The Voice Of Spring

11/08/2025

◼️ဒီပဲယင်းမြို့နယ်အတွင်း ဆည်မြောင်းတွေ ရေစီးရေလာကောင်းမွန်ရေး ပအဖ လုပ်ဆောင်

၁၁ ဩဂုတ် ||| နွေဦးအသံ |||

ဒီပဲယင်းမြို့နယ်အတွင်းရှိ တောင်သူလယ်သမားတွေရဲ့ လယ်ယာလုပ်ငန်းခွင်အတွက် အရေးကြီးတဲ့ ဆည် မြောင်းများ ရေစီးရေလာကောင်းမွန်စေရေးအတွက် ဒီပဲယင်းမြို့ နယ်ပြည်သူ့အုပ်ချုပ်ရေးအဖွဲ့က လုပ်ဆောင်ပေးခဲ့တယ်လို့ ဩဂုတ် ၁၀ ရက်မှာ ထုတ်ပြန်ပါတယ်။

ဒီပဲယင်း ပအဖ ရဲ့ ဆည်မြောင်းဌာန၊ စိုက်ပျိုးရေးဌာနတို့နဲ့ဒေသတွင်း တောင်သူများပူးပေါင်းပြီး ရေလမ်းရှင်း၊ အမှို က်ဆည်ယူခြင်း၊ခြုံနွယ်များရှင်းလင်းခြင်း၊ စက်ယန္တ ရားများအကူအညီ​နဲ့ သဲခုံများ တူးဖော်ခြင်းစတဲ့ လုပ်ငန်းများကိုလုပ်ဆောင်နေတာလို့ အသိပေးထားပါတယ်။

©The Voice of Spring




✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

10/08/2025

◼️တနင်္သာရီမြို့နယ်မှာ စစ်တပ်ထောက်ပို့ယာဉ်တန်းကို တိုက်ခိုက်ရာ စကစ ၅ ဦးသေဆုံးပြီး ၁၀ ဦးထက်မနည်းထိခိုက်ဒဏ်ရာရ

၁၀ ဩဂုတ် ||| နွေဦးအသံ |||

တနင်္သာရီဒေသ၊ တနင်္သာရီမြို့နယ်မှာ လက်နက်၊ ခဲယမ်းရိက္ခာပို့ အကြမ်းဖက်စစ်ကောင်စီ ယာဉ်တန်းကို တော်လှန်ရေးပူးပေါင်းတပ်တွေက ဩဂုတ် ၉ ရက်မှာ စောင့်ကြိုတိုက်ခိုက်ခဲ့ရာ စကစတပ်ဖွဲ့ဝင် ၅ ဦးသေဆုံးပြီး ထောက်ပို့ယာဉ် ၂ စီးပျက်စီးခဲ့တယ်လို့ သိရပါတယ်။

မောတောင်ဒေသကို ပြန်လည်ထိန်းချုပ်နိုင်ဖို့ ထိုးစစ်ဆင်နေတဲ့ စစ်ကောင်စီတပ်တွေထံသို့ လက်နက်ခဲယမ်းရိက္ခာလာပို့နဲ့ စစ်ကောင်စီယာဉ်တန်းကို သီခွန်းကျေးရွာနဲ့ ချောင်းနှစ်ပေါက်ရွာကြားမှာ စောင့်ကြိုတိုက်ခိုက်ခဲ့ရာ စကစတပ်ဖွဲ့ဝင် ၅ ဦးသေဆုံးပြီး ၁၀ ဦးထက်မနည်းထိခိုက်ဒဏ်ရာရတဲ့အပြင် ထောက်ပို့ယာဉ် ၂ စီးပျက်စီးခဲ့တယ်လို့ ဆိုပါတယ်။

တိုက်ခိုက်မှုကို KNLA တပ်ရင်း(၁၁)နဲ့ တော်လှန်ရေးပူးပေါင်းတပ်တွေက စောင့်ကြိုတိုက်ခိုက်ခဲ့တာဖြစ်ပြီး တိမ်းမှောက်ပျက်စီးသွားတဲ့ စကစယာဉ်အတွင်းမှ ပျက်စီးနေတဲ့ ကာမီကာဇေ အသေခံဒရုန်း(၂)စီး အပါအဝင် လက်နက်ငယ်အချို့ကို တွေ့ရှိခဲ့တယ်လို့ KNU မြိတ်-ထားဝယ်ခရိုင်က သတင်းထုတ်ပြန်ထားတာ တွေ့ရပါတယ်။

©The Voice of Spring




✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

10/08/2025

10/08/2025

◼️ခလရ ၁၀၄ မှ စစ်ကောင်စီတပ်သား တဦး KNU ထံ လက်နက်နဲ့ အလင်းဝင်

၁၀ ဩဂုတ် ||| နွေဦးအသံ |||

ကရင်အမျိုးသားအစည်းအရုံး KNU ၊ မြိတ်-ထားဝယ်ခရိုင်အတွင်း အကြမ်းဖက်စစ်ကောင်စီ တပ်သား တဦး လက်နက်ခဲယမ်းတွေနဲ့ အလင်းဝင်ရောက်ခဲ့တယ်လို့ KNU မြိတ်-ထားဝယ်ခရိုင်က ဩဂုတ် ၁၀ ရက်မှာ ထုတ်ပြန်ပါတယ်။

စစ်ကောင်စီရဲ့ ခလရ ၁၀၄ ပွိုင့် ၁၅၀၀ တပ်စခန်းမှ တပ်သား မင်းထက်နိုင်ဟာ KNLA တပ်မဟာ ၄၊ တပ်ရင်း ၁၀ ထံသို့ MA1 တလက်၊ ကျည် ၃၀ တောင့်နဲ့ ကျည်ဘောက် တခုတို့ကို ယူဆောင်ပြီး အလင်းဝင်ရောက်ခဲ့တယ်လို့ သတင်းရရှိပါတယ်။

©The Voice of Spring




✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

10/08/2025

◼️သေနတ် ၂ လက်နဲ့ ခဲယမ်းတွေသိမ်းဆည်းရရှိပြီး စစ်တပ်စစ်ကြောင်းအထိနာသဖြင့် ဆုတ်ခွာထွက်ပြေး

၁၀ ဩဂုတ် ||| နွေဦးအသံ |||

‌တော်လှန်ရေးတပ်ဖွဲ့တွေရဲ့ စိုးမိုးနယ်မြေသို့ ဝင်ရောက်လာတဲ့ အကြမ်းဖက်စစ်ကောင်စီ စစ်ကြောင်းကို တော်လှန်ရေးပူးပေါင်းတပ်တွေက ဩဂုတ် ၈ ရက်မှာ တိုက်ခိုက်ခဲ့ရာ စကစတပ်ဖွဲ့ဝင် ၃ ဦးသေဆုံးပြီး ၁၂ ဦးခန့်ထိခိုက်ဒဏ်ရာရခဲ့တယ်လို့ သိရပါတယ်။

စိုးမိုးနယ်မြေအတွင်းသို့ စစ်ကြောင်းထိုးဝင်ရောက်လာတဲ့ စစ်ကောင်စီတပ်ကို တိုက်ခိုက်ခဲ့ရာ တိုက်ပွဲ ၂ နာရီခန့်ကြာမြင့်ခဲ့ပြီးနောက် စကစတပ်ဖွဲ့ဝင် ၃ ဦးသေဆုံးပြီး လက်နက်ငယ် ၂ လက်နဲ့ ခဲယမ်း၊ စစ်သုံးပစ္စည်းတွေ သိမ်းဆည်းရရှိတဲ့အပြင် ၁၂ ဦးခန့် ထိခိုက်ဒဏ်ရာတွေရပြီး ပြန်လည်ဆုတ်ခွာသွားတယ်လို့ ဆိုပါတယ်။

KNLA တပ်ရင်း(၈)၊ အမှတ်(၂) စစ်ဆင်ရေးနယ်မြေ၊ ပဲခူးတိုင်းစစ်ဌာန၊ ဗျူဟာ(၂၄)၊ နဂါးနီတပ်ရင်း၊ အမှတ်(၃၅၀၃)တပ်ရင်း ပူးပေါင်းတပ်ဖွဲ့တို့က ပူးပေါင်း တိုက်ခိုက်ခဲ့တာဖြစ်တယ်လို့ PDF အမှတ်(၂) စစ်ဆင်ရေးနယ်မြေက သတင်းထုတ်ပြန်ထားတာ တွေ့ရပါတယ်။

©The Voice of Spring




✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

10/08/2025

◼️စစ်ကောင်စီတပ်ဖွဲ့ဝင် အများအပြားဒဏ်ရာရပြီး ပြန်လည်ဆုတ်ခွာသွားဟုဆို

၁၀ ဩဂုတ် ||| နွေဦးအသံ |||

မ‌ကွေးဒေသ၊ ရေနံချောင်းမြို့နယ်သို့ ဝင်ရောက်လာတဲ့ အကြမ်းဖက်စစ်ကောင်စီ စစ်ကြောင်းဟာ ဩဂုတ် ၆ ရက်မှာ ပြည်သူကာကွယ်ရေးတပ်ဖွဲ့တွေ ထောင်ထားတဲ့ မိုင်းထိမှန်ခဲ့တာကြောင့် စကစတပ်ဖွဲ့ဝင် ၃ ဦးသေဆုံးပြီး အများအပြားဒဏ်ရာရခဲ့တယ်လို့ သိရပါတယ်။

အင်အား ၁၀၀ ခန့် စစ်ကောင်စီစစ်ကြောင်းဟာ မနက် ၅ နာရီခန့်မှာ ဂွေးကုန်း၊ ဝက်ချုပ်၊ လမ်းမှတဆင့် ကုန်းအိုင်ကျေးရွာသို့ စစ်ကြောင်းထိုးဝင်ရောက်လာပြီး ကျေးရွာအနီးမရောက်ခင် ထောင်ထားတဲ့မိုင်းထိမှန်ခဲ့တာကြောင့် စကစတပ်ဖွဲ့ဝင် ၃ ဦးသေဆုံးပြီး အများအပြားဒဏ်ရာရခဲ့တယ်လို့ ဆိုပါတယ်။

အဆိုပါစစ်ကြောင်းဟာ ကုန်းအိုင်ကျေးရွာအတွင်းသို့ ဝင်ရောက်မွှေနှောက်ပြီး ညနေ ၇ နာရီခန့်မှာ နေ့ချင်းပြန်လည်ဆုတ်ခွာသွားကြောင်းနဲ့ ကုန်းအိုင်ကျေးရွာဟာ စစ်ကောင်စီအထိုင်ချတပ်စွဲထားတဲ့ ဂွေးကုန်းကျေးရွာနဲ့ ခြေလျင်ခရီး (၁)နာရီခန့်သာကွာဝေးတယ်လို့ ဆိုပါတယ်။

တိုက်ခိုက်မှုကို People's Defence Force -Yenangyaung (YNG-PDF) ၊ Yenanthar Column ၊ Tamar Myay Special Column နဲ့ အင်တောတိုက်နယ် (ပကဖ)တို့က ပူးပေါင်းလုပ်ဆောင်ခဲ့တာဖြစ်တယ်လို့ YNG-PDF က သတင်းထုတ်ပြန်ထားတာ တွေ့ရပါတယ်။

©The Voice of Spring




✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ

10/08/2025

◼️မြိုင်မြို့မှာ စစ်တပ်ကင်းစခန်းကို တိုက်ခိုက်သိမ်းပိုက်ရာ စကစ ၁ ဦးသေဆုံး၊ ၃ ဦးအရှင်မိပြီး သေနတ် ၃ လက်သိမ်းဆည်းရရှိ

၁၀ ဩဂုတ် ||| နွေဦးအသံ |||

မကွေးဒေသ၊ မြိုင်မြို့အနီးရှိ အကြမ်းဖက်စစ်ကောင်စီ ကင်းစခန်းကို တော်လှန်ရေးပူးပေါင်းတပ်တွေက ဩဂုတ် ၁၀ ရက်၊ မနက်ပိုင်းမှာ တိုက်ခိုက်သိမ်းပိုက်ခဲ့ရာ စကစတပ်ဖွဲ့ဝင် ၁ ဦးသေဆုံးပြီး ၃ ဦးအရှင်မိတဲ့အပြင် သေနတ် ၃ လက် သိမ်းဆည်းရရှိခဲ့တယ်လို့ သိရပါတယ်။

မြိုင်မြို့အနီးရှိ အကြမ်းဖက်စစ်တပ်ကင်းစခန်းတခုကို မနက် ၅ နာရီခန့်မှာ တိုက်ခိုက်ခဲ့ရာ စစ်သား ၁ ဦး သေဆုံးပြီး ၃ ဦး အရှင်ဖမ်းမိခဲ့တဲ့အပြင် G3 ၃ လက်နဲ့ 7.62 ကျည် အမြောက်အများ သိမ်းဆည်းရရှိခဲ့တယ်လို့ ဖော်ပြထားပါတယ်။

စခန်းမှာ ကျန်တဲ့စစ်ကောင်စီတပ်ဖွဲ့ဝင်တွေက ထွက်ပြေးသွားပြီး စခန်းကို မနက် ၁၁ နာရီ ၃၀ မိနစ်မှာ အပြီးသတ်သိမ်းနိုင်ခဲ့ကြောင်းနဲ့ တိုက်ပွဲအတွင်း စစ်ကောင်စီဘက်မှ စက်တပ်လေထီးတွေ၊ ဂျက်ဖိုက်တာတွေနဲ့ ဗုံးကြဲ တိုက်ခိုက်မှုတွေ ပြုလုပ်ခဲ့တယ်လို့ ဖော်ပြထားပါတယ်။

အဆိုပါတိုက်ခိုက်မှုကို ပေါက်မြို့နယ် ပြည်သူ့ကာကွယ်ရေးအဖွဲ့ ပေါက် ပကဖ၊ မြိုင် ပကဖ၊ ပေါက်မြို့နယ် မြောက်ပိုင်း ပကဖ အပါအဝင် တော်လှန်ရေးမဟာမိတ်တွေ ပူးပေါင်းတိုက်ခိုက်ခဲ့တာဖြစ်တယ်လို့ ပေါက် ပကဖ က သတင်းထုတ်ပြန်ထားတာ တွေ့ရပါတယ်။

©The Voice of Spring




✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ

10/08/2025

| ကျိုက်ထို နဲ့ ဘီးလင်းမြို့နယ်အကြားမှာ စစ်အုပ်စုယာဉ်တန်းကိုတိုက်ခိုက်မှု စကစ ၈ ဦးသေဆုံးခဲ့တဲ့ မှတ်တမ်း |

၁၀ ဩဂုတ် ||| နွေဦးအသံ |||

◼️ရန်ကုန်-မော်လမြိုင်ကားလမ်း၊ ကျိုက်ထိုနဲ့ ဘီးလင်းမြို့ နယ်အကြား သြဂုတ် ၉ ရက်မှာ စစ်ယာဉ်တန်းကိုတိုက်ခိုက်ခဲ့ရာ စကစ ၈ ဦးသေဆုံးခဲ့ပြီး ၂ ဦး ဒဏ်ရာရခဲ့တယ်လို့ သိရပါတယ်။

©The Voice of Spring




✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

10/08/2025

◼️မိုးကုတ်မှာ စကစ က ဂျက်ဖိုက်တာနဲ့ ဗုံးကြဲတိုက်ခိုက်မှု သာမဏေတပါး နဲ့ ပြည်သူ ၄ ဦးသေဆုံး၊ ၂ ဦးဒဏ်ရာရ

၁၀ ဩဂုတ် ||| နွေဦးအသံ |||

မိုးကုတ်မြို့အရှေ့ပိုင်းရှိ ကျောက်နဂါးဘုန်းကြီးကျောင်းကို စစ်ကောင်စီတပ်က ဩဂုတ် ၉ ရက်မှာ ဂျက်ဖိုက်တာနဲ့ ပေါင် ၅၀၀ ဗုံး ၂ လုံး ကြဲချတိုက်ခိုက်ခဲ့ရာ သာမဏေတပါးနဲ့ ပြည်သူ ၄ ဦးသေဆုံးခဲ့ပြီး ၂ ဦး ဒဏ်ရာရရှိခဲ့တယ်လို့ သိရပါတယ်။

သာမဏေ ၁ပါး၊ ကလေး ၂ ဦး၊ အမျိုးသမီး ၁ ဦးနဲ့ အ မျိုးသား ၁ ဦးသေဆုံးခဲ့ပြီး သံဃာတော် ၁ ပါးနဲ့ အမျိုး သား ၁ ဦးတို့ ထိမှန်ဒဏ်ရာရရှိခဲ့တာဖြစ်ကာ နေအိမ် ၅ လုံးလည်း ဗုံးမှန်ပျက်စီးသွားခဲ့တယ်လို့ TNLA က ထုတ်ပြန်ပါတယ်။

အဲဒီပြင် ညနေပိုင်းအချိန်မှာလည်း သီပေါမြို့၊ ပန်းတိမ်တောင်ရပ်ကွက်အတွင်းကို ပေါင် ၂၅၀ ဗုံး ၃ လုံး စကစ
က ကြဲချတိုက်ခိုက်ခဲ့တာကြောင့် အမျိုးသားတဦးထိခိုက်ဒဏ်ရာရရှိခဲ့ပြီး နေအိမ် ၇ လုံး ထိမှန်ပျက်စီးသွားခဲ့တယ်လို့ ဖေါ်ပြပါတယ်။

စကစ ဟာ မိုးကုတ်မြို့ကို ပြီးခဲ့တဲ့ ဇူလိုင်လမှ ဩဂုတ် ၈ ရက်အထိ လေကြောင်းနဲ့ ၆ ကြိမ် ဗုံးကြဲတိုက် ခိုက်ခဲ့ပြီး ကလေး ၃ ဦး၊ သံဃာတော် ၁ ပါး၊ အမျိုး သမီး ၁ ဦး၊ အ မျိုးသား ၁၆ ဦး သေးဆုံးခဲ့ကြောင်း ၊ ကလေး ၄ ဦး၊ အ မျိုးသမီး ၁၄ ဦးနဲ့ အမျိုးသား ၃၉ ဦးထိခိုက်ဒဏ် ရာရှိကာ နေ အိမ် ၄၈ လုံး၊ ကား ၃ စီးနဲ့ ဆိုင်ကယ် ၃ စီးတိုပျက်စီးခဲ့တယ်လို့ ဖော်ပြချက်မှာ ပါရှိပါတယ်။

ပြည်သူတွေအနေနဲ့ စစ်ကောင်စီရဲ့ ဗုံးကြဲတိုက်ခိုက်မှုများ ရှောင်ရှားနိုင်ဖို့ စစ်ရေးသတိအမြဲရှိဖို့လိုပြီး လေကြောင်းရန် ကာကွယ်နိုင်ရေး လေကြောင်းရန်ကာကွယ်ရေးဆိုင်ရာနည်းလမ်းများ လိုက်နာဆောင်ရွက်ဖို့ လိုအပ်တယ်လ်ု့ အသိပေးထားပါတယ်။

©The Voice of Spring




✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

10/08/2025

◼️ဧရာဝတီ ဗျူဟာ(၂၉)ရဲ့ အခြေခံစစ်ပညာသင်တန်း ဆင်းပွဲ ပြုလုပ်ခဲ့

၁၀ ဩဂုတ် ||| နွေဦးအသံ |||

အမျိုးသားညီညွတ်ရေးအစိုးရ၊ ပြည်သူ့ကာကွယ်ရေးတပ် မတော်၊ အမှတ် (၂) စစ်ဆင်ရေးနယ်မြေ၊ ဧရာဝတီ တိုင်းစစ်ဌာန၊ နည်းဗျူဟာ (၂၉)၊ အပတ်စဉ် (၆) အခြေခံစစ်ပညာသင်တန်းဆင်းပွဲအခမ်းအနားကို ဇွန်လ ၂၉ ရက်မှာ ကျင်းပပြုလုပ်ခဲ့ကြောင်း ဧရာဝတီတိုင်းစစ်ဌာနကထုတ်ပြန်ပါတယ်။

အဲဒီသင်တန်းဆင်းပွဲကို NUG ကာကွယ်ရေးဝန်ကြီးဌာန ပြည်ထောင်စုဝန်ကြီးက သဝဏ်လွှာပေးပို့ခဲ့ပြီး မဟာ မိတ်အဖွဲ့အစည်းအသီးသီး တက်ရောက်ခဲ့ကြတယ်လို့ အသိပေးထားပါတယ်။

©The Voice of Spring




✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

10/08/2025

◼️ကျိုက်ထို နဲ့ ဘီးလင်းမြို့နယ်အကြားမှာ စစ်အုပ်စု ယာဉ်တန်းကိုတိုက်ခိုက်မှု စကစ ၈ ဦးသေဆုံး

၉ ဩဂုတ် ||| နွေဦးအသံ |||

ရန်ကုန်-မော်လမြိုင်ကားလမ်း၊ ကျိုက်ထိုနဲ့ ဘီးလင်းမြို့ နယ်အကြား သြဂုတ် ၉ ရက်မှာ စစ်ယာဉ်တန်းကိုတိုက် ခိုက်ခဲ့ရာ စကစ ၈ ဦးသေဆုံးခဲ့ပြီး ၂ ဦး ဒဏ်ရာရခဲ့တယ်လို့ သိရပါတယ်။

ကျိုက်ထိုနဲ့ ဘီးလင်းမြို့ကြား ဝင်းမတုံကုန်းဆင်းဆီဆိုင် နဲ့ သင်္ချိုင်းကုန်းကြားသို့ မောင်းနှင်လာတဲ့ စစ်အုပ်စုယာဉ်တန်းကို တော်လှန်ရေးတပ်ဖွဲ့ဝင်တွေက တိုက်ခိုက်ခဲ့တာဖြစ်ပြီး အထိနာသွားတဲ့ စကစ တွေဘက်ကပြည်သူတွေနေထိုင်ရာနေရာတွေကို တန်ပြန်ပစ်ခတ်ခဲ့တာကြောင့် ပြည်သူတချို့ ထိခိုက်သေဆုံးမှုရှိခဲ့တယ်လို့ ဆိုပါတယ်။

အဲဒီတိုက်ခိုက်မှုကို ပြည်သူ့ကာကွယ်ရေးတပ်တွေ၊ နဂါးဖြူတပ်ရင်း တပ်ခွဲ-၂ ၊ ၇၈၀၅ တပ်ခွဲ - ၄ အပါအဝင် တော် လှန်ရေးအင်အားစုတွေ ပူးပေါင်းတိုက်ခိုက်ခဲ့တာဖြစ်တယ်လို့ သတင်းရရှိပါတယ်။

©The Voice of Spring




✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

09/08/2025

◼️တောင်သာမြို့နယ်မှာ စစ်ကောင်စီတပ်သား ၁ ဦးကို မြို့နယ် ပကဖ အရှင်ဖမ်းမိ

🔹ဘုတလင်မြို့ပေါ် အထိုင်စခန်းမှ စစ်ကောင်စီတပ်သား ၁ ဦးအလင်းဝင်

၉ ဩဂုတ် ||| နွေဦးအသံ |||

မန္တလေးဒေသ၊ မြင်ခြံခရိုင်၊ တောင်သာမြို့နယ်မှာ အကြမ်းဖက်စစ်ကောင်စီ တပ်ဖွဲ့ဝင် ၁ ဦးကို ‌တောင်သာမြို့နယ် ပြည်သူ့ကာကွယ်ရေးအဖွဲ့က ဩဂုတ် ၈ ရက်မှာ အရှင်ဖမ်းမိခဲ့တယ်လို့ အဆိုပါတပ်ဖွဲ့က ဩဂုတ် ၉ ရက်မှာ ထုတ်ပြန်ပါတယ်။

အကြမ်းဖက်စစ်တပ်ရဲ့ ခမရ ၁၄ (ဝဏ္ဏဌေးစစ်ကြောင်း)မှ တပ်သား ရဲနိုင်ထွန်းကို တောင်သာမြို့နယ်၊ လမ်းပိုင်းတနေရာမှာ အရှင်ဖမ်းမိခဲ့တယ်လို့ ‌တောင်သာ PDF က ဓာတ်ပုံမှတ်တမ်းနဲ့အတူ ထုတ်ပြန်ထားတာပါ။

ဒါ့အပြင် စစ်ကိုင်းဒေသ၊ ဘုတလင်မြို့ပေါ်အထိုင်စခန်းမှ စစ်ကောင်စီတပ်သား ချစ်မိုး ဟာ ဩဂုတ် ၃ ရက်မှာ ဘုတလင်မြို့နယ်‌ ရွေ့လျားစစ်‌ကြောင်း (Budalin Mobile Team - BMT)၊ မုံရွာခရိုင် အမှတ်( ၂ )တပ်ရင်း ရွာဇော်ကြီးတပ်ခွဲ (YZG)နဲ့ ကျောင်းသားလက်ရုံးတပ်တော် (SAF)တို့နဲ့ ချိတ်ဆက်ပြီး အလင်းဝင်ရောက်ခဲ့တယ်လို့ ဆိုပါတယ်။

ပြည်သူ့ရင်ခွင်ကို အချိန်မှီခိုလှုံ အလင်းဝင်ရောက်လာတဲ့ တပ်သား ချစ်မိုးကို ကောင်းမွန်စွာ ထားရှိပြီး စစ်ရာဇဝတ်မှုတွေနဲ့ ပတ်သက်မှုမရှိတာကြောင့် သူ့ရဲ့ ဆန္ဒအတိုင်း လုပ်ဆောင်ပေးနိုင်ဖို့ ကြိုးစားဆောင်ရွက်ပေးနေတယ်လို့ ဖော်ပြထားပါတယ်။

စစ်ကောင်စီတပ်ဖွဲ့ဝင်တွေ အနေနဲ့ စိတ်လုံခြုံမှုအပြည့်အဝနဲ့ လူသားပီသစွာဆက်လက်ရှင်သန်ခွင့်ရရှိရေး တော်လှန်ရေးတပ်ဖွဲ့တွေနဲ့ ချိတ်ဆက်ပြီး အချိန်မီအလင်းဝင်ကြဖို့ကိုလည်း BMT က အသိပေး ဖိတ်ခေါ်ထားတာ ဖြစ်ပါတယ်။

©The Voice of Spring




✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ