13/10/2025
မိဘများ သတိပြုရမယ့် အချက်တခု တွေ့ရပါတယ် ။
ကျမတို့ ကလေးတွေက ကျမတို့ ကိုယ်တိုင် သတိမထားမိခင်မှာပဲ အရွယ်ရောက်နှင့်နေကြပြီ ဆိုတာပါပဲ။
စိတ်ရောကိုယ်ပါ အရွယ်ရောက်ဖို့ သူတို့ ၁၈ နှစ်ထိ စောင့်မနေကြတော့ဘူးဆိုတာပါ။
ဆယ်ကျော်သက်တွေကို ပိုမို အသိပညာပေး နွေးထွေးစွာ စောင့်ကြည့် သင်ကြားပေးဖို့လိုအပ်ပါတယ်။
ဆရာလေး မဖြစ်မနေကိစ္စတခုကူညီပေးဖို့ဖြစ်လာလို့ ကူပေးရတာရှိပါတယိ။
၁၆ နှစ်သားသားလေးတွေက ၁၇ နှစ် သမီးလေးတွေကို ခိုးပြေးလာတယ် ။ ဘောလုံးအတူကန်ဖက် ၁၃ နှစ် သူငယ်ချင်း နှစ်ယောက်ကိုလည်း အဖော်ခေါ်လာတယ်။
ငွေသား တသိန်းရှစ်သောင်းပါတယ်။
တဖွဲ့လုံးမှာ ပါတဲ့ပိုက်ဆံ ၊ ဒီပိုက်ဆံနဲ့ သူတို့ စုပြီးအိမ်ငှါးနေကြမယ် အလုပ်လုပ်ကြမယ် ။ ပျော်ပျော်နေမယ် ၊
သူတို့ဘာသာနေတဲ့အခါ
ဆူတဲ့သူတွေမရှိဘူး ၊ ရိုက်မယ့်သူမရှိဘူး ၊ချစ်တဲ့သူတွေနဲ့ရှိတဲ့အခါ ဘာကမှ မှုစရာမရှိဘူး ဒါဟာ သူတို့သတ်မှတ်တဲ့ သူတို့ရဲ့ နိဗ္ဗာန်ပါပဲ။
၁၇ နှစ်ကောင်မလေးက ထိုင်းကိုအလုပ်သွားလုပ်မှာမို့ ၁၆ နှစ် ကလေးက ရှင်ကွဲ မခွဲနိုင်လို့ ခိုးပြေးရင်းအတူရည်းစားထားဖက်တွေရော ဘောလုံးကန်ဖက်တွေရောပါလာပြီး တအုပ်ကြီးဖြစ်သွားတာ။
မိဘတွေနဲ့အများအမြင်မှာ ကလေးလေးတွေက သူတို့အသိစိတ်မှာတော့ အရွယ်ရောက်နှင့်ကြပြီး ကိုယ်စီဘဝ တွေစီမံနေကြပါပြီ။
ဒီတော့ ကျမတို့ ဆွေးနွေးတဲ့အခါ သူတို့ကိုအတိုက်အခံ မပြုပဲ project plan လိုမျိုးတခု ဆွေးနွေးပါတယ်။
ဟုတ်ပြီ တသိန်း ရှစ်သောင်း အတူစနေကြမယ် အိမ်ငှါးကူရှာပေးမယ်။
အိမ်လခ ၊ သောက်ရေဝယ်ရမယ်၊ ပန်းကန်တွေဝယ်မယ်၊ ချက်စားမယ့်အိုးတွေဝယ်မယ် ၊ အိပ်ယာ ၊ ဒါတွေအားလုံးဆို ဘယ်လောက်ကျနိုင်မယ် နောက်နေ့ဘာစားကြမလည်း ကစ ဆွေးနွေးပါတယ် ၊
တကယ့်လက်တွေ့ဘဝကြီးနဲ့ စားဝတ်နေရေးရုန်းကန်ရမှုတွေဟာ စိတ်ကူးနဲ့တင်ခါးပါတယ်။
ဒီလောက်ငယ်တာဆိုပြီး ရိုက်ဆုံးမရင်လည်း နောက်တခေါက် ပိုကောင်းတဲ့အစီအစဉ်နဲ့ထွက်ပြေးမယ့် သူလေးတွေဖြစ်နိုင်လို့ပါပဲ ။
ရိုက်တာ ဆူတာထက် စကားများများပြော အချိန်ပေး ဆွေးနွေးဖို့လိုလာပါတယ်။
သေချာပါတယ် မျှော်လင့်ချက်ကြီးမားတဲ့ မိဘများအတွက် ဘယ်သားသမီးကမှ စိတ်တိုင်းကျစရာဖြစ်နေမှာမဟုတ်ပါဘူး။
အသက်အမြင့်တွေရော အရပ်အမြင့်တွေရောမတူကြမှတော့ အမြင်တွေလည်း ထပ်တူတော့မကျနိုင်သေးပါဘူး ။
သိပ်ကို လူကြီးဖြစ်ချင်တဲ့သူတို့ကို ရိုက်နှက်ဆုံးမတာမဟုတ်ပဲ လူကြီးအရာထားပြီး ဆွေးနွေးတိုင်ပင်အဖြေရှာကြပါ။
အချိန်ပေးပါ နွေးထွေးပေးပါ မျက်ခြေမပြတ်စောင့်ကြည့်ပေးပါလို့ အကြံပြုလိုပါတယ်။
It is added.👇👇
( #မိဘအသီးသီးထံသေချာလက်ရောက်အပ်နှံပြီးကြောင်းသိရပါသည်။ )
#ရွှေမေတ္တာလူမှုကူညီရေးအသင်း
👇
မိဘ နဲ့ သားသမီး
https://www.facebook.com/share/p/1GZZXKa29E/
မိဘ၏ ကိုယ်ရည်ကိုယ်သွေးနှင့် သားသမီး
https://www.facebook.com/share/p/17QFTKKd1A/
သင့်ကလေးက
https://www.facebook.com/share/p/17DVoa1p3q/
သားသမီးအုပ်ချုပ်ပုံနဲ့ပတ်သက်ပြီး
https://www.facebook.com/share/p/1CDvcwj59Z/
ရွှေမေတ္တာလူမှု့ကူညီရေးအသင်း
credit: :Shwe Lei
Credit to original writer with respect
ပြန်လည်မျှဝေသည်။
