Zomi Laizom Media, Tiddim (2026)

24/01/2023

Bangbang ahi zongin, ki teelna pen apiang thei ding in bawl to ding...!

Zomi Laizom News
Zogam, 2023. Tuesday. January 24

Muti-party democratic system pen ih zattoh ahih manin, bangbang ahi zongin suakta tak in thuman na tawh ki teelna bawl ding in SAC makaipi Major General Min Aung Hlaing in gen hi.

January 23 ni-in aki bawl SAC ii(1/2023) meeting ah amah in atung a thubang in gen khia hi. Major General Min Aung Hlaing in "multi-party democratic system ah ih zattoh ahih manin, bangbang ahi zongin suakta tak in thuman na tawh ki teelna bawlzawh nading, hanciam tak in sep toh kul ahih na, mipi te khempeuh kikal ah a-awng omlo in, mee piak zawh nading, ki kuppih khitsa EAOs ki pawlna te tawh zong multi-party democratic system pen abulpi Union system lam nading ah principle thukim na omkhin ahih teh gamsung khempeuh ah a-awng na omlo, ki teelna bawlzawh ding, mipi te khempeuh alau thawngsak, haksat na omlo in suakta tak in, lungsim te pulak aa, mee piak zawh nading a masa in septoh ding hi, ci-in gen hi.

NUG leh PDF te apaa, CNF, KNPP, TNLA te in SAC bawlding ki teelna pen sang zolo leh apiang theihloh nading in, susia ding cih pen pulak khia ciat khin uh hi. SAC makaipi in pen ki teelna bawl nading in, political parties te om kul ding, tua hi-in political parties ten registration pen law tawh ki tuak in lak khiat theih ding thupi mahmah, aki sam tuamtuam te ki gingkholh khit teh party man ahih na pulak khia ding ci hi.

Tua bang mahin Election Commission lampan zong party te pen, registration bawl nate ah Constitution law tawh ki tuaklo, political parties hih loh nading, Election Commission Offices zong kimtak in hon zawh naang, geel toh ding leh mee sazian te hong mantoh nading in, ki gingkholh sa in, septoh kawm ding ahi, ci-in Election Commission in gen hi.

Tulai tak in PDF leh thautawi pawl khat ten လ.ဝ.က offices leh Election Commission Branches te mei tawh hal in suksiat na tawh ki teelna hong omloh naang, lak na in, langpang na te lak khia uh hi.

Tua khit teh political parties leh political analyst te in ah, polling station te security om le omloh, mipi te leh candidate te security omsak zawh leh zawhloh cih te bang dan in responsibilities hong nei to uh tam, cih pen ih et toh ding hong kisam ding hi, cih tawh lakkhia uh hi.

Note: SAC in ki teelna pen pello in bawlding in, geel ahih teh, hih theih natek pan pang in, omsak lo ding hi hang.
Zomi Laizom Media
Please: Like & Share

24/01/2023

Russia leh Estonia te-in, a gamtuak vua ambassadors te uh, khawlkhia tuak uh..!

Zomi Laizom News
Zogam, 2023. Tuesday. January 24

Russia leh Estonia te-in, amau gamtuak sung aom ambassadors te uh, monday in aki bang un khawlkhia tuak uh hi, ci-in AP news in pulak hi.

Ukraine issue tawh ki zui-in gamnih kikal ki zopna te kiasuk in, gam nih ambassadors ki zopna zong a niampen ciangd**g, representative ki zopna ah zong a niampen ahih ding in sep ding hi, ci-in pulak uh hi.

Baltic gam tawh ki thutuah na uh lakkawm inah, Latvia gam inzong Russia tawh ambassadors ki zopna pen February 24 nipan kipan in khiamsuk ding, ci-in pulak uh hi. Russian Foreign Ministry in Estonian ambassador - Margus Laidre pen sam in, February 7 ni ma-in hih gamsung pan pusuak khia in, ci-in thupia khin uh hi.

Estonia gam tawh ambassador ki zopna pen tu hunpan kipan khiamsuk ding, ci-in Ministry of Foreign Affairs lampan pulak na thu aneih na vuah, gen khia uh hi.

Tallin khuapi aom, Russian ambassy pen ahih naciang pan khiamsuk in, Estonia lampan lawmta dan in abawl loh na hang un, hi dan in akhawlkhia hi ung, ci-in Russian Foreign Ministry te pulak na ah ki hel hi.

Tua thu, thukkik na hang in, Estonian Foreign Minister - Urmas Reinsalu zong Russian ambassador pen February 7 ni ma-in gamsung panin apusuah ding gen khin uh ahi hi

Tua thu hangin, Latvia ten zong Estonia tawh sisan khat ah omkhawm ung cih alak na un, February 24 nipan kipan Russia tawh ambassador ki zopna te pen khiamsuk ding hi ung, ci-in Foreign Minister in tiwtter ah gelh khia hi.

February 1 nipan kipan Russian ambassy ah representatives 8, operating, technical leh service staff 15 ciang d**g khiamsuk ding in, Estonian Foreign Ministry in tukha kipan cil lam in thupiak na nei khin hi. Estonia in Russia pen Ukraine ah buaina akipat apan kipan tua tawh aki bang lian mah in, ki zopna khempeuh dektak phial pen a niampen dinmun ah khiamsuk uh ahihna - Reinselu in gen hi.

Tua pen Estonia makai te lampan Russia tawh ki zopna khempeuh pen ngaihsut na omtak in a susia uh ahi, cih pen Russian Foreign Ministry in thuk kik na gen hi.

Zomi Laizom Media
Please : Like & Share

24/01/2023

Shanni(Tain Lien)Solidarity Party(SSP)candidate khat ki that ...!

Zomi Laizom News
Zogam, 2023. Tuesday. January 24

Kachin State, Namman Township, Shanni(Tain Lien)Solidarity Party(SSP)candidate khat ahi - U Tin Nyunt pen tuni january 24 ni-in, amin ki theilo mi pawlkhat in thau tawh kaplum hi, ci-in ki thei hi.

Namman myo sung ah Niangtui sai khat ah thau tawh kapna thuak ahih na, banghang in thah na thuak hiam cih pen thei nailo hi ung, ci-in SSP candidate khat in gen hi.

Amah in "hih atuah na pen Namman Niangtui sai ah cih za ing, zingsang nai 8 pawl hing teh, lang khat lam ten bang dan in muhdah na tawh that uh ahi hiam theilo hing. Amah pen ahi hithiat mi khat hi-in, thu manna tawh nasem in tua tawh aki vak mi khat ahi hi, Huhna piak/nasep lam ah zong ahih theih bang in mapang mahmah mi khat hi" ci-in gen hi.

Thau tawh kaplup thuak - U Tin Nyunt pen 2020 ki teelpi lai-in, Kachin state Amyotha Hlutdaw constituency No.7 ah, Shanni(Tain Lien)Solidarity Party(SSP)ah ki teelna dem in, tuah zong agual lel khat zong ahi, ci-in ki thei hi.

Mimal sazian kaihkhop na-ah, zui zel ahih teh tua hang in ki mudah aa, na ki that/kaplum uh zong hi thèi in teh, ci-in SSP candidate khat in gen hi.

SAC in August khasung ki teelna bawlzawh nading in january 9 nipan kipan in, mimal sazian te kaikhawm uh hi. Tua pan in, revolution thautawi ki pawlna lampan in zong, mimal sazian kaikhawm Hausa te, Administrators te leh a zui mimal khempeuh te ciamteh in simna(thahna)cih te zong hong omto hi.

Hi dan thu tawh ki bang mah in, abeisa 2015 ki teelpi ma deuh in zong, Tain Lien(Shanni)National Development Party(TNDP)pan party members ahi - Ko Kam Sat leh Ko Tun Lwin te zong tua hun in thahna mah thuak ngei uh hi.

Zomi Laizom Media
Please : Like & Share

24/01/2023

General Yaw Sis, SAC Makaipi tawh kimu dingin Nyi Pyi Taw pai ding...!

Zomi Laizom News
Zogam, 2023. Tuesday. January 24

RCSS/SSA makaipi General Yaw Sis pen SAC makaipi Major General Min Aung Hlaing tawh ki mu dingin, asawt lo in Nyi Pyi Taw ah pai ding hi, ci-in RCSS/SSA te neih Tai Freedom news ah gelh khia uh hi.

RCSS/SSA te khualzin nading vuah, Delegation pen General Yaw Sis in makaih in Central Committe ahi, Colonel Song Han, Lieutenant Colonel Oh Khyi, Central Steering Committe members ahi- Major Nan Moe Moe Saw, Major Nan Sang Phawe leh Support team te ki hel ding uh hi, cih ki thei hi.

Tua teh SAC makaipi Major General Min Aung Hlaing leh SAC peace - making team te tawh ki mu ding uh hi-in, tulaitak gamvai ah daihna ding nasep vaite, Bilateral apaa, thu tuamtuam te leh ki Muanna lamkhiat danding nasep vai cihte ki kumto ding uh ahi hi, ci-in Tai Freedom news in gelh khia hi.

Ahih hangin bang hun leh bang ni te ah pai ding uh hiam cih pen gelh na neilo uh hi. A ki naipih ten bel agen na vuah, tuni Nyi Pyi Taw tung thei ding uh hi, ci-in gen uh hi.

General Yaw Sis pen 2022 May kha in ah Nyi Pyi Taw pai-in, Major General Min Aung Hlaing leh SAC peace - making team te tawh ki mu khin in, suahtak na lampi te thu kikup in nei uh hi.

RCSS/ SSA pen NCA ah letmat a thuh khin sa, Shan thautawi ki pawlna lian khat ahi hi.

Zomi Laizom Media
Please : Like & Share

24/01/2023

Monterey Park khuapi ah ki kapna piang, mi 10 si, 10 sang tamzaw liam. !

Zomi Laizom News
Zogam, 2023. Tuesday. January 24

California southern ah Asia minam tampi omna khuapi ah ki kapna khat piang in, atawm pen mi 10 si in, 10 sang tamzaw liam hi, ci-in AP news in gen khia hi.

Ki kapna ah mikhialpa pen taisim in suakta laiphot hi , ci-in police lam ten sunday in gen uh hi. Khua mi te ahih leh Sen kumthak dawn in omlai tak uh, Monterey Park khuapi ah lamna aki lak na mun ah thau tawi pa in akap ahi hi. Semi-Automatic thau namte zang hi, ci-in mitmuh te-ci te in gen uh hi.

Thau tawh mi kappa ahi aa, azat thau in bang nam cih te tawh ki sai Police lampan bang mah pulakna nei nailo uh hi. Ki kapna apiangna mun pen- Los Angeles khuapi laizang akhang lamdeuh 13 kilometers ki gamlak na ah ahi hi.

Monterey Park aa, ki kap khialh na tawh ki sai in Local Authorities(mipi thunei te)te tung ah huhna, ki cingtak aa ahuh nading un - President Joe Biden in FBI tetung ah thupia hi, ci-in White House Press Secretary - Karine Jean-Pierre in tiwtter ah gelh khia hi.

Note: US aom sanggam Zomi pih khempeuh in : tulai koikoi ah khua hun sia tektek ahih man in, Mipih te aw..na-na pilvaang mahmah un cih, aki phawksak phapha hi hang.

Zomi Laizom Media
Please : Like Share

24/01/2023

Ki teelna hong kibawl theihkei leh bang hong piangto ding..!

Zomi Laizom News
Zogam, 2023, Tuesday, January 24

Kawlgam ah ki teelna hong kibawl theihkei leh bang hong piangto ding hiam, cih tawh ki sai in dotna tampi te tawh ki zui in, gamvai ah thukan te sungpan in thupi/limtak in ki kupna tampi om hi.

2008 Constitution tawh ki tuak in, ki teelna aki bawl theihkei leh 2008 Constitution pen ki sai or bei ding hi, ci-in Mon Unity Party(MUP)pan spokesperson ahi, Nai Than Shwe in gen hi.

Hong paiding August kha sung aa, ki bawlding ki teelna ah-a zo party tung ah thuneih na teng ki ap ding hi, ci-in SAC makaipi in gen khia hi.

Hih ki teelna pen SAC te gamvai ah a pusuahkhiat nading uh ahih na leh ahi theilo in ki teelna hong om sak teitei ding uh hi, ci-in gamvai thukan ahi- U Than Soe Naing in gen na nei hi.

Ki teelna hong om zawh kei aa, ahih leh pen hih 2008 Constitution pen om nawnlo ding hi, ci-in Kachin politician - U Kuan Goung Aung Kham in gen hi.

2023 ki teelna pen SAC in amau le amau gamvai ah suahtakna(pusuahkhiatna) ahih nading pen lam-en uh ahih man un, Tu-a ki teelna ding pen - ih hih theihna bangbang tek tawh hanciam in, hong ki bawl theih loh nading in hanciam in ih omsak loh ding hi, ci-in National Unity Government(NUG) interim president ahi - Duwal Shila in, 2022 October 11 ni-in genna nei khia khin hi.

Adang khat ah, SAC in ki teelna apiang theih nading in, Mimal sazian kaihkhop na pen SAC lampan in ki panpan ta uh ahi hi. Mipi ten khak theih na bang tek tawh, ki teelna hong omloh naang in, hamciam ciat ni.

Zomi Laizom Media
Please : Like & Share

19/01/2023

Nidang Teh, Kalay Township le Tamu Township, Hih Mun Lianpi Nih Hong Ki Tuh Ding, Thautawi Pawl Lian-Pawl 4 Te.!.

Zomi Laizom News
Zogam, 2023. Thursday. January 19

Leitung gam tuamtuam te, ih et teh Federal Democracy gam tampi ki om hi. Federal pen atom in hi leh- ei leh ei vaikhawmna ci-ni, Democracy pen atom in hi leh- suaktak na/suakta tak in vai khawm na, atom in hi dan ci phot ni.

Kawlgam ah khuahun hong hoih hi in, Federal Democracy gam bang in, aki ki uk to hi zen le hang, tua Federal Democracy pen Ethics khempeuh in zong hong deih to lai ding ahi hi. Shan State en pak le hang, Shan State ah Self-autonomous regions leh Self-autonomous regionals ngah om uh hi. Hih te pen, Shan State sungpan Ethics te ngah ahi hi.

Kawlgam khua hun hong hoih to henla hileh, State 7 leh Region 7 te sung pan Ethics ten State or Autonomous pen pello in, ki deih tek, ki ngen tek ding ahi hi. Tu-in Wa te bang in ahih leh Autonomous region pan State ah adeih uh hita in, State angah nading un, ahanciam lai tak uh ahi hi. Tua lo , PaLong, PaAih, KuKan,etc.,.hong tam mahmah hi.

Tua sung ah, Chin State sung pan in zong , Ethics tampi in State or Autonomous ki deih tek ahi hi. Zomi, Asho, Khumi, Zangiat, Gualngo,.cih bang in Ethics tampi in ih deih tek ahi, State or Autonomous ki ngen tek ding ahi hi. Tua ahih manin State or Autonomous ih ngah theih nading in, amun, amual hong ki sam ahi hi.

Ih gen noppi in ahih leh, Tu mahmah lian in zong hih Kawlpi Township leh Tamu Township pen State or Autonomous ih neih teh nakpi in kisam mahmah ding ahih manin, hih munpi nih te hong ki tuh ding thautawi pawl lian-pawl 4 ding hong om ta hi. Tua te in :
01. Zomi Revolutionary Army EC(ZRA EC)
02. Chin National Army(CNA)
03. Kuki National Army(KNA)
04. Shanni Nationalities Army(SNA)
Hih thautawi pawllian 4 teng in, amau ukna gam/estate agen na tek vuah, hih Kalay le Tamu pen ki khel sak hamtang uh hi.

Shan gam ah thautawi khat le khat aki do na un, bang hang ahia, ih cih leh gam ki tuh uh na hi mawk uh hi. Tua ahih manin , hun hong paito henla hileh, hih khuapi nih huam teng pen hong ki tuh uh apha mawh ahi hi. Tu in, Kuki ten zong ko ahi ci, Chin ten zong ko ahi ci, Shanni ten zong ko ahi ci, Shanni ten bang tu-in State angah nading un vaipuak la ding ki pawlna liankhat phuan uh, Zomi in zong ko ahi ci, tualo thautawi ki pawlna neu tuamtuam (Ethics tuamtuam)ten zong ko ahi hong ci tek nuam ding uh hi.

Tua ahih man in, Hih Kawlpi leh Tamu pen apello in, atung a thautawi pawllian-pawl 4 te in , Ni khat ni tak teh State or Autonomous deih in hih mun lianpi nih hong tuh un, hong ki do pel mawh ding uh ahi hi. Tua ahih manin, masuan ding tampi leh sep ding tampi aom lam Zomi te phawk in, Zomi sung ah ki pumkhat na, ki thu tuah na , ih neih hun mahmah ta ahi, cih pen ih phawk kim ciat ding in ,ih ki deihsak hi.

Zomi State or Zomi Autonomous Region ading in, ih gam mun ding in, hih Kawlpi leh Tamu township deihlo ding ih hi hiam,? Ethics tuamtuam dang te khutsung tun ding deih ih hi hiam? .,ngaihsun pha ni.! Hun khat teitei teh hih mun lian nih ki tuh in, ih ki tot, ih ki sel, ih ki do loh hong pha mawh hangtang ding ahi hi.

Tua ahih manin , ki gin kholh val omlo ding ahi hi. Thu le La tawh ki gin kholh na nei in, tua lo a vui,a tang leh kawl khut ciang tawi ding a mimal mahmah zong ih ki gin kholh ding nakpi in ki sam pha mahmah ding ahi hi. Zomi State or Zomi Autonomous in ahih leh, Kalay Township, Tamu Township, Tedim Township leh Tonzang Township hi, ci-a midang tung ah ih ki sialh ding kal ngak lah lo maw .? Midang te gam ding in, hih ih gam te Nang phal ding maw? Ki pumkhat a-ih sepkhop kei leh, nidang teh Zomi State or Zomi Autonomous cih te ngahlo ding ih hi hi.

Zomi te ki pumkhat in, sem khawm ta ve ni.! Gam leh Nam ading in.

Zomi Laizom Media
Please : Like & Share

Zomi Laizom Media

24/01/2023

24/01/2023

24/01/2023

24/01/2023

24/01/2023

24/01/2023

19/01/2023

Address

Website

Alerts

Contact The Business

Shortcuts

Share

Category