Final Warning Ministry

Final Warning Ministry He page hi mizo tawnga Sabbath school zirlai zir ho na tur leh sermon link dah zeuh zeuh theih tur a buatsaih ani a.

Pathian thu darh zau zawka puan chhuah anih zel theih nan kan in tanpui dawn theuh dawnnia

“Nu” te ni chibai u le.Khawvel tan nu pakhat ve mai pawh in ni mai thei e. Kan tan chuan “ Thiam kim zirna Khawvel in ni...
10/05/2026

“Nu” te ni chibai u le.

Khawvel tan nu pakhat ve mai pawh in ni mai thei e. Kan tan chuan “ Thiam kim zirna Khawvel in ni”

08/03/2026

Iran buaina Bible Tarmit atanga Thlir na( A chhiar peih te tan)

Chanchinthara " Iran" tih kan hriat hian Bible atang chuan " Persia" tih a lang ve thung a. Persia rama tlang mawi leh ruam mawi tak tak te chu vawiina Iran rama awm te vek an ni. He ramah hian Bible hun laia thawnthu ngaihnawm tak tak leh ropui tak tak a thleng a. Zawlnei Daniala kha he ramah hian a khawsa a, a lu a phum bawk a, Iran ram leilung atang ngei hian inlarna ropui tak tak a hmu , Daniala 8:2 ah khan " Elam biala Susan lal ina a awm laiin inlarna a hmu" tih thu a sawi a ni. He Susan hi tunlai Iran rama awm a ni. Estheri bu pum pui pawh hi Persian khawpui Susan-a thleng a ni a, tunah chuan he khawpui hi Iran chhimlama khawpui pakhat Susa tih a ni. Nehemia chuan Jerusalem kulh chhe tawh tun din a nih leh theih nan he ram atang hian permission hmu in a zin kawng a zawh tan a. Vawiina Iran ram atang ngei hian Pathian mi Juda ten ram an neih ve leh theih nan he ram hi chhanchhuahna hmunah Pathianin a lo hmang tawh a. An lal lar em em Lal Kura phei chu a pian hma k*m 150 daih tawhah khan Pathianin a hming a lo lam lawk tawh a " ka berampu' tih te ' ka hriak thih' ti te in a lo sawi a ni. Persia lal ( Iran Lal) hming chu Bible ah ngei a lo chuang vang a ni.

He Iran ram ( Medo-Persia) hi Nebukanezara mumang atang chuan khawvel super power pahnihna a ni a, Daniala 2 a milim lian pui awm leh ban tangkarua in a lo entir kha a ni a, b**g 7 a Savawm nakruh pathum seh kawhin a lo entir a ni bawk a, b**g 8 na-a kel ki pahnih neiin a lo entir kha a ni leh bawk. Hrilhlawknaah hian Persia ram tuna Iran ram lo ni ta hian hmun lai lum ber ber a luah a ni. Chanchintha pawh an hre hma hle a. Penticost nia Thlarau Thianghlim a lo thlena Kristian Kohhran din a nih chhoh tum khan Iran mi te pawh hi an tel ve nghe nghe. Tirhkohte 2: 9 ah chanchintha pawm tu te chu " Parthai hnam te, Medai hnam te, Elamite hnam te.." an ni tih kan hmu. Heng hnam hming a sawi te hi Iran mi te an ni a, Pathian thu an lo pawm hma hle tih kan hmu.

He ramah hian Pathianin a zawlneite a dah a, hrilhlawknaah hmun lai li he ram hian a luah a, Pathian thu pawh an lo pawm hma hle. Vawi tam tak he ramah hian Pathian k*t chu nghahin a awm tawh a, vawiina Israel leh USA in an beih rawn lai khawvelin a thlir
thup lai hian Pathian k*t chu Iran chungah hian nghahin a la awm angem?

Jeremia 49: 38 ah chuan " An lalte leh an hotute tiralin Elamah chuan ka lalthutthleng ka hung ang, Tih hi LALPA thu chhuak a ni." tih kan hmu a, Elam hi Iran rama hmun pakhat hming a ni a, he hrilhlawkna Jeremia kal tlanga puan hi Nebukanezara, lal kura leh Estheri hun lai te khan a lo thleng dik tawh a, vawiina USA leh Israel nena an indona kal tlang hian he hrilhlawkna hi a thleng dik leh angem? Tunah hian Muslim ramah chuan Iran ram hi Kristian than chak berna ram nia sawi a ni a, an ram mipui te hian Islam hi an phat san mek a ni. Tuna Indona kaltlang hian Iran ramah hian Pathianin a lal thuthleng a hung leh angem? Chanchinthara Indona lo thleng kan thlir mek phena hna thawk tu hi Pathian a ni angem? Nge he Indona hian khawvel pumpui a kang kai zel zawk ang? Chutiang chu a lo thleng ta a nih pawhin chu chuan Bible dik zia a nemnghet zual zel ang. A tul dan a zirin kan la ziah chhunzawm leh dawn nia.

By Mawia Pachuau

🚨 Nano Banana 2 is here.The latest image model delivers Pro-level power at Flash speed—creating stunning, real-world-acc...
27/02/2026

🚨 Nano Banana 2 is here.

The latest image model delivers Pro-level power at Flash speed—creating stunning, real-world-accurate images with multilingual text support, vibrant lighting, richer textures, and sharper detail to bring your boldest ideas to life faster than ever.

Nano Banana 2 a rawn thleng ta.

Image model thar ber hian Flash speed-ah Pro-level power a pe chhuak a—multilingual text support, vibrant lighting, richer texture, leh sharper detail hmanga i ngaihtuahna huaisen ber berte chu a hma aia rang zawka nunpui turin image mak tak tak, khawvel tak tak ang chiah chiah a siam a ni.

KHAWI HMUNAH NGE PATHIAN RAWNG KAN BAWL ANG(In in ah haw ta che)1) Mizote rilru ah chuan Pathian rawng kan bawlna ber ch...
26/02/2026

KHAWI HMUNAH NGE PATHIAN RAWNG KAN BAWL ANG
(In in ah haw ta che)

1) Mizote rilru ah chuan Pathian rawng kan bawlna ber chu team work, hu ho, hut hut, inhlimchhuah tham zet tena kohhran activities kan tih ho hi Rawngbawlnaah kan ngai bik a. Mimal anga fianriala Pathian pawlna ang hi rawngbawlnaah hian kan ngai lem lo niin a lang.

2) Hei hian a hrin chhuah chu thalaite leh nu leh pa, inchhunga inkhung tha hman lova zan chhuah tam hi a ni. He kan chin ṭhan, kan addict laklawh tawh ata hi kan harh chhuak mawh em em a, k*m tam tak kan lo practice tawh hi a result erawh kan ngaihtuahin kan chhut ngai lem lo.

3) Mahni inchhung khura nupui, pasal fanau uapa enkawl hi Pathian rawngbawlnaah kan ngai pha lo ni hian a lang a. Nu leh pa thenkhatten theihtawp chhuaha an fanaute an awp lum a, activities lama an inlan khat deuh chuan hnungtawlh, tlahniam hmuhin kan hmu fo thin.

4) Kan fanaute hi kan enkawl tura Pathianin min pek a ni a, humsual an dai lohna tura an nun kaihhruai hi nu leh paten kan hna hmasa ber tur pawh a ni a. Mahni chhungkaw kalsana midang fate va vei daih a, a huho khera pawn lama activities va neih hi kan chin ṭhan ni si, thil fu lo tak niin a lang.

5) Mi thenkhat te lahin, "Mahni fanaute enkawl nge pawimawh rawngbawlna?" tia zawhna zawt phawng phawng lah kan la tam nangiang. Fanau enkawl hi Pathian rawngbawlnaah hian kan ngai pha lo niin a hriat a, mahni chhungte tel lova pawn lama engemaw va tih hi rawngbawl bik riauah kan inngai a ni ber.

6) Faten min mamawh ngawih ngawih lai, kan bula hun hman tam an chak ngawih ngawih laiin kan chhuahsan reng a, kan k*m a upat a, kan taksa hriselna a tlakhniam hnu ah kan fate bawk kan ngai let a, anni chuan nu leh pate tih dan entawnin pawn lamah rawng min bawlsan leh a. Hei hi Zoramin rawngbawlna kan hmuh dan a ni a. Kristian chhungkaw ziktluak din chu la har tak tur a ni.

7) Rawngbawlna avanga kan fanaute kan chhuahsan tam avangin nu leh pa hniak hnung zuiin an tleirawl chhuahah zan len an ching ve ta a. Humsual an dai palh fe tawh hnu ah "hmangaih leh lainat ber angin" an tan rawng kan bawl ve leh a. Sual kawng an zawh a, zanlaiah Biak In a kan tawngtai vak vak chauh hi fate tan rawngbawl nia inngai nu leh pa tam tak kan awm.

😎 Chhungkua hi rawngbawlna inṭanna tur ber a ni. Mahni chhungkaw chingfel thei lote tan chuan midang fate nun va chinfel chu har tak tur a ni.

14/02/2026

Kan tunlai khawvel:

* Mite hi an lo fing hlawm lutuk a, keini ang tan chuan thu han sawi ve pawh hi a ngam awm ta meuh love.

* Biakina Pathian thu ngaithla tura lo kal a tam zawkte hian mahni tan ni lovin midang tan an ngaithla thin.

* Pathian thutak/ thudik sawi aiin an ngaihdan rema thusawi hi sawi tha an ti fo.

* Isua thusawi, hruaitu nih duh chuan rawngbawltuah (servant) atang tur ani tih chu kan pawm ta meuh lo niin alang.

* Kohhrana Pathian rawngbawltua in chhal a tam ber te hian thlarau bo aiin NIHNA (position) kan vei ta zawk niin a lang.

* Kohhrana Pathian rawngbawltua in chhal ten nihna theihnghilh in Boss emaw an in ti zo ta zawk niin a lang.

* Setana chuan a mi seh theih tur zawngin a phi ruai a chawlh reng anei lo tia au au tu pastor te leh ngaithla fo tu member te hian an sawi leh hriat hi taktak ani lo ti ni awm takin an muttluk san maimai leh lawi si.

* chhunzawm zel tur……

Enge i ngaih ve dan le..?

Hriat zau nan awArtui hi chawhmeh mal khaiah chuan kan taksa mamawh chi hrang hrangte awm kimna ber zinga mi a ni hial a...
12/02/2026

Hriat zau nan aw

Artui hi chawhmeh mal khaiah chuan kan taksa mamawh chi hrang hrangte awm kimna ber zinga mi a ni hial awm e. Mi ţhenkhatin artui, a bik takin zo artui hi a hel a hipin chak zawk leh ţha zawk turah an ngai a, mahse a lo ni lem lo. A chhan chu :
1. Artui a protein te hi a hel a hip chuan a chakna za a sawmnga (50%) vel chauh taksain a hmang ţangkai a, chhum emaw kan hmìn emaw chuan za a sawmkua (90%) vel lâi taksain a hmang tangkai thei thung a ni.

2. Artui kâwr hi natna ţhenkhat a bik takin salmonella hian a lût tlang thei a, chhum emaw kan hmìn emaw loh chuan natna kan kaichhawng palh thei a ni.

3. Artui a protein pakhat Avidin hian taksa a kan lakluh Vitamin H (Biotin) a ti chhe ţhin a, hei hian Vitamin H (Biotin) tlakchhamna, vun leh sam hrisel lo a thlen thei a, chhum emaw kàn hmìn emaw chuan Avidin hi a chhe vek thung a ni.

Artui hian protein, Omega- 3 fats,choline, biotin, folic acid, pantothenic acid, carotinoids, lutein leh zeaxanthin bakah cholesterol ţha chi ( HDL) a pai a. Vitamin A, D, E, K leh vitamin B complex ( Vitamin B 1, 2, 3, 5 ,6 ,12) a pai bawk a. Minerals ah selenium, iodine, calcium, phosphorus, magnesium, zinc, copper, potassium leh iron a pai bawk a ni.

Artui a protein awm hi protein quality ţha chi a nih bakah protein siamtu amino acids te hi taksa mamawh tawkin a pai kim deuh vek a. Artui a cholesterol awm hi cholesterol ţha chi (HDL) anih avangin Artui hian Lung natna (heart diseases) a thlen lem lova ngaih a ni. Artui a choline hi thluak tihriseltu leh thluak hnathawh puitu a ni a, artui a lutein leh zeaxanthin hi antioxidants niin mit a ti hrisel a, thenkhatin, “Artui hi mit tan a ţhalo ” an tih hi chu phuahchawp niin a lang.

Thil dang han belh zeuh ila. Tumah mi ţha famkim kan awm lo ang chiah hian eng chawhmeh mah hi a mal chuan taksa tana ţha famkim a awm bik lova. Artui pawh hian Vitamin C leh dietary fiber a pai loh bakah Vitamin K a pai tlem a, hengte hi chaw dang aţanga lakluh a ngai a. Sunhlu, Kawlthei leh Hmarcha sen tai têk te hian Vitamin C a pai tam a. Bean, Avocado, Pear, Zikhlum leh Bawrhsaiabe hian dietary fiber pai tamin thlai hnah hring, Fanghma, Broccoli leh Zopurun te hian Vitamin K a pai tam a ni.

Indian Council of Medical Research chuan taksa hrisel nan k*m khatah artui pum 180 vel ei tur a tih laiin Economic Survey, Mizoram 2012–13′ chuan mizote hian k*m khatah artui pum 32 vel ei angin min chhut a ni.

Veterinary Department hian chak takin hma la se, artui thar chhuah a pûng ang a, phai atanga phur lut lova artui a kan intodelh hun a la thleng turah ngai ang.
Dr Lk. Sanga

January ni hmasa ber ( 1 January,2026)Indem tawp chi ani lo:Khawvel puma mihring awm zawngzawng te chuan vawiin K*m thar...
01/01/2026

January ni hmasa ber ( 1 January,2026)

Indem tawp chi ani lo:
Khawvel puma mihring awm zawngzawng te chuan vawiin K*m thar ni hmasa ber ah hian chhungkua in emaw, thianza ho in emaw te ani ang nalh taktak a inchei in mawi taktakin thla te an la chuai chuai ngei mai, an hlim ani. Hlimna ni ani reng bawk a lawm tiraw.? A nuam in a hlu a ni dam hi. Mi thenkhat tan erawh lunghlui lengin kim lai ni ngaiin biangah Muttui a luang ngiai ngiai ve bawk ngei ang, chhan hrang hrang vangin. A tua teh mah kan in dem ngawt thei lovang, kan rahbi rah a in ang tlang vek lo lawm tiraw..? Mahse kei ve erawh chuan K*m 2026 ni hmasa ber chu lem a kan hmuh ang hian hlim takin ka hmang ve e. Uan awm love tak ani ka hun hman dan hi. Ka rilru a lo lang ta daih zawk chu, Mizo thu thulkhungah khan “a bul tan that chu a zah(zat) ve zo ang kan ni” an lo tia. Ka bul tan dan hi tha hle in ka hre ve ta. K*m thar bul ka tan dan ang hian a tawp pawh khar ka duh e. Lalpa grap huana ka thawhna ah hian hetiang anga nasa hian Lalpa tanpui nain ka thawk ngei dawn ani. Hah thak in hreawm dawn pawh nise, rim takin Lalpa thu kan theh(chin) theih nan tawngtai na nen lei kan let dawn ani. Kohhranah Harhtharna leh Siamthatna a awm ngei theih nan, rim taka thawkin bul kan tan dawn ani. Huan thlai rah tha tak hlim taka seng tur chuan hetiang a thawhrim hi a tul reng ani. Rawngbawltu tan pawh chubak thlan tur a awm chuang love…. Chona engpawh hma chhawn turin Lalpa hruai na zarah kan in peih tawh e. Kan zaa nu, chhungkua leh kohhran tinah Lalpa Pathian Lal ber K*m lo ni rawhse….

K*m 2025 ni hnung ber 31/12/2025 a lo ni leh ta der mai.Sawi thiam a har: Mi thenkhat tan Pathian malsawm K*m nia kan c...
31/12/2025

K*m 2025 ni hnung ber 31/12/2025 a lo ni leh ta der mai.

Sawi thiam a har: Mi thenkhat tan Pathian malsawm K*m nia kan chhiar laiin, thenkhat tan erawh chhungkua a mang vek K*m, nu leh pa, u leh nau, fanau te chan K*m a lo ni ve leh bawk si. “A thlir dan thiam zir a tha, Lalpa’n kan tan a tha ber turin ro min rel sak thin ania” han in tih sak tawp chi ni pawh in ka hre ta meuh love, keini ang mi vantlang pawh pha ve lo tan chuan. Tih theih leh sawi thiam kan neih ve lo tih in hre ve khiau mah i la, a hria(hre) zawk te nen kan za in K*m 2025 chuan muang changin min her liam san dawn ta. A pawimawh ta bera ka hriat ve chu pi lalsangzuali hla “ i thil tih zawngzawng saw thlir teh…. Lal hmaa din pui turin “ a tih hi a ni mai ta lovang maw le..? Hamleta thu hla a “ a thi a te ai a la dama te hi kan pawimawh zawk” an tih te pawh hi ngaihtuah chhunzawm chi tak niin ka hre ta. Pu Victora chuan “ ka hlimna turin ka hna ka thawk a, kei ai midang in an thawk tha em, an hralh tha em tih ka ngaihtuah lo, nimin a keimah ai vawiin a keimah hi ka tha zawk em tih ka ngaihtuah thin” a ti. Hei hi nun dik niin ka hre ve tlat nia, nang enge i ngaih ve dan..? Engpawh nise, mahnia a tha ber chhuah tum hi mihring tih tur ani ta ber in ka hria, chu chu ani ngei ang Lal Isua pawhin “ khawvel Eng, lei chi” in ni tia a lo sawi kha. I tih loh tur i tih chiam khan, i nuna entawn tlang nun zemawi kha a thamral zel ani tih erawh theihnghilh ngai suh ang che. Mahni in zawt a, i Zawhna chhan tur maw , hei hi aw “ Enge ka tih tur chu…?

Kristianna leh Politics: Hla siamtu Pastor C. Saikhuma chuan “ ka mit hmuh leh ka beng hriat ten sual lamah min hip thina” tiin hla a lo siam a, a dik hmel ta fu mai. Kan mit hmuh leh beng hriat te hian sual lamah min hip taktak chu anih tak hi. Vawiin a i mi ngaihsan leh ngaihsan loh kha i mit hmuh leh beng hriat te atanga i teh te an ni. A dik i ti fu lo maw..? Sermon thiam ka ni hauh lo mahse thil ni ve tak chu hei hi niin ka hria, Kristianna leh Politics hi pumkhat an ni. Kha maw, Kal sualah min ngaih tak der kha. Mahse ka han thaikawi zawm teh ang, vawiin a i hmuh ang politics tawp erawh ani lo. Kristian tinte hi “Saptawng han hmang ve khanglang ta i la, a thiamten min hau em lo turah ngai i la” Heavenly party kan nia, lei party ten an party lut tur mi an zawng a an thlem ang hian kan party a lut turin kan thawk rim ve tur ani dawn lawm ni? te ka ti ta maimai. Kan Prime Minister lah a tha sia Isua ngei mai chu. Hell party mi leh sa te hruai kir tur a campaign kan neih nasat a ngai ta hle in ka hria. Mahse, Heavenly party chhungkua ah party te nau kan lo siam ta chiam mai hi chuan rilru a ti na ngei mai. Kohhran khatah kan awm a, Kan kohhran hmasawnna turin hruaitu kan han in thlanga, kohhran hmasawn na tur emaw lam aiin chu mi chu vote rawh i vote chuan chutiang khatiang chuan kan tih sak ang che kan han ti ta mai hi chu a va pawi vawng vawng thin tak em tih bak sawi theih kan nei silo. Kan Heavenly party hmasawn na tur chauh hi kan hna Anih kan hre ta meuh lo em ni ang le? Hetah hian duhtawk rih phawt mai teh ang.
2026 ah hi chuan Heavenly party kan nih chhan diktak hriat tum in kan slogan “Bible “hi chhiar i uar thar leh teh ang u. Kohhran ah, Section ah, Conference ah, Union ah, Division leh GC ah pawh party awm tawh suh se, te han ti ringawt i la mi ropui ni ta lo chu kan thu ziah te tu bengah mah va lut suh. Mi ropui taktak ten ziak zawk se pulpit a sawi chhawn a hlawh ngei ang. A enga pawh chu nise, K*m 2026 atan Heavenly party MLA thlan dan hi i han thlir leh phawt i la chu chuan kan kawng zawh dan tur a fiah leh maiang. A tha tur nge an thlan ang party tenau duh dan…..?

2026 K*m Thar Chibai Vek U Le

Picture of the century Ka mitah chuan hei aia mawi thlalak emaw, ziah emaw a la awm lo. A va nalh ve tia ka sawi hmasak ...
25/12/2025

Picture of the century

Ka mitah chuan hei aia mawi thlalak emaw, ziah emaw a la awm lo. A va nalh ve tia ka sawi hmasak ber ani.

Credit Pastor Erton Köhler

Haipa Waterfall Pathian ropui zia leh k*t chhuak mawi zia hi aw. Nature hian a ti fiah ber mai…
24/12/2025

Haipa Waterfall
Pathian ropui zia leh k*t chhuak mawi zia hi aw. Nature hian a ti fiah ber mai…

Address

Yauminkyi Street
Tangyan

Telephone

+959253915431

Website

Alerts

Be the first to know and let us send you an email when Final Warning Ministry posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Final Warning Ministry:

Shortcuts

Share

Category