Kyite Lar

27/10/2025

ငါးကောင်​တို့ရေ

25/10/2025

လွှတ်ပေးလိုက်ပါ
------------------
အိပ်ရာထက်တွင် သူတို့နှစ်ယောက် ရှိနေကြစဉ် ရုတ်တရက် အိပ်ခန်းတံခါးကပွင့်သွားသည်။

ဗလတောင့်တောင့် လူတစ်ယောက်၊ ဓားရှည်တစ်ချောင်းနှင့် အခန်းထဲကို ဝင်လာခြင်းဖြစ်သည်။ အနေ အထားက အားလုံး ဖရိုဖရဲဖြစ်ကုန်သည်။

“ဝတ် … အဝတ်တွေကို မြန်မြန်ဝတ်လိုက်၊ ပြောတဲ့အတိုင်းလုပ်နော်။ မလုပ်ရင် နှစ်ယောက်စလုံးဓားနဲ့ အခုတ်ပဲ”

ယောက်ျားရော၊ မိန်းမပါ အဝတ်အစားတွေကို အမြန်ဆုံး ကောက်ဝတ်လိုက်ကြသည်။

ဓားပြက နှစ်ယောက်စလုံးကို ကြိုးနှင့်တုပ်သည်။ ယောက်ျားကို စားပွဲတိုင်နှင့်တွဲပြီး တုပ်ကာ အမျိုးသမီးကို ကုလားထိုင်နှင့်တွဲတုပ်နှောင်ပြီး

“ကဲ ပစ္စည်းတွေ ဘယ်မှာထားသလဲ”

“ဗီရိုထဲမှာပါခင်ဗျာ”

“သော့ကရော”

“ဗီရိုပေါ်မှာပါ”

ဓားပြက ဗီရိုပေါ်မှာ သော့ကိုယူကာ ဗီရိုတံခါးကို ဖွင့်မည်အလုပ်တွင် ယောက်ျားဖြစ်သူက

“ဒီမှာခင်ဗျာ”

“ဘာလဲ”

“သူ့ကို လွှတ်ပေးလိုက်ပါခင်ဗျာ … တောင်းပန်ပါတယ်”

“ဟာ ဘယ်ဖြစ်မလဲ … သူ့ကို လွှတ်ပေးလိုက်ရင် အိမ်နီးချင်းတွေကို အကူအညီတောင်းမှာပေါ့။ ဒါမှ မဟုတ်လည်း ရဲကိုသွားခေါ်လာမှာပေါ့”

“ကျွန်မ ဘယ်သူ့ကိုမှ မတိုင်ပါဘူးရှင် ကတိပေးပါတယ်”

“ဟေ့ … ဓားပြတိုက်စားနေတာ အံတိုနေပြီ။ ဘယ်ဓားပြကမှ အိမ်ရှင်ကို ယုံရိုးထုံးစံမရှိဘူး။ ပါးစပ် ပိတ်ထားလိုက်”

“တောင်းပန်ပါတယ်ဗျာ … သူ့ကို လွှတ်ပေးလိုက်ဖို့ တောင်းပန်ပါတယ်”

“နားငြီးတယ် … ပါးစပ်ပိတ်ထား”

ဓားပြက ဗီရိုကိုဖွင့်ပြီး အဝတ်အစားတွေကြား ငွေနှင့် လက်ဝတ်လက်စားတွေကိုရှာသည်။

“လက်ဝတ်လက်စားတွေ ဘယ်မှာလဲ”

“မရှိပါဘူးခင်ဗျာ”

“ငါ့ကိုလိမ်တယ်ပေါ့ … ကဲကွာ”

ဓားပြက ယောက်ျားဖြစ်သူကို ပိတ်ကန်လိုက်သည်။

“ကျွန်တော် လက်ဝတ်လက်စားတွေကို ဝှက်ထားတဲ့နေရာ ပြောပါ့မယ်ခင်ဗျာ … သူ့ကိုတော့ လွှတ်ပေးလိုက်ပါ တောင်းပန်ပါတယ်”

“လွှတ်ပေးလို့ မဖြစ်ဘူးလို့ ပြောနေတယ်မဟုတ်လား။ ဒါကစားနေတာ မဟုတ်ဘူး။ ဓားပြတိုက်နေတာ”

“သူ့ကိုလွှတ်ပေးလိုက်ပါဗျာ … ရှိကြီးခိုးပါရဲ့ … လွှတ်ပေးလိုက်ပါနော်။ သူ ဘယ်သူ့ကိုမှ မတိုင်ပါဘူး။ ကတိ ပေးပါတယ်။ ဟဲ့ … ပြောလိုက်လေ … ကတိပေးပါတယ်လို့”

“ဟုတ်ပါတယ် ဓားပြ အစ်ကိုကြီးရယ် … ကျွန်မကို လွှတ်ပေးပါ … ကျွန်မဘယ်သူ့မှ မတိုင်ဘူးလို့ ကတိပေးပါတယ်”

ဓားပြ တွေသွားသည်။

“အင်း … ခင်ဗျားက ခင်ဗျားမိန်းမကို တော်တော်ချစ်ရှာတာပဲ။ ဒါပေမဲ့ မလွှတ်ပေးနိုင်ဘူး”

“နောင်ကြီးရယ် တောင်းပန်ပါတယ် … လွှတ်ပေးပါနော်”

“ဘာဖြစ်လို့ ဒီလောက်တောင် လွှတ်ခိုင်းနေရတာလဲ”

“ကျွန်တော့် မိန်းမက မကြာခင် ပြန်လာတော့မှာပါခင်ဗျာ … ဒါကြောင့် သူ့ကို လွှတ်ပေးလိုက်ပါနော်”

တင်ညွန့်

၂၅.၁၀.၂၀၂၅

20/10/2025

မနက်က လှိုင်သာယာ ၅ ထိပ်မှာ တွေ့လို့ရိုက်လာတာ ဟိဟိ 😑😁

15/10/2025

နင်တစ်ယောက်ထဲနဲ့တောင်တော်တော်စိတ်ပျက်နေပြီလေ

12/10/2025

ဆတ်စလူးစိန်
-----------------
ရွာက ကိုညိုကြီးတစ်ယောက် ဒုက္ခရောက်နေသည်။ အဘယ်ကြောင့်ဆိုသော် သူ့ဝက်ပျိုမလေးက အတော် လေးသောင်းကျန်းကာ ထိန်းမနိုင်သိမ်းမရ ဖြစ်နေသောကြောင့်ပင်။

ကိုညိုကြီးက သူ့ဝက်ပျိုမလေးကို ဆတ်စလူးစိန်ဟု အမည်ပေးထားသည်။ ဆတ်စလူးစိန်ကား အတော် ဆိုးသည်။ မိုးလင်းသည်နှင့် အစာခွက်ကို နှုတ်သီးနှင့်ထိုးကာ တအွတ်အွတ်ဟော်သည်။ သူ့သခင်ကိုညိုကြီးက အိပ်ရာက မထသေးလျှင် တဲတိုင်ကို ကိုယ်နှင့်တိုက်သည်။ မွေးထားသော ကြက်တွေကို လိုက်ကိုက်သည်။ တစ်ခြံလုံး သီးပင်၊ စားပင် ဘာမျှမကျန် ထိုးလှန်သည်။ နောက်ဆုံး ကိုညိုကြီးမိန်းမ ထဘီကိုပင်ခြေနှင့်နင်းပြီး ကိုက်ဖြတ်ဆွဲသည်။

“ဟဲ့ ဆတ်စလူးစိန် … နင့်ကိုတော့ လက်လန်တယ်။ မဖြစ်တော့ဘူး ကိုညိုကြီးရေ”

“ဘာလဲကွာ”

“ရှင့်ဝက်မကို ရောင်းချင်ရောင်း … ပေါ်ချင်ပေါ် တစ်ခုခုတော့ လုပ် … ကျွန်မစိတ်ကုန်လာပြီ”

မိန်းမစကား ကိုညိုကြီး အဘယ်မှာလျှင် ပယ်ရှားနိုင်အံ့နည်း။ သို့သော် သူ့ဝက်မလေးကို မသတ်ရက်သဖြင့် နောက်တစ်နေ့တွင် တုတ်တုတ်နောက်တွဲပေါ် ဝက်မလေးကိုတင်ပြီး ဈေးကိုထွက်ခဲ့သည်။ ဝက်မလေးကို နောက်တွဲပေါ်တင်ရသည်ကပင် အတော်လေး ပင်ပန်းလှသည်။ ယောက်ျားကြီး သုံးယောက်လောက် တုတ်နှင့်ရိုက်၊ နားရွက်ကိုဆွဲ၊ အမြီးကိုဆွဲနှင့် မနည်းတင်ရသည်။

ကိုညိုကြီးက ပြောင်နေသော နဖူးကို ပုဆိုးနှင့်သုတ်လိုက်ပြီး

“ငါ့မှာ သမီးမိန်းကလေး မွေးထားရင်တောင် အဲဒီလောက်ပင်ပန်းမှာ မဟုတ်ဘူး” ဟု ညည်းရှာသည်။ သူ့မှာ ယခုမှ ဝက်မွေးဖူးသည်ဖြစ်ရာ ဆတ်စလူးစိန်ကိုသနားသဖြင့် ရောင်းရန်သာ ဆုံးဖြတ်လိုက်ခြင်းဖြစ်သည်။

သူတို့ဈေးကို ရောက်သည့်အခါတွင် ဝက်ကို နောက်တွဲပေါ်ကမချရဲ။ လူတွေကို လိုက်ကိုက်လျှင် လျော်ကြေး ပေးရမည်စိုးရိမ်သောကြောင့် လူတွေ့တိုင်း

“ဝက်ရောင်းမယ်ဗျို့” ဟု အော်ရှာသည်။

လူတစ်ယောက် ရောက်လာသည်။

“အဲဒီဝက်က အပျိုလေးပဲ ဘာဖြစ်လို့ရောင်းမှာလဲ” ဟုမေးသည်။

“ဆိုးလွန်းလို့ဗျာ”

“ဘယ်လိုဆိုးတာလဲ”

ကိုညိုကြီးက သူ့ဝက်မဆိုးပုံတွေကို စာဖွဲ့ပြသည်။ လာမေးသူက

“ဟာ အဲဒါများ ဘာဖြစ်လို့ရောင်းမှာလဲ … ခင်ဗျားဝက်မက အပျိုဖြစ်တော့ လင်လိုချင်နေတာ။ လင်ပေးစားလိုက်၊ ငြိမ်သွားလိမ့်မယ်” ဟု ပြောလိုက်သည်။

“သူ့ကို ဘယ်လိုလင်ပေးစားရမလဲခင်ဗျာ”

“ဟောဟို ညောင်ပင်ကြီးတွေ့လား”

“တွေ့ပါ့”

“အဲဒီညောင်ပင်အောက်မှာ တင်ရီဆိုတဲ့လူရှိသဗျ။ တင်ရီဝက်သိုးနဲ့ ခင်ဗျားဝက်မတွေ့လိုက်လို့ကတော့ ငြိမ်သွားလိမ့်မယ်”

“ဟုတ်လား … အဲဒီလိုတွေ့ပေးလို့ရသလား”

“ရပါ့ဗျာ … ဒါပေမဲ့ တင်ရီက သူ့ဝက်သိုးနဲ့ခင်ဗျား ဝက်မကို အလကားပေးတွေ့မယ်တော့ မထင်ဘူးဗျ”

“အလိုဗျာ … တကယ်ဆိုရင် ကျွန်တော်က သမီးရှင်ပဲ နစ်နာချင်းနစ်နာ ကျုပ်က နစ်နာရမှာ မဟုတ်လား။ ကျုပ်က မပေးနိုင်ပေါင်ဗျာ”

“အင်း ခင်ဗျား ဝက်မမွေးဘူးတာ သေချာပြီ။ ဝက်လောကမှာ ဇီးတင်ရင် ဝက်သိုးကို သူတောင်းသလို ပေးရတယ်ဗျ”

“ကျုပ် ဆတ်စလူးမ အဲဒီဝက်သိုးနဲ့တွေ့ရင် ငြိမ်သွားမှာ သေချာသလား”

“ငြိမ်သွားရုံတင်မကဘူး … ခင်ဗျားဝက်မ ကလေးတွေဘာတွေရ … ဝက်တွေဘာတွေတောင် ပွားလာဦးမှာ”

“ဟုတ်လား … ဒါဆိုရင် သူ့ဆီကိုသွားဦးမှ”

“ဟေ့လူ ကျုပ်အကြံပေးတာ အလကားမရဘူး … ကာဖီရည်လေးဖြစ်ဖြစ် ထန်းရေလေး ဖြစ်ဖြစ် ဝယ်တိုက်”

“ရော့ဗျာ တစ်ထောင်တော့ ယူလိုက်”

ဤသို့ဖြင့် ကိုညိုကြီးဝက်တွဲမောင်းကာ ကိုတင်ရီဆိုသူထံ ရောက်လာသည်။

ဝက်စာကျွေးနေသော ကိုတင်ရီကို ကိုညိုကြီးက

“ကိုတင်ရီဆိုတာလား”

“ဟုတ်ပ … ဘာကိစ္စ”

“ခင်ဗျား ဇီးတင်ပေးတယ်ဆို”

“ဟာ ကြံကြီးစီရာ .. ကျုပ်ကဘာဖြစ်လို့ဇီးတင်ရမှာလဲ”

“ကျုပ်ဝက်မကို ဇီးတင်ချင်လို့ပါဗျာ”

“ဝက်ကို ဇီးတင်ချင်ရင် ဝက်နဲ့တင်ပေါ့ဗျ။ အတော်ပဲ ကျုပ်ဝက်သိုးကလည်း ဝက်မတွေနဲ့ မတွေ့ရတာကြာ သောင်းကျန်းနေတာ”

“ဒါဆိုလည်းဗျာ လွှတ်ပေးလိုက်စမ်းပါ”

“ဒီအတိုင်း လွှတ်ပေးလို့မရဘူးဗျ”

“ဘာလုပ်ပေးရမလဲ”

“ခင်ဗျား ဝက်မွေးရင် တစ်ဝက်ပေးရမယ်”

“တစ်ဝက်ယူဗျာ … ဒါပေမဲ့ ခင်ဗျားဝက်သိုးနဲ့တွေ့လိုက်ရင် ငြိမ်သွားမယ်ဆိုတာ ဟုတ်လား”

“အေးလဗျာ … ခင်ဗျားဝက်မ ကိုယ်ဝန်ရလာရင်‌တော့ ငြိမ်ကျသွားမှာပ”

“ပေးတယ်ဗျာ … မွေးလာတဲ့ကလေး တစ်ဝက်ပေးမယ်။ ကိုင်း မြန်မြန်သာ လုပ်ပေတော့”

ဤသို့ဖြင့် ဝက်သံဝါသကိစ္စကို ခက်ခဲပင်ပန်းစွာ လုပ်ကြပြီး ပြန်ခါနီးတွင် ကိုညိုကြီးက

“ဒါနဲ့ မေးစမ်းပါရစေ … ဒီလိုဆိုတော့ ကျုပ်ဝက်မ ကိုယ်ဝန်ရပြီပေါ့”

“ဒါကတော့ဗျာ … ဒီကိစ္စက ပြောလို့မရဘူးပ။ ရဖို့တော့ များပါတယ်”

“ကိုယ်ဝန်ရလာရင် ဘယ်လိုဖြစ်တတ်သလဲဗျာ … မသိလို့ မေးတာပါ”

“အေး … ခင်ဗျားဝက်မကို ကြည့်ထား။ မနက်ဖြန်ကစပြီး ခင်ဗျားဝက်မက မြက်ခင်းပေါ်မှာပဲ အိပ်နေရင် ကျိန်းသေတယ် ကိုယ်ဝန်ရှိနေပြီ။ အဲ … မြက်ခင်းပေါ် မအိပ်ဘဲ ရွှံ့လူးနေပြီဆိုရင်တော့ ခင်ဗျားဝက်မ ကိုယ်ဝန် မရသေးဘူးဗျ”

ကိုညိုကြီး သူ့ဝက်မ ဆတ်စလူးစိန်နှင့်အတူ ရွာကိုပြန်လာသည်။ ရွာရောက်တော့ သူ့မိန်းမကို အကျိုး အကြောင်းပြောရသည်။ သူ့မိန်းကလည်း

“အေးလေ ရှင့်ဝက်မ ငြိမ်ကျသွားရင်တော့ ကွန်မ လက်ခံမယ်”

နောက်တစ်နေ့ ဆတ်စလူးစိန်သည် မြက်ခင်းပေါ်မအိပ်၊ ရွှံ့ထဲဆင်းအိပ်သည်။

ကိုညိုကြီး စိတ်ပျက်ပြီး သူ့ဝက်ကို ကိုတင်ရီထံပြန်ခေါ်လာသည်။

“ခင်ဗျားဝက်မ ဒီတစ်ခါတော့ ရစေရမယ်”

နောက်တစ်နေ့ နံနက်စောစော ကိုညိုကြီး သူ့ဝက်မကိုကြည့်သည်။ ရွှံ့ထဲလူးနေပြန်သည်။

နောက်တစ်ခါ ကိုတင်ရီထံ ခေါ်ခဲ့ရပြန်သည်။

နောက်တစ်နေ့

ဆတ်စလူးစိန်ကား ဆိုးမြဲဆိုး၏။ ရွှံ့ထဲ အိပ်မြဲအိပ်၏။

နောက်တစ်နေ့နံနက် ကိုညိုကြီးက ကိုယ်လက်တွေကိုက်သဖြင့် အိပ်ရာထဲမှ

“မိန်းမရေ”

“ရှင်”

“ဆတ်စလူးစိန်ကို ကြည့်ပေးစမ်းကွာ … မြက်ခင်းပေါ် အိပ်နေသလား … ရွှံလူးနေသလား”

ခဏအကြာတွင်

“ကိုညိုကြီး”

“ဘာလဲ”

“ရှင့်ဝက်မလေ”

“ဘာဖြစ်သလဲ … မြက်ခင်းပေါ်မှာလား”

“ကြံကြံဖန်ဖန်တော် … ဆတ်စလူးမ ရှင့်နောက်တွဲပေါ်ကို သူ့ဘာသာတက်နေသတော့”

(ဟာသအမြင်ဖြင့်သာ ဖတ်ရှုကြပါရန်)

တင်ညွန့်

၆.၁၀.၂၀၂၅

မူရင်းရေးသားသူအား Crd ပေးပါသည်
ရယ်မောစေချင်သောဆန္ဒဖြင့် ပြန်လည်မျှဝေပါသည်

10/10/2025

ဘယ်အသင်းလာလာမြန်မာအသင်းက
မျက်လုံးမှိတ်ကန်လို့ရတယ်...

ပွဲပြီးရင်လည်း ရလဒ်ကြည့်စရာမလိုဘူး ရှုံးပြီးသား 😃😂

04/10/2025

ဒေါက်တာက အမျိုးသမီးတစ်ယောက်ရဲ့ မိန်းမကိုယ်ကိုစမ်းသပ်ရင်း ပြောလိုက်တယ်။

"ညည်းဟာက ငါတွေ့ဖူးသမျှထဲ အကြီးဆုံးပဲ .. ညည်းဟာက ငါတွေဖူးသမျှထဲ အကြီးဆုံးပဲ .. ညည်းဟာက ငါတွေဖူးသမျှထဲ အကြီးဆုံးပဲ"

"တစ်ခါပြောရင် ရပါပြီ ဒေါက်တာရယ်"

"ငါတစ်ခါတည်းပဲ ပြောတာပါ.. ငါတစ်ခါတည်းပဲ ပြောတာပါ.. ငါတစ်ခါတည်းပဲ ပြောတာပါ"

Credit - Moon Cho

03/10/2025

YBS ပေါ်ကအဆင်းမှာ

မျက်ရည်တွေကိုဝဲလို့ 😑

24/09/2025

ဟိုင်း ငါပါ ကြောင်လေးပါ

နင်တို့လည်းနော် ကြောင်ပါဆိုမှ မယုံသင်္ကာနဲ့

23/09/2025

ဘယ်လိုစိတ်နဲ့စားရမလဲ ဒေါစံပယ်ရေ 😐

22/09/2025

ကိုင်ချင်တာဒါမျိုးကြီးကိုကွ

ပြူးနေတာပဲ ကင်မရာကြီးကို 😆

စတာပါ...ဒီ Page လေးကိုသဘောကျရင် ကွန့်မန့်မှာတစ်ခုခုရေးပေးခဲ့ကြပါဦး သီတင်းကျွတ်မုန့်ဖိုးလေးပေးမလို့ပါ..

21/09/2025

ဗျူးတီးစလွန်းမီးလောင်တယ်ဆိုလို့ 😃😂

ခြင်္သေ့လည်း စိတ်ဆိုးပြီလေ 😑