Vongmual Times, Pu Son Sing Street, Tiddim (2026)

03/06/2026

နပိုလီယံသေခါနီးမှာ_ဒီလိုစကားတစ်ခွန်း
ပြောခဲ့သတဲ့။

" ငါဟာ တစ်ချိန်က စစ်သည်ရဲမက် သိန်းသန်းပေါင်း များစွကို ဦးဆောင် အမိန့်ပေးခဲ့တယ်။

အခုတော့ ငါ့ဘေးမှာ ဗလာနတ္တိ၊

ငါဟာ တစ်ချိန်က တိုက်ကြီး သုံးတိုက်ကို
တိုက်ခိုက် သိမ်းပိုက် ခဲ့တယ်။

အခုတော့ ခြေကုပ်ချဖို့ တစ်နေရာစာ မရှိခဲ့
ဘူး၊၊

Jesus က ငါ့ထက် အများကြီး အောင်နိုင်ခဲ့
တယ်။

သူ့မှာ စစ်သည်ရဲမက် တစ်ယောက်မှ မရှိ
ဘူး၊၊

မြေ တစ်လက်မလေးတောင် မသိမ်းပိုက်ခဲ့
ဖူးဘူး၊

ဒါပေမယ့် သူ့ရဲ့တိုင်းပြည်ကို လူ သိန်းသန်း

ပေါင်း များစွာရဲ့ရင်ထဲမှာ တည်ထားနိုင်ခဲ့
တယ်"

မေတ္တာဆိုတာ လက်နက်ထက် ထက်ပြီး လူ

သား အားလုံးရဲ့စိတ်ဝိညာဉ်ကို သိမ်းပိုက်နိုင်
တဲ့ အရာပါ။

မျိုးဆက် တစ်ဆက်ကနေ မျိုးဆက်တစ်ဆက်

အား လက်ဆင့်ကမ်းနိုင်တဲ့ အရာကသာလျှင်
တကယ့် အဓိပ္ပာယ် ရှိတဲ့ အရာ ဖြစ်တယ်။

Copy # #
Paste # #

Credit $$$

03/06/2026

Saying...

10/05/2026

KA NU KA IT MAHMAH HI

Ka nu in hong it mahmah a, kei zong ka it hi. Ka nu pen thanuam in nasep hat a, nasep hanciam mahmah hi. A damnak leh tukhong mawkmawk cih om ngeilo a, na sem den hi. Zingsang thobaih mahmah in an neek ding abaih sa in koih den hi. Zingsang lokuan baih mahmah a, nitak ciang zong ciah hak hi. Sun in khawlkhawl cih bang omlo a na sep hahkat mahmah hi. K*m simin lo zapipi (lianpipi) kho ta leh lo nasep silel (lo zo hak) cih bang om ngeilo hi.
Ka nu pen thanuam mahmah a, numei nasep bek hi loin, pasal te’ nasep te zong sem thei hi. Lokho mi ahih man in lokuan kawm in thang (zusa/vasa, sakoh thang) zong bawl thei hi. A thang bawlna pan in Sakuh, akpa(gam-ak) leh zusa tampi man ngei hi. Gam sungah haliam (hakai tawh ki bang) atawh ciangin midangte sangin tamngah phadiak in zong limci pha deuh se hi.
Ka pa uh k*mpi na sem ahih hangin ka pa khasum in neek leh dawn ding leh ko unau sangkah na ding tawh ki cing zolo hi. Ka pa in innpi vaipuak tawh thuah ahih man in sum zatna ki cing thei peuh mah lo hi. Tua ahih man in ka nu in k*m sim in vaimim lei leh buh lei kho tawntung a, ama khawh sa tawh k*m khat sung an neek ding ka nei uh hi. Inn a khawisa ak, vok, ui leh sial te zuak in sum bat ka loh zel uh hi. Ka pu te’n sial khat hong pia uh a, ci suah in ano suak sak zel in agol pian teh ka zuak zelzel uh hi. Tua bang teng tawh ka unau tengun sang akah zo ka suak uh hi.
Ka nu pen Dawi bia, Siamp**e’ innsung pan akhang khia ahih manin zuu leh sa pen nethei mahmah hi. Tuibuk muamin zaa zong tep thei hi. Ka pa tawh a kiteen in zong ka nu piangthak nailo hi. Ka p**e kiangah ansim in ka pai uh ciangin zong ka nu in Zozuu dawn thei hi. Ka pi uh pen tuibuk uuk in, lim muam mahmah a, ahih hangin tuibuk teep zolo hi. Ka pi in aduh mahmah tuibuk pen ka nu in tepsak den a, tuibuk ki tabawi sak ngeilo ahih manin ka pi nuam mahmah hi. Ka nu in kuan na sem kawm sa in tuibuuk teep thei hi. Lokuan nasem gim mahmah na pi in, inn hong tun ciangin tuibuukte khaih den hi. Ka pa zong phunphun selo in ka nu in khamtheih, guihtheih azat nawnloh nadingin (apiangthak nadingin) thunget sak den hi.

K*m (10) ka phak k*m 1995 k*m in Lawibual Tuiphum Pawlpi te in Crusade bawl in tualai ah Sia Hau Khan Pau in hong vei lua ahih manin Pawisim dingin ka nu tawh hong paipih a, tua Crusade sungah Evan Langh Do Khup tungtawn in ka nu hong piangthak ahih manin guihtheih khamtheih te zang nawnlo pah lian hi. Ka nu apian thak ciangin kap**e in zuu apiak uh hangin dawnnuam nawnlo hi. Khuapihte in lamdang sa mahmah hi. Ka nu in kap**e ka nunote adingin zong thunget sak den hi.
Ka nu apiangthak ciangin mite in nopneh in simmawh bawl uh hi. Khat vei Biakinn ah Crudsade khat om a, tua lai ah seidei-in alamlam laitak in khuapih tangval kiphasak pawlkhat in innheng panin a khaksawh naphih uh hi.
Ko Unau adingin nisim in thu hong ngetsak den a, Sangkah ding khawng ka thadah uh ciangin kanu in tha hong pia den hi. Anlim meh lim a om ciangin ka nu in ama neek tang hongpia den hi. Zu sim ansim na khat peuh aom ciangin ka nu in bangmah ne ngam lo in ama neek tangteng inn ah hong puak den hi. Ka nu in cintui guh kaang liang in na sem a, ko ading ahih theih tawp in hanciam hi. Mun dangah zong sang ka kah ciangin ka nu in kawlkai ka uk lam hong thei ahih manin hong sitsak den hi. Ka nu in ka Unau un na sep silbawl dan hoih tak in hong pantah ahih manin mite’ lak ah kapai uh ciangin midang te tawh na ka sem khawm thei pah lel uh hi. Ka nu tawh singpua, lokuan, ansu in ka om uh a, nuam ka sa mahmah uh hi.
Ka khua uh ah ka pa pen Upen ahih loh hangin vai tuamtuam hangin innpi tavuan la hi. Ka inn uh pen kapa pi in alamsa hi a, amun hoih in a inn zong hoih in zat nuam leh zat cing mahmah hi. Khual zin gam vak te’ in zin tun na ding nuam sa in zin le leeng ki tawlnga ngeilo hi. Ka pa pen pawlpi Upa hi a, Pawlpi vai zin khempeuh ko kiangah ki tung sak hi. Khua lam nuntak pen na khempeuh thatang zatna vive hi a, anneek ding vaimin leh buh na ngawn ki su den hi. Ka nu in ko innkuan ading leh zin le leeng te adingin na sem in buai mahmah hi.
Hih bangin ka nu in na sem in gim le tawl ing ci loin ko innkuan ading le zin le leeng te ading asiam tawp in na asep na te hangin ko a tate’ ka ki pakna uh leh ka angtang mahmah na uh hong suak hi. Ka nu hong khual na leh hong deih sak nate hangin ka nuam mahmah hi. Leitung ah ih nu leh ih pa lo adang hong it zaw leh hong deih sak zaw kua mah om hetlo hi…

Source:
A lam dang Pasian khutma. pp. 35-36

04/05/2026

VONGMUAL YOUTH ASSOCIATION (M.Y.A)

Vongmual khangno ki pawlna thu hong gelh sak T**a leh Magazine Committe te tungah lungdamna kong ko masa hi. Lai gelh thei ding tampi tak omna pi-in kei nong gelh sak manun ka lungdam mahmah hi. Gelh khelhna a om leh telsiamna tawh nong na maisak nading un hong thum masa nuam ing!
Lai gelh pa tangthu a tom in:
Gualnam tate lak ah a neupen Pu Zuisang suan leh khak khang ((15) suante ka hi ta uh hi. Vongmual khua sat Pu Son Sing nau pa Pu Suah Khoi tupa Khoi Za Khup leh Pi Vungh Khaw Cing te tapa lina ka hi a, Pa Nang Sian Mung (AG.T.I 1993) in man, 1994 Nov. kha Malaysia pai 1997 Jan. Yangon tung kik in k*m 6 sung Tedim Electric ah sem in, Tua pan in Malay pai kik ing. 1997 k*m in zi nei in – A min Zen Ciang tapa 4 leh tanu khat tawh tu laitak U.S.A ah ka om uh hi. Ka U pen Pa Kam Suangh B.Sc (S.A.T) Paletwa ah 1991 k*m in hong nusia hi. Pa Nang Suan Pau, Nu Ning Ng*ih Mun, Nu Zen Lam Niang leh Nu Nian Khan Ng*i te hi in, zi leh pasal nei in ta nei tek uh hi.

Lungdamna thu hong tung:-
Khua sungah dawimangpa na sepna hangin ki lemlo na hong om ciangin lungsim ki tam zan in ki om hi. Hih buai na pen T**a'n kei hong sapna hi ding hi cih pen ka Pu Sut Gawh Cin in thu muh na nei in, na Innkuan sung uh ah khat peuh mah in Jesuh gupkhiat na ngah ding in mu ingh ci-in hong gen hi. Tua hun in bel Jesuh san ding pen ng*ih sutna ah omlo hi. A hi zong in Biakna nam tuamtuam te thu ki kantel nop mahmah laitak hi. 1993 k*m AG.T.I ka man ciangin (Free Service) Yangon ah kha guk sung ka om a, ei mite ki khop na ah ka pai kawikawi hi. Full Gospel Assembly (F.G.A ) ah (7)vei bang ka ki khop khit ciangin (worship)sungah ka khut ka lap leh electric dat laih bang in ka khut pan ka khe d**g ah hong om in ka puk suk hi. Tua hun lai in Khasiangtho na sepna ka telloh hang in tu in kha mei tawh hong hal ahih lam ka nung theih hi. Tua a ki pan in Jesuh theih nop mahmah na thu ka lung sungah hong om pah hi. Lungdam na thu John. 1:3 na ka sim teh kei hong bawl pa ahih lam ka thei ta hi. A mah pen kei hong bawlpa, Gumpa leh T**a in 1994 k*m Oct. kha in U Naw Church ah Pasian mai leh mite mai ah tetti ding in tui ka ki phum hi.

M.Y.A kipat khiatna:-
1997 January kha in Malaysia pan i khua ka tung hi. Khua sungah Biakna ki bat loh na leh ngeina zat ki bat lohna hang in ki lem lohna ki mu theih loh na lian mahmah hi. Khangno te nu ngak leh tangval te pawl vai in ki hawhlo, ki khawllo zi leh ta a zong ki neilo ding cih thu pen kei mi piang thak khat ading in lem kasa vat kei hi. Tua thu hang in khangno te khua sung ah hong ki it theih na ding ka lung gulh mahmah hi. Mi khat sep theih hilo ahih manin thu ngen in T**a lam lah na tawh mi kai khawm ding cih hangsanna khat hong om in Pa Son Lian Thang, Sia Hang Khan Pau te kuppih in khangno te pum khat suah nadingin Fellowship ka bawl uh hi. Ka Pu Hang Khan Pau te in ah Speaker tawh khangno te kha khat sung bang ki sam den hi. Nipi ni ki khop khit ciang kha thum sung bang Fellowship na pan in pawl ki dei dan na omlo in khangno ki pawl theihna ding hong om suak hi.

Khangno te na sep:-
Kipawl khawm thei cih tawh khawl lo in khuasung ading na sep khopna hong ki pan to uh hi. Nipi kal khat in zingsang ni nih sung ta khua sung lampi zaisak, puahpha, siangtho sak leh et lawm tak in ki thu tuah na hong lak khia uh hi. Gamsung ah lui sung ah ngasa te zong hoih tak in kep hong ki panpah uh hi. Khua lui ngasa te zong hong tam semsem ahih manin khua dang pan in khangno te phalna omlo a thu khun zuilo te zong tampi man zo uh hi. Fund ngah theih na ding in tha tang tawh milo ah kuan in sum zong khawm uh hi. Ki muh dahna te hong bei toto ta hi. Gamkaang omloh nading in zong lui cingh te in hong hanciam mahmah uh hi. Ki pawlna hong tha hat tohtoh ciangin khua sung pan hita leh khuapua pan in guta, zu kham mi buai sak cih te zong zan khat kol bulh in ki kem hi. Ki pawlna hang in midang te in hong simmawh ngam nawnlo ta hi. Tedim leh khua ki kal ah motor cycle tun zawhna ding zong khangno te lungtup khat ahi hi.
1996 k*m in Pa Zen Suan Pau makai in Hausa teng tawh ka et uh Pu Son Sing lamlui bawl ding pen hoih sa in lampi zong nuam ding hi ci-in hong thei khia uh hi. 2002 k*m April kha in M.Y.A te leh lam van ding a Pu Kham Za Go, Pu Zam Khan Kang leh Pu Suan Khan Thang te in lam taw hong zon sak uh a Pu Son Sing lamka pan in ki pan suk a, April 13-17 ni d**g lam hong suk in M.Y.A mual d**g lam tawh hong tun zo uh hi. La, thak hon zo ding gual zawhna ci-in Guamual pan in thau ki lawn ziahziah a, Sia Ng*ih Khan Nang in niangtui tawh hong dawn a hihman in tawldam in ka lungdam mahmah hi. 2003 April 7-12 kikal sung khangno khempeuh kuan to in Pu Son Sing lamka pan in M.Y.A mual d**g khelam hong tun zota uh hi. Zawhzawh nading hanciam laitak in World Vission te hong lut ding hi cih thu Hausa Pu Tual Do Thang in hong za hi. World Vission te in motor cycle lam pi khua ah na tung sak uh leh huhna sep thaman kong pia thei ding uh hi hong cih ciang in khuazang bup thukim na tawh Pu Son Sing lamka pan khuad**g motor cycle tunsak sak zawh na ding in milip in sep ding cih tawh ki khensat hi. M.Y.A te in huhna zong in An guai ki lei a, A tha hat teng in Pu Son Sing lamka pan ki pan suk, Innlam pan sunsiah pua in na sem thei khempeuh in thalawp tak in na sem khawm ziahziah uh hi. A beisa abiak na vai a ki mu khialh nate a bei in bei ta mawk hi. 2005 Feb. 28 pan in March 30- 2005 d**g hong sep khit ciang in kha khat sung Tedim pan in khua d**g motor cycle tawh ki pai thei ziahziah ta hi. M.Y.A te sial khawi tawh lam hon na leh World Vission Sia te dawnna ki nei hi. World Vission te na sep hong ki panpah a, vok, kel leh ngasa khawi nuam te leh Alu leh Sing cing nuam te sum hong pia hi. World Vission in motor lam tun zawhna ding in Antang ip 800 hong pia in lampi ki to pah hi. 2008 k*m in zusa tam luatna hangin ki zawng mahmah hi. Lam tawh tha lawh in antang kipia a k*m khat sung ki nung ta to hi. Pawl khat ki zuak in mei lak na in ki zang lai hi. T**a in kial sung ading an hong pia hi ci leng ki khial lo ding hi. 2013 k*m in M.Y.A innpi ki lam zo hi.
A tawpna lam ah ka gen nop pen in khat leh khat ki itna lahna ih neih zawh nadingin han ciam ni! Itna in na khempeuh maisak in thahat a lungduai hi. Pawlpi pen na sep hoih, thupha bawl ki dem na in nei leng ki itna hong khang mahmah ding hi. Muh na ki bang lo ahih manin ki tel siam natawh ki maisak na lam ah thahat ki dem tek ni. Ki thutuak na sungah Pasian lungkim a, kial hong tun ding laitak na ngawn in an hong puak hi. Tu laitak in Vongmual khua om nawnlo hi mah leh Vongmual suan khangno te ki pawlna Tedim, Kawl, Malaysia, Singapore, Ohma, U.S.A d**gah ki zomto theilai in khat leh khat ki panpih na leh na sep khawmna ki nei hi. Tedim khangno ki pawlna te in hanciam in khua Magazine hong bawlna ah zong ki pum khatna hong ki lang khia hi. Mai lam ah company khat hong pian zawh na ding in ki pawl khawmna thupi sak tek ni ci-in hong zawn ing. Lungdam T**a'n thupha hong pia ciat ta hen...Amen.

Sia Nang Sian Mung
AGTI, (USA)

Source:
Vongmual Khua Taangthu
pp.229-232

29/04/2026

"Na Nu Khitui Nul Sak In" (Paunak 23:22)
------------------------------------------------

Khat vei lai in khuata mahmah khat ah Nuta khat om hi. Tua nuta te a Pa in a zi nusia in zi dang a neih san ahi hi. Tua nuta te'n bang mah neilo in lokhawh singpuak tawh a nungta ahi hi.
A tapa sang hong kah in Tanli ciang bek hong kah zo hi. Bang hang hiam cih leh akhua uh khua neu khat a hih manin tanli ciang bek om hi. Khuapi sungah a kah saknop hang in sum leh paai nei lo a hih manin Tanli a zawh ciang in sang hong khawl hi.
Naupang nopa sang a khawl ciangin a nu lo kuan na zui den hi. Hun sawt pi khit ciangin a Nu in sum zong dingin sawl a mundang ah a lawm te tawh sum zong ding in hong pai uh hi. A lawmte un lungkham na mel thei lo a hih manin zu dawn i za khawng tep uh hi. A hi zong in naupang pa in bang mah zang lo hi.
Hun sawtpi khit ciang in a lawmte in lawm aw nang zong zu dawnin zatep in ei lawmta hi hang ci in hanthawn a hih manin naupang no in zong zudawn in za hong tep hi. Tua ni a kipan naupang no pa in nisim in zu dawn in a sum tha lawh te zong a Nu pia nawnlo in zudawn na in hong g*i ta hi. A Nu ni sim in lo kuan in a tapa in sun tawh zan tawh zu dawn in khua sungah om den hi. Khat vei nitak khat a lawm te tawh ki tawng in ki liamsuah a hih manin inn ciah zolo in a lawmte pawl khat in a inn ah ciah pih in a lupna tungah sial hi.
A Nu in a tapa liamma te Puan siang tawh nisim in sawpsak den in zatui nuh sakden hi. Nikhat a Nu in a tapa mai, a liamma te a bawl sak laitak in a khitui a tapa maitang ah hong taak keuhkeuh hi. A tapa in a nu kiangah Nu aw bang hangin na khitui luang hiam ci in d**g hi, a Nu in bawi aw nang bang tapa kong neih khak ka lungdam mahmh, bawi aw na Lawmte'n pilna siam na nei hi, a hizong in tua te eng tuan keng nangzong ni khat ni ciang hong kikhel in hong piang thak dg cih ka thunget na hi ci in a tapa khitui luang keuhkeuh sa in hong gen hi.
Tua ciangin a tapa zong ki ip zo nawnlo in a khitui hong luang in a Nu pomto in a Khitui Nul sak hi. A tapa in Nu aw tuni a kipan zu dawn nawn kei ning ka gamtat hoih lo khempeuh nusia taning nang tawh hunnuam zang khawm ni maw Nu ci in khitui luang sa in a numai ah hong genciang in a Nu lungdam mahmh a hih manin a Nuta un kipom in hong kap khia uh hi.
Tua ni a kipan tua te nuta pen mite eng pen leh innkuan nuam pen hong suak uh hi, ni simin biakinn pai in thungen khawm in lungdam tak in T**a min phat uh hi.
Nang zong na Nu khitui a luang sak thei zel na hih leh ki leh kikin na Nu Khitui Nul sak In nu aw ka gamtat khialh nate hong maisak in maw ci in thum in na nu in hong maisak lua dig hi. Na nu in ka tapa bang hun ciang hong kikhel tam maw ci in na ngakngak hi. Nang ki khel le cin na innkuan uh innkuan nuam hong suak ding hi.
Na Nu leh na Pa na zahtak leh Nu leh Pa thupha na ngh ding hi.

A sim mimal kim T**a'n nu leh pa thupha a ngh kim ding in thupha hong pia hen!

Lungdam
Joelmang

Credit # #

09/04/2026

LUNGDAM PIHNA

Vongtui suan Siapi Khup Suan Mang le (Nu Cing Zen Nian) te' tapa Tg. Vum Thuah Thang in Living Bible College, Ayinato: Dimapur, Nagaland, India pan in Master of Divinity (M.Div.) gual zawhna lukhu neelkaai hong ngah ahih manin Vongmual Times pan in Lungdam pihna ih pulaak hi.

T**a Pasian in atapa neeltak leh muibun takin Ama minthang nading in hong zatsak semsem ta hen...Amen.

April 9, 2026 (Thursday)
5:40 PM

25/03/2026

Sailungtang Mawklot Naupangpa Kisikkikna

Naupang khat, buangnai Sailung (Sali a cizong om) tawh a khuasungpan in, gamsung ah kuankhia hi. Gamlak munzang, luipiau lak, gun piauli geeite ah vak kawikawi, paikawikawi hi. Gunpiauligeei a om suangte, a Sailungtang ding in a hoih bekte, khat khit khat tawmtawm in, a thungkuah a dimdek tak ciang d**g tawm hi. Hih Sailungtangte pen a zu, a va, zusa, vasa kapna ding a, a top ahi hi.

Tawlkhat khit ciangin, luisung a om, suangtung khatah tu in, anu puaksak sunan (sunsiahte) ne hi. Nitak lam, ni kaita ahihman in, gamlak pan, a khua a tui, a inn a lo zuan dingin hong ciahta hi. Lampi ah a ciah kawmkawm in, a thung ipsung a om, sailungtate tawh a muh peuhpeuh, khat khit khat ban kapkap thapai hi. Tua bangin hong paipai a, inn hong tung ta hi. A inn sung a, a van koihna ngei, vankhaite ah a thung ip hong khai hi.

Inn a tun khit tawlkhat ciangin, kisil in, kisiansuah a, tuakhit ciangin, nitak an ne hi. Nitak an anek khit ciangin, tuani sun sungteng gamlak ah, gunpiaugeei ah avak sukna, avak tohna hang in, gim hi ding hiven, nitak lup baih ding hong kipan hi. A gim a tawlna hangin zan in ih mupah thei ahihman in, a tawldam hi. Zingsang ni hong suahciangin, a lupna tungah om lai hi. Nisuak, nivang in, a thungip kap kha ahihmanin, a thung ip sungah, a vangtang hieuhiau khat a omlam amu hi. A lupna tungpan, thoto in, a thungkuah sung a et leh, Sailungtang tang nih bekbek ana omlai hi. Tua sailungtangte, aman pha mahmah suangmanpha na hi mawk hi.

Hih Naupangpa in, a khutsung a om, a thungkuah sung a om, sailungtangte a manphatna a telciang in, nakpi in kisik hi. Hih sailungtangte, suangmanpha ahih ding lamtak a theikhol hi leng, kisapna omlo pi in, ka muh ka tuakpeuh, kapkap in, mawk lotlot lo mah ding hi veng maw, ci in, nakpi tak in a kisikna pulak khia ngeungau mawk hi. A kisik hangin, a lotsa, sailungtangte a zonkikna ding a thei tuan nawn ta kei hi. A kisik simloh, a sep theih ding bangmah a nei nawn kei hi.
Eite in tulaitak a, ih neih, ih khutsung a om “Hunte” manpha ih sa hiam? A beisa hun in, ih hun hoih tampi kimanna neilo pi in, ih beisak kha hiam? Na hunhoih tampi in, lenmual hong khupsan khinta na sa hiam? Hih ih gen naupangpa bangin, a beisa hun ki lakkik theilo a, ih zong kik phialzong in, ih mukik zo nawn kei ding hi.

A beisa hun pen, tangthu hita hi. Tulaitak ih neih, ih khut sung a om hunte ih zatsiamna in, mailam ih nuntakna sungah ki lamdanna tampi piangsak ding hi. Ih hun hoih tampi, T**a Pasian a ding ahi zongin, ei mahmah in mailam ah phattuamna, hoihzawkna, khantohzawkna ih ng*ih theihna ding, Naupangpa bangin, ih kisik khak lohna dingin Pasian in hunhoih zatsiamna, zeksiamna, geelsiamna hongpia hen.

Tu ni a ih hunzatzia in, zing le thai, hong paiding ih maban omzia ding, lam hong hilhkholkhol ahi hi hi. Ih hun manphate zatsiam ni. Na khempeuh in hun nei hi. Ih kisikkhak lohna dingin, ih paallai hunte Sianmang a ding, gamlenam a ding, tunlezua, ciinletuai a dingin manneitak in zatsiam ni. Hun ih zahtak leh hun in zong ei hong zahtak ding hi.

Hih ih gen naupangpa, tuni in nang tektek mah zong na hi thei hi.

Ciin Sian Khai
Hamburg, March 19, 2026

Copy
From Ciin Sian Khai FB

21/03/2026

A MAWKNA PI IH HI HI

Pil ki sa, ciim ki sa in taangthu tuan thu ih mal ziahziah hangin, Ih minam itna ih neih kei leh amawk napi ih hi hi.

Nei ki sa, lam ki sa in taihinn pi le motor pi tawh ih ki tun liapluap hangin, Mi zawng daipam te' ih hehpih kei amawk na pi ih hi hi.

Thei kisa, siam ki sa in B.A.,M.A laipi ih ngah deda hangin, ih gam ih lei ih khual kei leh amawk na pi ih hi hi.

Pasian' thu phawk ki sa in, pulpit tung pan ih ki ko lualua hangin, Ama bawlsa mihing te itna ih neih kei leh amawk napi ih hi hi.

Mi' apil asiam te in ami asa te uh kem in adon uh hi. Mi' anei alam te in taangpi taangta te panpih in ahuh uh hi.

Mi' athei asiam te in, agam alei uh khangsak in a puah uh hi.

Mi' Pasian aphawk te in Ama thu piakna zui in a gam ta uh hi.

By: Rev Khup Za Go

Source:
LAMPI HOIH ZAW Laibu khahkhiatna (Malaysia) (Dated 19-3-2026
Rev Kham Khual thugenna pan...)

16/03/2026

LUNGDAM ANGTANG PIHNA

A 23 veina TBCA Khawmpi, KZBC - Kaptel pan in Rev Hau Suan Gin in TBCA GS (2026-2030) dingin teelna hong ngah ahih manin Vongmual Times pan in lungdam angtang na ih pulaak hi.
Vongtui suan Tapidaw te sung pan in Association level ah fulltime pan mun thupi pen angah masa pen hi.

Rev Hau Suan Gin (B.Th., M.Div.) Na sepna te;
- Assistant Pastor, Vongmual Baptist Chuch (2006-2016)
- ZBCM IMC,Nazareth Baptist Church, Vangteh (2010-2012)
- Tedim Baptist Mission - TBCA
- Associate Pastor,Myoma Baptist Church- Tedim (2016- )
- Youth President, TBCA (2015-2018)
- AGS & Accountant - TBCA (2018-2021)
- Vice President - TBCA (2025-2026)
- Auditor - TBCA (2019-2025)
- TBCA khawmpi choir ki demna dingin zong laphuak sak ngei hi.
- Nazareth BC, Vangteh pawlpi Biakinn pi lampih hi.

Hih atung a bangin pan mun tuamtuam nei in pawlpi mite itna leh deihsakna ngah hi.

T**a Pasian in Siapa leh a inn kuan te Ama min thanna dingin thupi tak in hong zatsak ta hen!

17/02/2026

K*M CIN MEETING LE ANKUANG UM KHAWMNA NEI

Vongmual Innkuan - Malaysia in a (16)veina K*m cin meeting leh An kuang um khawmna thupi tak in nei thei cih thu ki za hi.
Hih Meeting hun sungah makai thak ding teelna zong lungkim huai tak in nei thei pah uh hi.

2026 K*M MAKAI THAK TE
1. Pa Pau Dal Khup - President
2. Pa Do Gin Thang - Secretary
3. Pa Pau Theih Lian - Treasurer
4. Pa Thang Khat Tuang - Member
5. Pa Thang Dal Mang - Member
6. Pa Hau Langh Pau - Member

ADVISOR TE
1. Pa Pau Thun Aung
2. Pa Khup Suan Gin
3. Pa Khup Za Cin
4. Pa Thawng Pau
5. Pa Hau Dal

Vongmual Innkuan - Malaysia te thupi thei mahmah uh a, et teh taak mahmah uh hi.
T**a Pasian in thupha hong pia hen la, ih khuapih, ih mipih te ading in na lian tampi asem zo semsem di in lawhcinna le daupaina hong pia ta hen!

17-2-2026
Tuesday

Vongmual Times

03/06/2026

03/06/2026

10/05/2026

04/05/2026

29/04/2026

09/04/2026

25/03/2026

21/03/2026

16/03/2026

17/02/2026

Address

Website

Alerts

Shortcuts

Share

Category