https://t.me/tharrawadddydistrictdalaninfo

သာယာဝတီခရိုင် PDF News, Tharrawaddy (2025)

13/03/2025

ရဲဘော်ဆိုပြီး အလှူခံပြီး စော်ကို စပွန်ဆာပေးတဲ့ကောင်တွေရှိတယ်

ကိုယ့် equipment ပဲ ကိုယ်လိုတာထက်ပိုဖြည့်ပြီး attention လိုင်းပေါ်တက်ယူတဲ့ကောင်တွေရှိတယ်

စစ်တကယ်မတိုက်ရလဲ တကယ်တိုက်နေသယောင်နဲ့ မလိုအပ်ဘဲ အလှူခံနေတဲ့ကောင်တွေရှိတယ်

ထောက်ပို့ဆိုပြီး အလှူငွေကို ကိုယ်ပိုင်ငွေလို
သုံးတဲ့ကောင်တွေရှိတယ်

စခန်းတာဝန်ခံဆိုပြီး ရဲဘော်တွေကို တာဝန်မယူတဲ့ကောင်တွေရှိတယ်

ပြည်သူက တင်မြှောက်တယ်ဆိုပြီး ဘဝင်မြှင့် လုပ်ကွက်မရှိဘဲ ပြည်သူ့ငွေနဲ့ အကောင်းစားအရက်ခွက်မြှောက်နေတဲ့ကောင်တွေရှိတယ်

တော်လှန်ရေးကို စီးပွားရေးလို ဂျင်းကောင်းကောင်းထည့်ပြီး အိတ်ဖောင်းနေတဲ့ကောင်တွေရှိတယ်

လက်၃ချောင်းထောင် အွန်လိုင်းသပိတ်ပါဝင်တဲ့နေ့ကလွဲရင် ရေပေါ်ဆီလိုနေနေကြတဲ့ကောင်တွေရှိတယ်

စိုးရိမ်တယ် စိတ်ပူတယ် ဝမ်းနည်းတယ်ဆိုရုံနဲ့ တော်လှန်ရေးမှာ နှစ်သိမ့်စကားပဲ ပြောပေးတတ်တဲ့ကောင်တွေရှိတယ်

ကိုယ့်နေရာလောက်ပဲ တော်လှန်ရေးလုပ်နေတယ်ထင်တဲ့ကောင်တွေရှိတယ်

ကိုယ့်နေရာလောက်ကပဲ ကြီးကျယ်တယ်ထင်တဲ့ကောင်တွေရှိတယ်

ငါတို့နိုင်မှာဆိုပြီး ထိုင်ရာမထ အောင်ပွဲခံဖို့ စောင့်နေတဲ့ကောင်တွေရှိတယ်

ငါတို့ငတ်ရင် တနိုင်ငံလုံးငတ်ပေးရမယ်လို့တွေးတဲ့ကောင်တွေရှိတယ်

တော်လှန်ရေးသမားတိုင်း သူတော်ကောင်းလို့ထင်တဲ့ကောင်တွေရှိတယ်

တော်လှန်ရေးမှာ တော်လှန်ရေးသမားတိုင်းက
ကိုယ့်ကိုယ်ကိုပဲ ဘုန်းကြီးနေတယ်ထင်နေကြပုံနဲ့အချို့အချို့တွေ အော်နေကြတာက
"ဖက်ဒရယ်ဒီမိုကရေစီ" ...

#အတုအယောင်တွေဂရုစိုက်ကြပါ
#သာယာဝတီခရိုင်pdfnews

11/02/2025

ဇီးကုန်းမြို့နယ်က စခများနှင့် Golden Garuda Battalion - G2B ရွှေဂဠုန်စ_စ်ကြောင်း တို_က်_ပွဲ_ရုပ်သံ

#သာယာဝတီခရိုင်pdfnews

11/02/2025

ဇီးကုန်းမြို့နယ်က စ_ခ_စ_စ်ကြောင်းနဲ့ ထိ_တွေ့တို_က်_ပွဲ_ဖြ_စ်ပွားပြီး စခများ ထိ_ခို_က်_မှုရှိ

#သာယာဝတီခရိုင်pdfnews

06/02/2025

စခ/ရခနဲ့ပျူတွေ လုံခြုံရေးတင်းကြပ်ထားတဲ့ အုတ်ဖိုမြို့ထဲက စ-စ်မှုထမ်းဟောင်းရုံး ဗုံ-းခွဲ-တို-က်-ခို-က်-ခံ-ရပြီး စခ၁ကောင်ေ-သဆုံး

27/12/2024

သာယာဝတီခရိုင်အတွင်းရှိ ပဲခူးရိုးမပေါ်မှာ စခ လေယာဥ်တွေနဲ့ ဒရုန်းတွေ ဆက်တိုက်ဝဲနေလို့ လေကြောင်းအန္တရာယ်သတိထားကြပါ

#သာယာဝတီခရိုင်pdfnews

22/11/2024

COC နဲ့ ထောက်ပံ့မှု(ဆောင်းပါး)
………………………………………….
တစ်ချို့ကပြောကြတယ်။ COC တော့ လိုချင်တယ် ထောက်ပံ့မှုကြမပေးဘူးလို့။ အဲဒီစကားဟာ အရမ်းမှန်ကန်တဲ့ စကားဖြစ်ပါတယ်။ တပ်ရင်းအဖြစ်တည်ထောင်ပြီဆိုကတည်းက တပ်ရင်းမှူးဟာ တပ်ရင်းကို COC ကောင်းအောင်ပြုလုပ်ရမှာနဲ့အတူ မိမိတပ်ရင်း ရဲဘော်တွေကို အပြည့်အဝမဟုတ်ရင်တောင် (တလရ ကာလဖြစ်၍) အထိုက်အလျောက် ထောက်ပံ့မှု ပေးဖို့ တာဝန်ရှိနေပါတယ်။

ရဲဘော်တစ်ဦးချင်းစီကို စစ်ဝတ်တန်ဆာ၊ လက်နက်၊ ခဲယမ်းကျည် ထောက်ပံ့မှု၊ ‌ရိက္ခာထောက်ပံ့မှု ပေးနိုင်မှသာ လိုအပ်တဲ့ COC ကိုတည်ဆောက်နိုင်မှာဖြစ်ပါတယ်။ မဟုတ်ရင် အတင်းအဓမ္မစစ်ထဲသွင်းပြီး စစ်တိုက်ခိုင်းသလိုဖြစ်နေမှာပါ။ စစ်အာဏာရှင်စနစ်ဆိုးကို မကြိုက်လို့ မိမိရဲ့ တော်လှန်ရေးအသိစိတ်နဲ့ဝင်ရောက်လာကြပေ မယ့် သူတို့ရဲ့နေ့စဉ် စားဝတ်နေရေး၊ ကျန်းမာရေးတာဝန်က တပ်ရင်းမှူး အပေါ်မှာ တည်မှီနေပါတယ်။

တပ်ရင်းမှူးကလည်း ဒါတွေကိုဖြေရှင်းဖို့ဆိုရင် ထောက်ပံ့မှုရှိမှ ဖြစ်မှာပါ။ ထောက်ပံ့မှုမှာ (၂)မျိုးရှိပါတယ်။ သက်ဆိုင်ရာ ဝန်ကြီးဌာနက ထောက်ပံ့တာနဲ့၊ မိမိဘာသာထောက်ပံ့မှုရှာရတာတို့ဖြစ်ပါတယ်။ လက်နက်ကိုင်ထားတဲ့ တပ်ရင်းတွေဟာ မိမိဘာသာ ရပ်တည်နိုင်ဖို့ ထောက်ပံ့မှုရှာရရင် ရေရှည်မှာ အန္တရာယ် ရှိလာနိုင်ပါတယ်။

ဘာကြောင့်လဲဆိုတော့
(၁) ထောက်ပံ့မှု ရှာတဲ့ပုံစဲ၊
(၂) ရှာလို့ရတဲ့ထောက်ပံ့မှုသုံးစွဲပုံစံ၊
(၃) ရရှိထောက်ပံ့မှုနဲ့ အထက်အဖွဲ့၏ COC ၊
(၄) ရရှိထောက်ပံ့မှု အပေါ်တပ်မက်သာယာသွားခြင်း၊
(၅) တော်လှန်ရေးမှသည် တော်လှန်စီးပွားဖြစ်သွားခြင်းတို့ ဖြစ်ပါတယ်။

နံပတ်(၁)ဖြစ်တဲ့ သက်ဆိုင်ရာ ဝန်ကြီးဌာနက လက်နက်ကိုင်ထားတဲ့ တပ်ရင်းတွေကို စနစ်တကျစိစစ်ပြီး လစဉ်ပုံမှန်ထောက်ပံ့မှုမျိုးပေးသင့်ပါတယ်။ ဘာကြောင့်လဲဆိုတော့ တပ်ရင်းတွေမှာ လမ်းပေါ်တက်အလှူခံခွင့်၊ အခွန်ကောက်ခံခွင့်၊ သယံဇာတတူးဖော် ရောင်းချပိုင်ခွင့်၊ တပ်ရင်းအမည်နဲ့ ကိုယ်ပိုင်စီးပွါးရေးလုပ်စားပိုင်ခွင့်ရှိမနေလို့ပါ။ ရှိနေရင်လည်း ဒါကိုတပ်ရင်းလို့သတ်မှတ်လို့မရတော့ပါဘူး။

နံပတ်(၂)ဖြစ်တဲ့ တပ်ရင်းတွေဟာ မိမိဘာသာရပ်တည်နိုင်ဖို့ ထောက်ပံ့မှုရှာရမယ်ဆိုရင်လည်း အန္တရာယ် ရှိနိုင်သလို COC ရရှိဖို့လည်းခက်ပါတယ်။ ယမန်နေ့က ရေးခဲ့သလို နံပတ် (၂) ဖြစ်တဲ့ တပ်ရင်းတွေဟာ မိမိဘာသာ ထောက်ပံ့မှုရှာရရင် ဖြစ်လာနိုင်တဲ့ အကျိုးဆက်(၅)ခုမှာ

၁။ ထောက်ပံ့မှုရှာတဲ့ပုံစံ
ထောက်ပံ့မှုရှာတဲ့ပုံစံတွေမှာ လမ်းပေါ်တက်အလှူခံ၊ ဂိတ်ဖွင့်ပြီးငွေကောက်၊ ပြည်တွင်းအလှူရှင်ရှာ၊ ပြည်ပအလှူရှင်ရှာ စတဲ့နည်းလမ်းတွေအသုံးပြုကြပါတယ်။ ဒီနည်းလမ်းတွေအကုန် အန္တရာယ်ရှိပါတယ်။ လမ်းပေါ်တက်အလှူခံ၊ ဒါမှမဟုတ် ဂိတ်ဖွင့် လုံခြုံရေးရှု့ထောင့်ကကြည့်ရင် အန္တရာယ်များပါတယ်။ ပြည်သူဘက်ကကြည့် ရင်လည်း စကစပေးရ၊ PDF ပေးရနဲ့ဆိုပြီး မြင်လာပါမယ်။ အဆိုးဆုံးက ရမှန်းသိပြီး သာယာသွားမှာကိုပါ။ နောက် ပြည်တွင်း၊ ပြည်ပ အလှူခံကိစ္စပါ။ ဒီတော်လှန်ရေးမှာ အလှူခံရဖို့ အပြိုင်အဆိုင်ကြိုးစားကြပါတယ်။ မိမိတပ်ရင်း ဘယ်လိုလုပ်ဆောင်နေကြောင်း၊ ထုတ်လုပ် ရေးမှာ ဘာတွေထုတ်လုပ်နေကြောင်း၊ နောက်ဆုံး စစ်ဆင်ရေးကအစ တင်ပြပြီး အပြိုင်အလှူခံကြတာ တွေ့ရပါတယ်။ စစ်ဆိုတာ လျှိူ့ဝှက်ရပါတယ်။ ဒါပေမယ့် မိမိတပ် ရပ်တည်နိုင်ရေးအတွက် အပြိုင်အဆိုင် စစ်ဆင်ရေးတွေချပြ ကြေညာပြီး အလှူခံရပ်တည်နေရပါတယ်။ တကယ်က မိမိမှာ ဘာလက်နက်ရှိတယ်ဆိုတာ ရန်သူမသိလေကောင်းလေပါ။ ဒါ‌ကို အလှူငွေရရှိဖို့ အတွက်ချပြနေရပါတယ်။ ဥပမာတစ်ခုအနေနဲ့ ဒရုန်းစစ်ဆင်ရေးပါ။ အစက ရန်သူဟာ သူတို့ကို ဘာနဲ့ လာပစ်နေမှန်းမသိပါဘူး။ ဒါကိုလိုင်းပေါ်တင် အလှူခံရာကစပြီး ရန်သူလည်း ဒရုန်ပြန်သုံးပြီး တိုက်ခိုက်လာပါတော့တယ်။ မိမိနည်းပညာနဲ့ မိမိကိုပြန်အတိုက်ခံနေရပါတယ်။ ဒါဟာဘာလို့လဲဆိုတော့ ထောက်ပံ့မှုရဖို့ မိမိတပ်ရင်း ရပ်တည်နိုင်ဖို့ကြိုးစားရင်းနဲ့ ဖြစ်တည်လာမှုပါ။

၂။ ရှာလို့ရတဲ့ထောက်ပံ့မှု သုံးစွဲပုံစံ
ဒီနေရာမှာလည်း တိကျတဲ့ မူမရှိတော့ သုံးစွဲမှုမှာ အလွဲသုံးစားတွေလည်းရှိလာနေပါတယ်။ မိမိတပ်ရင်းအတွက် သုံးစွဲမှုမှာထက် မိမိအတွက်ကိုယ်ကျိုးသုံးလာ တာတွေရှိလာပါတယ်။ အာဏာမသိမ်းခင်က ဘာမှမရှိတဲ့သူက အာဏာသိမ်းပြီး တော်လှန်ရေးကာလမှာ ချမ်းသာသွားသူတွေ ကားအကောင်းစားစီးပြီး၊ အကောင်းစားအရက်၊ ဘီယာမှ သောက်တတ်သွားသူ တွေများလာတာကို ဝမ်းနည်းစွာ တွေ့နေရပါတယ်။ ပြည်သူကတော့ သူတို့ရဲ့ ချွေးနည်းစာနဲ့ တော်လှန်ရေးရဲဘော်တွေ အခက်အခဲကို တတ်နိုင်တဲ့ဘက်က ဝင်ကူတာပါ။ ဒါပေမယ့် သုံးစွဲမှုပုံစံမှာ တိကျတဲ့မူမရှိတာ။ ဝင်ငွေ၊ ထွက်ငွေအပေါ်မှာ စာရင်းအင်းမရှိတာက အဓိကဖြစ်နေပါတယ်။

၃။ ရှာ၍ရသောထောက်ပံ့မှု နှင့် အထက်အဖွဲ့၏ COC
အထက်အဖွဲ့အစည်းက မိမိရဲ့ တပ်တွေကို လစဉ်ပုံမှန် ထောက်ပံ့မှုမပေးနိုင်တဲ့အတွက်ကြောင့် မိမိဘာသာရှာသုံးရတဲ့အတွက် အဲဒီအပေါ်မှာ အထက်အဖွဲ့က မထိန်းချုပ်နိုင်တာ တွေ့နေရပါတယ်။ မင်းတို့က ဘယ်လောက်ထောက်ပံ့ပေးလို့ ငါတို့ကို လာစစ်ဆေးမှု လုပ်ရတာလဲ ဆိုရင် အထက်အဖွဲ့ဟာ မိမိတပ်ရင်းကို COC မရတာပါဘဲ။ တကယ်က စစ်ဘက်ဆိုင်ရာ စာရင်းစစ်ချုပ်ဆိုတာရှိရပြီး အဲဒီအဖွဲ့ဟာ MoD ရဲ့ ကွပ်ကဲမှုယူထားတဲ့ တပ်ရင်းတွေရဲ့ ဝင်ငွေ/ထွက်ငွေ စာရင်းကို တောင်းသင့်၊ စစ်သင့်ပါတယ်။ ဒါမှသာ ပုဂ္ဂိုလ်ရေး အလွဲသုံးစား မှုလျော့နည်းစေပြီး တပ်ရဲ့ COCကို ထိန်းနိုင်မှာဖြစ်ပါတယ်။

၄။ ရရှိထောက်ပံ့မှုအပေါ်တပ်မက်သာယာသွားခြင်း
တော်လှန်ရေးလုပ်နေတဲ့သူတွေလည်း ပြည်သူအတွက် ဆိုပေမယ့် ပုထုဇဉ်တွေပဲမလို့ ဖောက်ပြန်သာယာမှုဆိုတာ ရှိကြပါတယ်။ ဆိုလိုတာက ထိန်းကွပ်မှုမရှိတဲ့ ဝင်ငွေ အပေါ်မှာ ငွေစာရင်းခေါင်းစဉ်မရှိ သုံးစွဲခွင့်ရသလို၊ စိတ်ကြိုက်အလှူခံခွင့်၊ ရရှိအလှူငွေအပေါ် စစ်ဆေးသူမရှိ ဆိုတော့ ကိုယ်ကျိုးသုံးစွဲမှုဆိုတာ ရှိပါတယ်။ ငွေကြေးကလည်းတောင့်တင်း၊ အလှူရှင်ကလည်းပေါဆိုတော့ နောက်ဆုံး ဖောက်ပြန်ပြီး မင်းစိတ်၊ စိုးစိတ်ပေါက်ပြီး ပြည်သူအတွက်ကနေ ကိုယ့်အတွက် ကိုယ်ပိုင်တပ်ပုံစံ‌တွေဖြစ်ပြီး တော်လှန်ရေးကနေ သွေဖယ်သွားပြီး၊ တော်လှန်ရေးအမြန်ပြီးသွားမှာကြောက်ပြီး တော်လှန်ရေး အဓွန့်ရှည်ပါစေဆိုသူတွေတောင် ရှိလာနေပါပြီ။ တော်လှန်ရေးဟာ စီးပွားရေးသဖွယ်တောင် မြင်လာနေကြပါတယ်။ တိုက်ပွဲတစ်ခုကို video မှတ်တမ်းယူ၊ လိုင်းပေါ်အမြန်တင်ပြီး ဈေးကွက်ရှာတဲ့ အနေအထားကိုဖြစ်နေပါပြီ။

၅။ တော်လှန်ရေးမှသည် တော်လှန်စီးပွားဖြစ်သွားခြင်း
နံပတ် (၄) မှာရေးခဲ့သလို မိမိဘာသာရပ်တည်နိုင်ဖို့ ကြိုးစားရှာဖွေရင်းမှ ပုထုဇဉ်လူသားများပီပီ ရရှိလာတဲ့ အကျိုးစီးပွားအပေါ်မှာ သာယာတပ်မက်ပြီး တော်လှန်စီးပွားပုံစံ ဖြစ်သွားကြပါတယ်။ ဥပမာ mission ရောင်းတာ၊ ဝယ်တာမျိုးပါ။ ဒါတွေက မြေပြင်မှာ တကယ်ရှိပါတယ်။ တစ်ခါက mission ကပြန်လာတဲ့အဖွဲ့တစ်ဖွဲ့စီ ရောက်နေတဲ့အချိန်နဲ့ကြုံခဲ့ဖူးပါတယ်။ သူတို့အသည်းအသန်လုပ်နေတဲ့ အလုပ်က mission ထဲမှာရိုက်လာတဲ့ video file တစ်ခုကို သူတို့ဦးစွာတင်နိုင်ဖို့လုပ်နေတာပါ။ ပြောပါသေးတယ် "အကိုရေ အလှူရှင်တွေ များများလှူနိုင်ဖို့ ကိုယ်ဦးအောင်တင်နိုင်မှရတာဗျ" တဲ့။ အတော်စိတ်မကောင်းဖြစ်ရပါတယ်။ တော်လှန်ရေးဟာ ဒီလောက်တောင် ဖြစ်သွားပြီလားလို့။ စိတ်ဓာတ်ကျပြီး တော်လှန် ရေးကနေ နားတော့မယ်လို့တောင် စိတ်ကူးခဲ့ဖူးပါတယ်။ ပြန်စဉ်းစားကြည့်ပြန်တော့လည်း ဟုတ်နေတာပဲ။ လုံလောက်တဲ့ ထောက်ပံ့မှုမှမရတာကို။ ဒီလိုနဲ့ တော်လှန်ရေးက ရေလိုက်လွဲပြီး တော်လှန်စီးပွားအသွင်ဆောင်သွားတာကလည်း အဆန်းတော့မဟုတ်ပါဘူး။

ဘယ်သူတွေခံရလဲ၊ နစ်နာသလဲ။ လူ (၂) မျိုး နစ်နာပါတယ်။ တမျိုးက အလှူရှင် ပြည်သူဖြစ်ပြီး၊ နောက်တမျိုးက အောက်ခြေရဲဘော်ပါ။ မျောက်ပြဆန်တောင်း တော်လှန်ရေးများဖြစ်နေပြီလားလို့တောင် မြင်လာပါတော့တယ်။
ဒါကြောင့် COC နဲ့ ထောက်ပံ့မှုဟာ တိုက်ရိုက်အချိုး ကျနေတာပါ။
လက်နက်ကိုင်ထားတဲ့ စစ်တပ်ကို လုံလောက်တဲ့ ထောက်ပံ့မှု ပေးမထားဘဲ၊ မိမိဘာသာရှာခိုင်းခြင်းဟာ အာဏာရှင်လက်သစ်မွေးဖို့ သင်တန်းပေးနေခြင်းနဲ့ အတူတူပါဘဲ။ ဘာလို့လဲဆိုတော့ လူအင်အားလည်းရှိတယ်၊ လက်နက်လည်းကိုင်ထားတယ်၊ စီးပွားရေးအသွင် ဆောင်တဲ့ ဝင်ငွေလမ်းလည်းရှိတယ်၊ ဒါဆိုရင် ဘာလိုသေးလဲ.......။ အာဏာပေါ့။ အဲလို စစ်တပ်ရဲ့လက်ထဲသာ အာဏာရောက်သွားကြည့် အာဏာရှင်ဘဝကနေ ကျွတ်ဖို့ လမ်းမမြင်တော့ပါဘူး။

မြန်မာစစ်တပ် အာဏာရှင်ဘာလို့ဖြစ်သွားလဲကြည့်ပါ။ ယခင်က စစ်တပ်မှာ အခြေခံစစ်သင်တန်းကျောင်းနဲ့ ဝိဇ္ဇာ၊သိပ္ပံ စစ်တက္ကသိုလ်လောက်ရှိခဲ့တာ။ စစ်တပ်ရဲ့ ကိုယ်ပိုင်စီးပွါးရေးလုပ်ငန်းမရှိခဲ့ဘူး။ နောက်ပိုင်း ဦးပိုင်စီးပွါးရေးလုပ်ငန်း၊ ပညာဘက်မှာဆို စစ်တပ်ကိုယ်ပိုင် ဆေးတက္ကသိုလ်၊ နည်းပညာတက္ကသိုလ်၊ စစ်သူနာပြုတက္ကသိုလ်၊ စစ်ကွန်ပြူတာကောလိပ်၊ တပ်မြို့ စတဲ့ သူတို့စစ်တပ်အသိုက်အမြုံတစ်ခုဖန်တီးပြီး ပြည်သူကို ကျွန်ပြုအုပ်ချုပ်ခဲ့တာ ဆယ်စုနှစ်ပေါင်း ဘယ်လောက်ကြာနေပြီလဲ။

ကျနော်တို့က အဲလို စစ်တပ်မျိုး၊ အဲလိုတပ်မတော်မျိုးကို အပြီးတိုင်ချေဖျက်ချင်တာမလား။ ဒါဆိုရင်ဘယ်လိုလုပ်ကြမလဲ။

စစ်တပ်ကို စစ်တပ်နဲ့တူအောင် အခုကတည်းက ပြုစု ပျိုးထောင်ရပါတော့မယ်။ အဲလိုပျိုးထောင်တဲ့နေရာမှာ (၁) အစိုးရ၊ (၂) ပြည်သူတို့က အရေးကြီးပါတယ်။ အစိုးရက စစ်တပ်ကို လုံလောက်တဲ့ထောက်ပံ့မှုမျိုးပေးပြီး စီးပွားအသွင်ဆောင်နိုင်သောအလုပ်မှန်သမျှကို ခွင့်မပြုသင့်၊ ထိန်းချုပ်ပေးရပါမယ်။ ဒီနေရာမှာ အစိုးရက အဂတိတော့ ကင်းရပါမယ်။ အထူးသဖြင့် ဆန္ဒာဂတိပေါ့။ ငါ့လူမလို့ပေးမယ်ဆိုတာမျိုး မဖြစ်သင့်သလို၊ လူမှန်၊နေရာမှန်ဖြစ်ဖို့ ဂရုတစိုက်လုပ်ဆောင်ရပါမယ်။ ပြည်သူကဏ္ဍကတော့ လှူတဲ့အခါမှာ ကိုယ့်အလှူက တော်လှန်ရေးနဲ့ တိုင်းပြည်အတွက်ဆိုတာမျိုးဖြစ်ပြီး၊ မင်းစိတ်စိုးစိတ်ဖြစ်နေနိုင်သော အလှူမျိုးကို ရှောင်ရှားလှူသင့်တယ်လို့ သုံးသပ်မိပါတယ်။
ဒါမှသာ အနာဂါတ်မြန်မာနိုင်ငံအတွက် ပြည်သူကို ကိုယ်စားပြုနိုင်သော ပြည်ထောင်စုတပ်မတော်တစ်ရပ် ပေါ်ပေါက်ဖို့အတွက် အထောက်အပံ့ဖြစ်နိုင်မှာပါ။ အဲလိုမှမဟုတ်ရင်တော့ အာဏာရှင် အကြီးစားကနေ၊ အာဏာရှင် အသေးစားလေးမွေးထုတ်ပေးဖို့ ပေါင်းသင်၊ မြေစွ၊ မြေဩဇာကျွေးသလိုဖြစ်နေမယ်ဆိုတာကို သတိပြုဖို့ ၊ COC နဲ့ ထောက်ပံ့မှုဟာ တိုက်ရိုက်အချိုးကျတယ်ဆိုတာ တင်ပြအကြံပြုရင်း နိဂုံးချုပ်ပါတယ်။

မြေပြင်တပ်ရင်းမှူး တဦး

#သာယာဝတီခရိုင်pdfnews

05/11/2024

မိုးညိုမြို့မှ တော်လှန်ရေးတပ်ဖွဲ့တခုရဲ့ တာ၀န်ရှိသူနဲ့ မေးမြန်းထားမှု(တော်လှန်ဟင်္သာစကားသံ)

Tharyarwaddy 8 City / ဇူလိုင်၄၊၂၀၂၄

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက မိုးညိုမြို့နယ်တွင် အခြေစိုက်လှုပ်ရှားနေတဲ့ လက်နက်ကိုင်တော်လှန်ရေးတပ်ဖွဲ့တခုဖြစ်သော မိုးညိုမြို့နယ်ပြည်သူ့ကာကွယ်ရေးတပ်ဖွဲ့ ၏ တာ၀န်ရှိသူ တစ်ဦးကို Tharyarwaddy 8 City သတင်းဌာနမှ အရပ်သားပြည်သူတွေသိသင့်သောမေးခွန်းအချို့မေးမြန်းထားမှုအား "တော်လှန်ဟင်္သာ စကားသံ" အစီအစဉ်ကနေ တင်ဆက်ပေးလိုက်ပါတယ်။

၁။ မေး - အကိုတို့အဖွဲ့အနေနဲ့ သာယာ၀တီခရိုင်အတွင်းရှိ စစ်ရေးပစ်မှတ်များထဲမှ ဘယ်လို ပစ်မှတ်တွေကို အများဆုံး မစ်ရှင်လုပ်ဆောင်ထားပါသလဲခင်ဗျ။

၁။ ဖြေ - စစ်ရေးပစ်မှတ်အနေနဲ့ကတော့ စစ်ကောင်စီစစ်ကြောင်းကို တိုက်ခိုက်တာရော စစ်ကောင်စီနဲ့ဆက်နွယ်နေတဲ့ စစ်ကောင်စီသတင်းပေးဒလန်တွေကို သေချာစိစစ်ပြီးသုတ်သင်တာမျိူးရှိပါတယ်။

၂။ မေး - အနီးအနားမှာ အတူရှိနေတဲ့ အဖွဲ့တွေနဲ့ကော ချိတ်ဆက်တာမျိုး၊ အတူတကွမစ်ရှင်ဖော်တာမျိုး၊ မဟာမိတ်ဆက်ဆံရေးဘယ်လိုရှိလည်းခင်ဗျ။

၂။ ဖြေ - ရိုးမပေါ်က တော်လှန်ရေးအင်အားစုတွေနဲ့ ဖြစ်စေ၊ အနီးအနားကတော်လှန်ရေးတပ်ဖွဲ့တွေနဲ့ ဖြစ်စေ မဟာမိတ်အနေနဲ့ ပူးပေါင်းပြီးတော့ မကြာခဏ မစ်ရှင်တွေဖော်ဆောင်တာရှိပါတယ်။

၃။ မေး - စစ်ရေးပစ်မှတ်တွေထဲမှာ စစ်ကောင်စီကိုသတင်းပေးနေသူတွေဟာ အကိုတို့အတွက် ဘယ်လောက်အထိ အနှောက်အယှက်ဖြစ်ပါသလဲခင်ဗျ။

၃။ ဖြေ - စစ်ကောင်စီသတင်းပေး ဒလန်တွေဟာ အင်မတန်မှအရေးပါတဲ့ အနှောက်အယှက်ဖြစ်ပါတယ် ခုချိန်ထိ စစ်ကောင်စီဒလန်တွေကြောင့် အဖမ်းအဆီးခံရသူတွေ ရှိနေဆဲပါပဲ။ အကြမ်းဖက်စစ်ကောင်စီဘက်မှာရပ်ပြီး ပြည်သူလူထုကိုအကြောင်းအမျိူးမျိူးနဲ့ ဖိနှိပ်နေတဲ့ စကစဒလန်တွေ ပပျောက်ဖို့ဟာ တော်လှန်ရေးရဲ့အရေးအကြီးဆုံးကိစ္စတခုပါပဲခင်ဗျ။

၄။ မေး - လက်ရှိတော်လှန်ရေးအခင်းအကျင်းနဲ့ ပြည်သူအားတက်စေမယ့်စကားမျိုး၊ ကတိက၀တ်မျိုး ပေးလို့ရတာရှိရင်ပေးပါအုန်းခင်ဗျ။

၄။ ဖြေ - ရှမ်းမြောက်ကနေစခဲ့တဲ့ ၁၀၂၇ စစ်ဆင်ရေးကနေစပြီး တပ်ရင်းဌာနချူပ်တွေ မြို့တွေအသိမ်းပိုက်ခံရတဲ့စစ်ကောင်စီဟာ ရှုံးဖို့သေချာသလောက်ရှိနေပါပြီ။ အဓိကအရေးအကြီးဆုံးအ‌နေနဲ့က အားလုံးစုစုစည်းစည်းနဲ့တော်လှန်မှပဲတော်လှန်ရေးပန်းတိုင်ကိုလှမ်းကိုင်နိုင်မှာဖြစ်တယ်ဆိုတာပါပဲ။

၅။ မေး - ပြည်သူလူထုဆောင်ရန်ရှောင်ရန်တွေကိုလည်း အရပ်သားပြည်သူ အားလုံး နားလည်နိုင်တဲ့ပုံစံမျိုးနဲ့ ဖြေဆိုပေးပါအုန်းခင်ဗျ။

၅။ ဖြေ - စစ်ကောင်စီအနေနဲ့ ဝင်းနိမိတာရုံကျောင်းတိုက်ဆရာတော်ကိုပစ်သတ်ပြီး PDF ကိုပုံချပြီး ဘာသာရေးနဲ့တိုက်ခိုက်တဲ့ပုံစံမျိူး လူမျိူးရေးပဋိပက္ခတွေဖန်တီးပြီး တော်လှန်ရေးအရှိန်အဟုန်ကို မှေးမှိန်အောင် လုပ်တတ်တာမျိူးရှိတတ်တဲ့အတွက် တော်လှန်ရေးသတိအမြဲထားပြီးတော့ ကျနော်တို့ပြည်သူလူထုလိုလားတောင့်တတဲ့ ဖက်ဒရယ်ဒီမိုကရေစီပြည်ထောင်စုပန်းတိုင်ရောက်အောင် ထောက်ပို့ဖြစ်စေ သတင်းပေးဖြစ်စေ ပြည်သူအားလုံးပူးပေါင်းပါဝင်ပေးဖို့တောင်းဆိုပါတယ်ခင်ဗျ။ တတ်နိုင်သမျှစစ်ကောင်စီနဲ့မပက်သက်ဖို့နဲ့ ကျနော်တို့ရဲ့ တော်လှန်ရေးအတွက် ပူးပေါင်းပါဝင်ပေးဖို့ပါပဲ။

မေးမြန်းတင်ဆက် - အနတ္တ
တည်းဖြတ်ထုတ်လုပ် - Tharyarwaddy 8 City

#မိုးညို
#တော်လှန်ဟင်္သာစကားသံ
#မိုးညိုမြို့နယ်ပြည်သူ့ကာကွယ်ရေးတပ်ဖွဲ့
#တာ၀န်ရှိသူတစ်ဦး

01/09/2024

သာယာ၀တီခရိုင် မှ တော်လှန်ရေးတပ်ဖွဲ့တခုရဲ့ တာ၀န်ရှိသူနဲ့ မေးမြန်းထားမှု(တော်လှန်ဟင်္သာစကားသံ)

Tharyarwaddy 8 City/ဇူလိုင်၅၊၂၀၂၄

ပဲခူးတိုင်းအနောက်ခြမ်း၊ သာယာ၀တီခရိုင်ထဲတွင် အခြေစိုက်လှုပ်ရှားနေတဲ့ လက်နက်ကိုင်တော်လှန်ရေးတပ်ဖွဲ့တခုဖြစ်သော သာယာ၀တီခရိုင်ပြည်သူ့ကာကွယ်ရေးအဖွဲ့ တာ၀န်ရှိသူ တစ်ဦးဖြစ်တဲ့ ခရိုင်စစ်ရေးတာ၀န်ခံ ရဲဘော်သစ္စာ ကို Tharyarwaddy 8 City သတင်းဌာနမှ အရပ်သားပြည်သူတွေသိသင့်သောမေးခွန်းအချို့မေးမြန်းထားမှုအား "တော်လှန်ဟင်္သာ စကားသံ" အစီအစဉ်ကနေတင်ဆက်ပေးလိုက်ပါတယ်။

၁။ မေး - အကိုတို့အဖွဲ့‌အ‌နေနဲ့ သာယာ၀တီခရိုင်အတွင်းရှိ စစ်ရေးပစ်မှတ်များထဲမှ ဘယ်လို ပစ်မှတ်တွေကို အများဆုံး မစ်ရှင်လုပ်ဆောင်ထားပါသလဲခင်ဗျ။

၁။ ဖြေ - ကျွန်တော်တို့သာယာဝတီခရိုင်ပြည်သူ့ကာကွယ်ရေးအဖွဲ့အနေနဲ့ကတော့ စစ်ကောင်စီကိုပစ်မှတ်ထားတိုက်ခိုက်ပါတယ်အကို၊ နောက်စစ်ကောင်စီထောက်တိုင်အုပ်ကြီး၊ပျူ၊ဒလန်‌ တွေကိုလည်းသေချာစိစစ်သုတ်သင်ပါတယ်။

၂။ မေး - အနီးအနားမှာ အတူရှိနေတဲ့ အဖွဲ့တွေနဲ့ကော ချိတ်ဆက်တာမျိုး၊ အတူတကွမစ်ရှင်ဖော်တာမျိုး၊ မဟာမိတ်ဆက်ဆံရေးဘယ်လိုရှိလည်းခင်ဗျ။

၂။ ဖြေ - ဟုတ်ကဲ့ပါအနီးမှာရှိတဲ့မဟာမိတ်တွေနဲ့လည်းပူးပေါင်းဆောင်ရွက်ပါတယ်။

၃။ မေး - စစ်ရေးပစ်မှတ်တွေထဲမှာ စစ်ကောင်စီကိုသတင်းပေးနေသူတွေဟာ အကိုတို့အတွက် ဘယ်လောက်အထိ အနှောက်အယှက်ဖြစ်ပါသလဲခင်ဗျ။

၃။ ဖြေ - စစ်ရေးပစ်မှတ်မှာကြတော့စစ်ကောင်စီသတင်းပေးဒလန်‌တွေက သတင်းပေးတာမျိုးကအစ၊ ကျနော်တို့အတွက်မစ်ရှင်ဖော်ဆောင်ရာမှာအကြီးမားဆုံးအနှောက်ယှက်ပေးနိုင်ပါတယ်။

၄။ မေး - လက်ရှိတော်လှန်ရေးအခင်းအကျင်းနဲ့ ပြည်သူအားတက်စေမယ့်စကားမျိုး၊ ကတိက၀တ်မျိုး ပေးလို့ရတာရှိရင်ပေးပါအုန်းခင်ဗျ။

၄။ ဖြေ - လက်ရှိတော်လှန်ရေးအခင်းကျင်းကတော့ လက်ဗလာနဲ့စခဲ့ကြပေမဲ့၃နှစ်အတောတွင်းမှာအကြီးမားဆုံးအောင်မြင်ခြင်းပါပဲ။ ပြည်သူတွေကိုပြောချင်တာကအားမလျှော့ကြပါနဲ့တောင့်ခံထားကြပါ။ ပန်းတိုင်နီးကပ်နေပါပြီ၊ သာယာဝတီခရိုင်ပြည်သူ့ကာကွယ်ရေးအဖွဲ့အနေနဲ့ အောင်ပွဲဝင်တဲ့အထိမဆုတ်မနစ်ပြီးဆုံးတဲ့အထိတိုက်ပွဲဝင်သွားပါ့မယ်လို့ပြည်သူတွေကို ကတိစကားပါးလိုပါတယ်ခင်ဗျ။

၅။ မေး - ပြည်သူလုထုဆောင်ရန်ရှောင်ရန်တွေကိုလည်း အရပ်သားပြည်သူ အားလုံး နားလည်နိုင်တဲ့ပုံစံမျိုးနဲ့ ဖြေဆိုပေးပါအုန်းခင်ဗျ။

၅။ ဖြေ - ပြည်သူလူထုရှောင်ရန်ကတော့ အရပ်သားပြည်သူနားလည်အောင်ပြောရရင် စစ်ကောင်စီနဲ့ဝေးတဲ့နေရာမှာနေဖို့ရယ်၊ စစ်ဆင်ရေးအခြေအနေကိုအမြဲတမ်းလေ့လာဖို့ရယ်၊ အသွားလာဆင်ချင်ဖို့ကတော့အချိန်မရွေးတိုက်ပွဲဖြစ်နိုင်တာကြောင့်အထူးသတိရှိဖို့ လေကြောင်း၊လက်နက်ကြီးကာကွယ်ရန်ပုန်းကျင်း၊ ကတုတ်ကျင်း‌တွေတူးဖို့၊ အချိန်မရွေးသတိရှိဖို့ကို ကျွန်‌တော်အနေနဲ့ အထူးသတိပေးလိုပါတယ်။

မေးမြန်းတင်ဆက် - အနတ္တ
တည်းဖြတ်ထုတ်လုပ် - Tharyarwaddy 8 City

=============================

Tharyarwaddy 8 City မှ ရေးသားတင်ပြနေသည့် သတင်းများအား အောက်ပါပလက်ဖောင်းများတွင် ဖက်ရူနိုင်ပါသည်။

Facebook စာမျက်နှာ 👇👇👇
https://www.facebook.com/profile.php?id=100071042152240&mibextid=gik2fB

Telegram ချန်နယ် 👇👇👇
https://t.me/tharyarwaddy8city

YouTube ချန်နယ် 👇👇👇
https://youtube.com/

#သာယာ၀တီခရိုင်
#တော်လှန်ဟင်္သာစကားသံ
#သာယာ၀တီခရိုင်ပြည်သူ့ကာကွယ်ရေးအဖွဲ့
#စစ်ရေးတာ၀န်ခံ
#ပကဖရဲဘော်သစ္စာ

31/08/2024

လက်ပံတန်းမြို့မှ တော်လှန်ရေးတပ်ဖွဲ့တခုရဲ့ တာ၀န်ရှိသူနဲ့ မေးမြန်းထားမှု (တော်လှန်ဟင်္သာ စကားသံ)

Tharyarwaddy 8 City /ဇွန်၂၄၊၂၀၂၄

ပဲခူးတိုင်းအနောက်ခြမ်း၊ သာယာ၀တီခရိုင် ရှစ်မြို့နယ်ထဲက လက်ပံတန်းမြို့နယ်တွင် အခြေစိုက်လှုပ်ရှားနေတဲ့ လက်နက်ကိုင်တော်လှန်ရေးတပ်ဖွဲ့တခုဖြစ်သော ရွှေတန်းမြေပြည်သူ့ကာကွယ်‌ ရေးတပ်ဖွဲ့၏တာ၀န်ရှိသူတစ်ဦးဖြစ်တဲ့ တပ်ဖွဲ့တာ၀န်ခံ ရဲဘော်ကိုကိုအောင် အား Tharyarwaddy 8 City သတင်းဌာနကနေပြီး အရပ်သားပြည်သူတွေကိုယ်စား သိသင့် သိထိုက်သောမေးခွန်းအချို့ကိုမေးမြန်းထားမှုအား "တော်လှန်ဟင်္သာ စကားသံ" အစီအစဉ်ကနေတင်ဆက်ပေးလိုက်ပါတယ်။

၁။ မေး - အကိုတို့အဖွဲ့‌အ‌နေနဲ့ သာယာ၀တီခရိုင်အတွင်းရှိ စစ်ရေးပစ်မှတ်များထဲမှ ဘယ်လို ပစ်မှတ်တွေကို အများဆုံး မစ်ရှင်လုပ်ဆောင်ထားပါသလဲခင်ဗျ။

၁။ ဖြေ - အကိုတို့အဖွဲ့အနေနဲ့က ခရိုင်အတွင်းရှိတဲ့စစ်ရေးပစ်မှတ်တွေထဲက စစ်ကောင်စီရဲ့ အုပ်ချုပ်ရေးယန္တရားကိုအဓိကလည်ပတ်ပေးနေတဲ့ အုပ်ချုပ်ရေးမှူးတွေ၊ စစ်ကောင်စီရဲ့ အထိကဒေါက်တိုင်တွေကိုအများဆုံးရှင်းလင်းလုပ်ဆောင်ထားပါတယ်။

၂။ မေး - အနီးအနားမှာ အတူရှိနေတဲ့ အဖွဲ့တွေနဲ့ကော ချိတ်ဆက်တာမျိုး၊ အတူတကွမစ်ရှင်ဖော်တာမျိုး၊ မဟာမိတ်ဆက်ဆံရေးဘယ်လိုရှိလည်းခင်ဗျ။

၂။ ဖြေ - အကိုတို့ရဲ့ ဆက်စပ်နယ်မြေမှာရှိတဲ့ တော်လှန်ရေးအင်အားစုအားလုံးနဲ့အကိုတို့က မဟာမိတ်ရှိပါတယ်၊ ပူးပေါင်းပြီး‌ တော့လည်းမစ်ရှင်တွေဖော်ဆောင်တာရှိခဲ့ပါတယ်။

၃။ မေး - စစ်ရေးပစ်မှတ်တွေထဲမှာ စစ်ကောင်စီကိုသတင်းပေးနေသူတွေဟာ အကိုတို့အတွက် ဘယ်လောက်အထိ အနှောက်အယှက်ဖြစ်ပါသလဲခင်ဗျ။

၃။ ဖြေ - စစ်ရေးပစ်မှတ်တွေထဲက စစ်ကောင်စီကိုသတင်းပေးနေသူတွေဟာ အကိုတို့အတွက်က‌ တော့အဓိကအနှောက်အယှက်ပါပဲ၊ ဘာဖြစ်လို့လည်းဆိုတော့ အကိုတို့ တော်လှန်ရေးအင်အားစုတွေလုပ်ရမယ့် လုပ်ငန်းစဉ်တွေ၊ ဝောာ်လှန်ရေးအင်အားစုတွေရဲ့မိသားစုရဲ့ လုံခြုံရေးတွေ၊ ဒါတွေအကုန်လုံးကို ဆိုးဆိုးရွားရွားထိခိုက်လာတယ်ဆိုရင်တော့အကိုတို့ကရှင်းလင်းပစ်တာ။

၄။ မေး - လက်ရှိတော်လှန်ရေးအခင်းအကျင်းနဲ့ ပြည်သူအားတက်စေမယ့်စကားမျိုး၊ ကတိက၀တ်မျိုး ပေးလို့ရတာရှိရင်ပေးပါအုန်းခင်ဗျ။

၄။ ဖြေ - အကိုတို့မှာလက်နက်အင်အားပြည့်စုံမှုအလွန်နည်းပါးနေပါတယ်၊ ဒါပေမယ့် တော်လှန်ရေးအင်အားစုတခုကတော့ ခိုင်မာအောင်၊ ကျစ်လစ်အောင်တည်ဆောက်ပြီးတော့ ဆက်လက်ကြိုးစားနေစဲဖြစ်တယ်၊ ဒါကြောင့် ဒီပြည်သူတွေအတွက်လည်း အကိုတို့တော်လှန်ရေးရဲဘော်တွေအနေနဲ့ကတော့ လုပ်နိုင်တာထက်ပိုပြီးလုပ်နိုင်အောင်လို့ ဆက်လက်ကြိုးစားနေပါတယ်၊ ပြည်သူတွေကိုလည်း အကိုတို့တော်လှန်ရေးအဖွဲ့အစည်းတွေကိုနိုင်တဲ့ဘက်ကနေပြီးတော့ ဝိုင်း၀န်းကူညီပေးကြဖို့ကိုလည်း မေတ္တာရပ်ခံချင်တယ်ပေါ့နော်။

၅။ မေး - ပြည်သူလုထုဆောင်ရန်ရှောင်ရန်တွေကိုလည်း အရပ်သားပြည်သူ အားလုံး နားလည်နိုင်တဲ့ပုံစံမျိုးနဲ့ ဖြေဆိုပေးပါအုန်းခင်ဗျ။

၅။ ဖြေ - အကိုတို့က ပြည်သူတွေကိုပြောချင်တာကတော့ စကစနဲ့ပတ်သက်တဲ့နေရာတွေ၊စီးပွားရေးလုပ်ငန်းတွေ အကုန်လုံးကို ပြည်သူတွေအနေနဲ့ ကတော့Boycott လုပ်ထားစေချင်တယ်ပေါ့နော်၊ ဒီစစ်ကောင်စီရဲ့ အုပ်ချုပ်ရေးယန္တရားမှာ ပါ၀င်ပတ်သက်နေတဲ့သူတွေနဲ့ ကင်းကင်းရှင်းရှင်းလေး နေပေးဖို့ကိုလည်း ပြည်သူကိုတောင်းဆိုချင်ပါတယ်။

မေးမြန်းတင်ဆက် - ဇေယျာလင်း
တည်းဖြတ်ထုတ်လုပ် - Tharyarwaddy 8 City

=============================

Tharyarwaddy 8 City မှ ရေးသားတင်ပြနေသည့် သတင်းများအား အောက်ပါပလက်ဖောင်းများတွင် ဖက်ရူနိုင်ပါသည်။

Facebook စာမျက်နှာ 👇👇👇
https://www.facebook.com/profile.php?id=100071042152240&mibextid=gik2fB

Telegram ချန်နယ် 👇👇👇
https://t.me/tharyarwaddy8city

YouTube ချန်နယ် 👇👇👇
https://youtube.com/

#လက်ပံတန်း
#တော်လှန်‌ဟင်္သာစကားသံ
#ရွှေတန်းမြေပြည်သူ့ကာကွယ်ရေးတပ်ဖွဲ့
#တာ၀န်ခံ #ရဲဘော်ကိုကိုအောင်

29/08/2024

သာယာ၀တီမြို့မှ တော်လှန်ရေးတပ်ဖွဲ့တခုရဲ့ တာ၀န်ရှိသူနဲ့ မေးမြန်းထားမှု(တော်လှန်ဟင်္သာစကားသံ)

Tharyarwaddy 8 City / ဇွန်၂၅၊၂၀၂၄

ပဲခူးတိုင်းအနောက်ခြမ်း၊ သာယာ၀တီခရိုင်ရှစ်မြို့နယ်ထဲက သာယာ၀တီမြို့နယ်တွင် အခြေစိုက်လှုပ်ရှားနေတဲ့ လက်နက်ကိုင်တော်လှန်ရေးတပ်ဖွဲ့တခုဖြစ်သော သာယာ၀တီဂဠုန်တပ်ဖွဲ့၏တာ၀န်ရှိသူဖြစ်တဲ့ မြေပြင်စစ်ဆင်ရေးခေါင်းဆောင် ရဲဘော်သားငယ် ကို Tharyarwaddy 8 City သတင်းဌာနမှ အရပ်သားပြည်သူတွေသိသင့်သောမေးခွန်းအချို့မေးမြန်းထားမှုကို "တော်လှန်ဟင်္သာ စကားသံ" အစီအစဉ်ကနေ တင်ဆက်ပေးလိုက်ပါတယ်။

၁။ မေး - အကိုတို့အဖွဲ့‌အ‌နေနဲ့ သာယာ၀တီခရိုင်အတွင်းရှိ စစ်ရေးပစ်မှတ်များထဲမှ ဘယ်လို ပစ်မှတ်တွေကို အများဆုံး မစ်ရှင်လုပ်ဆောင်ထားပါသလဲရှင့်။

၁။ ဖြေ - စစ်ကောင်စီရဲ့ အုပ်ချုပ်ရေးထောက်တိုင်တွေပါ။

၂။ မေး - အနီးအနားမှာ အတူရှိနေတဲ့ အဖွဲ့တွေနဲ့ကော ချိတ်ဆက်တာမျိုး၊ အတူတကွမစ်ရှင်ဖော်တာမျိုး၊ မဟာမိတ်ဆက်ဆံရေးဘယ်လိုရှိလည်းရှင့်။

၂။ ဖြေ - ရိုးမတွင်း စကစ စစ်ကြောင်းတွေကိုဆို
အတူပူးပေါင်း တိုက်ခိုက်တာမျိုး ရှိသလို၊ ရံဖန်ရံကာ မြို့ပြစစ်ဆင်ရေးတွေကိုလည်း သူ့မြို့နယ်၊ ကိုယ့်မြို့နယ် မစ်ရှင် ပူးပေါင်း ဖော်ဆောင်တာမျိုး ရှိပါတယ်။

၃။ မေး - စစ်ရေးပစ်မှတ်တွေထဲမှာ စစ်ကောင်စီကိုသတင်းပေးနေသူတွေဟာ အကိုတို့အတွက် ဘယ်လောက်အထိ အနှောက်အယှက်ဖြစ်ပါသလဲရှင့်။

၃။ ဖြေ - သတင်းပေးဒလန်တွေကြောင့် ဆုံးရှုံးနစ်နာမှုတွေ အများကြီးရှိခဲ့တယ်။ အထိုင်စခန်းတွေ ပါခဲ့ဖူးတယ်။ ရဲဘော်တွေသွားလာတဲ့ လမ်းပေါ်မှာ ချောင်းမြောင်း ပစ်ခတ်ခံခဲ့ရပါတယ်။

၄။ မေး - လက်ရှိတော်လှန်ရေးအခင်းအကျင်းနဲ့ ပြည်သူအားတက်စေမယ့်စကားမျိုး၊ ကတိက၀တ်မျိုး ပေးလို့ရတာရှိရင်ပေးပါအုန်းရှင့်။

၄။ ဖြေ - ကတိစကားတွေဆိုတာ အပေါစားဆန်ပါတယ်။ ဂဠုန်တပ်ဖွဲ့ဝင်တွေဟာ ပြည်သူတွေ စစ်ကျွန်ဘဝက လွတ်ဖို့ ကိုယ့်အသက်နဲ့ ဘဝတွေကို ပြည်သူ့အတွက် စတေးခံထားကြသူတွေပါပဲ။

၅။ မေး - ပြည်သူလုထုဆောင်ရန်ရှောင်ရန်တွေကိုလည်း အရပ်သားပြည်သူ အားလုံး နားလည်နိုင်တဲ့ပုံစံမျိုးနဲ့ ဖြေဆိုပေးပါအုန်းရှင့်။

၅။ ဖြေ - ပြည်သူတွေ အရာရာ မပေါ့မလျှော့ သတိကပ် သွားလာနေထိုင်ကြဖို့လိုပါမယ်။ ဥပမာ ကိုယ့်အနီအနား စစ်*၊ ရဲ*နဲ့ အုပ်ကြီးတွေ့ရင် မကြာခင်သူတို့ကို တနေရာရာက လာပစ်ခတ်ကြတော့မှာ၊ ငါတို့ လွတ်လွတ်ရှောင်နေမှဆိုတဲ့ အသိ သတိမျိုးကို ရှိနေစေချင်တာ။

မေးမြန်းတင်ဆက် - ၀တီမောင်
တည်းဖြတ်ထုတ်လုပ် - Tharyarwaddy 8 City

=============================

Tharyarwaddy 8 City မှ ရေးသားတင်ပြနေသည့် သတင်းများအား အောက်ပါပလက်ဖောင်းများတွင် ဖက်ရူနိုင်ပါသည်။

Facebook စာမျက်နှာ 👇👇👇
https://www.facebook.com/profile.php?id=100071042152240&mibextid=gik2fB

Telegram ချန်နယ် 👇👇👇
https://t.me/tharyarwaddy8city

YouTube ချန်နယ် 👇👇👇
https://youtube.com/

#သာယာ၀တီ
#တော်လှန်ဟင်္သာစကားသံ
#သာယာ၀တီဂဠုန်တပ်ဖွဲ့
#မြေပြင်စစ်ဆင်ရေးခေါင်းဆောင်
#ရဲဘော်သားငယ်

29/08/2024

3+35🏃 ၂၀++အောင်ဇော်ရေအမျှအမျှ😅

သာယာဝတီခရိုင် PDF News

13/03/2025

11/02/2025

11/02/2025

06/02/2025

27/12/2024

22/11/2024

05/11/2024

01/09/2024

31/08/2024

29/08/2024

29/08/2024

Address

Website

Alerts

Shortcuts

Share

Category