16/07/2025
She is Coming Soon for Future
Pre Order Now Available 👍
စာအုပ်အညွှန်း
AI (Artificial Intelligence) ရဲ့ အခြေခံသဘောတရားတွေနဲ့ အလုပ်လုပ်ပုံတွေကို "ဉာဏ်ရည်တုနည်းပညာ (Understanding AI)" စာအုပ်မှာ ရေးသားခဲ့ပြီးဖြစ်ပါတယ်။ အခု ဒုတိယမြောက်စာအုပ်ဖြစ်တဲ့ "AI ဖြင့် ဖန်တီးခြင်း အနုပညာ (AI အသုံးချနည်း လမ်းညွှန်)" ကနေတစ်ဆင့် AI ကို လက်တွေ့ကျကျ ဘယ်လိုအသုံးချရမယ်ဆိုတာကို လေ့လာသွားကြပါမယ်။
AI ဟာ လူသားတွေရဲ့ ပတ်ဝန်းကျင်ကို တစ်စထက်တစ်စ ပြောင်းလဲနေတဲ့ ခေတ်ရေစီးကြောင်းတစ်ခု ဖြစ်ပါတယ်။ စမတ်ဖုန်းထဲက Personal Assistant တွေကနေစလို့ ဆေးဘက်ဆိုင်ရာ ရောဂါရှာဖွေရေး၊ စီးပွားရေး ဆုံးဖြတ်ချက်ချမှတ်ခြင်း တွေအထိ နေရာအနှံ့အပြားမှာ AI ရဲ့ အခန်းကဏ္ဍဟာ ပိုမိုအရေးပါလာပါတယ်။ ဒီလို အရှိန်အဟုန်နဲ့ တိုးတက်လာနေတဲ့ AI ခေတ်မှာ AI ကို နားလည်ရုံသာမကဘဲ လက်တွေ့ကျကျ အသုံးချတတ်ဖို့က အရေးကြီးပါတယ်။
ဒီစာအုပ်ကတော့ AI ကို နေ့စဉ်ဘဝ၊ စီးပွားရေးနဲ့ လုပ်ငန်းခွင်မှာ ဘယ်လို ထိရောက်စွာ အသုံးချပြီး အကျိုးကျေးဇူးတွေ ရယူနိုင်မလဲဆိုတာကို တစ်ဆင့်ချင်းစီ ရှင်းပြပေးသွားမှာပါ။ နည်းပညာပိုင်းဆိုင်ရာ အသိပညာ အများကြီး မရှိသူတွေအတွက် လည်း အလွယ်တကူနားလည်စေရန် ရိုးရှင်းတဲ့ ဥပမာတွေ၊ လက်တွေ့ကျတဲ့ လေ့ကျင့်ခန်းတွေနဲ့ တင်ပြပေးထားပါတယ်။
ဒီစာအုပ်ဟာ —
•လုပ်ငန်းခွင်မှာ AI ကို အသုံးချပြီး လုပ်ငန်းစွမ်းဆောင်ရည် မြှင့်တင်လိုတဲ့ စီးပွားရေးလုပ်ငန်းရှင်တွေနဲ့ ဝန်ထမ်းတွေ၊
•နေ့စဉ်ဘဝကို AI နဲ့ ပိုမိုလွယ်ကူထိရောက်အောင် လုပ်ဆောင်လိုတဲ့ ပုဂ္ဂိုလ်တွေ၊
AI ကို လက်တွေ့အသုံးချဖို့ လမ်းညွှန်ချက်တွေ လိုအပ်နေသူတွေ — အတွက် အကောင်းဆုံး လမ်းညွှန်စာအုပ်တစ်အုပ် ဖြစ်ပါလိမ့်မယ်။
📕📕📕📕📕📕📕📕📕📕📕📕📕
It's Before But Now
အရင်ကတော့..ဒါပေမယ် အခုတော့
#အက္ခရာ (HARUKI)
လူငယ်များဆီသို့ လူငယ်စာရေးဆရာတစ်ယောက်ရဲ့ ၁၇ နှစ်တာအတွင်း ကြုံတွေ့ခဲ့ရတဲ့ ကိုယ်ပိုင်အတွေ့အကြုံ ၁၇ ခု
ဒီစာအုပ်လေးကတော့ လူငယ်တွေအနေနဲ့ သာမန်ပဲတွေး၊ ပြောတိုင်းယုံပြီး ကြုံသမျှအလွယ်နည်းလမ်းမလိုက်သင့်ကြောင်း၊ အကျိုးသင့် အကြောင်းသင့် စဉ်းစားတွေးခေါ်ပြီး ကြိုးစားနေဆဲကာလတွေမှာပတ်ဝန်းကျင်ရဲ့ ဝေဖန်ကဲ့ရဲ့မှုတွေကို မည်သို့ မည်ပုံ တုံ့ပြန်သင့်ကြောင်းကို ဥပမာ၊ သာဓကတွေနဲ့ ဝေဝေဆာဆာ ရေးသားထားပါတယ်။
စိတ်ဓာတ်ခွန်အားပေးရုံသက်သက်မဟုတ်ဘဲ အတွေးဉာဏ်ရင့်သန်လာအောင် လမ်းစဖွင့်ပေး၊ လမ်းပြပေးမယ့် စာအုပ်ကောင်း လေးတစ်အုပ် ဖြစ်ပါတယ်။
❝ *အရင်ကတော့...ဘဝကဖြစ်ချင်တိုင်းဖြစ်ခွင့်မပေး ❞*
လူတိုင်း မှာ ရွေးချယ်စရာ နှစ်ခု ရှိတယ်။
ပြည့်စုံမယ့်အချိန်ကိုစောင့်ပြီး ဘာမှမလုပ်
လုပ်ဖြစ်ပဲနေမလား။ ပြည့်စုံမယ့်အချိန်ဆီ ကိုယ်ကိုယ်
တိုင်သွားမလား ။
ဘဝရဲ့အရသာကိုက ❝ မပြည့်မစုံနဲ့ဘဲ ရှိတဲ့အရာလေးတွေနဲ့ ဖြစ်အောင်လုပ်ရတာ ❞ လို့ ကျွန်တော်ခံယူထားတယ်။ ဘဝကလွယ်ကူနေပြန်ရင်လည်း ဘယ်လို
လုပ်အဓိပ္ပာယ်ရှိပါတော့မလဲလေ...။
ဒီစာအုပ်လေးကို ဖတ်ပြီးသွားရင်တော့ လူငယ်တွေအနေနဲ့ ဘောင်အပြင်ကိုထွက်ပြီး လွတ်လပ်စွာတွေးခေါ် တတ်လာမယ်။ လူငယ်စာရေးဆရာတစ်ယောက်ရဲ့ ၁၇နှစ်တာမှာ ကြုံတွေ့ဖြတ်သန်းခဲ့ရတဲ့ ဘဝအတွေ့အကြုံတွေကိုလည်း သိရှိခံစားမိ လာပါလိမ့်မယ်။
📚📚📚📚📚📚📚📚📚📚📚📚📚📚📚
📕စာအုပ်အမည် - AI ဖြင့်ဖန်တီးခြင်းအနုပညာ
(AI အသုံးချနည်းလမ်းညွှန်)
📝စာရေးသူ - ထားထားစောလွင်
💸တန်ဖိုး - ၂၅၀၀၀
📑စာမျက်နှာ - ၂၀၂
💒ထုတ်ဝေရေး - KHIT Publishing House
🗂️ဖြန့်ချိရေး - ခေတ်စာအုပ်တိုက်
🗃️ထုတ်ဝေသည့်အကြိမ်- ၂၀၂၅ခုနှစ်၊ ဇူလိုင်လ(ပထမအကြိမ်)
🗃️ထွက်ရှိမည့်နေ့ - ၃၀-၇-၂၀၂၅
