Juno-Tulp van de lente

14/08/2025

ရှောင်ကြရပြန်ပြီ တိမ်းကြရပြန်ပြီ
ဒီကာလ ဘယ်အထိရှည်ကြာနေမှာလဲ
ကိုယ်ယ့်အိမ်ကိုယ့်ရာမှာ ကိုယ့်စီးပွားလေးပုံမှန်လုပ်ရင်း
မိသားစုထမင်းဝိုင်းမှာ အဖေ့ရဲ့ ဩဝါဒကို နာထောင်ဖို့
ဘယ်အချိန်ထိ စောင့်ရဦးမှာပဲ



#စစ်ကိုင်း
#စစ်ရှောင်

14/08/2025

ဘာရယ်တော့ မဟုတ်ပါဘူး

ချစ်ခြင်းမေတ္တာအကြောင်းပါ
တကယ်တော့ ချစ်ခြင်းဆိုတာ အတ္တ တစ်ခုပါပဲ
မမြင်ရတဲ့ အရာအပေါ်မှာ စွဲလန်းမှု / အာရုံခံစားမှုနဲ့အတူ ပြွတ်သိပ်ထည့်ထားတဲ့ ၊
ဘ၀ရှင်သန်နေတဲ့ ကာလမှာ တကူးတက သယ်ပိုးထားနေတဲ့အရာကြီး တစ်ခုသာသာပါပဲ
( အချစ်အပေါ် ကျနော့်ရဲ့ရှုမြင်ချက်) ။ ဘ၀သက်တမ်းတစ်ခုလုံးမှာ အစဉ်အမြဲ ကြိုးစားအားထုတ်နေစရာမလိုဘဲ တဖက်သားအကျိုးလိုလားတာ မေတ္တာ လို့ကျနော် ခွဲခြားချင်ပါတယ် ။

အများကိုချစ်တဲ့ ချစ်ခြင်းမေတ္တာ ၊ တယောက်တည်းကို ချစ်တဲ့ချစ်ခြင်းမေတ္တာ
ဒီချစ်ခြင်း မေတ္တာ နှစ်ခုမှာ တစ်ခုကို ရွေးချယ်ရမယ် ဆိုရင် ဘာကိုစွန့်လွှတ်မလဲ

တခုပေါ်တခု မှီခိုနေတဲ့ သဘာ၀မှာ တစ်ခုလွဲချော်သွားတာနဲ့ အားလုံး ပျက်စီးသွားနိုင်တယ် ဆိုတာ အချိန်မှီပြင်ဆင်ခြင်းမရှိရင် နှစ်ခုလုံးက အလိုအလို ပျက်စီးသွားမယ် ။

11/08/2025

11/08/2025

အဲ့တာမီးခိုးတန်းကြီး
အဲ့တာ ရွာကိုမီးရှို့နေတာ
စစ်ကြောင်းထိုးပြီးမီးရှို့နေတာ ငါးရွာလောက်ရှိပါပြီ
ပြည်သူတွေလည်း ကျီးလန့်စာစာနဲ့ နေနေကြရတယ်
ခွေးတွေတောင်သူတို့လောက် ခွေး မဆန်ပါဘူး

09/08/2025

❛⁠ ဝါဆိုပန်း ပွင့်ဝေ ပုန်းညက် နွမ်းရက်လွန်
ကြွေပြီမို့ သိဟ်ရာသီ ဝါခေါင်မိုးနဲ့
လှမ်းလာခဲ့တော့ ခတ္တာရေ '

•ကိုနေ၀င်း

#ခတ္တာ
#ခိုင်ထူး
#ကိုနေ၀င်း

07/08/2025

▪️၃၇နှစ်မြောက် ၈၈၈၈အထိမ်းအမှတ်အနေဖြင့် ကမ္ဘာလုံးဆိုင်ရာ ၈၈၈၈ထီးသပိတ်လှုပ်ရှားမှုပြုလုပ်ရန်လှုံ့ဆော်ချက်

Global Action - 8888 Umbrella Strike

၁ရက်၊၈လ၊၂၀၂၅ခုနှစ်။
ရန်ကုန်လူထုသပိတ်

“လူစုလူဝေးနဲ့ဆူဆူပူပူလုပ်ရင် စစ်တပ်ဆိုတာ ပစ်ရင်မှန်အောင်ပစ်တယ်၊ မိုးပေါ်ထောင်ပြီးခြောက်တာမပါဘူး” ဆိုသည့် စစ်အာဏာရှင်နေဝင်း၏ စစ်တပ်နောက်ခံ တစ်ပါတီအာဏာရှင်စနစ်ကို အသက်သွေးပေါင်းများစွာစတေးပြီး ရဲရဲတောက်တွန်းလှန်ခဲ့ကြသည့် ၈၈၈၈အရေးတော်ပုံကြီးသည် မကြာခင်မှာ ၃၇နှစ်မြောက်အထိမ်းအမှတ်သို့ရောက်ရှိလာတော့မည်ဖြစ်ပါသည်။

မဆလပါတီကိုဖြုတ်ချနိုင်ခဲ့သော်လည်း စစ်အစိုးရ နဝတ၊ နအဖ လက်ထက်အပြီး နိုင်ငံတော်၏ ဥပဒေပြုရေးယန္တရားမှာ စစ်တက်မှ ၂၅%နေရာယူထားသည့် ၂၀၀၈ခြေဥအောက်က ရွေရည်စိမ်ဒီမိုကရေစီဖြင့်သာ ချွေးသိမ့်ခံခဲ့ရပြီး ယခုတစ်ဖန် ၂၀၂၀ ရွေးကောက်ပွဲအပြီး ၂၀၂၁ စစ်အာဏာသိမ်းယူမှုကြောင့် မြန်မာနိုင်ငံသည် လက်နက်မိုးပြီးဖိနှိပ်အုပ်ချုပ်သည့် စစ်အာဏာရှင်စနစ်အောက်မှ ရုန်းထွက်နိုင်ရန် တော်လှန်ရေးအရပ်ရပ်ဆင်နွှဲကာ ဒီမိုကရေစီအရေးကြိုးပမ်းနေရဆဲဖြစ်သည်။

၈၈၈၈ ဒီမိုကရေစီအရေးတော်ပုံကစ၍ ၂၀၂၁ ခုနစ်စစ်အာဏာရှင်တော်လှန်ရေးအထိတိုင်အောင် ခေတ်အဆက်ဆက် မျိုးဆက်အဆက်ဆက် စစ်ကျွန်စနစ်ကို ရဲရဲတောက်တွန်းလှန်ခဲ့ကြသော တော်လှန်မျိုးဆက် ပြည်သူအပေါင်းအား ယခုမကြာခင် ရောက်လာတော့မည့် ၃၇နှစ်မြောက် ၈၈၈၈အထိမ်းအမှတ်အတွက် ရည်ရွယ်၍ ကမ္ဘာ့နိုင်ငံအသီးသီး၌ ဖြန့်ကျက်ရောင်းချပေးထားပြီးဖြစ်သော ၈သင်္ကေတရိုက်နှိပ်ထားသောထီးများဖြင့် ၈.၈.၂၀၂၅တွင် ၈လေးလုံးလှုပ်ရှားမှုများပြုလုပ်ကြရန် ရန်ကုန်လူထုသပိတ်မှ လှုံ့ဆော်မှုပြုအပ်ပါသည်။

၈၈၈၈ထီးများအားယူဆောင်ပြီး စုရပ်များခေါ်ယူ၍ လှုပ်ရှားမှုများပြုလုပ်ခြင်း၊ အခင်းအကျင်းနှင့်သက်ဆိုင်သောနေရာများသို့ချီတက်ခြင်း၊ ထီးများ၊ အင်္ကျီများ ပေါ်တွင် ၈သင်္ကေတများကိုယ်တိုင်ဆွဲ၍ ပါဝင်မှုပြုခြင်း နှင့် အခြားသော ၈သင်္ကေတနှင့်ဆိုင်သော လှုပ်ရှားမှုအားလုံးအကြုံးဝင်ပါသည်။

ထင်ရှားပြီးဖြစ်သော အောက်ပါ slogan များအားအသုံးပြုနိုင်ပါသည်။
“တော်လှန်မျိုးဆက်၊ ပုန်ကန်ရုန်းထွက်”
“မပြီးဆုံးသေးတဲ့ ၈လေးလုံး၊
လူထုလွတ်မြောက်ရေး ဒို့အတူရုန်း”

ရန်ကုန်လူထုသပိတ်၏ ၈သင်္ကေတရိုက်နှိပ်ထားသော သမိုင်းဝင်၈၈၈၈ထီးများရောင်းချခြင်းနှင့် တော်လှန်ဘဏ္ဏာငွေစီးဆင်းမှုများအား Strike Market Page မှာဝင်ရောက်လေ့လာနိုင်ပါသည်။

#၃၇နှစ်မြောက်၈၈၈၈အထိမ်းအမှတ်
#ကမ္ဘာလုံးဆိုင်ရာ၈၈၈၈ထီးသပိတ်လှုပ်ရှားမှု

06/08/2025

လယ်ကွင်းပြင်မှာရေဖွေးဖွေး ပျိုမေများကောက်စိုက်ဆင်းကြသည်
ပျော်ပျော်ရွှင်ရွှင်သီချင်းဆိုကြသည် ။

04/08/2025

ကျနော် ရဲဘော်တွေကို စာနာကိုယ်ချင်းစာလာတယ်

တော်လှန်ရေးသက်တမ်း မကြာသေးပေမဲ့
ခံစားရတဲ့ခံစားချက်တွေက အများကြီးပဲ

ဆင်းရဲ‌ပြည်သူတွေကိုမြင်ရတယ် ၊ ကြီးပွားနေသူကို တွေ့ရတယ်
သွေးသံရဲရဲနဲ့ ရဲဘော်တွေ ၊ တိုက်ကြီးနဲ့ ကားစီးနေတဲ့ရဲဘော်တွေ

တစ်ချို့ရက်တွေမှာ ထမင်းမစားချင်တဲ့စိတ်တွေ နဲ့
ရက်တစ်ချို့မှာတော့ ထမင်းစားနေရင်း ရှက်လာတယ်

တစ်လကုန်ခါနီးရင် ရောက်လာနေကျ အကူအညီတောင်းခံတဲ့ မက်ဆေ့ကို လက်ထဲက ပိုက်ဆံ တစ်သောင်းကျော်လေးကြည့်ရင်း မျက်ကွယ်ပြုရတာ အခက်ခဲဆုံးပဲ

မြို့ပြမှာနေတော့လည်း guilty ဖြစ်တယ်
တော်လှန်ရေးထဲရောက်လာတော့လည်း guilty ဖြစ်တယ်

" ခုရက်ပိုင်းအတွင်းမှာ ခြေလှမ်းအသစ် လှမ်းဖို့ အချိန်တစ်ခုကို စိတ်ရှည်ရှည်နဲ့စောင့်ဆိုင်းနေရချိန်မှာ ကျလာတဲ့စိတ်ဓာတ်ကို မနည်းဆွဲတင်နေရ "

#လူငယ်

03/08/2025

ဒီနေ့က တင်းဂွေနေ့လေဘေးဘေ ဆိုပေမဲ့

စောစောစီးစီး ကိုယ်တောင် မထသေးဘူး သူတို့က စားပွဲမှာ နေရာယူပြီး စာတွေလုပ်နေကြပြီ ဂျပန်စာရယ် ကျောင်းစာရယ်ဆိုတော့ သူတို့မှာ အလုပ်တွေကိုရှုပ်လို့ ရယ်
project တွေလုပ်ရ presentation အတွက်ပြင်ဆင်ရနဲ့ experiences အသစ်တွေရ‌နေတာ ဆိုတော့ ပျော်လည်းပျော် စိတ်လည်းလှုပ်ရှား နေကြတာပေါ့

ဒီလိုနဲ့ ပျော်ပျော်ရွှင်ရွှင် စာလိုက်လုပ်ကြတော့ ကိုယ့်မှာ လုပ်ပေးရကျိုးနပ်တာပေါ့ဗျာ


#လူငယ်

30/07/2025

#ဂျူး
#ပင်လယ်နှင့်တူသောမိန်းမများ

အမေတစ်ခု သမီးတစ်ခုဘ၀နဲ့ ရှင်သန်ရင်း ဗြိတိသျတွေကို တော်လှန်ဖို့ တောခိုပြီး လက်နက်စွဲကိုင် တော်လှန်ရေးသမားဖြစ်လာတဲ့ အိမ်စိုးမေ ၊ ဟင်္သာနဲ့ အိမ်ထောင်တစ်ခုဖြစ်ခဲ့တာတောင် ကိုယ်ယုံကြည်တဲ့အလုပ်ကို လုပ်ရဖို့ ဘာပဲစွန့်ရ စွန့်ရစွန့်လွှတ်ရဲ့တဲ့ အိမ်စိုးမေ ၊ ငယ်ငယ်ကတည်းက ထက်မြက် တဲ့ အိမ်စိုးမေ အိမ်စိုးမေဟာ ကျနော့်အတွက် စိတ်အားတက်ကြွစေတဲ့ ဇာတ်ကောင်ပဲ

ဖတ်ကြည့်ပါ ။ Motivation speaker တွေရဲ့ video နားထောင်မယ့်အစား ဒီစာအုပ်ကိုဖတ်ကြည့်ပါ ။

လက်က မချနိုင်လောက်အောင် စိတ်၀င်တစား‌ ဖတ်ခဲ့ရတဲ့စာအုပ်မို့လို့ စာအုပ်ထူကြောင်းတောင် သတိမထားမိခဲ့ပါဘူး ။ လူ့သဘာ၀ နဲ့ ဘ၀တွေကို နားလည်ခံစားပြီး ကိုယ်ချင်းစာတရားထားနိုင်အောင် ရသစာအုပ်တွေကို များများဖတ်ပေးဖို့လိုပါတယ် ။

#ဂျူး
#ရသစာပေ
#စာအုပ်

27/07/2025

ခေတ်အဆက်ဆက် အာဏ-ာရှင်စနစ်ထွန်းကားခဲ့မှုကြောင့် စစ်ကိုင်းတိုင်းရဲ့ ပညာရေး / စီးပွားရေး / လူမှုရေး တွေဟာ အဘက်ဘက်က နိမ့်ကျပြီး လုပ်သားနယ်မြေဖြစ်ခဲ့ရပါတယ် ။ အခုဆိုရင် စစ်ကိုင်းမြို့နယ်မှ ပြည်သူတွေက ငလျင်ဒဏ်ခံစားရပြီး သိပ်မကြာခင်မှာပဲ စစ်ဘေး‌ဒဏ်ကို ခံစားကြရပြန်ပါတယ်

တစ်နိုင်ငံလုံးမှာ ယဉ်ကျေးမှု အထွန်းကားဆုံး ဒေသဟာ ယခုဆိုရင် မြေနိမ့်ရာ လှံခနခနစိုက်နေရပါတယ် နွေဦးတော်လှန်ရေးမှာ တူမီးကိုင်စွဲတော်လှန်ခဲ့ကြတဲ့ ရဲဘော်များရဲ့ မွေးရပ်မြေဟာ ယခုဆိုရင် စစ်မြေတလင်း ဖြစ်နေရပါပြီ

ဒါကြောင့် Women Alliance Burma - အမျိုးသမီးမဟာမိတ်အင်အားစု ရဲ့ ဦးဆောင်မှုဖြင့် စစ်ကိုင်းမြို့နယ်လူထုသပိတ်အင်အားစုမှ ပြည်သူတွေရဲ့ လိုအပ်နေသော စားနပ်ရိက္ခာ/ ဆေး နဲ့ တခြားသော အသုံးအဆောင်ပစွည်းတွေကို သွားရောက်ကူညီခဲ့ပါတယ် ။

#ပြည်သူမှပြည်သူထံသို့
#ငါတို့အချင်းချင်း၀န်ရံကြ
#ကျွန်းကိုင်းမှီကိုင်းကျွန်းမှီ
#ပြည်သူမှတစ်ပါးအခြားမရှိ
゚viralシfypシ゚viralシalシ