Juno-Tulp van de lente (2025)

27/06/2025

ပြည်သူသည်သာ အခရာပါ ။
ပြည်သူဟာ သန်းပေါင်းများစွာ အုပ်ချုပ်သူဟာ လက်တစ်ဆုပ်စာ

ပြည်သူတွေ ကိုယ်လိုချင်တာကို တိုက်ယူလို့ရပါတယ် တိုက်ယူတယ်ဆိုတာမျိုးကလည်း အမှားအမှန်ခွဲခြားသိမြင်နိုင်ဖို့လိုအပ်ပါတယ် ပြည်သူတွေသာ အသိအမြင်ကြွယ်၀ပြီး အုပ်ချုပ်သူတွေကို ကောင်းကောင်းခိုင်းစေနိုင်မယ် ဆိုရင် အုပ်ချုပ်သူတွေက ပြည်သူတွေကို အနိုင်ကျင့်ရဲမှာ မဟုတ်‌ပါဘူး

ပြည်သူတွေပညာတတ်ဖို့လိုပါတယ် အမှားအမှန်သိမြင်နားလည် မှသာ သတ္တိရှိပြီး ကိုယ်မလိုချင်တာကို တိုက်ယူရဲမှာပါ

ဒေါ်အောင်ဆန်းစုကြည်ကို အမေဟုခေါ်ဝေါ် သုံးစွဲခဲ့သူများလည်း သား/သမီးတာ၀န်ကျေပွန်စွာနဲ့ ဒေါ်အောင်ဆန်းစုကြည် လိုချင်တာ၊ဖြစ်ချင်တာကို အမေ့အတွက် တိုက်ယူပေးရမှာဖြစ်ပါတယ်

ကျနော်တို့ ဆက်သွားမယ်
ခင်ဗျားတို့လည်းဆက်သွားပါ
မယိုင်မလဲ ခိုင်မြဲစွာ မတ်မတ်ရပ်တည်ပါ ။

#ဒေါ်အောင်ဆန်းစုကြည်

20/06/2025

ပုံမှာမြင်ရတာကတော့ ကလေးတွေ စာလုပ်နေတဲ့ပုံပဲဖြစ်ပါတယ် ။
ဒီလိုမြင်ကွင်းမျိုးမြင်ရဖို့ ၄လ‌ လောက်ကြိုးစားလိုက်ရပါတယ် ။

အဓိက ခက်ခဲမှုကတော့ learning ကိုမရင်းနှီးတဲ့ မိဘတွေ ဆီကနေ ကလေးတွေစာသင်ရဖို့ ခွင့်ပြုချက်တောင်းခံရတာပါပဲ

တစ်ယောက်က ရှေ့ကလုပ်ပြမှ လိုက်လုပ်တတ်တဲ့ ဓလေ့နဲ့ အကြောက်တရားကြီးစိုးပြီး ပညာရေနိမ့်ပါးတဲ့ အတွက် ဘယ်အရာကိုမှ ကိုယ်ပိုင် ဆုံးဖြတ်ချက်နဲ့ မဆုံးဖြတ်နိုင် တဲ့အခါ သူများနောက်ကျရတာ မဆန်းပါဘူး

စာသင်ဖို့ရာ အခက်အခဲတွေရှိကြတယ် ကျောင်းသားအားလုံးနီးပါး ဖုန်းကောင်းကောင်းမရှိကြဘူး ဖုန်းရှိတဲ့ကျောင်းသူတွေမှာလည်း " ချိန မိတ် " တွေဖြစ်လို့ ဂလူးဂလူး ဖွင့်မရ တဲ့ အခြေအနေမျိုးတွေမှာ တတ်နိုင်သမျှ အကောင်းဆုံး ရှိတာနဲ့ ကူညီပေးရတယ်

အသိဉာဏ် /ပညာ / အတွေးအခေါ် အရာရာဟာဆင်းရဲလွန်းလို့ ခနခန အသုံးချခံရပြီး ခံရပြီးမှသာ အသုံးချသွားမှန်းကိုသိတာမို့ ဘယ်အရာကိုမဆို သံသယမျက်လုံးနဲ့ မယုံကြည်နိုင်ဖြစ်ကြရတယ်

#လူငယ် တွေဘက်က စာလုပ်ချင်တာတောင် မိဘတွေရဲ့ထိန်းချုပ်မှု ( စိုးရိမ်မှု) အောက်ကနေ ရုန်းမထွက်နိုင်တဲ့အတွက် သူတို့ရဲ့တတ်လမ်းတွေ အပိတ်ခံရတယ် ဒါတောင် မိဘတွေဟာ သူတို့ရဲ့ အမှားကို အမှားမှန်းမသိကြဘူး

အဘက်ဘက်ကနေ ပိတ်ဆို့ခံထားရတဲ့ ဒီကလေးတွေအတွက် သူတို့တတ်လမ်း ဆိုတာ " ပညာသင်ယူခြင်း " (စာသင်ခြင်း) ကလွဲလို့ ဘာတစ်ခုမှရှိမနေဘူးလေ ဒါကိုတောင် သင်ယူလေ့လာဖို့ လွတ်လပ်ခွင့်‌မပေးတဲ့ မိဘတွေရဲ့ ချစ်ခြင်းတရားဟာ လွဲမှားနေမှန်း သူတို့ကိုယ်တိုင်တောင် သိမနေကြဘူး

ဒါတွေဟာ ခေတ်အဆက်ဆက်က ပညာရေးနိမ့်ပါးတဲ့ အကျိုးတရားတွေပဲ
ဒီဒေသဟာ ဒီမျိုးဆက်မှာ ဒီတလရမှာ အသိပညာပြောင်းလဲမှု တစ်ခုမှမရှိခဲ့ဘူး ဆိုရင် ခေါင်းပုံဖြတ်ခံ အမြတ်ထုတ်ခံ လုပ်သားထုတ်လုပ်ရုံကြီး ဖြစ်မြဲ ဖြစ်ဆဲ ဖြစ်လတ္တံ့ ဖြစ်အံ့ ..... ။

#စစ်ကိုင်း

19/06/2025

" ချာတိတ်တွေ လမ်းပေါ်ပဲ့ကြွေတစ်ယောက်မှ သောက်ဖတ်မလုပ်တာ သည်းခံ "

ကိုကျားပေါက်ကိုရဲ့ သည်းခံ သီချင်းဖြစ်ပါတယ် ။
ကျနော်စစ်ကိုင်းကို စရောက်တော့ ကလေးတွေမှာ တလရ စိတ်ဓာတ် ပြင်းထန်နေမယ်ထင်ခဲ့တာ တကယ်တော့မဟုတ်ပါဘူး ။ အပျော်ပါးပဲစိတ်၀င်စားပြီး လေးလေးနက်နက်ဘာကိုမှ ရှိမနေကြဘူး အရင်းစစ်တော့ အမြစ်မြေ ဆိုသလို တလရ ၄နှစ် အတွင်းမှာ တော်တော်ကို ပြတ်ကျန်ခဲ့ကြတယ်လေ

ပညာရေးလား ?
( ကျောင်းတွေပိတ်ထားရတယ် )

စီးပွားရေးလား ?
( ခနခနပြေးနေရတော့ ‌အခြေပြတ် နေ့စားပဲလုပ်ရတယ် )

အပြင်ဗဟုသုတလား ?
( စတားလင့်ကို တစ်နာရီ တထောင်ပေးသုံးရတယ် )

ကိုယ့်တန်ဖိုးမြှင့်တင်ဖို့ အခြားသောစွမ်းရည်တွေလား ?
( ရှိတယ်လေ ဂျင်ဝိုင်း ကြက်ဝိုင်း ဖဲဝိုင်း နွားပြိုင်ပွဲ ++++)

ဒါတွေသာ နောက်ကျနေတာ တခြားအရာတွေမှာတော့နောက်မကျဘူး

အချစ်ရေးဆိုရင် ၁၅ နှစ်လောက်ကတည်းက ရည်းစားရလို့ ၁၈နှစ်မှာ အိမ်ထောင်ကျ ကလေးတစ်ယောက်ရနေပြီ
တစ်တော့ဆော့ဖို့ဆိုရင် ၁၀ သမီးကလည်း ဖင်လှုပ်တတ်တယ်

ဒါတွေဟာ ကလေးတွေအပြစ်တော့မဟုတ်ဘူး ကလေးဆိုတာဘာသိမှာလဲ
ပျော်ရာမှာပဲနေချင်ကြတာလေ ဘယ်သူ့အပြစ်လဲဆိုရင် မိဘတွေပဲလို့
ပြောရမှာပဲ

" ငါ့သမီး/သား က လိမ္မာတယ် ငါ့စကားနားထောင်တယ် "
" ငါ့သမီး/သား ကို ငါနိုင်တယ် "

အဲ့လိုစကားတွေကိုပြောလည်းပြော လူရှေ့သူရှေ့ဆို မိဘက သား/သမီးကိုနိုင်ကြောင်း ၊ သား/သမီးကလိမ္မာကြောင်း ပြ‌ကြသေးတာ အဲ့တော့ တခွန်းတသံ တမိန့်အောက်မှာ မလှုပ်ရဲကြ ၊ ဘာမှပြန်မပြောရဲကြ

အဲ့တော့ကျဉ်းကျပ်တဲ့သူတို့လက်အောက်ကနေ ရုန်းထွက်ဖို့ ကြိုးစားကြတော့တာပဲ

-ရွာတောင်ဘက်က ကောက်ရိုးပုံမှချိန်းတွေ့ မကြာမီ ကိုယ်၀န်ရှိတစ်ခုလပ်ဖြစ်
- ရည်းစားကို တယောက်ပြီးတယောက်ထား တန်ဖိုးကိုချနင်းထားတဲ့ မိန်းကလေးတွေ
- ဘ၀ရည်မှန်းချက်ဘာမှမရှိ ပျော်ရာလုပ်နေတဲ့ကောင်လေးတွေ
- မသိခြင်းတရား စိုးမိုးလွန်းအားကြီးတဲ့ မိဘတွေ

ခေတ်အဆက်ဆက်ကတည်းက စစ်ကိုင်းတိုင်းဟာ ပညာရေးနိမ့်ပါးခဲ့ရတယ်
အသိပညာနိမ့်ပါးခဲ့ကြတယ်
အတွေးအခေါ်အားနည်းတယ် ဒါတွေကြောင့်ပဲ
လုပ်သား ထုတ်ကုန် အမြင့်ဆုံး ဒေသဖြစ်နေတာပေါ့ ။

( to be continued)
#စစ်ကိုင်း
#လူငယ်

30/05/2025

Birthday လက်ဆောင် ကတော့ အင်ကျီ 2ထည်ရပါတယ်ဗျာ ❤️🎆

25/05/2025

ငါတို့ရဲ့ အဆင်မပြေမှုဟာ
ငါတို့ရဲ့ တရားသဖြင့်
နေထိုင်ခြင်းပါပဲကွာ။

▪️လှသန်း

29/04/2025

"....ကျနော်တို့ရဲ့ တော်လှန်ရေးကို အထောက်အပံ့ဖြစ်စေဖို့
ပေခ်ျ့ကို like and follow လုပ်ပေးကြပါဦးဗျ .... "

ပြည်သူ မှ ပြည်သူ ဆီသို့

ရွှေဘိုမြို့နယ်ရှိ ရွာတစ်ရွာတွင် ငလျင်ဒဏ် ကြောင့် သေဆုံး/ထိခိုက်သော ပြည်သူ ( ၁၁ ) ဦးအား လူသားချင်းစာနာသောအားဖြင့် ပြည်တွင်းပြည်ပ အလှူရှင်များမှ လိုအပ်သော စားနပ်ရိက္ခာများကို ကူ‌ညီထောက်ပံ့ခဲ့သည် ။

စစ်ကိုင်းမြို့နယ် လူထုသပိတ် အင်အားစု နှင့် ရွှေဘိုမြို့နယ် သပိတ်အင်အားစု မှ အလှူရှင်များကိုယ်စား ကူညီမှုများကို သွားရောက်ပေးအပ်ခဲ့သည်။

ထိုသို့ ကူညီပေးသော အလှူရှင် တစ်ဦးတစ်ယောက်စီတိုင်းအား ‌ကျေးဇူးအထူးတင်ရှိအပ်ပါသည် ။

"" နောက်ထပ်လည်း စစ်ရှောင်အိမ်ထောင်စု 25 စုကို ကူညီဖို့ရှိပါတယ်ဗျ
ကူညီပေးကြပါဦး ဗျ ""

25/04/2025

စခတွေရဲ့ ယုတ်မာမှုကြောင့် ကိုယ့်အိမ်ကိုယ့်ရွာကိုစွန့် တောတောင်ထဲမှာနေရတဲ့ ပြည်သူတွေဆီ အလှူရှင်တွေရဲ့ ကူညီမှုတွေရောက်ဖို့ ကျနော်တို့ကြိုးစားကြတဲ့အခါ .... ကျနော်တို့ပျော်ရပါတယ် ။

အလှူရှင်တွေပါစေချင်တဲ့ ပစ္စည်းကိုရှာ၊ ပစ္စည်းရတော့ သယ်ဖို့ ထော်လာဂျီရှာရတယ် အဲ့လိုနဲ့ ‌အချိန်လင့်သွားတော့ ထော်လာဂျီကြီးနဲ့ ပျူရွာ နဲ့တစ်မိုင်လောက်ပဲဝေးတဲ့လမ်းကနေ ညဘက်ကြီးသယ်ရတယ် ။ ဘယ်အချိန်ပစ်ခံထိမလဲ ဆိုတဲ့အတွေး နဲ့ လိုရာခရီးကို အန္တရာယ်ကင်းစွာရောက်သွားတော့ ကျနော်တို့ပျော်ရတယ် ။

ည ( ၁၁) နာရီလောက်မှာ တညတည်းဖို့နေရာကိုရောက်တော့ စင်္ကြန်(အိပ်ဖို့နေရာ) ကို တာလပတ်ခင်း ၊ ပါတဲ့အိတ်မှန်သမျှကို ခေါင်းအုံးလုပ် ၊ ပြည်သူအမေ ထည့်ပေးလိုက်တဲ့ ထမင်းရော ဟင်းရော အိုးတစ်လုံးထဲမှာ ပေါင်းပြီး အတူတူစားကြရတာ ပျော်စရာကြီးပါပဲ ။

ဆိုင်ကယ်နဲ့ တံတားသေးသေးလေးကို နှစ်ယောက်ဖြတ်ရတာ ရင်ခုန်စရာ ညနေခင်းပါ ။ တော်လှန်ပြည်သူတွေရဲ့ ကူညီမှုကြောင့် ဒုက္ခအတိ ထိတွေ့နေရတဲ့ ပြည်သူတွေ ပြုံးသွားတဲ့ မျက်နှာကို တွေလိုက်ရတဲ့အခါ ကျနော်တို့ မျက်ရည်လည်မတတ်ပျော်ပါတယ် ။

အမေတို့ ဘာလိုအပ်လဲလို့မေးတော့
" အမေတို့မှာ လက်ဆယ်ချောင်းပဲ ပါပြီး ထွက်ပြေးလာရတာ သမီးတို့ဘက်က ဘာပဲပေးပေး အမေတို့ ကျေးဇူးတင်ရမှာပေါ့ " တဲ့

တော်လှန်ပြည်သူတွေရဲ့ ကူညီမှုတွေကို လိုအပ်တဲ့နေရာတွေကို အရောက်ပို့ပေးဖို့ဆိုတာ ကျနော်တို့ ရဲ့ တော်လှန်ရေး တာ၀န်တစ်ခုပါ ။
ယုံကြည်မှုရဖို့ အလုပ်နဲ့ပဲ သက်သေပြပါရစေ ။

ju_non

24/04/2025

၃ နှစ်ကျော် စခတွေအထိုင်ချသွားတဲ့နေရာကို ရောက်ခဲ့တယ်

အနှစ်နှစ်အလလက တည်ဆောက်ထားတဲ့ အိမ်တွေကို ဖြို
ဘ၀နဲ့ရင်းပြီး တည်ဆောက်ထားတဲ့ မိသားစုတွေကိုဖျက်
ဘ၀ပေါင်းများစွာ တည်ရှိနေတဲ့ ရွာကိုမီးရှို ပြီး

သူတို့အတွက်
ဆေးခန်းကို စခန်းအဖြစ် အခိုင်အမာတပ်စွဲထား
အိမ်‌တိုင်း အိမ်တိုင်းရဲ့ နံရံကို ဖြိုပြီး ရတဲ့ အုပ်ခဲနဲ့ နေစရာ ကတုတ်ကျင်းကို အခိုင်အမာတည်ဆောက် ထားတယ် ဘန်ကာကိုပတ်ပတ်လည် တည်ဆောက်ထားပြီး တူးမြောင်းအရှည်ကြီးနဲ့ ဆက်ထားတယ်

ပျူစောထီး တွေဟာ လှိုဏ်ခေါင်းတူး ပြည်သူတွေရဲ့ ကွန်ရစ်တုံးနဲ့ မီးလောင်သွပ်တွေ အထပ်ထပ် မိုးပြီး သူတို့ရဲ့ အသက်ကို ကာကွယ်ထားတယ်

ဆိုင်ဆိုင် မဆိုင်မဆိုင် ပတ်ပတ်လည် ရွာတွေကို မီးရှို့တယ်
ယာတွေ လုပ်ခွင့်မရှိ နွားကျောင်းတာ မြင်တာနဲ့တင် ပစ်သတ်တယ်
ဒါတွေဟာ သူတို့ရဲ့ လုံခြုံရေးအတွက်ဖြစ်တယ်

ပြည်သူတွေဟာ ရွာထဲမှာ မနေရဲ‌တော့လို့ တောတွေမှာ ခက်ခက်ခဲခဲနဲ့
ဘ၀ကိုရှင်သန်ရတယ် ရပ်တည်ရေးအတွက်ကြုံရာကျပန်းလုပ်ရတယ် ခေါင်းပုံဖြတ်မှုတွေ အလီလီကို ကြံ့ကြံ့ခံရင်း လုံးလည် လုံးလည်နဲ့
ဘ၀ကိုရှေ့ဆက်ရတယ် အကြွေးတွေများလာတယ်
မပြည့်စုံတဲ့ နေထိုင်မှုကြောင့် ရောဂါတွေပိုရလာတယ်

သုံးနှစ်ဆိုတဲ့ အချိန်ကာလမှာ
ဘယ်သူကိုကာကွယ်နေတာလဲ
ဘာအတွက် တိုက်ပွဲဆင်နေရတာလဲ
ငါတို့လုပ်တာ ဘယ်သူတွေထိခိုက်နေလဲ ဆိုတာတွေ စဉ်းစားဖို့
လုံလုံလောက်လောက် အချိန်ရခဲ့တယ်

သို့သော် စကစရဲ့ ခွေးသွားစိတ်တွေဟာ ပြည်သူအတွက် နဲနဲလေးမှ ထည့်သွင်းစဉ်စားခဲ့ခြင်း မရှိ၊ ပြည်သူ့ကို ဦးတည်ခြင်းမရှိဘဲ သူတို့ရဲ့ တန်ဖိုးမရှိတဲ့ အသက်ကိုသာ ကာကွယ်ခဲ့တယ် ။ ဒါတွေဟာ အဏ_ာရှင်စနစ် အလျင်အမြန် ကျဆုံးဖို့ အကြောင်းရင်းတွေသာဖြစ်တယ် ။

ပြည်သူ့ကို ရန်ပြု၊ ဒုက္ခရောက်စေတဲ့ ဘယ်လိုအဖွဲ့အစည်းမဆို အလျင်အမြန်ပျက်စီးခြင်းသို့ ဆိုက်ရောက်ရမည်။
အခြေခံလူတန်းစား (အလုပ်သမား၊ လယ်သမားလူတန်းစား) ကို
ကောင်းကျိုးမပြုသော စနစ်၊ ဝါဒ တိုင်း ကျဆုံးရမည် ။

Ju_non

21/04/2025

လူမှုပတ်၀န်းကျင်တစ်ခုလုံးက ခွဲခြားနှိမ်ချတဲ့ ယဉ်ကျေးမှု ၊ ဓလေ့တွေကို အမြဲလက်ဆင့်ကမ်းနေကြတော့ အဲ့ဒီ့အလေ့အကျင့်ကပဲ သူတို့ရဲ့ လှုမှုပန်း၀န်းကျင်ကို ညစ်နွမ်းစေတယ် ။ အကွဲအပြဲများစေတယ် ။ ရှေ့မရောက်ဘဲ လုံးလည်ချာလည် လိုက်နေတဲ့ နွားခြေရာခွက်မှာသာ ပျော်မွေ့စေတယ် ။

လူတွေလှနေရုံ အလှူတွေလုပ်နေရုံနဲ့တော့ အတွေးအခေါ်မြင့်မားလာမှာမဟုတ် လူနေမှုအဆင့်အတန်းဟာ ကျသထက်ကျ နေမယ်ဆိုတာ အဉ-ာ သူ/သားတွေကိုသိစေချင်တယ် ။

လူဖြစ်ပြီး လူမှုအသိုင်းအဝိုင်းကို အကျိုးမပြုဘဲ ဘယ်သူသေသေ ငတေမာရင်ပီးရောဆိုတဲ့စိတ်ရှိသူဟာ လူ့အန္ဓသာဖြစ်တယ် ။ လူရယ်လို့ဖြစ်လာရင် ပိုက်ဆံရှိ အောက်တန်းစား တွေမဖြစ်ဖို့လိုအပ်တယ်။

08/04/2025

ညဆယ်နာရီကျော်မှ နေရာသစ်တစ်ခုကိုရောက်ပီး အပီအပြင် run လိုက်ရတဲ့ ကိစ္စတစ်ခု ......

ချစ်ခြင်းမေတ္တာကို ဗဟိုပြုပြီးလည်ပတ်တဲ့ စက်၀န်းတိုင်းဟာ
အေးမြမှုကိုပေးစွမ်းတယ်
ခွန်အားကိုပေးတယ်
အားလုံးကိုကျော်ဖြတ်နိုင်တယ်

ပြည်သူအမေ/အဖေတို့ရဲ့ မေတ္တာတွေ
တော်လှန်ရေးမောင်/နှမ တွေရဲ့ ခွန်အားတွေ
ဒါတွေဟာ ရှေ့ဆက်မောင်းနှင်ဖို့ အားတွေဖြစ်တယ် ။

01/04/2025

စစ်ကိုင်းမြို့နယ်အတွင်းမှ ငလျင်ကြောင့် ပျက်စီးခဲ့ရတဲ့အခြေအနေများ ....
Project ရှိတဲ့အတွက် စစ်ကိုင်းမြို့နယ် လူထုသပိတ် အင်အားစု page ကို သွားရောက် ကူညီနိုင်ပါတယ်ရှင့်

30/03/2025

မိမိတို့စစ်ကိုင်းတွင် "ငလျှင်ဒဏ်"ကြောင့် ပြည်သူလူထုများ အခက်အခဲများစွာကြုံတွေ့နေရသည့်အပြင် သေဆုံးသူဦးရေလည်းများပြားလျှက်ရှိသည်။

ထို့ကြောင့် မိမိတို့ စစ်ကိုင်းမြို့နယ် လူထုသပိတ် အင်အားစု မှ ငလျှင်ဒဏ်သင့် ပြည်သူများ၏ လိုအပ်ချက်များကို ဖြည့်ဆည်းဖို့ရာ ကူညီထောက်ပံ့ငွေများရှာဖွေသွားမည်ဖြစ်သည်။

#ပြည်သူမှပြည်သူ့ဆီသို့ လုပ်ဟန်ဖြင့် ပြည်သူများမှ ဒုက္ခရောက်နေသောပြည်သူများထံ လူသားချင်းစာနာစိတ်၊ချစ်ခြင်းမေတ္တာကြီးမားစွာဖြင့် မိမိတို့ "စစ်ကိုင်းမြို့နယ် လူထုသပိတ် အင်အားစု" official page Cb ထံ တတ်နိုင်သောအားဖြင့် လာရောက်ကူညီပေးကြပါရန် မေတ္တာရပ်ခံအပ်ပါသည်။

စစ်ကိုင်းမြို့နယ်လူထုသပိတ်အင်အားစု
သတင်းနှင့်ပြန်ကြားရေးတာ၀န်ခံ
Shoon Lae

Juno-Tulp van de lente