Family Life

17/08/2025

Send a message to learn more

27/07/2025

အိမ်ထောင်ရေး ပြိုကွဲစေနိုင်တဲ့ အဓိက အချက်တွေကတော့ အောက်ပါအတိုင်း ဖြစ်ပါတယ်။

၁။ ဆက်သွယ်ရေး ပြဿနာများ:
* ပွင့်လင်းစွာ ပြောဆိုဆက်ဆံမှု မရှိခြင်း။
* တစ်ဦးကိုတစ်ဦး နားမထောင်ခြင်း။
* အပြန်အလှန် လေးစားမှု မရှိခြင်း။
* အော်ဟစ် ရန်ဖြစ်ခြင်း။

၂။ စိတ်ပိုင်းဆိုင်ရာ ပြဿနာများ:
* စိတ်ဖိစီးမှုနှင့် စိတ်ဓာတ်ကျခြင်း။
* ဒေါသကို မထိန်းချုပ်နိုင်ခြင်း။
* စိတ်ပိုင်းဆိုင်ရာ အလွဲသုံးစားမှုများ။

၃။ငွေရေးကြေးရေး ပြဿနာများ:
* ငွေကြေးစီမံခန့်ခွဲမှု မတူညီခြင်း။
* အကြွေးများလွန်းခြင်း။
* ငွေရေးကြေးရေး ဖောက်ပြန်မှုများ။

၄။ သစ္စာဖောက်ခြင်း:
* အိမ်ထောင်ရေး ဖောက်ပြန်ခြင်း။
* ယုံကြည်မှုပျက်ပြားခြင်း။

၄။ လိင်ပိုင်းဆိုင်ရာ ပြဿနာများ:
* လိင်ပိုင်းဆိုင်ရာ လိုအပ်ချက် မတူညီခြင်း။
* လိင်ပိုင်းဆိုင်ရာ အကြမ်းဖက်မှုများ

၅။ မိသားစုဝင်များနှင့် ပြဿနာများ:
* မိဘများ ဝင်ရောက်စွက်ဖက်ခြင်း။
* ဆွေမျိုးများကြောင့် ပြဿနာဖြစ်ခြင်း။

၆။ အလွဲသုံးစားမှုများ:
* ရုပ်ပိုင်းဆိုင်ရာ အလွဲသုံးစားမှုများ။
* စိတ်ပိုင်းဆိုင်ရာ အလွဲသုံးစားမှုများ။

၇။* တန်ဖိုးထားမှုများ မတူညီခြင်း:
* ဘဝကို ဖြတ်သန်းပုံ မတူညီခြင်း။
* အနာဂတ်အတွက် ရည်မှန်းချက်များ မတူညီခြင်း။

၈။ အချိန်မပေးခြင်း:
* အလုပ်များခြင်းကြောင့် တစ်ဦးကိုတစ်ဦး အချိန်မပေးနိုင်ခြင်း။
* အခြားအရာများအတွက် အချိန်ပေးပြီး အိမ်ထောင်ဖက်ကို မေ့လျော့ခြင်း။

ဒီအချက်တွေဟာ အိမ်ထောင်ရေးကို ပြိုကွဲစေနိုင်တဲ့ အဓိက အကြောင်းအရင်းတွေ ဖြစ်ပါတယ်။ ဒီပြဿနာတွေကို ဖြေရှင်းဖို့အတွက် အိမ်ထောင်ဖက်နှစ်ဦးစလုံးရဲ့ နားလည်မှု၊ သည်းခံမှု၊ ညှိနှိုင်းမှုနဲ့ ပြောင်းလဲလိုစိတ်တွေ လိုအပ်ပါတယ်။ လိုအပ်ပါက အိမ်ထောင်ရေး အတိုင်ပင်ခံများ၏ အကူအညီကို ရယူသင့်ပါသည်။
#ကံကောင်းစာပေမှမေတ္တာဖြင့်မျှဝေသည်

17/07/2025

အိမ်ထောင်မပြုရသေးတဲ့ အမျိုးသမီးလေးတွေ အတွက်ပါတဲ့

07/07/2025

"လင်မယားတွေက ဘာကြောင့်အိမ်ထောင်ရေးကိုငြီးငွေ့လာကြသလဲ?"
အိမ်ထောင်ရေးဆိုတာ လင်နဲ့မယားဟာ ဘယ်ညာ
တစ်စုံလို အရာရာမှာ ဟန်ချက်ညီနေမှ အဆင်ပြေတာဖြစ်ပါ
တယ်။ကျွန်မတို့ ပတ်ဝန်းကျင်က အိမ်ထောင်ရေးတွေကို
ကြည့်လိုက်ရင် လင်နဲ့မယားတစ်ယောက်ယောက်က
ဒီအိမ်ထောင်ရေးအပေါ် ငြီးငွေ့တာ/စိတ်ကုန်လာတာ/မပျော်
ရွှင်ရတဲ့ အိမ်ထောင်ရေးမှာ ကွဲလည်း မကွဲနိုင်နဲ့ နေနေကြတာမျိုး အများကြီးတွေ့နေရပါတယ်။ဘာကြောင့်လဲဆိုရင်
အိမ်ထောင်ကွဲပြီး ကြုံရမဲ့ အခက်အခဲဒုက္ခတွေထက်စာရင်
ဒီအတိုင်း "ပိုနေမြဲကျားနေမြဲ"နေနေတာက သူတို့အတွက်
ပို အဆင်ပြေတယ်လို့ ခံယူထားကြလို့ပါ။
လင်နဲ့မယား တစ်ယောက်ယောက်က ဒီအိမ်ထောင်ရေး
ကို ငြီးငွေ့နေ/စိတ်ကုန်နေရတဲ့ အခြေခံအကြောင်းရင်းတွေ
ကတော့
(၁)သူ ဂရုမစိုက်ဘူးဆိုတဲ့ခံစားမှုကနေဖြစ်လာတဲ့ အချစ်မရှိ
တော့ဘူးလို့ တွေးမိလာခြင်း။
(၂)တစ်မိသားစုလုံးအတွက် တစ်ယောက်တည်း တစ်ဖက်သတ်ကြိုးစားနေရတယ်လို့ ခံစားလာခြင်း။
(၃)စိတ်ပိုင်းဆိုင်ရာအရ ဝေးကွာနေပြီလို့ ထင်လာခြင်း။(တစ်အိမ်တည်းအတူနေပေမဲ့ စိတ်ချင်းဝေးနေတာမျိုး)။
(၄)ဘယ်လောက်ကြိုးစားကြိုးစား အသိအမှတ်ပြုမှု
ပြန်မရခြင်း။
(၅)ပြောလိုက်ရင် စကားများရမယ်ထင်တယ်ဆိုတဲ့စိတ်နဲ့
အရာရာ မြိုသိပ်နေရခြင်း/ဥပေက္ခာပြုရခြင်း။
(၆)အိမ်ထောင်ရေးကို တာဝန်တစ်ခုလို သဘောထားလာခြင်း။
(၇)ငွေကြေးစီမံခန့်ခွဲမှုမရှိဘဲ သူရှာသူသုံး./ကိုယ်ရှာ တစ်
အိမ်လုံး သုံး ဖြစ်နေခြင်း။
(၈)သူ မဟုတ်တဲ့ ဇနီး/ခင်ပွန်းသည်/သားသမီးတွေအားလုံးရဲ့ အပြုအမူနဲ့အကျင့်တွေကို စိတ်တိုင်းမကျခြင်း။ပြောရဆို
ရ ခက်ခဲတယ်လို့ ခံစားလာခြင်း။ စတဲ့ အသေးအဖွဲလို့ထင်
ရတဲ့ အရာလေးတွေ နှလုံးသားထဲမှာ ဆယ်စုနှစ်တစ်ခုစာလောက် စုပုံလာတဲ့အခါ ဒီ အိမ်ထောင်ရေးကို ငြီးငွေ့လာတဲ့
အထိ ထုထည်ကြီးမားလာတတ်ပါတယ်။ဒါကြောင့် အိမ်
ထောင်သည်တွေအနေနဲ့ ဒီလို မပျော်ရွှင်ရတဲ့ အိမ်ထောင်ရေးမှာ ဘဝကို ငြီးငွေ့စွာ မဖြတ်သန်းချင်ဘူး
ဆိုရင်
(၁)လင်နဲ့မယား အချိန်ပေးကြပါ။နေ့တိုင်း အချိန်ယူစကားပြောပါ။တစ်နေ့တာကို ဘယ်သွားမယ်/ဘယ်လာမယ်
မေးမြန်း အသိပေးတာမျိုးလုပ်ပါ။
(၂)အချင်းချင်း ကျေးဇူးတင်တဲ့စိတ်နဲ့ ကျေးဇူးတင်ပါတယ်
လို့ ပြောဖို့ မမေ့ပါနဲ့။(သူမင်းကိုလုပ်ပေးတာ သူ့တာဝန်ပဲ
လို့ မတွေးပါနဲ့။)
(၃)ကိုယ့်အိမ်ထောင်ဖက်ကို စကားချိုချိုနဲ့ဖော်ရွေစွာပြောဆိုဆက်ဆံပေးပါ။(သူစိမ်းတွေအပေါ် ပဲ သုံးရမယ်လို့
သဘောမထားပါနဲ့။)
(၄)သင့်တင့်တဲ့ချစ်ခြင်းကို ပြသပေးကြပါ။(ခံစားမှုနဲ့
ထိအတွေ့)
(၅)မိသားစုထဲမှာ Happy time ပျော်စရာ/ရယ်စရာမောစရာ
အချိန်လေးတွေ ဖန်တီးပေးပါ။
(၆)အမှားလုပ်မိရင် ချက်ချင်းတောင်းပန်ပါ။ ဒီခြောက်ချက် ကို လင်မယားနှစ်ယောက်လုံး လက်တွေ့ကျင့်သုံးမယ်ဆိုရင်
လင်မယားကြားက အချစ်တွေဟာ ကြာလေ/တန်ဖိုးရှိလေ
ရှင်သန်ရတာ အဓိပ္ပာယ်ရှိလေ ဖြစ်လာပါလိမ့်မယ်ရှင်။
(Heart ထိရင် ပြုပြင်ကြပါလို့။)
ညနေမိုး(ကလေး)
-Kalay
Sang
&USA

23/04/2025

လင်ရဖို့ အရေးမကြီးဘူး
ရတဲ့လင် စိတ်ဓာတ်ကောင်းဖို့ပဲ အရေးကြီးတယ်
မကောင်းတဲ့လင် ယူမိရင် ထမင်းလည်းငတ်နိုင်တယ်
အရိုက်လည်း ခံရနိုင်တယ်
လင်ယုတ်ရဲ့ လက်ထဲကနေ ပြန်ရုန်းထွက်ရတာက
တစ်ကိုယ်တည်းရပ်တည်ရတာထက် အဆပေါင်းများစွာ ခက်ခဲတယ်
ငယ်ငယ်ရွယ်ရွယ်နဲ့ အိမ်ထောင်ပြုမယ်ဆို
လင်မကောင်းရင် အချိန်မရွေး ရဲတိုင်
ကွာရှင်း ကိုယ့်ထမင်းကိုယ်စားပြီး ပျော်ပျော်ကြီး
နေနိုင်လောက်အောင် မိသားစုက ပံ့ပိုးနိုင်မှ ယူသင့်တယ်
မဟုတ်ရင် ကိုယ့်ဘာသာ ကောင်းကောင်းရပ်တည်နိုင်ပြီး
ဘာမဆို ရှင်းနိုင်တဲ့ အရွယ်ရောက်မှ ယူကြ
ကွာရှင်းဖို့က လွယ်နေရင်တောင်
ကွာပြီးသားလင်က အမြဲ လာနှောင့်ယှက်နေတာကို
ရဲတိုင်ဖမ်းချုပ်နိုင်လောက်အောင် အင်အားမကြီးရင် ဘာမှမထူးဘူး
အပြင်ပန်းလူကောင်းပုံပေါက်ရင်တောင်
လူမသိအောင် နှိပ်စက်တာ ချုပ်ချယ်တာ နှိမ်ချိုးတာတွေ လုပ်တတ်တဲ့
လူယုတ်မာဗီဇတွေ တစ်နှစ်မပြည့်ခင် ပေါ်လာလို့
ကလေးတစ်ယောက်နဲ့ ရပ်တည်ဖို့ ခက်ခဲကုန်ကြတာ မျက်မြင်တွေ များလှပြီ
မယူသေးဘူးလား မေးတဲ့လူတွေက
အာချောင်ရုံသက်သက်ပဲ လာကူညီမယ့်သူ တစ်ယောက်မှ မပါဘူး
ဦးနှောက်သုံးဖို့ပြောတာ အလကား မဟုတ်ဘူး ညီမလေး
ဒူး နဲ့ မျက်ရည် သုတ်ပြီးမှ နောင်တ မရစေချင်ဘူး
ဒီကနေ့ ကိုယ့်ယောက်ျား
ပိုက်ဆံ ဘယ်လောက်နဲ့
အိမ်ပြန်လာတယ်ဆိုတာကိုပဲ
စိတ် မဝင်စားပါနဲ့ ..
ကိုယ့်ယောက်ျား ဘေးအသီရန်မခပဲ
ကောင်းမွန်စွာ အိမ်ပြန်ရောက်လာ
နိုင်တာကိုလည်း ကျေးဇူးတင်
ဝမ်းသာတတ်ပါစေ..
************
အိမ်ကမိန်းမဟာ အရင်တုန်းကလို
နုနယ် ပျိုမျစ်ခြင်းတွေ မရှိတော့တာကို
အပြစ်မြင် စိတ်မကုန်ပါနဲ့ ..
သူမ ခေတ် သူမ အခါတုန်းက
ယောက်ျားအများရဲ့စိတ်ဝင်စားမှုကို
သင် တစ်ယောက်နဲ့ လဲလှယ်ခဲ့တဲ့
ကျေးဇူးကို မမေ့လိုက်ပါနဲ့ ..
*************
သူများယောက်ျားနဲ့
ကိုယ့်ယောက်ျားကို နှိုင်းယှဉ်ပြီး
အပြစ် မမြင်မိပါစေနဲ့..
မိမိဘုန်းကံရှိသလောက်သာ
စံစားရတတ်တယ်ဆိုတာ
လက်ခံတတ်ပါစေ ..
*************
မိမိအမျိုးသမီးကို အိမ်တွင်းပုန်းစေ
အိမ်အလုပ်တွေ လုပ်ခိုင်းထားပြီး
သူများတွေလို ငွေမရှာတတ်တာ
ခေတ်မမီ မဝင်ဆန့်တော့တာကို
အပြစ်မမြင်မိပါစေနဲ့..
သူမ ရှိနေလို့သာ ဒီအိမ် ဒီမိသားစု
အတိုင်းအတာ တခုထိ
အဆင်ပြေနေတာကိုလည်း
အသိအမှတ်ပြုပေးတတ်ပါစေ..
************
•သင်လည်း သင့်အလုပ်မှာ
ဖိအားတွေ စိတ်ဖိစီးမှုတွေ
အဆင်မပြေမှုတွေရှိနေသလို..
သင့် အိမ်ထောင်ဖက်မှာလည်း
သင် မသိတဲ့ အခက်အခဲတွေ
သင် မတွေးမိတဲ့ စိတ်ဖိစီးမှုလေးတွေ
ရှိနေမယ် ဆိုတာ အပြန်အလှန်
ကိုယ်ချင်းစာ နားလည်တတ်ကြ
မယ်ဆိုရင်..
•သင့်လည်း ပြီးပြီးစုံနေသူ မဟုတ်သလို
မိမိအိမ်ထောင်ဘက်ရဲ့ အပြစ်
အနာအဆာတွေကိုလည်း အပြန်အလှန်
ဖြည့်တွေးပေးတတ်ကြမယ်ဆိုရင်
•အချင်းချင်း
အပြစ်ဖို့နေကြမယ့်အစား
ပြဿနာကို အဖြေရှာ အချင်းချင်း
ဖေးမကူညီတတ်ကြမယ်ဆိုရင်..
************
ကိုယ့်အတိုင်းအတာနဲ့ကိုယ်
အဆင်ပြေနေပျော်တဲ့ မိသားစု
တစ်စုဖြစ်နေမှာပါ ..
# #

Send a message to learn more

07/03/2025

လင်မယား အတူမနေ/မထောက်ပံ့/အဆက်အသွယ်
မလုပ်ပါက နှစ်ဘယ်လောက်ကြာအလိုအလျောက်
ပြတ်ဆဲပါသလဲ ဟူသောအများစုသိချင်သည့်
မေးခွန်းအား........အချက်အလက်အစုံအလင်နှင့်
သိစေရန်ပြန်လည်မျှဝေပေးလိုက်ပါသည်။

လင်ဖြစ်သူ နေအိမ်မှစွန့်ခွာပြီး ၃ နှစ်တိုင်အောင် အဆက်အသွယ် အထောက်အပံ့ မရှိရင်သော်လင်မယား အဆက်အသွယ် အထောက်အပံ့မရှိလဲ တရားဝင် မကွာရှင်းသေးသ၍ လင်မယားအရာ မပျက်ယွင်းပါ။

လင်ဖြစ်သူ နေအိမ်မှစွန့်ခွာပြီး ၃ နှစ်တိုင်အောင် အဆက်အသွယ် အထောက်အပံ့ မရှိရင်သော်၎င်း နောက်အိမ်ထောင် ပြု ရင်သော်၎င်း မယား၏ ကိုယ်စိတ်နှစ်ပါး ဆင်းရဲစေရန် နေ့စဉ်နဲ့အမျှ နှိပ်စက်နေရင်သော်၎င်း မယားအား လက်ရောက်မှု့ တစ်ကြိမ် ကျူးလွန်ယုံမျှဖြင့်၎င်း (မယားမှ တရားရုံးမှာ ကွာရှင်းခွင့် လျှောက်ထားနိုင်ပါသည်)။

ကျိူးကြောင်းဆီလျော်မှု့ မရှိသော အကြောင်းပြချက်နဲ့ မယားသည် နေအိမ်မှစွန့်ခွာကာ ၁ နှစ်တိုင် အဆက်အသွယ်မလုပ် / ပြန်ပေါင်းရန် မကြိုးစားလျင်၎င်း အိမ်ထောင်ရေး ဖောက်ပြန်ရင်သော်၎င်း (လင်ဖြစ်သူဖက်မှ တရားရုံးတွင် ကွာရှင်းခွင့် တောင်းနိုင်ပါသည်)။

လင်မယားအရာမြောက်ဖို့ လက်ထပ်စာချူ ပ်လုပ်ရန်/ မင်္ဂလာဆွမ်းကျွေး/ မင်္ဂလာဆောင်ကျင်းပ စတာတွေမလိုဘဲ ပတ်ဝန်းကျင်မှာ လင်မယားလို အထင်အရှား ပေါင်းသင်းနေထိုင်ယုံနဲ့ တရားဝင် လင်မယားအရာ မြောက်ပါသည်။

ရပ်/ ကျေးရုံး / ရှေ့နေ စသူတို့ရှေ့၌ (ကွာရှင်းခြင်းကတိစာခူ ပ်) မဟုတ်သော စာချူ ပ်လက်မှတ်ရေးထိုး ကွာရှင်းခြင်းသည် ဥပဒေအရ တရားမဝင်သော်လည်း သက်သေအဖြစ် တင်ပြခွင့်ရှိသည်။

သတင်းစာထဲတွင် တဖက်သတ် ကွာရှင်းပြတ်စဲကြောင်း ကြေငြာခြင်းများသည် ကာယကံရှင်နှင့် ၎င်းတို့ ပတ်ဝန်းကျင် သိစေရန်မျှသာဖြစ်ပြီး ဥပဒေအရ တရားမဝင်ပါ။

viber /messanger/ voice record စတာတွေနဲ့ အိမ်ထောင်ရေး ဖောက်ပြန်ကြောင်း သက်သေတွေဟာ သက်သေခံ တင်ပြခွင့်ရှိပေမယ့် ခိုင်မာမှု့ မရှိတဲ့အပြင် တဖက်မှ ချေပဖို့ အခွင့်အလမ်းများစွာ ရှိနေတာကို ဂရုပြုရပါမယ်။ active ဖြစ်တဲ့ video file သာလျင် မိမိဖက်က အသာစီးရနိုင်မယ့် သက်သေဖြစ်သည်။

ကွာရှင်းပြီးသော လင်မယားတို့သည် ပြန်လည်ပေါင်းသင်းပါက လူသိ/ နတ်ကြား ပေါင်းသင်းရမှာဖြစ်ပြီး ဆိတ်ကွယ်ရာ အရပ်များတွင် အလျဉ်းသင့်သလို ဆက်ဆံယုံမျှဖြင့် ယခင်ကွာရှင်းထားသော စာချူ ပ်အား အလိုအလျောက် မပျက်ပြယ်နိုင်ပါ (အချု ပ်အားဖြင့်) မြန်မာ့ထုံးတမ်းအရ မြန်မာ/ ဗုဒ္ဓဘာသာဝင်များသည် လင်မယားကွာရှင်းထြင်း ကိစ္စများ၌စာချူ ပ်/ စာတမ်းမလို ကာယကံရှင် ၂ ဦး၏ လွတ်လပ်သော ဆန္ဒသာအဓိကဟု စီရင်ထုံးများစွာမှာ ဖော်ပြထားသော်လည်း စီရင်ထုံးဆိုသည်ကား ပြဌာန်းဥပဒေ မဟုတ်သည့်အတွက် အငြင်းပွားစရာဖြစ်လာပါက နစ်နာမှု့များစွာ ကြုံ တွေ့ရမှာဖြစ်၏။ တလင်တမယားစနစ် ကျင့်သုံးရေး ဥပဒေဟူသော (ငရဲ ဥပဒေ) တည်မြဲနေစဉ်အတွင်း ကွာရှင်းမည်ဆိုပါက တရားရုံးများတွင်သာ စိတ်အချရဆုံးဖြစ်၏။

လင်မယား အတူမနေ/မထောက်ပံ့/အဆက်အသွယ်မလုပ်ပါက နှစ်ဘယ်လောက်ကြာရင် အလိုအလျောက် ပြတ်ဆဲပါသလဲ ဟူသောအများစု သိချင်သည့် မေးခွန်းအား....
၎င်းလင်မယား ၂ ယောက်ထဲမှတစ်ယောက်ယောက် (တမလွန် ခရီး) နှင်မှသာ အလိုလို ပျက်ဆဲနိုင်ပါသည်။

( လေးစားလျက်)

Credit

01/03/2025

မပြည့်စုံပဲအိမ်ထောင်ပြုလိုက်တဲ့အချိန်ဟာ
လောကဓံကဒုက္ခကို လက်ဖွဲ့လိုက်တဲ့အခါ
လူငယ်တွေသတိထားသင့်တယ်

အိမ်ထောင်ပြုတော့မယ်ဆိုရင်
အနာဂတ်အတွက်ကြိုတင်
ပြင်ဆင်ခြင်းက လိုအပ်တယ်

အချစ်တစ်ခုကိုသာ ဦးစားပေးပြီး
ဘ၀အတွက် ဘာပြင်ဆင်မှု့မှမရှိခဲ့ရင်
တနေ့ သေချာပေါက် မလိုလားအပ်တဲ့
ပြသနာတွေ ဖြစ်လာကြမှာအမှန်ပါ

အိမ်ထောင်ပြုပြီဆိုတာနဲ့
သားသမီးဆိုတာလဲ
မရှိမဖြစ်လိုအပ်လာမှာပဲ
သားသမီးရလာတာနဲ့အမျှ
ငွေကြေးဆိုတာ ဘ၀မှာ
လိုအပ်တယ်ဆိုတာထက်
ပိုလိုအပ်လာပါပြီ

ငွေမရှိတဲ့အခါ တစ်ယောက်ကိုတစ်ယောက်
အရင်ကချစ်တဲ့ အချစ်တွေလည်း
အမုန်းအဖြစ် ပြောင်းလဲဖို့ လွယ်ကူလာမှာပဲ
သံယောဇဉ်တွေဆိုတာလဲ
အရေးမပါတဲ့အရာတစ်ခုလို့
သတ်မှတ်ထားကောင်းထားမယ်

ရန်ပွဲတွေကြားက သားသမီးတွေက
မြေစာပင် အဖြစ်နဲ့ရှင်သန်လာရမှာ
ခင်ဗျားတို့လိုချင်ပါသလား....?

ခင်ဗျားတို့ ရေဆာလာတဲ့အချိန်မှာ
ရေတစ်ခွက်က ခင်ဗျားတို့အတွက်
အရမ်းကို လိုအပ်လာလိမ့်မယ်
ထို့အတူ ကိုယ့်သားသမီးတွေရလာခဲ့ရင်
မိခင်ရဲ့နွေးထွေးခြင်းနဲ့ ဖခင်ရဲ့
ဂရုစိုက်ခြင်းကိုလဲ သားသမီးတိုင်းက
အရမ်းကိုလိုအပ်ကြတယ်

( ဒါပေမယ့် တစ်ချို့တွေမပေးနိုင်ကြဘူး😌 )
ကလေးနို့ဆာအချိန်မှာ နို့မတိုက်နိုင်ပဲ
ငွေနောက် တကောက်ကောက်
လိုက်နေတဲ့မိခင်တွေအများကြီးပါပဲ

ကလေးအိပ်ချိန် တေးသီချင်းတွေနဲ့
မဆိုပြနိုင်ပဲ
ငွေနောက်တကောက်ကောက်လိုက်ရင်း
ပင်ပန်းလို့ လှည့်မကြည့်နိုင်တဲ့
ဖခင်တွေ အများကြီးပါပဲ

အလုပ်တွေအဆင်မပြေလာတဲ့အခါ
ပြသနာတွေက တက်ရအုံးမှာပဲ
မကြာခဏ ဆိုသလို ဖြစ်နေရအုံးမှာ
ပြသနာပေါင်းစုံဆွဲထည့်ရင်း
ငြင်းကြ ခုန်ကြနဲ့ အိမ်ထောင်ရေးဟာ
ထင်သလိုမလွယ်ကူဘူး
သာယာဖို့မလွယ်စမြဲပါပဲ

ဒါဆို ဘယ်မှာလဲ? အရင်ကသိပ်ချစ်တဲ့
တီတီတာတာစကားလေးတွေ....?

ဒါဆို ဘယ်မှာလဲ...?
အရင်က စိတ်ကူးယဉ်ထားတဲ့
ချစ်စရာမိသားစုလေးတွေ...?

ဒါဆို ဘယ်မှာလဲ...?
အရင်မျှော်လင့်ထားတဲ့ပျော်ရွှင်ခြင်းတွေ
ပြည့်နှက်နေတဲ့ အိမ်ကလေး...?

ဘ၀ဆိုတာ ပုံသေကားချပ် မရှိပေမယ့်
တစ်ချို့အရာတွေ အတွက်တော့
ကြိုတင်ပြင်ဆင်ထားခြင်းက
အရမ်းကို လိုအပ်တယ်ဆိုတာ
မှတ်ထားစေချင်တယ်

အဲ့ဒါကြောင့်
အိမ်ထောင်ပြုမယ်လို့ ဆုံးဖြတ်ထားရင်
ပိုက်ဆံကိုအရင်စုပါ
အရာရာ တချို့အတွက်က
ပိုက်ဆံနဲ့၀ယ်လို့မရပေမယ့်
နေရာတိုင်းမှာတော့ သူမပါမပြီး
လိုရာခရီးမရောက်နိုင်တဲ့ဘဝတွေ
အများကြီးရှိတာမို့

ငွေကိုစုရင်း ကိုယ့်ဘ၀ကို
လှပစွာ ထုစစ်နိုင်သူများဖြစ်ကြပါစေ။

အိမ်ထောင်တစ်ခု တည်ဆောက်တဲ့အခါ ရာနှုန်းပြည့် ပျော်ရွှင်တဲ့ ချစ်ခြင်းကိုရဖို့ အချစ်က ၂၅% နားလည်မှု ၂၅%ေ ငွကြေးပြည့်စုံမှုက ၅၀% လိုပါတယ်၊၊

တကယ်ချစ်ဖို့ပဲ လိုတယ် သစ္စာရှိဖို့ပဲ လိုတယ်ဆိုတာတွေက ဟိုးအဝေးကြီးမှာကျန်ခဲ့ပါပြီ ။ အပေါ်မှာပြောခဲ့သလို လူနှစ်ယောက် ပေါင်းစည်းဖို့က အချစ်တစ်ခုတည်းနဲ့ ဘဝကိုအတူ ဖြတ်သန်းဖို့ ဆိုတာ ဟိုးအရင်ကတော့ ရှိရင်ရှိခဲ့ပါလိမ့်မယ်။

အခုခေတ်မှာတော့ မရှိတော့ဘူး။ ငွေတွေဂုဏ်တွေမလိုပါဘူးကိုရယ် ဆိုတာတွေက အချစ်မူးတုန်း အချစ်ရူးတုန်း အချိန်ခဏပါ။ အချစ်မှာ မျက်စိမပါဘူး ။ ဦးနှောက်မှာတော့ မျက်စိပါဖို့လိုတယ်တဲ့ ။

ဒီတော့ မိန်းကလေးဘက်ကလည်း စဉ်းစားပါ ။ ကိုယ်ယူမဲ့ယောက်ျားက ငွေမရှိသော်ငြားလည်း ငွေရှာနိုင်တဲ့ အရည်အချင်းပါရှိဖို့တော့ လိုလိမ့်မယ်။

မျက်စိတစ်ဆုံးကိုတွေး မျက်တောင်တစ်ဆုံးကိုမတွေးနဲ့ ကိုယ်တို့လက်ထပ်ပြီးရင် စက်ရုံတစ်ခုခုမှာ လခစားဘဝနဲ့ လင်မယားနှစ်ယောက် အတူတူကြိုးစားပြီး ဘဝကို ဖြတ်သန်းကြမယ်ဆိုတဲ့ အတွေးအခေါ်က အရမ်းအရမ်းကို မှားပါတယ် ။

ဒီစကားပြောရတာက ဘယ်သူ့ကိုမှ စော်ကားလိုခြင်းမရှိပါဘူး။ ကျွန်တော့်သွေးသားထဲမှာကို လခစား လင်မယားအတွဲတွေ အများကြီးရှိပါတယ်… (ရိုကျိုးသောလေသံဖြင့် ) ဆိုလိုတာက အခုခေတ်ကြီးမှာ မြန်မာပြည်မှာပေါ့ဗျာ။

ဝန်ထမ်းလစာဆိုတာ လကုန်ရင် သားရေကွင်းပဲ ကျန်တဲ့ အခြေအနေ မဟုတ်လား…? ရိုးရိုးဝန်ထမ်းဘဝနဲ့ ဘယ်သူများချမ်းသာတယ် ကြားဖူးသလဲ။ (ရာထူးကြီးကြီးတွေကိုတော့ မဆိုလိုပါဘူး)

ဆိုလိုရင်းက အခုအဓိက အချက်ကို ပြောပြမှာပါ။ ပြည့်စုံပြီးသားသူတွေ အိမ်ထောင်ပြုတာကို အားမကျနဲ့ ကမ္ဘာမှာ ဘိုးဘွားစဉ်ဆက် ချမ်းသာသူ မိဘအမွေနဲ့ ချမ်းသာသူက ၉၅%ရှိပြီး ကိုယ်ပိုင်အရည်အချင်းနဲ့ ချမ်းသာသူက ၅%ပဲရှိပါသတဲ့။

ဒီတော့ ကျွန်တော်တို့က သူများတွေကို အားကျနေဖို့ အချိန်မရှိဘူး။ ၅%သော ချမ်းသာသူစာရင်းဝင်ဖို့ သူများတွေထက် ပိုကြိုးစားကြရလိမ့်မယ်၊ သူများတွေထက်အမျှော်အမြင် ပိုကြီးရမယ်။

သူများတွေထက် ကိစ္စတစ်ခုလုံး ကြည့်တတ်ရမယ် ။ လက်ရှိပစ္စုပ္ပန်နဲ့ အနာဂတ်ကိုပါ လှမ်းမြင်နိုင်စွမ်းရှိရမယ်။ ဒါမှလည်း ကိုယ်ဖြတ်သန်းရတဲ့ဘဝက လှပတေ့ာမှာ မဟုတ်ပါလား ?

ဒီတော့ တွေးလိုက်မိတယ်၊ သူများသားသမီးကိုကိုယ့်ဘဝထဲခေါ်ပြီး နှိပ်စက်ရာများကျနေမလား… မိန်းကလေးဆိုတာကလည်း

တစ်သက်မှာတစ်ခါပဲ မင်္ဂလာအရှိဆုံး အချိန်ဆိုတော့ သူ့အသိုင်းအဝိုင်းကြားမှာ သူ့မိဘဂုဏ်ရှိဖို့ တင့်တောင့်တင့်တယ်လေး မင်္ဂလာပွဲလုပ်ချင်ကြမှာပဲလေ။

ဒါက မိန်းကလေးတိုင်းရဲ့စိတ်ကူးအိပ်မက်ဆိုတာငြင်းပယ်လို့ မရပါဘူး။ ဘဝအာမခံချက် ဘာတစ်ခုမှမရှိပဲ ဘာတွေလုပ်စားကြပြီး ဘယ်လိုတွေခရီး ဆက်ကြမလဲ…?
အနည်းဆုံးတော့ ကိုယ်ပိုင်လုပ်ငန်းလေးရယ် ငွေရှာနိုင်တဲ့ အရည်အချင်းရယ် ဒီနှစ်ခုတော့ ရှိသင့်တယ် မဟုတ်ပါလား…?

စဉ်းစားပါ အိမ်ထောင်ပြုမယ် ကြံတိုင်း နှစ်ဦးနှစ်ဖက်စလုံး စဉ်းစားပါ။ ကလေး ကစားစရာမဟုတ်လို့ လွယ်လွယ်တွေး လွယ်လွယ်ဆုံးဖြတ်ခဲ့ကြရင် အနာဂတ်မှာ ပြဿနာရှိလာနိုင်ပါတယ်

06/02/2025

''ဖခင်တာဝန်ဟာ ငွေကြေးထောက်ပံ့မှုထက် ပိုကျယ်ပြန့်တယ်''

◾ဖခင်တစ်ယောက်ဖြစ်တာဟာ မိန်းမကို ငွေတွေပေးတာ၊ Bill တွေကျေတာနဲ့ပဲ ပြီးတာမဟုတ်ဘူး။
ကိုယ့်မိသားစုအတွက် အမြဲရှိနေဖို့၊ စိတ်ရောကိုယ်ပါ ပါဝင်ဖို့၊ သမာဓိနဲ့ အသက်ရှင်ဖို့လည်း လိုတယ်။ ငွေကြေးထောက်ပံ့မှုက အရေးကြီးပေမယ့် လိမ်လည်မှု၊ သစ္စာဖောက်မှု၊ ယုံကြည်မှုပျက်စီးမှုတွေရဲ့ ဒဏ်ရာကို ငွေနဲ့မဖြေနိုင်ဘူး။

◾သင့်ကလေးတွေဟာ သင့်ကို ငွေထောက်ပံ့သူထက် ပိုလိုအပ်တယ်။ သူတို့အတွက် စံနမူနာထားရန် လိုအပ်တယ်။ သင်ဘယ်လို အပြုအမူတွေ လုပ်သလဲ၊ မိခင်ကို ဘယ်လိုဆက်ဆံသလဲ၊ ကတိစကားတွေကို ဘယ်လိုတာဝန်ယူသလဲဆိုတာ သူတို့ကြည့်နေတယ်။ သင်က သစ္စာမရှိဘူးဆိုရင်၊ "သစ္စာစောင့်သိမှုနဲ့ လေးစားမှုတွေက ရွေးချယ်စရာပဲ"လို့ သူတို့ကို သင်ပေးနေတာနဲ့တူပါတယ်။
ဒါကို သင်ချန်ထားချင်တဲ့ အမွေလား?

◾မိသားစုကို သစ္စာဖောက်တဲ့သူဟာ ဇနီးကိုပဲ သစ္စာဖောက်တာမဟုတ်ဘူး။ ကလေးတွေ ရထိုက်တဲ့ ဘဝတည်ငြိမ်မှု၊ လုံခြုံမှုကိုပါ ဖျက်စီးခဲ့တာပါ။ သစ္စာဖောက်မှုသည် မိသားစု၏ စိတ်ချမ်းသာမှုကို ပြိုလဲစေတယ်။

◾ဘယ်ငွေကြေးမှ ဒီစိတ်ဒဏ်ရာတွေကို မကျက်စေနိုင်ဘူး။ စာရိတ္တမပါတဲ့ ငွေထောက်ပံ့မှုဟာ အိမ်မီးလင်းနေရုံပဲဖြစ်ပြီး၊ မိသားစုစိတ်ဓာတ်ရဲ့ အလင်းကို မှိန်စေတယ်။ စာရိတ္တနှင့် သမာဓိသည် ငွေထက်ပိုတန်ဖိုးရှိတယ်ဆိုတာ သတိရပါ။

◾ဖခင်ကောင်းတစ်ယောက်ဖြစ်ဖို့ ပစ္စည်းဥစ္စာပေးရုံနဲ့ မလုံလောက်ဘူး။ ရိုးသားမှု၊ သစ္စာရှိမှု၊ မေတ္တာတွေကို စံပြနမူနာအဖြစ်ပြသဖို့လိုအပ်တယ်။
သင့်ကလေးတွေ ရပ်တည်နိုင်မယ့် အုတ်မြစ်ကို တည်ဆောက်ပါ။ သစ္စာဖောက်မှုရဲ့ ဝန်ထုပ်အောက် မပြိုကျတဲ့အုတ်မြစ်ကို ခိုင်မာအောင် တည်ဆောက်ပါ။

◾အရေးကြီးတာက မိသားစုကို ထောက်ပံ့ရုံနဲ့ မလုံလောက်ပါဘူး။ ကာကွယ်ပါ။ ဂုဏ်ယူပါ။
သင့်ကလေးတွေ အားကျထိုက်တဲ့ ဖခင်ကောင်းဖြစ်အောင်ကြိုးစားပါ။ အဆုံးမှာတော့ သင့်စရိုက်ဟာ လစာထက်ပိုတန်ပါတယ်ဆိုတာ နားလည်လာလိမ့်မယ်။