဟာ ဝန်ကြီးတွေဖြစ်လာကြတာပါ။

သတင်း - ခူမီး

#စစ်ကောင်စီ #ချင်းပြည်နယ် #အစိုးရ

02/08/2025

အိုမန်တွင်အလုပ်လုပ်တဲ့ ချင်းအမျိုးသမီးတစ်ဦးသေဆုံး

02/08/2025

၂၀၂၅ ရွေးကောက်ပွဲ ချင်းပြည်နယ်မှာ လုပ်နိုင်ပါ့မလား ??