10/04/2026
Money Heist ဆိုတဲ့ စပိန်ဇာတ်လမ်းထဲမှာ ဘာလင် ပြောသွားတဲ့ စကားတစ်ခွန်းရှိတယ် ။
“ သစ္စာဖောက်တယ်ဆိုတာက မင်း လူတစ်ယောက်ကို ဘယ်လောက်ချစ်တယ်ဆိုတာနဲ့ မဆိုင်ဘူး၊ အဲ့ဒါက မင်းရဲ့အကျပ်အတည်းက ဘယ်လောက်ခက်ခဲနေလဲ ဆိုတာနဲ့ပဲ ဆိုင်တယ်” တဲ့။
နောက်ပီး ချစ်ခြင်းနဲ့သစ္စာဖောက်ခြင်းမှာ ဘာဆင်ခြေမှ ရှိမနေဘူး။ ချစ်တာဟာ ချစ်တာပဲ၊ သစ္စာဖောက်တာဟာ ဖောက်တာပဲ။
သူပြောတာက လူတစ်ယောက်က မင်းကို ချစ်နေလျက်နဲ့လည်း သစ္စာဖောက်နိုင်တယ် (ဥပမာ- မိမိကိုယ်ကို ကာကွယ်ဖို့ ဒါမှမဟုတ် ဖိအားတစ်ခုခုကြောင့်)။ သစ္စာဖောက်တာက ကိုယ့်အပေါ်မှာအချစ်လျော့သွားလို့ မဟုတ်ဘဲ အဲ့ဒီလူရဲ့ စိတ်ဓာတ်ကြံ့ခိုင်မှု (သို့) အခြေအနေအပေါ် ခံနိုင်ရည်ရှိမှုအပေါ်မှာပဲ မူတည်တယ်လို့ ဆိုလိုတာပါ။
သစ္စာဖောက်တာက အချစ်နဲ့မဆိုင်ဘူး၊ အဲ့ဒီလူရဲ့ စိတ်ဓာတ် ခံနိုင်ရည်နဲ့ပဲ ဆိုင်တယ် ။
ဒါပေမဲ့ ဒီအချက်ကိုပဲ ပြောင်းပြန်လှန်ပြီး စဉ်းစားကြည့်ရအောင်။
လူတစ်ယောက်မှာရှင်သန်လိုစိတ် ရှိတာ မှန်ပါတယ်။ ဒါပေမဲ့ လူသားနဲ့ တိရစ္ဆာန် ဘာကွာသလဲဆိုရင် လူသားမှာ ကျင့်ဝတ်(Ethics) ရှိတာပါပဲ။ အကျပ်အတည်းတစ်ခုကြောင့် မိမိကို ယုံကြည်သူကို သစ္စာဖောက်လိုက်တာဟာ ခဏတာ လွတ်မြောက်မှု ရနိုင်ပေမဲ့၊ ကျန်ရှိတဲ့ ဘဝတစ်လျှောက်လုံးမှာတော့ ကိုယ့်ကိုယ်ကိုယ် ယုံကြည်မှုကို ဆုံးရှုံးသွားစေပါတယ်။ ဒါကြောင့် သစ္စာတရားဆိုတာ အခြေအနေအရ ရွေးချယ်ရမယ့်အရာမဟုတ်ဘဲ၊ မည်သည့်အခြေအနေမျိုးမှာမဆို စောင့်ထိန်းရမယ့် "လူပီသမှု" တစ်ခုပါ။
အကျပ်အတည်းကြောင့် သစ္စာဖောက်လိုက်ပြီဆိုပါစို့။ ရရှိလာတဲ့ ရလဒ်က ဘာလဲ? ရှင်သန်ခွင့်လား? ငွေကြေးလား? အဲဒီအရာတွေအားလုံးဟာ ယုံကြည်မှု ဆိုတဲ့ တန်ဖိုးနဲ့ လဲလှယ်လိုက်ရတာပါ။
အကျပ်အတည်းကို အကြောင်းပြပြီး သစ္စာဖောက်လိုက်တာဟာ ခဏတာ လွတ်မြောက်မှုကို ပေးနိုင်ပေမဲ့၊ ကျန်ရှိတဲ့ ဘဝတစ်လျှောက်လုံးမှာတော့ ကိုယ့်ရဲ့ ဂုဏ်သိက္ခာ နဲ့ ယုံကြည်မှု ကို အပြီးတိုင် စတေးလိုက်ရတာနဲ့ အတူတူပါပဲ။
တစ်ကြိမ် သစ္စာဖောက်ဖူးသူဟာ နောက်ထပ် အကျပ်အတည်းအသစ်တွေနဲ့ တွေ့တိုင်း ထပ်မံသစ္စာဖောက်ဖို့ လွယ်ကူသွားတတ်ပါတယ်။
သစ္စာတရားကို တန်ဖိုးထားသူကတော့ အကျပ်အတည်းကို ရင်ဆိုင်ကျော်ဖြတ်ရင်းနဲ့ပဲ သူ့ရဲ့ ဂုဏ်သိက္ခာကို တည်ဆောက်သွားတာပါ။
ဒီဒိုင်ယာလော့ခ် ကနေကျမတို့ သိထားရမှာက အချက်နှစ်ချက်ရှိပါတယ်။
ပထမအချက် - လူ့သဘာဝရဲ့ အားနည်းချက်ကို နားလည်ဖို့။တစ်ဖက်လူကို အစွန်းရောက်တဲ့ အကျပ်အတည်းထဲ မတွန်းပို့မိဖို့ (လူ့သဘာဝရဲ့ အားနည်းချက်ကို နားလည်ပေးဖို့)။
ဒုတိယအချက် - ကိုယ်တိုင်ကရော ဘယ်လိုလူမျိုးဖြစ်မလဲဆိုတာ ရွေးချယ်ဖို့ပါ။
ဂုဏ်သိက္ခာကို စတေးမယ့်သူလား၊ ဒါမှမဟုတ် သစ္စာတရားကို အသက်ထက် တန်ဖိုးထားမယ့်သူလားဆိုတာ ရွေးချယ်ဖို့ပါ။
သစ္စာရှိခြင်းဟာ အချစ်ရဲ့ အမြင့်ဆုံး သက်သေပြချက် ဖြစ်သလို၊ အချစ်စစ်ဆိုတာ ဘယ်လောက်ပဲ ခက်ခဲပါစေ လက်တွဲမဖြုတ်ဘဲ အတူတူ ရင်ဆိုင်ကြခြင်းပါ။
သစ္စာရှိခြင်းဆိုတာ
အခြေအနေကောင်းနေချိန်မှာ ပြောရတာ လွယ်ပါတယ်။
တကယ်တမ်း အကျပ်အတည်းနဲ့ တွေ့တဲ့အခါမှ
မင်းရဲ့ အချစ် က ဘယ်လောက် ခိုင်မာလဲဆိုတာ သိရမှာ ။
ဒါဟာ ယောက်ကျားရယ် ၊မိန်းမရယ်လို့မှမဟုတ်ပါဘူး ။အဓိက ကစိတ်ပါပဲ ။စိတ်နဲ့ပဲဆိုင်တာပါ ။
wah Aye
March 24,2026.
